| | ᠲᠠᠩ ᠤᠯᠤᠰ ᠤᠨ ᠦᠽᠦᠩ ᠬᠠᠭᠠᠨ ᠪᠤᠷᠬᠠᠨ ᠱᠠᠰᠢᠨ ᠢ ᠤᠰᠠᠳᠬᠠᠭᠰᠠᠨ ᠠᠴᠠ ᠠᠪᠤᠭᠠᠳ ᠮᠣᠩᠭᠤᠯᠴᠤᠳ | ᠶᠤᠸᠠᠨ ᠭᠦᠷᠦᠨ ᠶᠢ ᠪᠠᠶᠢᠭᠤᠯᠬᠤ ᠬᠦᠷᠲᠡᠯᠡ᠂ ᠶᠠᠫᠤᠨ ᠤᠯᠤᠰ ᠨᠢᠭᠡᠨᠲᠡ ᠳᠤᠮᠳᠠᠳᠤ ᠶᠡᠭᠡ ᠭᠦᠷᠦᠨ ᠲᠠᠢ 4 ᠵᠠᠭᠤᠨ | ᠵᠢᠯ ᠬᠠᠷᠢᠴᠠᠭᠠ ᠬᠤᠯᠪᠣᠭᠠ ᠦᠭᠡᠢ ᠪᠣᠯᠣᠭᠠᠳ ᠪᠠᠶᠢᠵᠠᠢ᠃ ᠬᠤᠪᠢᠯᠠᠢ ᠬᠠᠭᠠᠨ ᠬᠠᠭᠠᠨ ᠰᠢᠷᠡᠭᠡᠨ ᠳᠤ ᠰᠠᠭᠤᠭᠰᠠᠨ ᠤ | ᠳᠠᠷᠠᠭᠠᠬᠠᠨ᠂ ᠶᠠᠫᠤᠨ ᠢ ᠮᠥᠨ ᠪᠤᠰᠤᠳ ᠳᠠᠶᠢᠯᠠᠨ ᠳᠠᠭᠠᠭᠤᠯᠤᠭᠰᠠᠨ ᠤᠯᠤᠰ ᠢᠷᠭᠡᠳ ᠲᠠᠢ ᠠᠳᠠᠯᠢᠬᠠᠨ | ᠮᠣᠷᠢᠨ ᠤ ᠪᠠᠨ ᠳᠣᠣᠷᠠ ᠰᠥᠬᠦᠷᠡᠭᠦᠯᠬᠦ ᠶᠢ ᠬᠦᠰᠡᠵᠦ ᠪᠠᠶᠢᠯᠠ᠃ ᠲᠦᠳᠡᠯ ᠦᠭᠡᠢ᠂ ᠬᠤᠪᠢᠯᠠᠢ ᠬᠠᠭᠠᠨ ᠶᠠᠫᠤᠨ ᠤ | ᠵᠠᠰᠠᠭ ᠲᠥᠷᠥ ᠳᠤ ᠨᠢ ᠡᠯᠴᠢ ᠲᠣᠮᠢᠯᠠᠵᠤ᠂ ᠶᠠᠫᠤᠨ ᠢ ᠲᠦᠳᠡᠬᠡᠨ ᠳᠣᠣᠷᠠ ᠪᠠᠨ ᠪᠠᠭᠤᠵᠤ ᠥᠭᠬᠦ ᠶᠢ ᠴᠢᠩᠭᠠ | ᠱᠠᠭᠠᠷᠳᠠᠭᠰᠠᠨ ᠪᠠᠶᠢᠨᠠ᠃ ᠲᠤᠯᠭᠠᠨ ᠱᠠᠭᠠᠷᠳᠠᠭᠰᠠᠨ ᠪᠢᠴᠢᠭ ᠳᠡᠭᠡᠨ ᠬᠤᠪᠢᠯᠠᠢ ᠬᠠᠭᠠᠨ᠂ ︽ᠳᠥᠷᠪᠡᠨ ᠳᠠᠯᠠᠢ ᠶᠢᠨ | ᠤᠯᠤᠰ ᠭᠦᠷᠦᠨ ᠨᠢᠭᠡ ᠨᠢᠭᠡᠨ ᠲᠠᠢ ᠪᠠᠨ ᠡᠶᠡᠲᠡᠢ ᠡᠪᠲᠡᠢ ᠶᠠᠪᠤᠯᠴᠠᠬᠤ ᠨᠢ ᠡᠷᠲᠡᠨ ᠤ ᠶᠣᠰᠣ ᠪᠤᠯᠠᠢ .....︾ ᠭᠡᠵᠦ | ᠣᠷᠢᠶᠠᠯᠬᠠᠨ ᠬᠡᠯᠡᠭᠰᠡᠨ ᠪᠣᠯᠪᠠᠴᠤ᠂ ᠦᠭᠡᠨ ᠳᠤ ᠨᠢ ᠣᠷᠣᠬᠤ ᠦᠭᠡᠢ ᠪᠣᠯ ᠢᠯᠳᠦ ᠰᠡᠯᠡᠮᠡ ᠪᠠᠷ | ᠲᠤᠯᠭᠠᠬᠤ ᠠᠴᠠ ᠪᠠᠨ ᠲᠠᠲᠠᠭᠠᠯᠵᠠᠬᠤ ᠦᠭᠡᠢ ᠶᠤᠮ ᠰᠢᠦ ᠭᠡᠵᠦ ᠪᠢᠲᠡᠭᠦᠬᠡᠨ ᠰᠠᠨᠠᠭᠠ ᠪᠠᠨ ᠮᠡᠳᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | ᠭᠡᠪᠡᠴᠦ ᠶᠠᠫᠤᠨ ᠳᠤ ᠢᠯᠡᠭᠡᠭᠰᠡᠨ ᠮᠣᠩᠭᠤᠯ ᠡᠯᠴᠢ ᠨᠢ ᠰᠣᠯᠣᠩᠭᠤᠰ ᠤᠨ ᠨᠤᠲᠤᠭ ᠢᠶᠠᠷ ᠥᠩᠭᠡᠷᠡᠬᠦ ᠦᠶᠡ ᠪᠠᠷ᠂ | ᠰᠣᠯᠣᠩᠭᠤᠰ ᠤᠨ ᠬᠠᠭᠠᠳ ᠰᠠᠶᠢᠳ ᠨᠢ ᠡᠨᠡ ᠬᠦ ᠶᠡᠬᠡᠷᠬᠡᠦ ᠣᠪᠣᠷ ᠲᠠᠢ ᠪᠢᠴᠢᠭᠰᠡᠨ ᠵᠠᠬᠢᠳᠠᠯ ᠡᠪᠦᠷᠲᠦᠯᠡᠵᠦ ᠪᠠᠶᠢᠭᠠ | ᠮᠣᠩᠭᠤᠯ ᠰᠠᠶᠢᠳ ᠲᠤ ︽ᠳᠠᠯᠠᠢ ᠶᠢᠨ ᠰᠠᠯᠬᠢ ᠳᠠᠪᠠᠯᠭᠠᠨ ᠬᠡᠴᠡᠭᠦᠦ︾ ᠭᠡᠰᠡᠨ ᠢᠶᠠᠷ ᠰᠢᠯᠲᠠᠭ ᠵᠢᠭᠠᠵᠤ᠂ ᠮᠣᠩᠭᠤᠯ | ᠡᠯᠴᠢᠳ ᠢ ᠴᠢᠨᠠᠭᠰᠢ ᠶᠠᠪᠤᠭᠤᠯᠤᠭᠰᠠᠨ ᠦᠭᠡᠢ ᠪᠠᠶᠢᠯᠠ᠃ ᠰᠣᠯᠣᠩᠭᠤᠰᠴᠤᠳ ᠢᠩᠭᠢᠵᠦ ᠬᠠᠷᠰᠢ ᠰᠠᠭᠠᠳ ᠵᠣᠬᠢᠶᠠᠵᠤ | ᠪᠠᠶᠢᠭᠠ ᠨᠢ ᠴᠠᠭᠠᠨᠠ ᠨᠢ ᠥᠪᠡᠷ ᠤᠨ ᠬᠢᠨᠢ ᠭᠡᠰᠡᠨ ᠪᠣᠳᠣᠯ ᠪᠠᠶᠢᠭᠠ ᠶᠤᠮ᠃ ᠮᠣᠩᠭᠤᠯ ᠤᠨ ᠮᠣᠷᠢᠲᠤ ᠳᠠᠶᠢᠴᠢᠳ | ᠶᠠᠫᠤᠨ ᠳᠤ ᠣᠴᠢᠵᠤ ᠳᠠᠶᠢᠨ ᠲᠤᠯᠤᠭᠠᠨ ᠬᠢᠨᠡ ᠭᠡᠬᠦ ᠳᠤ ᠬᠦᠷᠪᠡᠯ᠂ ᠣᠩᠭᠤᠴᠠ ᠰᠠᠯ ᠠᠴᠠ ᠡᠬᠢᠯᠡᠭᠡᠳ ᠬᠤᠨᠣᠵᠤ | ᠢᠳᠡᠬᠦ ᠪᠦᠬᠦ ᠡᠭᠦᠷᠭᠡ ᠳᠠᠷᠤᠭᠠᠰᠤ᠂ ᠡᠭᠦᠨ ᠠᠴᠠ ᠡᠭᠦᠰᠦᠭᠰᠡᠨ ᠭᠠᠶᠢᠯᠢ ᠭᠤᠪᠴᠢᠭᠤᠷ ᠠᠶᠠᠨᠳᠠᠭᠠᠨ ᠰᠣᠯᠣᠩᠭᠤᠰ ᠤᠨ | ᠲᠣᠯᠣᠭᠠᠢ ᠳᠡᠭᠡᠷᠡ ᠤᠨᠠᠵᠤ ᠢᠷᠡᠬᠦ ᠪᠣᠯᠣᠨᠠ᠃ | ᠡᠯᠴᠢᠳ ᠤᠨ ᠠᠪᠴᠢᠷᠠᠭᠰᠠᠨ ᠡᠨᠡ ᠬᠦ ᠬᠠᠷᠢᠭᠤᠯᠲᠠ ᠨᠢ ᠬᠤᠪᠢᠯᠠᠢ ᠬᠠᠭᠠᠨ ᠢ ᠶᠡᠬᠡᠬᠡᠨ ᠬᠢᠯᠢᠩᠨᠡᠭᠦᠯᠦᠭᠰᠡᠨ | ᠪᠠᠶᠢᠨᠠ᠃ ᠤᠳᠠᠯ ᠦᠭᠡᠢ᠂ ᠬᠤᠪᠢᠯᠠᠢ ᠬᠠᠭᠠᠨ ᠤ ᠪᠢᠴᠢᠭᠰᠡᠨ ᠵᠠᠬᠢᠶᠠᠰᠤ ᠰᠣᠯᠣᠩᠭᠤᠰ ᠤᠨ ᠡᠵᠡᠨ ᠤ ᠰᠢᠷᠡᠭᠡᠨ | ᠳᠡᠭᠡᠷᠡ ᠢᠯᠡᠷᠡᠭᠰᠡᠨ ᠪᠠᠶᠢᠨᠠ᠃ ᠬᠤᠪᠢᠯᠠᠢ ᠬᠠᠭᠠᠨ ᠵᠠᠬᠢᠶᠠ ᠳᠠᠭᠠᠨ ᠮᠣᠩᠭᠤᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠠᠭᠠᠯᠲᠠ | ᠤᠯᠤᠰ ᠪᠣᠯᠬᠤ ᠰᠣᠯᠣᠩᠭᠤᠰ ᠤᠨ ᠡᠵᠡᠨ ᠢ ᠮᠣᠩᠭᠤᠯ ᠬᠠᠭᠠᠨ ᠤ ᠬᠠᠷᠢᠶᠠᠲᠤ ᠲᠦᠰᠢᠮᠡᠯ ᠪᠣᠯᠣᠭᠰᠠᠨ ᠤ ᠬᠤᠪᠢ ᠳᠤ᠂ | ᠬᠠᠭᠠᠨ ᠡᠵᠡᠨ ᠢᠶᠠᠨ ᠳᠡᠮᠵᠢᠵᠦ ᠪᠠᠶᠢᠭᠠᠳ ᠬᠠᠷᠰᠢ ᠰᠠᠭᠠᠳ ᠢ ᠳᠠᠪᠠᠨ ᠲᠤᠭᠤᠯᠬᠤ ᠦᠭᠡᠢ ᠭᠡᠳᠡᠷᠭᠦ ᠪᠠᠨ ᠬᠠᠷᠢᠨ | ᠥᠪᠡᠷᠲᠡᠭᠡᠨ ᠬᠠᠰᠢᠶᠠ ᠬᠤᠷᠢᠶᠠ ᠵᠣᠬᠢᠶᠠᠯᠠ ᠭᠡᠵᠦ ᠴᠢᠩᠭᠠ ᠳᠣᠩᠭᠤᠳᠤᠭᠰᠠᠨ ᠪᠠᠶᠢᠨᠠ᠃ | ᠡᠶᠢᠮᠦ ᠬᠠᠲᠠᠭᠤ ᠰᠢᠭᠦᠮᠵᠢᠯᠡᠯ ᠬᠦᠯᠢᠶᠡᠭᠰᠡᠨ ᠰᠣᠯᠣᠩᠭᠤᠰ ᠤᠨ ᠡᠵᠡᠨ᠂ ᠬᠤᠪᠢᠯᠠᠢ ᠬᠠᠭᠠᠨ ᠬᠤᠶᠠᠳᠠᠭᠢ | ᠤᠳᠠᠭᠠ ᠶᠠᠫᠤᠨ ᠳᠤ ᠡᠯᠴᠢ ᠲᠣᠮᠢᠯᠠᠬᠤ ᠦᠶᠡ᠂ ᠳᠠᠷᠤᠢ ᡁᠢ ᠶᠤᠸᠠᠨ ᠤ ᠭᠤᠷᠪᠠᠳᠤᠭᠠᠷ ᠣᠨ ︵1268 ᠣᠨ︶ | ᠳᠤ ᠪᠦᠬᠦ ᠬᠦᠴᠦᠨ ᠢᠶᠠᠨ ᠭᠠᠷᠭᠠᠵᠤ ᠲᠤᠰᠠᠯᠠᠭᠰᠠᠨ ᠪᠢᠯᠡ᠃ ᠡᠨᠡ ᠦᠶᠡ ᠶᠠᠫᠤᠨ ᠤ ᠲᠥᠷᠥ ᠵᠠᠰᠠᠭ ᠤᠨ ᠪᠣᠳᠠᠲᠤ | ᠡᠷᠬᠡ ᠨᠢ ᠵᠠᠩᠵᠤᠨ ᠤ ᠭᠠᠷ ᠲᠤ ᠪᠠᠶᠢᠵᠤ᠂ ᠲᠢᠶᠠᠨᠨᠤ᠋ ᠬᠠᠭᠠᠨ ᠨᠢ ᠮᠠᠨᠤᠤᠯ ᠲᠡᠳᠦᠢ ᠪᠠᠶᠢᠵᠠᠢ᠃ ᠮᠣᠩᠭᠤᠯ ᠬᠠᠭᠠᠨᠲᠤ | ᠤᠯᠤᠰ ᠲᠤ ᠡᠯᠴᠢ ᠲᠣᠮᠢᠯᠠᠵᠤ᠂ ᠡᠷᠭᠦᠴᠡ ᠪᠠᠷᠢᠴᠠ ᠪᠠᠨ ᠡᠷᠭᠦ ᠭᠡᠵᠦ ᠱᠠᠭᠠᠷᠳᠠᠭᠰᠠᠨ ᠪᠢᠴᠢᠭ ᠢ ᠦᠵᠡᠭᠰᠡᠨ ᠶᠠᠫᠤᠨ ᠤ | ᠺᠠᠮᠠᠺᠦᠷᠠ ᠶᠢᠨ ᠵᠠᠰᠠᠭ ᠤᠨ ᠣᠷᠳᠣᠨ ᠲᠡᠷᠡ ᠳᠣᠣᠷᠠ ᠪᠠᠨ ᠶᠠᠭᠠᠬᠢᠵᠤ ᠠᠷᠭᠠᠴᠠᠭᠠᠬᠤ ᠳᠠᠭᠠᠨ ᠵᠥᠪᠳᠡᠯᠴᠡᠵᠦ᠂ ᠡᠨᠡ | ᠱᠠᠭᠠᠷᠳᠠᠯᠭᠠ ᠶᠢ ᠨᠢ ᠲᠠᠲᠠᠭᠠᠯᠵᠠᠭᠰᠠᠨ ᠪᠥᠭᠡᠳ ᠮᠣᠩᠭᠤᠯ ᠤᠨ ᠡᠯᠴᠢ ᠶᠢ ᠪᠤᠴᠠᠭᠠᠭᠰᠠᠨ ᠪᠠᠶᠢᠨᠠ᠃ 1270 | ᠣᠨ ᠳᠤ᠂ ᠬᠤᠪᠢᠯᠠᠢ ᠬᠠᠭᠠᠨ᠂ ᠶᠠᠫᠤᠨ ᠳᠤ ᠲᠠᠪᠤᠳᠠᠭᠢ ᠤᠳᠠᠭᠠ ᠡᠯᠴᠢ ᠢᠯᠡᠭᠡᠵᠦ᠂ ᠶᠠᠫᠤᠨ ᠢ ᠬᠠᠷᠢᠶᠠᠲᠤ ᠠᠯᠪᠠᠲᠤ | ᠪᠣᠯᠵᠤ᠂ ᠡᠷᠭᠦᠯ ᠪᠠᠷᠢᠴᠠ ᠪᠠᠨ ᠡᠷᠭᠦᠬᠦ ᠬᠡᠷᠡᠭᠲᠡᠢ᠂ ᠡᠰᠡ ᠲᠡᠭᠡᠪᠡᠯ ᠮᠣᠩᠭᠤᠯ ᠴᠡᠷᠢᠭ ᠤᠨ ᠮᠠᠬᠢᠷ ᠰᠡᠯᠡᠮᠡᠨ ᠳᠤ | ᠪᠢᠲᠡᠭᠡᠢ ᠭᠤᠮᠣᠳᠠᠭᠠᠷᠠᠢ ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶᠢᠨᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠶᠠᠫᠤᠨ ᠳᠤ ᠲᠥᠷᠥ ᠶᠢᠨ ᠪᠣᠳᠠᠲᠤ | ᠡᠷᠬᠡ ᠶᠢ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠬᠤᠤᠵᠢᠦ ᠲᠤᠺᠢᠮᠦᠨᠠᠢ ᠵᠠᠩᠵᠤᠨ ᠡᠨᠡ ᠱᠠᠭᠠᠷᠳᠠᠭᠠ ᠶᠢ ᠨᠢ ᠴᠢᠩᠭᠠ ᠡᠰᠡᠷᠭᠦᠴᠡᠭᠰᠡᠨ | ᠪᠥᠭᠡᠳ ᠴᠡᠷᠢᠭ ᠲᠣᠮᠢᠯᠠᠵᠤ ᠬᠢᠯᠢ ᠶᠢᠨ ᠣᠷᠣᠨ ᠢᠶᠠᠨ ᠪᠠᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠢᠩᠭᠢᠵᠦ ᠲᠠᠪᠤ ᠤᠳᠠᠭᠠ ᠱᠠᠭᠠᠷᠳᠠᠯᠭᠠ ᠶᠢ ᠨᠢ ᠡᠰᠡᠷᠭᠦᠴᠡᠭᠰᠡᠨ ᠶᠠᠪᠤᠳᠠᠯ ᠨᠢ᠂ ᠲᠤᠬᠠᠢ ᠶᠢᠨ ᠦᠶᠡ ᠪᠠᠷ | ᠠᠽᠢᠶᠠ ᠡᠸᠦ᠋ᠷᠦᠫᠡ ᠳᠤ ᠬᠠᠨᠳᠤᠭᠰᠠᠨ ᠵᠦᠭ ᠲᠡᠭᠡᠨ ᠳᠠᠶᠢᠰᠤᠨ ᠦᠭᠡᠢ ᠲᠠᠯᠬᠢᠵᠤ ᠪᠠᠶᠢᠭᠰᠠᠨ ᠮᠣᠩᠭᠤᠯ ᠤᠨ ᠶᠡᠭᠡ | ᠬᠠᠭᠠᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠲᠣᠮᠣᠬᠠᠨ ᠳᠣᠷᠣᠮᠵᠢᠯᠠᠯ ᠪᠣᠯᠣᠭᠰᠠᠨ ᠤᠴᠢᠷ ᠪᠣᠯᠣᠯᠠ᠃ ᠬᠤᠪᠢᠯᠠᠢ ᠬᠠᠭᠠᠨ ᠶᠡᠭᠡ | ᠬᠢᠯᠢᠩᠨᠡᠵᠦ᠂ ᠲᠤᠬᠠᠢ ᠶᠢᠨ ᠦᠶᠡ ᠪᠠᠷ ᠬᠢᠲᠠᠳ ᠤᠨ ᠡᠮᠦᠨᠡᠲᠦ ᠰᠦᠩ ᠤᠯᠤᠰ ᠤᠨ ᠴᠡᠷᠢᠭ ᠲᠠᠢ ᠪᠠᠶᠢᠯᠳᠤᠵᠤ | ᠪᠠᠶᠢᠭᠰᠠᠨ ᠮᠣᠩᠭᠤᠯ ᠴᠡᠷᠢᠭ ᠢᠶᠠᠨ ᠲᠠᠲᠠᠵᠤ᠂ ᠶᠠᠫᠤᠨ ᠳᠤ ᠴᠡᠷᠢᠭᠯᠡᠬᠦ ᠮᠣᠷᠢ ᠤᠨᠤᠭᠠ᠂ ᠬᠦᠨᠡᠰᠦ ᠬᠤᠭᠤᠯᠠ᠂ | ᠣᠩᠭᠤᠴᠠ ᠰᠠᠯ ᠪᠡᠯᠡᠳᠬᠡᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠣᠨ ᠲᠣᠭᠠᠯᠠᠯ ᠤᠨ 1274 ᠣᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ᠂ ︽ᠬᠢᠲᠠᠳ᠂ ᠰᠣᠯᠣᠩᠭᠤᠰ᠂ | ᠮᠣᠩᠭᠤᠯ ᠴᠡᠷᠢᠭ ᠲᠤᠰ ᠲᠤᠰ ᠭᠤᠷᠪᠠᠨ ᠵᠠᠭᠤᠨ ᠣᠩᠭᠤᠴᠠ ᠭᠠᠷᠭᠠᠵᠤ᠂ ᠲᠦᠮᠡ ᠲᠠᠪᠤᠨ ᠮᠢᠩᠭᠠᠨ ᠴᠡᠷᠢᠭ | ᠲᠠᠲᠠᠵᠤ᠂ ᠳᠣᠯᠣᠳᠤᠭᠠᠷ ᠰᠠᠷᠠ ᠳᠤ ᠶᠠᠫᠤᠨ ᠢ ᠳᠠᠶᠢᠯᠠᠬᠤ ᠪᠠᠷ︾ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠠᠯᠪᠠ ᠭᠤᠪᠴᠢᠭᠤᠷ ᠲᠤ | ᠪᠠᠷᠢᠭᠳᠠᠭᠰᠠᠨ ᠬᠢᠲᠠᠳ᠂ ᠰᠣᠯᠣᠩᠭᠤᠰ ᠢᠷᠭᠡᠳ ᠣᠩᠭᠤᠴᠠ ᠰᠠᠯ ᠵᠣᠬᠢᠶᠠᠵᠤ᠂ ᠠᠮᠤ ᠬᠦᠨᠡᠰᠦ ᠵᠥᠭᠡᠭᠡᠪᠦᠷᠢᠯᠡᠭᠰᠡᠨ | ᠲᠡᠳᠦᠢ ᠦᠭᠡᠢ᠂ ᠮᠥᠨ ᠴᠡᠷᠢᠭ ᠲᠤ ᠲᠠᠲᠠᠭᠳᠠᠵᠤ ᠣᠷᠣᠭᠰᠠᠨ ᠪᠠᠶᠢᠨᠠ᠃ ᠭᠡᠪᠡᠴᠦ ᠲᠡᠦᠬᠡᠨ ᠪᠢᠴᠢᠭ ᠲᠤ | ᠲᠡᠮᠳᠡᠭᠯᠡᠭᠰᠡᠨ ᠢ ᠦᠵᠡᠪᠡᠯ᠂ ᠶᠠᠫᠤᠨ ᠳᠤ ᠲᠣᠮᠢᠯᠠᠭᠰᠠᠨ ᠡᠨᠡ ᠬᠤᠯᠪᠣᠭᠠᠲᠤ ᠴᠡᠷᠢᠭ ᠨᠢ ︽ᠠᠷᠪᠠᠨ ᠰᠠᠷᠠ ᠳᠤ | ᠶᠠᠫᠤᠨ ᠤ ᠨᠤᠲᠤᠭ ᠲᠤ ᠣᠷᠣᠭᠰᠠᠨ ᠪᠣᠯᠪᠠᠴᠤ᠂ ᠤᠳᠠᠯ ᠦᠭᠡᠢ ᠳᠡᠶᠢᠯᠦᠭᠳᠡᠵᠦ᠂ ᠳᠡᠭᠡᠷᠡ ᠠᠴᠠ ᠪᠠᠨ ᠴᠡᠷᠢᠭ ᠤᠨ | ᠰᠦᠷ ᠳᠠᠷᠤᠭᠳᠠᠵᠤ᠂ ᠰᠤᠮᠤ ᠨᠢ ᠪᠠᠷᠠᠭᠳᠠᠭᠰᠠᠨ ᠪᠣᠯᠬᠤᠷ ᠵᠥᠪᠬᠡᠨ ᠳᠥᠷᠪᠡᠬᠡᠨ ᠭᠠᠵᠠᠷ ᠣᠷᠣᠨ ᠢ ᠲᠦᠢᠪᠡᠭᠡᠭᠡᠳ᠂ | ᠳᠠᠬᠢᠵᠤ ᠤᠯᠤᠰ ᠲᠠᠭᠠᠨ ᠪᠤᠴᠠᠭᠰᠠᠨ ᠪᠠᠶᠢᠨᠠ︾ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠯᠠ᠃ ᠲᠡᠦᠬᠡ ᠰᠤᠳᠤᠷ ᠲᠤ | ᠲᠡᠮᠳᠡᠭᠯᠡᠭᠰᠡᠨ ᠢ ᠦᠵᠡᠪᠡᠯ᠂ 1274 ᠣᠨ ᠤ 10 ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠠᠷ᠂ ᠮᠣᠩᠭᠤᠯ ᠬᠤᠯᠪᠣᠭᠠᠲᠤ | ᠴᠡᠷᠢᠭ ᠤᠨ ᠭᠤᠷᠪᠠᠨ ᠲᠦᠮᠡ ᠭᠤᠷᠪᠠᠨ ᠮᠢᠩᠭᠠ ᠭᠠᠷᠤᠢ ᠴᠡᠷᠢᠭ ᠶᠠᠫᠤᠨ ᠤ ᠺᠢᠦᠰᠢᠤ ᠠᠷᠠᠯ ᠤᠨ ᠡᠮᠦᠨᠡ ᠪᠡᠶᠡ ᠶᠢᠨ | ᠢᠺᠢᠵᠢᠮᠠ᠂ ᠼᠦᠵᠢᠮᠠ ᠵᠡᠷᠭᠡ ᠬᠤᠶᠠᠷ ᠠᠷᠠᠯ ᠢ ᠡᠵᠡᠯᠡᠭᠰᠡᠨ ᠪᠠᠶᠢᠨᠠ᠃ ᠮᠣᠩᠭᠤᠯ ᠴᠡᠷᠢᠭ ᠴᠢᠨᠠᠭᠰᠢ ᠳᠠᠪᠰᠢᠵᠤ | ᠪᠠᠰᠠ ᠶᠠᠫᠤᠨ ᠤ ᠾᠢᠽᠧᠨ ᠮᠠᠼᠦᠷᠠ ᠵᠡᠷᠭᠡ ᠭᠠᠵᠠᠷ ᠢ ᠡᠵᠡᠯᠡᠭᠡᠳ᠂ ᠶᠠᠫᠤᠨ ᠴᠡᠷᠢᠭ ᠢ ᠴᠢᠨᠠᠭᠰᠢ ᠰᠢᠬᠠᠭᠰᠠᠨ ᠪᠠᠶᠢᠨᠠ | ᠃ ᠢᠯᠠᠯᠲᠠ ᠶᠢᠨ ᠡᠷᠴᠢᠨ ᠳᠡᠭᠡᠨ ᠴᠢᠨᠠᠭᠰᠢ ᠳᠠᠪᠰᠢᠭᠰᠠᠨ ᠦᠭᠡᠢ᠂ ᠮᠣᠩᠭᠤᠯ ᠴᠡᠷᠢᠭ ᠰᠥᠨᠢ ᠳᠡᠭᠡᠨ ᠬᠠᠷᠢᠨ ᠳᠠᠯᠠᠢ | ᠳᠡᠭᠡᠷᠡᠬᠢ ᠣᠩᠭᠤᠴᠠᠨ ᠳᠠᠭᠠᠨ ᠪᠤᠴᠠᠭᠰᠠᠨ ᠪᠠᠶᠢᠯᠠ᠃ ᠭᠠᠶᠢᠬᠠᠯᠲᠠᠢ ᠨᠢ ᠭᠡᠪᠡᠯ᠂ ᠮᠥᠨ ᠣᠷᠣᠢ ᠨᠢ ᠳᠠᠯᠠᠢ ᠳᠡᠭᠡᠷᠡ | ᠶᠡᠭᠡ ᠰᠠᠯᠬᠢᠨ ᠳᠡᠭᠳᠡᠵᠦ᠂ ᠮᠣᠩᠭᠤᠯ ᠴᠡᠷᠢᠭ ᠤᠨ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠣᠩᠭᠤᠴᠠ ᠨᠢ ᠰᠠᠯᠬᠢᠨ ᠳᠤ ᠬᠡᠶᠢᠰᠦᠭᠳᠡᠵᠦ | ᠂ ᠦᠯᠡᠳᠡᠭᠰᠡᠨ ᠮᠣᠩᠭᠤᠯ ᠴᠡᠷᠢᠭ ᠠᠷᠭᠠ ᠪᠤᠰᠤ ᠨᠤᠲᠤᠭ ᠪᠤᠴᠠᠭᠰᠠᠨ ᠪᠠᠶᠢᠨᠠ᠃ ᠢᠩᠭᠢᠭᠡᠳ᠂ ᠮᠣᠩᠭᠤᠯ | ᠴᠡᠷᠢᠭ ᠤᠨ ᠶᠠᠫᠤᠨ ᠢ ᠳᠠᠶᠢᠯᠠᠭᠰᠠᠨ ᠳᠠᠶᠢᠨ ᠪᠦᠲᠦᠮᠵᠢ ᠮᠠᠭᠤᠲᠠᠶᠢᠬᠠᠨ ᠲᠡᠭᠦᠰᠦᠭᠰᠡᠨ ᠪᠠᠶᠢᠨᠠ᠃ | ᠶᠠᠫᠤᠨ ᠤ ᠲᠡᠦᠬᠡᠨ ᠳᠤ ᠪᠦᠨ ᠡᠸ᠋ ᠤᠨ ᠳᠠᠶᠢᠨ ᠭᠡᠵᠦ ᠨᠡᠷᠡᠯᠡᠭᠳᠡᠭᠰᠡᠨ ᠡᠨᠡ ᠲᠤᠯᠤᠭᠠᠨ ᠨᠢ ᠮᠣᠩᠭᠤᠯ ᠴᠡᠷᠢᠭ | ᠢᠯᠠᠭᠳᠠᠰᠢ ᠦᠭᠡᠢ ᠭᠡᠰᠡᠨ ᠶᠠᠷᠢᠶᠠ ᠶᠢ ᠨᠢᠴᠤᠭᠠᠭᠰᠠᠨ ᠤᠴᠢᠷ ᠪᠣᠯᠵᠠᠢ᠃ ᠠᠮᠧᠷᠢᠺᠠ ᠶᠢᠨ ᠮᠣᠩᠭᠤᠯᠴᠢ ᠡᠷᠳᠡᠮᠲᠡᠨ | ᠷᠣᠰᠠᠪᠢ ᠡᠨᠡ ᠳᠠᠶᠢᠨ ᠤ ᠲᠤᠬᠠᠢ ᠬᠡᠯᠡᠬᠦ ᠳᠡᠭᠡᠨ᠂ ︽ᠮᠣᠩᠭᠤᠯ ᠴᠡᠷᠢᠭ ᠠᠶᠠᠨ ᠳᠠᠶᠢᠨ ᠳᠠᠭᠠᠨ ᠨᠢᠭᠡᠨᠲᠡ | ᠮᠣᠷᠳᠠᠭᠰᠠᠨ ᠢ ᠶᠠᠫᠤᠨᠴᠤᠳ ᠨᠢᠭᠡᠨᠲᠡ ᠮᠡᠳᠡᠭᠰᠡᠨ ᠪᠣᠯᠪᠠᠴᠤ᠂ ᠶᠠᠫᠤᠨᠴᠤᠳ ᠤᠨ ᠳᠠᠶᠢᠨ ᠤ ᠪᠡᠯᠡᠳᠬᠡᠯ ᠲᠠᠭᠠᠷᠠᠤᠬᠠᠨ | ᠪᠠᠶᠢᠯᠠ᠃ ᠲᠡᠳᠡᠨ ᠤ ᠮᠣᠩᠭᠤᠯ ᠴᠡᠷᠢᠭ ᠤᠨ ᠬᠡᠷᠡᠭᠯᠡᠳᠡᠭ ᠬᠤᠯᠠ ᠲᠤᠰᠤᠯᠲᠠ ᠲᠠᠢ ᠨᠤᠮᠤ ᠰᠤᠮᠤ ᠪᠠᠶᠢᠬᠤ ᠦᠭᠡᠢ᠂ | ᠺᠣᠮᠠᠨᠳ᠋ᠯᠠᠭᠴᠢ ᠨᠢ ᠴᠦ ᠲᠤᠷᠰᠢᠯᠭᠠ ᠮᠡᠬᠦᠰ ᠪᠠᠶᠢᠵᠠᠢ᠃ ᠬᠠᠷᠢᠨ ᠨᠢᠭᠤᠷ ᠨᠢᠭᠤᠷ ᠢᠶᠠᠷ ᠢᠶᠠᠨ ᠠᠰ ᠲᠤᠯᠤᠨ | ᠬᠠᠷᠢᠭᠤᠴᠠᠬᠤ ᠳᠤ ᠶᠠᠫᠤᠨ ᠴᠡᠷᠢᠭ ᠤᠨ ᠳᠠᠪᠠᠭᠤᠯᠢᠭ ᠨᠢ ᠪᠠᠳᠠᠷᠠᠳᠠᠭ ᠶᠤᠮ ᠪᠠᠶᠢᠨᠠ᠃ ᠬᠡᠳᠦᠶᠢᠪᠡᠷ ᠶᠠᠫᠤᠨ ᠴᠡᠷᠢᠭ | ᠡᠬᠢᠨ ᠤ ᠬᠡᠳᠦᠨ ᠡᠳᠦᠷ ᠤᠨ ᠪᠠᠶᠢᠯᠳᠤᠭᠠᠨ ᠳᠤ ᠢᠯᠠᠭᠳᠠᠭᠰᠠᠨ ᠪᠣᠯᠪᠠᠴᠤ᠂ ᠭᠡᠨᠡᠳᠲᠡ ᠳᠡᠭᠳᠡᠭᠰᠡᠨ ᠳᠠᠯᠠᠢ ᠶᠢᠨ | ᠰᠠᠯᠬᠢ ᠨᠢ ᠮᠣᠩᠭᠤᠯ ᠴᠡᠷᠢᠭ ᠤᠨ ᠣᠩᠭᠤᠴᠠ ᠰᠠᠯ ᠢ ᠦᠯᠢᠶᠡᠨ ᠰᠠᠷᠨᠢᠭᠤᠯᠵᠤ᠂ ᠮᠣᠩᠭᠤᠯ ᠴᠡᠷᠢᠭ ᠴᠦ ᠠᠷᠭᠠ | ᠪᠤᠰᠤ ᠤᠬᠤᠷᠢᠭᠰᠠᠨ ᠪᠠᠶᠢᠨᠠ︾ ᠭᠡᠵᠡᠢ᠃ | ᠤᠴᠠᠷᠠᠭᠰᠠᠨ ᠳᠠᠶᠢᠰᠤᠨ ᠤ ᠪᠠᠨ ᠰᠥᠰᠥ ᠶᠢ ᠬᠡᠮᠬᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠳᠠᠶᠢᠴᠢᠨ ᠮᠣᠩᠭᠤᠯ ᠴᠡᠷᠢᠭ ᠵᠢᠵᠢᠭᠬᠡᠨ | ᠠᠷᠠᠯᠲᠤ ᠤᠯᠤᠰ ᠤᠨ ᠮᠠᠭᠠᠷᠤᠤᠬᠠᠨ ᠵᠡᠪᠰᠡᠭᠯᠡᠭᠰᠡᠨ ᠴᠡᠷᠢᠭ ᠠᠷᠮᠢ ᠳᠤ ᠪᠤᠲᠠ ᠴᠣᠬᠢᠭᠤᠯᠤᠯᠠ ᠭᠡᠵᠦ ᠬᠤᠶᠠᠭ | ᠳᠤᠭᠤᠯᠭᠠ ᠪᠠᠨ ᠴᠢᠷᠴᠦ ᠢᠷᠡᠭᠰᠡᠨ ᠵᠠᠩᠵᠤᠨ ᠰᠠᠶᠢᠳ ᠤᠨ ᠢᠶᠠᠨ ᠮᠡᠳᠡᠭᠡ ᠶᠢ ᠰᠣᠨᠣᠰᠤᠭᠠᠳ᠂ ᠬᠤᠪᠢᠯᠠᠢ ᠬᠠᠭᠠᠨ | ᠥᠪᠡᠷ ᠤᠨ ᠴᠢᠬᠢ ᠪᠠᠨ ᠢᠲᠡᠭᠡᠵᠦ ᠶᠠᠳᠠᠵᠤ ᠪᠠᠶᠢᠯᠠ᠃ ᠬᠡᠳᠦᠶᠢᠪᠡᠷ ᠳᠠᠬᠢᠵᠤ ᠨᠢᠭᠡ ᠤᠳᠠᠭᠠ ᠨᠢᠭᠡ ᠪᠠᠨ | ᠦᠵᠡᠯᠴᠡᠶᠡ ᠭᠡᠵᠦ ᠬᠤᠪᠢᠯᠠᠢ ᠬᠠᠲᠠᠭᠤ ᠪᠣᠳᠣᠭᠰᠠᠨ ᠪᠣᠯᠪᠠᠴᠤ᠂ ᠶᠠᠭ ᠡᠨᠡ ᠦᠶᠡ ᠪᠠᠷ ᠬᠢᠲᠠᠳ ᠤᠨ ᠰᠦᠩ | ᠤᠯᠤᠰ ᠢ ᠨᠤᠷᠠᠭᠠᠬᠤ ᠴᠡᠷᠢᠭ ᠳᠠᠶᠢᠨ ᠤ ᠠᠵᠢᠯᠯᠠᠭᠠ ᠨᠢ ᠨᠢᠭᠡᠨᠲᠡ ᠵᠠᠩᠭᠢᠯᠠᠭᠠ ᠶᠢᠨ ᠱᠠᠲᠤᠨ ᠳᠠᠭᠠᠨ ᠣᠷᠣᠭᠠᠳ | ᠪᠠᠶᠢᠭᠰᠠᠨ ᠪᠣᠯᠬᠤᠷ᠂ ᠬᠤᠪᠢᠯᠠᠢ ᠬᠠᠭᠠᠨ ᠳᠠᠬᠢᠵᠤ ᠶᠠᠫᠤᠨ ᠳᠤ ᠡᠯᠴᠢ ᠲᠣᠮᠢᠯᠠᠵᠤ᠂ ᠡᠷᠭᠦᠯ ᠪᠠᠷᠢᠴᠠ ᠡᠷᠭᠦ ᠭᠡᠵᠦ | ᠵᠠᠷᠯᠢᠭᠳᠠᠭᠰᠠᠨ ᠪᠥᠭᠡᠳ ᠰᠠᠨᠠᠭᠠ ᠶᠢ ᠨᠢ ᠭᠦᠢᠴᠡᠭᠡᠬᠦ ᠦᠭᠡᠢ ᠪᠣᠯ ᠳᠠᠬᠢᠵᠤ ᠳᠠᠶᠢᠯᠠᠨ ᠴᠣᠬᠢᠨᠠ ᠭᠡᠵᠦ | ᠰᠦᠷᠳᠡᠭᠦᠯᠦᠭᠰᠡᠨ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠰᠠᠶ᠋ᠢᠬᠠᠨ ᠤ ᠢᠯᠠᠯᠲᠠ ᠳᠠᠭᠠᠨ ᠰᠣᠭᠲᠣᠭᠤᠷᠠᠵᠤ᠂ ᠰᠥᠰᠥ ᠨᠢ | ᠪᠦᠳᠦᠭᠦᠷᠡᠭᠰᠡᠨ ᠶᠠᠫᠤᠨᠴᠤᠳ ᠬᠤᠪᠢᠯᠠᠢ ᠶᠢᠨ ᠡᠯᠴᠢᠳ ᠢ ᠴᠠᠪᠴᠢᠵᠤ ᠠᠯᠠᠭᠰᠠᠨ ᠪᠠᠶᠢᠨᠠ᠃ ᠲᠣᠮᠢᠯᠠᠭᠰᠠᠨ ᠡᠯᠴᠢ ᠶᠢ | ᠨᠢ ᠬᠤᠷᠣᠭᠠᠭᠰᠠᠨ ᠬᠡᠷᠡᠭ ᠨᠢ ᠮᠣᠩᠭᠤᠯᠴᠤᠳ ᠲᠤ ᠠᠪᠴᠤ ᠬᠡᠯᠡᠪᠡᠯ ᠨᠢᠭᠤᠷ ᠲᠤ ᠬᠦᠷᠦᠭᠰᠡᠨ ᠤᠴᠢᠷ ᠪᠣᠯᠵᠠᠢ᠃ | 1218 ᠣᠨ ᠳᠤ᠂ ᠬᠤᠷᠣᠽᠧᠮ ᠤᠨ ᠵᠠᠩᠵᠤᠨ ᠴᠢᠩᠭᠢᠰ ᠬᠠᠭᠠᠨ ᠤ ᠲᠣᠮᠢᠯᠠᠭᠰᠠᠨ ᠬᠤᠳᠠᠯᠳᠤᠭᠠᠴᠢᠳ᠂ | ᠡᠯᠴᠢᠳ ᠤᠨ ᠪᠦᠯᠬᠦᠮ ᠢ ᠬᠢᠳᠤᠵᠤ᠂ ᠳᠣᠷᠣᠮᠵᠢᠯᠠᠭᠰᠠᠨ ᠠᠴᠠ ᠪᠣᠯᠵᠤ᠂ ᠴᠢᠩᠭᠢᠰ ᠬᠠᠭᠠᠨ ᠬᠥᠯᠥᠭ ᠤᠨ | ᠵᠢᠯᠣᠭᠤ ᠪᠠᠨ ᠪᠠᠷᠠᠭᠤᠨᠰᠢ ᠵᠠᠯᠠᠭᠰᠠᠨ ᠶᠤᠮ᠃ ᠬᠤᠪᠢᠯᠠᠢ ᠴᠦ ᠮᠥᠨ ᠶᠠᠫᠤᠨ ᠤ ᠡᠨᠡ ᠠᠵᠢᠯᠯᠠᠭᠠᠨ ᠳᠤ ᠥᠰᠢᠶᠡ | ᠬᠤᠨᠵᠢᠩ ᠵᠠᠭᠤᠭᠰᠠᠨ ᠪᠠᠶᠢᠨᠠ᠃ 1281 ᠣᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠴᠡᠷᠢᠭ ᠲᠠᠲᠠᠵᠤ᠂ ᠳᠡᠭᠡᠷᠡ ᠨᠢ ᠰᠠᠶ᠋ᠢᠬᠠᠨ | ᠪᠠᠭᠤᠵᠤ ᠥᠭᠭᠦᠭᠰᠡᠨ ᠡᠮᠦᠨᠡᠲᠦ ᠰᠦᠩ ᠤᠯᠤᠰ ᠤᠨ ᠴᠡᠷᠢᠭ ᠢ ᠨᠡᠮᠡᠭᠡᠳ᠂ ᠬᠤᠶᠠᠷ ᠵᠠᠮ ᠢᠶᠠᠷ ᠴᠡᠷᠢᠭ ᠬᠤᠪᠢᠶᠠᠵᠤ᠂ | ᠶᠠᠫᠤᠨ ᠢ ᠨᠢᠭᠡᠮᠦᠰᠦᠨ ᠳᠠᠷᠤᠮᠲᠠᠯᠠᠵᠦ ᠠᠪᠬᠤ ᠪᠠᠷ ᠲᠣᠮᠢᠯᠠᠭᠰᠠᠨ ᠪᠠᠶᠢᠨᠠ᠃ ᠬᠤᠯᠪᠣᠭᠠᠲᠤ ᠴᠡᠷᠢᠭ ᠤᠨ ᠨᠢᠭᠡ ᠵᠠᠮ ᠨᠢ | ᠮᠣᠩᠭᠤᠯ᠂ ᠰᠣᠯᠣᠩᠭᠤᠰ᠂ ᠬᠢᠲᠠᠳ ᠤᠨ ᠳᠥᠷᠪᠡᠨ ᠲᠦᠮᠡᠨ ᠴᠡᠷᠢᠭ ᠠᠴᠠ ᠪᠦᠷᠢᠯᠳᠦᠵᠦ᠂ ᠰᠣᠯᠣᠩᠭᠤᠰ ᠠᠴᠠ | ᠮᠣᠷᠳᠠᠭᠰᠠᠨ ᠪᠠᠶᠢᠨᠠ᠃ ᠨᠢᠭᠡᠨᠲᠡ ᠪᠠᠭᠤᠵᠤ ᠥᠭᠭᠦᠭᠰᠡᠨ ᠰᠦᠩ ᠤᠯᠤᠰ ᠤᠨ ᠴᠡᠷᠢᠭ ᠢ ᠶᠢᠰᠦᠨ ᠮᠢᠩᠭᠠᠨ | ᠣᠩᠭᠤᠴᠠᠨ ᠳᠤ ᠰᠠᠭᠤᠯᠭᠠᠵᠤ᠂ ᠴᠢᠩ ᠶᠤᠸᠠᠨ᠂ ᠳ᠋ᠢᠩ ᠬᠠᠢ ᠠᠴᠠ ᠶᠠᠫᠤᠨ ᠤᠷᠤᠭᠤ ᠮᠣᠷᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠭᠡᠪᠡᠴᠦ ᠴᠡᠷᠢᠭ ᠤᠨ ᠺᠣᠮᠠᠨᠳ᠋ᠯᠠᠭᠴᠢ ᠨᠠᠷ ᠤᠨ ᠬᠢᠨᠢ ᠬᠤᠭᠤᠷᠣᠨᠳᠤ ᠨᠢᠭᠡᠳᠦᠯ ᠦᠭᠡᠢ᠂ ᠳᠡᠭᠡᠷᠡ ᠠᠴᠠ ᠨᠢ ᠳᠠᠯᠠᠢ | ᠳᠡᠭᠡᠷᠡ ᠳᠠᠬᠢᠵᠤ ᠰᠠᠯᠬᠢᠨ ᠳᠡᠭᠳᠡᠭᠰᠡᠨ ᠠᠴᠠ ᠪᠣᠯᠵᠤ᠂ ᠮᠣᠩᠭᠤᠯ ᠴᠡᠷᠢᠭ ᠤᠨ ᠬᠤᠶᠠᠳᠠᠭᠢ ᠤᠳᠠᠭᠠᠨ ᠤ ᠠᠶᠠᠨ | ᠳᠠᠶᠢᠨ ᠬᠠᠷᠠᠰᠠᠯᠲᠠᠢ ᠢᠯᠠᠭᠳᠠᠯ ᠳᠤ ᠤᠴᠠᠷᠠᠭᠰᠠᠨ ᠪᠢᠯᠡ᠃ | ᠲᠠᠴᠢᠶᠠᠳᠠᠵᠤ ᠬᠢᠯᠢᠩᠨᠡᠭᠰᠡᠨ ᠬᠤᠪᠢᠯᠠᠢ ᠬᠠᠭᠠᠨ ᠬᠡᠳᠦᠶᠢᠪᠡᠷ ᠡᠮᠦᠨᠡᠲᠦ ᠣᠷᠣᠨ ᠤ ᠬᠤᠳᠠᠯᠳᠤᠭᠠᠴᠢᠳ ᠪᠣᠯᠣᠨ | ᠵᠦᠷᠴᠢᠨ ᠤ ᠨᠣᠶᠠᠳ ᠢ ᠵᠠᠷᠯᠢᠭᠳᠠᠵᠤ᠂ ᠭᠤᠷᠪᠠᠳᠠᠭᠢ ᠤᠳᠠᠭᠠ ᠶᠠᠫᠤᠨ ᠢ ᠳᠠᠶᠢᠯᠠᠬᠤ ᠪᠠᠷ ᠵᠡᠬᠡᠵᠦ ᠪᠠᠶᠢᠭᠰᠠᠨ | ᠪᠣᠯᠪᠠᠴᠤ᠂ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠶᠢᠨ ᠠᠵᠤ ᠠᠬᠤᠢ ᠮᠠᠭᠤᠳᠠᠭᠰᠠᠨ᠂ ᠲᠥᠷᠥ ᠶᠢᠨ ᠲᠦᠰᠢᠮᠡᠯ ᠰᠠᠶᠢᠳ ᠨᠢ | ᠬᠠᠰᠢᠵᠤ ᠬᠤᠷᠢᠭᠯᠠᠭᠰᠠᠨ ᠠᠴᠠ ᠪᠣᠯᠵᠤ ᠶᠠᠫᠤᠨ ᠢ ᠡᠷᠬᠡᠰᠢᠶᠡᠬᠦ ᠰᠠᠨᠠᠭᠠ ᠪᠠᠨ ᠬᠤᠷᠢᠶᠠᠭᠰᠠᠨ ᠪᠠᠶᠢᠨᠠ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |