| | ᠬᠦᠯᠦᠨ ᠪᠣᠶᠢᠷ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠲᠡᠭᠡᠳᠦ ᠰᠣᠷᠭᠠᠭᠤᠯᠢ ᠪᠦᠷᠢᠨ | ᠯᠠᠣ ᠱᠠᠩ ᠴᠠᠨ ᠢᠥᠢ 老上单于 ︵ᠯᠣᠣᠰ ᠤᠨ ᠴᠠᠨ ᠢᠥᠢ︶᠄ ᠲᠣᠰ ᠴᠠᠨ ᠢᠥᠢ ᠪᠣᠯ ︽ᠰᠣᠳᠣᠷ | ᠲᠡᠮᠳᠡᠭᠯᠡᠯ︾ ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠾᠦᠩᠨᠦ ᠬᠠᠭᠠᠨᠳᠣ ᠲᠦᠷᠦ ᠶᠢᠨ ᠮᠠᠨᠳᠣᠨ ᠲᠡᠭᠵᠢᠷᠡᠵᠦ ᠪᠠᠶᠢᠭᠠ ᠴᠠᠭ ᠦᠶᠡ | ᠶᠢᠨ ᠭᠤᠷᠪᠠᠳᠣᠭᠠᠷ ᠴᠠᠨ ᠢᠥᠢ ᠪᠣᠯᠣᠨᠠ᠃ ᠲᠡᠭᠦᠨ ᠤ ᠨᠡᠷᠡ ᠨᠢ ᠺᠢᠶᠦᠭ 稽粥 ︵ᠭᠦᠶᠦᠭ᠂ ᠲᠣᠰ ᠬᠦᠮᠦᠨ | ᠤ ᠨᠡᠷᠡ ᠦᠭᠡ ᠶᠢ ᠬᠤᠵᠢᠮ ᠤᠨ ᠦᠬᠦᠯᠡᠯ ᠳᠤ ᠬᠦᠨᠵᠡᠭᠡᠶᠢᠷᠡᠨ ᠰᠣᠳᠣᠯᠣᠨᠠ︶ ᠭᠡᠵᠦ᠂ ᠨᠡᠶᠢᠳᠡ ᠶᠢᠨ ᠣᠨ | ᠲᠣᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 174 ᠣᠨ ᠠᠴᠠ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 160 ᠣᠨ ᠪᠣᠯᠳᠠᠯᠠ | ᠠᠷᠪᠠᠨ ᠲᠦᠷᠪᠡᠨ ᠵᠢᠯ ᠴᠠᠨ ᠢᠥᠢ ᠶᠢᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠣ ᠪᠠᠶᠢᠵᠠᠢ᠃ ᠯᠠᠣ ᠱᠠᠩ ᠭᠡᠳᠡᠭ ᠨᠢ ᠲᠡᠭᠦᠨ ᠤ | ᠴᠠᠨ ᠢᠥᠢ ᠶᠢᠨ ︵ᠬᠦᠨᠳᠦᠳᠭᠡᠯ︶ ᠴᠣᠯᠠ ᠪᠣᠯᠣᠨᠠ᠃ ᠵᠠᠷᠢᠮ ᠬᠦᠮᠦᠰ ᠲᠡᠭᠦᠨ ᠤ ᠨᠡᠷᠡ ᠭᠡᠵᠦ ᠠᠨᠳᠣᠭᠤᠷᠠᠭᠰᠠᠨ | ᠨᠢ ᠮᠠᠰᠢ ᠶᠡᠭᠡ ᠲᠠᠱᠢᠶᠠᠷᠠᠯ ᠪᠣᠯᠵᠠᠢ᠃ ᠡᠨᠡᠬᠦ ᠬᠦᠨᠳᠦᠳᠭᠡᠯ ᠴᠣᠯᠠ ᠨᠢ ᠬᠢᠳᠠᠳ ᠲᠦᠷᠦ ᠶᠢᠨ ᠬᠠᠭᠠᠳ ᠢᠶᠠᠨ | ᠦᠬᠦᠭᠰᠡᠨ ᠤ ᠲᠠᠷᠠᠭᠠ ᠨᠡᠬᠡᠵᠦ ᠡᠷᠭᠦᠮᠵᠢᠯᠡᠭᠰᠡᠨ ᠴᠣᠯᠠ ︵谥号︶ ᠲᠠᠢ ᠣᠶᠢᠷᠠᠯᠴᠠᠭᠠ ᠪᠣᠯᠪᠠᠴᠣ ᠦᠨᠳᠦᠰᠦᠨ | ᠵᠦᠷᠢᠶᠡ ᠲᠠᠢ ᠶᠣᠮ᠂ ᠡᠨᠡᠬᠦ ᠬᠦᠨᠳᠦᠳᠭᠡᠯ ᠴᠣᠯᠠ ᠶᠢᠨ ᠲᠣᠬᠠᠢ ᠲᠠᠷᠠᠭᠠ ᠶᠢᠨ ︽ᠾᠦᠩᠨᠦ ᠡᠵᠡᠳ ᠤᠨ | ᠬᠦᠨᠳᠦᠳᠭᠡᠯ ᠴᠣᠯᠠ ᠨᠢ ᠮᠣᠩᠭᠤᠯ ᠦᠭᠡ — ᠾᠦᠩᠨᠦ ᠬᠡᠯᠡᠨ ᠤ ᠬᠠᠷᠢᠶᠠᠯᠠᠯ ᠢ ᠰᠣᠳᠣᠯᠣᠨ ᠮᠠᠭᠠᠳᠯᠠᠬᠤ ᠰᠢᠷᠢᠰ | ᠦᠬᠦᠯᠡᠯ ︵ᠬᠤᠶᠠᠷ︶︾ ᠭᠡᠳᠡᠭ ᠲᠣᠰᠬᠠᠢ ᠰᠡᠳᠦᠪᠳᠦ ᠦᠬᠦᠯᠡᠯ ᠳᠤ ᠦᠬᠦᠯᠡᠬᠦ ᠪᠣᠯᠬᠤᠷ ᠠᠳᠡ ᠲᠦᠷ ᠦᠬᠦᠯᠡᠬᠦ | ᠦᠭᠡᠢ᠃ ᠲᠣᠣᠷᠠ ᠭᠤᠣᠯᠳᠠᠭᠤ ᠯᠠᠣ ᠱᠠᠩ ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠢ ᠶᠠᠭᠠᠬᠢᠵᠣ ᠣᠩᠰᠢᠨ ᠠᠪᠢᠶᠠᠯᠠᠬᠤ ᠲᠣᠬᠠᠢ | ᠶᠠᠷᠢᠨᠠ᠃ | ᠯᠠᠣ ᠱᠠᠩ ︵老上︶ ᠬᠤᠶᠠᠷ ᠦᠰᠦᠭ ᠤᠨ ᠣᠳᠣᠬᠢ ᠠᠪᠢᠶᠠ ᠶᠢ ᠭᠢᠳᠠᠳ ᠦᠰᠦᠭ ᠤᠨ ᠯᠠᠲ᠋ᠢᠨ ᠭᠠᠯᠢᠭ | ᠢᠶᠠᠷ ᠢᠯᠡᠳᠭᠡᠪᠡᠯ lǎo shàng ᠪᠣᠶᠣ lǎo shǎng ᠪᠣᠯᠣᠨᠠ᠃ ᠯᠠᠣ ᠶᠢᠨ ᠡᠷᠳᠡᠨ ᠤ ᠠᠪᠢᠶᠠ ᠨᠢ | lu ᠪᠣᠯᠣᠨᠠ᠂ ᠡᠨᠡ ᠨᠢ ᠣᠳᠣᠬᠢ ᠭᠤᠸᠠᠩᠳᠦ᠋ᠩ ᠬᠡᠯᠡᠨ ᠳᠤ lou5 ᠭᠡᠵᠦ ᠠᠪᠢᠶᠠᠯᠠᠬᠤ ᠲᠠᠢ ᠦᠨᠳᠦᠰᠦᠨ ᠳᠡᠭᠡᠨ | ᠠᠳᠠᠯᠢ ᠪᠠᠶᠢᠨᠠ᠃ ᠺᠧ ᠵᠢᠶᠠ ᠠᠪᠢᠶᠠᠨ ᠤ ᠬᠠᠢ ᠯᠣ᠋ ᠹᠡᠩ ᠰᠠᠯᠪᠣᠷᠢ ᠳᠤ lo3᠂ lo6᠂ lau3 ᠵᠡᠷᠭᠡ ᠪᠠᠷ | ᠠᠪᠢᠶᠠᠯᠠᠵᠣ᠂ ᠲᠠᠶᠢᠸᠠᠨ ᠤ ᠰᠧ ᠰᠢᠶᠠᠨ ᠠᠪᠢᠶᠠᠨ ᠳᠤ lo3᠂ lo5᠂ lau3 ᠵᠡᠷᠭᠡ ᠪᠠᠷ ᠠᠪᠢᠶᠠᠯᠠᠳᠠᠭ ᠠᠵᠠᠢ᠃ | ᠡᠳᠡᠭᠡᠷ ᠠᠪᠢᠶᠠ ᠾᠦᠩᠨᠦ ᠬᠡᠯᠡᠨ ᠤ ᠯᠣᠣ ︵луу︶ ᠭᠡᠵᠦ ᠠᠪᠢᠶᠠᠯᠠᠬᠤ ᠲᠠᠢ ᠪᠦᠷᠢᠮᠦᠰᠦᠨ ᠨᠡᠶᠢᠴᠡᠵᠦ ᠪᠣᠢ᠃ | луу ᠭᠡᠳᠡᠭ ᠨᠢ ᠡᠷᠳᠡᠨ ᠡᠳᠦᠬᠡ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠳᠤ ᠪᠦᠷ ᠬᠢᠳᠠᠳ ᠬᠡᠯᠡᠨ ᠤ 龙 ︵ᠯᠣᠣ︶ ᠲᠠᠢ | ᠢᠵᠢᠯ ᠣᠳᠬᠠ ᠶᠢ ᠢᠯᠡᠳᠭᠡᠳᠡᠭ ᠦᠭᠡ ᠶᠣᠮ᠃ луу ᠪᠣᠯ ᠲᠡᠭᠦᠨ ᠤ ᠳ᠋ᠠᠩ ᠲᠣᠭᠠᠨ ᠤ ᠨᠡᠷᠡ ᠦᠭᠡ ᠶᠢᠨ | ᠬᠡᠯᠪᠡᠷᠢ ᠪᠠᠶᠢᠵᠣ᠂ ᠬᠠᠷᠢᠨ лус ᠪᠣᠯ ᠲᠡᠭᠦᠨ ᠤ ᠣᠯᠠᠨ ᠲᠣᠭᠠᠨ ᠤ ᠨᠡᠷᠡ ᠦᠭᠡ ᠶᠢᠨ ᠬᠡᠯᠪᠡᠷᠢ ᠪᠣᠯᠣᠨᠠ᠃ | ᠲᠠᠷᠠᠭᠠ ᠨᠢ ᠱᠠᠩ ︵上︶ ᠦᠰᠦᠭ ᠤᠨ ᠠᠪᠢᠶᠠ ᠶᠢ ᠦᠵᠡᠶᠡ᠄ ᠴᠦ᠋ ᠼᠢ ᠰᠢᠯᠦᠭᠯᠡᠯ ᠤᠨ ᠵᠢᠥ ᠬᠤᠸᠠᠢ ︵楚辭 | •九懷︶ ᠭᠡᠳᠡᠭ ᠪᠦᠯᠦᠭ ᠲᠤ ᠮᠠᠨ ᠤ ᠠᠳᠡ ᠶᠠᠷᠢᠯᠴᠠᠵᠣ ᠪᠠᠶᠢᠭᠠ ᠱᠠᠩ ᠦᠰᠦᠭ ᠤᠨ ᠠᠪᠢᠶᠠ ᠶᠢ 愼 ︵ | ᠱᠧᠨ︶ ᠭᠡᠵᠦ ᠠᠪᠢᠶᠠᠯᠠᠨᠠ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠠᠢ᠃ ᠱᠧᠨ ᠤ ᠣᠳᠣᠬᠢ ᠯᠠᠲ᠋ᠢᠨ ᠭᠠᠯᠢᠭ ᠤᠨ ᠠᠪᠢᠶᠠ ᠨᠢ | shèn ᠪᠣᠯᠣᠨᠠ᠃ ᠭᠡᠳᠡᠯᠡ ᠸᠠᠩ ᠸᠧᠢ ᠶᠢᠨ ᠲᠠᠯᠠᠢ ᠶᠢ ᠰᠣᠨᠢᠷᠬᠠᠭᠰᠠᠨ ᠰᠢᠯᠦᠭ ︵王微觀海詩︶ | ᠲᠣᠲᠣᠷᠠ ᠮᠦᠨ ᠡᠨᠡ ᠱᠠᠩ ᠦᠰᠦᠭ ᠤᠨ ᠠᠪᠢᠶᠠ ᠶᠢ 矢忍切 ︵ᠱᠢ ᠷᠧᠨ ᠴᠢᠶᠧ︶ ᠭᠡᠵᠦ ᠠᠪᠢᠶᠠᠯᠠᠵᠠᠢ | ᠃ ᠱᠢ ᠷᠧᠨ ᠴᠢᠶᠧ ᠭᠡᠳᠡᠭ ᠨᠢ ᠡᠷᠳᠡᠨ ᠤ ᠬᠢᠳᠠᠳ ᠬᠦᠮᠦᠰ ᠤᠨ ᠬᠢᠳᠠᠳ ᠦᠰᠦᠭ ᠢᠶᠠᠨ ᠵᠦᠪ ᠠᠪᠢᠶᠠᠯᠠᠬᠤ ᠨᠢᠭᠡ | ᠵᠦᠢᠯ ᠤᠨ ᠭᠠᠯᠢᠭ ᠪᠣᠯᠣᠨᠠ᠃ ᠲᠠᠷᠣᠢ ᠲᠣᠰ ᠦᠰᠦᠭ ᠢ 矢 ᠶᠢᠨ ᠡᠬᠢᠨ ᠤ ᠭᠡᠶᠢᠭᠦᠯᠦᠭᠴᠢ ︵sh︶ ᠪᠠ 忍 | ᠤ ᠰᠡᠭᠦᠯ ᠤᠨ ᠡᠭᠡᠰᠢᠭ ︵ěn︶ ᠢᠶᠠᠷ ᠣᠩᠰᠢᠨᠠ ᠭᠡᠰᠡᠨ ᠣᠳᠬᠠ ᠲᠠᠢ ᠦᠭᠡ ᠪᠣᠯᠣᠨᠠ᠃ ᠲᠡᠭᠡᠪᠡᠯ 矢忍切 | ᠶᠢᠨ ᠣᠳᠣᠬᠢ ᠠᠪᠢᠶᠠ ᠨᠢ shěn ᠪᠣᠯᠣᠨᠠ᠃ ᠭᠡᠳᠡᠯᠡ ᠣᠳᠣ ᠦᠶᠡ ᠶᠢᠨ ᠭᠤᠸᠠᠩᠳᠦ᠋ᠩ ᠠᠪᠢᠶᠠᠨ ᠳᠤ | ᠯᠠᠪᠯᠠᠪᠠᠯ᠂ ᠱᠠᠩ ᠦᠰᠦᠭ ᠢ [soeng5] ᠪᠣᠶᠣ [soeng6] ᠭᠡᠵᠦ ᠠᠪᠢᠶᠠᠯᠠᠨ᠂ ᠺᠧ ᠵᠢᠶᠠ ᠠᠪᠢᠶᠠᠨ ᠳᠤ | [song1]᠂ [song3] ᠪᠣᠶᠣ [song4] ᠭᠡᠵᠦ ᠠᠪᠢᠶᠠᠯᠠᠳᠠᠭ ᠶᠣᠮ ᠪᠠᠶᠢᠨᠠ᠃ ᠡᠳᠡᠭᠡᠷ ᠪᠦᠬᠦᠨ ᠢ | ᠬᠤᠷᠢᠶᠠᠩᠭᠤᠶᠢᠯᠠᠭᠠᠳ ᠦᠵᠡᠪᠡᠯ ᠱᠠᠩ ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠ ᠨᠢ ᠣᠶᠢᠷᠠᠯᠴᠠᠭᠠ ᠪᠠᠷ shen᠂ | soen᠂ ᠪᠣᠶᠣ soeng ︵ᠱᠧᠨ᠂ ᠰᠣᠨ᠂ ᠰᠣᠩ︶ ᠪᠣᠯᠬᠤ ᠠᠵᠠᠢ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ ᠪᠠᠷᠠᠭᠤᠨ | ᠬᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠱᠠᠩ ᠦᠰᠦᠭ ᠤᠨ ᠠᠪᠢᠶᠠ ᠨᠢ ᠣᠶᠢᠷᠠᠯᠴᠠᠭᠠ ᠪᠠᠷ soen ᠪᠣᠶᠣ soeng | ᠪᠠᠶᠢᠭᠰᠠᠨ ᠮᠠᠭᠠᠳᠯᠠᠯ ᠲᠠᠢ ᠪᠣᠯᠣᠨᠠ᠃ | ᠲᠡᠭᠡᠷᠡᠬᠢ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠦ ᠯᠠᠣ ᠱᠠᠩ ︵老上︶ ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠤᠨ ᠡᠷᠳᠡᠨ ᠤ | ᠠᠪᠢᠶᠠ ᠶᠢ ᠲᠣᠷᠰᠢᠨ ᠰᠡᠷᠭᠦᠭᠡᠪᠡᠯ᠄ lu soen ᠪᠣᠶᠣ lu song ᠲᠠᠢ ᠣᠶᠢᠷᠠᠯᠴᠠᠭᠠ ᠪᠠᠶᠢᠵᠣ᠂ ᠲᠠᠷᠣᠢ | ᠾᠦᠩᠨᠦ — ᠮᠣᠩᠭᠤᠯ ᠬᠡᠯᠡᠨ ᠤ ︽ᠯᠣᠣᠰ ᠤᠨ︾ ᠭᠡᠳᠡᠭ ᠦᠭᠡ ᠶᠢ ᠯᠣ᠋ ᠰᠣᠩ ︵老上︶ ᠭᠡᠬᠦ ᠬᠤᠶᠠᠷ | ᠬᠢᠳᠠᠳ ᠦᠰᠦᠭ ᠢᠶᠠᠷ ᠠᠪᠢᠶᠠᠴᠢᠯᠠᠨ ᠲᠡᠮᠳᠡᠭᠯᠡᠭᠰᠡᠨ ᠬᠡᠷᠡᠭ ᠭᠡᠵᠦ ᠦᠵᠡᠬᠦ ᠪᠣᠯᠣᠮᠵᠢ ᠭᠠᠷᠣᠨᠠ᠃ ᠲᠠᠷᠣᠢ ᠯᠣᠣᠰ | ᠤᠨ ᠢ ᠯᠣᠣ᠋᠂ ᠰ + ᠤᠨ = ᠰᠣᠨ ᠪᠣᠶᠣ ᠰᠣᠩ ᠪᠣᠯᠭᠠᠨ 老上 ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠢᠶᠠᠷ ᠠᠪᠢᠶᠠᠴᠢᠯᠠᠨ | ᠭᠠᠯᠢᠭᠴᠢᠯᠠᠭᠰᠠᠨ ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ ᠢᠩᠬᠢᠵᠦ ᠶᠠᠷᠢᠬᠤ ᠶᠢᠨ ᠦᠨᠳᠦᠰᠦᠯᠡᠯ ᠭᠡᠪᠡᠯ᠂ ᠮᠣᠩᠭᠤᠯ ᠬᠡᠯᠡᠨ ᠳᠤ | ᠪᠦᠬᠦ ᠭᠡᠶᠢᠭᠦᠯᠦᠭᠴᠢ ᠪᠦᠷ ᠡᠭᠡᠰᠢᠭ ᠢᠶᠠᠨ ᠠᠯᠳᠠᠵᠣ ᠲᠡᠪᠢᠰᠭᠡᠷ ᠦᠰᠦᠭ ᠪᠣᠯᠵᠣ ᠪᠣᠯᠳᠠᠭ ᠪᠠᠶᠢᠬᠤ ᠳᠤ ᠬᠠᠷᠢᠨ | ᠬᠢᠳᠠᠳ ᠦᠰᠦᠭ ᠪᠣᠯ ᠮᠣᠩᠭᠤᠯ ᠦᠰᠦᠭ ᠲᠠᠢ ᠠᠳᠠᠯᠢ ᠦᠭᠡᠢ ᠨᠢ ᠠᠯᠢ ᠡᠷᠳᠡᠨ ᠠᠴᠠ ᠠᠪᠣᠭᠠᠳ ︽ᠰ᠂ ᠷ︾ | ᠬᠤᠶᠠᠷ ᠭᠡᠶᠢᠭᠦᠯᠦᠭᠴᠢ ᠨᠢ ᠲᠡᠪᠢᠰᠭᠡᠷ ︵韵尾︶ ᠪᠣᠯᠵᠣ ᠴᠢᠳᠠᠳᠠᠭ ᠦᠭᠡᠢ ᠶᠢ ᠭᠠᠷᠭᠠᠪᠠᠯ᠂ ᠪᠣᠰᠣᠳ | ᠭᠡᠶᠢᠭᠦᠯᠦᠭᠴᠢ ᠨᠢ ᠬᠠᠷᠢᠨ ᠮᠣᠩᠭᠤᠯ ᠬᠡᠯᠡ ᠲᠠᠢ ᠠᠳᠠᠯᠢᠪᠳᠣᠷ ᠪᠠᠶᠢᠵᠠᠢ᠃ ᠵᠦᠪᠬᠡᠨ ᠠᠳᠠᠯᠢ ᠦᠭᠡᠢ ᠲᠠᠯᠠ ᠭᠡᠪᠡᠯ | ᠬᠢᠳᠠᠳ ᠬᠡᠯᠡᠨ ᠳᠤ ᠡᠨᠡᠬᠦ ᠲᠡᠪᠢᠰᠭᠡᠷ ᠦᠰᠦᠭ ᠢ ᠠᠶᠠᠯᠭᠠ ᠶᠢᠨ ᠰᠡᠬᠦᠯ ︵韵尾᠂ ᠡᠷᠳᠡᠨ ᠤ ᠬᠢᠳᠠᠳ | ᠦᠰᠦᠭ ᠪᠣᠯ ᠨᠢᠭᠡ ᠦᠰᠦᠭ ᠤᠨ ᠣᠩᠰᠢᠯᠭᠠ ᠶᠢ ᠠᠶᠠᠯᠭᠠ ᠶᠢᠨ ᠲᠡᠷᠢᠭᠦᠨ᠂ ᠠᠶᠠᠯᠭᠠ ᠶᠢᠨ ᠪᠡᠶᠡ ᠪᠣᠯᠣᠨ | ᠠᠶᠠᠯᠭᠠ ᠶᠢᠨ ᠰᠡᠭᠦᠯ ᠭᠡᠵᠦ ᠭᠤᠷᠪᠠᠨ ᠬᠡᠰᠡᠭ ᠬᠤᠪᠢᠶᠠᠳᠠᠭ ᠪᠠᠶᠢᠵᠠᠢ︶ ᠭᠡᠵᠦ ᠨᠡᠷᠡᠯᠡᠳᠡᠭ ᠪᠠᠶᠢᠨᠠ᠃ ᠣᠳᠣ ᠦᠶᠡ | ᠶᠢᠨ ᠬᠢᠳᠠᠳ ᠬᠡᠯᠡᠨ ᠳᠤ n ︵ᠨ︶᠂ ng ︵ᠩ︶ ᠬᠤᠶᠠᠷᠬᠠᠨ ᠭᠡᠶᠢᠭᠦᠯᠦᠭᠴᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠠᠶᠠᠯᠭᠠ ᠶᠢᠨ | ᠰᠡᠭᠦᠯ ᠦᠯᠡᠳᠡᠵᠦ᠂ ᠪᠣᠰᠣᠳ ᠨᠢ ᠪᠦᠷ ᠡᠭᠡᠰᠢᠭ ᠢᠶᠠᠷ ᠰᠣᠯᠢᠭᠳᠠᠭᠰᠠᠨ ᠬᠤᠪᠢᠷᠠᠯᠳᠠ ᠶᠢᠨ ᠶᠠᠪᠣᠴᠠ ᠲᠠᠢ ᠠᠵᠠᠢ᠃ | ᠶᠠᠭ ᠡᠶᠢᠮᠦ ᠠᠴᠠ ︽ᠯᠣᠣᠰ ᠤᠨ︾ ᠭᠡᠳᠡᠭ ᠾᠦᠩᠨᠦ ᠦᠭᠡ ᠶᠢ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠬᠢᠳᠠᠳ ᠬᠡᠯᠡᠨ ᠳᠤ | ᠨᠢᠭᠡᠯᠡ ᠬᠢᠳᠠᠳ ᠦᠰᠦᠭ ᠢᠶᠠᠷ ᠠᠪᠢᠶᠠᠴᠢᠯᠠᠨ ᠲᠡᠮᠳᠡᠭᠯᠡᠵᠦ ᠴᠢᠳᠠᠬᠤ ᠦᠰᠦᠭ ᠣᠯᠳᠠᠬᠤ ᠦᠭᠡᠢ ᠪᠣᠯᠬᠤᠷ ᠯᠣᠣᠰ ᠢ | ᠯᠣᠣ᠋᠂ ᠰ ᠬᠤᠶᠠᠷ ᠬᠡᠰᠡᠭ ᠰᠠᠯᠭᠠᠵᠣ ᠠᠪᠢᠶᠠᠯᠠᠨ ᠰ ᠶᠢ ᠲᠡᠭᠦᠨ ᠤ ᠲᠣᠣᠷᠠᠬᠢ ᠤᠨ ᠲᠠᠭᠠᠪᠣᠷᠢ ᠲᠠᠢ ᠵᠠᠯᠭᠠᠨ ᠰᠣᠨ | ᠭᠡᠵᠦ ᠰᠠᠯᠭᠠᠨ ᠠᠪᠢᠶᠠᠯᠠᠭᠰᠠᠨ ᠭᠡᠵᠦ ᠦᠵᠡᠵᠦ ᠪᠣᠯᠣᠨᠠ᠃ ᠡᠶᠢᠮᠦ ᠠᠴᠠ ᠯᠠᠣ ᠱᠠᠩ ᠭᠡᠳᠡᠭ ᠨᠢ ᠯᠣᠣᠰ ᠤᠨ ᠭᠡᠳᠡᠭ | ᠦᠭᠡ ᠪᠣᠯᠣᠨᠠ ᠭᠡᠵᠦ ᠵᠣᠬᠢᠶᠠᠭᠴᠢ ᠦᠵᠡᠵᠡᠢ᠃ ᠯᠣᠣᠰ ᠤᠨ ᠴᠠᠨ ᠢᠥᠢ ᠭᠡᠳᠡᠭ ᠨᠢ ᠯᠣᠣ ᠨᠠᠷ ᠤᠨ ᠴᠠᠨ ᠢᠥᠢ ︵ | 龙单于︶ ᠭᠡᠳᠡᠭ ᠣᠳᠬᠠ ᠪᠦᠬᠦᠢ ᠦᠭᠡ ᠪᠣᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ᠃ | ᠲᠡᠭᠡᠪᠡᠯ ᠾᠦᠩᠨᠦ ᠬᠦᠮᠦᠰ ᠯᠣᠣ ᠰᠢᠳᠦᠳᠡᠭ ᠦᠦ ᠦᠭᠡᠢ ᠦᠦ ᠭᠡᠳᠡᠭ ᠠᠰᠠᠭᠤᠯᠳᠠ ᠭᠠᠷᠴᠣ ᠢᠷᠡᠨᠡ᠃ ᠲᠡᠭᠦᠨ ᠤ | ᠬᠠᠷᠢᠭᠤᠯᠳᠠ ᠨᠢ ᠮᠠᠰᠢ ᠪᠠᠳᠣᠳᠠᠢ᠃ ᠣᠮᠠᠷᠠᠳᠣ ᠸᠧᠢ ᠣᠯᠣᠰ ᠤᠨ ᠶᠡᠭᠡ ᠪᠢᠴᠢᠭᠳᠡᠨ ᠪᠦᠭᠡᠳ ᠡᠷᠬᠡᠳᠡᠨ ᠲᠦᠰᠢᠮᠡᠯ | ᠼᠦᠢ ᠬᠤᠣ ︵?-450 ᠣᠨ ᠢᠶᠠᠷ ᠠᠮᠢᠳᠣᠷᠠᠵᠣ ᠪᠠᠶᠢᠭᠰᠠᠨ ᠬᠦᠮᠦᠨ︶ ᠶᠢᠨ ᠬᠡᠯᠡᠭᠰᠡᠨ ᠨᠢ᠄ ︽ᠬᠤᠴᠣᠳ ︵ | ᠾᠦᠩᠨᠦ ᠶᠢ ᠵᠢᠭᠠᠵᠣ ᠪᠠᠶᠢᠨᠠ︶ ᠡᠷᠳᠡᠨ ᠠᠴᠠ ᠪᠠᠨ ᠠᠪᠣᠭᠠᠳ ᠯᠣᠣ ᠶᠢ ᠰᠢᠳᠦᠳᠡᠭ ᠲᠠᠳᠬᠠᠯ ᠠᠮᠣᠢ︾ ᠭᠡᠵᠡᠢ᠃ | ᠼᠦᠢ ᠬᠤᠣ ᠪᠣᠯ ᠾᠦᠩᠨᠦ ᠶᠢ ᠣᠷᠣᠯᠠᠨ ᠮᠠᠨᠳᠣᠵᠣ ᠭᠠᠷᠣᠭᠰᠠᠨ ᠰᠢᠶᠠᠨᠪᠸᠢ ᠬᠦᠮᠦᠰ ᠤᠨ ᠲᠣᠪᠠ ᠣᠪᠣᠭᠳᠠᠨ ᠤ | ᠪᠠᠶᠢᠭᠤᠯᠣᠭᠰᠠᠨ ᠣᠮᠠᠷᠠᠳᠣ ᠸᠧᠢ ᠣᠯᠣᠰ ᠲᠤ ᠠᠯᠪᠠ ᠬᠠᠭᠠᠵᠣ ᠪᠠᠶᠢᠭᠰᠠᠨ ᠬᠦᠮᠦᠨ ᠪᠣᠯᠬᠤᠷ ᠲᠡᠭᠦᠨ ᠤ ᠬᠡᠯᠡᠭᠰᠡᠨ ︽ | ᠬᠤᠴᠣᠳ ᠡᠷᠳᠡᠨ ᠠᠴᠠ ᠠᠪᠣᠭᠠᠳ ᠯᠣᠣ ᠶᠢ ᠰᠢᠳᠦᠳᠡᠭ ᠲᠠᠳᠬᠠᠯ ᠠᠮᠣᠢ︾ ᠭᠡᠳᠡᠭ ᠨᠢ ᠣᠷᠣ ᠦᠭᠡᠢ ᠦᠭᠡ ᠪᠢᠰᠢ | ᠶᠣᠮ᠃ ᠶᠠᠭ ᠡᠶᠢᠮᠦ ᠠᠴᠠ ᠪᠠᠰᠠ ᠨᠢᠭᠡᠨ ᠬᠠᠵᠠᠭᠤ ᠶᠢᠨ ᠭᠡᠷᠡᠴᠢ ᠭᠡᠪᠡᠯ᠂ ᠾᠦᠩᠨᠦᠴᠦᠳ ᠴᠠᠨ ᠢᠥᠢ ᠨᠡᠷ ᠤᠨ | ᠦᠷᠭᠦᠬᠡ ᠪᠠᠨ ᠯᠣᠣ ᠶᠢᠨ ᠣᠷᠳᠣᠨ ︵龙庭︶ ᠭᠡᠵᠦ᠂ ᠬᠠᠭᠠᠨ ᠦᠷᠭᠦᠭᠡ ᠪᠠᠭᠤᠭᠰᠠᠨ ᠭᠠᠵᠠᠷ ᠢᠶᠠᠨ ᠯᠣᠣ | ᠶᠢᠨ ᠬᠤᠳᠠ ︵龙城︶ ᠭᠡᠵᠦ ᠨᠡᠷᠡᠯᠡᠳᠡᠭ ᠵᠣᠷᠰᠢᠯ ᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ᠂ ᠡᠨᠡᠬᠦ ᠦᠭᠡ ᠰᠠᠶ᠋ᠢ ᠬᠢᠳᠠᠳ | ᠲᠡᠣᠬᠡᠨ ᠨᠣᠮ ᠰᠣᠳᠣᠷ ᠲᠤ ᠦᠷᠭᠡᠨ ᠢᠶᠠᠷ ᠦᠯᠡᠳᠡᠭᠳᠡᠵᠦ ᠴᠢᠳᠠᠵᠠᠢ᠂ ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠠᠷᠪᠠᠨ | ᠭᠤᠷᠪᠠᠳᠣᠭᠠᠷ ᠵᠠᠭᠤᠨ ᠤ ᠴᠢᠩᠭᠢᠰ ᠬᠠᠭᠠᠨ ᠤ ᠦᠶᠡ ᠳᠤ ᠬᠦᠷᠳᠡᠯᠡ ᠵᠠᠷᠢᠮ ᠬᠢᠳᠠᠳ ᠪᠢᠴᠢᠭᠳᠡᠨ᠂ ᠵᠢᠱᠢᠶᠡᠯᠡᠪᠡᠯ | ᠴᠢᠥ ᠴᠦ᠋ ᠵᠢᠢ ᠵᠡᠷᠭᠡ ᠶᠢᠨ ᠬᠦᠮᠦᠰ᠂ ᠮᠦᠨ ︽ᠯᠣᠣ ᠶᠢᠨ ᠬᠤᠳᠠ᠂ ᠯᠣᠣ ᠶᠢᠨ ᠦᠷᠭᠦᠬᠡ︾ ᠭᠡᠳᠡᠭ ᠦᠭᠡ ᠪᠠᠷ | ᠴᠢᠩᠬᠢᠰ ᠬᠠᠭᠠᠨ ᠤ ᠨᠡᠭᠦᠳᠡᠯ ᠣᠷᠳᠣᠨ ᠢ ᠬᠦᠨᠳᠦᠳᠭᠡᠨ ᠨᠡᠷᠡᠯᠡᠳᠡᠭ ᠪᠠᠶᠢᠭᠰᠠᠨ ᠶᠣᠮ᠃ ᠨᠦᠬᠦᠭᠡ ᠲᠠᠯᠠ ᠪᠠᠷ | ᠣᠳᠣᠬᠢ ᠮᠣᠩᠭᠤᠯ ᠣᠯᠣᠰ ᠤᠨ ᠵᠠᠷᠢᠮ ᠨᠣᠳᠤᠭ ᠲᠤ ᠯᠣᠣ ᠨᠡᠷᠡ ᠲᠠᠢ ᠡᠷᠳᠡᠨ ᠤ ᠭᠠᠵᠠᠷ ᠤᠨ ᠨᠡᠷᠡ ᠪᠠᠰᠠ ᠴᠦᠬᠡᠨ | ᠪᠣᠰᠣ ᠦᠯᠡᠳᠡᠭᠰᠡᠭᠡᠷ ᠪᠠᠶᠢᠭᠠ ᠶᠣᠮ᠃ ᠵᠢᠱᠢᠶᠡᠯᠡᠪᠡᠯ ᠠᠷᠣ ᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠬᠠᠰᠢᠶᠠᠳᠣ ᠰᠣᠮᠣ ᠶᠢᠨ ᠬᠢᠯᠢ | ᠲᠣᠲᠣᠷᠠ ᠯᠣᠣ ᠶᠢᠨ ᠬᠠᠶᠢᠷᠬᠠᠨ ︵ᠬᠢᠳᠠᠳ ᠦᠭᠡᠨ ᠤ 龙山 ᠲᠠᠢ ᠲᠡᠩᠴᠡᠨᠡ︶ ᠭᠡᠳᠡᠭ ᠨᠡᠷᠡ ᠲᠠᠢ ᠠᠭᠤᠯᠠ | ᠪᠠᠶᠢᠭᠰᠠᠭᠠᠷ ᠪᠢᠯᠡ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |