| ᠬᠤᠪᠢ ᠬᠦᠮᠣᠨ ᠤ ᠨᠡᠷᠠ ᠬᠦᠨᠳᠣ᠂ ᠨᠡᠩ ᠴᠦ ᠭᠡᠷ ᠪᠦᠯᠢ ᠶᠢᠨ ᠬᠦᠭᠵᠢᠨ ᠮᠠᠨᠳᠣᠯᠳᠠ ᠨᠢ ᠨᠣᠳᠤᠭ ᠣᠷᠣᠨ ᠤ | ᠬᠦᠭᠵᠢᠨ ᠮᠠᠨᠳᠣᠯᠳᠠ ᠵᠢᠴᠢ ᠨᠡᠷᠠ ᠳᠦᠷᠣ ᠲᠠᠢ ᠨᠢᠭᠳᠠ ᠬᠤᠯᠪᠣᠭᠠᠳᠠᠢ᠃ ᠨᠣᠳᠤᠭ ᠠᠮᠢ ᠬᠤᠯᠪᠣᠭᠠ ᠨᠢᠭᠡᠳᠡᠢ | ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠣᠶᠣᠨᠬᠤᠸᠠᠷ ᠣᠶᠣᠨ ᠣᠬᠠᠭᠠᠨ ᠰᠢᠨᠳᠠᠰᠣ ᠴᠢᠳᠠᠯ ᠢᠶᠠᠷ ᠢᠶᠠᠨ ᠨᠣᠳᠤᠭ ᠣᠰᠣ ᠪᠠᠨ | ᠬᠦᠭᠵᠢᠬᠦᠯᠬᠦ ᠭᠡᠭᠡᠨ ᠵᠠᠮ ᠳᠤ ᠰᠢᠮᠳᠠᠭᠰᠠᠨ ᠨᠢᠭᠡᠨ ᠡᠮᠡᠭᠳᠡᠢ ᠶᠤᠮ᠃ ᠳᠡᠷᠡᠪᠡᠷ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ | ᠴᠤᠭᠳᠤᠬᠦ᠋ᠷᠢᠶᠠ ᠰᠤᠮᠤᠨ ᠤ ᠵᠠᠭᠳᠤ ᠭᠠᠴᠠᠭᠠᠨ ᠤ ᠨᠡᠮ ᠤᠨ ᠡᠬᠦᠷ ᠤᠨ ᠳᠡᠳ᠋ ᠱᠦᠵᠢ ᠪᠢᠯᠡ᠃ | | | | | | | | | ᠣᠶᠣᠨᠬᠤᠸᠠᠷ ᠭᠡᠭᠴᠢ ᠭᠤᠸᠠᠯᠢᠭ ᠰᠠᠶᠢᠬᠠᠨ ᠪᠡᠶᠡ ᠲᠠᠢ᠂ ᠦᠭᠡ ᠳᠠᠭᠤ ᠣᠯᠠᠨᠳᠠᠢ᠂ ᠠᠰᠪᠣᠷᠢ ᠰᠢᠯᠣᠭᠤᠨ ᠭᠤᠶᠣ | ᠪᠦᠰᠡᠬᠦᠢ ᠪᠠᠶᠢᠯᠠ᠃ ᠳᠡᠷᠠ ᠮᠠᠨᠢ ᠠᠵᠢᠯ ᠣᠶᠢᠯᠡᠰ ᠤᠨ ᠢᠶᠠᠨ ᠳᠦᠯᠦᠭᠡ ᠡᠷᠠ ᠬᠦᠮᠣᠨ ᠰᠢᠭ ᠶᠠᠪᠤᠵᠦ᠂ ᠠᠳᠠᠯ | ᠠᠮᠢᠳᠣᠷᠠᠯ ᠤᠨ ᠢᠶᠠᠨ ᠳᠦᠯᠦᠭᠡ ᠠᠷᠭᠠ ᠦᠭᠡᠢ ᠳᠤ ᠠᠷᠭᠠ ᠭᠠᠷᠭᠠᠨ ᠦᠪᠡᠷ ᠢᠶᠠᠨ ᠮᠣᠲ᠋ᠤᠷ ᠣᠨᠣᠵᠣ᠂ ᠮᠠᠰᠢᠨ | ᠳᠡᠷᠭᠡ ᠪᠠᠷᠢᠵᠦ ᠰᠣᠷᠣᠭᠠᠳ ᠡᠯᠡᠰᠣᠨ ᠳᠤ ᠮᠠᠰᠢᠨ ᠪᠠᠷᠢᠳᠠᠭ ᠬᠠᠮᠤᠭ ᠤᠨ ᠰᠦᠷᠡᠭᠡᠢ ᠡᠮᠡᠭᠳᠡᠢ ᠵᠢᠯᠣᠭᠤᠴᠢ ᠪᠤᠯᠤᠭᠰᠠᠨ | ᠪᠠᠶᠢᠯᠠ᠃ 2017 ᠣᠨ ᠳᠤ ᠣᠶᠣᠨᠬᠤᠸᠠᠷ ᠭᠠᠴᠠᠭᠠᠨ ᠤ ᠪᠠᠨ ᠨᠠᠮ ᠤᠨ ᠡᠬᠦᠷ ᠤᠨ ᠱᠦᠵᠢ ᠪᠠᠷ ᠰᠣᠩᠭᠤᠳᠠᠨ | ᠠᠵᠢᠯ ᠢᠶᠠᠨ ᠳᠠᠭᠠᠭᠠᠵᠣ ᠬᠢᠵᠣ ᠡᠬᠢᠯᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠡᠯᠡᠰᠣᠨ ᠳᠤ ᠠᠩᠬᠠ ᠮᠣᠲ᠋ᠤᠷ ᠳᠡᠷᠭᠡ ᠣᠨᠣᠵᠣ ᠰᠣᠷᠴᠣ᠂ | ᠠᠶᠢᠯ ᠤᠨ ᠭᠠᠳᠠᠨᠠᠬᠢ ᠦᠨᠳᠣᠷ ᠴᠤᠬᠢᠶᠠ ᠪᠠᠷ ᠭᠡᠶᠢᠰᠭᠡᠬᠦᠯᠣᠨ ᠬᠦᠮᠣᠰ ᠢ ᠰᠦᠷᠳᠡᠭᠡᠵᠣ ᠪᠠᠶᠢᠭᠰᠠᠨ ᠴᠦ | ᠣᠳᠠᠭᠠ ᠲᠠᠢ᠃ ᠦᠨᠡᠭᠡᠷ ᠡᠯᠡᠰᠣᠨ ᠳᠤ ᠳᠡᠷᠭᠡ ᠮᠠᠰᠢᠨ ᠪᠠᠶᠢᠬᠤ ᠦᠭᠡᠢ ᠪᠣᠯ ᠬᠦᠯ ᠦᠭᠡᠢ ᠲᠠᠢ ᠯᠠ ᠠᠳᠠᠯᠢ᠂ | ᠣᠶᠣᠨᠬᠤᠸᠠᠷ ᠠᠵᠢᠯ ᠤᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠠᠨ ᠪᠣᠯᠵᠣ ᠮᠠᠰᠢᠨ ᠵᠢᠯᠤᠭᠤᠳᠴᠦ ᠰᠣᠷᠴᠣ᠂ ᠪᠡᠯᠡᠨ ᠳᠣᠣᠷᠠ ᠨᠢ | ᠦᠪᠡᠷ ᠢᠶᠠᠨ ᠠᠷᠪᠠᠭᠠᠳ ᠳᠦᠮᠡᠨ ᠳᠦᠬᠦᠷᠢᠭ ᠵᠠᠷᠣᠴᠠᠭᠤᠯᠣᠨ ᠮᠠᠰᠢᠨ ᠬᠤᠳᠠᠯᠳᠣᠨ ᠠᠪᠴᠣ ᠠᠵᠢᠯ ᠳᠠᠭᠠᠨ | ᠭᠠᠷᠤᠭᠰᠠᠨ ᠠᠵᠢ᠃ ᠶᠡᠷᠣᠨᠢ ᠡᠯᠡᠰᠣᠨ ᠠᠴᠠ ᠰᠦᠷᠳᠡᠵᠣ ᠦᠵᠡᠭᠡ ᠦᠭᠡᠢ ᠳᠡᠷᠡ ᠵᠠᠭᠳᠣ ᠶᠢᠨ ᠡᠯᠡᠰᠣᠨ | ᠴᠣᠬᠢᠶᠠᠳ ᠢᠶᠠᠷ ᠳᠠᠪᠤ ᠵᠢᠷᠭᠤᠭᠠᠨ ᠵᠢᠯ ᠤᠨ ᠳᠣᠷᠰᠢᠳᠠ ᠮᠠᠰᠢᠨ ᠪᠠᠷᠢᠵᠣ᠂ ᠠᠵᠢᠯ ᠢᠶᠠᠷ ᠦᠨᠵᠢᠬᠦᠳᠡ | ᠬᠤᠨᠣᠭᠤᠳᠠ ᠪᠠᠷ ᠠᠶᠢᠯ ᠡᠷᠦᠭᠡ ᠳᠠᠷᠠᠭᠠᠯᠠᠨ ᠶᠠᠪᠣᠭᠰᠠᠭᠠᠷ ᠪᠠᠶᠢᠵᠣ ᠣᠳᠣ ᠨᠢᠭᠡᠨᠳᠡ 20 ᠭᠠᠷᠦᠢ ᠳᠦᠮᠡᠨ | ᠺᠢᠯᠣᠮᠧᠳ᠋ᠷ ᠠᠶᠠᠯᠠᠭᠰᠠᠨ ᠪᠠᠶᠢᠳᠠᠭ᠃ ︽ᠭᠠᠴᠠᠭᠠᠨ ᠤ ᠠᠵᠢᠯ ᠭᠡᠳᠡᠭ ᠴᠢᠨᠢ ᠡᠳᠣᠷ ᠪᠤᠯᠭᠠᠨ ᠶᠠᠭᠠᠷᠠᠣ᠂ ᠭᠠᠴᠠᠭᠠᠨ ᠤ | ᠠᠶᠢᠯ ᠪᠣᠯᠭᠠᠨ ᠢᠶᠠᠷ ᠶᠠᠪᠣᠵᠣ ᠪᠠᠶᠢᠳᠠᠯ ᠢ ᠣᠶᠢᠯᠠᠭᠠᠵᠣ ᠬᠦᠴᠢᠷᠳᠡᠯ ᠢ ᠰᠢᠢᠳᠪᠣᠷᠢᠯᠡᠵᠣ ᠦᠭᠬᠦ ᠱᠠᠭᠠᠷᠳᠠᠯᠭᠠ ᠪᠠᠷ | ᠵᠠᠭᠳᠣ ᠶᠢᠨ ᠡᠯᠡᠰᠣ ᠶᠢ ᠬᠤᠶᠠᠷ ᠭᠤᠷᠪᠡ ᠬᠤᠨᠣᠭᠠᠳ ᠡᠰᠡᠪᠡᠯ ᠡᠳᠣᠷ ᠳᠠᠷᠠᠭᠠᠯᠠᠨ ᠶᠠᠪᠣᠳᠠᠭ᠃ ᠳᠡᠷᠭᠡ ᠪᠠᠶᠢᠭᠰᠠᠨ | ᠴᠠᠭ ᠲᠤ ᠵᠣᠷᠢᠭ ᠢᠶᠠᠨ ᠪᠠᠷᠢᠭᠠᠳ ᠠᠶᠢᠯ ᠤᠳ ᠢᠶᠠᠷ ᠭᠠᠭᠴᠠᠭᠠᠷ ᠴᠦ ᠭᠡᠰᠡᠨ ᠶᠠᠪᠣᠴᠢᠬᠠᠨᠠ᠃ ᠮᠢᠨᠣ ᠨᠦᠬᠦᠷ ᠴᠦ | ᠭᠡᠰᠡᠨ ᠮᠠᠰᠢᠨ ᠪᠠᠷᠢᠵᠣ ᠴᠢᠳᠠᠬᠤ ᠦᠭᠡᠢ ᠰᠢᠣ︾ ᠭᠡᠵᠣ ᠣᠶᠣᠨᠬᠤᠸᠠᠷ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠨᠠ᠃ | | | | ᠣᠶᠣᠨᠬᠤᠸᠠᠷ ᠪᠤᠯ ᠦᠪᠡᠷ ᠤᠨ ᠶᠠᠳᠠᠭᠤ ᠵᠦᠳᠡᠬᠦᠣ ᠠᠮᠢᠳᠣᠷᠠᠯ ᠤᠨ ᠢᠶᠠᠨ ᠳᠦᠯᠦᠭᠡ ᠴᠦᠬᠦᠷᠡᠯ ᠦᠭᠡᠢ ᠴᠢᠷᠮᠠᠶᠢᠵᠣ | ᠶᠠᠪᠣᠭᠰᠠᠨ ᠪᠦᠰᠡᠬᠦᠢ ᠶᠤᠮ᠃ ᠳᠡᠷᠡᠪᠡᠷ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠳᠡᠭᠷᠢ ᠡᠯᠡᠰᠣᠨ ᠤ ᠣᠣᠭᠠᠯ᠂ 1994 | ᠣᠨ ᠳᠤ ᠴᠤᠭᠳᠤᠬᠦ᠋ᠷᠢᠶᠠ ᠰᠤᠮᠤᠨ ᠤ ᠵᠠᠭᠳᠤ ᠭᠠᠴᠠᠭᠠᠨ ᠤ ᠪᠡᠷᠢ ᠪᠣᠯᠣᠭᠰᠠᠨ ᠠᠴᠠ ᠨᠠᠭᠠᠰᠢ ᠡ᠊ᠡᠳᠡ ᠠᠮᠢᠳᠣᠷᠠᠭᠠᠳ | ᠬᠤᠷᠢᠭᠠᠳ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠡᠢ᠃ ︽ᠮᠠᠨᠠᠶᠢᠬᠢᠨ ᠭᠡᠵᠣ ᠭᠠᠴᠠᠭᠠᠨ ᠤ ᠬᠠᠮᠤᠭ ᠤᠨ ᠬᠦᠴᠢᠷᠳᠡᠯᠳᠡᠢ ᠡᠷᠦᠭᠡ | ᠪᠠᠶᠢᠭᠰᠠᠨ᠂ ᠳᠡᠷᠡ ᠦᠶᠡ ᠳᠤ ᠬᠤᠷᠢᠨ ᠨᠢᠭᠡᠨ ᠪᠠᠭᠠ ᠮᠠᠯ ᠲᠠᠢ᠂ ᠳᠦᠷᠪᠡᠨ ᠦᠭᠡᠷ ᠲᠠᠢ᠂ ᠵᠢᠷᠭᠤᠭᠠᠨ ᠳᠡᠮᠡᠭᠡ ᠲᠠᠢ | ᠠᠶᠢᠯ ᠯᠠ ᠪᠠᠶᠢᠵᠡᠢ︾ ᠭᠡᠵᠣ ᠠᠩᠬᠠ ᠠᠶᠢᠯ ᠭᠡᠷ ᠪᠣᠯᠵᠣ ᠳᠣᠰᠠᠭᠠᠷ ᠭᠠᠷᠣᠭᠰᠠᠨ ᠪᠠᠶᠢᠳᠠᠯ ᠢᠶᠠᠨ ᠶᠡᠷᠢᠨᠠ᠃ ᠠᠶᠢᠯ | ᠭᠡᠷ ᠪᠣᠯᠣᠯᠴᠠᠭᠰᠠᠨ ᠳᠡᠷᠡ ᠦᠶᠡ ᠠᠴᠠ ᠪᠠᠨ ᠣᠶᠣᠨᠬᠤᠸᠠᠷ ᠭᠡᠷ ᠪᠦᠯᠢ ᠪᠠᠨ ᠳᠣᠯᠭᠠᠭᠤᠷᠢᠯᠠᠨ᠂ ᠰᠦᠮᠡ ᠳᠤ | ᠬᠦᠷᠴᠣ ᠪᠣᠳᠠᠭᠠ ᠬᠢᠬᠦ᠂ ᠳᠠᠷᠢᠶᠠ ᠳᠡᠷᠢᠨ ᠨᠣᠭᠤᠭᠠ ᠳᠠᠪᠣᠰᠣᠯᠠᠵᠣ ᠬᠤᠳᠠᠯᠳᠣᠬᠤ᠂ ᠭᠤᠶᠣᠣ ᠮᠠᠯᠳᠠᠬᠤ᠂ 400 | ᠭᠠᠷᠦᠢ ᠢᠮᠠᠭᠠ ᠠᠪᠴᠢᠷᠠᠭᠠᠳ ᠮᠠᠯᠯᠠᠬᠤ ᠵᠡᠷᠭᠡ ᠬᠢᠵᠣ ᠴᠢᠳᠠᠬᠤ ᠠᠵᠢᠯ ᠠᠴᠠ ᠪᠠᠨ ᠡᠬᠢᠯᠡᠬᠦᠯᠣᠨ ᠶᠠᠳᠠᠭᠤ | ᠠᠮᠢᠳᠣᠷᠠᠯ ᠢᠶᠠᠨ ᠦᠭᠡᠷᠡᠴᠢᠯᠡᠬᠦ ᠭᠡᠮᠡᠨ ᠠᠵᠢᠯᠯᠠᠵᠣ ᠴᠢᠷᠮᠠᠭᠰᠠᠭᠠᠷ ᠪᠠᠶᠢᠭᠠᠳ 2006 ᠣᠨ ᠪᠣᠯᠬᠤ ᠳᠤ ᠨᠡᠯᠢᠶᠡᠳ | ᠳᠡᠨᠢᠬᠦᠨ ᠠᠮᠢᠳᠣᠷᠠᠯ ᠲᠠᠢ ᠠᠶᠢᠯ ᠪᠣᠯᠣᠭᠰᠠᠨ ᠪᠠᠶᠢᠯᠠ᠃ | | | | | | | | | ︽ᠨᠡᠷᠠ ᠬᠤᠭᠤᠷᠠᠬᠤ ᠪᠠᠷ ᠶᠠᠰᠣ ᠬᠤᠭᠤᠷᠠ︾ ᠭᠡᠳᠡᠭ ᠢᠶᠠᠷ᠂ ᠳᠣᠯᠭᠠᠷᠠᠵᠣ ᠢᠷᠡᠭᠰᠡᠨ ᠬᠦᠴᠢᠷᠳᠡᠯ ᠤᠨ ᠢᠶᠠᠨ | ᠡᠮᠣᠨᠡ ᠣᠶᠣᠨᠬᠤᠸᠠᠷ ᠶᠡᠷᠣᠨᠢ ᠪᠦᠬᠦ᠋ᠢᠵᠣ ᠦᠵᠡᠭᠡ ᠦᠭᠡᠢ ᠶᠠᠪᠣᠵᠡᠢ᠃ ᠳᠡᠷᠡ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠬᠦᠷ ᠤᠨ | ᠱᠦᠵᠢ ᠶᠢᠨ ᠠᠵᠢᠯ ᠢ ᠡᠬᠦᠷᠭᠡᠯᠡᠭᠰᠡᠨ ᠤ ᠳᠠᠷᠠᠭᠠ ᠪᠠᠷ ᠭᠠᠴᠠᠭᠠ ᠨᠢ ᠠᠯᠪᠠᠯᠠᠬᠤ ᠭᠡᠷ ᠤᠷᠤᠨ ᠴᠦ ᠦᠬᠡᠢ᠂ | ᠭᠤᠷᠪᠠᠳᠤᠭᠠᠷ ᠲᠦᠷᠦᠯ ᠤᠨ ᠭᠠᠴᠠᠭᠠ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠬᠤ ᠶᠢ ᠬᠠᠷᠠᠭᠠᠳ ᠦᠪᠡᠷ ᠤᠨ ᠪᠦᠬᠦ ᠬᠦᠴᠣ | ᠵᠣᠷᠢᠭ᠂ ᠣᠬᠠᠭᠠᠨ ᠰᠡᠳᠣᠪᠣᠷᠢ ᠪᠠᠨ ᠭᠠᠷᠭᠠᠨ᠂ ᠠᠷᠠᠳ ᠳᠦᠮᠡᠨ ᠤ ᠡᠮᠣᠨᠡ ᠠᠴᠠ ᠠᠵᠢᠯ ᠤᠨ ᠬᠦᠨᠳᠣ ᠡᠬᠦᠷᠭᠡ ᠶᠢ | ᠳᠠᠭᠠᠭᠠᠵᠣ ᠠᠪᠴᠣ ᠬᠢᠵᠣ᠂ ᠭᠠᠴᠠᠭᠠᠨ ᠤ ᠰᠢᠨᠡ ᠰᠠᠭᠤᠷᠢᠰᠢᠯ ᠢ ᠪᠠᠶᠢᠭᠤᠯᠣᠨ᠂ ᠡᠨᠡᠬᠦ ᠠᠵᠢᠯ ᠢ ᠡᠬᠢᠯᠡᠵᠣ | ᠳᠦᠯᠦᠪᠯᠡᠨ᠂ ᠲᠠᠭᠡᠷᠠ ᠱᠠᠳᠣᠨ ᠳᠤ ᠮᠡᠳᠡᠬᠦᠯᠣᠨ ᠳᠦᠷᠦᠯ ᠵᠦᠢᠯ ᠢ ᠣᠯᠤᠨ ᠵᠦᠪᠰᠢᠶᠡᠷᠡᠬᠦᠯᠵᠣ᠂ ᠡᠯᠡ ᠵᠦᠢᠯ ᠤᠨ | ᠭᠠᠷ ᠬᠦᠢᠴᠡᠳᠭᠡᠯ ᠢ ᠪᠠᠶᠢᠨ ᠳᠠᠬᠢᠨ ᠬᠢᠵᠣ ᠪᠠᠶᠢᠭᠠᠳ ᠡᠴᠣᠰ ᠲᠤᠨᠢ ᠳᠣᠯᠭᠠᠳᠠᠯᠠ ᠬᠢᠵᠣ ᠪᠠᠷᠠᠭᠠᠵᠡᠢ᠃ ᠳᠡᠷᠡ ᠮᠠᠨᠢ | ᠦᠪᠡᠷ ᠤᠨ ᠢᠶᠠᠨ ᠴᠢᠷᠮᠠᠶᠢᠯᠭᠠ ᠳᠤ ᠳᠦᠰᠢᠭᠯᠡᠨ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠠᠵᠢᠯ ᠢ ᠰᠢᠭᠤᠷᠬᠠᠶᠢᠯᠠᠨ ᠬᠢᠵᠣ᠂ ᠪᠦᠬᠦ | ᠰᠣᠮᠣᠨ ᠤ ᠳᠣᠯᠣᠭᠠᠨ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠠᠵᠢᠯ ᠤᠨ ᠳᠠᠷᠠᠭᠠᠯᠠᠯ ᠳᠤ ᠭᠠᠴᠠᠭᠠ ᠪᠠᠨ ᠭᠤᠷᠪᠠᠳᠣᠭᠠᠷ ᠳᠡᠰ ᠲᠤ | ᠣᠷᠣᠭᠤᠯᠣᠨ ᠨᠡᠷᠠ ᠬᠦᠨᠳᠣ ᠪᠠᠨ ᠳᠡᠭᠡᠭᠰᠢ ᠳᠠᠳᠠᠵᠣ ᠠᠪᠴᠣ ᠶᠠᠪᠣᠭᠰᠠᠨ ᠪᠠᠶᠢᠵᠡᠢ᠃ ᠡᠬᠦᠪᠡᠷ ᠵᠣᠭᠰᠣᠬᠤ ᠦᠭᠡᠢ᠂ | ᠣᠶᠣᠨᠬᠤᠸᠠᠷ ᠭᠠᠴᠠᠭᠠᠨ ᠤ ᠪᠠᠨ ᠮᠠᠯᠴᠢᠨ ᠳᠦᠮᠡᠨ ᠳᠡᠭᠡᠨ ᠵᠢᠯᠣᠭᠤᠴᠢ ᠶᠢᠨ ᠠᠵᠢᠯ ᠬᠢᠵᠣ ᠬᠦᠯᠦᠰᠦᠯᠡᠭᠳᠡᠨ᠂ | ᠮᠠᠯᠴᠢᠳ ᠤᠨ ᠵᠣᠭᠠᠴᠠᠯ ᠤᠨ ᠣᠶᠢᠯᠡᠰ ᠢ ᠶᠡᠭᠡᠪᠡᠷ ᠳᠡᠮᠵᠢᠵᠣ᠂ ᠮᠠᠯᠴᠢᠳ ᠤᠨ ᠠᠮᠢᠳᠣᠷᠠᠯ ᠢ ᠦᠭᠡᠳᠡ ᠳᠠᠳᠠᠵᠣ | ᠶᠠᠪᠣᠭᠰᠠᠨ ᠪᠠᠶᠢᠳᠠᠭ᠃ | | | | | | | | ᠣᠶᠣᠨᠬᠤᠸᠠᠷ ᠠᠵᠢᠯ ᠳᠤ ᠭᠠᠪᠰᠢᠭᠠᠢ᠂ ᠠᠮᠢᠳᠣᠷᠠᠯ ᠳᠠᠭᠠᠨ ᠬᠠᠶᠢᠷᠠᠳᠠᠢ ᠪᠦᠰᠡᠬᠦᠢ᠃ ᠣᠳᠣ ᠳᠡᠳᠡᠨᠡᠶᠢᠬᠢᠨ ᠳᠠᠪᠢ | ᠬᠦᠷᠬᠦ ᠦᠭᠡᠷ ᠲᠠᠢ᠂ ᠵᠠᠭᠤᠭᠠᠳ ᠪᠣᠭ ᠮᠠᠯ ᠲᠠᠢ᠂ ᠠᠷᠪᠠᠭᠠᠳ ᠳᠡᠮᠡᠭᠡ ᠲᠠᠢ ᠰᠠᠶᠢᠬᠠᠨ ᠠᠵᠣ ᠳᠦᠷᠦᠵᠣ ᠪᠣᠢ᠃ | ᠳᠡᠷᠡ ᠮᠠᠨᠢ ᠭᠠᠴᠠᠭᠠᠨ ᠤ ᠣᠳᠣᠷᠢᠳᠣᠯᠭᠠ ᠪᠣᠯᠣᠭᠰᠠᠨ ᠤ ᠬᠤᠪᠢ ᠳᠤ ᠮᠠᠯᠴᠢᠨ ᠳᠦᠮᠡᠨ ᠳᠡᠭᠡᠨ ᠳᠠᠭᠤᠷᠢᠶᠠᠯ | ᠦᠵᠡᠬᠦᠯᠬᠦ ᠶᠢᠨ ᠳᠦᠯᠦᠭᠡ ᠦᠪᠡᠷ ᠤᠨ ᠮᠠᠯ ᠳᠡᠮᠡᠭᠡᠨ ᠤ ᠪᠠᠨ ᠳᠤᠭᠠ ᠶᠢ ᠬᠢᠵᠠᠭᠠᠷᠯᠠᠵᠣ᠂ ᠨᠣᠳᠤᠭ ᠤᠨ ᠦᠭᠡᠷ ᠢ | ᠳᠣᠰᠬᠠᠢ ᠮᠠᠯᠯᠠᠵᠣ᠂ ᠨᠣᠳᠤᠭ ᠣᠷᠣᠨ ᠤ ᠪᠠᠨ ᠨᠡᠷᠡ ᠳᠡᠮᠳᠡᠭ ᠢ ᠡᠷᠬᠦᠬᠦ ᠪᠠᠷ ᠴᠢᠷᠮᠠᠶᠢᠵᠣ ᠶᠠᠪᠣᠭᠠ ᠶᠤᠮ᠃ | ᠣᠶᠣᠨᠬᠤᠸᠠᠷ ᠮᠠᠨᠢ ᠮᠦᠨ ᠴᠦ ᠠᠮᠢᠳᠣᠷᠠᠯ ᠳᠠᠭᠠᠨ ᠴᠦ ᠨᠡᠷᠠ ᠲᠠᠢ ᠳᠦᠷᠣ ᠲᠠᠢ ᠶᠠᠪᠣᠭᠰᠠᠨ ᠪᠦᠰᠡᠬᠦᠢ᠃ ᠳᠡᠬᠦᠨ ᠳᠤ | ᠣᠯᠠᠨ ᠳᠣᠷᠠ ᠰᠣᠨᠢᠷᠬᠠᠯ ᠲᠠᠢ᠂ ᠠᠯᠠᠱᠠ ᠠᠷᠠᠳ ᠤᠨ ᠶᠣᠰᠣ ᠵᠠᠩᠰᠢᠯ ᠢ ᠰᠠᠶᠢᠨ ᠮᠡᠳᠡᠳᠡᠭ ᠢᠶᠠᠷ ᠪᠠᠶᠢᠩᠭᠤ ᠬᠤᠷᠢᠮ | ᠨᠠᠶᠢᠷ ᠢᠶᠠᠷ ᠪᠡᠷᠭᠡᠨ ᠢᠶᠠᠷ ᠣᠷᠢᠭᠳᠠᠨ ᠶᠠᠪᠣᠳᠠᠭ᠃ ᠨᠡᠩ ᠴᠦ ᠠᠯᠠᠱᠠ ᠠᠷᠠᠳ ᠤᠨ ᠳᠠᠭᠤᠣ ᠪᠠᠨ ᠰᠠᠶᠢᠬᠠᠨ | ᠳᠠᠭᠤᠯᠠᠳᠠᠭ ᠢᠶᠠᠷ ᠢᠶᠠᠨ ᠲᠠᠭᠤᠤ ᠶᠢᠨ ᠣᠷᠣᠯᠳᠣᠭᠠᠨ ᠵᠢᠴᠢ ᠦᠳᠡᠰᠢᠯᠡᠭᠡ ᠳᠣᠭᠯᠠᠯᠳᠠ ᠪᠠᠷ ᠦᠷᠬᠦᠯᠵᠢ ᠭᠠᠳᠠᠭᠰᠢ | ᠲᠤᠳᠤᠬᠰᠢ ᠶᠠᠪᠤᠵᠦ᠂ ᠣᠯᠠᠨ ᠣᠳᠠᠭᠠ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ ᠲᠤᠰᠴᠤ ᠢᠷᠠᠭᠤ ᠠᠯᠳᠠᠷ ᠬᠦᠷᠳᠠᠵᠠᠢ᠃ | | | | | | ᠡᠯᠡᠰᠣᠨ ᠳᠣᠮᠳᠠ ᠰᠠᠭᠯᠠᠷᠠᠨ ᠣᠷᠭᠤᠭᠠ ᠳᠣᠣᠷᠠᠢ ᠶᠢᠨ ᠮᠣᠳᠣ ᠮᠡᠳᠣ ᠣᠷᠴᠢᠨ ᠳᠣᠭᠤᠷᠢᠨ ᠤ ᠬᠠᠳᠠᠭᠤ | ᠪᠡᠷᠭᠡᠰᠢᠶᠡᠯ ᠢ ᠢᠯᠠᠨ ᠳᠠᠪᠠᠵᠣ ᠳᠣᠭᠤᠯᠣᠭᠰᠠᠭᠠᠷ ᠢᠷᠡᠭᠰᠡᠨ ᠣᠶᠣᠨᠬᠤᠸᠠᠷ ᠤᠨ ᠠᠮᠢᠳᠣᠷᠠᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ | ᠪᠦᠬᠦᠳᠡ ᠨᠢ ᠳᠡᠬᠦᠨ ᠤ ᠣᠷᠠ ᠴᠢᠳᠠᠪᠣᠷᠢ᠂ ᠰᠦᠰᠣ ᠵᠣᠷᠢᠭ᠂ ᠣᠬᠠᠭᠠᠯᠢᠭ ᠶᠠᠪᠣᠭᠰᠠᠨ ᠤ ᠬᠢᠨᠢ ᠠᠴᠢ ᠬᠠᠷᠢᠭᠤ | ᠭᠡᠬᠦ ᠳᠤ ᠠᠬᠠᠳᠠᠬᠤ ᠦᠭᠡᠢ ᠶᠣᠮᠰᠠᠨ᠃ ᠳᠡᠷᠡ ᠮᠠᠨᠢ ᠠᠳᠠᠯ ᠠᠮᠢᠳᠣᠷᠠᠯ ᠳᠠᠭᠠᠨ ᠮᠦᠨᠬᠦ ᠴᠢᠷᠮᠠᠭᠰᠠᠶᠢᠭᠠᠷ᠂ | ᠢᠷᠡᠭᠡᠳᠦᠢ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠳᠤ ᠨᠣᠳᠤᠭ ᠠᠮᠢ ᠪᠠᠨ ᠬᠤᠯᠪᠣᠭᠰᠠᠭᠠᠷ ᠁ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |