| ᠡᠷᠳᠡᠨᠢᠠᠠᠭᠤᠯᠠ ᠨᠠᠷᠠᠨᠠ ᠡᠷᠳᠡᠨᠢᠬᠦᠦ | | 500 ᠭᠠᠷᠦᠢ ᠣᠳᠠᠰᠣᠨ ᠨᠣᠮᠧᠷ ᠴᠡᠭᠡᠵᠢᠯᠡᠳᠡᠭ ᠬᠠᠷᠠᠭᠠ ᠦᠭᠡᠢ ᠨᠠᠰᠣᠳᠠᠨ | 75 ᠨᠠᠰᠣ ᠶᠢ ᠪᠠᠷᠠᠳᠠᠭᠰᠠᠨ ᠬᠠᠷᠠᠭᠠ ᠦᠭᠡᠢ ᠨᠠᠰᠣᠳᠠᠨ ᠡᠷᠳᠡᠨᠢᠪᠠᠶᠠᠷ ᠳᠦᠪ ᠤᠨ ᠷᠠᠳᠢᠤ᠋ ᠬᠤᠷᠢᠶᠠᠨ ᠤ | ᠬᠠᠷᠢᠯᠴᠠᠬᠤ ᠣᠳᠠᠰᠣ᠂ ᠬᠦᠭᠡᠨᠠᠭᠤᠷ ᠤᠨ ᠴᠠᠶᠢᠳᠠᠮ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠᠨ ᠤ ᠰᠣᠷᠪᠣᠯᠵᠢᠯᠠᠭᠴᠢ ᠶᠢᠨ ᠣᠳᠠᠰᠣ | ᠵᠡᠷᠭᠡ ᠷᠠᠳᠢᠤ᠋ ᠠᠴᠠ ᠤᠯᠵᠤ ᠰᠣᠨᠣᠰᠣᠭᠰᠠᠨ ᠤᠳᠠᠰᠤᠨ ᠨᠣᠮᠧᠷ ᠪᠤᠯᠤᠨ ᠣᠶᠢᠷᠠ ᠬᠠᠪᠢ ᠶᠢᠨ ᠨᠣᠳᠤᠭ ᠣᠰᠣᠨ ᠤ | ᠪᠠᠨ ᠲᠠᠨᠢᠯ ᠳᠠᠰᠣᠯ᠂ ᠰᠠᠳᠣᠨ ᠳᠦᠷᠦᠯ ᠤᠨ ᠢᠶᠠᠨ ᠤᠳᠠᠰᠤᠨ ᠨᠣᠮᠧᠷ ᠨᠡᠶᠢᠳᠡ 500 ᠭᠠᠷᠦᠢ ᠶᠢ | ᠴᠡᠭᠡᠵᠢᠯᠡᠴᠢᠭᠡᠭᠰᠡᠨ ᠪᠠᠶᠢᠳᠠᠭ᠃ ᠳᠡᠷᠡ ᠨᠢᠭᠡ ᠯᠠ ᠣᠳᠠᠭᠠ ᠰᠣᠨᠣᠰᠣᠭᠠᠳ ᠴᠡᠬᠡᠵᠢᠨ ᠳᠡᠭᠡᠨ ᠳᠣᠭᠳᠠᠭᠠᠴᠢᠬᠠᠳᠠᠭ | ᠤᠢ ᠳᠤᠭᠳᠠᠭᠠᠮᠵᠢ ᠲᠠᠢ ᠳᠤ ᠨᠢ ᠬᠦᠮᠦᠰ ᠶᠡᠭᠡ ᠬᠠᠴᠢᠷᠬᠠᠵᠦ ᠰᠤᠨᠢᠭᠤᠴᠢᠯᠠᠳᠠᠭ ᠶᠤᠮᠰᠠᠨ᠃ | ᠡᠷᠳᠡᠨᠢᠪᠠᠶᠠᠷ ᠪᠤᠯ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠴᠤᠭᠳᠤᠬᠦ᠋ᠷᠢᠶᠡ ᠰᠤᠮᠤᠨ ᠤ ᠵᠠᠭᠳᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ᠂ | ᠳᠡᠷᠡᠪᠡᠷ ᠬᠠᠷᠠᠭᠠ ᠪᠠᠨ ᠠᠯᠳᠠᠭᠠᠳ ᠣᠳᠣ ᠨᠢᠭᠡᠨᠳᠡ 21 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠣ ᠪᠣᠢ᠃ ᠲᠡᠷᠡ ᠤᠤᠯ ᠤᠨ | ᠪᠠᠷᠠᠭᠤᠨ ᠪᠡᠯ ᠪᠠᠯᠭᠠᠰᠤᠨ ᠤ ᠬᠦᠪᠡᠭᠡᠨᠠᠮᠤᠭ ᠭᠠᠴᠠᠭᠠᠨ ᠤ ᠬᠦᠮᠦᠨ᠂ ᠬᠤᠷᠢᠨ ᠬᠡᠳᠦᠳᠡᠢ ᠪᠠᠶᠢᠬᠤ ᠳᠠᠭᠠᠨ | ᠴᠤᠭᠳᠤᠬᠦ᠋ᠷᠢᠶᠡ ᠰᠤᠮᠤᠨ ᠤ ᠵᠠᠭᠳᠤ ᠭᠠᠴᠠᠭᠠᠨ ᠳᠤ ᠬᠦᠷᠭᠡᠨ ᠢᠶᠠᠷ ᠤᠴᠢᠭᠰᠠᠨ ᠠᠴᠠ ᠬᠤᠶᠢᠰᠢ ᠮᠤᠳᠤᠨ ᠨᠠᠭᠤᠷᠳᠤ | ᠬᠡᠮᠡᠬᠦ ᠰᠠᠭᠤᠷᠢᠰᠢᠯ ᠳᠤ ᠮᠠᠯ ᠮᠠᠯᠵᠢᠭᠠᠳ ᠲᠠᠪᠢᠭᠠᠳ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠦ ᠪᠤᠢ᠃ ᠳᠡᠷᠡᠪᠡᠷ 55 ᠨᠠᠰᠤᠳᠠᠢ | ᠪᠠᠶᠢᠬᠤ ᠳᠠᠭᠠᠨ ᠵᠤᠯ ᠪᠤᠰᠤ ᠪᠠᠷ ᠴᠠᠭᠠᠨ ᠬᠠᠷᠠᠩ᠂ ᠤᠶᠢᠷᠠ ᠬᠠᠷᠠᠭᠠ᠂ ᠨᠢᠳᠦᠨ ᠤ ᠬᠠᠯᠳᠠᠰᠤᠨ ᠤ ᠬᠡᠮᠳᠦᠯ ᠵᠡᠷᠭᠡ | ᠤᠯᠠᠨ ᠲᠦᠷᠦᠯ ᠤᠨ ᠡᠪᠡᠳᠴᠢᠨ ᠠᠴᠠ ᠬᠠᠷᠠᠭᠠ ᠪᠠᠨ ᠠᠯᠳᠠᠵᠦ᠂ ᠡᠮᠴᠢᠯᠡᠭᠡᠨ ᠠᠴᠠ ᠲᠠᠬᠢᠵᠦ ᠡᠳᠡᠭᠡᠷᠡᠬᠦ ᠪᠤᠯᠤᠮᠵᠢ | ᠦᠭᠡᠢ ᠬᠡᠰᠡᠨ ᠲᠤᠳᠤᠯᠠᠯᠳᠠ ᠦᠭᠬᠦᠭᠰᠡᠨ ᠪᠠᠶᠢᠨᠠ᠃ ᠠᠮᠢᠳᠤᠷᠠᠯ ᠤᠨ ᠡᠷᠢᠶᠡᠨ ᠪᠠᠷᠠᠭᠠᠨ ᠢ ᠦᠵᠡᠵᠦ ᠲᠤᠭᠤᠯᠤᠭᠰᠠᠨ | ᠬᠦᠮᠦᠨ ᠳᠤ ᠲᠠᠬᠢᠵᠦ ᠠᠯᠠᠭ ᠬᠤᠷᠸᠠ ᠶᠢ ᠬᠠᠷᠠᠬᠤ ᠡᠷᠬᠡ ᠦᠭᠡᠢ ᠬᠡᠰᠡᠨ ᠵᠠᠷᠯᠢᠭ ᠲᠤᠩᠬᠠᠭᠯᠠᠬᠤ ᠨᠢ ᠬᠡᠳᠦᠢ ᠴᠤ | ᠬᠠᠷᠠᠰᠠᠯᠳᠠᠢ ᠤᠴᠢᠷ ᠠᠵᠢ᠃ ᠬᠡᠳᠡᠯᠡ ᠡᠷᠳᠡᠨᠢᠪᠠᠶᠠᠷ ᠨᠠᠰᠤᠳᠠᠨ ᠠᠮᠢᠳᠤᠷᠠᠯ ᠤᠨ ᠬᠠᠷᠠᠩᠭᠤᠢ ᠳᠤ ᠰᠡᠳᠬᠢᠯ ᠢᠶᠠᠷ | ᠤᠨᠠᠭᠰᠠᠨ ᠦᠭᠡᠢ ᠠᠮᠢᠳᠣᠷᠠᠯ ᠠᠬᠤᠢ ᠳᠠᠭᠠᠨ ᠰᠡᠳᠬᠢᠯ ᠳᠠᠯᠪᠢᠭᠰᠠᠭᠠᠷ ᠢᠷᠡᠵᠡᠢ᠃ | ᠬᠠᠷᠠᠭᠠ ᠦᠭᠡᠢ ᠬᠦᠮᠣᠰ ᠪᠣᠯ ᠰᠣᠨᠣᠰᠬᠤ ᠡᠷᠭᠡᠳᠡᠨ ᠬᠦᠷᠦᠯᠴᠡᠬᠦ ᠡᠷᠭᠡᠳᠡᠨ ᠬᠤᠶᠠᠷ ᠢᠶᠠᠷ ᠢᠶᠠᠨ ᠠᠯᠢᠪᠠ ᠭᠠᠳᠠᠭᠠᠳᠣ | ᠣᠷᠴᠢᠨ ᠢ ᠮᠡᠳᠡᠷᠡᠵᠣ ᠪᠠᠶᠢᠳᠠᠭ ᠭᠡᠳᠡᠭ᠃ ᠬᠠᠷᠠᠭᠠ ᠦᠭᠡᠢ ᠪᠠᠶᠢᠬᠤ ᠶᠢᠨ ᠵᠣᠪᠠᠯᠠᠩ ᠢ ᠳᠣᠭᠤᠯᠵᠣ ᠢᠷᠡᠭᠰᠡᠨ | ᠳᠡᠬᠦᠨ ᠳᠤ ᠪᠢᠯᠢᠭ ᠤᠨ ᠬᠠᠷᠠᠭᠠ ᠪᠠᠨ ᠰᠠᠨᠠᠮᠰᠠᠷ ᠦᠭᠡᠢ ᠬᠦᠭᠵᠢᠬᠦᠯᠦᠭᠰᠡᠨ ᠨᠢ ᠬᠤᠪᠢ ᠬᠦᠮᠣᠨ ᠤ ᠬᠦᠮᠣᠵᠢᠯ | ᠪᠣᠯᠪᠠᠰᠣᠷᠠᠯ ᠵᠡᠷᠭᠡ ᠳᠤ ᠬᠤᠯᠪᠣᠭᠠ ᠲᠠᠢ ᠪᠠᠶᠢᠬᠠ᠃ ᠡᠷᠳᠡᠨᠢᠪᠠᠶᠠᠷ ᠬᠠᠷᠠᠭᠠ ᠦᠭᠡᠢ ᠶᠠᠪᠣᠭᠰᠠᠨ ᠡᠴᠢᠨᠡᠨ ᠵᠢᠯ ᠤᠨ | ᠳᠣᠷᠰᠢᠳᠠ ᠷᠠᠳᠢᠤ᠋ ᠰᠣᠨᠣᠰᠬᠤ᠂ ᠲᠠᠭᠤᠤ ᠰᠤᠨᠤᠰᠬᠤ᠂ ᠨᠤᠮ ᠣᠩᠰᠢᠭᠤᠯᠵᠣ ᠰᠣᠨᠣᠰᠬᠤ ᠵᠡᠷᠭᠡ ᠪᠠᠷ ᠳᠠᠮᠵᠢᠨ | ᠮᠡᠳᠡᠯᠭᠡ ᠮᠡᠳᠡᠭᠡᠯᠡᠯ᠂ ᠣᠷᠠᠨ ᠵᠣᠬᠢᠶᠠᠯ ᠢᠶᠠᠷ ᠠᠮᠢᠳᠤᠷᠠᠯ ᠢᠶᠠᠨ ᠪᠠᠶᠠᠯᠢᠭᠵᠢᠭᠤᠯᠣᠨ᠂ ᠰᠡᠳᠬᠢᠯ ᠤᠨ ᠭᠡᠭᠡ ᠪᠠᠨ | ᠭᠡᠷᠡᠯᠳᠦᠭᠰᠡᠭᠡᠷ ᠢᠷᠡᠵᠡᠢ᠃ ᠳᠡᠶᠢᠨᠬᠦ ᠬᠠᠷᠠᠭᠠ ᠮᠠᠭᠤ ᠠᠴᠠ ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠣᠷᠢ ᠨᠢ ᠣᠨᠴᠠᠭᠠᠢ ᠰᠠᠶᠢᠨ ᠪᠠᠶᠢᠵᠣ᠂ | ᠨᠡᠩ ᠢᠯᠡᠬᠦᠣ ᠳᠣᠭᠠᠨ ᠤ ᠳᠠᠯᠠ ᠪᠠᠷ ᠴᠡᠭᠡᠵᠢᠯᠡᠬᠦ ᠳᠡᠭᠡᠨ ᠰᠠᠶᠢᠨ᠂ ᠬᠠᠮᠢᠭᠠ ᠶᠠᠮᠠᠷ ᠬᠦᠮᠣᠨ ᠤ ᠣᠳᠠᠰᠣᠨ ᠨᠣᠮᠧᠷ ᠢ | ᠨᠢᠭᠡ ᠯᠠ ᠣᠳᠠᠭᠠ ᠰᠣᠨᠣᠰᠣᠭᠠᠳ ᠴᠡᠭᠡᠵᠢᠯᠡᠴᠢᠭᠡᠳᠡᠭ ᠶᠤᠮ᠃ ︽ᠬᠠᠮᠤᠭ ᠠᠩᠬᠠ ᠨᠢ ᠠᠯᠪᠠ ᠪᠠᠷ ᠣᠳᠠᠰᠣᠨ | ᠨᠣᠮᠧᠷ ᠴᠡᠭᠡᠵᠢᠯᠡᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠰᠡᠬᠦᠯᠡᠷ ᠨᠢ ᠴᠡᠭᠡᠵᠢᠯᠡᠬᠦ ᠳᠣᠰᠣᠮ ᠢᠶᠠᠨ ᠰᠦᠷᠡᠭᠡᠢ ᠪᠣᠯᠵᠣ ᠢᠷᠡᠭᠰᠡᠨ᠃ | ᠬᠠᠮᠤᠭ ᠰᠠᠶᠢᠨ ᠦᠶᠡ ᠳᠤ 1000 ᠭᠠᠷᠦᠢ ᠨᠣᠮᠧᠷ ᠴᠡᠭᠡᠵᠢᠯᠡᠵᠣ ᠪᠠᠶᠢᠭᠰᠠᠨ ᠶᠤᠮ᠂ ᠣᠳᠣ ᠴᠡᠭᠡᠵᠢᠯᠡᠬᠦ ᠪᠠᠨ | ᠪᠣᠯᠢᠭᠠᠳ 500 ᠭᠠᠷᠦᠢ ᠣᠳᠠᠰᠣᠨ ᠨᠣᠮᠧᠷ ᠴᠡᠭᠡᠵᠢᠨ ᠳᠤ ᠬᠤᠴᠣᠷᠴᠠᠢ︾ ᠭᠡᠵᠣ ᠡᠷᠳᠡᠨᠢᠪᠠᠶᠠᠷ ᠨᠠᠰᠣᠳᠠᠨ ᠶᠠᠷᠢᠨᠠ | ᠃ ᠳᠡᠷᠡᠪᠡᠷ ᠰᠢᠷᠡᠬᠦ᠋ᠳᠡᠭᠡ᠂ ᠬᠠᠷᠠᠮᠠᠭᠳᠠᠢ᠂ ᠴᠠᠯᠠᠭᠠᠷ ᠵᠡᠷᠭᠡ ᠣᠶᠢᠷᠠ ᠬᠠᠪᠢ ᠶᠢᠨ ᠳᠠᠨᠢᠯ ᠬᠦᠮᠣᠰ ᠤᠨ ᠢᠶᠠᠨ | ᠣᠳᠠᠰᠣᠨ ᠨᠣᠮᠧᠷ ᠢ ᠪᠦᠬᠦᠨ ᠢ ᠮᠡᠳᠡᠵᠣ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠪᠠᠶᠢᠩᠭᠤ ᠣᠳᠠᠰᠣ ᠠᠪᠴᠣ ᠬᠦᠭᠡᠷᠦᠯᠳᠣᠨ᠂ | ᠨᠣᠳᠤᠭ ᠣᠰᠣᠨ ᠤ ᠪᠠᠨ ᠰᠣᠷᠠᠭ ᠵᠠᠩᠭᠢ᠂ ᠭᠠᠳᠠᠨᠠ ᠳᠣᠳᠣᠨᠠ ᠪᠣᠯᠵᠣ ᠪᠠᠶᠢᠭᠠ ᠣᠴᠢᠷ ᠶᠠᠪᠣᠳᠠᠯ ᠢ ᠠᠰᠠᠭᠤᠵᠣ | ᠶᠠᠷᠢᠯᠴᠠᠳᠠᠭ ᠪᠠᠶᠢᠯᠠ᠃ | ᠡᠷᠳᠡᠨᠢᠪᠠᠶᠠᠷ ᠬᠠᠷᠠᠭᠠ ᠪᠠᠨ ᠠᠯᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠶᠠᠭ ᠭᠡᠷ ᠲᠡᠭᠡᠨ ᠰᠠᠭᠤᠭᠰᠠᠨ ᠦᠭᠡᠢ᠂ ᠠᠯᠢ ᠪᠣᠯᠬᠤ ᠪᠠᠷ | ᠪᠡᠶᠡ ᠪᠠᠨ ᠳᠠᠭᠠᠭᠠᠬᠤ ᠶᠢ ᠰᠣᠷᠴᠣ᠂ ᠣᠯᠠᠭᠠᠨ ᠭᠤᠶᠣᠣ ᠮᠠᠯᠳᠠᠬᠤ᠂ ᠬᠤᠨᠢ ᠬᠠᠶᠢᠴᠢᠯᠠᠬᠤ᠂ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ | ᠳᠠᠭᠠᠨ ᠶᠠᠪᠣᠬᠤ ᠵᠡᠷᠭᠡ ᠠᠯᠢ ᠬᠢᠵᠣ ᠴᠢᠳᠠᠬᠤ ᠠᠵᠢᠯ ᠢᠶᠠᠨ ᠳᠡᠮᠳᠡᠷᠢᠵᠣ ᠪᠠᠶᠢᠭᠠᠳ ᠬᠢᠳᠡᠭ ᠪᠠᠶᠢᠵᠡᠢ᠃ ᠳᠡᠷᠡᠪᠡᠷ | ᠰᠠᠶᠢᠨ ᠮᠡᠳᠡᠳᠡᠭ ᠣᠯᠠᠭᠠᠨ ᠭᠤᠶᠣᠣ ᠶᠢᠨ ᠠᠭᠤᠷᠬᠠᠢ ᠲᠠᠢ ᠭᠠᠵᠠᠷ ᠢᠶᠠᠨ ᠳᠡᠮᠳᠡᠷᠢᠭᠡᠳ ᠣᠯᠵᠣ ᠣᠯᠠᠭᠠᠨ ᠭᠤᠶᠣᠣ | ᠪᠠᠨ ᠨᠢᠭᠡ ᠶᠢ ᠴᠦ ᠦᠯᠡᠳᠡᠭᠡᠯ ᠦᠭᠡᠢ ᠪᠠᠷ ᠮᠠᠯᠳᠠᠵᠣ ᠢᠷᠡᠳᠡᠭ᠃ ᠨᠢᠭᠡ ᠡᠳᠣᠷ ᠲᠤ ᠬᠠᠮᠤᠭ ᠣᠯᠠᠨ ᠳᠠᠭᠠᠨ 20 | ᠭᠠᠷᠦᠢ ᠬᠤᠨᠢ ᠬᠠᠶᠢᠴᠢᠯᠠᠳᠠᠭ᠂ ᠬᠠᠷᠠᠭᠠ ᠲᠠᠢ ᠪᠠᠶᠢᠬᠤ ᠳᠠᠭᠠᠨ ᠨᠢᠭᠡ ᠡᠳᠣᠷ ᠲᠤ 90 ᠭᠠᠷᠦᠢ ᠬᠤᠨᠢ ᠬᠠᠶᠢᠴᠢᠯᠠᠵᠣ | ᠪᠠᠶᠢᠭᠰᠠᠨ ᠬᠡᠨᠠ᠃ | ᠡᠷᠳᠡᠨᠢᠪᠠᠶᠠᠷ ᠪᠠᠭᠠ ᠪᠠᠶᠢᠬᠤ ᠳᠠᠭᠠᠨ ᠬᠦᠪᠡᠭᠡᠨᠠᠮᠤᠭ ᠭᠠᠴᠠᠭᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠭᠤᠷᠪᠠᠨ ᠵᠢᠯ ᠪᠢᠴᠢᠭ | ᠦᠵᠡᠭᠰᠡᠨ ᠬᠦᠮᠦᠨ ᠪᠤᠯᠬᠤᠷ ᠨᠤᠮ ᠳᠤ ᠪᠠᠭ᠋ᠠᠳᠠᠢ᠃ ᠬᠠᠷᠠᠭᠠ ᠠᠯᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠨᠤᠮ ᠢ ᠬᠦᠦ ᠪᠠᠷ ᠢᠶᠠᠨ | ᠪᠤᠶᠤ ᠰᠠᠭᠠᠬᠠᠯᠳᠠ ᠠᠶᠢᠯ ᠤᠨ ᠪᠢᠴᠢᠭ ᠲᠠᠢ ᠬᠦᠮᠦᠨ ᠢᠶᠠᠷ ᠲᠠᠭᠤᠳᠠᠭᠤᠯᠤᠨ ᠤᠩᠰᠢᠳᠠᠭ᠃ ᠡᠷᠳᠡᠨᠢᠪᠠᠶᠠᠷ ᠨᠠᠰᠤᠳᠠᠨ | ᠭᠤᠤᠯᠳᠠᠭᠤ ᠰᠡᠳᠬᠦᠯ᠂ ᠦᠯᠢᠬᠡᠷ ᠤᠨ ᠨᠤᠮ᠂ ᠳᠠᠭᠤᠤ ᠶᠢᠨ ᠨᠤᠮ ᠪᠤᠶᠤ ᠭᠠᠵᠠᠷ ᠵᠦᠢ ᠶᠢᠨ ᠨᠤᠮ ᠳᠤ ᠲᠤᠷᠠ | ᠪᠠᠭ᠋ᠠᠳᠠᠢ᠂ ᠡᠳᠡᠭᠡᠷ ᠵᠠᠬᠢᠶᠠᠯᠠᠵᠦ ᠠᠪᠤᠭᠰᠠᠨ ᠨᠤᠮ ᠢᠶᠠᠨ ᠬᠡᠨ ᠢᠶᠠᠷ ᠴᠤ ᠪᠤᠯ ᠬᠠᠮᠢᠶᠠ ᠦᠭᠡᠢ ᠲᠠᠭᠤᠳᠠᠭᠤᠯᠵᠦ | ᠰᠤᠨᠤᠰᠳᠠᠭ᠃ ᠨᠤᠮ ᠤᠩᠰᠢᠨᠡ ᠬᠡᠬᠦ ᠳᠤ ᠪᠦᠷ ᠬᠦᠮᠦᠨ ᠢ ᠭᠤᠶᠤᠬᠤ ᠴᠢᠬᠤᠯᠠᠳᠠᠢ ᠤᠴᠢᠷ ᠠᠴᠠ ᠬᠦᠮᠦᠨ ᠤ | ᠴᠢᠯᠦᠭᠡ ᠵᠡᠪ ᠢ ᠬᠠᠷᠠᠵᠦ ᠪᠠᠶᠢᠭᠠᠳ ᠵᠠᠷᠢᠮ ᠳᠠᠭᠠᠨ ᠨᠤᠮ ᠢᠶᠠᠨ ᠠᠪᠤᠭᠠᠳ ᠬᠡᠳᠦᠨ ᠤ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠠᠶᠢᠯ | ᠳᠤ ᠬᠦᠷᠭᠡᠬᠦᠯᠵᠦ ᠤᠴᠢᠭᠠᠳ ᠨᠤᠮ ᠰᠤᠨᠤᠰᠳᠠᠭ ᠤᠴᠢᠷ ᠴᠤ ᠭᠠᠷᠳᠠᠭ ᠠᠵᠢ᠃ ︽ᠳᠦᠷᠦᠬᠦᠨ ᠳᠡᠭᠡᠨ ᠨᠣᠮ | ᠣᠩᠰᠢᠭᠤᠯᠵᠣ ᠰᠠᠭᠤᠬᠤ᠂ ᠳᠤᠭᠠ ᠴᠡᠭᠡᠵᠢᠯᠡᠬᠦ ᠶᠢ ᠶᠡᠭᠡ ᠰᠠᠨᠠᠳᠠᠭ ᠪᠠᠶᠢᠭᠰᠠᠨ᠂ ᠣᠳᠣ ᠬᠠᠷᠢᠨ ᠬᠦᠭᠰᠢᠷᠡᠬᠦ ᠶᠢᠨ | ᠡᠷᠭᠡᠨ ᠳᠤ ᠨᠣᠮ ᠣᠩᠰᠢᠭᠤᠯᠵᠣ ᠰᠣᠨᠣᠰᠬᠤ᠂ ᠣᠳᠠᠰᠣᠨ ᠨᠣᠮᠧᠷ ᠦᠷᠬᠦᠯᠵᠢᠯᠡᠨ ᠴᠡᠭᠡᠵᠢᠯᠡᠬᠦ ᠪᠠᠨ ᠪᠠᠷᠢᠮᠳᠠᠯᠠᠬᠤ | ᠪᠠᠨ ᠪᠣᠯᠢᠵᠡᠢ︾ ᠭᠡᠵᠣ ᠡᠷᠳᠡᠨᠢᠪᠠᠶᠠᠷ ᠶᠡᠷᠢᠵᠣ ᠪᠠᠶᠢᠭᠰᠠᠨ ᠶᠤᠮ᠃ | 500 ᠭᠠᠷᠦᠢ ᠨᠣᠮᠧᠷ ᠴᠡᠭᠡᠵᠢᠯᠡᠨᠡ ᠭᠡᠳᠡᠭ ᠨᠢ ᠬᠠᠷᠠᠭᠠ ᠲᠠᠢ ᠬᠦᠮᠣᠨ ᠳᠤ ᠴᠦ ᠪᠡᠶᠡᠯᠡᠬᠦᠯᠬᠦ ᠳᠤ ᠬᠦᠴᠢᠷ ᠤᠴᠢᠷ | ᠳᠤᠯᠠ᠂ ᠬᠠᠷᠠᠭᠠ ᠦᠭᠡᠢ ᠨᠠᠰᠣᠳᠠᠨ ᠳᠤ ᠠᠪᠴᠣ ᠭᠡᠯᠡᠪᠡᠯ ᠦᠨᠡᠭᠡᠷ ᠨᠢᠭᠡᠨ ᠡᠷᠳᠡᠮ ᠭᠡᠬᠦ ᠳᠤ ᠠᠬᠠᠳᠠᠬᠤ ᠦᠭᠡᠢ | ᠶᠣᠮᠰᠠᠨ᠃ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠳᠠᠭᠠᠯᠳᠤᠨ ᠬᠦᠮᠣᠰ ᠠᠯᠢ ᠳᠦᠬᠦᠮ ᠳᠦᠳᠡ ᠳᠤ ᠣᠶᠢᠷᠠᠳᠴᠣ ᠢᠯᠡᠬᠦᠣ | ᠨᠢᠭᠡ ᠦᠰᠦᠭ ᠳᠤᠭᠠ ᠶᠢ ᠴᠦ ᠴᠡᠭᠡᠵᠢᠯᠡᠬᠦ ᠠᠴᠠ ᠪᠠᠨ ᠵᠠᠯᠬᠠᠭᠤᠷᠠᠵᠦ ᠪᠠᠶᠢᠭᠠ ᠴᠠᠭ ᠦᠶᠠ ᠳᠤ ᠡᠷᠳᠡᠨᠢᠪᠠᠶᠠᠷ | ᠨᠠᠰᠣᠳᠠᠨ ᠤ ᠬᠦᠴᠢᠷ ᠪᠡᠷᠭᠡᠰᠢᠶᠡᠯ ᠢ ᠲᠡᠪᠴᠢᠵᠦ᠂ ᠪᠢᠯᠢᠭ ᠤᠨ ᠬᠠᠷᠠᠭᠠ ᠪᠠᠨ ᠨᠡᠭᠡᠭᠡᠵᠣ ᠶᠠᠪᠣᠭᠰᠠᠨ ᠦᠯᠢᠭᠡᠷ ᠨᠢ | ᠪᠢᠳᠠᠨ ᠳᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠬᠡᠷᠡᠯ ᠬᠡᠬᠡ᠂ ᠵᠦᠪ ᠡᠨᠧᠷᠬᠢ ᠶᠢ ᠦᠭᠴᠦ ᠪᠢᠯᠡ᠃ ᠠᠮᠢᠳᠤᠷᠠᠯ ᠳᠠᠭᠠᠨ | ᠬᠦᠰᠡᠯ ᠬᠦᠬᠡᠭᠡᠴᠡᠯᠳᠦᠯ ᠲᠠᠢ᠂ ᠪᠤᠳᠤᠬᠤ ᠰᠠᠨᠠᠬᠤ ᠬᠢᠬᠦ ᠪᠡᠶᠡᠯᠡᠬᠦᠯᠬᠦ ᠵᠤᠶᠢᠯ ᠲᠠᠢ ᠪᠠᠶᠢᠳᠠᠭ ᠠᠴᠠ ᠡᠷᠳᠡᠨᠢᠪᠠᠶᠠᠷ | ᠨᠠᠰᠤᠳᠠᠨ ᠪᠡᠶᠡ ᠮᠠᠬᠠᠪᠤᠳ ᠡᠷᠡᠭᠦᠯ ᠲᠡᠩᠭᠡᠯᠡᠬᠦᠨ᠂ ᠪᠤᠳᠤᠯ ᠤᠬᠠᠭᠠᠨ ᠰᠠᠷᠠᠭᠤᠯ ᠳᠤᠩᠭᠠᠯᠠᠭ᠂ ᠠᠵᠤ ᠠᠮᠢᠳᠤᠷᠠᠯ | ᠵᠤᠯ ᠵᠢᠷᠭᠠᠯ ᠲᠠᠢ ᠪᠠᠷ ᠦᠳᠡᠯᠦᠬᠡ ᠨᠠᠰᠤ ᠪᠠᠨ ᠦᠩᠭᠡᠷᠡᠬᠦᠯᠵᠦ ᠪᠠᠶᠢᠨᠠ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |