| | ᠬᠦᠯᠦᠨ ᠪᠣᠶᠢᠷ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠲᠡᠭᠡᠳᠦ ᠰᠣᠷᠭᠠᠭᠤᠯᠢ ᠪᠦᠷᠢᠨ | ᠹᠦ᠋ ᠵᠦ᠋ ᠯᠸᠢ ᠷᠦᠸᠧ ᠳ᠋ᠢ ᠴᠠᠨ ᠢᠥᠢ 復株累若鞮单于᠄ 復株累 ᠭᠡᠳᠡᠭ ᠭᠤᠷᠪᠠᠨ | ᠬᠢᠳᠠᠳ ᠦᠰᠦᠭ ᠤᠨ ᠯᠠᠲ᠋ᠢᠨ ᠭᠠᠯᠢᠭ ᠨᠢ fù zhū léi/ lěi/ lèi᠂ ᠣᠳᠣᠬᠢ ᠮᠣᠩᠭᠤᠯ ᠦᠭᠡᠨ ᠳᠤ | ᠪᠠᠭᠤᠯᠭᠠᠪᠠᠯ ᠬᠦᠴᠦᠷᠬᠡᠢ хүчирхий ᠢᠪᠡᠭᠡᠯᠳᠡᠢ ИВЭЭЛТЭЙ︶᠄ ᠡᠨᠡᠬᠦ ᠴᠠᠨ | ᠢᠥᠢ ᠶᠢᠨ ᠵᠢᠩᠬᠢᠨᠢ ᠨᠡᠷᠡ ᠨᠢ 雕陶莫皋 ︵ᠲᠣᠭᠳᠤᠭᠠ ᠪᠣᠬᠠ︶ ᠭᠡᠳᠡᠭ᠂ ᠲᠡᠷᠡ ᠪᠣᠯ ᠾᠦᠩᠨᠦ ᠶᠢᠨ | ᠲᠠᠬᠢᠨ ᠨᠢᠭᠡᠳᠦᠭᠰᠡᠨ ᠴᠠᠭ ᠦᠶᠡ ᠶᠢᠨ ᠬᠤᠶᠠᠳᠣᠭᠠᠷ ᠴᠠᠨ ᠢᠥᠢ ᠪᠣᠯᠣᠨᠠ᠃ ᠲᠡᠭᠦᠨ ᠤ ᠡᠴᠢᠭᠡ ᠨᠢ ᠲᠠᠷᠣᠢ | ᠬᠠᠭ᠋ᠠᠨᠰᠡ ᠴᠠᠨ ᠢᠥᠢ ︵呼韩邪︶ ᠮᠦᠨ᠃ ᠬᠦᠴᠦᠷᠬᠡᠢ ᠢᠪᠡᠬᠡᠯᠳᠡᠢ ᠴᠠᠨ ᠢᠥᠢ ᠶᠢᠨ ᠡᠨᠡᠬᠦ | ᠬᠦᠨᠳᠦᠳᠭᠡᠯ ᠴᠣᠯᠠ ᠨᠢ ᠲᠡᠭᠦᠨ ᠤ ᠰᠠᠭᠤᠷᠢᠨ ᠳᠤ ᠪᠠᠶᠢᠭᠰᠠᠨ ᠴᠠᠭ ᠦᠶᠡ ᠠᠴᠠ ᠢᠷᠡᠯᠳᠡ ᠲᠠᠢ ᠭᠡᠵᠦ | ᠵᠣᠬᠢᠶᠠᠭᠴᠢ ᠦᠵᠡᠵᠦ ᠪᠠᠶᠢᠨᠠ᠃ ᠲᠡᠷᠡ ᠪᠣᠯ ᠡᠴᠢᠭᠡ ᠪᠠᠨ ᠵᠠᠯᠭᠠᠮᠵᠢᠯᠠᠨ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ | 31 ᠣᠨ ᠠᠴᠠ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ 20 ᠣᠨ ᠪᠣᠯᠳᠠᠯᠠ ᠴᠠᠨ ᠢᠥᠢ ᠶᠢᠨ ᠰᠠᠭᠤᠷᠢᠨ ᠳᠤ | ᠪᠠᠶᠢᠵᠠᠢ᠃ ᠲᠡᠭᠦᠨ ᠤ ᠡᠴᠢᠭᠡ ᠬᠠᠭ᠋ᠠᠨᠰᠡ ᠴᠠᠨ ᠢᠥᠢ ᠶᠢ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠾᠦᠩᠨᠦ | ᠲᠦᠷᠦ ᠳᠤ ᠲᠣᠲᠣᠭᠠᠳᠣ ᠶᠢᠨ ᠰᠠᠮᠠᠭᠤᠷᠠᠯ ᠦᠷᠪᠢᠰᠴᠦ᠂ ᠲᠡᠷᠡ ᠦᠪᠡᠷ ᠤᠨ ᠬᠦᠴᠦ ᠪᠠᠷ ᠢᠶᠠᠨ ᠲᠣᠲᠣᠭᠠᠳᠣ ᠶᠢᠨ | ᠰᠠᠮᠠᠭᠤᠷᠠᠯ ᠢᠶᠠᠨ ᠲᠦᠪᠰᠢᠳᠭᠡᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠣᠯᠣᠭᠰᠠᠨ ᠪᠣᠯᠬᠤᠷ᠂ ᠵᠠᠷᠢᠮ ᠶᠡᠭᠡ ᠲᠦᠰᠢᠮᠡᠯ ᠤᠨ ᠢᠶᠠᠨ | ᠢᠳᠬᠠᠯ ᠢᠶᠠᠷ ᠡᠮᠦᠨᠡᠰᠢ ᠬᠠᠨ ᠣᠯᠣᠰ ᠲᠤ ᠪᠠᠭᠤᠵᠣ ᠦᠭᠬᠦ ᠪᠠᠷ ᠨᠦᠬᠦᠴᠡᠯ ᠪᠣᠯᠭᠠᠨ᠂ ᠬᠠᠨ ᠣᠯᠣᠰ ᠠᠴᠠ | ᠲᠣᠰᠠᠯᠠᠮᠵᠢ ᠭᠤᠶᠣᠴᠢᠯᠠᠵᠣ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠵᠡᠪᠰᠡᠭ ᠪᠣᠯᠣᠨ ᠡᠳ᠋ ᠪᠣᠳᠠᠰ ᠤᠨ ᠲᠡᠮᠵᠢᠯᠭᠡ ᠲᠣᠣᠷᠠ | ᠰᠠᠶ᠋ᠢ ᠾᠦᠩᠨᠦ ᠨᠣᠳᠤᠭ ᠲᠠᠭᠠᠨ ᠬᠦᠯ ᠲᠣᠭᠳᠠᠵᠣ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠭᠡᠪᠡᠴᠦ ᠦᠪᠡᠷ ᠤᠨ ᠲᠠᠶᠢᠰᠣᠨ | ᠡᠳᠡᠭᠡᠳ ᠢᠶᠠᠨ ᠪᠠᠰᠠ ᠲᠣᠶᠢᠯᠪᠣᠷᠢᠳᠡᠢ ᠣᠰᠠᠳᠬᠠᠵᠣ ᠴᠢᠳᠠᠭᠰᠠᠨ ᠦᠭᠡᠢ ᠪᠣᠯᠬᠤᠷ᠂ ᠲᠡᠷᠡ ᠲᠠᠶᠢᠰᠣᠨ ᠡᠳᠡᠭᠡᠳ | ᠢᠶᠠᠨ ᠰᠦᠷᠳᠡᠬᠦᠯᠬᠦ ᠡᠭᠦᠳᠡᠨ ᠠᠴᠠ᠂ ᠮᠦᠨ ᠲᠡᠮᠵᠢᠯᠭᠡ ᠬᠠᠩᠭᠠᠭᠰᠠᠨ ᠬᠠᠨ ᠣᠯᠣᠰ ᠲᠤ ᠲᠠᠯᠠᠷᠬᠠᠬᠤ ᠡᠭᠦᠳᠡᠨ ᠠᠴᠠ | ᠦᠪᠡᠷ ᠤᠨ ᠣᠯᠠᠨ ᠬᠦᠪᠡᠭᠦᠳ ᠢᠶᠠᠨ ᠵᠠᠪᠠᠯ ᠬᠠᠨ ᠣᠯᠣᠰ ᠲᠠᠢ ᠡᠪ ᠨᠠᠶᠢᠷᠠᠮᠳᠠᠯ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠳᠡᠢ ᠭᠡᠵᠦ | ᠭᠡᠷᠢᠶᠡᠰᠦᠯᠡᠵᠡᠢ᠃ ᠶᠠᠭ ᠡᠶᠢᠮᠦ ᠠᠴᠠ ᠲᠡᠭᠦᠨ ᠤ ᠵᠠᠯᠭᠠᠮᠵᠢᠯᠠᠭᠴᠢ ᠪᠣᠯᠣᠭᠰᠠᠨ ᠲᠣᠭᠳᠤᠭᠠ ᠪᠣᠬᠠ ᠴᠠᠨ ᠢᠥᠢ ︽ | ᠬᠦᠴᠦᠷᠬᠡᠢ ᠢᠪᠡᠭᠡᠯᠳᠡᠢ︾ ᠴᠠᠨ ᠢᠥᠢ ᠭᠡᠰᠡᠨ ᠬᠦᠨᠳᠦᠳᠭᠡᠯ ᠴᠣᠯᠠ ᠠᠪᠣᠭᠰᠠᠨ ᠠᠴᠠ ᠡᠬᠢᠯᠡᠨ ᠨᠡᠶᠢᠳᠡ ᠵᠢᠷᠭᠤᠭᠠᠨ | ᠴᠠᠨ ᠢᠥᠢ ᠪᠦᠷ ᠡᠶᠢᠮᠦᠷᠬᠦ ×× ᠢᠪᠡᠭᠡᠯᠳᠡᠢ ᠴᠠᠨ ᠢᠥᠢ ᠭᠡᠳᠡᠭ ᠴᠣᠯᠠ ᠶᠢ ᠬᠡᠷᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠲᠡᠣᠬᠡᠨ | ᠦᠨᠡᠨ ᠬᠡᠷᠡᠭ ᠲᠡᠭᠡᠷᠡ᠂ ᠬᠠᠭ᠋ᠠᠨᠰᠡ ᠴᠠᠨ ᠢᠥᠢ ᠶᠢᠨ ᠣᠯᠠᠨ ᠬᠦᠪᠡᠭᠦᠳ ᠣᠴᠢ ᠨᠡᠷ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ | ᠪᠠᠨ ᠴᠠᠨ ᠢᠥᠢ ᠶᠢᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠨ ᠰᠠᠭᠤᠭᠰᠠᠳ ᠦᠨᠡᠬᠡᠷ ᠲᠡᠭᠦᠨ ᠤ ᠭᠡᠷᠢᠶᠡᠰ ᠵᠠᠷᠯᠢᠭ ᠶᠣᠰᠣᠭᠠᠷ | ᠬᠠᠨ ᠣᠯᠣᠰ ᠲᠠᠢ ᠨᠠᠶᠠ ᠭᠠᠷᠣᠢ ᠵᠢᠯ ᠲᠠᠶᠢᠨ ᠲᠠᠵᠢᠨ ᠦᠭᠡᠢ ᠡᠩᠬᠡ ᠲᠠᠶᠢᠪᠣᠩ ᠵᠡᠷᠭᠡᠴᠡᠨ ᠣᠷᠣᠰᠢᠵᠣ ᠪᠠᠶᠢᠵᠠᠢ᠃ | ᠬᠡᠵᠢᠶᠡ ᠬᠤᠶᠢᠨᠠ ᠸᠠᠩ ᠮᠠᠩ ᠠᠴᠠ ᠬᠠᠨ ᠣᠯᠣᠰ ᠤᠨ ᠲᠦᠷᠦ ᠶᠢ ᠡᠵᠡᠷᠬᠡᠵᠦ ᠪᠠᠶᠢᠭᠰᠠᠨ ᠦᠶᠡ ᠳᠡᠭᠡᠨ᠂ ᠲᠡᠷᠡ | ᠬᠠᠨ ᠣᠯᠣᠰ ᠤᠨ ᠲᠦᠷᠦ ᠶᠢ ᠪᠣᠯᠢᠶᠠᠬᠤ ᠵᠡᠷᠯᠢᠭ ᠰᠠᠨᠠᠭᠠ ᠪᠠᠨ ᠪᠡᠶᠡᠯᠡᠬᠦᠯᠬᠦ ᠡᠭᠦᠳᠡᠨ ᠠᠴᠠ ᠡᠯᠴᠢ ᠲᠣᠮᠢᠯᠠᠨ | ᠾᠦᠩᠨᠦ ᠳᠤ ᠡᠴᠢᠭᠦᠯᠦᠨ᠂ ᠭᠠᠵᠠᠷ ᠨᠣᠳᠤᠭ ᠢ ᠨᠢ ᠰᠠᠯᠭᠠᠨ ᠠᠪᠬᠤ ᠪᠠᠷ ᠱᠠᠭᠠᠷᠳᠠᠭᠠᠳ ᠰᠠᠶ᠋ᠢ ᠡᠨᠡᠬᠦ ᠾᠦ᠋ᠩᠨᠦ | ᠪᠣᠯᠣᠨ ᠬᠠᠨ ᠣᠯᠣᠰ ᠤᠨ ᠡᠪ ᠨᠠᠶᠢᠷᠠᠮᠳᠠᠯ ᠡᠴᠦᠰ ᠲᠡᠭᠦᠰᠭᠡᠯ ᠢᠶᠠᠨ ᠦᠵᠡᠵᠡᠢ᠃ 復株累 ᠭᠡᠳᠡᠭ ᠭᠤᠷᠪᠠᠨ | ᠬᠢᠳᠠᠳ ᠦᠰᠦᠭ ᠪᠣᠯ ᠾᠦᠩᠨᠦ — ᠮᠣᠩᠭᠤᠯ ᠬᠡᠯᠡᠨ ᠤ ︽ᠬᠦᠴᠦᠷᠬᠡᠢ︾ ᠶᠢ ᠠᠪᠢᠶᠠᠴᠢᠯᠠᠨ ᠲᠡᠮᠳᠡᠭᠯᠡᠭᠰᠡᠨ | ᠦᠰᠦᠭ ᠪᠣᠯᠣᠨᠠ᠃ ᠬᠦᠴᠦᠷᠬᠡᠢ ᠨᠢ ᠰᠦᠷᠡᠬᠡᠢ᠂ ᠲᠦᠷᠢᠮᠡᠬᠡᠢ ᠵᠡᠷᠭᠡ ᠦᠭᠡᠰ ᠲᠠᠢ ᠣᠳᠬᠠ ᠣᠶᠢᠷᠠᠯᠴᠠᠭᠠ | ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠵᠠᠢ᠃ ᠬᠦᠴᠦᠷᠬᠡᠢ ᠶᠢ ᠣᠳᠣᠬᠢ ᠮᠣᠩᠭᠤᠯ ᠬᠡᠯᠡᠨ ᠳᠤ ᠬᠦᠴᠦᠷᠬᠡᠭ ᠭᠡᠳᠡᠭ᠂ ᠦᠨᠳᠦᠰᠦᠨ | ᠣᠳᠬᠠ ᠪᠠ ᠠᠪᠢᠶᠠ ᠨᠢ ᠲᠡᠮᠡᠢ ᠶᠡᠭᠡ ᠬᠤᠪᠢᠷᠠᠯᠳᠠ ᠦᠭᠡᠢ ︽ᠬᠦᠴᠦᠳᠡᠢ᠂ ᠴᠢᠳᠠᠯᠳᠠᠢ᠂ ᠰᠦᠷ ᠬᠦᠴᠦᠨ ᠶᠡᠭᠡ | ᠲᠠᠢ︾ ᠭᠡᠳᠡᠭ ᠣᠳᠬᠠ ᠣᠣᠯ ᠬᠡᠪ ᠢᠶᠠᠷ ᠢᠶᠠᠨ ᠣᠷᠣᠰᠢᠭᠰᠠᠭᠠᠷ ᠪᠠᠶᠢᠨᠠ᠃ ᠬᠢᠳᠠᠳ ᠬᠡᠯᠡᠨ ᠳᠤ hu ᠶᠢ fu ᠪᠠᠷ | ᠠᠪᠢᠶᠠᠯᠠᠳᠠᠭ ᠦᠵᠡᠭᠳᠡᠯ ᠣᠳᠣ ᠪᠣᠯᠳᠠᠯᠠ ᠬᠢᠳᠠᠳ ᠤᠨ ᠣᠯᠠᠨ ᠨᠣᠳᠤᠭ ᠤᠨ ᠬᠡᠯᠡᠨ ᠳᠤ ᠪᠦᠷ ᠨᠡᠯᠢᠶᠡᠳ ᠳᠦᠭᠡᠮᠡᠯ | ᠲᠣᠬᠢᠶᠠᠯᠳᠣᠬᠤ ᠪᠣᠯᠬᠤᠷ ᠡᠭᠦᠨ ᠢ ᠣᠯᠠᠨ ᠶᠠᠷᠢᠬᠤ ᠦᠭᠡᠢ᠂ ᠬᠠᠷᠢᠨ 若鞮 ᠭᠡᠳᠡᠭ ᠬᠤᠶᠠᠷ ᠦᠰᠦᠭ ᠤᠨ | ᠡᠷᠳᠡᠨ ᠤ ᠠᠪᠢᠶᠠ ᠶᠢ ᠰᠡᠷᠭᠦᠭᠡᠬᠦ ᠨᠢ ᠨᠡᠩ ᠴᠢᠬᠤᠯᠠ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠦᠷᠳᠡᠭ ᠲᠠᠢ ᠭᠡᠵᠦ ᠵᠣᠬᠢᠶᠠᠭᠴᠢ | ᠦᠵᠡᠵᠦ ᠪᠠᠶᠢᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |