| ᠠᠯᠠᠱᠠ ᠶᠢᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠬᠢᠭᠡᠳ ᠲᠡᠮᠡᠭᠡᠨ ᠤ ᠣᠨᠴᠠᠯᠢᠭ ᠰᠢᠨᠵᠢ ᠵᠢᠴᠢ ᠵᠣᠬᠢᠴᠠᠯ | | ᠠᠯᠠᠱᠠ ᠨᠤᠲᠤᠭ ᠨᠡᠶᠢᠲᠡ 27 ᠲᠦᠮᠡᠨ ᠲᠡᠭᠰᠢ ᠺᠢᠯᠣᠮᠧᠲᠷ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠠᠢ᠂ ᠠᠳᠡ ᠪᠠᠳᠠᠢ ᠶᠢᠨ ᠵᠢᠷᠠᠨ᠂ | ᠲᠡᠭᠷᠢ ᠡᠯᠡᠰᠦ᠂ ᠤᠯᠠᠭᠠᠨ ᠪᠤᠬᠠ ᠭᠡᠬᠦ 3 ᠶᠡᠭᠡ ᠡᠯᠡᠰᠦᠨ ᠴᠦᠯ ᠬᠦᠨᠳᠡᠯᠢᠳᠴᠦ᠂ ᠶᠡᠬᠡᠩᠬᠢ ᠨᠤᠲᠤᠭ ᠪᠡᠯᠴᠢᠭᠡᠷ ᠨᠢ | ᠡᠯᠡᠰᠤᠨ ᠪᠠᠯᠠᠷ᠂ ᠭᠤᠪᠢ ᠬᠠᠩᠭᠠᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠳᠠᠭ ᠪᠦᠭᠡᠳ ᠬᠡᠰᠡᠭ ᠪᠤᠰᠠᠭ ᠠᠭᠤᠯᠠ ᠨᠢᠷᠤᠭᠤ᠂ | ᠠᠳᠠᠷᠭᠠᠨ ᠲᠤᠯᠤᠭᠠᠳ ᠲᠠᠢ ᠬᠠᠲᠠᠭᠤᠯᠢᠭ ᠪᠡᠯᠴᠢᠭᠡᠷ ᠲᠠᠢ᠃ ᠬᠠᠷᠢᠨ ᠭᠤᠤᠯ ᠨᠠᠮᠤᠭ ᠲᠠᠢ ᠪᠡᠯᠴᠢᠭᠡᠷ ᠲᠤᠩ ᠪᠠᠭᠠ | ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠡᠪᠦᠯ ᠳᠡᠭᠡᠨ ᠲᠠᠰᠬᠢᠮᠠ ᠬᠦᠢᠲᠡᠨ᠂ ᠵᠤᠨ ᠳᠠᠭᠠᠨ ᠬᠠᠯᠠᠭᠤᠨ᠂ ᠣᠨᠴᠠ ᠶᠡᠭᠡ ᠭᠠᠩ ᠬᠠᠭᠤᠷᠠᠢ | ᠠᠭᠤᠷ ᠠᠮᠢᠰᠬᠤᠯ ᠦᠷᠭᠦᠯᠵᠢᠯᠡᠵᠦ᠂ ᠰᠠᠯᠬᠢᠨ ᠰᠢᠭᠤᠷᠭᠠᠨ ᠤ ᠰᠠᠪᠠ ᠭᠠᠵᠠᠷ ᠪᠣᠯᠤᠭᠰᠠᠨ ᠪᠠᠶᠢᠳᠠᠭ᠃ ᠠᠯᠠᠱᠠ | ᠨᠤᠲᠤᠭ ᠤᠨ ᠡᠯᠡᠰᠦᠨ ᠪᠠᠯᠠᠷ ᠲᠤ ᠵᠠᠭ᠂ ᠰᠤᠬᠠᠢ᠂ ᠲᠣᠷᠯᠤᠭ᠂ ᠬᠠᠷᠭᠠᠨᠠ᠂ ᠬᠤᠯᠤᠰᠤ᠂ ᠰᠤᠯᠢ᠂ ᠭᠤᠪᠢ ᠬᠠᠩᠭᠠᠢ | ᠳᠤᠨᠢ ᠪᠤᠳᠠᠷᠭᠠᠨᠠ᠂ ᠤᠯᠠᠭᠠᠨ ᠪᠤᠳᠠᠷᠭᠠᠨᠠ᠂ ᠬᠠᠷᠮᠠᠭ᠂ ᠬᠤᠶᠢᠷᠠᠭ᠂ ᠬᠠᠵᠠᠭᠠᠷ ᠡᠪᠡᠰᠦ᠂ ᠬᠢᠯᠭᠠᠨᠠ᠂ ᠲᠠᠭᠠᠨᠠ ᠪᠠᠷ | ᠭᠤᠣᠯᠯᠠᠵᠤ᠂ ᠰᠢᠪᠠᠭ᠂ ᠪᠦᠭᠡᠷᠡᠭ ︵ᠪᠦᠭᠡᠷᠡᠯᠵᠢᠭᠡᠨᠡ︶᠂ ᠮᠦᠩᠬᠡ ᠬᠠᠷᠭᠠᠨᠠ᠂ ᠪᠤᠴᠢᠭᠢᠨᠠᠭᠤᠷ ᠬᠤᠯᠢᠯᠳᠤᠭᠰᠠᠨ | ᠪᠤᠷᠤᠯᠵᠢᠨ ᠪᠡᠯᠴᠢᠭᠡᠷ ᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠶᠢᠳᠠᠭ ᠪᠦᠭᠡᠳ ᠠᠭᠤᠯᠠ ᠠᠳᠠᠷᠭᠠᠨ ᠳᠤᠨᠢ ᠴᠤ ᠬᠡᠳᠦᠨ ᠵᠦᠢᠯ ᠤᠨ | ᠪᠤᠳᠠᠷᠭᠠᠨᠠ ᠪᠠᠷ ᠭᠤᠣᠯᠯᠠᠵᠤ᠂ ᠪᠤᠰᠤᠳ ᠨᠠᠷᠢᠯᠢᠭ ᠡᠪᠡᠰᠦ ᠬᠤᠯᠢᠯᠳᠤᠭᠰᠠᠨ ᠰᠠᠶᠢᠷᠡᠭ ᠪᠡᠯᠴᠢᠭᠡᠷ ᠤᠨ ᠪᠦᠲᠦᠴᠡ | ᠲᠠᠢ ᠪᠣᠯᠪᠠᠴᠤ ᠦᠷᠭᠡᠨ ᠬᠡᠪᠴᠢᠶᠡᠨ ᠤ ᠬᠤᠵᠢᠷᠯᠢᠭ ᠭᠠᠵᠠᠷ ᠤᠨ ᠡᠪᠡᠰᠦ ᠤᠷᠭᠤᠮᠠᠯ ᠨᠢ ᠰᠢᠮᠡ ᠰᠠᠶᠢᠲᠠᠢ | ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠭᠠᠩ ᠳᠠᠭᠠᠭᠠᠬᠤ ᠲᠡᠰᠪᠦᠷᠢ ᠴᠢᠩᠭᠠ ᠲᠤᠯᠠ ᠡᠨᠡ ᠨᠤᠲᠤᠭ ᠤᠨ ᠲᠡᠮᠡᠭᠡ ᠴᠤ ᠭᠠᠵᠠᠷ | ᠤᠰᠤᠨ ᠤ ᠪᠠᠨ ᠰᠢᠮᠡ ᠲᠡᠵᠢᠭᠡᠯ ᠳᠤ ᠪᠦᠷᠢᠨ ᠢᠳᠡᠭᠡᠰᠢᠵᠦ ᠵᠣᠬᠢᠴᠠᠭᠰᠠᠨ ᠪᠠᠶᠢᠳᠠᠭ᠃ | ᠠᠯᠠᠱᠠ ᠲᠡᠮᠡᠭᠡ ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠤᠶᠠᠷ ᠪᠦᠬᠦ ᠲᠠᠢ ᠪᠠᠶᠢᠳᠠᠭ ᠲᠤᠯᠠ ᠠᠯᠠᠱᠠ ᠬᠤᠣᠰ ᠪᠦᠬᠦᠲᠦ ᠲᠡᠮᠡᠭᠡ ᠭᠡᠵᠦ | ᠳᠠᠭᠤᠳᠠᠳᠠᠭ᠃ ᠠᠯᠠᠱᠠ ᠲᠡᠮᠡᠭᠡᠨ ᠤ ᠪᠡᠶᠡ ᠭᠠᠯᠪᠢᠷ ᠤᠨ ᠭᠠᠳᠠᠷ ᠪᠠᠶᠢᠳᠠᠯ ᠠᠴᠠ ᠨᠡᠶᠢᠳᠡᠮ ᠠᠵᠢᠭᠯᠠᠬᠤ ᠳᠤ ᠪᠡᠶᠡ | ᠣᠬᠤᠷ᠂ ᠬᠦᠯ ᠤᠷᠲᠤ᠂ ᠬᠦᠵᠦᠭᠦᠦ ᠤᠷᠲᠤ᠂ ᠲᠤᠯᠤᠭᠠᠢ ᠳᠡᠭᠡᠷᠡ᠂ ᠬᠤᠩᠰᠢᠶᠠᠷ ︵ᠬᠤᠰᠢᠭᠤ︶ ᠨᠠᠷᠢᠨ᠂ | ᠳᠤᠬᠤ ᠶᠢᠨ ᠶᠠᠰᠤ ᠨᠢ ᠭᠦᠳᠦᠭᠦᠷ᠂ ᠴᠡᠭᠡᠵᠢᠨ ᠪᠡᠶᠡ ᠠᠭᠤᠵᠢᠮ ᠶᠡᠭᠡ᠂ ᠨᠢᠷᠤᠭᠤ ᠬᠠᠩᠭᠠᠢ᠂ ᠬᠤᠨᠳᠤᠯᠠᠢ ᠪᠠᠭᠠ᠂ | ᠦᠪᠬᠦᠭ ︵ᠦᠪᠦᠭ︶ ᠲᠠᠢ ᠠᠳᠠᠯᠢᠪᠲᠤᠷ ᠬᠤᠣᠰ ᠪᠦᠬᠦ ᠲᠠᠢ᠂ ᠲᠠᠰᠢᠶᠠ ᠰᠢᠪᠲᠤᠩ᠂ ᠪᠤᠯᠴᠢᠩ ᠰᠢᠷᠪᠦᠰᠦ | ᠲᠣᠲᠤᠷᠬᠠᠢ᠂ ᠵᠦᠭᠡᠯᠡᠨ ᠲᠠᠪᠠᠭ ᠨᠢ ᠲᠠᠬᠠᠰᠢ ᠲᠠᠢ᠂ ᠪᠦᠲᠦᠷᠬᠡᠢ᠂ ᠡᠪᠦᠳᠦᠭ ᠤᠨ ᠦᠶᠡ᠂ ᠡᠮᠦᠨᠡ ᠬᠤᠶᠢᠲᠤ | ᠬᠦᠯ ᠤᠨ ᠲᠠᠭᠠᠯᠴᠠᠭ ᠲᠠᠭᠠᠨ ᠪᠦᠷ ᠲᠠᠭᠠᠰᠢ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠣᠨᠴᠠᠯᠢᠭᠳᠠᠵᠤ᠂ ᠭᠠᠭᠴᠠ ᠪᠦᠬᠦᠲᠦ ᠲᠡᠮᠡᠭᠡ | ᠪᠠ ᠬᠠᠪᠳᠠᠭᠠᠢ ︵ᠵᠡᠷᠯᠢᠭ ᠲᠡᠮᠡᠭᠡ︶ ᠠᠴᠠ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠠᠯᠠᠱᠠ ᠲᠡᠮᠡᠭᠡᠨ ᠤ ᠣᠬᠤᠷ ᠪᠡᠶᠡ᠂ ᠤᠷᠲᠤ | ᠬᠦᠯ᠂ ᠲᠠᠬᠠᠰᠢ ᠲᠠᠢ ᠫᠠᠯᠢᠭᠠᠷ ᠲᠤᠮᠤ ᠲᠠᠪᠠᠭ ︵ᠲᠠᠪᠠᠭ᠋ᠠᠢ︶ ᠨᠢ ᠡᠯᠡᠰᠦ ᠮᠠᠩᠬᠠ᠂ ᠭᠤᠪᠢ ᠭᠡᠭᠡᠷᠡ ᠪᠠᠷ ᠠᠶᠠᠯᠠᠵᠤ | ᠶᠠᠪᠤᠬᠤ᠂ ᠢᠳᠡᠰᠢᠯᠡᠵᠦ ᠪᠡᠯᠴᠢᠭᠡᠷᠯᠡᠬᠦ ᠳᠤ ᠨᠠᠷᠢᠨ ᠵᠣᠬᠢᠴᠠᠵᠤ᠂ ᠪᠦᠲᠦᠷᠭᠡᠢ᠂ ᠡᠪᠦᠳᠦᠭ᠂ ᠲᠠᠭᠠᠯᠴᠠᠭ ᠤᠨ ᠲᠠᠬᠠᠰᠢ | ᠨᠢ ᠭᠠᠩ ᠬᠠᠭᠤᠷᠠᠢ ᠡᠯᠡᠰᠦ ᠮᠠᠩᠬᠠᠨ ᠨᠤᠲᠤᠭ ᠤᠨ ᠢᠳᠡ ᠵᠤᠨ ᠤ ᠰᠢᠲᠠᠮᠠ ᠬᠠᠯᠠᠭᠤᠨ ᠪᠠ ᠡᠪᠦᠯ ᠤᠨ ᠳ᠋ᠦᠩ ᠤᠨ | ᠲᠠᠰᠬᠢᠮᠠ ᠬᠦᠢᠲᠡᠨ ᠳᠤ ᠪᠤᠰᠤᠳ ᠡᠷᠬᠡᠲᠡᠨ ᠢᠶᠠᠨ ᠭᠠᠵᠠᠷ ᠠᠴᠠ ᠵᠣᠬᠢᠮᠵᠢᠲᠠᠢ ᠬᠦᠨᠳᠡᠶᠢᠷᠡᠭᠦᠯᠵᠦ᠂ ᠪᠡᠶᠡ ᠶᠢᠨ ᠢᠶᠠᠨ | ᠬᠡᠲᠦ ᠬᠠᠯᠠᠬᠤ ᠪᠤᠶᠤ ᠬᠦᠯᠳᠡᠬᠦ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠳᠠᠭ ᠦᠢᠯᠡᠳᠦᠯ ᠲᠠᠢ᠃ ᠬᠤᠣᠰ ᠪᠦᠬᠦ ᠨᠢ ᠤᠭᠤᠷᠠᠭ | ᠲᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠲᠠᠢ ᠦᠭᠡᠬᠦ ᠪᠠᠷ ᠳᠦᠭᠦᠷᠴᠦ ᠪᠠᠶᠢᠳᠠᠭ ᠲᠤᠯᠠ ᠦᠷᠭᠦᠯᠵᠢᠯᠡᠭᠰᠡᠨ ᠭᠠᠩ ᠬᠠᠭᠰᠠᠷᠭᠠᠨ᠂ | ᠣᠯᠠᠨ ᠬᠤᠨᠤᠭ ᠤᠨ ᠠᠶᠠᠯᠠᠯ ᠶᠠᠪᠤᠳᠠᠯ᠂ ᠤᠳᠠᠭᠠᠨ ᠡᠳᠤᠷ ᠤᠨ ᠴᠠᠩᠭᠠᠵᠤ ᠦᠯᠳᠡᠬᠦ ᠳᠤ ᠲᠡᠵᠢᠭᠡᠯ ᠲᠠᠮᠢᠷ | ᠨᠦᠬᠦᠪᠦᠷᠢᠯᠡᠵᠦ ᠦᠭᠳᠡᠭ ᠣᠨᠴᠠᠭᠠᠢ ᠦᠢᠯᠡᠳᠦᠯ ᠲᠠᠢ ᠡᠷᠳᠡᠨᠢ ᠪᠣᠯᠳᠠᠭ᠃ ᠲᠡᠮᠡᠭᠡᠴᠢᠳ ᠤᠨ ᠦᠭᠡᠨ ᠳᠤ ︽ᠪᠦᠬᠦ | ᠳᠦᠭᠦᠷᠡᠩ ᠲᠡᠮᠡᠭᠡ ᠦᠯᠪᠡᠷᠴᠦ ᠦᠬᠦᠬᠦ ᠶᠣᠰᠣ ᠦᠭᠡᠢ︾ ᠭᠡᠳᠡᠭ ᠪᠢᠯᠡ᠃ ᠠᠯᠠᠱᠠ ᠲᠡᠮᠡᠭᠡᠨ ᠤ ᠦᠷᠭᠡᠨ ᠠᠭᠤᠵᠢᠮ | ᠴᠡᠭᠡᠵᠢ᠂ ᠪᠠᠭᠠ ᠠᠪᠰᠠᠷᠬᠠᠨ ᠬᠤᠨᠳᠤᠯᠠᠢ ᠨᠢ ᠴᠤ ᠡᠯᠡᠰᠦᠨ ᠪᠠᠯᠠᠷ ᠲᠤ ᠠᠶᠠᠯᠠᠬᠤ ᠳᠤ ᠪᠦᠬᠦ ᠪᠡᠶᠡ ᠶᠢᠨ ᠢᠶᠠᠨ | ᠲᠡᠩᠴᠡᠭᠦᠷᠢ ᠶᠢ ᠲᠣᠭᠲᠠᠭᠠᠵᠤ᠂ ᠣᠨᠴᠠᠭᠠᠶᠢᠯᠠᠨ ᠲᠠᠬᠠᠰᠢ ᠲᠠᠢ ᠵᠦᠭᠡᠯᠡᠨ ᠲᠠᠪᠠᠭ ᠨᠢ ᠫᠠᠯᠢᠭᠠᠷ ᠲᠤᠮᠤ ᠪᠦᠭᠡᠳ | ᠤᠶᠠᠨ ᠬᠠᠲᠠᠨ ᠲᠤᠯᠠ ᠡᠯᠡᠰᠦ ᠮᠠᠩᠬᠠᠨ ᠤ ᠨᠤᠭᠤᠴᠠᠭᠠᠨ ᠳᠤ ᠪᠤᠯᠬᠠᠵᠤ ᠬᠤᠯᠤᠮᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠲᠡᠷᠡ | ᠮᠦᠷᠲᠡᠭᠡᠨ ᠭᠠᠵᠠᠷ ᠣᠷᠤᠨ ᠤ ᠪᠠᠨ ᠣᠷᠴᠢᠨ ᠲᠤᠭᠤᠷᠢᠨ ᠳᠤ ᠵᠣᠬᠢᠴᠠᠵᠤ ᠪᠤᠯᠴᠢᠩ ᠰᠢᠷᠪᠦᠰᠦ ᠨᠢ ᠴᠤ ᠵᠦᠩᠳᠡᠭᠡᠨ | ᠬᠦᠭᠵᠢᠨ ᠪᠤᠵᠠᠭᠠᠶᠢᠷᠠᠭᠰᠠᠨ ᠪᠠᠶᠢᠳᠠᠭ᠃ ᠠᠯᠠᠱᠠ ᠲᠡᠮᠡᠭᠡᠨ ᠤ ᠦᠩᠭᠡ ᠵᠢᠰᠦ ᠨᠢ ᠰᠢᠷᠠ᠂ ᠬᠦᠷᠡᠩ᠂ ᠪᠤᠷᠣ | ᠭᠤᠣᠯᠳᠠᠵᠤ᠂ ᠴᠠᠭᠠᠨ ᠲᠡᠮᠡᠭᠡ ᠴᠦᠭᠡᠪᠦᠷᠢ ᠪᠠᠶᠢᠳᠠᠭ᠃ ᠪᠤᠰᠤᠳ ᠲᠦᠷᠦᠯ ᠤᠨ ᠲᠡᠮᠡᠭᠡᠨ ᠤ ᠨᠣᠣᠰᠤ ᠶᠢ ᠪᠣᠳᠤᠪᠠᠯ | ᠰᠤᠷ ᠬᠢᠯᠭᠠᠰᠤ ᠨᠢ ᠨᠠᠷᠢᠯᠢᠭ ᠤᠷᠲᠤ᠂ ᠨᠣᠣᠯᠤᠤᠷ ᠨᠢ ᠨᠢᠭᠲᠠ ᠵᠦᠭᠡᠯᠡᠨ᠂ ᠤᠶᠠᠨ ᠬᠠᠷᠢᠮᠠᠬᠠᠢ ᠪᠦᠭᠡᠳ ᠪᠦᠬᠡᠯᠢᠭ᠂ | ᠭᠠᠷᠤᠯᠲᠠ ᠶᠢᠨ ᠬᠡᠮᠵᠢᠶᠡ ᠨᠢ ᠴᠤ ᠬᠠᠷᠢᠴᠠᠯᠠᠰᠢ ᠦᠭᠡᠢ ᠦᠨᠳᠦᠷ ᠪᠠᠶᠢᠳᠠᠭ᠃ | ᠠᠯᠠᠱᠠ ᠲᠡᠮᠡᠭᠡ ᠬᠡᠲᠦᠶᠢᠪᠡᠷ ᠪᠤᠰᠤᠳ ᠲᠦᠷᠦᠯ ᠤᠨ ᠲᠡᠮᠡᠭᠡ ᠲᠠᠢ ᠣᠯᠠᠨ ᠲᠠᠯᠠ ᠪᠠᠷ ᠠᠳᠠᠯᠢ ᠪᠤᠰᠤ ᠣᠨᠴᠠᠯᠢᠭ | ᠲᠠᠢ ᠪᠣᠯᠪᠠᠴᠤ ᠬᠤᠯᠤᠭᠠᠨᠠ ᠶᠢᠨ ᠴᠢᠬᠢ ᠲᠠᠢ᠂ ᠦᠬᠡᠷ ᠤᠨ ᠬᠢᠮᠦᠰᠦ ᠲᠠᠢ᠂ ᠪᠠᠷᠰ ᠤᠨ ᠵᠤᠭᠲᠤᠷ ᠲᠠᠢ᠂ | ᠲᠠᠤᠯᠠᠢ ᠶᠢᠨ ᠤᠷᠤᠭᠤᠯ ᠲᠠᠢ᠂ ᠯᠤᠤ ᠶᠢᠨ ᠬᠦᠵᠦᠭᠦᠦ ᠲᠠᠢ᠂ ᠮᠣᠭᠠᠢ ᠶᠢᠨ ᠰᠡᠭᠦᠯ ᠲᠠᠢ᠂ ᠮᠣᠷᠢᠨ ᠳᠡᠯ ᠲᠠᠢ ︵ | ᠰᠢᠯᠢ ᠲᠠᠢ︶᠂ ᠬᠤᠨᠢᠨ ᠨᠢᠳᠤ ᠲᠠᠢ᠂ ᠪᠡᠴᠢᠨ ᠨᠣᠣᠰᠣ ᠲᠠᠢ᠂ ᠲᠠᠬᠢᠶᠠ ᠶᠢᠨ ᠰᠡᠴᠢᠭ ᠲᠠᠢ ︵ᠦᠪᠬᠦᠭ︶ ᠲᠠᠢ᠂ | ᠨᠣᠬᠠᠢ ᠶᠢᠨ ᠭᠤᠶᠠ ᠲᠠᠢ᠂ ᠭᠠᠭ᠋ᠠᠢ ᠶᠢᠨ ᠭᠡᠳᠡᠰᠦ ᠲᠠᠢ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠰᠢᠨᠵᠢ ᠶᠢ ᠪᠦᠷᠢᠨ ᠬᠠᠲᠠᠭᠠᠯᠠᠭᠰᠠᠨ | ᠪᠠᠶᠢᠳᠠᠭ ᠪᠦᠭᠡᠳ ᠠᠯᠠᠱᠠ ᠲᠡᠮᠡᠭᠡᠨ ᠤ ᠪᠣᠢ ᠪᠣᠯᠤᠭᠰᠠᠨ ᠲᠤᠬᠠᠢ ᠡᠶᠢᠮᠦ ᠨᠢᠭᠡᠨ ᠳᠤᠮᠤᠭ ᠤᠯᠠᠮᠵᠢᠯᠠᠭᠳᠠᠨ | ᠶᠠᠷᠢᠭᠳᠠᠵᠤ ᠪᠠᠶᠢᠳᠠᠭ᠃ | ᠤᠷᠢᠳᠤ ᠲᠡᠮᠡᠭᠡ ᠭᠡᠳᠡᠭ ᠠᠮᠢᠲᠠᠨ ᠪᠠᠶᠢᠭᠠ ᠦᠭᠡᠢ᠃ ᠲᠠᠩᠭᠤᠳ ᠤᠨ ᠬᠠᠭᠠᠨ ᠬᠠᠷᠢᠶᠠᠯ ᠬᠢᠬᠦ ᠳᠡᠭᠡᠨ ᠲᠡᠮᠡᠭᠡ ᠶᠢ | ᠯᠦᠳ᠋ ᠵᠣᠯᠢᠭ ᠪᠣᠯᠭᠠᠵᠦ ᠠᠯᠠᠱᠠ ᠭᠠᠵᠠᠷ ᠲᠤ ᠶᠠᠪᠤᠭᠤᠯᠤᠭᠰᠠᠨ ᠢ ᠪᠤᠷᠬᠠᠨ ᠪᠠᠭᠰᠢ ᠵᠠᠮ ᠠᠴᠠ ᠨᠢ ᠲᠣᠰᠴᠤ | ᠠᠪᠤᠭᠠᠳ᠄ ︽ᠴᠢᠮᠠ ᠶᠢ ᠪᠢ ᠭᠠᠷᠤᠯ ᠲᠦᠷᠦᠯ ᠢ ᠨᠢ ᠰᠠᠶᠢᠵᠢᠷᠠᠭᠤᠯᠵᠤ ᠦᠭᠭᠦᠯᠡ᠃ ᠣᠳᠤ ᠴᠢ ᠯᠤᠤ ᠶᠢᠨ ᠳᠡᠭᠦᠦ | ᠨᠢ ᠪᠣᠯᠵᠤ᠂ ᠪᠡᠶᠡ ᠬᠠ ᠶᠡᠬᠡᠲᠡᠢ ᠴᠢᠳᠠᠯ ᠲᠡᠩᠬᠡᠭᠡ ᠰᠠᠶᠢᠲᠠᠢ ᠪᠠᠷ ᠢᠶᠠᠨ ᠡᠯᠡᠰᠤᠨ ᠪᠠᠯᠠᠷ ᠭᠠᠵᠠᠷ ᠲᠤ ᠶᠠᠪᠤᠬᠤ ᠳᠤ | ᠶᠠᠭ ᠲᠤᠬᠢᠷᠠᠬᠤ ᠰᠢᠨᠵᠢ ᠲᠠᠢ ᠠᠮᠢᠲᠠᠨ ᠪᠣᠯᠵᠡᠢ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠮᠣᠩᠭᠤᠯ ᠭᠠᠵᠠᠷ ᠲᠤ ᠠᠮᠢᠳᠤᠷᠠᠵᠤ | ᠢᠳᠡᠭᠡᠰᠢᠭᠡᠳ ᠬᠦᠮᠦᠨ ᠳᠤ ᠬᠦᠴᠦ ᠴᠢᠳᠠᠯ ᠢᠶᠠᠨ ᠦᠭᠴᠦ ᠠᠴᠢᠶᠠ ᠲᠡᠩᠬᠡᠭᠡ ᠶᠢ ᠨᠢ ᠡᠭᠦᠷᠴᠦ ᠶᠠᠪᠤᠪᠠᠯ | ᠮᠠᠷᠲᠠᠭᠳᠠᠰᠢ ᠦᠭᠡᠢ ᠠᠮᠢᠲᠠᠨ ᠪᠣᠯᠵᠤ᠂ ᠬᠦᠳᠡᠭᠡ ᠭᠠᠵᠠᠷ ᠤᠨ ᠬᠦᠯᠦᠭ ᠴᠤ ᠪᠣᠯᠵᠤ᠂ ᠴᠢᠮᠡᠭ ᠴᠤ ᠪᠣᠯᠵᠤ ᠶᠠᠪᠤᠬᠤ | ᠶᠤᠮ᠃ ᠲᠡᠭᠡᠪᠡᠯ ᠨᠢᠭᠦᠯ ᠠᠯᠳᠠᠰᠢ ᠴᠢᠨᠢ ᠪᠠᠶᠢᠰᠢ ᠦᠭᠡᠢ ᠶᠡᠭᠡ ᠪᠤᠶᠠᠨ ᠢᠶᠠᠷ ᠰᠣᠯᠢᠭᠳᠠᠵᠤ ᠲᠤᠩ ᠶᠡᠭᠡ ᠫᠠᠶ᠋ᠢᠩ ︵ | ᠪᠤᠶᠠᠨ︶ ᠲᠠᠢ ᠪᠣᠯᠤᠨᠠ︕︾ ᠭᠡᠰᠡᠨ ᠳᠤ ᠲᠡᠮᠡᠭᠡ ᠮᠠᠭᠤ ᠲᠦᠷᠦᠯᠭᠡ ᠠᠴᠠ ᠭᠠᠷᠴᠤ ᠰᠠᠶᠢᠨ ᠢᠵᠠᠭᠤᠷ ᠲᠠᠢ | ᠠᠮᠢᠲᠠᠨ ᠪᠤᠯᠤᠭᠰᠠᠨ ᠳᠠᠭᠠᠨ ᠪᠠᠶᠠᠷᠯᠠᠵᠤ᠄ ︽ᠵᠠ ᠵᠠᠷᠯᠢᠭ ᠳᠠᠭᠠᠶᠠ︾ ᠭᠡᠵᠦ ᠨᠤᠮᠤᠬᠠᠨ ᠬᠦᠯᠢᠶᠡᠭᠡᠳ ᠠᠯᠠᠱᠠ | ᠨᠤᠲᠤᠭ ᠲᠤ ᠶᠠᠪᠤᠬᠤ ᠪᠠᠷ ᠪᠣᠯᠪᠠ᠃ ᠢᠩᠬᠢᠵᠦ ᠲᠡᠮᠡᠭᠡ ᠭᠡᠳᠡᠭ ᠠᠮᠢᠲᠠᠨ ᠪᠣᠢ ᠪᠣᠯᠵᠡᠢ᠃ | ᠲᠡᠮᠡᠭᠡ ᠪᠤᠷᠬᠠᠨ ᠤ ᠵᠢᠭᠠᠪᠤᠷᠢ ᠵᠠᠬᠢᠶᠠ ᠶᠢ ᠶᠣᠰᠤᠴᠢᠯᠠᠨ ᠪᠡᠶᠡᠯᠡᠭᠦᠯᠵᠦ᠂ ᠡᠨᠡ ᠨᠤᠲᠤᠭ ᠲᠤ ᠢᠷᠡᠭᠡᠳ ᠭᠠᠵᠠᠷ | ᠤᠰᠤᠨ ᠳᠤᠨᠢ ᠵᠣᠬᠢᠴᠠᠵᠤ ᠦᠨᠢᠷ ᠰᠠᠶᠢᠬᠠᠨ ᠦᠷᠡᠵᠢᠵᠦ ᠦᠰᠦᠭᠡᠳ᠂ ᠮᠣᠩᠭᠤᠯ ᠨᠤᠲᠤᠭ ᠤᠨ ᠴᠢᠮᠡᠭ ᠪᠣᠯᠵᠤ | ᠤᠨᠤᠵᠤ ᠡᠳ᠋ᠯᠡᠬᠦ ᠳᠤ ᠬᠠᠭ᠋ᠤᠷ ᠱᠦᠭᠦᠷ᠂ ᠠᠴᠢᠵᠤ ᠬᠤᠮᠨᠠᠬᠤ ᠳᠤ ᠳᠠᠭᠠᠭᠠᠴᠠ ᠰᠠᠶᠢᠲᠠᠢ᠂ ᠡᠯᠡᠰᠦᠨ ᠭᠠᠵᠠᠷ ᠲᠤ | ᠴᠢᠳᠠᠮᠠᠭᠠᠢ ᠶᠠᠪᠤᠳᠠᠭ ᠲᠡᠰᠪᠦᠷᠢ ᠳᠠᠭᠠᠭᠠᠮᠵᠢ ᠲᠠᠢ ᠴᠢᠳᠠᠯ ᠲᠡᠩᠬᠡᠭᠡ ᠶᠡᠬᠡᠲᠠᠢ ᠤᠨᠤᠭᠠ ᠪᠣᠯᠣᠭᠰᠠᠨ ᠠᠴᠠ | ᠮᠣᠩᠭᠤᠯᠴᠤᠳ ᠤᠨ ᠨᠡᠭᠦᠵᠦ ᠰᠠᠭᠤᠳᠠᠭ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠴᠡᠭᠡ ᠳᠤᠨᠢ ᠰᠠᠯᠵᠤ ᠪᠣᠯᠤᠰᠢ ᠦᠭᠡᠢ ᠬᠠᠨᠢ | ᠲᠦᠰᠢᠭ ᠨᠢ ᠪᠣᠯᠵᠤ ᠢᠵᠢᠯᠢᠰᠢᠭᠡᠳ᠂ ᠬᠦᠮᠦᠨ ᠳᠤ ᠲᠤᠰᠠ ᠳᠡᠮ ᠢᠶᠠᠨ ᠬᠦᠷᠭᠡᠵᠦ᠂ ᠦᠨᠢᠷ ᠤᠳᠠᠭᠠᠨ ᠲᠡᠤᠬᠡ ᠲᠠᠢ | ᠶᠠᠪᠤᠵᠤ ᠢᠷᠡᠵᠡᠢ᠃ ᠲᠡᠶᠢᠮᠦ ᠳᠡᠭᠡᠨ ᠠᠯᠠᠱᠠ ᠮᠣᠩᠭᠤᠯᠴᠤᠳ ᠲᠡᠮᠡᠭᠡ ᠪᠠᠨ ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠰᠤᠶᠤᠷᠬᠠᠵᠤ | ᠬᠠᠶᠢᠷᠠᠯᠠᠭᠰᠠᠨ ᠰᠠᠶᠢᠨ ᠴᠤ ᠤᠨᠤᠭᠠ᠂ ᠰᠠᠶᠢᠬᠠᠨ ᠴᠤ ᠠᠮᠢᠲᠠᠨ ᠭᠡᠵᠦ ᠨᠠᠨᠳᠢᠩᠨᠠᠨ ᠬᠠᠶᠢᠷᠠᠯᠠᠳᠠᠭ ᠪᠠᠶᠢᠬᠤ ᠳᠤ | ᠲᠡᠮᠡᠭᠡ ᠴᠤ ᠡᠵᠡᠨ ᠳᠡᠭᠡᠨ ᠣᠨᠴᠠ ᠳᠠᠰᠳᠠᠭ ᠤᠶᠠᠨ ᠰᠡᠳᠬᠢᠯ ᠲᠠᠢ ᠠᠮᠢᠲᠠᠨ ᠪᠣᠯᠵᠡᠢ᠃ ᠲᠡᠮᠡᠭᠡ ᠢᠵᠢᠯᠢ ᠠᠴᠠ ᠪᠠᠨ | ᠰᠠᠯᠬᠤ᠂ ᠦᠷᠡ ᠲᠦᠯ ᠠᠴᠠ ᠪᠠᠨ ᠰᠠᠯᠬᠤ ᠳᠤ ᠨᠢᠳᠤᠨ ᠠᠴᠠ ᠨᠢ ᠲᠤᠮᠤ ᠲᠤᠮᠤ ᠨᠢᠯᠪᠤᠰᠤ ᠳᠤᠰᠤᠯᠵᠤ ᠣᠯᠠᠨ | ᠬᠤᠨᠤᠭ ᠭᠤᠩᠭᠢᠨᠠᠵᠤ ᠵᠣᠪᠠᠳᠠᠭ᠃ ᠪᠣᠲᠤᠭᠤ ᠪᠠᠨ ᠭᠤᠯᠤᠭᠰᠠᠨ ᠢᠩᠭᠡᠨ ᠳᠤ ᠳᠠᠭᠤᠤ ᠳᠠᠭᠤᠯᠠᠬᠤ᠂ ᠬᠤᠭᠤᠷ | ᠲᠠᠲᠠᠬᠤ ᠳᠤ ᠤᠬᠢᠯᠠᠵᠤ ᠪᠤᠶᠢᠯᠠᠭᠠᠳ ᠠᠪᠳᠠᠭ ᠪᠢᠯᠡ᠃ ᠲᠡᠮᠡᠭᠡ ᠭᠡᠳᠡᠭ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠴᠤ ᠣᠨᠴᠠ | ᠬᠠᠶᠢᠷᠠᠲᠠᠢ ᠪᠠᠶᠢᠳᠠᠭ᠃ ᠶᠠᠮᠠᠷ ᠰᠠᠶᠢᠬᠠᠨ ᠡᠪᠡᠰᠦ ᠤᠰᠤ ᠲᠠᠢ ᠭᠠᠵᠠᠷ ᠲᠤ ᠠᠪᠠᠴᠢᠪᠠᠴᠤ ᠭᠠᠵᠠᠷᠰᠢᠳᠠᠭ ᠦᠭᠡᠢ᠃ | ᠦᠬᠦᠨ ᠦᠬᠦᠲᠡᠯᠡ ᠵᠠᠪᠠᠯ ᠨᠤᠲᠤᠭ ᠵᠦᠭ ᠢᠶᠠᠨ ᠠᠯᠳᠠᠭᠤᠯᠵᠤ ᠭᠦᠶᠦᠳᠡᠭ ᠡᠶᠢᠮᠦ ᠰᠦᠷᠡᠬᠡᠢ ᠨᠤᠲᠤᠭᠴᠢ ᠠᠮᠢᠲᠠᠨ | ᠶᠤᠮ ᠭᠡᠳᠡᠭ᠃ ᠬᠤᠣᠰ ᠪᠦᠬᠦᠲᠦ ᠲᠡᠮᠡᠭᠡ ᠢᠩᠬᠢᠵᠦ ᠠᠯᠠᠱᠠ ᠨᠤᠲᠤᠭ ᠲᠤ ᠦᠰᠴᠦ ᠣᠯᠠᠰᠢᠷᠠᠭᠰᠠᠨ ᠮᠦᠷᠲᠡᠭᠡᠨ | ᠠᠯᠠᠱᠠ ᠶᠢᠨ ᠲᠡᠮᠡᠭᠡ ᠶᠢᠨ ᠦᠩᠭᠡ ᠵᠢᠰᠦᠮ ᠰᠠᠶᠢᠲᠠᠢ᠂ ᠮᠦᠨ ᠴᠤ ᠬᠤᠷᠳᠤᠨ ᠲᠡᠮᠡᠭᠡ ᠲᠠᠢ ᠨᠤᠲᠤᠭ ᠪᠣᠯᠵᠤ᠂ | ᠲᠡᠮᠡᠭᠡ ︽ᠡᠯᠡᠰᠤᠨ ᠨᠤᠲᠤᠭ ᠤᠨ ᠣᠩᠭᠤᠴᠠ︾ ᠭᠡᠵᠦ ᠠᠯᠳᠠᠷᠰᠢᠵᠤ ᠮᠣᠩᠭᠤᠯᠴᠤᠳ ᠲᠤ ᠡᠭᠡᠯᠢᠲᠡᠢ ᠰᠠᠶᠢᠬᠠᠨ | ᠤᠨᠤᠭᠠ ᠪᠣᠯᠵᠡᠢ᠃ | ᠠᠯᠠᠱᠠ ᠲᠡᠮᠡᠭᠡ ᠣᠷᠤᠰᠢᠨ ᠲᠣᠭᠲᠠᠨᠢᠭᠠ ᠪᠠᠶᠢᠭᠠᠯᠢ ᠣᠷᠴᠢᠨ ᠲᠠᠢ ᠪᠠᠨ ᠨᠢᠭᠲᠠ ᠵᠣᠬᠢᠴᠠᠭᠰᠠᠨ ᠨᠢ ᠠᠯᠠᠱᠠ | ᠨᠤᠲᠤᠭ ᠤᠨ ᠮᠠᠯᠴᠢᠳ ᠤᠨ ᠠᠵᠤ ᠠᠮᠢᠳᠤᠷᠠᠯ ᠳᠤ ᠲᠤᠯᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠪᠣᠯᠤᠭᠰᠠᠨ ᠢᠶᠠᠷ ᠦᠯᠦ | ᠪᠠᠷᠠᠮ ᠠᠮᠢᠳᠤᠷᠠᠯ ᠤᠨᠳᠤᠷᠤᠯᠭᠠ ᠳᠤᠨᠢ ᠲᠤᠰᠠᠯᠠᠬᠤ ᠡᠬᠡ ᠪᠠᠶᠠᠯᠢᠭ ᠢ ᠴᠤ ᠰᠢᠭᠤᠳ ᠬᠠᠩᠭᠠᠵᠤ ᠪᠠᠶᠢᠳᠠᠭ᠃ ︽ | ᠳᠤᠮᠳᠠᠳᠤ ᠤᠯᠤᠰ ᠤᠨ ᠨᠡᠪᠲᠡᠷᠬᠡᠢ ᠲᠡᠤᠬᠡ︾ ᠶᠢᠨ ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ︵1032-1227︶ ᠤᠨ | ᠳᠣᠲᠤᠷᠠᠬᠢ ᠨᠢᠭᠡ ᠪᠠᠳᠠᠭ ᠲᠤ ︽ᠠᠯᠠᠱᠠ ᠪᠣᠯᠤᠨ ᠡᠵᠡᠨᠡ ᠶᠢᠨ ᠲᠡᠮᠡᠭᠡ ᠠᠯᠢ ᠠᠷᠪᠢᠨ︾ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ | ᠪᠦᠭᠡᠳ ᠬᠠᠳᠠᠨ ᠵᠢᠷᠤᠭ ᠤᠨ ᠨᠤᠲᠤᠭ ᠭᠡᠮᠡᠭᠳᠡᠭᠰᠡᠨ ᠠᠯᠠᠱᠠ ᠶᠢᠨ ᠶᠡᠭᠡ ᠭᠤᠪᠢ ᠳᠤ ᠬᠠᠮᠤᠭ ᠨᠠᠭᠠᠲᠤ ᠵᠠᠬᠠ ᠳᠠᠭᠠᠨ | 6000 ᠵᠢᠯ ᠤᠨ ᠡᠮᠦᠨᠡ᠂ ᠳᠠᠷᠤᠢ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶᠡ ᠳᠤ ᠪᠣᠢ ᠪᠣᠯᠤᠭᠰᠠᠨ ᠬᠠᠳᠠᠨ | ᠵᠢᠷᠤᠭ ᠤᠨ ᠳᠤᠲᠤᠷᠠ ᠴᠤ ᠲᠡᠮᠡᠭᠡ ᠮᠠᠯᠵᠢᠭᠰᠠᠨ ᠵᠢᠷᠤᠭ ᠤᠳ ᠪᠠᠶᠢᠳᠠᠭ ᠨᠢ ᠮᠦᠨ ᠴᠤ ᠡᠨᠡ ᠨᠤᠲᠤᠭ ᠲᠤ ᠠᠯᠢ | ᠡᠷᠲᠡ ᠲᠡᠮᠡᠭᠡ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠭᠦᠨ ᠢ ᠮᠠᠯᠵᠢᠵᠤ ᠡᠷᠬᠡᠰᠢᠶᠡᠭᠰᠡᠨ ᠪᠣᠳᠠᠲᠤ ᠭᠡᠷᠡᠴᠢ ᠪᠣᠯᠬᠤ ᠶᠤᠮ᠃ ᠡᠭᠦᠨ ᠤ | ᠤᠯᠠᠮ ᠢᠶᠠᠷ ᠦᠷᠦᠨᠡ ᠳᠤᠷᠤᠨᠠ ᠶᠢ ᠬᠤᠯᠪᠤᠭᠰᠠᠨ ᠠᠯᠳᠠᠷᠲᠤ ᠲᠤᠷᠭᠠᠨ ᠵᠠᠮ ᠴᠤ ᠲᠡᠮᠡᠭᠡᠨ ᠠᠶᠠᠨ ᠤ ᠠᠴᠢ ᠪᠠᠷ | ᠨᠡᠪᠲᠡᠷᠡᠭᠰᠡᠨ ᠪᠦᠭᠡᠳ ᠠᠯᠢ ᠣᠯᠠᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ᠂ ᠴᠡᠷᠢᠭ ᠳᠠᠶᠢᠨ ᠤ ᠲᠡᠤᠬᠡᠨ ᠬᠡᠷᠡᠭ ᠤᠳ ᠲᠤ ᠲᠡᠮᠡᠭᠡᠨ ᠤ | ᠲᠠᠮᠢᠷ ᠴᠢᠳᠠᠯ᠂ ᠲᠡᠰᠪᠦᠷᠢ ᠳᠡᠪᠴᠢᠶᠡᠷᠢ ᠶᠢᠨ ᠬᠢᠵᠠᠭᠠᠷᠯᠠᠰᠢ ᠦᠭᠡᠢ ᠠᠴᠢ ᠲᠤᠰᠠ ᠲᠤᠲᠤᠬᠠᠨ ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ | ᠪᠢᠯᠡ᠃ ᠠᠯᠠᠱᠠ ᠨᠤᠲᠤᠭ ᠤᠨ ᠮᠠᠯᠴᠢᠳ ᠡᠷᠲᠡ ᠳᠡᠭᠡᠲᠤ ᠲᠡᠤᠬᠡ ᠰᠤᠶᠤᠯ ᠢᠶᠠᠨ ᠪᠦᠲᠦᠭᠡᠵᠦ ᠢᠷᠡᠬᠦ ᠳᠡᠭᠡᠨ ᠭᠠᠵᠠᠷ | ᠣᠷᠤᠨ ᠤ ᠣᠨᠴᠠᠯᠢᠭ ᠪᠦᠬᠦᠢ ᠦᠪᠡᠷᠮᠢᠴᠡ ᠠᠮᠢᠳᠦᠷᠠᠯ ᠤᠨ ᠵᠠᠩᠰᠢᠯ᠂ ᠮᠠᠯᠵᠢᠯ ᠤᠨ ᠳᠠᠳᠬᠠᠯ ᠢ ᠪᠣᠢ ᠪᠣᠯᠭᠠᠭᠰᠠᠨ | ᠪᠠᠶᠢᠳᠠᠭ᠃ ᠡᠭᠦᠨ ᠤ ᠳᠤᠲᠤᠷᠠᠬᠢ ᠨᠢᠭᠡ ᠬᠡᠰᠡᠭ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠲᠦᠭᠡᠮᠡᠯ ᠣᠷᠤᠰᠢᠭᠰᠠᠨ ᠲᠡᠮᠡᠭᠡ ᠮᠠᠯᠵᠢᠬᠤ | ᠵᠠᠩ ᠦᠢᠯᠡ ᠪᠠᠶᠢᠬᠤ ᠤᠴᠢᠷ ᠲᠠᠢ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |