| ᠡᠷᠳᠡᠨᠢᠠᠠᠭᠤᠯᠠ ᠨᠠᠷᠠᠨᠠ ᠡᠷᠳᠡᠨᠢᠬᠦᠦ | | ᠬᠠᠰᠢᠷ ᠳᠡᠮᠡᠬᠡᠴᠢᠨ ᠮᠦᠩᠭᠡᠪᠠᠭᠠᠳᠤᠷ᠄ | ᠵᠤᠭᠳᠤᠷ ᠤᠨ ᠵᠦᠬᠡᠯᠡᠨ ᠨᠠᠮᠢᠷᠠᠭᠠᠨ ᠳᠤ ᠵᠤᠯᠪᠤᠭᠠᠳᠤ ᠠᠮᠢᠳᠤᠷᠠᠯ ᠦᠨᠳᠡᠶᠢᠨᠠ | | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠴᠤᠭᠳᠤᠬᠦ᠋ᠷᠢᠶᠠ ᠰᠤᠮᠤᠨ ᠤ ᠡᠮᠦᠨᠠᠭᠤᠤᠯ ᠭᠠᠴᠠᠭᠠᠨ ᠤ ᠮᠦᠩᠭᠡᠪᠠᠭᠠᠳᠤᠷ ᠤᠨ ᠬᠢ | ᠢᠩᠭᠡ ᠭᠤᠤᠯᠳᠠᠭᠰᠠᠨ 150 ᠤᠷᠴᠢᠮ ᠤᠨ ᠳᠡᠮᠡᠭᠡ ᠬᠠᠷᠢᠭᠤᠯᠵᠤ᠂ ᠵᠢᠯ ᠳᠡᠭᠡᠨ 30 — 40 ᠲᠤᠷᠤᠮ | ᠬᠤᠳᠠᠯᠳᠤᠵᠤ᠂ ᠬᠤᠷᠢᠭᠠᠳ ᠳᠦᠮᠡᠨ ᠳᠦᠬᠦᠷᠢᠭ ᠤᠨ ᠤᠷᠤᠯᠭᠠ ᠭᠠᠨᠵᠤᠭᠠᠯᠠᠨ᠂ ᠢᠩᠭᠡᠨ ᠵᠤᠭᠳᠤᠷ ᠤᠨ ᠵᠦᠬᠡᠯᠡᠨ | ᠨᠠᠮᠢᠷᠠᠭᠠᠨ ᠲᠠᠢ᠂ ᠪᠤᠳᠤᠭᠤ ᠳᠤᠷᠤᠮ ᠤᠨ ᠬᠦᠩᠬᠡᠨ ᠪᠤᠶᠢᠯᠠᠭᠠᠨ ᠲᠠᠢ ᠬᠦᠳᠡᠭᠡ ᠶᠢᠨ ᠰᠠᠶᠢᠬᠠᠨ ᠵᠤᠯᠪᠤᠭᠠ ᠲᠠᠢ | ᠠᠮᠢᠳᠤᠷᠠᠯ ᠳᠤ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠠᠮᠢᠳᠤᠷᠠᠭᠰᠠᠨ ᠮᠠᠯᠴᠢᠨ ᠠᠶᠢᠯ ᠪᠠᠶᠢᠭᠠ ᠶᠤᠮ᠃ | ᠮᠦᠩᠭᠡᠪᠠᠭᠠᠳᠤᠷ ᠰᠡᠴᠡᠨ ᠤ ᠰᠠᠭᠤᠵᠤ ᠪᠠᠶᠢᠭᠠ ᠨᠤᠳᠤᠭ ᠢ ᠶᠦᠡᠭ ᠱᠸᠡᠭ ᠬᠤᠤ ᠬᠡᠳᠡᠭ᠃ ᠦᠩᠭᠡᠷᠡᠭᠰᠡᠨ ᠳᠤ | ᠮᠤᠩᠭᠤᠯ ᠨᠡᠷᠡ ᠲᠠᠢ ᠪᠠᠶᠢᠭᠰᠠᠨ ᠪᠠᠶᠢᠯᠬᠦᠢ᠂ ᠴᠢᠯᠦᠬᠡᠯᠡᠭᠳᠡᠬᠦ ᠠᠴᠠ ᠡᠮᠦᠨᠠ ᠶᠦᠡᠭ ᠱᠸᠡᠭ ᠬᠤᠤ ᠬᠡᠳᠡᠭ | ᠬᠤᠳᠠᠯᠳᠤᠭᠠᠨ ᠤ ᠫᠦᠰᠡ ᠠᠳᠡ ᠰᠠᠭᠤᠷᠢᠰᠢᠵᠦ᠂ ᠠᠷᠠᠰᠦ ᠨᠤᠤᠰᠦ ᠬᠤᠷᠢᠶᠠᠵᠦ᠂ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠵᠦ | ᠪᠠᠶᠢᠭᠰᠠᠨ ᠢᠶᠠᠷ ᠡᠶᠢᠮᠦ ᠨᠢᠬᠡᠨ ᠨᠡᠷᠠ ᠲᠠᠢ ᠪᠤᠯᠵᠤ ᠤᠳᠤ ᠪᠤᠯᠳᠠᠯᠠ ᠢᠩᠭᠢᠵᠦ ᠨᠡᠷᠡᠶᠢᠳᠦᠭᠳᠡᠭᠰᠡᠭᠡᠷ ᠢᠷᠡᠵᠡᠢ᠃ ᠡᠳᠡᠨ | ᠤ ᠳᠡᠮᠡᠬᠡᠨ ᠬᠠᠰᠢᠶᠠ ᠨᠢ ᠶᠠᠭ ᠡᠨᠡᠬᠦ ᠫᠦᠰᠡ ᠶᠢᠨ ᠤᠷᠤ ᠲᠡᠬᠡᠷᠠ ᠪᠠᠷᠢᠭᠰᠠᠨ ᠪᠠᠶᠢᠪᠠ᠃ ᠪᠠᠶᠠᠨ ᠫᠦᠰᠠ ᠶᠢᠨ ᠪᠠᠭᠤᠷᠢ | ᠳᠡᠬᠡᠷᠠ ᠨᠤᠳᠤᠭᠰᠢᠭᠰᠠᠨ ᠠᠴᠠ ᠶᠤᠮ ᠤᠤ︖ ᠬᠡᠳᠦᠨ ᠦᠶᠠ ᠪᠠᠷ ᠳᠡᠮᠡᠭᠡ ᠬᠠᠷᠢᠭᠤᠯᠵᠤ ᠪᠠᠶᠢᠭᠰᠠᠨ ᠳᠡᠮᠡᠬᠡᠴᠢᠨ | ᠤᠳᠤᠮ ᠲᠠᠢ ᠠᠶᠢᠯ ᠪᠠᠶᠢᠭᠰᠠᠨ ᠤ ᠬᠢ ᠴᠦ ᠶᠤᠮ ᠤᠤ︖ ᠮᠦᠩᠭᠡᠪᠡᠭᠠᠳᠤᠷ ᠤᠨ ᠳᠡᠮᠡᠭᠡ ᠰᠠᠶᠢᠬᠠᠨ ᠦᠰᠴᠦ᠂ | ᠬᠠᠮᠤᠭ ᠠᠷᠪᠢᠨ ᠳᠠᠭᠠᠨ 200 ᠭᠠᠷᠤᠢ ᠳᠡᠮᠡᠭᠡ ᠲᠠᠢ ᠪᠤᠯᠵᠤ ᠬᠤᠯᠠ ᠤᠶᠢᠷᠠ ᠳᠠᠭᠠᠨ ᠨᠡᠷᠡᠳᠡᠢ ᠪᠠᠶᠠᠨ ᠲᠡᠮᠡᠬᠡᠴᠢᠨ | ᠠᠶᠢᠯ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | — ᠦᠩᠭᠡᠷᠡᠭᠰᠡᠨ ᠳᠤ ᠮᠠᠨᠠᠶᠢᠬᠢᠨ ᠪᠤᠭ ᠮᠠᠯ ᠬᠠᠷᠢᠭᠤᠯᠵᠤ ᠪᠠᠶᠢᠭᠰᠠᠨ᠂ ᠦᠰᠦᠬᠡᠳ ᠪᠠᠰᠠ ᠬᠡᠳᠦᠨ ᠵᠠᠭᠤᠨ | ᠳᠤᠯᠤᠭᠠᠢ ᠳᠤ ᠬᠦᠷᠴᠦ ᠪᠠᠶᠢᠭᠰᠠᠨ ᠶᠤᠮ᠃ 2016 ᠤᠨ ᠠᠴᠠ ᠡᠬᠢᠯᠡᠨ ᠪᠤᠭ ᠮᠠᠯ ᠢᠶᠠᠨ ᠴᠦᠬᠡᠴᠢᠯᠡᠵᠦ᠂ | ᠴᠦᠬᠡᠬᠡᠨ ᠬᠡᠳᠦᠨ ᠠᠮᠳᠠᠨ ᠤ ᠮᠠᠯ ᠦᠯᠡᠳᠡᠬᠡᠬᠡᠳ ᠭᠤᠤᠯᠳᠠᠯᠭᠠ ᠲᠠᠢ ᠪᠠᠷ ᠳᠡᠮᠡᠭᠡ ᠬᠠᠷᠢᠭᠤᠯᠵᠤ ᠡᠬᠢᠯᠡᠭᠰᠡᠨ᠃ | ᠮᠠᠨᠠᠶᠢᠬᠢᠨ 6000 ᠭᠠᠷᠤᠢ ᠮᠤ᠋ ᠪᠡᠯᠴᠢᠬᠡᠷ ᠲᠠᠢ᠂ ᠳᠡᠮᠡᠭᠡ ᠮᠠᠯᠯᠠᠬᠤ ᠳᠤ ᠠᠳᠠᠭ ᠲᠠᠭᠠᠨ ᠳᠦᠷᠪᠡ ᠳᠠᠪᠤᠨ ᠲᠦᠮᠠᠨ | ᠮᠤ᠋ ᠪᠡᠯᠴᠢᠬᠡᠷ ᠪᠠᠶᠢᠬᠤ ᠦᠬᠡᠢ ᠪᠤᠯ ᠬᠦᠴᠦ ᠳᠠᠷᠭᠤ ᠠᠪᠬᠤ ᠦᠬᠡᠢ᠃ ᠳᠡᠮᠡᠭᠡ ᠬᠡᠳᠡᠭ ᠠᠮᠢᠳᠠᠨ ᠬᠡᠰᠦᠵᠦ ᠶᠠᠪᠤᠵᠤ | ᠢᠳᠡᠳᠡᠭ ᠳᠤᠯᠠ ᠪᠠᠭᠠ ᠰᠠᠭᠠ ᠪᠡᠯᠴᠢᠬᠡᠷ ᠲᠤ ᠬᠡᠳᠦᠢ ᠰᠠᠶᠢᠨ ᠡᠪᠡᠰᠦ ᠤᠷᠭᠤᠮᠠᠯ ᠲᠠᠢ ᠪᠠᠶᠢᠭᠰᠠᠨ ᠴᠦ ᠳᠡᠩᠭᠡᠳᠡᠭ | ᠦᠬᠡᠢ᠃ ᠳᠡᠶᠢᠮᠦ ᠪᠤᠯᠬᠤᠷ ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨ ᠲᠠᠢ ᠪᠠᠨ ᠰᠠᠶᠢᠬᠠᠨ ᠶᠠᠪᠤᠯᠴᠠᠵᠤ᠂ ᠪᠠᠰᠠ ᠭᠤᠷᠪᠠᠨ ᠠᠶᠢᠯ | ᠤᠨ ᠪᠡᠯᠴᠢᠬᠡᠷ ᠢ ᠳᠦᠷᠢᠶᠡᠰᠦᠯᠡᠵᠦ ᠪᠠᠶᠢᠳᠠᠭ᠃ ᠳᠡᠮᠡᠭᠡ ᠮᠠᠯᠯᠠᠬᠤ ᠨᠢ ᠪᠤᠭ ᠮᠠᠯ ᠬᠠᠷᠢᠭᠤᠯᠬᠤ ᠲᠠᠢ ᠠᠳᠠᠯᠢᠳᠬᠠᠪᠠᠯ | ᠠᠵᠢᠯ ᠠᠬᠤᠢ ᠪᠠᠭᠠ᠂ ᠤᠷᠤᠯᠭᠠ ᠰᠠᠶᠢᠳᠠᠢ᠂ ᠪᠡᠯᠴᠢᠭᠡᠷ ᠲᠤ ᠬᠠᠯᠠ ᠦᠬᠡᠢ ᠪᠠᠶᠢᠳᠠᠭ᠃ ᠤᠳᠤᠬᠠᠨ ᠤ ᠦᠨᠠ ᠪᠠᠷ | ᠨᠢᠬᠡ ᠰᠠᠶᠢᠨ ᠠᠳᠠ 1.3 ᠳᠦᠮᠡᠨ ᠳᠦᠬᠦᠷᠢᠭ ᠲᠤ ᠬᠦᠷᠴᠦ᠂ ᠨᠢᠬᠡ ᠬᠤᠨᠢ ᠶᠢ ᠮᠢᠩᠭᠠ ᠭᠠᠷᠤᠢ ᠳᠦᠬᠦᠷᠢᠭ ᠢᠶᠠᠷ | ᠬᠤᠳᠠᠯᠳᠤᠵᠤ ᠪᠠᠶᠢᠨᠠ᠃ ᠳᠡᠮᠡᠭᠡ ᠪᠠ ᠬᠤᠨᠢᠨ ᠤ ᠬᠤᠳᠠᠯᠳᠤᠬᠤ ᠦᠨᠠ ᠶᠢ ᠠᠳᠠᠯᠢᠳᠬᠠᠪᠠᠯ ᠨᠢᠬᠡ ᠳᠡᠮᠡᠭᠡ ᠨᠢ 6 | — 10 ᠬᠤᠨᠢ ᠲᠠᠢ ᠳᠠᠩᠴᠠᠵᠦ ᠪᠠᠶᠢᠨᠠ᠃ ᠡᠬᠦᠨ ᠠᠴᠠ ᠦᠵᠡᠬᠦ ᠳᠤ 150 ᠳᠡᠮᠡᠭᠡ ᠬᠠᠷᠢᠭᠤᠯᠬᠤ ᠨᠢ 900 | — 1500 ᠬᠤᠨᠢ ᠬᠠᠷᠢᠭᠤᠯᠬᠤ ᠶᠢᠨ ᠠᠰᠢᠭ ᠢ ᠤᠯᠵᠤ ᠪᠠᠶᠢᠨᠠ ᠬᠡᠰᠡᠨ ᠦᠬᠡ᠃ ᠬᠡᠷᠪᠡ ᠳᠡᠶᠢᠮᠦ ᠤᠯᠠᠨ | ᠳᠤᠭᠠᠨ ᠤ ᠬᠤᠨᠢ ᠬᠠᠷᠢᠭᠤᠯᠪᠠᠯ ᠪᠠᠶᠢᠷᠢ ᠪᠡᠯᠴᠢᠬᠡᠷ ᠤᠨ ᠳᠡᠩᠴᠡᠬᠦᠷᠢ ᠠᠯᠳᠠᠭᠳᠠᠵᠦ ᠪᠠᠰᠠ ᠳᠠᠬᠢᠨ ᠭᠤᠷᠪᠠᠨ ᠠᠶᠢᠯ | ᠤᠨ ᠪᠡᠯᠴᠢᠬᠡᠷ ᠳᠦᠷᠢᠶᠡᠰᠦᠯᠡᠭᠰᠡᠨ ᠴᠦ ᠬᠦᠢᠴᠡᠯᠳᠦᠬᠦ ᠦᠬᠡᠢ ᠶᠤᠮ᠃ | — ᠤᠳᠤ ᠮᠠᠨ ᠤ ᠳᠡᠮᠡᠬᠡᠨ ᠰᠦᠷᠦᠭ ᠲᠤ ᠭᠤᠷᠪᠠᠨ ᠪᠤᠤᠷᠠ᠂ ᠵᠠᠭᠤ ᠳᠠᠪᠢ ᠬᠦᠷᠬᠦ ᠢᠩᠭᠡ᠂ ᠬᠤᠶᠠᠷᠬᠠᠨ | ᠠᠳᠠ ᠲᠠᠢ᠃ ᠨᠢᠬᠡ ᠠᠳᠠ ᠶᠢ ᠪᠠᠨ ᠰᠤᠮᠤᠨ ᠤ ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠬᠢᠬᠦ ᠳᠤ ᠬᠠᠨᠳᠢᠪ ᠬᠦᠷᠬᠡᠵᠦ ᠪᠡᠯᠡᠭᠯᠡᠵᠦ | ᠦᠭᠭᠦᠭᠰᠡᠨ ᠶᠤᠮ᠃ ᠢᠩᠭᠡ ᠭᠤᠤᠯ ᠲᠠᠢ ᠰᠦᠷᠦᠭ ᠬᠠᠷᠢᠭᠤᠯᠵᠤ ᠪᠠᠶᠢᠬᠤ ᠨᠢ ᠭᠤᠤᠯᠳᠠᠭᠤ ᠠᠵᠤ ᠠᠬᠤᠢ ᠶᠢᠨ | ᠡᠷᠬᠢᠯᠳᠡ ᠪᠠᠨ ᠳᠦᠷᠬᠡᠳᠭᠡᠬᠦ ᠶᠢᠨ ᠳᠦᠯᠦᠬᠡ ᠶᠤᠮ᠃ ᠢᠩᠭᠡ ᠶᠢᠨ ᠰᠠᠭᠤᠷᠢ ᠳᠤᠭᠠ ᠠᠷᠪᠢᠨ ᠪᠤᠯᠬᠤᠷ ᠳᠡᠮᠡᠭᠡ | ᠦᠰᠬᠦ ᠬᠤᠷᠳᠤᠨ᠃ ᠬᠤᠶᠠᠷ ᠭᠤᠷᠪᠠᠨ ᠵᠢᠯ ᠳᠤ ᠵᠠᠭᠤᠨ ᠳᠤᠯᠤᠭᠠᠢ ᠳᠡᠮᠡᠭᠡ ᠶᠢ ᠦᠰᠬᠡᠵᠦ ᠳᠡᠶᠢᠯᠦᠨᠠ᠃ ᠬᠡᠪᠡᠴᠦ | ᠮᠠᠯᠯᠠᠬᠤ ᠭᠠᠵᠠᠷ ᠦᠬᠡᠢ ᠠᠴᠠ ᠪᠢᠳᠠ ᠵᠢᠯ ᠪᠦᠷᠢ ᠭᠤᠴᠢ ᠳᠦᠴᠢᠨ ᠲᠤᠷᠤᠮ ᠬᠤᠳᠠᠯᠳᠤᠵᠤ ᠪᠤᠢ᠃ ᠳᠡᠮᠡᠭᠡ ᠶᠢ | ᠳᠤᠷᠤᠮ ᠳᠤ ᠨᠢ ᠬᠤᠳᠠᠯᠳᠤᠪᠠᠯ ᠪᠠᠶᠢᠷᠢ ᠪᠡᠯᠴᠢᠬᠡᠷ ᠤᠨ ᠳᠠᠷᠤᠭᠠᠰᠦ ᠪᠠᠭᠠ᠂ ᠵᠢᠯ ᠪᠦᠷᠢ ᠤᠷᠤᠯᠭᠠ ᠲᠠᠢ᠃ ᠡᠨᠡ | ᠵᠢᠯ ᠳᠡᠭᠰᠢᠳᠭᠡᠭᠡᠳ 6150 ᠳᠦᠬᠦᠷᠢᠭ ᠤᠨ ᠦᠨᠠ ᠪᠠᠷ 40 ᠳᠤᠷᠤᠮ ᠬᠤᠳᠠᠯᠳᠤᠵᠤ ᠨᠡᠶᠢᠳᠡ ᠬᠤᠷᠢᠭᠠᠳ | ᠲᠦᠮᠡᠨ ᠳᠦᠬᠦᠷᠢᠭ ᠤᠯᠤᠭᠰᠠᠨ ᠶᠤᠮ᠃ ᠬᠡᠷᠪᠡ ᠠᠳᠠ ᠪᠤᠯᠭᠠᠵᠤ ᠬᠤᠳᠠᠯᠳᠤᠪᠠᠯ ᠠᠳᠠᠭ ᠪᠠᠭᠠ ᠳᠠᠭᠠᠨ ᠳᠠᠪᠤ | ᠵᠢᠷᠭᠤᠭᠠᠨ ᠵᠢᠯ ᠪᠤᠯᠤᠭᠠᠳ ᠰᠠᠶ᠋ᠢ ᠨᠢᠬᠡ ᠳᠡᠮᠡᠭᠡ ᠶᠢ ᠲᠦᠮᠡ ᠭᠠᠷᠤᠢ ᠳᠦᠬᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠤ ᠳᠡᠶᠢᠯᠦᠨᠠ᠃ | ᠡᠨᠡ ᠳᠤᠮᠳᠠ ᠨᠢ ᠪᠠᠶᠢᠷᠢ ᠪᠡᠯᠴᠢᠬᠡᠷ᠂ ᠡᠪᠡᠰᠦ ᠪᠤᠷᠳᠤᠭᠠ᠂ ᠬᠦᠮᠦᠨ ᠤ ᠬᠦᠴᠦ ᠵᠡᠷᠬᠡ ᠤᠯᠠᠨ ᠶᠠᠭᠤᠮᠠ | ᠵᠠᠷᠤᠴᠠᠭᠤᠯᠤᠭᠳᠠᠵᠦ ᠪᠠᠶᠢᠳᠠᠭ ᠠᠴᠠ ᠡᠶᠢᠮᠦᠷᠬᠦ ᠰᠦᠢᠳᠬᠡᠯ ᠪᠠ ᠬᠦᠴᠦ ᠬᠦᠳᠡᠯᠮᠦᠷᠢ ᠶᠢ ᠬᠠᠰᠤᠵᠤ ᠬᠠᠶᠠᠪᠠᠯ ᠦᠨᠠ | ᠬᠠᠩᠰᠢ ᠨᠢ ᠳᠤᠷᠤᠮ ᠢᠶᠠᠷ ᠨᠢ ᠬᠤᠳᠠᠯᠳᠤᠬᠤ ᠶᠢ ᠴᠦ ᠬᠦᠷᠬᠦ ᠦᠬᠡᠢ ᠪᠤᠯᠤᠨᠠ᠃ ᠢᠩᠭᠡᠨ ᠳᠡᠮᠡᠭᠡ ᠬᠦᠭᠰᠢᠷᠡᠪᠡᠯ | ᠪᠠᠰᠠ ᠳᠤᠷᠤᠮ ᠢᠶᠠᠨ ᠦᠯᠡᠳᠡᠬᠡᠵᠦ ᠢᠩᠭᠡ ᠪᠠᠨ ᠤᠷᠤᠨ ᠳᠤ ᠨᠢ ᠬᠤᠳᠠᠯᠳᠤᠵᠤ ᠶᠠᠪᠤᠭᠤᠯᠳᠠᠭ᠃ ᠢᠩᠬᠢᠬᠡᠳ | ᠰᠦᠷᠦᠭ ᠤᠨ ᠪᠦᠳᠦᠴᠠ ᠪᠠᠨ ᠬᠡᠵᠢᠶᠡᠳᠡ ᠰᠢᠯᠢᠳᠡᠭ ᠰᠠᠶᠢᠨ ᠦᠰᠪᠦᠷᠢ ᠶᠢᠨ ᠳᠡᠮᠡᠭᠡᠳ ᠲᠠᠢ ᠪᠠᠶᠢᠯᠭᠠᠳᠠᠭ ᠬᠡᠵᠦ | ᠮᠦᠩᠭᠡᠪᠡᠭᠠᠳᠤᠷ ᠭᠤᠸᠠᠢ ᠨᠠᠷᠢᠯᠢᠭ ᠳᠠᠩᠰᠠ ᠪᠤᠳᠤᠵᠤ ᠳᠠᠶᠢᠯᠪᠤᠷᠢᠯᠠᠵᠦ ᠶᠠᠷᠢᠯᠠ᠃ | — ᠳᠡᠮᠡᠭᠡ ᠭᠡᠭᠴᠢ ᠦᠭᠦᠬᠡᠵᠢ ᠶᠡᠬᠡᠳᠡᠢ ᠪᠤᠶᠠᠨᠳᠤ ᠠᠮᠢᠳᠠᠨ᠃ ᠦᠩᠭᠡᠷᠡᠭᠰᠡᠨ ᠳᠤ ᠠᠯᠠᠱᠠ ᠮᠤᠩᠭᠤᠯᠴᠤᠳ | ᠳᠡᠮᠡᠭᠡ ᠪᠠᠨ ᠳᠦᠰᠢᠵᠦ ᠠᠮᠢᠳᠤᠷᠠᠵᠦ᠂ ᠳᠡᠮᠡᠭᠡ ᠪᠠᠨ ᠬᠠᠮᠠᠭᠠᠯᠡᠵᠦ ᠦᠰᠬᠡᠭᠰᠡᠭᠡᠷ ᠢᠷᠡᠭᠰᠡᠨ᠃ ᠠᠶᠠᠨ ᠵᠢᠩ ᠬᠢᠵᠦ | ᠤᠷᠤᠯᠭᠠ ᠤᠯᠵᠤ ᠬᠦᠨᠡᠰᠦ ᠪᠤᠳᠠᠭᠠ ᠪᠠᠨ ᠤᠯᠤᠨᠠ᠃ ᠰᠦ ᠰᠠᠭᠠᠯᠢ ᠶᠢ ᠨᠢ ᠡᠳ᠋ᠯᠡᠵᠦ᠂ ᠡᠪᠦᠳᠦᠭ ᠵᠤᠭᠳᠤᠷ᠂ | ᠨᠤᠤᠰᠦ ᠦᠰᠦ ᠶᠢ ᠬᠤᠳᠠᠯᠳᠤᠨ ᠡᠳ᠋ ᠮᠦᠩᠬᠦ ᠰᠤᠯᠢᠨᠠ᠃ ︽ᠳᠡᠮᠡᠭᠡ ᠵᠤᠭᠳᠤᠷ ᠢᠶᠠᠨ ᠳᠡᠪᠢᠰᠴᠦ᠂ ᠡᠯᠵᠢᠬᠡ | ᠳᠤᠭᠤᠷᠠᠢ ᠪᠠᠨ ᠳᠠᠪᠢᠰᠳᠡᠭ︾ ᠬᠡᠳᠡᠭ ᠢᠶᠠᠷ ᠳᠡᠮᠡᠬᠡᠨ ᠠᠴᠠ ᠤᠶᠢᠴᠢᠭᠰᠡᠨ ᠬᠦᠮᠦᠨ ᠪᠡᠷᠭᠡᠳᠡᠵᠦ ᠰᠢᠷᠬᠠᠳᠤᠳᠠᠭ | ᠦᠬᠡᠢ᠃ ᠬᠡᠬᠡᠷᠠ ᠳᠡᠮᠡᠭᠡ ᠪᠠᠨ ᠳᠦᠰᠢᠨ ᠬᠤᠨᠤᠬᠤ ᠳᠤ ᠪᠡᠶᠠ ᠨᠢ ᠨᠦᠮᠦᠷᠢ ᠪᠤᠯᠵᠤ ᠵᠤᠭᠳᠤᠷ ᠨᠢ ᠳᠤᠯᠠᠭᠠᠨ | ᠬᠤᠴᠢᠯᠭᠠ ᠪᠤᠯᠳᠠᠭ᠃ ᠳᠡᠮᠡᠬᠡᠨ ᠤ ᠠᠰᠢᠭ ᠰᠢᠮᠠ᠂ ᠤᠨᠤᠯᠭᠠ ᠡᠳ᠋ᠯᠡᠭᠡ ᠶᠢᠨ ᠠᠴᠢ ᠳᠤᠰᠠ ᠶᠢ ᠳᠤᠭᠠᠴᠠᠭᠠᠳ | ᠪᠠᠷᠠᠰᠢ ᠦᠬᠡᠢ᠃ ᠬᠡᠪᠡᠴᠦ ᠤᠳᠤᠬᠠᠨ ᠳᠤ ᠳᠡᠮᠡᠬᠡᠨ ᠤ ᠡᠳ᠋ᠯᠡᠭᠡ ᠠᠴᠢᠯᠭᠠ ᠪᠠᠭᠠᠰᠴᠦ᠂ ᠠᠰᠢᠭ ᠰᠢᠮᠠ ᠶᠢ ᠨᠢ | ᠬᠦᠢᠴᠡᠳ ᠰᠠᠶᠢᠬᠠᠨ ᠠᠪᠴᠦ ᠬᠡᠷᠡᠭᠯᠡᠵᠦ ᠴᠢᠳᠠᠬᠤ ᠦᠬᠡᠢ ᠪᠠᠶᠢᠨᠠ᠃ ᠬᠡᠦᠬᠡᠳ ᠬᠤᠳᠠ ᠳᠤ ᠠᠵᠢᠯᠯᠠᠵᠦ ᠪᠠᠶᠢᠬᠤ | ᠳᠤᠯᠠ ᠬᠦᠭᠰᠢᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠠᠮᠵᠢᠯᠳᠤᠬᠤ ᠦᠬᠡᠢ ᠪᠤᠯᠵᠤ ᠢᠩᠭᠡᠨ ᠰᠠᠭᠠᠯᠢ ᠬᠢᠵᠦ ᠴᠢᠳᠠᠬᠤ ᠦᠬᠡᠢ | ᠪᠠᠶᠢᠨᠠ᠃ ᠦᠩᠭᠡᠷᠡᠭᠰᠡᠨ ᠳᠤ ᠬᠠᠮᠳᠤᠷᠠᠯ ᠤᠨ ᠦᠶᠠ ᠳᠤ ᠮᠠᠨᠠᠶᠢᠬᠢᠨ ᠳᠡᠮᠡᠭᠡ ᠬᠠᠷᠢᠭᠤᠯᠵᠤ ᠢᠩᠭᠡᠨ ᠰᠠᠭᠠᠯᠢ ᠬᠢᠳᠡᠭ | ᠪᠠᠶᠢᠭᠰᠠᠨ᠃ ᠡᠳᠦᠷ ᠲᠤ ᠨᠢᠬᠡ ᠳᠡᠮᠡᠬᠡᠨ ᠠᠴᠠ ᠭᠤᠷᠪᠠᠨ ᠵᠢᠩ ᠰᠦ ᠰᠠᠭᠠᠬᠤ ᠡᠬᠦᠷᠬᠡ ᠲᠠᠢ ᠪᠠᠶᠢᠭᠰᠠᠨ᠃ ᠢᠯᠡᠬᠦᠦ | ᠰᠠᠭᠠᠪᠠᠯ ᠦᠯᠡᠳᠡᠪᠦᠷᠢ ᠶᠢ ᠨᠢ ᠦᠪᠡᠷ ᠲᠡᠭᠡᠨ ᠡᠳ᠋ᠯᠡᠵᠦ ᠪᠤᠯᠳᠠᠭ᠃ ᠤᠳᠠᠭᠠᠨ ᠵᠢᠯ ᠰᠠᠭᠠᠭᠰᠠᠨ ᠢᠩᠭᠡ ᠨᠤᠮᠤᠬᠠᠷᠠᠵᠦ | ᠂ ᠰᠠᠭᠠᠬᠤ ᠳᠤᠰᠤᠮ ᠢᠪᠢᠯᠬᠡ ᠰᠠᠶᠢᠳᠠᠢ ᠪᠤᠯᠵᠤ᠂ ᠰᠦ ᠰᠠᠶᠢᠨ ᠭᠠᠷᠳᠠᠭ᠃ ᠤᠳᠤ ᠢᠩᠭᠡᠨ ᠰᠦ ᠰᠠᠭᠠᠯᠢ ᠶᠢᠨ | ᠵᠠᠬᠠ ᠳᠡᠯᠬᠡᠬᠦᠷ ᠤᠨ ᠦᠨᠠ ᠰᠠᠶᠢᠵᠢᠷᠡᠵᠦ ᠪᠠᠶᠢᠨᠠ᠃ ᠬᠡᠪᠡᠴᠦ ᠪᠢᠳᠠ ᠢᠩᠭᠡᠨ ᠰᠠᠭᠠᠯᠢ ᠰᠦ ᠬᠢᠵᠦ ᠠᠮᠵᠢᠯᠳᠤᠬᠤ | ᠦᠬᠡᠢ ᠦᠩᠭᠡᠷᠡᠬᠦᠯᠵᠦ ᠪᠠᠶᠢᠨᠠ᠃ ᠮᠠᠨᠠᠶᠢᠬᠢᠨ ᠤ ᠳᠡᠮᠡᠬᠡᠨ ᠰᠦᠷᠦᠭ ᠲᠤ ᠴᠠᠭᠠᠨ ᠳᠡᠮᠡᠭᠡ ᠤᠯᠠᠩᠬᠢ ᠳᠤᠭᠠ ᠶᠢ ᠨᠢ | ᠡᠵᠡᠯᠡᠵᠦ ᠪᠠᠶᠢᠳᠠᠭ ᠠᠵᠢ᠃ ᠴᠠᠭᠠᠨ ᠳᠡᠮᠡᠬᠡᠨ ᠤ ᠨᠤᠤᠰᠦ ᠨᠢ ᠵᠦᠬᠡᠯᠡᠨ᠂ ᠬᠠᠷᠠ᠂ ᠬᠦᠷᠡᠩ ᠦᠩᠭᠡ ᠶᠢᠨ ᠳᠡᠮᠡᠭᠡ | ᠶᠢ ᠪᠤᠳᠤᠪᠠᠯ ᠨᠤᠤᠰᠦ ᠢᠯᠭᠠᠵᠦ ᠰᠠᠯᠭᠠᠬᠤ ᠠᠵᠢᠯ ᠪᠠᠭᠠ᠃ ᠰᠢᠯᠢ ᠬᠦᠳᠡᠭᠡ ᠶᠢᠨ ᠪᠤᠳᠤᠷᠭᠠᠨᠠ ᠲᠠᠢ ᠭᠠᠵᠠᠷ ᠤᠨ | ᠳᠡᠮᠡᠬᠡᠨ ᠨᠤᠤᠰᠦ ᠰᠢᠷᠦᠬᠦᠨ᠂ ᠮᠠᠨ ᠤ ᠭᠤᠤᠯ ᠭᠠᠵᠠᠷ ᠤᠨ ᠳᠡᠮᠡᠬᠡᠨ ᠨᠤᠤᠰᠦ ᠨᠢ ᠬᠠᠷᠢᠴᠠᠩᠭᠤᠢ ᠵᠦᠬᠡᠯᠡᠨ ᠰᠢᠭ | ᠪᠠᠶᠢᠳᠠᠭ᠃ ᠳᠡᠷᠡ ᠮᠦᠷᠳᠡᠬᠡᠨ ᠢᠩᠭᠡᠨ ᠳᠡᠮᠡᠬᠡᠨ ᠤ ᠨᠤᠤᠰᠦ ᠨᠡᠩ ᠴᠦ ᠨᠠᠷᠢᠨ ᠮᠦᠷᠳᠡᠬᠡᠨ ᠵᠦᠬᠡᠯᠡᠨ ᠪᠠᠶᠢᠳᠠᠭ | ᠳᠤᠯᠠ ᠬᠤᠳᠠᠯᠳᠤᠭᠠᠴᠢᠨ ᠠᠪᠬᠤ ᠳᠤᠷᠠᠳᠠᠢ᠃ ᠡᠨᠡ ᠵᠢᠯ ᠤᠨ ᠲᠡᠮᠡᠬᠡᠨ ᠨᠤᠤᠰᠤ ᠶᠢᠨ ᠦᠨᠠ ᠨᠢ ᠺᠢᠯᠦᠭᠷᠡᠮ ᠪᠦᠷᠢ | ᠳᠡᠭᠡᠨ 65 ᠳᠦᠬᠦᠷᠢᠭ ᠬᠦᠷᠦᠭᠰᠡᠨ᠃ ᠮᠠᠨ ᠤ ᠳᠡᠮᠡᠬᠡᠳ ᠢᠩᠭᠡ ᠭᠤᠤᠯᠳᠠᠵᠦ ᠪᠠᠶᠢᠳᠠᠭ ᠢᠶᠠᠷ ᠨᠢᠬᠡ ᠳᠡᠮᠡᠬᠡᠨ ᠠᠴᠠ | ᠳᠡᠭᠰᠢᠳᠬᠡᠭᠡᠳ 6 ᠵᠢᠩ ᠨᠤᠤᠰᠦ ᠬᠤᠷᠢᠶᠠᠳᠠᠭ᠃ ᠬᠡᠪᠡᠴᠦ ᠪᠠᠰᠠ ᠯᠠ ᠠᠵᠢᠯ ᠠᠮᠵᠢᠯᠳᠤᠬᠤ ᠦᠬᠡᠢ ᠶᠠᠭᠠᠷᠠᠭᠰᠠᠭᠠᠷ | ᠪᠠᠶᠢᠵᠦ ᠡᠪᠦᠳᠦᠭ ᠵᠤᠭᠳᠤᠷ ᠢ ᠨᠢ ᠰᠠᠶᠢᠨ ᠬᠤᠷᠢᠶᠠᠵᠦ ᠴᠢᠳᠠᠭᠰᠠᠨ ᠦᠬᠡᠢ ᠭᠡᠭᠡᠭᠳᠡᠭᠦᠯᠦᠭᠰᠡᠨ ᠠᠴᠠ ᠡᠨᠡ ᠵᠢᠯ ᠤᠨ | ᠨᠤᠤᠰᠤᠨ ᠤ ᠤᠷᠤᠯᠭᠠ ᠳᠦᠩᠭᠡᠵᠢ ᠳᠦᠮᠡ ᠳᠠᠪᠤ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠲᠦᠬᠦᠷᠢᠭ ᠪᠤᠯᠤᠭᠰᠠᠨ ᠬᠡᠵᠦ ᠰᠠᠨᠠᠭᠠ | ᠪᠤᠯᠵᠤ ᠪᠠᠶᠢᠯᠠ᠃ | ᠮᠠᠯ ᠰᠦᠷᠦᠭ ᠢᠶᠠᠨ ᠦᠰᠬᠡᠨ ᠦᠷᠡᠵᠢᠬᠦᠯᠵᠦ ᠳᠡᠬᠦᠨ ᠠᠴᠠ ᠪᠠᠨ ᠦᠷᠠ ᠠᠰᠢᠭ ᠤᠯᠵᠤ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ | ᠢᠶᠠᠨ ᠴᠤᠭᠴᠠᠯᠠᠬᠤ ᠭᠡᠭᠴᠢ ᠮᠠᠯᠴᠢᠨ ᠬᠦᠮᠦᠨ ᠤ ᠬᠦᠰᠡᠯ ᠵᠢᠷᠭᠠᠯ ᠪᠠᠶᠢᠭᠠ ᠪᠢᠯᠡ᠃ ᠵᠢᠷᠠᠨ ᠨᠠᠰᠤᠨ ᠤ ᠪᠠᠷᠠ | ᠬᠠᠷᠠᠵᠦ ᠶᠠᠪᠤᠭᠠ ᠮᠦᠩᠭᠡᠪᠠᠭᠠᠳᠤᠷ ᠭᠤᠸᠠᠢ ᠨᠠᠰᠤᠳᠠᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠵᠠᠭᠤ ᠭᠠᠷᠤᠢ ᠳᠡᠮᠡᠭᠡ᠂ ᠠᠷᠪᠠᠭᠠᠳ | ᠦᠬᠡᠷ᠂ ᠭᠤᠴᠢᠭᠠᠳ ᠠᠮᠳᠠᠨ ᠤ ᠬᠤᠨᠢ ᠢᠮᠠᠭᠠ ᠬᠠᠷᠢᠭᠤᠯᠵᠤ ᠬᠦᠳᠡᠯᠮᠦᠷᠢ ᠤᠬᠠᠭᠠᠨ ᠢᠶᠠᠨ ᠳᠦᠰᠢᠭᠯᠡᠨ ᠳᠡᠬᠦᠨ | ᠢᠶᠠᠨ ᠦᠰᠬᠡᠨ ᠠᠷᠠᠴᠢᠯᠠᠵᠦ ᠶᠠᠪᠤᠨᠠᠮ᠃ ᠡᠨᠡ ᠵᠢᠯ ᠬᠤᠶᠠᠷ ᠨᠠᠰᠤᠳᠠᠨ ᠬᠦᠴᠦ ᠬᠦᠳᠡᠯᠮᠦᠷᠢ ᠬᠦᠷᠦᠯᠴᠡᠬᠦ ᠦᠬᠡᠢ | ᠪᠠᠶᠢᠨᠠ ᠬᠡᠵᠦ ᠪᠠᠶᠢᠪᠠᠴᠦ ᠤᠯᠠᠭᠠᠨ ᠭᠤᠶᠤᠤ ᠮᠠᠯᠳᠠᠭᠰᠠᠨ ᠤᠷᠤᠯᠭᠠ ᠪᠠᠨ ᠪᠠᠭᠳᠠᠭᠠᠭᠠᠳ 30 ᠳᠦᠮᠡᠨ ᠲᠦᠬᠦᠷᠢᠭ | ᠤᠨ ᠤᠷᠤᠯᠭᠠ ᠲᠠᠢ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠠᠮᠢᠳᠤᠷᠠᠵᠦ ᠪᠠᠶᠢᠨᠠ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |