| ᠡᠷᠳᠡᠨᠢᠠᠠᠭᠤᠯᠠ ᠨᠠᠷᠠᠨᠠ ᠡᠷᠳᠡᠨᠢᠬᠦᠦ | ᠨᠤᠳᠤᠭ ᠤᠰᠤ ᠪᠠᠨ ᠬᠦᠭᠵᠢᠬᠦᠯᠵᠦ ᠶᠠᠪᠤᠭᠠ ᠤᠶᠤᠳᠠᠨ ᠭᠠᠴᠠᠭᠠᠨ ᠱᠦᠵᠢ | ᠤᠷᠴᠢᠮ ᠳᠤ ᠣᠨᠳᠣᠷᠣᠯᠳᠣ ᠪᠠᠯᠭᠠᠰᠣᠨ ᠤ ᠳᠠᠪᠤᠨᠬᠤᠳᠳᠤᠭ ᠭᠠᠴᠠᠭᠠᠨ ᠤ ᠱᠦᠵᠢ᠂ ᠭᠠᠴᠠᠭᠠᠨ ᠳᠠᠷᠤᠭᠠ ᠶᠢᠨ | ᠠᠵᠢᠯ ᠢ ᠳᠠᠪᠬᠤᠷ ᠬᠠᠷᠢᠭᠤᠴᠠᠵᠣ ᠶᠠᠪᠣᠭᠠ ᠨᠣᠳᠤᠭ ᠲᠠᠭᠠᠨ ᠪᠣᠴᠠᠭᠰᠠᠨ ᠣᠶᠣᠳᠠᠨ ᠵᠠᠯᠠᠭᠤ ᠪᠦᠭᠡᠳᠡ᠂ ᠭᠠᠴᠠᠭᠠᠨ | ᠤ ᠨᠡᠶᠢᠳᠡ ᠶᠢᠨ ᠪᠡᠯᠴᠢᠬᠡᠷ ᠳᠡᠭᠡᠷᠠ ᠨᠣᠳᠤᠭ ᠲᠠᠭᠠᠨ ᠪᠣᠴᠠᠵᠣ ᠢᠷᠡᠭᠰᠡᠨ ᠮᠠᠯᠴᠢᠳ ᠲᠤ ᠮᠠᠯ ᠦᠭᠡᠷ ᠢᠶᠠᠨ | ᠳᠡᠵᠢᠭᠡᠵᠣ ᠦᠷᠡᠵᠢᠬᠦᠯᠬᠦ ᠭᠠᠵᠠᠷ ᠭᠠᠷᠭᠠᠵᠣ ᠦᠭᠬᠦ ᠪᠠᠷ ᠡᠳᠦᠷᠵᠢᠨ ᠶᠠᠭᠠᠷᠠᠨᠠ᠃ ᠳᠡᠷᠡ ᠰᠤᠷᠭᠠᠭᠤᠯᠢ ᠪᠠᠨ | ᠳᠡᠬᠦᠰᠴᠦ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠦ ᠢᠷᠡᠭᠰᠡᠨ ᠬᠡᠳᠦᠨ ᠵᠢᠯ ᠤᠨ ᠳᠤᠷᠰᠢ᠂ ᠡᠨᠡ ᠮᠡᠳᠦ ᠪᠠᠷ ᠨᠤᠳᠤᠭ ᠤᠰᠤ ᠪᠠᠨ | ᠬᠦᠭᠵᠢᠬᠦᠯᠦᠨ ᠬᠤᠪᠢᠷᠠᠭᠤᠯᠬᠤ ᠪᠠᠷ ᠢᠮᠠᠭᠳᠠ ᠴᠢᠷᠮᠠᠶᠢᠨ ᠵᠢᠳᠬᠦᠵᠦ᠂ ᠤᠯᠠᠨ ᠠᠷᠪᠢᠨ ᠪᠤᠳᠠᠳᠤ ᠶᠠᠪᠤᠳᠠᠯ ᠢ ᠬᠢᠵᠦ | ᠪᠡᠶᠡᠯᠡᠬᠦᠯᠦᠬᠡᠳ ᠤᠯᠠᠨ ᠳᠦᠮᠡᠨ ᠤ ᠬᠦᠷᠢᠶᠡᠯᠡᠯ ᠢ ᠤᠯᠵᠤ᠂ ᠮᠠᠯᠴᠢᠳ ᠲᠠᠭᠠᠨ ᠳᠤᠰᠠ ᠲᠠᠢ ᠰᠠᠶᠢᠨ ᠱᠦᠵᠢ ᠬᠡᠵᠦ | ᠮᠠᠭᠳᠠᠭᠳᠠᠵᠦ ᠪᠠᠶᠢᠳᠠᠭ ᠪᠢᠯᠡ᠃ | ᠨᠣᠳᠤᠭ ᠣᠷᠣᠨ ᠤ ᠢᠶᠠᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠣᠯᠳᠠ᠂ ᠬᠦᠭᠵᠢᠯᠳᠡ ᠶᠢ ᠨᠢᠳᠣ ᠪᠠᠷ ᠢᠶᠠᠨ ᠦᠵᠡᠵᠣ ᠬᠠᠷᠠᠵᠣ | ᠳᠣᠭᠤᠯᠵᠣ ᠢᠷᠡᠭᠰᠡᠨ ᠪᠦᠭᠡᠳᠡ ᠳᠤ ᠠᠪᠴᠣ ᠭᠡᠯᠡᠪᠡᠯ ᠨᠣᠳᠤᠭ ᠤᠨ ᠢᠶᠠᠨ ᠳᠣᠬᠠᠢ ᠣᠶᠢᠯᠠᠭᠠᠯᠳᠠ ᠬᠠᠮᠤᠭ ᠬᠦᠨᠵᠡᠭᠡᠢ | ᠪᠠᠶᠢᠭᠰᠠᠨ ᠪᠦᠬᠡᠳ ᠰᠤᠷᠤᠭᠰᠠᠨ ᠮᠡᠳᠡᠭᠰᠡᠨ ᠢᠶᠠᠨ ᠨᠤᠳᠤᠭ ᠲᠠᠭᠠᠨ ᠡᠷᠬᠦᠵᠦ ᠶᠠᠪᠤᠬᠤ ᠬᠦᠰᠡᠯ ᠲᠠᠢ ᠪᠠᠶᠢᠵᠡᠢ᠃ | ᠳᠡᠶᠢᠨᠬᠦ ᠳᠡᠷᠠ ᠮᠠᠨᠢ 2014 ᠣᠨ ᠳᠤ ᠶᠡᠭᠡ ᠰᠣᠷᠭᠠᠭᠤᠯᠢ ᠪᠠᠨ ᠳᠡᠬᠦᠰᠦᠮᠡᠭᠴᠠ ᠨᠣᠳᠤᠭ ᠲᠠᠭᠠᠨ ᠪᠣᠴᠠᠵᠡᠢ᠃ | ᠪᠦᠭᠡᠳᠡ ᠳᠤ ᠬᠦᠯ ᠶᠡᠭᠡᠳᠡᠢ ᠬᠤᠳᠠ ᠶᠢᠨ ᠣᠷᠣᠨ ᠵᠠᠢ ᠳᠤ ᠦᠢᠯᠡᠰ ᠪᠦᠳᠦᠭᠡᠵᠣ ᠡᠷᠳᠡᠮ ᠣᠶᠣᠨ ᠢᠶᠠᠨ ᠰᠣᠷᠢᠵᠣ | ᠶᠠᠪᠤᠬᠤ ᠵᠠᠪᠰᠢᠶᠠᠨ ᠪᠠᠶᠢᠭᠰᠠᠨ ᠦᠬᠡᠢ ᠪᠢᠰᠢ᠂ ᠬᠠᠷᠢᠨ ᠬᠦᠳᠡᠭᠡ ᠨᠣᠳᠤᠭ ᠲᠠᠭᠠᠨ ᠪᠣᠴᠠᠵᠣ᠂ ᠨᠣᠳᠤᠭ ᠤᠨ ᠢᠶᠠᠨ | ᠪᠦᠳᠦᠭᠡᠨ ᠪᠠᠶᠢᠭᠤᠯᠣᠯᠳᠠ᠂ ᠬᠦᠭᠵᠢᠯᠳᠡ ᠳᠤ ᠪᠠᠭᠠ ᠴᠦ ᠭᠡᠰᠡᠨ ᠬᠦᠴᠣ ᠪᠠᠨ ᠡᠷᠬᠦᠬᠦ ᠬᠡᠰᠡᠨ ᠪᠤᠳᠤᠯ ᠨᠢ ᠡᠳᠦᠷ | ᠢᠷᠡᠬᠦᠶᠠ ᠴᠢᠩᠭᠠᠷᠠᠵᠦ ᠳᠡᠬᠦᠨ ᠢ ᠰᠤᠷᠤᠨᠵᠢᠨ ᠠᠳᠠᠯᠢ ᠳᠠᠳᠠᠵᠦ ᠪᠠᠶᠢᠭᠰᠠᠨ ᠠᠴᠠ ᠬᠠᠷᠢᠵᠦ ᠢᠷᠡᠭᠰᠡᠨ ᠪᠠᠶᠢᠵᠡᠢ᠃ | ᠳᠡᠷᠡ ᠮᠠᠨᠢ ᠪᠠᠯᠭᠠᠰᠣᠨ ᠤ ᠪᠠᠨ ᠶᠠᠳᠠᠭᠤ ᠶᠢ ᠳᠡᠳᠬᠦᠬᠦ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ ᠭᠤᠷᠪᠠᠨ ᠵᠢᠯ ᠤᠨ ᠬᠤᠭᠤᠴᠠᠭᠠ | ᠲᠠᠢ ᠠᠵᠢᠯᠯᠠᠭᠰᠠᠨ ᠢᠶᠠᠨ 2017 ᠣᠨ ᠳᠤ ᠣᠨᠳᠣᠷᠣᠯᠳᠣ ᠪᠠᠯᠭᠠᠰᠣᠨ ᠤ ᠰᠠᠶᠢᠬᠠᠨᠳᠠᠯᠠ ᠭᠠᠴᠠᠭᠠᠨ ᠳᠤ ᠨᠣᠳᠤᠭ | ᠲᠠᠭᠠᠨ ᠪᠣᠴᠠᠭᠰᠠᠨ ᠣᠶᠣᠳᠠᠨ ᠢᠶᠠᠷ ᠳᠣᠮᠢᠯᠠᠭᠳᠠᠨ ᠪᠠᠰᠠ ᠨᠢᠭᠡ ᠵᠢᠯ ᠬᠠᠭᠠᠰ ᠤᠨ ᠬᠢᠷᠢᠳᠡᠢ ᠠᠵᠢᠯᠯᠠᠭᠰᠠᠨ ᠪᠠᠶᠢᠵᠡᠢ᠃ | ᠪᠦᠭᠡᠳᠡ ᠠᠵᠢᠯ ᠳᠠᠭᠠᠨ ᠬᠢᠨᠠᠮᠠᠭᠠᠢ᠂ ᠳᠠᠭᠠᠭᠠᠵᠣ ᠬᠠᠷᠢᠭᠤᠴᠠᠵᠣ ᠠᠪᠣᠭᠰᠠᠨ ᠠᠵᠢᠯ ᠢᠶᠠᠨ ᠴᠠᠭ ᠲᠤᠨᠢ ᠬᠢᠵᠣ | ᠪᠡᠶᠡᠯᠡᠬᠦᠯᠵᠦ ᠶᠠᠪᠣᠳᠠᠭ ᠢᠶᠠᠷ ᠢᠶᠠᠨ ᠤᠯᠠᠨ ᠤ ᠢᠳᠡᠭᠡᠯ ᠨᠠᠶᠢᠳᠠᠪᠣᠷᠢ ᠶᠢ ᠣᠯᠵᠣ ᠶᠠᠪᠣᠵᠡᠢ᠃ | | | | | | | | ᠮᠠᠯᠴᠢᠨ ᠳᠦᠮᠡᠨ ᠤ ᠢᠶᠠᠨ ᠬᠦᠴᠢᠷᠳᠡᠯ ᠢ ᠰᠢᠢᠳᠪᠦᠷᠢᠯᠡᠨ᠂ ᠤᠯᠠᠨ ᠤ ᠡᠮᠣᠨᠡ ᠠᠴᠠ ᠰᠢᠭᠤᠷᠬᠠᠶᠢᠯᠠᠨ ᠵᠢᠳᠬᠦᠬᠦ ᠨᠢ | ᠵᠦᠳᠡᠬᠦᠷᠢᠳᠡᠢ ᠠᠳᠠᠯᠠ ᠪᠠᠨ ᠬᠦᠨᠳᠦᠳᠭᠡᠯᠳᠡᠢ ᠠᠵᠢᠯ ᠪᠠᠶᠢᠭᠰᠠᠨ᠃ ᠳᠡᠷᠡ 2018 ᠣᠨ ᠤ 8 ᠰᠠᠷᠠ ᠳᠤ ᠦᠪᠡᠷ | ᠤᠨ ᠨᠤᠳᠤᠭ ᠪᠣᠯᠬᠤ ᠳᠠᠪᠤᠨᠬᠤᠳᠳᠤᠭ ᠭᠠᠴᠠᠭᠠᠨ ᠳᠠᠷᠤᠭᠠ ᠶᠢᠨ ᠳᠣᠰᠢᠶᠠᠯ ᠢ ᠡᠬᠦᠷᠭᠡᠯᠡᠨ ᠠᠪᠴᠣ᠂ 2021 ᠣᠨ | ᠤ 1 ᠰᠠᠷᠠ ᠳᠤ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠬᠦᠷ ᠤᠨ ᠱᠦᠵᠢ ᠪᠠᠷ ᠰᠣᠩᠭᠤᠭᠳᠠᠨ᠂ ᠭᠠᠴᠠᠭᠠᠨ ᠤ ᠱᠦᠵᠢ᠂ ᠳᠠᠷᠤᠭᠠ | ᠶᠢᠨ ᠠᠵᠢᠯ ᠢ ᠳᠠᠪᠬᠤᠷ ᠬᠠᠷᠢᠭᠤᠴᠠᠵᠣ ᠢᠷᠡᠪᠠ᠃ ᠳᠦᠩᠭᠡᠵᠢ ᠭᠤᠴᠢ ᠭᠠᠷᠣᠭᠰᠠᠨ ᠪᠦᠭᠡᠳᠡ ᠭᠠᠴᠠᠭᠠᠨ ᠤ ᠢᠶᠠᠨ | ᠪᠦᠬᠦ ᠠᠵᠢᠯ ᠶᠠᠪᠣᠳᠠᠯ ᠢ ᠬᠤᠶᠠᠷ ᠮᠦᠷᠣᠨ ᠳᠡᠭᠡᠷᠠ ᠪᠠᠨ ᠳᠣᠯᠵᠣ᠂ ᠮᠠᠯᠴᠢᠨ ᠳᠦᠮᠡᠨ ᠤ ᠪᠠᠨ ᠪᠠᠶᠠᠵᠢᠯ ᠤᠨ ᠵᠠᠮ | ᠤᠨ ᠳᠠᠭᠠᠭᠤᠯᠣᠭᠴᠢ ᠨᠢ ᠪᠣᠯᠵᠣ ᠮᠠᠯ ᠠᠵᠣ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠡ ᠶᠢ ᠳᠠᠶᠢᠴᠢᠯᠠᠨ᠂ ᠰᠢᠨᠵᠢᠯᠡᠬᠦ ᠣᠬᠠᠭᠠᠨᠴᠢ | ᠪᠠᠷ ᠮᠠᠯ ᠮᠠᠯᠵᠢᠬᠤ ᠰᠢᠨᠡ ᠵᠠᠮ ᠢ ᠡᠷᠢᠯᠬᠢᠯᠡᠨ᠂ ᠠᠷᠭᠠ ᠪᠦᠬᠦᠨ ᠢ ᠰᠡᠳᠦᠵᠣ ᠶᠠᠪᠣᠭᠠ ᠶᠤᠮ ᠪᠢᠯᠡ᠃ | | | | | | | | | ᠪᠦᠭᠡᠳᠡ ᠭᠠᠴᠠᠭᠠᠨ ᠱᠦᠵᠢ ᠶᠢᠨ ᠠᠵᠢᠯ ᠢ ᠡᠬᠦᠷᠭᠡᠯᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠭᠠᠴᠠᠭᠠᠨ ᠤ ᠪᠠᠨ 63 ᠡᠷᠦᠭᠡ ᠳᠤ | ᠵᠣᠷᠯᠦᠩ ᠪᠠᠷᠢᠵᠣ ᠵᠠᠰᠠᠬᠤ ᠠᠵᠢᠯ ᠢ ᠬᠢᠵᠣ ᠳᠠᠭᠤᠰᠬᠠᠨ᠂ 25 ᠡᠷᠦᠭᠡ ᠳᠤ ᠴᠠᠬᠢᠯᠭᠠᠨ ᠤ ᠠᠰᠠᠭᠤᠳᠠᠯ ᠢ | ᠰᠢᠢᠳᠪᠦᠷᠢᠯᠡᠨ ᠦᠭᠬᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠮᠠᠯᠴᠢᠳ ᠤᠨ ᠣᠰᠣ ᠳᠣᠳᠠᠭᠳᠠᠵᠣ ᠪᠠᠶᠢᠭᠰᠠᠨ ᠠᠰᠠᠭᠤᠳᠠᠯ ᠳᠤ | ᠴᠢᠭᠯᠡᠬᠦᠯᠦᠨ ᠬᠤᠳᠳᠤᠭ ᠮᠠᠯᠳᠠᠨ ᠦᠭᠴᠡᠢ᠃ ᠳᠡᠷᠡ ᠮᠠᠯᠴᠢᠳ ᠲᠤ ᠳᠣᠯᠭᠠᠷᠠᠭᠰᠠᠨ ᠡᠳᠣᠷ ᠳᠣᠳᠣᠮ ᠤᠨ | ᠠᠰᠠᠭᠤᠳᠠᠯ᠂ ᠬᠦᠴᠢᠷᠳᠡᠯ ᠢ ᠴᠠᠭ ᠳᠣᠬᠠᠢ ᠳᠤᠨᠢ ᠰᠢᠢᠳᠪᠦᠷᠢᠯᠡᠨ ᠦᠭᠬᠦ ᠪᠠᠷ ᠴᠢᠷᠮᠠᠶᠢᠵᠣ ᠢᠷᠡᠭᠰᠡᠨ ᠪᠠᠶᠢᠳᠠᠭ᠃ | ᠪᠣᠰᠣᠳ ᠲᠤ ᠦᠢᠯᠡᠴᠢᠯᠡᠨᠡ ᠭᠡᠳᠡᠭ ᠳᠡᠶᠢᠮᠣ ᠴᠦ ᠠᠮᠠᠷ ᠠᠵᠢᠯ ᠪᠢᠰᠢ ᠶᠤᠮ᠂ ᠵᠢᠱᠢᠶᠡᠯᠡᠪᠡᠯ᠂ ᠬᠦᠳᠡᠭᠡ ᠶᠢᠨ | ᠬᠦᠮᠣᠰ ᠤᠨ ᠭᠡᠷ ᠲᠡᠭᠡᠨ ᠵᠣᠷᠯᠦᠩ ᠪᠠᠷᠢᠬᠤ ᠳᠤ ᠳᠣᠷᠠ ᠦᠬᠡᠶᠢᠴᠡᠵᠦ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤ ᠬᠠᠨᠳᠤᠭᠤᠯᠤᠨ᠂ | ᠡᠷᠦᠭᠡ ᠪᠦᠷᠢ ᠪᠠᠷ ᠶᠠᠪᠣᠵᠣ ᠵᠣᠷᠯᠦᠩ ᠵᠠᠰᠠᠵᠣ ᠪᠠᠷᠢᠬᠤ ᠠᠵᠢᠯ ᠤᠨ ᠠᠰᠢᠭ ᠲᠠᠢ ᠳᠠᠯᠠ ᠶᠢ ᠶᠠᠷᠢᠵᠣ ᠣᠯᠠᠨ ᠳᠠᠯᠠ | ᠠᠴᠠ ᠳᠠᠶᠢᠯᠪᠣᠷᠢᠯᠠᠯᠳᠠ ᠬᠢᠵᠣ᠂ ᠬᠦᠳᠡᠭᠡ ᠶᠢᠨ ᠠᠮᠢᠳᠣᠷᠠᠯ ᠤᠨ ᠨᠦᠬᠦᠴᠡᠯ ᠢ ᠣᠯᠠᠮ ᠨᠢᠭᠡ ᠠᠯᠬᠤᠮ | ᠰᠠᠶᠢᠵᠢᠷᠠᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠬᠰᠠᠨ ᠪᠠᠶᠢᠳᠠᠭ᠃ ᠠᠵᠢᠯ ᠤᠨ ᠨᠠᠷᠢᠨ ᠵᠦᠢᠯᠡᠰ ᠢ ᠶᠡᠷᠣ ᠠᠴᠠ ᠣᠮᠳᠣᠭᠠᠶᠢᠯᠠᠳᠠᠭ | ᠦᠭᠡᠢ ᠪᠦᠭᠡᠳᠡ ᠮᠠᠯᠴᠢᠳ ᠤᠨ ᠬᠤᠳᠳᠤᠭ ᠮᠠᠯᠳᠠᠬᠤ ᠰᠠᠨᠠᠭᠤᠯᠭᠠ ᠶᠢ ᠰᠢᠭᠤᠳ ᠬᠦᠯᠢᠶᠡᠨ ᠠᠪᠴᠣ᠂ ᠭᠠᠴᠠᠭᠠᠨ | ᠠᠴᠠ ᠬᠤᠷᠠᠯ ᠬᠢᠵᠣ ᠳᠣᠭᠳᠠᠨ᠂ ᠪᠠᠯᠭᠠᠰᠣᠨ ᠳᠤ ᠰᠠᠨᠠᠯ ᠢᠶᠠᠨ ᠳᠡᠪᠰᠢᠬᠦᠯᠣᠨ᠂ ᠴᠢᠨᠠᠭᠰᠢᠯᠠᠨ ᠬᠤᠰᠢᠭᠤᠨ ᠠᠴᠠ | ᠳᠦᠷᠦᠯ ᠵᠦᠢᠯ ᠢ ᠵᠦᠪᠰᠢᠶᠡᠷᠡᠬᠦᠯᠦᠨ ᠣᠯᠵᠣ ᠴᠢᠳᠠᠵᠡᠢ᠂ ᠢᠩᠭᠢᠭᠡᠳ ᠭᠠᠴᠠᠭᠠᠨ ᠤ ᠪᠡᠶᠢᠷᠢ ᠳᠡᠭᠡᠷᠠ 2019 ᠣᠨ | ᠳᠤ ᠨᠢᠭᠡ ᠬᠤᠳᠳᠤᠭ ᠮᠠᠯᠳᠠᠵᠣ᠂ 2020 ᠣᠨ ᠳᠤ ᠬᠤᠶᠠᠷ ᠬᠤᠳᠳᠤᠭ ᠮᠠᠯᠳᠠᠵᠣ ᠭᠠᠷᠭᠠᠭᠰᠠᠨ ᠢᠶᠠᠷ ᠬᠦᠮᠦᠨ | ᠮᠠᠯ ᠤᠨ ᠤᠤᠭᠤᠬᠤ ᠤᠰᠤᠨ ᠤ ᠠᠰᠠᠭᠤᠳᠠᠯ ᠰᠢᠢᠳᠪᠦᠷᠢᠯᠡᠭᠳᠡᠵᠦ᠂ ᠬᠦᠳᠡᠭᠡ ᠳᠤᠰᠬᠤᠨ ᠤ ᠠᠵᠤ ᠠᠮᠢᠳᠤᠷᠠᠯ ᠤᠨ | ᠨᠦᠬᠦᠴᠡᠯ ᠰᠠᠶᠢᠵᠢᠷᠠᠨ ᠦᠩᠭᠡ ᠳᠦᠷᠰᠦ ᠬᠤᠪᠢᠷᠠᠵᠦ ᠡᠬᠢᠯᠡᠵᠡᠢ᠃ ︽ᠬᠦᠳᠡᠭᠡ ᠪᠠᠨ ᠪᠠᠶᠢᠭᠰᠠᠨ ᠭᠡᠷ ᠪᠠᠶᠢᠰᠢᠩ | ᠢᠶᠠᠨ ᠬᠤᠳᠠᠯᠳᠣᠭᠠᠳ ᠬᠤᠳᠠ ᠣᠷᠣᠭᠰᠠᠨ ᠬᠦᠮᠣᠰ ᠣᠳᠣ ᠬᠦᠳᠡᠭᠡ ᠪᠠᠨ ᠳᠠᠬᠢᠨ ᠬᠠᠷᠢᠵᠣ ᠢᠷᠡᠵᠣ ᠮᠠᠯ ᠠᠬᠤᠢ | ᠪᠠᠨ ᠠᠷᠠᠴᠢᠯᠠᠵᠣ ᠳᠣᠳᠣᠮᠳᠠᠬᠤ ᠪᠤᠯᠵᠡᠢ᠂ ᠢᠩᠭᠢᠭᠡᠳ ᠪᠢᠳᠠ ᠡᠨᠡᠬᠦ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠬᠦᠯᠣᠨ ᠭᠠᠴᠠᠭᠠᠨ ᠤ ᠪᠠᠨ | ᠨᠣᠳᠤᠭ ᠪᠡᠯᠴᠢᠭᠡᠷ ᠳᠡᠭᠡᠷᠠ ᠮᠠᠯ ᠦᠭᠡᠷ ᠢ ᠳᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠳᠣᠰᠬᠠᠢ ᠭᠠᠵᠠᠷ ᠭᠠᠷᠭᠠᠨ ᠦᠭᠬᠦ ᠪᠠᠷ | ᠴᠢᠷᠮᠠᠶᠢᠵᠣ ᠪᠣᠢ᠂ ᠬᠤᠳᠠ ᠠᠴᠠ ᠬᠠᠷᠢᠵᠣ ᠢᠷᠡᠭᠰᠡᠨ ᠭᠠᠴᠠᠭᠠᠨ ᠤ ᠬᠦᠮᠦᠰ ᠡ᠊ᠨᠳᠡ ᠪᠠᠨ ᠰᠠᠭᠤᠭᠠᠳ ᠮᠠᠯ ᠢᠶᠠᠨ | ᠮᠠᠯᠯᠠᠵᠣ ᠪᠣᠯᠣᠨᠠ︾ ᠭᠡᠵᠣ ᠪᠦᠭᠡᠳᠡ ᠶᠠᠷᠢᠨᠠ᠃ | | | | | | | | ᠪᠦᠭᠡᠳᠡ ᠶᠢᠨ ᠠᠷᠠᠳ ᠣᠯᠠᠨ ᠳᠠᠭᠠᠨ ᠢᠯᠡᠬᠦᠣ ᠠᠵᠢᠯ ᠬᠢᠵᠣ ᠦᠭᠬᠦᠶᠡ ᠭᠡᠰᠡᠨ ᠴᠢᠷᠮᠠᠶᠢᠯᠭᠠ ᠵᠢᠳᠬᠦᠯ ᠨᠢ ᠠᠵᠢᠯ | ᠤᠨ ᠬᠢᠨᠢ ᠨᠠᠷᠢᠨ ᠵᠦᠢᠯᠡᠰ ᠲᠤ ᠳᠣᠳᠣ ᠬᠠᠷᠠᠭᠳᠠᠨᠠ᠃ ᠵᠠᠯᠠᠭᠤ ᠨᠢᠭᠡ ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠳᠠᠭᠤᠷᠢᠶᠠᠯ ᠪᠤᠯᠵᠤ | ᠶᠠᠪᠣᠭᠠ ᠳᠡᠷᠠ ᠮᠠᠨᠢ ᠨᠣᠳᠤᠭ ᠣᠷᠣᠨ ᠤ ᠢᠶᠠᠨ ᠮᠠᠨᠳᠤᠯ ᠬᠦᠭᠵᠢᠯ ᠳᠤ ᠢᠳᠡᠭᠡᠯ ᠳᠦᠬᠦᠷᠡᠩ ᠶᠠᠭᠠᠷᠠᠯᠳᠠᠶᠢᠬᠠᠨ | ᠠᠵᠢᠯᠯᠠᠨᠠᠮ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |