| | ᠨᠡᠷᠡᠨᠡ | ᠲᠦᠮᠡᠨ ᠪᠣᠳᠠᠰ ᠡᠰᠡᠨᠢᠨ ᠳᠦᠯᠵᠢᠭᠦ ᠠᠮᠢᠯᠠᠯ ᠢ ᠪᠡᠯᠭᠡᠳᠡᠭᠰᠡᠨ ᠬᠠᠪᠤᠷ ᠤᠨ ᠲᠡᠭᠷᠢ ᠭᠡᠵᠦ ᠥᠨᠥᠳᠥᠷ ᠬᠠᠮᠤᠭ | ᠪᠦᠭᠦᠳᠡ ᠶᠢ ᠠᠮᠢᠯᠠᠭᠤᠯᠤᠨ ᠰᠢᠨᠡᠳᠬᠡᠬᠦ ᠰᠢᠤᠬᠠᠨ ᠴᠡᠯᠮᠡᠭ ᠰᠠᠶᠢᠬᠠᠨ ᠢ ᠶᠠᠭᠠᠬᠢᠨᠠ᠃ ᠲᠡᠭᠷᠢ ᠰᠠᠶᠢᠬᠠᠨ ᠪᠠᠶᠢᠬᠤ ᠳᠤ | ᠰᠡᠳᠬᠢᠯ ᠴᠦ ᠰᠠᠶᠢᠬᠠᠨ ᠪᠤᠯᠳᠠᠭ ᠨᠢ ᠠᠷᠭᠠ ᠦᠭᠡᠢ ᠯᠡ ᠶᠢᠷᠲᠢᠨᠴᠦ ᠶᠢᠨ ᠵᠢᠮᠡ ᠪᠢᠵᠡ᠃ ᠪᠠᠶᠠᠨᠬᠤᠲᠠ ᠳᠤ ᠪᠠᠶᠢᠭᠠ | ︽ᠠᠯᠠᠱᠠ ᠶᠢᠨ ᠡᠯᠡᠰᠦᠨ ᠵᠢᠷᠤᠭ ᠤᠨ ᠣᠷᠳᠣᠨ︾ ᠤ ᠡᠵᠡᠩᠨᠡᠭᠴᠢ ᠡᠷᠳᠡᠨᠢᠬᠤᠸᠠᠷ ᠥᠨᠥᠳᠥᠷ ᠡᠯᠡᠰᠦᠨ ᠵᠢᠷᠤᠭ ᠢᠶᠠᠨ | ᠤᠷᠤᠯᠳᠤᠬᠤ ᠠᠴᠠ ᠪᠠᠨ ᠡᠮᠦᠨᠡ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ ᠪᠠᠨ ᠨᠡᠭᠡᠭᠡᠬᠦ ᠪᠠᠷ ᠪᠣᠯᠵᠤ ᠭᠠᠷ ᠤᠲᠠᠰᠤ᠂ ᠳ᠋ᠧᠩ ᠢᠶᠠᠨ | ᠤᠭᠰᠠᠷᠠᠵᠤ ᠳᠠᠭᠠᠷᠠᠭᠤᠯᠣᠨᠠ᠃ ᠨᠥᠬᠦᠷ ᠸᠠᠩ ᠶᠢᠨ ᠪᠤᠣ ᠨᠢ ᠬᠢᠭᠰᠡᠨ ᠯᠠᠵᠤᠤ ᠵᠢᠶᠠᠩ ᠢᠶᠠᠨ ᠶᠡᠭᠡ ᠪᠠᠭᠠ | ᠬᠠᠶᠢᠷᠴᠠᠭ ᠢᠶᠠᠷ ᠳᠦᠭᠦᠷᠡᠩ ᠳᠦᠭᠦᠷᠡᠩ ᠰᠠᠪᠠᠯᠠᠭᠰᠠᠨ ᠢᠶᠠᠨ ᠲᠡᠷᠭᠡ ᠤᠷᠤᠭᠤ ᠪᠠᠨ ᠵᠥᠭᠡᠭᠡᠵᠦ ᠬᠤᠶᠠᠭᠤᠯᠠ ᠪᠠᠨ | ᠳᠣᠰ ᠳᠣᠰ ᠲᠠᠭᠠᠨ ᠶᠠᠭᠠᠷᠠᠬᠤ ᠶᠤᠮ᠃ ᠨᠢᠭᠡ ᠮᠡᠳᠡᠭᠦ ᠳᠤ ᠯᠡ 15 ᠵᠢᠯ ᠤᠨ ᠬᠠᠨᠢ ᠶᠢᠨ ᠵᠠᠶᠠᠭᠠ ᠪᠠᠨ | ᠬᠤᠯᠪᠣᠴᠢᠬᠠᠭᠰᠠᠨ ᠡᠷᠳᠡᠨᠢᠬᠤᠸᠠᠷ ᠸᠠᠩ ᠶᠢᠨ ᠪᠤᠣ ᠬᠤᠶᠠᠭᠤᠯᠠ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠤᠯᠠᠮ ᠥᠭᠡᠳᠡ ᠪᠠᠨ | ᠲᠠᠲᠠᠬᠤ ᠶᠢᠨ ᠬᠦᠴᠦᠨ ᠳᠤ ᠥᠪᠡᠷ ᠥᠪᠡᠷ ᠤᠨ ᠠᠵᠢᠯ ᠦᠢᠯᠡᠰ ᠢᠶᠠᠨ ᠡᠷᠭᠢᠯᠡᠨ ᠦᠨᠡᠬᠡᠷ ᠭᠢᠯᠠᠷᠠᠲᠠᠯᠠ ᠨᠢ | ᠠᠵᠢᠯᠯᠠᠵᠤ ᠥᠭᠴᠦ ᠪᠠᠶᠢᠭᠠ ᠨᠢ ᠡᠨᠡ ᠶᠤᠮ ᠳ᠋ᠠ᠃ ᠡᠷᠳᠡᠨᠢᠬᠤᠸᠠᠷ ᠸᠠᠩ ᠶᠢᠨ ᠪᠤᠣ ᠬᠤᠶᠠᠭᠤᠯᠠ ᠪᠣᠯ | ᠪᠠᠶᠠᠨᠬᠤᠲᠠ ᠶᠢᠨ ᠰᠠᠭᠤᠭᠠᠯᠢ᠂ ᠳᠡᠳᠡ ᠡᠳᠡᠭᠡᠷ ᠵᠢᠯ ᠤᠨ ᠲᠤᠷᠰᠢ ᠳᠣᠰ ᠳᠣᠰ ᠤᠨ ᠠᠵᠢᠯ ᠦᠢᠯᠡᠰ ᠢᠶᠠᠨ ᠪᠣᠰᠬᠠᠨ | ᠴᠠᠭ ᠦᠶᠡ ᠲᠠᠢ ᠵᠣᠬᠢᠴᠠᠬᠤ ᠪᠠᠷ ᠣᠯᠠᠨ ᠳᠦᠷᠦᠯ ᠤᠨ ᠠᠵᠢᠯ ᠠᠬᠤᠢ ᠶᠢ ᠬᠢᠵᠦ ᠣᠷᠣᠯᠳᠣᠨ᠂ ᠨᠢᠭᠡ ᠨᠢᠭᠡᠨ ᠳᠡᠭᠡᠨ | ᠲᠦᠰᠢᠭ ᠪᠣᠯᠵᠤ ᠢᠷᠡᠭᠰᠡᠨ ᠠᠵᠢᠯᠴᠢ ᠦᠢᠯᠡᠰᠴᠢ ᠬᠤᠣᠰ ᠶᠤᠮ᠃ | ᠥᠮᠥᠭ ᠲᠦᠰᠢᠭ ᠲᠠᠢ ᠬᠠᠨᠢ ᠶᠢᠨ ᠵᠠᠶᠠᠭᠠ | ︽ᠬᠠᠨᠢ ᠶᠢᠨ ᠵᠠᠶᠠᠭᠠᠨ ᠳᠤ ᠬᠠᠶᠢᠷᠠ ᠪᠢᠯᠬᠠᠵᠤ ᠠᠮᠢᠳᠤᠷᠠᠯ ᠥᠭᠡᠳᠡᠯᠡᠨᠡ︾ ᠭᠡᠭᠴᠢ ᠪᠠᠷ ᠡᠷᠳᠡᠨᠢᠬᠤᠸᠠᠷ | ᠸᠠᠩ ᠶᠢᠨ ᠪᠤᠣ ᠠᠩᠬᠠ ᠲᠠᠨᠢᠯᠴᠠᠨ ᠠᠶᠢᠯ ᠭᠡᠷ ᠪᠣᠯᠣᠯᠴᠠᠭᠰᠠᠨ ᠠᠴᠠ ᠨᠠᠭᠠᠰᠢ ᠴᠣᠩᠬᠤ ᠤᠭᠰᠠᠷᠠᠬᠤ᠂ ᠭᠠᠷ | ᠤᠲᠠᠰᠤ ᠵᠠᠰᠠᠬᠤ᠂ ᠡᠯᠡᠰᠦᠨ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ᠬᠢᠬᠦ᠂ ᠯᠠᠵᠤᠤ ᠵᠢᠶᠠᠩ ᠬᠢᠬᠦ ᠵᠡᠷᠭᠡ ᠣᠯᠠᠨ ᠳᠦᠷᠦᠯ ᠤᠨ | ᠠᠵᠢᠯ ᠦᠢᠯᠡᠰ ᠡᠷᠭᠢᠯᠡᠵᠤ ᠢᠷᠡᠭᠰᠡᠨ ᠪᠠᠶᠢᠵᠠᠢ᠃ ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠢᠶᠠᠨ ᠬᠠᠮᠲᠤᠪᠠᠷ ᠴᠣᠭᠴᠠᠯᠠᠬᠤ ᠪᠠᠷ | ᠨᠢᠭᠡᠨ ᠢᠶᠠᠨ ᠢᠳᠡᠭᠡᠭᠦ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ᠂ ᠬᠠᠮᠲᠤᠪᠠᠷ ᠰᠤᠷᠤᠯᠴᠠᠬᠤ᠂ ᠮᠥᠷᠥ ᠵᠡᠷᠭᠡᠴᠡᠨ ᠠᠵᠢᠯᠯᠠᠬᠤ᠂ | ᠬᠢᠵᠦ ᠪᠠᠶᠢᠭᠠ ᠪᠦᠭᠦᠨ ᠢ ᠨᠢ ᠳᠡᠮᠵᠢᠭᠦ ᠪᠣᠯ ᠳᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠠᠮᠢᠳᠤᠷᠠᠯ ᠤᠨ ᠵᠤᠷᠰᠢᠯ ᠪᠠᠶᠢᠯᠠ᠃ | ᠡᠷᠳᠡᠨᠢᠬᠤᠸᠠᠷ 2008 ᠣᠨ ᠳᠤ ᠭᠠᠷ ᠤᠲᠠᠰᠤ ᠵᠠᠰᠠᠬᠤ ᠮᠡᠷᠭᠡᠵᠢᠯ ᠢᠶᠠᠨ ᠨᠢᠭᠡ ᠨᠢᠭᠡ ᠠᠯᠬᠤᠮ ᠢᠶᠠᠷ | ᠨᠥᠬᠦᠷ ᠲᠡᠭᠡᠨ ᠵᠢᠭᠠᠨ ᠥᠭᠴᠦ᠂ ᠮᠥᠨ ᠭᠠᠷ ᠤᠲᠠᠰᠤ ᠰᠡᠯᠪᠢᠨ ᠵᠠᠰᠠᠬᠤ ᠳᠡᠯᠭᠡᠭᠦᠷ ᠢᠶᠠᠨ ᠴᠦ ᠨᠥᠬᠦᠷ ᠲᠡᠭᠡᠨ | ᠨᠠᠶᠢᠳᠠᠵᠤ ᠲᠤᠰᠢᠶᠠᠭᠠᠳ᠂ ᠥᠪᠡᠷ ᠢᠶᠠᠨ ᠡᠯᠡᠰᠦᠨ ᠵᠢᠷᠤᠭ ᠤᠷᠠᠯᠠᠬᠤ ᠮᠡᠷᠭᠡᠵᠢᠯ ᠢ ᠲᠤᠰᠬᠠᠢ ᠰᠤᠷᠬᠤ ᠭᠡᠳ ᠨᠡᠷᠡᠳᠦ | ᠤᠷᠠᠯᠢᠭᠴᠢᠨ ᠸᠠᠩ ᠬᠥᠭᠵᠢᠯᠲᠦ ᠭᠤᠸᠠᠢ ᠶᠢ ᠵᠣᠷᠢᠵᠤ ᠣᠴᠢᠭᠰᠠᠨ ᠪᠠᠶᠢᠵᠠᠢ᠃ ᠭᠤᠷᠪᠠᠨ ᠰᠠᠷᠠ ᠬᠢᠷᠢᠲᠡᠢ ᠰᠤᠷᠴᠤ | ᠤᠷᠤᠯᠳᠤᠬᠤ ᠪᠠᠷ ᠲᠠᠮᠵᠢᠨ ᠡᠷᠳᠡᠨᠢᠬᠤᠸᠠᠷ ᠥᠪᠡᠷ ᠤᠨ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠡᠯᠡᠰᠦᠨ ᠵᠢᠷᠤᠭ ᠬᠢᠵᠦ ᠤᠷᠠᠯᠠᠵᠤ | ᠴᠢᠳᠠᠬᠤ ᠪᠣᠯᠵᠤ᠂ ᠲᠤᠰᠬᠠᠢ ᠪᠠᠶᠢᠰᠢᠩ ᠲᠦᠷᠢᠶᠡᠰᠦᠯᠡᠨ ᠡᠯᠡᠰᠦᠨ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ᠬᠢᠬᠦ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ | ᠰᠡᠭᠦᠯᠡᠷ ᠨᠢ ᠥᠪᠡᠷ ᠢᠶᠠᠨ ᠳᠡᠯᠭᠡᠭᠦᠷ ᠲᠠᠢ ᠪᠣᠯᠣᠭᠠᠳ ᠡᠯᠡᠰᠦᠨ ᠵᠢᠷᠤᠭ ᠲᠤ ᠬᠦᠷᠢᠶᠡ ᠤᠷᠠᠯᠠᠬᠤ ᠵᠡᠷᠭᠡ ᠬᠦᠴᠦ | ᠵᠠᠷᠤᠴᠠᠭᠤᠯᠬᠤ ᠠᠵᠢᠯ ᠢᠶᠠᠨ ᠨᠥᠬᠦᠷ ᠲᠡᠭᠡᠨ ᠭᠠᠷᠳᠠᠭᠤᠯᠵᠤ ᠬᠠᠪᠰᠤᠷᠤᠭᠤᠯᠳᠠᠭ ᠪᠠᠶᠢᠵᠠᠢ᠃ ᠨᠥᠬᠦᠷ ᠨᠢ ᠠᠵᠢᠯ | ᠠᠷᠪᠢᠳᠣᠨ ᠶᠠᠭᠠᠷᠠᠤ ᠳᠠᠪᠴᠢᠭᠤ ᠴᠦ ᠭᠡᠰᠡᠨ᠂ ᠶᠠᠳᠠᠷᠠᠵᠤ ᠵᠦᠳᠡᠷᠡᠯᠡ ᠴᠦ ᠭᠡᠰᠡᠨ ᠲᠡᠭᠦᠨ ᠤ ᠠᠵᠢᠯ ᠢ ᠣᠰᠣᠯᠳᠠᠯ | ᠦᠭᠡᠢ ᠬᠢᠵᠦ ᠦᠭᠳᠡᠭ ᠪᠣᠯᠬᠤᠷ ᠡᠷᠳᠡᠨᠢᠬᠤᠸᠠᠷ ᠤᠨ ᠡᠯᠡᠰᠦᠨ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ᠤᠨ ᠪᠣᠷᠤᠯᠠᠭᠤᠯᠭᠠ ᠬᠠᠮᠤᠭ | ᠰᠠᠶᠢᠨ ᠪᠠᠶᠢᠭᠰᠠᠨ ᠬᠡᠳᠦᠨ ᠵᠢᠯ ᠤᠨ ᠲᠤᠷᠰᠢᠲᠠ ᠨᠥᠬᠦᠷ ᠤᠨ ᠢᠶᠠᠨ ᠬᠠᠷᠠᠭᠠᠯᠵᠠᠯ ᠬᠠᠪᠰᠣᠷᠣᠯᠭᠠ ᠪᠠᠷ ᠠᠵᠢᠯ ᠦᠢᠯᠡᠰ | ᠨᠢ ᠳᠣᠩ ᠤᠷᠤᠭᠰᠢᠲᠠᠢ ᠪᠠᠶᠢᠪᠠ᠃ 2014 ᠣᠨ ᠳᠤ ᠸᠠᠩ ᠶᠢᠨ ᠪᠤᠣ ᠱᠣᠷᠣᠯᠢᠭ ᠤᠨ ᠭᠠᠵᠠᠷ ᠡᠷᠭᠢᠯᠡᠭᠡᠳ | ᠤᠯᠠᠮ ᠢᠶᠠᠷ ᠶᠠᠭᠠᠷᠠᠯᠲᠠᠢ ᠪᠤᠯᠬᠤ ᠳᠤ ᠡᠷᠳᠡᠨᠢᠬᠤᠸᠠᠷ ᠡᠳᠦᠷ ᠲᠤᠨᠢ ᠡᠯᠡᠰᠦᠨ ᠵᠢᠷᠤᠭ ᠢᠶᠠᠨ ᠬᠢᠵᠦ᠂ ᠰᠥᠨᠢ | ᠣᠷᠣᠢ ᠪᠠᠷ ᠨᠥᠬᠦᠷ ᠤᠨ ᠢᠶᠠᠨ ᠬᠠᠵᠠᠭᠤ ᠳᠤ ᠬᠦᠷᠴᠦ ᠬᠠᠪᠰᠣᠷᠣᠨ ᠠᠵᠢᠯᠯᠠᠵᠤ᠂ ᠬᠡᠳᠦᠢ ᠣᠷᠣᠶᠢᠳᠠᠬᠰᠠᠨ ᠴᠦ | ᠨᠥᠬᠦᠷ ᠲᠠᠢ ᠪᠠᠨ ᠬᠠᠮᠲᠤ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠭᠠᠳ ᠬᠠᠷᠢᠳᠠᠭ᠃ ᠡᠷᠳᠡᠨᠢᠬᠤᠸᠠᠷ ᠬᠤᠶᠠᠳᠤᠭᠠᠷ ᠥᠬᠢᠨ ᠢᠶᠠᠨ | ᠳᠦᠷᠦᠭᠰᠡᠨ ᠤ ᠪᠠᠨ ᠳᠠᠷᠠᠭᠠ ᠨᠥᠬᠦᠷ ᠨᠢ ᠭᠤᠷᠪᠠᠨ ᠰᠠᠷᠠ ᠬᠢᠷᠢᠲᠡᠢ ᠠᠵᠢᠯ ᠢᠶᠠᠨ ᠣᠷᠭᠢᠵᠣ ᠲᠡᠭᠦᠨ ᠢ ᠬᠠᠷᠠᠭᠠᠯᠵᠠᠨ | ᠠᠰᠠᠷᠠᠬᠤ ᠳᠤ ᠣᠯᠠᠨ ᠦᠢᠯᠡ ᠶᠠᠪᠤᠳᠠᠯ ᠨᠢ ᠡᠷᠳᠡᠨᠢᠬᠤᠸᠠᠷ ᠤᠨ ᠰᠡᠳᠬᠢᠯ ᠢ ᠳᠤᠯᠠᠭᠠᠴᠠᠭᠤᠯᠤᠨ ᠳᠣᠭᠳᠣᠯᠤᠭᠤᠯᠵᠤ | ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠢᠩᠭᠢᠭᠡᠳ ᠬᠤᠶᠠᠭᠤᠯᠠ ᠪᠠᠨ ᠳᠣᠰ ᠳᠣᠰ ᠤᠨ ᠠᠵᠢᠯ ᠦᠢᠯᠡᠰ ᠢᠶᠠᠨ ᠡᠷᠭᠢᠯᠡᠨ ᠬᠢᠭᠰᠡᠭᠡᠷ | ᠶᠠᠪᠤᠨᠠ᠃ ᠣᠳᠣ ᠸᠠᠩ ᠶᠢᠨ ᠪᠤᠣ ᠥᠪᠡᠷ ᠢᠶᠠᠨ ᠯᠠᠵᠤᠤ ᠵᠢᠶᠠᠩ ᠢᠶᠠᠨ ᠬᠢᠵᠦ ᠪᠣᠷᠤᠯᠠᠭᠤᠯᠭᠠ ᠰᠠᠶᠢᠲᠠᠢ ᠪᠤᠯᠬᠤ ᠳᠤ᠂ | ᠭᠡᠷᠭᠡᠢ ᠡᠷᠳᠡᠨᠢᠬᠤᠸᠠᠷ ᠨᠢ ᠦᠭᠡ ᠳᠠᠭᠤᠨ ᠦᠭᠡᠢ ᠪᠠᠷ ᠠᠵᠢᠯ ᠢ ᠨᠢ ᠬᠠᠮᠵᠢᠨ᠂ ᠥᠪᠡᠷ ᠤᠨ ᠣᠯᠣᠭᠰᠠᠨ | ᠵᠣᠭᠤᠰ ᠢᠶᠠᠷ ᠢᠶᠠᠨ ᠨᠥᠬᠦᠷ ᠤᠨ ᠢᠶᠠᠨ ᠠᠵᠤ ᠦᠢᠯᠡᠰ ᠪᠣᠰᠬᠠᠬᠤ ᠳᠤᠨᠢ ᠳᠡᠮᠵᠢᠨ᠂ ᠶᠠᠮᠠᠷ ᠬᠦᠴᠢᠷᠳᠡᠯ ᠪᠠᠶᠢᠭᠰᠠᠨ | ᠴᠦ ᠭᠡᠰᠡᠨ ᠳᠡᠳᠡ ᠬᠦᠴᠦ ᠤᠬᠠᠭᠠᠨ ᠢᠶᠠᠨ ᠨᠢᠭᠡᠳᠬᠡᠨ᠂ ᠬᠠᠷᠠ ᠪᠣᠷᠣ ᠠᠵᠢᠯ ᠢ ᠬᠠᠮᠲᠤᠪᠠᠷ ᠬᠢᠭᠰᠡᠭᠡᠷ ᠢᠷᠡᠵᠡᠢ᠃ | ᠡᠷᠳᠡᠨᠢᠬᠤᠸᠠᠷ ᠸᠠᠩ ᠶᠢᠨ ᠪᠤᠣ ᠬᠤᠶᠠᠭᠤᠯᠠ ᠰᠡᠳᠬᠢᠯ ᠰᠡᠳᠬᠢᠯ ᠢᠶᠠᠨ ᠮᠡᠳᠡᠯᠴᠡᠨ᠂ ᠠᠮᠢᠳᠤᠷᠠᠯ ᠤᠨ ᠨᠤᠭᠤᠴᠠᠭᠠ | ᠳᠠᠪᠠᠭᠠᠨ ᠳᠤ ᠨᠢᠭᠡᠨ ᠳᠡᠭᠡᠨ ᠥᠮᠥᠭ ᠲᠦᠰᠢᠭ ᠨᠢ ᠪᠣᠯᠵᠤ᠂ ᠬᠡᠵᠢᠶᠡ ᠬᠠᠮᠢᠭᠠ ᠴᠦ ᠭᠡᠰᠡᠨ ᠨᠢᠭᠡᠨ ᠤ ᠪᠠᠨ | ᠪᠠᠷᠠ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ᠂ ᠨᠡᠩ ᠴᠦ ᠠᠳᠠᠯ ᠠᠮᠢᠳᠤᠷᠠᠯ ᠤᠨ ᠳᠣᠵᠢ ᠨᠢᠭᠡᠨ ᠢᠶᠠᠨ ᠬᠠᠯᠠᠮᠵᠢᠯᠠᠭᠰᠠᠭᠠᠷ᠂ | ᠳᠡᠮᠵᠢᠭᠰᠡᠭᠡᠷ᠂ ᠬᠠᠶᠢᠷᠠᠯᠠᠭᠰᠠᠭᠠᠷ᠂ ᠬᠦᠨᠳᠦᠳᠭᠡᠭᠰᠡᠭᠡᠷ ᠥᠨᠥᠳᠥᠷ ᠪᠣᠯᠪᠠ᠃ ᠳᠡᠳᠡ ᠣᠯᠠᠨ ᠳᠦᠷᠦᠯ ᠤᠨ ᠠᠵᠢᠯ | ᠠᠬᠤᠢ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠠᠳᠠᠯ ᠦᠢᠯᠡᠰ ᠤᠨ ᠠᠶᠠᠨ ᠢᠶᠠᠨ ᠮᠥᠨᠬᠦ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠭᠡᠷ᠂ ᠢᠲᠡᠭᠡᠯ | ᠵᠣᠷᠢᠭ ᠢᠶᠠᠨ ᠬᠥᠪᠴᠢᠯᠡᠭᠰᠡᠭᠡᠷ᠂ ᠠᠰᠢᠭ ᠤᠷᠤᠯᠭᠠ ᠡᠭᠦᠳᠦᠭᠰᠡᠭᠡᠷ ᠯᠠ ᠁ | 8 ᠲᠦᠮᠡᠨ ᠡᠯᠡᠰᠦᠨ ᠵᠢᠷᠤᠭ ᠢ ᠪᠦᠲᠦᠭᠡᠵᠦ ᠪᠣᠷᠣᠯᠠᠭᠤᠯᠤᠭᠰᠠᠨ ᠪᠦᠰᠡᠭᠦᠢ ᠤᠬᠠᠭᠠᠨ | ᠨᠠᠶᠠᠭᠠᠳ ᠣᠨ ᠤ ᠡᠬᠢᠨ ᠳᠤ ᠳᠦᠷᠦᠭᠰᠡᠨ ᠡᠷᠳᠡᠨᠢᠬᠤᠸᠠᠷ ᠡᠯᠡᠰᠦᠨ ᠵᠢᠷᠤᠭ ᠵᠢᠷᠤᠵᠤ ᠪᠦᠲᠦᠭᠡᠭᠡᠳ ᠨᠢᠭᠡᠨᠲᠡ | 16 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠦ ᠪᠤᠢ᠃ ᠲᠡᠷᠡᠪᠡᠷ ︽ᠠᠯᠠᠱᠠ ᠶᠢᠨ ᠡᠯᠡᠰᠦᠨ ᠵᠢᠷᠤᠭ ᠤᠨ ᠣᠷᠳᠣᠨ︾ ᠤ | ᠡᠵᠡᠩᠨᠡᠭᠴᠢ᠂ ᠣᠳᠣ ᠥᠪᠥᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ᠂ ᠠᠯᠠᠱᠠ | ᠠᠶᠢᠮᠠᠭ ᠤᠨ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ ᠵᠡᠷᠭᠡ ᠨᠡᠶᠢᠭᠡᠮ ᠤᠨ ᠲᠤᠰᠢᠶᠠᠯ | ᠡᠭᠦᠷᠭᠡᠯᠡᠵᠦ ᠪᠠᠶᠢᠨᠠ᠃ ᠲᠡᠷᠡ ᠮᠠᠨᠢ ᠪᠠᠶᠢᠭᠠᠯᠢ ᠶᠢᠨ ᠡᠯᠳᠡᠪ ᠥᠩᠭᠡ ᠶᠢᠨ ᠡᠯᠡᠰᠦ ᠪᠠᠷ ᠵᠢᠷᠤᠭᠯᠠᠵᠤ ᠤᠷᠠᠯᠠᠵᠤ | ᠭᠠᠷᠭᠠᠭᠰᠠᠨ ᠠᠯᠠᠱᠠ ᠨᠤᠲᠤᠭ ᠤᠨ ᠢᠶᠠᠨ ᠪᠠᠶᠢᠭᠠᠯᠢ ᠠᠬᠤᠢ᠂ ᠬᠥᠮᠥᠨ ᠵᠣᠨ᠂ ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠦᠢᠯᠡᠰ ᠵᠢᠴᠢ | ᠨᠡᠶᠢᠭᠡᠮ ᠤᠨ ᠬᠥᠭᠵᠢᠯᠲᠡ᠂ ᠴᠠᠭ ᠦᠶᠡ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠪᠦᠲᠦᠭᠡᠯ ᠢᠶᠠᠷ ᠢᠶᠠᠨ ᠬᠥᠮᠥᠰ ᠲᠤ ᠡᠯᠡᠰᠦᠨ | ᠵᠢᠷᠤᠭ ᠤᠨ ᠭᠤᠸᠠ ᠰᠠᠶᠢᠬᠠᠨ᠂ ᠤᠷᠠᠯᠢᠭ ᠤᠨ ᠰᠢᠳᠢ ᠬᠦᠴᠦ ᠶᠢ ᠥᠪᠡᠷ ᠤᠨ ᠨᠢᠭᠡᠨ ᠬᠠᠷᠠᠭᠠᠰᠤ᠂ ᠤᠷᠠ | ᠮᠡᠷᠭᠡᠵᠢᠯ ᠢᠶᠠᠷ ᠢᠶᠠᠨ ᠲᠠᠨᠢᠭᠤᠯᠵᠤ ᠮᠡᠳᠡᠷᠡᠭᠦᠯᠵᠦ ᠴᠢᠳᠠᠭᠰᠠᠨ ᠴᠢᠳᠠᠮᠠᠭᠠᠢ ᠤᠷᠠᠯᠢᠭᠴᠢᠨ ᠪᠤᠯᠬᠤ ᠨᠢ ᠭᠠᠷᠴᠠᠭᠠ | ᠦᠭᠡᠢ ᠶᠤᠮ᠃ | ᠡᠷᠳᠡᠨᠢᠬᠤᠸᠠᠷ 16 ᠵᠢᠯ ᠤᠨ ᠲᠤᠷᠰᠢ ᠪᠠᠷᠤᠭ 8 ᠲᠦᠮᠡᠨ ᠡᠯᠡᠰᠦᠨ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ᠢ ᠬᠢᠵᠦ | ᠪᠦᠲᠦᠭᠡᠵᠦ ᠪᠣᠷᠣᠯᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠪᠡᠭᠡᠵᠢᠩ᠂ ᡀᠠᠰᠠ᠂ ᠭᠦᠭᠡᠬᠤᠳᠠ᠂ ᠣᠷᠳᠣᠰ᠂ ᠤᠯᠠᠭᠠᠨᠬᠠᠳᠠ ᠵᠡᠷᠭᠡ | ᠣᠯᠠᠨ ᠭᠠᠵᠠᠷ ᠣᠷᠣᠨ ᠤ ᠬᠥᠮᠥᠰ ᠤᠨ ᠵᠠᠬᠢᠶᠠᠯᠠᠭᠠ ᠶᠢ ᠣᠯᠠᠨᠲᠠ ᠬᠦᠯᠢᠶᠡᠵᠦ᠂ ᠪᠠᠭᠠ ᠪᠤᠰᠤ ᠤᠷᠤᠯᠭᠠ ᠡᠭᠦᠳᠴᠡᠢ᠃ | ᠲᠡᠭᠦᠨ ᠤ ᠥᠪᠡᠷ ᠢᠶᠠᠨ ᠲᠣᠭᠤᠳᠠᠭ ︽ᠲᠣᠣᠷᠠᠢ︾ ᠪᠦᠲᠦᠭᠡᠯ ᠨᠢ 3 ᠲᠦᠮᠡᠨ ᠲᠥᠭᠦᠷᠢᠭ ᠤᠨ ᠦᠨᠡ ᠳᠤ | ᠬᠦᠷᠴᠦ᠂ ᠡᠨᠡᠬᠦ ᠪᠦᠲᠦᠭᠡᠯ ᠢᠶᠠᠨ ᠭᠤᠷᠪᠠᠨ ᠰᠠᠷᠠ ᠭᠠᠷᠤᠢ ᠵᠠᠷᠤᠴᠠᠭᠤᠯᠤᠭᠠᠳ ᠬᠢᠵᠦ ᠭᠠᠷᠭᠠᠭᠰᠠᠨ ᠪᠠᠶᠢᠵᠠᠢ᠃ ︽ | ᠲᠣᠣᠷᠠᠢ ᠶᠢᠨ ᠮᠣᠳᠣᠨ ᠤ ᠣᠰᠣᠨ ᠳᠤ ᠳᠤᠰᠤᠭᠰᠠᠨ ᠰᠡᠭᠦᠳᠡᠷ ᠢ ᠵᠢᠷᠤᠨᠠ ᠭᠡᠳ ᠶᠡᠭᠡ ᠬᠦᠴᠦ ᠣᠷᠣᠭᠤᠯᠤᠭᠰᠠᠨ᠂ | ᠡᠳᠡᠭᠡᠷ ᠡᠯᠡᠰᠦᠨ ᠵᠢᠷᠤᠭ ᠤᠳ ᠨᠢ ᠠᠷᠪᠠ ᠬᠤᠷᠢᠭᠠᠳ ᠵᠦᠢᠯ ᠤᠨ ᠠᠳᠠᠯᠢ ᠪᠤᠰᠤ ᠥᠩᠭᠡ᠂ ᠠᠳᠠᠯᠢ ᠪᠤᠰᠤ ᠨᠠᠷᠢᠯᠢᠭ | ᠡᠯᠡᠰᠦ ᠪᠠᠷ ᠬᠢᠵᠦ ᠭᠠᠷᠭᠠᠳᠠᠭ᠂ ᠣᠳᠣ ᠵᠠᠷᠢᠮ ᠤᠯᠠᠭᠠᠨ ᠥᠩᠭᠡ ᠲᠠᠢ ᠡᠯᠡᠰᠦ ᠶᠢ ᠬᠠᠶᠢᠵᠤ ᠣᠯᠬᠤ ᠳᠤ ᠬᠦᠴᠢᠷ | ᠪᠣᠯᠵᠠᠢ᠃ ᠡᠯᠡᠰᠦᠨ ᠵᠢᠷᠤᠭ ᠢ ᠡᠬᠢᠯᠡᠨ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠳᠡᠭᠡᠨ ᠵᠠᠪᠠᠯ ᠭᠦᠢᠴᠡᠳ ᠲᠥᠯᠥᠪᠯᠡᠨ ᠰᠡᠳᠭᠢᠭᠦ | ᠬᠡᠷᠡᠭᠲᠡᠢ᠂ ᠵᠢᠷᠤᠭ ᠢ ᠰᠣᠩᠭᠤᠬᠤ ᠳᠠᠭᠠᠨ ᠨᠣᠮ ᠳᠣᠲᠣᠷᠠᠬᠢ ᠵᠢᠷᠤᠭ᠂ ᠥᠪᠡᠷ ᠢᠶᠠᠨ ᠵᠢᠷᠤᠭᠰᠠᠨ ᠵᠢᠷᠤᠭ᠂ | ᠪᠤᠰᠤᠳ ᠤᠨ ᠭᠡᠷᠡᠯ ᠵᠢᠷᠤᠭ ᠠᠴᠠ ᠰᠣᠩᠭᠤᠳᠠᠭ᠃ ᠵᠢᠷᠤᠭ ᠤᠷᠠᠯᠠᠯ ᠢᠶᠠᠨ ᠪᠠᠶᠢᠭᠠᠯᠢ ᠣᠷᠴᠢᠨ ᠲᠠᠢ ᠪᠠᠨ ᠥᠩᠭᠡ | ᠲᠥᠷᠬᠦ ᠢᠵᠢᠯᠬᠡᠨ ᠪᠠᠶᠢᠯᠭᠠᠬᠤ ᠶᠢᠨ ᠲᠥᠯᠥᠭᠡ ᠦᠷᠭᠦᠯᠵᠢ ᠬᠥᠳᠡᠭᠡ ᠭᠠᠳᠠᠭᠠ ᠣᠴᠢᠵᠤ ᠭᠡᠷᠡᠯ ᠵᠢᠷᠤᠭ ᠲᠠᠳᠠᠨ᠂ | ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠬᠤ ᠶᠠᠪᠤᠳᠠᠯ ᠪᠠᠶᠢᠩᠭᠤ ᠭᠠᠷᠳᠠᠭ︾ ᠭᠡᠵᠦ ᠡᠷᠳᠡᠨᠢᠬᠤᠸᠠᠷ ᠶᠠᠷᠢᠨᠠ᠃ ᠡᠷᠳᠡᠨᠢᠬᠤᠸᠠᠷ ᠮᠠᠨᠢ | ᠲᠤᠰᠬᠠᠶᠢᠯᠠᠨ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠡᠯᠡᠰᠦ᠂ ᠲᠡᠭᠷᠢ ᠡᠯᠡᠰᠦ᠂ ᠤᠯᠠᠭᠠᠨᠪᠤᠬᠠ ᠡᠯᠡᠰᠦ ᠪᠠᠷ ᠠᠶᠠᠯᠠᠵᠤ ᠶᠠᠪᠤᠨ ᠡᠯᠡᠰᠦᠨ | ᠵᠢᠷᠤᠭ ᠬᠢᠬᠦ ᠳᠤ ᠲᠣᠬᠢᠷᠠᠬᠤ ᠰᠢᠷᠠ᠂ ᠴᠠᠭᠠᠨ᠂ ᠤᠯᠠᠭᠠᠨ᠂ ᠪᠣᠷᠣ᠂ ᠬᠠᠷᠠ ᠵᠡᠷᠭᠡ 20 ᠭᠠᠷᠤᠢ ᠥᠩᠭᠡ ᠶᠢᠨ | ᠡᠯᠡᠰᠦᠨ ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠵᠤ ᠠᠪᠴᠢᠷᠠᠳᠠᠭ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠵᠢᠷᠤᠭ ᠵᠢᠷᠤᠬᠤ ᠳᠤᠷᠠᠲᠠᠢ | ᠪᠥᠭᠡᠳ ᠶᠡᠷᠦᠨᠢ ᠶᠠᠭᠤᠮᠠᠨ ᠳᠤ ᠨᠠᠷᠢᠯᠢᠭ᠂ ᠭᠠᠷ ᠤᠷᠠ ᠰᠠᠶᠢᠲᠠᠢ᠂ ᠤᠷᠠᠯᠢᠭ ᠤᠨ ᠰᠡᠳᠬᠢᠮᠵᠢ ᠮᠡᠳᠡᠷᠡᠮᠵᠢ ᠪᠠᠶᠠᠯᠢᠭ | ᠤᠴᠢᠷ ᠪᠦᠲᠦᠭᠡᠭᠰᠡᠨ ᠡᠯᠡᠰᠦᠨ ᠵᠢᠷᠤᠭ ᠤᠳ ᠨᠢ ᠴᠦ ᠥᠪᠡᠷ ᠤᠨ ᠭᠡᠰᠡᠨ ᠣᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠤᠷᠠᠯᠢᠭ ᠤᠨ | ᠬᠦᠷᠲᠡᠭᠡᠯ ᠪᠣᠯᠣᠭᠰᠠᠭᠠᠷ ᠢᠷᠡᠵᠡᠢ᠃ ᠲᠡᠭᠦᠨ ᠤ ᠪᠦᠲᠦᠭᠡᠯ ᠨᠢ 2019 ᠣᠨ ᠤ ᠠᠯᠠᠱᠠ ᠠᠶᠢᠮᠠᠭ ᠤᠨ | ᠡᠮᠡᠭᠲᠡᠶᠢᠴᠦᠳ ᠤᠨ ᠭᠠᠷ ᠤᠷᠠᠯᠠᠯ ᠰᠣᠶᠣᠯ ᠡᠭᠦᠳᠦᠯᠲᠡ ᠶᠢᠨ ᠣᠷᠣᠯᠳᠣᠭᠠᠨ ᠳᠤ ᠨᠢᠭᠡᠳᠦᠭᠡᠷ ᠳᠡᠰ ᠤᠨ ᠱᠠᠩᠨᠠᠯ | ᠬᠦᠷᠲᠡᠵᠦ ᠪᠠᠶᠢᠭᠰᠠᠨ ᠪᠥᠭᠡᠳ ᠲᠡᠭᠦᠨᠴᠢᠯᠡᠨ ᠠᠶᠢᠮᠠᠭ ᠪᠠ ᠣᠷᠣᠨ ᠤ ᠲᠠᠰ ᠤᠨ ᠣᠷᠣᠯᠳᠣᠭᠠᠨ᠂ ᠦᠵᠡᠰᠭᠦᠯᠡᠩ ᠳᠤ | ᠣᠯᠠᠨᠲᠠ ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠭᠥᠷᠳᠡᠭᠰᠡᠨ ᠪᠠᠶᠢᠪᠠ᠃ | ᠣᠳᠣ ᠲᠡᠷᠡ ᠮᠠᠨᠢ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠠᠯᠬᠤᠭᠠᠨ ᠳᠤ ᠬᠤᠴᠣᠷᠤᠯ ᠦᠭᠡᠢ ᠪᠠᠷ ᠰᠢᠨᠡ ᠠᠷᠭᠠ | ᠪᠠᠷᠢᠯ ᠢᠶᠠᠷ ᠰᠢᠨᠡ ᠤᠷᠤᠰᠬᠠᠯ ᠳᠤ ᠨᠡᠶᠢᠴᠡᠭᠦ ᠪᠠᠷ ᠤᠬᠠᠭᠠᠨ ᠰᠢᠨᠳᠠᠰᠤ ᠪᠠᠨ ᠭᠠᠷᠭᠠᠨ ᠰᠢᠨᠡ ᠰᠡᠳᠬᠢᠬᠦᠢ ᠪᠠᠷ | ᠪᠦᠲᠦᠭᠡᠯ ᠣᠷᠣᠯᠳᠣᠯᠭᠠ ᠳᠠᠭᠠᠨ ᠵᠢᠳᠬᠦᠭᠰᠡᠭᠡᠷ ᠪᠠᠶᠢᠨᠠ᠃ | ᠪᠢᠯᠢᠭ ᠤᠬᠠᠭᠠᠨ ᠢᠶᠠᠷ ᠦᠢᠯᠡᠰ ᠤᠨ ᠠᠶᠠᠨ ᠢᠶᠠᠨ ᠭᠡᠭᠡᠷᠠᠭᠦᠯᠤᠨᠠ | ᠸᠠᠩ ᠶᠢᠨ ᠪᠤᠣ ᠴᠦ ᠦᠢᠯᠡᠰ ᠤᠨ ᠠᠶᠠᠨ ᠳᠠᠭᠠᠨ ᠵᠣᠷᠢᠭ ᠪᠠᠲᠤ᠂ ᠢᠲᠡᠭᠡᠯ ᠳᠦᠭᠦᠷᠡᠩ ᠶᠠᠪᠤᠮᠤᠢ᠃ ᠲᠡᠷᠡ | ᠮᠠᠨᠢ ᠶᠡᠷᠦᠨᠢ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠶᠢᠨ ᠤᠤᠭᠠᠯ᠃ ᠠᠯᠠᠱᠠ ᠨᠤᠲᠤᠭ ᠲᠤ ᠢᠷᠡᠭᠰᠡᠨ 20 ᠵᠢᠯ ᠤᠨ ᠲᠤᠷᠰᠢ ᠠᠳᠠᠯ | ᠦᠢᠯᠡᠰ ᠪᠣᠰᠬᠠᠬᠤ᠂ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠡᠰᠡᠷᠡᠭ ᠠᠪᠴᠤ ᠶᠠᠪᠤᠬᠤ ᠶᠢᠨ ᠲᠤᠯᠠᠳᠠ ᠴᠦᠭᠦᠷᠠᠯ ᠦᠭᠡᠢ | ᠬᠦᠴᠦ ᠤᠬᠠᠭᠠᠨ ᠢᠶᠠᠨ ᠭᠠᠷᠭᠠᠨ ᠠᠵᠢᠯᠯᠠᠭᠰᠠᠭᠠᠷ ᠣᠳᠣ ᠪᠣᠯᠵᠠᠢ᠃ ᠲᠡᠭᠦᠨ ᠤ ᠨᠠᠶᠢᠷᠠᠭᠤᠯᠵᠤ ᠦᠢᠯᠡᠳᠦᠭᠰᠡᠨ | ᠬᠤᠯᠢᠴᠠ ᠦᠭᠡᠢ ᠯᠠᠵᠤᠤ ᠵᠢᠶᠠᠩ ᠨᠢ ᠬᠥᠮᠥᠰ ᠤᠨ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠴᠦ ᠪᠣᠷᠤᠯᠠᠭᠤᠯᠭᠠ ᠬᠥᠭᠵᠢᠶᠡᠨ ᠲᠠᠢ | ᠪᠣᠯᠵᠤ᠂ ᠳᠦᠷᠪᠡᠨ ᠵᠢᠯ ᠳᠤ 110000 ᠯᠣᠩᠬᠤ ᠯᠠᠵᠤᠤ ᠵᠢᠶᠠᠩ ᠬᠢᠵᠦ ᠪᠣᠷᠣᠯᠠᠭᠤᠯᠤᠭᠰᠠᠨ ᠠᠵᠢ᠃ | ︽ᠯᠠᠵᠤᠤ ᠵᠢᠶᠠᠩ ᠢ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠬᠢᠵᠦ ᠬᠤᠳᠠᠯᠳᠤᠬᠤ ᠦᠭᠡᠢ ᠪᠣᠯ ᠣᠷᠣᠯᠭᠠ ᠣᠯᠬᠤ ᠨᠢ ᠪᠠᠷᠤᠭᠲᠠᠢ | ᠪᠠᠶᠢᠳᠠᠭ ᠠᠴᠠ ᠮᠢᠨᠤ ᠬᠠᠷᠠᠯᠲᠠ ᠪᠣᠯ ᠣᠯᠠᠨ ᠭᠠᠵᠠᠷ ᠢᠶᠠᠷ ᠯᠠᠵᠤᠤ ᠵᠢᠶᠠᠩ ᠢᠶᠠᠨ ᠪᠣᠷᠣᠯᠠᠭᠤᠯᠬᠤ ᠠᠵᠢᠯ ᠢᠶᠠᠨ | ᠥᠷᠭᠡᠨ ᠢᠶᠠᠷ ᠶᠡᠬᠡᠰᠬᠡᠨ ᠤᠬᠠᠭᠤᠯᠵᠤ᠂ ᠪᠠᠭᠠ ᠪᠠᠭᠠ ᠪᠠᠷ ᠬᠢᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠤᠯᠠᠮ ᠢᠶᠠᠷ ᠦᠢᠯᠡᠳᠪᠦᠷᠢ | ᠭᠠᠷᠭᠠᠬᠤ ᠴᠢᠭᠯᠡᠯ ᠢᠶᠠᠷ ᠴᠢᠷᠮᠠᠶᠢᠵᠤ ᠶᠠᠪᠤᠬᠤ ᠪᠣᠯᠤᠭᠰᠠᠨ᠃ ᠣᠳᠣᠬᠠᠨ ᠳᠤ ᠶᠡᠬᠡᠪᠡᠷ ᠣᠷᠣᠯᠭᠠ ᠣᠯᠬᠤ ᠨᠢ | ᠵᠣᠷᠢᠯᠲᠠ ᠪᠢᠰᠢ᠂ ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠪᠠᠨ ᠤᠯᠠᠮ ᠪᠠᠲᠤᠳᠬᠠᠵᠤ᠂ ᠬᠡᠪᠴᠢᠶᠡ ᠪᠠᠨ | ᠥᠷᠭᠡᠳᠬᠡᠬᠦ ᠪᠣᠯ ᠮᠢᠨᠤ ᠬᠠᠷᠠᠯᠲᠠ ᠶᠤᠮ︾ ᠭᠡᠵᠦ ᠸᠠᠩ ᠶᠢᠨ ᠪᠤᠣ ᠢᠲᠡᠭᠡᠯ ᠳᠦᠭᠦᠷᠡᠩ ᠶᠠᠷᠢᠨᠠ᠃ | 2018 ᠣᠨ ᠤ ᠨᠠᠮᠤᠷ ᠠᠩᠬᠠ ᠨᠢᠭᠡ ᠲᠦᠮᠡᠨ ᠯᠣᠩᠬᠤ ᠯᠠᠵᠤᠤ ᠵᠢᠶᠠᠩ ᠬᠢᠭᠡᠳ ᠪᠣᠷᠣᠯᠠᠭᠤᠯᠵᠤ ᠡᠭᠢᠯᠡᠭᠦ ᠳᠤ | ᠨᠢᠭᠡ ᠯᠣᠩᠬᠤ ᠯᠠᠵᠤᠤ ᠵᠢᠶᠠᠩ ᠴᠦ ᠬᠤᠳᠠᠯᠳᠤᠵᠤ ᠭᠠᠷᠬᠤ ᠦᠭᠡᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠦ ᠪᠠᠶᠢᠭᠰᠠᠨ ᠤᠴᠢᠷ | ᠸᠠᠩ ᠶᠢᠨ ᠪᠤᠣ ᠯᠠᠵᠤᠤ ᠵᠢᠶᠠᠩ ᠢᠶᠠᠨ ᠵᠠᠬᠠ ᠳᠡᠯᠭᠡᠭᠦᠷ ᠲᠤ ᠭᠠᠷᠭᠠᠬᠤ ᠠᠷᠭᠠ ᠵᠠᠮ ᠢ ᠥᠷᠭᠡᠳᠬᠡᠨ᠂ ᠥᠪᠡᠷ ᠤᠨ | ᠭᠡᠰᠡᠨ ᠣᠷᠣᠨ ᠪᠠᠶᠢᠷᠢ ᠪᠠᠨ ᠣᠯᠬᠤ ᠭᠡᠵᠦ ᠨᠡᠯᠢᠶᠡᠳ ᠮᠤᠩᠭᠠᠨᠢᠭᠰᠠᠨ ᠪᠠᠶᠢᠯᠠ᠃ ᠲᠡᠷᠡᠪᠡᠷ ᠪᠠᠶᠠᠨᠬᠤᠲᠠ ᠶᠢᠨ ᠵᠠᠬᠠ | ᠳᠡᠯᠭᠡᠭᠦᠷ ᠤᠨ ᠪᠠᠶᠢᠳᠠᠯ ᠢ ᠣᠯᠠᠨ ᠳᠠᠭᠢᠨ ᠨᠠᠷᠢᠪᠴᠢᠯᠠᠵᠤ᠂ ᠰᠠᠭᠤᠭᠠᠯᠢ ᠲᠣᠭᠤᠷᠢᠭ ᠤᠨ ᠡᠭᠦᠳᠡᠨ ᠳᠤ ᠵᠣᠭᠰᠣᠨ | ᠪᠤᠰᠤᠳ ᠢᠶᠠᠷ ᠠᠮᠰᠠᠭᠤᠯᠬᠤ ᠪᠤᠶᠤ ᠬᠠᠷᠠᠭᠠᠯᠵᠠᠯ ᠲᠠᠢ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠬᠦ᠂ ᠭᠡᠳᠣ ᠳᠡᠯᠭᠡᠭᠦᠷ ᠲᠤ ᠬᠤᠳᠠᠯᠳᠤᠬᠤ | ᠂ ᠨᠠᠶᠢᠵᠠ ᠨᠥᠬᠦᠳ ᠲᠡᠭᠡᠨ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢ ᠪᠠᠷ ᠭᠦᠷᠭᠡᠭᠦ ᠵᠡᠷᠭᠡ ᠠᠷᠭᠠ ᠪᠠᠷᠢᠯ ᠢᠶᠠᠷ ᠬᠢᠭᠰᠡᠨ | ᠪᠦᠲᠦᠭᠡᠭᠳᠡᠬᠦᠨ ᠢᠶᠠᠨ ᠬᠥᠮᠥᠰ ᠲᠤ ᠲᠠᠨᠢᠭᠤᠯᠤᠨ᠂ ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡ ᠢᠳᠡᠭ ᠢᠳᠡᠭ ᠢᠶᠠᠷ ᠨᠡᠯᠢᠶᠡᠳ | ᠨᠥᠯᠥᠭᠡ ᠲᠤᠰᠬᠠᠯ ᠲᠠᠢ ᠪᠣᠯᠵᠤ᠂ ᠪᠤᠰᠤᠳ ᠤᠨ ᠦᠨᠡᠯᠡᠯᠲᠡ ᠶᠢ ᠣᠯᠵᠤ ᠴᠢᠳᠠᠵᠠᠢ᠃ ᠨᠤᠲᠤᠭ ᠤᠨ ᠬᠥᠮᠥᠰ᠂ | ᠭᠠᠳᠠᠨᠠ ᠣᠷᠣᠨ ᠤ ᠬᠥᠮᠥᠰ ᠤᠨ ᠲᠠᠭᠠᠰᠢᠶᠠᠯ ᠳᠤ ᠭᠦᠷᠭᠡᠭᠦ ᠪᠠᠷ ᠣᠯᠠᠨ ᠭᠠᠵᠠᠷ ᠤᠨ ᠬᠥᠮᠥᠰ ᠲᠤ ᠲᠠᠨᠢᠭᠤᠯᠵᠤ | ᠮᠡᠳᠡᠷᠡᠭᠦᠯᠬᠦ ᠪᠠᠷ ᠸᠠᠩ ᠶᠢᠨ ᠪᠤᠣ ᠬᠡᠴᠢᠨᠡᠨ ᠴᠦ ᠭᠠᠵᠠᠷ ᠴᠦᠭᠦᠷᠠᠯ ᠦᠭᠡᠢ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠢ ᠬᠠᠶᠢᠷᠠᠲᠠᠢ | ᠪᠦᠰᠡᠭᠦᠢ ᠨᠢ ᠯᠡ ᠣᠶᠢᠯᠠᠭᠠᠬᠤ ᠪᠢᠵᠡ᠃ ᠠᠮᠢᠳᠤᠷᠠᠯ ᠦᠢᠯᠡᠰ ᠤᠨ ᠬᠠᠲᠠᠭᠤ ᠱᠣᠷᠪᠣᠭ ᠠᠮᠲᠠ ᠶᠢ ᠬᠠᠨᠲᠠᠯᠠ ᠠᠮᠰᠠᠨ | ᠂ ᠴᠢᠷᠮᠠᠶᠢᠯᠭᠠ ᠬᠦᠴᠦ ᠭᠠᠷᠭᠠᠭᠰᠠᠨ ᠤ ᠦᠷᠡ ᠳ᠋ᠦᠩ ᠢᠶᠠᠷ ᠲᠡᠭᠦᠨ ᠤ ᠯᠠᠵᠤᠤ ᠵᠢᠶᠠᠩ ᠨᠢ ︽ᠠᠮᠲᠠᠲᠠᠢ︾ ᠭᠡᠬᠦ | ᠭᠠᠭᠴᠠ ᠦᠭᠡ ᠪᠠᠷ ᠬᠥᠮᠥᠰ ᠲᠤ ᠲᠠᠨᠢᠭᠳᠠᠵᠤ ᠭᠥᠯᠢᠶᠡᠨ ᠮᠡᠳᠡᠷᠡᠭᠳᠡᠬᠦ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠵᠢᠯ | ᠪᠣᠯᠭᠠᠨ ᠤ ᠨᠠᠮᠤᠷ ᠤᠨ 8 ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠠᠴᠠ 10 ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠭᠦᠷᠳᠡᠯᠡ ᠯᠠᠵᠤᠤ ᠵᠢᠶᠠᠩ ᠢᠶᠠᠨ | ᠦᠢᠯᠡᠳᠴᠦ ᠬᠢᠳᠡᠭ ᠢᠶᠠᠷ ᠮᠠᠰᠢ ᠶᠠᠭᠠᠷᠠᠤ ᠪᠠᠶᠢᠳᠠᠭ᠂ ᠯᠠᠵᠤᠤ ᠶᠢᠨ ᠢᠷᠡᠯᠲᠡ ᠨᠢ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ | ᠴᠠᠬᠠᠷ ᠤᠨ ᠬᠥᠳᠡᠭᠡ ᠶᠢᠨ ᠲᠠᠪᠤᠨ ᠲᠠᠷᠢᠶᠠᠴᠢᠨ ᠡᠷᠦᠭᠡ ᠪᠠᠷ ᠲᠤᠰᠬᠠᠢ ᠳᠠᠷᠢᠭᠤᠯᠣᠬᠰᠠᠨ ᠯᠠᠵᠤᠤ ᠶᠢᠨ ᠳᠦᠷᠦᠯ | ᠪᠠᠶᠢᠵᠤ᠂ ᠯᠠᠵᠤᠤ ᠵᠢᠶᠠᠩ ᠨᠢ ᠪᠣᠬᠢᠷᠳᠤᠯ ᠦᠭᠡᠢ ᠪᠦᠲᠦᠭᠡᠭᠳᠡᠬᠦᠨ ᠪᠣᠯᠵᠠᠢ᠃ ᠸᠠᠩ ᠶᠢᠨ ᠪᠤᠣ ᠯᠠᠵᠤᠤ ᠵᠢᠶᠠᠩ ᠢᠶᠠᠨ | ᠦᠢᠯᠡᠳᠦᠨ ᠬᠢᠬᠦ ᠳᠤ ᠥᠪᠡᠷ ᠢᠶᠠᠨ ᠭᠤᠣᠯ ᠠᠮᠲᠠ ᠶᠢ ᠨᠢ ᠲᠣᠬᠢᠷᠠᠭᠤᠯᠤᠨ ᠳᠠᠭᠠᠷᠠᠭᠤᠯᠵᠣ᠂ ᠭᠤᠷᠪᠠᠨ | ᠠᠵᠢᠯᠴᠢᠨ ᠤ ᠪᠠᠨ ᠬᠠᠪᠰᠣᠷᠣᠯᠭᠠ ᠪᠠᠷ ᠬᠢᠳᠡᠭ᠃ ᠨᠢᠳᠤᠨᠤᠨ ᠠᠴᠠ ᠢᠳᠡᠬᠦ ᠲᠣᠰᠣ᠂ ᠠᠮᠲᠠ ᠣᠷᠣᠭᠤᠯᠬᠤ | ᠵᠦᠢᠯ ᠤᠨ ᠦᠨᠡ ᠪᠦᠷ ᠥᠰᠦᠭᠰᠡᠨ ᠪᠤᠯᠪᠠᠴᠣ ᠲᠡᠳᠡᠨᠡᠶᠢᠬᠢᠨ ᠥᠪᠡᠷ ᠤᠨ ᠣᠨᠴᠠᠯᠢᠭ ᠢᠶᠠᠨ ᠪᠠᠲᠤᠯᠠᠬᠤ ᠪᠠᠷ ᠰᠢᠯ | ᠯᠣᠩᠬᠤᠨ ᠤ ᠪᠠᠨ ᠬᠡᠮᠵᠢᠶᠡ ᠶᠢ ᠳᠠᠭᠢᠨ ᠢᠶᠠᠷ ᠶᠡᠬᠡᠰᠬᠡᠭᠡᠳ᠂ ᠦᠨᠡ ᠪᠠᠨ ᠬᠠᠷᠢᠨ ᠬᠤᠪᠢᠷᠠᠭᠠᠭᠰᠠᠨ ᠦᠭᠡᠢ ᠠᠵᠢ᠃ | ᠭᠤᠣᠯ ᠨᠢ ᠬᠡᠷᠡᠭᠯᠡᠭᠴᠢᠳ ᠲᠤ ᠢᠲᠡᠭᠡᠯ ᠨᠠᠶᠢᠳᠠᠪᠤᠷᠢ ᠲᠠᠢ ᠪᠠᠶᠢᠬᠤ ᠵᠢᠴᠢ ᠪᠦᠲᠦᠭᠡᠭᠳᠡᠬᠦᠨ ᠢᠶᠠᠨ ᠥᠷᠭᠡᠨ ᠢᠶᠠᠷ | ᠪᠣᠷᠣᠯᠠᠭᠤᠯᠬᠤ ᠶᠢᠨ ᠲᠥᠯᠥᠭᠡ ᠠᠷᠭᠠ ᠤᠬᠠᠭᠠᠨ ᠰᠡᠳᠦᠵᠦ ᠶᠠᠪᠤᠨᠠ᠃ ᠬᠡᠷᠡᠭᠯᠡᠭᠴᠢ ᠪᠣᠯ ᠴᠢᠨᠦ ᠪᠦᠲᠦᠭᠡᠭᠳᠡᠬᠦᠨ ᠤ | ᠬᠠᠮᠤᠭ ᠤᠨ ᠰᠢᠳᠤᠷᠭᠤ ᠭᠡᠷᠡᠴᠢ ᠮᠥᠨ᠃ ᠪᠣᠷᠤᠯᠠᠭᠤᠯᠭᠠ ᠶᠢᠨ ᠠᠷᠭᠠ ᠵᠠᠮ ᠢᠶᠠᠨ ᠦᠷᠭᠡᠤᠭᠡᠭᠦ᠂ ᠢᠲᠡᠭᠡᠯ | ᠨᠠᠶᠢᠳᠠᠪᠤᠷᠢ ᠪᠠᠨ ᠪᠠᠲᠤᠯᠠᠬᠤ᠂ ᠴᠢᠨᠠᠷ ᠢ ᠪᠠᠲᠤᠯᠠᠬᠤ᠂ ᠢᠮᠠᠭᠲᠠ ᠰᠢᠨᠡ ᠰᠣᠷᠭᠤᠭ ᠣᠨᠴᠠᠯᠢᠭ ᠲᠠᠢ ᠪᠠᠶᠢᠬᠤ᠂ ᠰᠢᠨᠡ | ᠰᠣᠷᠭᠤᠭ ᠠᠷᠭᠠ ᠠᠪᠴᠠᠯ ᠲᠠᠢ ᠪᠠᠶᠢᠬᠤ ᠨᠢ ᠦᠢᠯᠡᠰ ᠡᠵᠡᠩᠨᠡᠯᠲᠡ ᠶᠢᠨ ᠡᠷᠴᠢᠮ ᠬᠦᠴᠦ ᠲᠤᠯᠠ ᠸᠠᠩ ᠶᠢᠨ ᠪᠤᠣ | ᠡᠳᠡᠭᠡᠷ ᠪᠦᠭᠦᠨ ᠢ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠬᠢᠵᠦ ᠭᠦᠢᠴᠡᠳᠬᠡᠬᠦ ᠳᠤ ᠶᠠᠷᠢᠶᠠᠨ ᠦᠭᠡᠢ ᠭᠡᠷᠭᠡᠢ ᠡᠷᠳᠡᠨᠢᠬᠤᠸᠠᠷ ᠤᠨ | ᠬᠢᠨᠢ ᠤᠬᠠᠭᠠᠨ ᠰᠠᠮᠪᠠᠭᠠ᠂ ᠬᠠᠪᠰᠣᠷᠣᠯᠭᠠ ᠲᠡᠮᠵᠢᠯᠭᠡ ᠠᠴᠠ ᠰᠠᠯᠵᠤ ᠴᠢᠳᠠᠭᠠ ᠦᠭᠡᠢ ᠪᠠᠶᠢᠭᠰᠠᠨ ᠨᠢ ᠭᠠᠷᠴᠠᠭᠠ | ᠦᠭᠡᠢ᠃ | ᠦᠢᠯᠡᠰ ᠴᠣᠭᠴᠠᠯᠠᠨᠠ ᠭᠡᠳᠡᠭ ᠤᠬᠠᠭᠠᠨ ᠰᠡᠲᠦᠪᠦᠷᠢ᠂ ᠵᠢᠳᠬᠦᠯ ᠬᠦᠰᠡᠯ ᠤᠨ ᠡᠷᠴᠢ ᠬᠦᠴᠦ | ᠱᠠᠭᠠᠷᠳᠠᠭᠳᠠᠬᠤ ᠠᠴᠠ ᠭᠠᠳᠠᠨᠠ ᠨᠡᠶᠢᠭᠡᠮ ᠤᠨ ᠬᠥᠭᠵᠢᠯᠲᠡ ᠬᠤᠪᠢᠷᠠᠯᠲᠠ ᠶᠢᠨ ᠦᠢ ᠣᠯᠠᠨ ᠬᠠᠲᠠᠭᠤ ᠳᠠᠪᠠᠭᠠᠨ ᠤ | ᠰᠣᠷᠢᠭᠠ ᠳᠠᠪᠠᠯᠲᠠ ᠶᠢ ᠴᠤᠴᠠᠯᠲᠠ ᠦᠭᠡᠢ ᠥᠩᠭᠡᠷᠡᠭᠡᠵᠦ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠬᠥᠯ ᠲᠣᠭᠲᠠᠨᠢᠬᠤ ᠣᠷᠣᠨ | ᠪᠠᠶᠢᠷᠢ ᠪᠠᠨ ᠣᠯᠳᠠᠭ ᠨᠢ ᠮᠡᠳᠡᠭᠡᠵᠢ᠃ ᠲᠡᠶᠢᠨᠬᠦ ᠨᠡᠶᠢᠭᠡᠮ ᠲᠠᠢ ᠵᠣᠬᠢᠴᠠᠨᠠ ᠭᠡᠵᠦ ᠮᠠᠰᠢ ᠶᠡᠭᠡ ᠰᠢᠷᠭᠠᠭᠤ ᠭᠦᠳᠡᠯᠮᠤᠷᠢ | ᠂ ᠨᠥᠷᠢ ᠶᠡᠭᠡ ᠤᠬᠠᠭᠠᠨ ᠲᠠᠮᠢᠷ ᠵᠠᠷᠤᠴᠠᠭᠤᠯᠬᠤ ᠠᠵᠢᠯ ᠪᠥᠭᠡᠳ ᠦᠢᠯᠡᠰ ᠪᠣᠰᠬᠠᠭᠴᠢ ᠶᠢᠨ ᠭᠢᠷᠠᠬᠠᠢ ᠬᠠᠷᠠᠭᠠ᠂ | ᠤᠬᠠᠭᠠᠨ ᠴᠢᠳᠠᠪᠤᠷᠢ ᠶᠢ ᠰᠢᠯᠭᠠᠬᠤ ᠬᠠᠲᠠᠭᠤ ᠳᠠᠪᠠᠭᠠ ᠭᠡᠯᠲᠡᠢ᠃ ᠡᠷᠳᠡᠨᠢᠬᠤᠸᠠᠷ ᠸᠠᠩ ᠶᠢᠨ ᠪᠤᠣ ᠬᠤᠶᠠᠭᠤᠯᠠ ᠮᠠᠨᠢ | ᠶᠠᠭ ᠡᠨᠡᠬᠦ ᠠᠵᠢᠭᠴᠢ ᠭᠢᠷᠠᠬᠠᠢ᠂ ᠤᠬᠠᠭᠠᠨ ᠴᠢᠳᠠᠪᠤᠷᠢ ᠪᠠᠷ ᠠᠳᠠᠯ ᠦᠢᠯᠡᠰ ᠤᠨ ᠢᠶᠠᠨ ᠢᠷᠠᠭᠤ ᠳᠠᠭᠤᠯᠠᠯ ᠢ | ᠬᠠᠩᠭᠢᠨᠠᠭᠤᠯᠵᠤ᠂ ᠢᠷᠡᠬᠦ ᠮᠠᠷᠭᠠᠰᠢ ᠵᠦᠭ ᠢᠶᠠᠨ ᠥᠮᠥᠭ ᠲᠦᠰᠢᠭ ᠲᠠᠢ᠂ ᠣᠮᠤᠭ ᠲᠡᠭᠦᠯᠳᠡᠷ᠂ ᠥᠷᠨᠢᠭᠦᠨ ᠢᠷᠮᠡᠭᠦᠨ | ᠤᠷᠤᠭᠰᠢᠯᠠᠨᠠ᠃ | | | | | | | | | | | | | | | | | | |