| ᠮᠠᠯ ᠤᠨ ᠲᠠᠮᠠᠭᠠ ᠶᠢᠨ ᠰᠣᠶᠣᠯ ᠪᠣᠯ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠣᠶᠣᠯ ᠤᠨ ᠨᠢᠭᠡᠨ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠨᠢ | ᠮᠥᠨ᠃ ᠮᠣᠩᠭᠤᠯᠴᠤᠳ ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠤᠨ ᠲᠤᠷᠰᠢ ᠮᠠᠯ ᠮᠡᠯᠵᠢᠵᠦ᠂ ᠬᠠᠲᠠᠭᠤᠵᠢᠯᠲᠠᠢ ᠪᠠᠷ ᠠᠵᠢᠯᠯᠠᠵᠤ | ᠢᠷᠡᠭᠰᠡᠨ ᠤ ᠳᠤᠮᠳᠠᠬᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠡᠵᠡᠩᠨᠡᠯᠲᠡ ᠶᠢᠨ ᠠᠷᠭᠠ ᠪᠠᠷᠢᠯ ᠢ ᠪᠠᠷᠢᠮᠲᠠᠯᠠᠭᠰᠠᠨ ᠰᠣᠶᠣᠯ ᠮᠥᠨ᠃ | ᠲᠡᠦᠬᠡ ᠰᠤᠳᠤᠷ ᠲᠤ ᠮᠠᠯ ᠤᠨ ᠲᠠᠮᠠᠭᠠ ᠶᠢᠨ ᠰᠣᠶᠣᠯ ᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠷᠢᠮᠲᠠ 4000 — 5000 ᠵᠢᠯ ᠤᠨ | ᠲᠡᠦᠬᠡ ᠲᠠᠢ ᠪᠣᠯᠵᠠᠢ᠃ ᠳᠠᠷᠤᠢ ᠲᠥᠪ ᠠᠽᠢᠶᠠ᠂ ᠳᠤᠮᠳᠠᠳᠤ ᠠᠽᠢᠶᠠ ᠶᠢᠨ ᠨᠤᠲᠤᠭ ᠢᠶᠠᠷ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠵᠤ | ᠢᠷᠡᠭᠰᠡᠨ ᠮᠣᠩᠭᠤᠯᠴᠤᠳ ᠤᠨ ᠮᠠᠰᠢ ᠡᠷᠲᠡᠨ ᠤ ᠲᠠᠮᠠᠭᠠᠨ ᠲᠡᠦᠬᠡ ᠶᠢ ᠰᠤᠳᠤᠷ ᠪᠢᠴᠢᠭ ᠤᠳ ᠲᠤ ᠲᠡᠮᠳᠡᠭᠯᠡᠵᠦ ᠪᠤᠢ᠃ | ᠲᠠᠮᠠᠭᠠ ᠭᠡᠳᠡᠭ ᠪᠣᠯ ᠣᠳᠣᠨ ᠭᠠᠷᠠᠭ᠂ ᠬᠥᠮᠦᠨ ᠠᠮᠢᠲᠠᠨ᠂ ᠡᠪᠡᠰᠦ ᠤᠷᠭᠤᠮᠠᠯ᠂ ᠡᠳ᠋ ᠶᠠᠭᠤᠮᠠ ᠶᠢᠨ ᠬᠡᠪ | ᠵᠠᠭᠪᠤᠷ ᠢ ᠳᠠᠭᠤᠷᠢᠶᠠᠨ ᠵᠣᠬᠢᠶᠠᠭᠰᠠᠨ ᠲᠡᠮᠦᠷ ᠢᠶᠠᠷ ᠦᠢᠯᠡᠳᠦᠭᠰᠡᠨ ᠪᠠᠭᠠᠵᠢ ᠮᠥᠨ ︵ᠡᠷᠲᠡᠨ ᠳᠡᠭᠡᠨ ᠬᠦᠷᠡᠯ ᠢᠶᠠᠷ | ᠦᠢᠯᠡᠳᠴᠦ ᠪᠠᠶᠢᠪᠠ︶᠃ ᠮᠠᠯᠴᠢᠳ ᠲᠠᠮᠠᠭᠠ ᠪᠠᠷ ᠢᠶᠠᠨ ᠥᠪᠡᠷ ᠤᠨ ᠮᠠᠯ ᠢᠶᠠᠨ ᠪᠤᠰᠤᠳ ᠤᠨ ᠮᠠᠯ ᠠᠴᠠ | ᠢᠯᠭᠠᠪᠤᠷᠢᠯᠠᠬᠤ ᠭᠠᠷ ᠲᠡᠮᠳᠡᠭ ᠪᠣᠯᠭᠠᠳᠠᠭ᠃ ᠮᠣᠩᠭᠤᠯᠴᠤᠳ ᠶᠡᠭᠡ ᠡᠷᠲᠡᠨ ᠠᠴᠠ ᠠᠪᠤᠭᠠᠳ ᠥᠪᠡᠷ ᠤᠨ ᠮᠠᠯ ᠢᠶᠠᠨ | ᠥᠩᠭᠡ ᠵᠢᠰᠦᠮ᠂ ᠣᠨᠴᠠᠯᠢᠭ ᠰᠢᠨᠵᠢ ᠪᠠᠷ ᠨᠢ ᠢᠯᠭᠠᠨ ᠲᠠᠨᠢᠵᠤ ᠪᠦᠷᠢᠳᠬᠡᠳᠡᠭ ᠪᠣᠯᠪᠠᠴᠤ ᠠᠯᠳᠠᠭᠰᠠᠨ ᠭᠡᠭᠡᠭᠰᠡᠨ | ᠪᠤᠶᠤ ᠪᠤᠰᠤᠳ ᠤᠨ ᠰᠦᠷᠦᠭ ᠲᠤ ᠨᠡᠶᠢᠯᠡᠭᠰᠡᠨ ᠮᠠᠯ ᠢᠶᠠᠨ ᠲᠠᠨᠢᠵᠤ ᠠᠪᠬᠤ ᠳᠠᠭᠠᠨ ᠢᠮ ᠲᠠᠮᠠᠭᠠ ᠪᠠᠷ ᠨᠢ | ᠬᠠᠤᠯᠢ ᠶᠢᠨ ᠬᠡᠷᠠᠴᠢ ᠪᠣᠯᠭᠠᠳᠠᠭ ᠪᠢᠯᠡ᠃ ᠲᠡᠶᠢᠮᠦ ᠠᠴᠠ ︽ᠠᠯᠳᠠ ᠪᠡᠶᠡ ᠳᠤ ᠠᠮᠠ ᠭᠡᠷᠡᠴᠢ᠂ ᠠᠳᠤᠭᠤ ᠮᠠᠯ ᠳᠤ | ᠲᠠᠮᠠᠭᠠ ᠭᠡᠷᠡᠴᠢ︾ ᠭᠡᠳᠡᠭ᠃ ᠲᠠᠮᠠᠭᠠ ᠨᠢ ᠬᠠᠤᠯᠢ ᠪᠠᠷ ᠪᠠᠲᠤᠯᠠᠬᠤ ᠭᠡᠷᠡᠴᠢ ᠪᠠᠷᠢᠮᠲᠠ ᠪᠣᠯᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠮ᠂ | ᠮᠠᠯ ᠤᠨ ᠡᠩᠬᠡ ᠮᠡᠨᠳᠦ ᠶᠢ ᠢᠪᠡᠭᠡᠬᠦ᠂ ᠥᠨᠢᠷ ᠥᠰᠬᠦ ᠶᠢ ᠰᠣᠶᠣᠷᠬᠠᠬᠤ ᠷᠢᠳᠢ ᠰᠢᠳᠢ ᠲᠠᠢ ᠪᠡᠯᠭᠡ ᠲᠡᠮᠳᠡᠭ ᠬᠡᠮᠡᠨ | ᠦᠵᠡᠳᠡᠭ᠃ ᠮᠠᠯ ᠲᠠᠮᠠᠭᠠᠯᠠᠬᠤ ᠳᠤ ᠡᠬᠢᠨ ᠤ ᠲᠠᠮᠠᠭᠠ ᠶᠢ ᠵᠠᠪᠠᠯ ᠭᠡᠷ ᠤᠨ ᠡᠵᠡᠨ ᠨᠢ ᠤᠷᠢᠳᠠᠪᠠᠷ ᠳᠠᠷᠤᠬᠤ ᠪᠤᠶᠤ | ᠠᠶᠢᠯ ᠰᠠᠭᠠᠬᠠᠯᠲᠠ ᠳᠠᠭᠠᠨ ᠬᠦᠨᠳᠦᠲᠡᠢ᠂ ᠠᠳᠤᠭᠤ ᠮᠠᠯ ᠳᠠᠭᠠᠨ ᠬᠠᠶᠢᠷᠠᠲᠠᠢ ᠨᠠᠰᠤᠲᠠᠨ ᠢ ᠤᠷᠢᠵᠤ ᠳᠠᠷᠤᠭᠤᠯᠳᠠᠭ᠃ | ᠠᠳᠤᠭᠤ ᠲᠠᠮᠠᠭᠠᠯᠠᠬᠤ ᠳᠤ ᠶᠡᠷᠦᠩᠬᠡᠢ ᠳᠡᠭᠡᠨ ᠬᠠᠪᠤᠷ ᠤᠨ ᠠᠳᠤᠭᠤ ᠲᠠᠮᠠᠭᠠᠯᠠᠬᠤ ᠶᠢ ᠲᠣᠬᠢᠶᠠᠯᠳᠤᠭᠤᠯᠤᠨᠠ᠃ | ᠠᠳᠤᠭᠤᠨ ᠳᠤ ᠲᠠᠮᠠᠭᠠ ᠳᠠᠷᠤᠬᠤ ᠳᠠᠭᠠᠨ ᠲᠠᠮᠠᠭᠠᠯᠠᠬᠤ ᠭᠠᠵᠠᠷ ᠤᠨ ᠬᠢᠨᠢ ᠦᠰᠦ ᠶᠢ ᠬᠠᠶᠢᠴᠢᠯᠠᠬᠤ ᠪᠤᠶᠤ ᠤᠰᠤ ᠪᠠᠷ | ᠨᠣᠷᠤᠭᠠᠭᠰᠠᠨ ᠤ ᠳᠠᠷᠠᠭᠠ ᠬᠠᠯᠠᠭᠤᠨ ᠲᠠᠮᠠᠭᠠ ᠪᠠᠨ ᠡᠪ ᠲᠣᠬᠢᠲᠠᠢ ᠳᠠᠷᠤᠳᠠᠭ᠃ ᠲᠠᠮᠠᠭᠠ ᠶᠢ ᠠᠷᠭᠠᠯ ᠤᠨ ᠭᠠᠯ ᠢᠶᠠᠷ | ᠬᠠᠯᠠᠭᠠᠵᠤ ᠬᠡᠳᠣ ᠤᠯᠠᠶᠢᠯᠠᠭᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠮᠣᠷᠢᠨ ᠤ ᠬᠠ ᠳᠡᠭᠡᠷᠡ ᠲᠠᠮᠠᠭᠠ ᠳᠠᠷᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠠᠳᠤᠭᠤ ᠶᠢ ᠵᠥᠪᠲᠡᠢ ᠲᠠᠯᠠ ᠶᠢᠨ ᠭᠤᠶᠠ ᠪᠤᠶᠤ ᠲᠠᠰᠢᠶᠠ ᠳᠤᠨᠢ ᠲᠠᠮᠠᠭᠠᠯᠠᠨᠠ᠃ ᠮᠣᠩᠭᠤᠯᠴᠤᠳ ᠵᠥᠪ ᠲᠠᠯᠠ ᠳᠤᠨᠢ | ᠲᠠᠮᠠᠭᠠᠯᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ ᠨᠢ ᠨᠠᠷᠠᠨ ᠵᠥᠪ ᠡᠷᠭᠢᠬᠦ ᠶᠣᠰᠣ ᠶᠢ ᠳᠡᠭᠡᠳᠦᠯᠡᠵᠦ᠂ ᠵᠥᠪ ᠲᠠᠯᠠ ᠶᠢ ᠪᠡᠯᠭᠡ ᠲᠠᠢ ᠭᠡᠵᠦ | ᠦᠵᠡᠳᠡᠭ ᠲᠠᠢ ᠨᠢ ᠬᠤᠯᠪᠣᠭᠳᠠᠬᠤ ᠪᠥᠭᠡᠳ ᠬᠥᠳᠡᠯᠮᠦᠷᠢ ᠶᠢᠨ ᠵᠠᠩᠰᠢᠯ ᠳᠠᠳᠬᠠᠯ ᠲᠠᠢ ᠨᠢ ᠴᠣ᠋ ᠬᠤᠯᠪᠣᠭᠠᠲᠠᠢ᠃ | ᠲᠠᠮᠠᠭᠠ ᠶᠢᠨ ᠲᠣᠭᠤᠷᠢᠭ ᠤᠨ ᠬᠡᠮᠵᠢᠶᠡ ᠨᠢ ᠴᠠᠢ ᠶᠢᠨ ᠴᠣᠮᠣ ᠴᠢᠨᠡᠭᠡᠨ ᠪᠠᠶᠢᠳᠠᠭ᠃ ᠪᠣᠭ ᠮᠠᠯ ᠳᠤ ᠬᠡᠷᠡᠭᠯᠡᠬᠦ | ᠲᠠᠮᠠᠭᠠ ᠶᠢᠨ ᠬᠡᠯᠪᠡᠷᠢ ᠨᠢ ᠮᠠᠰᠢ ᠣᠯᠠᠨ ᠵᠦᠢᠯ ᠪᠠᠶᠢᠳᠠᠭ ᠴᠣ᠋ ᠶᠡᠭᠡ ᠪᠠᠭᠠ ᠨᠢ ᠶᠡᠷᠦ ᠳᠡᠭᠡᠨ ᠬᠤᠷᠤᠭᠤᠨ ᠥᠨᠳᠡᠭᠡᠨ | ᠬᠢᠷᠢᠲᠡᠢ ᠯᠠ ᠪᠠᠶᠢᠳᠠᠭ᠃ ᠪᠣᠭ ᠮᠠᠯ ᠢ ᠠᠯᠢ ᠤᠯᠠᠷᠢᠯ ᠳᠤ ᠴᠣ᠋ ᠲᠠᠮᠠᠭᠠᠯᠠᠵᠤ ᠪᠣᠯᠳᠠᠭ᠃ ᠭᠡᠪᠡᠴᠦ ᠥᠯᠵᠡᠢ | ᠪᠡᠯᠭᠡ ᠲᠠᠢ ᠰᠠᠶᠢᠬᠠᠨ ᠡᠳᠦᠷ ᠢ ᠰᠣᠩᠭᠤᠳᠠᠭ ᠶᠤᠮ᠃ ᠡᠪᠡᠷ ᠪᠤᠶᠤ ᠴᠢᠬᠢ ᠳᠡᠭᠡᠷᠡ ᠨᠢ ᠲᠠᠮᠠᠭᠠᠯᠠᠨᠠ᠃ ᠲᠠᠮᠠᠭᠠ ᠶᠢᠨ | ᠲᠣᠯᠣᠭᠠᠢ ᠲᠠᠯᠠ ᠶᠢ ᠵᠠᠪᠠᠯ ᠮᠠᠯ ᠤᠨ ᠲᠣᠯᠣᠭᠠᠢ ᠲᠠᠰᠢ ᠡᠰᠡᠬᠦᠯᠡ ᠨᠢᠷᠤᠭᠤ ᠲᠡᠰᠢ ᠬᠠᠨᠳᠤᠭᠤᠯᠤᠨ ᠳᠠᠷᠤᠳᠠᠭ | ᠶᠣᠰᠣᠲᠠᠢ᠃ ᠮᠣᠩᠭᠤᠯᠴᠤᠳ ᠮᠠᠯ ᠤᠨ ᠲᠠᠮᠠᠭᠠ ᠶᠢ ᠬᠦᠨᠳᠦᠳᠬᠡᠨ ᠦᠵᠡᠳᠡᠭ᠃ ᠡᠩ ᠤᠨ ᠦᠶᠡ ᠳᠤ ᠮᠠᠯ ᠤᠨ | ᠲᠠᠮᠠᠭᠠ ᠶᠢ ᠬᠠᠳᠠᠭᠠᠯᠠᠬᠤ ᠳᠠᠭᠠᠨ ᠡᠰᠢᠨ ᠳᠤᠨᠢ ᠬᠠᠳᠠᠭ ᠤᠶᠠᠵᠤ ᠤᠨᠢ ᠳᠤ ᠬᠠᠪᠴᠢᠭᠤᠯᠬᠤ ᠪᠤᠶᠤ ᠬᠠᠨᠠ ᠶᠢᠨ | ᠲᠣᠯᠣᠭᠠᠢ ᠳᠤ ᠡᠯᠭᠦᠨᠡ᠃ ᠬᠤᠳᠠᠯᠳᠤᠭᠰᠠᠨ ᠮᠠᠯ ᠤᠨ ᠢᠶᠠᠨ ᠨᠣᠣᠰᠣ᠂ ᠳᠡᠯ᠂ ᠰᠡᠭᠦᠯ ᠠᠴᠠ ᠠᠪᠴᠤ ᠲᠠᠮᠠᠭᠠᠨ ᠤ | ᠪᠠᠷᠢᠭᠤᠯ ᠳᠤ ᠤᠶᠠᠳᠠᠭ᠃ ᠲᠠᠮᠠᠭᠠᠨ ᠤ ᠳᠡᠭᠡᠭᠦᠷ ᠠᠯᠬᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠲᠠᠮᠠᠭᠠᠨ ᠤ ᠲᠣᠯᠣᠭᠠᠢ ᠶᠢ | ᠳᠣᠭᠤᠭᠰᠢ ᠬᠠᠨᠳᠤᠭᠤᠯᠬᠤ ᠪᠤᠶᠤ ᠭᠠᠵᠠᠷ ᠳᠠᠷᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠠᠯ ᠢᠶᠠᠨ ᠲᠠᠮᠠᠭᠠᠯᠠᠵᠤ ᠪᠠᠷᠠᠪᠠᠯ᠄ ︽ | ᠲᠠᠮᠠᠭᠠᠯᠠᠭᠰᠠᠨ ᠮᠡᠯ ᠮᠢᠨᠢ ᠲᠠᠯᠠ ᠳᠦᠭᠦᠷᠴᠦ᠂ ᠲᠡᠮᠳᠡᠭᠯᠡᠭᠰᠡᠨ ᠮᠡᠯ ᠮᠢᠨᠢ ᠲᠩᠷᠢ ᠶᠢᠨ ᠣᠳᠣ ᠪᠣᠯᠤᠭ︕︾ ᠭᠡᠵᠦ | ᠪᠡᠯᠭᠡᠳᠡᠭᠡᠳ ᠰᠦᠷᠦᠭ ᠤᠨ ᠡᠵᠡᠨ ᠨᠢ ᠨᠠᠶᠢᠷᠯᠠᠳᠠᠭ ᠪᠠᠶᠢᠭᠰᠠᠨ ᠵᠠᠩᠰᠢᠯ ᠲᠠᠢ᠃ ᠪᠢᠳᠡ ᠮᠠᠯ ᠤᠨ ᠲᠠᠮᠠᠭᠠᠨ ᠰᠣᠶᠣᠯ ᠢ | ᠮᠣᠩᠭᠤᠯ ᠰᠣᠶᠣᠯ ᠤᠨ ᠢᠶᠠᠨ ᠴᠢᠬᠤᠯᠠ ᠨᠢᠭᠡ ᠪᠦᠷᠢᠯᠳᠦᠬᠦᠨ ᠢᠶᠠᠷ ᠲᠠᠨᠢᠵᠤ᠂ ᠵᠠᠯᠭᠠᠮᠵᠢᠯᠠᠨ ᠳᠡᠯᠭᠡᠷᠡᠭᠦᠯᠬᠦ ᠬᠡᠷᠡᠭᠲᠡᠢ | ᠪᠠᠶᠢᠨᠠ᠃ ᠡᠨᠡ ᠪᠣᠯ ᠦᠢ ᠣᠯᠠᠨ ᠮᠠᠯᠴᠢᠳ ᠤᠨ ᠮᠠᠨᠢ ᠥᠪᠡᠷ ᠤᠨ ᠬᠢᠨᠢ ᠶᠠᠪᠤᠳᠠᠯ ᠮᠥᠨ᠃ ᠥᠪᠡᠷ ᠤᠨ | ᠶᠠᠪᠤᠳᠠᠯ ᠢᠶᠠᠨ ᠥᠪᠡᠷ ᠢᠶᠠᠨ ᠬᠢᠬᠦ ᠦᠭᠡᠢ ᠥᠭᠡᠷᠡ ᠬᠡᠨ ᠬᠢᠬᠦ ᠪᠤᠢ︖ ᠲᠡᠭᠡᠬᠦ ᠳᠤ ᠣᠳᠣ ᠬᠠᠷᠢᠨ ᠲᠠᠪᠤᠨ | ᠬᠤᠰᠢᠭᠤ ᠮᠠᠯ ᠳᠠᠭᠠᠨ ᠥᠩᠭᠡ ᠪᠤᠳᠤᠭ ᠬᠤᠯᠢᠵᠤ ᠲᠣᠯᠣᠭᠠᠢ ᠲᠦᠷᠣᠭᠦᠣ ᠦᠬᠡᠢ ᠪᠤᠵᠠᠷᠲᠤᠭᠤᠯᠵᠤ ᠯᠠ ᠪᠠᠶᠢᠨᠠ᠃ | ᠮᠠᠯ ᠤᠨ ᠵᠢᠰᠦᠮ ᠳᠤ ᠥᠩᠭᠡ ᠪᠤᠳᠤᠭ ᠲᠠᠯᠪᠢᠬᠤ ᠨᠢ ᠮᠠᠯ ᠤᠨ ᠤᠩᠭᠠᠰᠤ ᠨᠣᠣᠰᠣᠨ ᠳᠤ ᠨᠥᠯᠥᠭᠡ ᠲᠠᠢ ᠪᠠᠷ ᠦᠯᠦ | ᠪᠠᠷᠠᠮ᠂ ᠮᠠᠯ ᠤᠨ ᠦᠩᠬᠡ ᠰᠦᠯᠳᠡ ᠶᠢ ᠴᠣ᠋ ᠦᠵᠡᠮᠦᠷᠢ ᠦᠭᠡᠢ ᠪᠣᠯᠭᠠᠳᠠᠭ ᠶᠤᠮ᠃ | ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ | ᠰᠦᠯᠵᠢᠶᠡ |