| | ᠴ᠊ · ᠰᠤᠳᠤᠨ | ᠲᠠᠪᠰᠢᠯᠳᠤ | | | ᠠᠯᠠᠱᠠ ᠪᠠᠷᠭᠠᠤᠨ ᠬᠤᠰᠢᠭᠤᠨ ᠤ ᠶᠠᠪᠠᠷᠠᠢ ᠠᠭᠤᠯᠠ ᠶᠢᠨ ᠡᠮᠤᠨᠡ ᠡᠩᠭᠡᠷ ᠲᠤ ᠨᠢᠭᠡᠨ ᠡᠷᠳᠡᠨ ᠤ ᠴᠡᠷᠢᠭ | ᠲᠠᠶᠢᠨ ᠤ ᠬᠠᠯᠬᠠᠪᠴᠢ ᠬᠤᠸᠠᠷᠠᠨ ︵ᠬᠤᠳᠠ ᠶᠢᠨ ᠪᠠᠭᠤᠷᠢ︶ ᠪᠠᠶᠢᠳᠠᠭ᠃ | | | | 4 ᠰᠠᠷᠠ ᠶᠢᠨ 5 ᠤ ᠡᠳᠦᠷ᠂ ᠨᠠᠷᠠ ᠲᠤᠨᠤᠷᠠᠵᠦ ᠨᠠᠮᠤᠭᠤᠬᠠᠨ ᠡᠳᠦᠷ ᠪᠤᠯᠤᠯᠠ᠃ ᠮᠠᠨ ᠤ ᠠᠶᠠᠨ ᠤ | ᠪᠦᠯᠬᠦᠮ ᠤᠨ ᠬᠢᠨ ᠶᠠᠪᠠᠷᠠᠢ ᠠᠭᠤᠯᠠ ᠶᠢᠨ ᠡᠮᠤᠨᠡ ᠡᠩᠭᠡᠷ ᠢ ᠲᠠᠭᠠᠵᠦ ᠰᠤᠨᠤᠯᠵᠠᠭᠰᠠᠨ ᠲᠤᠰᠤᠨ ᠵᠠᠮ ᠢᠶᠠᠷ ᠬᠤᠷᠳᠤ | ᠨᠡᠮᠡᠨ ᠲᠠᠪᠬᠢᠭᠤᠯᠤᠯᠠ᠃ ᠦᠨᠳᠦᠷ ᠰᠦᠷᠯᠢᠭ᠂ ᠪᠡᠷᠬᠡ ᠪᠠᠷᠳᠠᠭᠠ ᠲᠠᠢ ᠶᠠᠪᠠᠷᠠᠢ ᠠᠭᠤᠯᠠ ᠵᠡᠬᠦᠨ ᠬᠤᠶᠢᠨᠠ ᠠᠴᠠ | ᠪᠠᠷᠠᠭᠤᠨ ᠡᠮᠤᠨᠡᠰᠢ ᠬᠦᠨᠳᠡᠯᠢᠰᠴᠦ᠂ ᠠᠯᠤᠰ ᠠᠴᠠ ᠪᠠᠷᠠᠯᠠᠬᠤ ᠳᠤ ᠠᠭᠤᠯᠠᠨ ᠤᠷᠤᠢ ᠳᠠᠬᠢ ᠡᠷᠪᠡᠩ ᠰᠡᠷᠪᠡᠩ | ᠬᠠᠳᠠᠳ ᠨᠢ ᠶᠠᠭ ᠯᠠ ᠠᠷᠭᠠᠯᠢ ᠵᠤᠭᠰᠤᠵᠦ ᠪᠠᠶᠢᠭᠠ ᠴᠣ᠋ ᠶᠤᠮ ᠤᠤ ᠭᠡᠮᠡᠷᠬᠡᠨ ᠬᠠᠷᠠᠭᠳᠠᠭᠠᠳ ᠨᠡᠭᠡᠷᠡᠨ ᠭᠤᠪᠢ | ᠨᠤᠳᠤᠭ ᠤᠨ ᠦᠩᠭᠡ ᠦᠵᠡᠮᠵᠢ ᠶᠢ ᠭᠠᠶᠢᠬᠠᠭᠤᠯᠤᠨᠠ ᠠᠵᠢ᠃ ᠪᠢᠳᠠ ᠨᠠᠷᠠ ᠠᠭᠤᠯᠠᠨ ᠲᠤᠯᠤᠭᠠᠢ ᠲᠠᠰᠢᠬᠤ ᠶᠢᠨ | ᠠᠯᠳᠠ ᠪᠠᠷ ᠪᠠᠭᠤᠬᠤ ᠶᠢᠨ ᠭᠤᠤᠯ ︵ᠵᠠᠷᠢᠮ ᠨᠤᠮ ᠳᠤ ᠪᠠᠰᠠ ᠪᠤᠬᠠ ᠶᠢᠨ ᠭᠤᠣᠯ᠂ ᠪᠤᠶᠢᠬᠠ ᠶᠢᠨ ᠭᠤᠣᠯ ᠭᠡᠮᠡᠨ | ᠠᠳᠠᠯᠢ ᠪᠤᠰᠤ ᠪᠠᠷ ᠪᠢᠴᠢᠵᠦ ᠪᠤᠢ︶ ᠤᠨ ᠠᠮᠠᠨ ᠳᠤ ᠬᠦᠷᠴᠦ ᠢᠷᠡᠯᠡ᠃ ᠠᠳᠡ ᠨᠢᠭᠡᠨ ᠡᠷᠳᠡᠨ ᠤ ᠬᠤᠳᠠ ᠶᠢᠨ | ᠪᠠᠭᠤᠷᠢ ᠪᠠᠶᠢᠳᠠᠭ ᠭᠡᠨᠡ᠃ ᠵᠠᠮ ᠲᠠᠭᠠᠷᠠᠭᠰᠠᠨ ᠶᠤᠮ ᠴᠢᠨᠢ ᠦᠵᠡᠭᠡᠳ ᠯᠡ ᠭᠠᠳᠤᠯᠤᠶᠠ ᠭᠡᠮᠡᠨ ᠰᠠᠨᠠᠭᠠ ᠨᠢᠭᠡᠳᠴᠦ | ᠪᠠᠭᠤᠬᠤ ᠶᠢᠨ ᠭᠤᠤᠯ ᠤᠨ ᠠᠮᠠ ᠶᠢ ᠵᠤᠷᠢᠭᠰᠠᠨ ᠨᠢ ᠡᠨᠡ ᠪᠢᠯᠡ᠃ | ᠨᠡᠭᠡᠷᠡᠨ ᠪᠠᠭᠤᠬᠤ ᠶᠢᠨ ᠭᠤᠤᠯ ᠤᠨ ᠠᠮᠠ ᠶᠢᠨ ᠵᠡᠬᠦᠨ ᠡᠷᠬᠢ ᠲᠡᠭᠡᠷᠡ ᠬᠠᠳᠠ ᠴᠢᠯᠠᠭᠤ ᠤᠪᠤᠭᠠᠷᠠᠵᠦ | ᠬᠠᠷᠠᠭᠳᠠᠨᠠ᠃ ᠡᠨᠡ ᠪᠤᠯ ᠡᠷᠳᠡᠨ ᠤ ᠬᠤᠳᠠ ᠶᠢᠨ ᠪᠠᠭᠤᠷᠢ ᠪᠤᠯᠤᠨᠠ᠃ ᠤᠨ ᠵᠢᠯ ᠤᠨ ᠤᠳᠠᠭᠠᠨ ᠳᠤ ᠨᠤᠷᠠᠵᠦ | ᠡᠪᠳᠡᠭᠳᠡᠭᠡᠳ ᠤᠪᠤᠭᠠᠷᠠᠭᠰᠠᠨ ᠬᠠᠳᠠ ᠲᠡᠳᠦᠢ ᠪᠤᠯᠤᠭᠰᠠᠨ ᠪᠤᠯᠪᠠᠴᠦ ᠦᠨᠳᠦᠷ ᠭᠠᠵᠠᠷ ᠲᠡᠭᠡᠷᠡ ᠠᠴᠠ ᠬᠠᠷᠠᠬᠤ ᠳᠤ | ᠡᠮᠬᠢ ᠴᠡᠭᠴᠡ ᠲᠠᠢ ᠨᠢᠭᠡᠨ ᠬᠤᠳᠠ ᠶᠢᠨ ᠪᠠᠭᠤᠷᠢ ᠪᠤᠯᠬᠤ ᠨᠢ ᠨᠢᠳᠤᠨ ᠳᠤ ᠢᠯᠡ ᠲᠤᠳᠤᠷᠠᠨᠠ᠃ ︽ᠡᠨᠡ ᠪᠤᠯ | ᠡᠷᠳᠡᠨ ᠤ ᠴᠡᠷᠢᠭ ᠲᠠᠶᠢᠨ ᠤ ᠬᠠᠯᠬᠠᠪᠴᠢ ᠬᠤᠸᠠᠷᠠᠨ ᠪᠤᠯᠤᠨᠠ︾ ᠭᠡᠵᠦ ᠰᠤᠳᠤᠯᠤᠭᠴᠢ ᠰᠠᠩᠴᠢ ᠴᠤᠭᠳᠤ ᠪᠠᠭᠰᠢ | ᠪᠢᠳᠠᠨ ᠳᠤ ᠲᠠᠶᠢᠯᠪᠤᠷᠢᠯᠠᠨ ᠶᠠᠷᠢᠵᠦ ᠪᠠᠶᠢᠪᠠ᠃ ᠪᠠᠭᠤᠷᠢ ᠶᠢᠨ ᠵᠡᠬᠦᠨ ᠲᠠᠯᠠ ᠶᠢᠨ ᠲᠡᠨᠵᠢ ᠭᠠᠵᠠᠷ ᠲᠤ ᠲᠠᠷᠢᠶᠠᠨ ᠲᠠᠭ | ᠭᠠᠷᠭᠠᠵᠦ ᠪᠠᠶᠢᠭᠰᠠᠨ ᠪᠤᠯᠤᠯᠳᠠᠢ ᠬᠠᠳᠠ ᠴᠢᠯᠠᠭᠤ ᠶᠢ ᠰᠢᠯᠵᠢᠬᠦᠯᠦᠨ ᠲᠦᠷᠪᠡᠯᠵᠢᠯᠡᠭᠰᠡᠨ ᠤᠷᠤᠮ ᠮᠠᠭᠤᠬᠠᠨ | ᠮᠡᠳᠡᠭᠳᠡᠨᠡ᠃ ᠮᠦᠨ ᠪᠠᠭᠤᠬᠤ ᠶᠢᠨ ᠭᠤᠤᠯ ᠤᠨ ᠠᠮᠠᠨ ᠠᠴᠠ ᠤᠰᠤᠨ ᠰᠤᠪᠠᠭ ᠲᠠᠳᠠᠵᠦ ᠡᠨᠡᠬᠦ ᠲᠦᠷᠪᠡᠯᠵᠢᠯᠡᠭᠰᠡᠨ | ᠤᠷᠤᠮ ᠲᠠᠢ ᠭᠠᠵᠠᠷ ᠲᠠᠢ ᠵᠠᠯᠭᠠᠭᠰᠠᠨ ᠪᠠᠶᠢᠯᠠ᠃ ᠪᠠᠷᠤᠭ ᠪᠠᠭᠤᠬᠤ ᠶᠢᠨ ᠭᠤᠤᠯ ᠤᠨ ᠤᠰᠤ ᠶᠢ ᠡᠨᠡ ᠰᠤᠪᠠᠭ ᠢᠶᠠᠷ | ᠲᠠᠳᠠᠨ ᠲᠠᠷᠢᠶᠠ ᠲᠠᠷᠢᠵᠦ ᠪᠠᠶᠢᠭᠰᠠᠨ ᠪᠠᠶᠢᠬᠠ᠂ ᠰᠤᠪᠠᠭ ᠢ ᠴᠢᠯᠠᠭᠤ ᠪᠠᠷ ᠬᠠᠰᠢᠭᠰᠠᠨ ᠨᠢ ᠲᠡᠮᠡᠢ ᠨᠤᠷᠠᠵᠦ ᠡᠪᠳᠡᠷᠡᠭᠡ | ᠦᠭᠡᠢ ᠪᠠᠶᠢᠬᠤ ᠠᠴᠠ ᠦᠵᠡᠬᠦ ᠳᠤ ᠤᠷᠴᠢᠮ ᠤᠨ ᠦᠶᠡ ᠳᠤ ᠰᠡᠯᠪᠢᠨ ᠵᠠᠰᠠᠵᠦ ᠲᠠᠬᠢᠨᠳᠠ ᠠᠰᠢᠭᠯᠠᠵᠦ ᠪᠠᠶᠢᠭᠰᠠᠨ | ᠪᠠᠶᠢᠯᠳᠠᠢ᠃ | ᠲᠡᠤᠬᠡ ᠮᠠᠲ᠋ᠧᠷᠢᠶᠠᠯ ᠢ ᠡᠷᠬᠢᠬᠦᠯᠵᠦ ᠦᠵᠡᠪᠡᠯ ᠡᠨᠡᠬᠦ ᠡᠷᠳᠡᠨ ᠤ ᠴᠡᠷᠢᠭ ᠲᠠᠶᠢᠨ ᠤ ᠬᠠᠯᠬᠠᠪᠴᠢ ᠬᠤᠸᠠᠷᠠᠨ | ᠨᠢ ᠬᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠪᠠᠶᠢᠭᠤᠯᠤᠭᠳᠠᠵᠦ ᠡᠷᠳᠡᠨ ᠤ ᠴᠡᠷᠢᠭ ᠲᠠᠶᠢᠨ ᠤ ᠪᠠᠬᠢᠯᠡᠯᠳᠡ ᠴᠠᠶᠢᠵᠠ ᠪᠤᠯᠵᠦ | ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠡᠮᠤᠨᠡᠳᠦ ᠤᠮᠠᠷᠠᠳᠦ ᠲᠦᠷᠦ ᠪᠠ ᠪᠠᠷᠠᠭᠤᠨ ᠰᠢᠶᠠ ᠪᠠᠰᠠ ᠠᠰᠢᠭᠯᠠᠵᠦ ᠪᠠᠶᠢᠭᠰᠠᠨ | ᠭᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠪᠠᠭᠤᠷᠢ ᠨᠢ ᠤᠷᠳᠤ ᠲᠥᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ᠂ ᠬᠠᠯᠬᠠᠪᠴᠢ ᠬᠡᠷᠡᠮ ᠪᠠ ᠲᠤᠳᠤᠷᠠ | ᠲᠠᠯᠠ ᠶᠢᠨ ᠬᠠᠴᠠᠷ ᠬᠡᠷᠡᠮ ᠬᠤᠶᠠᠷ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠵᠦ᠂ ᠨᠤᠷᠠᠵᠦ ᠤᠪᠤᠭᠠᠷᠠᠭᠰᠠᠨ ᠬᠠᠳᠠ ᠶᠢᠨ ᠪᠠᠶᠢᠳᠠᠯ | ᠠᠴᠠ ᠠᠵᠢᠭᠯᠠᠬᠤ ᠳᠤ ᠬᠠᠯᠬᠠᠪᠴᠢ ᠬᠡᠷᠡᠮ ᠨᠢ ᠥᠨᠳᠤᠷ ᠰᠥᠷᠯᠢᠭ᠂ ᠲᠤᠳᠤᠷᠠ ᠲᠠᠯᠠ ᠶᠢᠨ ᠬᠠᠴᠠᠷ ᠬᠡᠷᠡᠮ ᠨᠢ | ᠬᠠᠷᠢᠴᠠᠩᠭᠤᠢ ᠪᠤᠭᠤᠨᠢ ᠰᠢᠭ᠋᠂ ᠬᠡᠷᠡᠮ ᠢ ᠴᠢᠯᠠᠭᠤ ᠪᠠᠷ ᠪᠠᠷᠢᠵᠤ ᠪᠤᠰᠬᠠᠭᠰᠠᠨ ᠪᠤᠯᠪᠠᠴᠤ ᠤᠨ ᠵᠢᠯ ᠤᠨ ᠤᠳᠠᠭᠠᠨ | ᠳᠤ ᠨᠢᠬᠡᠨᠳᠡ ᠨᠤᠷᠠᠵᠤ᠂ ᠬᠡᠰᠡᠭ ᠬᠡᠷᠡᠮ ᠤᠨ ᠰᠠᠭᠤᠷᠢ ᠨᠢ ᠤᠤᠯ ᠶᠤᠰᠤᠭᠠᠷ ᠢᠶᠠᠨ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠨᠠ᠃ | ᠪᠠᠭᠤᠷᠢ ᠶᠢᠨ ᠵᠡᠭᠦᠨ ᠲᠠᠯᠠ ᠠᠴᠠ ᠨᠢ ᠠᠵᠢᠭᠯᠠᠪᠠᠯ ᠮᠤᠷᠢ ᠪᠠᠷ ᠬᠤᠳᠠ ᠶᠢᠨ ᠬᠡᠷᠡᠮ ᠢ ᠲᠠᠪᠠᠳᠠᠭ ᠬᠠᠭᠤᠴᠢᠨ ᠵᠠᠮ | ᠤᠨ ᠤᠷᠤᠮ ᠲᠠᠢ᠂ ᠬᠤᠳᠠ ᠶᠢᠨ ᠬᠡᠷᠡᠮ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠥᠨᠴᠤᠭ᠌ ᠲᠤᠨᠢ ᠮᠠᠨᠠᠭᠠᠨ ᠤ ᠲᠠᠶᠢᠰᠠ ᠪᠠᠶᠢᠭᠰᠠᠨ | ᠨᠢ ᠮᠠᠭᠤᠬᠠᠨ ᠮᠡᠳᠡᠭᠳᠡᠨᠡ᠃ ᠬᠠᠯᠬᠠᠪᠴᠢ ᠬᠡᠷᠡᠮ ᠤᠨ ᠡᠮᠤᠨᠡ ᠬᠡᠷᠡᠮ ᠨᠢ ᠪᠠᠷᠤᠭ 40 ᠮᠧᠲᠷ᠂ ᠬᠤᠶᠢᠳᠤ ᠬᠡᠷᠡᠮ | ᠨᠢ ᠪᠠᠷᠤᠭ 27 ᠮᠧᠲᠷ᠂ ᠪᠠᠷᠠᠭᠤᠨ ᠬᠡᠷᠡᠮ ᠨᠢ ᠪᠠᠷᠤᠭ 49 ᠮᠧᠲᠷ᠂ ᠵᠡᠭᠦᠨ ᠬᠡᠷᠡᠮ ᠨᠢ ᠪᠠᠷᠤᠭ 32 ᠮᠧᠲᠷ | ᠪᠠᠶᠢᠵᠤ᠂ ᠶᠡᠷᠥᠩᠬᠡᠢ ᠲᠠᠯᠠᠪᠠᠢ ᠨᠢ 1500 ᠲᠡᠭᠰᠢ ᠲᠥᠷᠪᠡᠯᠵᠢᠨ ᠮᠧᠲᠷ ᠪᠤᠢ᠃ ᠲᠤᠳᠤᠷᠠ ᠲᠠᠯᠠ ᠶᠢᠨ ᠬᠠᠴᠠᠷ | ᠬᠡᠷᠡᠮ ᠤᠨ ᠬᠡᠯᠪᠡᠷᠢ ᠨᠢ ᠡᠮᠬᠢ ᠵᠠᠮᠪᠠᠷᠠᠭᠠ ᠥᠬᠡᠢ ᠪᠠᠶᠢᠷᠢᠰᠢᠵᠤ᠂ ᠮᠥᠨ ᠯᠠ ᠴᠢᠯᠠᠭᠤ ᠪᠠᠷ ᠪᠠᠷᠢᠵᠤ ᠪᠤᠰᠬᠠᠭᠰᠠᠨ | ᠪᠤᠯᠪᠠᠴᠤ ᠬᠥᠨᠳᠤ ᠨᠤᠴᠢᠳᠠᠢ ᠨᠤᠷᠠᠵᠤ ᠡᠪᠳᠡᠭᠳᠡᠵᠡᠢ᠃ ᠬᠠᠯᠬᠠᠪᠴᠢ ᠬᠡᠷᠡᠮ ᠤᠨ ᠡᠮᠤᠨᠡ ᠬᠡᠰᠡᠭ ᠲᠤ ᠨᠢᠬᠡ ᠡᠭᠦᠳᠡ | ᠲᠠᠢ᠂ ᠥᠷᠬᠡᠨ ᠨᠢ ᠪᠠᠷᠤᠭ 2 ᠮᠧᠲᠷ ᠠᠵᠢ᠃ ᠬᠤᠳᠠ ᠶᠢᠨ ᠲᠤᠮᠳᠠ ᠬᠡᠰᠡᠭ ᠲᠤ ᠪᠠᠷᠢᠯᠭᠠ ᠶᠢᠨ ᠰᠠᠭᠤᠷᠢ ᠪᠠᠶᠢᠵᠤ | ᠂ ᠵᠡᠭᠦᠨ ᠬᠡᠷᠡᠮ ᠤᠨ ᠲᠤᠮᠳᠠ ᠬᠡᠰᠡᠭ ᠲᠤ ᠨᠢᠬᠡ ᠡᠭᠦᠳᠡ ᠲᠠᠢ᠃ ᠪᠠᠭᠤᠷᠢ ᠶᠢᠨ ᠭᠠᠳᠠᠨᠠ ᠪᠠᠰᠠ ᠴᠢᠯᠠᠭᠤᠨ ᠰᠠᠭᠤᠷᠢ | ᠬᠠᠷᠠᠭᠳᠠᠵᠤ ᠪᠤᠢ᠃ ᠬᠤᠳᠠ ᠶᠢᠨ ᠪᠠᠭᠤᠷᠢ ᠲᠡᠬᠡᠷᠡ ᠸᠠᠭᠠᠷ ᠤᠨ ᠬᠠᠭᠠᠷᠬᠠᠢ᠂ ᠱᠠᠭᠠᠵᠠᠩ ᠤᠨ ᠬᠠᠭᠠᠷᠬᠠᠢ ᠠᠷᠪᠢᠨ | ᠤᠯᠳᠠᠵᠦ᠂ 1987 ᠤᠨ ᠳᠤ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤ ᠨᠢᠬᠡᠳᠤᠬᠡᠷ ᠤᠳᠠᠭᠠ ᠶᠢᠨ ᠲᠡᠤᠬᠡᠨ ᠲᠤᠷᠠᠰᠬᠠᠯᠳᠤ | ᠵᠥᠢᠯᠡᠰ ᠤᠨ ᠪᠥᠷᠢᠳᠬᠡᠯ ᠬᠢᠭᠦ ᠥᠶᠡᠰ ᠵᠠᠭᠤᠭᠠᠳ ᠠᠳᠠᠯᠢ ᠪᠤᠰᠤ ᠡᠷᠢᠶᠡ ᠲᠠᠢ ᠸᠠᠭᠠᠷ᠂ ᠱᠠᠭᠠᠵᠠᠩ ᠤᠨ ᠬᠠᠭᠠᠷᠬᠠᠢ | ᠶᠢ ᠪᠥᠷᠢᠳᠬᠡᠨ ᠲᠠᠩᠰᠠᠯᠠᠵᠠᠢ᠃ ᠬᠤᠳᠠ ᠶᠢᠨ ᠪᠠᠭᠤᠷᠢ ᠶᠢᠨ ᠤᠶᠢᠷᠠ ᠤᠷᠴᠢᠮ ᠳᠤ ᠰᠢᠪᠡᠭᠡ᠂ ᠴᠤᠨᠵᠢ᠂ ᠤᠷᠤᠨ | ᠰᠠᠭᠤᠴᠠ ᠶᠢᠨ ᠪᠠᠭᠤᠷᠢ᠂ ᠬᠡᠬᠦᠷ ᠤᠷᠤᠰᠢᠭᠤᠯᠭᠠ ᠶᠢᠨ ᠭᠠᠵᠠᠷ ᠪᠠᠶᠢᠳᠠᠭ ᠭᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠤᠢ᠃ | 2006 ᠤᠨ ᠳᠤ ᠪᠠᠭᠤᠬᠤ ᠶᠢᠨ ᠭᠤᠤᠯ ᠤᠨ ᠬᠤᠳᠠ ᠶᠢᠨ ᠪᠠᠭᠤᠷᠢ ᠨᠢ ᠦᠪᠦᠷ ᠮᠤᠩᠭᠤᠯ ᠤᠨ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠭᠤᠤᠯᠳᠠᠯᠭᠠ ᠲᠠᠢ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠦ ᠵᠦᠢᠯᠡᠰ ᠢ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠢ | ᠪᠠᠷ ᠲᠤᠭᠳᠠᠭᠠᠭᠳᠠᠵᠦ᠂ ᠪᠠᠭᠤᠷᠢ ᠶᠢᠨ ᠬᠠᠵᠠᠭᠤ ᠳᠤ ᠫᠠᠶᠢᠰᠠ ᠶᠢ ᠪᠤᠰᠬᠠᠵᠠᠢ᠃ ᠨᠤᠳᠤᠭ ᠤᠨ ᠬᠦᠮᠦᠰ ᠤᠨ ᠶᠠᠷᠢᠬᠤ | ᠪᠠᠷ ᠶᠠᠪᠠᠷᠠᠢ ᠠᠭᠤᠯᠠ ᠶᠢᠨ ᠦᠪᠦᠷ ᠪᠡᠯ ᠢᠶᠠᠷ ᠨᠡᠶᠢᠳᠡ ᠲᠦᠴᠢᠭᠡᠳ ᠭᠤᠤᠯ ᠲᠠᠢ᠂ ᠤᠯᠠᠩᠬᠢ ᠭᠤᠤᠯ ᠨᠢ ᠪᠦᠷ | ᠤᠰᠤ ᠪᠤᠯᠠᠭ ᠲᠠᠢ ᠪᠦᠭᠡᠳ ᠠᠮᠠᠨ ᠳᠤᠨᠢ ᠡᠷᠳᠡᠨ ᠤ ᠴᠡᠷᠢᠭ ᠲᠠᠶᠢᠨ ᠤ ᠰᠢᠪᠡᠭᠡ ᠴᠠᠶᠢᠵᠠ ᠲᠠᠢ ᠭᠡᠨᠡ᠃ ᠡᠬᠦᠨ ᠳᠤ | ᠪᠠᠭᠤᠬᠤ ᠶᠢᠨ ᠭᠤᠤᠯ ᠪᠤᠯ ᠡᠷᠳᠡᠨ ᠠᠴᠠ ᠡᠳᠦᠭᠡ ᠪᠤᠯᠳᠠᠯᠠ ᠠᠭᠤᠯᠠ ᠶᠢ ᠬᠦᠨᠳᠡᠯᠡᠨ ᠲᠤᠭᠤᠯᠬᠤ ᠴᠢᠬᠤᠯᠠ ᠵᠠᠮ | ᠪᠤᠭᠤᠮᠳᠠ ᠪᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ ᠤᠳᠤ ᠡᠨᠡᠬᠦ ᠭᠤᠤᠯ ᠢᠶᠠᠷ ᠲᠤᠰᠤᠨ ᠵᠠᠮ ᠲᠡᠪᠢᠰᠴᠦ ᠰᠢᠭᠤᠳ ᠰᠢᠯᠢ ᠶᠢᠨ | ᠠᠷᠦ ᠳᠤ ᠪᠠᠶᠢᠭᠠ ᠡᠯᠳᠡᠮᠵᠢ ᠶᠢᠨ ᠭᠤᠤᠯ ᠳᠤ ᠨᠡᠪᠳᠡᠷᠡᠵᠡᠢ᠃ | ᠨᠠᠷᠠ ᠠᠭᠤᠯᠠᠨ ᠤᠷᠤᠢ ᠨᠠᠯᠠᠵᠠᠢ᠃ ᠪᠠᠭᠤᠬᠤ ᠶᠢᠨ ᠭᠤᠤᠯ ᠤᠨ ᠠᠮᠠ ᠪᠠᠷ ᠬᠦᠢᠳᠡᠨ ᠴᠢᠬᠢᠭᠯᠢᠭ ᠵᠢᠪᠠᠷ | ᠦᠯᠢᠶᠡᠬᠦ ᠰᠢᠭ᠂ ᠲᠠᠶᠢᠨ ᠤ ᠠᠭᠳᠠ ᠦᠤᠷᠰᠡᠵᠦ ᠴᠡᠷᠢᠭ ᠡᠷᠡᠰ ᠤᠤᠬᠠᠶᠢᠯᠠᠬᠤ ᠰᠢᠭ᠋᠂ ᠬᠦᠮᠦᠨ ᠠᠮᠢᠳᠠᠨ | ᠦᠢᠮᠡᠯᠳᠦᠵᠦ ᠵᠢᠳᠠ ᠰᠡᠯᠡᠮᠡ ᠬᠠᠷᠬᠢᠯᠳᠤᠨ ᠨᠤᠮᠤ ᠰᠤᠮᠤ ᠱᠤᠤᠬᠢᠬᠤ ᠰᠢᠭ᠋ ᠁ ᠠᠳᠡ ᠴᠤᠬᠤᠮ ᠶᠠᠭᠤ ᠪᠤᠯᠵᠦ | ᠦᠩᠭᠡᠷᠡᠭᠰᠡᠨ ᠪᠤᠯ︖ | ᠡᠷᠳᠡᠨ ᠤ ᠬᠤᠳᠠ ᠶᠢᠨ ᠪᠠᠭᠤᠷᠢ ᠲᠡᠤᠬᠡ ᠬᠠᠭᠤᠴᠢ ᠬᠦᠤᠷᠨᠢᠭ᠍ᠰᠡᠭᠡᠷ ᠬᠡᠪᠳᠡᠨᠡ ᠠᠵᠢ ᠁ | | | | | | | | | | | |