| ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡ ᠪᠠᠷ ᠪᠦᠷᠢᠯᠳᠦᠵᠤ ᠲᠤᠭᠲᠠᠭᠰᠠᠨ ᠬᠤᠤᠱᠤᠳ ᠠᠶᠢᠮᠠᠭ ᠨᠢ | ᠬᠠᠪᠤᠳᠤ ᠬᠠᠰᠠᠷ ᠤᠨ ᠨᠠᠢᠮᠠᠳᠤᠭᠠᠷ ᠦᠶᠠ ᠶᠢᠨ ᠠᠴᠢ ᠦᠷᠦᠭᠳᠡᠮᠦᠷ ᠦᠪᠡᠷ ᠤᠨ ᠬᠠᠷᠢᠶᠠᠳᠤ ᠬᠤᠷᠴᠢᠨ ᠤ ᠨᠢᠭᠡ | ᠰᠠᠯᠠᠭᠠ ᠶᠢ ᠳᠠᠭᠠᠭᠤᠯᠵᠦ ᠪᠠᠷᠠᠭᠤᠨᠰᠢ ᠨᠡᠬᠦᠵᠦ ᠳᠦᠷᠪᠡᠨ ᠤᠶᠢᠷᠠᠳ ᠤᠨ ᠨᠢᠭᠡ ᠪᠤᠯᠬᠤ ᠬᠤᠱᠤᠳ ᠪᠤᠯᠪᠠ᠃ | ᠬᠢᠲᠠᠳ ᠰᠤᠷᠪᠤᠯᠵᠢ ︽ᠬᠠᠭᠠᠨᠳᠤ ᠲᠦᠷᠦ ᠶᠢᠨ ᠭᠠᠳᠠᠭᠠᠳᠤ ᠴᠢᠬᠤᠯᠠ ᠪᠤᠳᠤᠯᠭᠠ︾ ᠭᠡᠳᠡᠭ ᠪᠢᠴᠢᠭ ᠲᠤ᠄ ︽ | ᠦᠭᠡᠯᠡᠳ ᠤᠳ ᠢᠨᠤ ᠠ ᠠᠶᠢᠮᠠᠭ ᠪᠦᠯᠦᠭᠡ᠃ ᠲᠡᠭᠦᠨ ᠤ ᠨᠢᠭᠡ ᠢᠨᠤ ᠬᠤᠱᠤᠳ᠂ ᠪᠤᠷᠵᠢᠭᠡᠨ ᠤᠪᠤᠭᠲᠠᠢ᠂ | ᠶᠤᠸᠠᠨ ᠲᠠᠶᠢᠽᠤ ᠶᠢᠨ ᠳᠡᠭᠦᠦ ᠬᠠᠪᠤᠳᠤ ᠬᠠᠰᠠᠷ ᠤᠨ ᠦᠷᠡᠳᠤᠰ᠂ ᠬᠠᠪᠤᠳᠤ ᠬᠠᠰᠠᠷ ᠤᠨ ᠳᠤᠯᠤᠳᠤᠭᠠᠷ ᠦᠶᠡ ᠶᠢᠨ | ᠠᠴᠢ ᠢᠨᠤ ᠠᠭᠰᠠᠭᠠᠯᠲᠠᠢ᠂ ᠲᠡᠭᠦᠨ ᠤ ᠬᠤᠶᠠᠷ ᠬᠦᠪᠡᠭᠦᠨ ᠪᠤᠢ᠂ ᠶᠡᠭᠡ ᠢᠨᠤ ᠠᠷᠣᠭᠲᠠᠮᠤᠷ᠂ ᠪᠠᠭᠠ ᠢᠨᠤ | ᠦᠷᠦᠭᠲᠡᠮᠦᠷ᠂ ᠬᠤᠱᠤᠳ ᠤᠨ ᠳᠡᠭᠡᠳᠤ ᠪᠤᠯᠠᠢ︾ ᠭᠡᠵᠠᠢ᠃ ᠡᠭᠦᠨ ᠳᠤ ᠬᠤᠱᠣᠳ ᠢᠵᠠᠭᠤᠷᠲᠠᠨ ᠪᠤᠷᠵᠢᠭᠡᠨ | ᠤᠪᠤᠭᠲᠠᠢ ᠭᠡᠰᠡᠨ ᠢ ᠲᠤᠳᠤᠷᠬᠠᠶᠢᠯᠠᠪᠠ᠃ ︽ᠡᠷᠲᠡᠨ ᠤ ᠮᠤᠩᠭᠤᠯ ᠤᠨ ᠬᠠᠭᠠᠳ ᠤᠨ ᠦᠨᠳᠦᠰᠦᠨ ᠤ ᠶᠡᠭᠡ ᠰᠢᠷᠠ | ᠲᠤᠭᠤᠵᠢ ᠣᠷᠣᠰᠢᠪᠠ︾ ᠭᠡᠳᠡᠭ ᠨᠤᠮ ᠳᠤ ᠬᠤᠱᠣᠳ ᠤᠨ ᠲᠤᠬᠠᠢ ᠲᠡᠮᠳᠡᠭᠯᠡᠬᠦ ᠳᠡᠭᠡᠨ᠄ ︽ᠨᠠᠬᠤᠷ ᠦᠢᠵᠠᠩ ᠤᠨ | ᠡᠴᠢᠭᠡ ᠢᠨᠤ ᠶᠠᠳᠡᠢ᠂ ᠡᠭᠡ ᠢᠨᠤ ᠠᠬᠠᠶᠢᠬᠠᠨ ᠬᠠᠳᠤᠨ᠂ ᠶᠠᠳᠠᠢ ᠶᠢ ᠦᠬᠦᠭᠰᠡᠨ ᠤ ᠬᠤᠶᠢᠨᠠ ᠬᠠᠨᠢ ᠠᠴᠠ | ᠲᠦᠷᠦᠭᠰᠠᠨ ᠪᠠᠶᠢᠪᠠᠭᠠᠰ ᠬᠤᠶᠠᠭᠤᠯᠠ ᠪᠤᠢ᠃ ᠦᠵᠢᠶᠡᠳ ᠤᠪᠤᠭ ᠲᠠᠢ︾ ᠭᠡᠵᠠᠢ᠃ ᠬᠠᠰᠠᠷ ᠤᠨ ᠠᠷᠪᠠᠨ | ᠲᠠᠪᠤᠳᠤᠭᠠᠷ ᠦᠶᠡ ᠶᠢᠨ ᠬᠦᠰᠦᠢ ᠳᠤ ᠤᠪᠠᠭ ᠴᠢᠩᠰᠠᠩ᠂ ᠪᠤᠪᠠᠢ ᠮᠢᠷᠵᠡ ᠭᠡᠳᠡᠭ ᠬᠤᠶᠠᠷ ᠬᠦᠪᠡᠭᠦᠨ ᠲᠠᠢ ᠪᠠᠶᠢᠵᠠᠢ | ᠃ ᠶᠠᠳᠠᠢ ᠪᠤᠯ ᠤᠪᠠᠭ ᠴᠢᠩᠰᠠᠩ ᠤᠨ ᠬᠦᠪᠡᠭᠦᠨ᠂ ᠬᠠᠨᠢ ᠭᠡᠭᠴᠢ ᠨᠢ ᠪᠤᠪᠠᠢ ᠮᠢᠷᠴᠠ ᠤᠨ ᠬᠦᠪᠡᠭᠦᠨ᠂ ᠲᠡᠭᠦᠨ ᠢ | ᠪᠠᠰᠠ ᠨᠤᠶᠠᠨ ᠬᠤᠩᠭᠤᠷ᠂ ᠬᠠᠨᠢ ᠬᠤᠩᠭᠤᠷ ᠨᠤᠶᠠᠨ ᠭᠡᠵᠤ ᠳᠠᠭᠤᠳᠠᠳᠠᠭ᠃ ᠶᠠᠳᠠᠢ ᠲᠠᠶᠢᠵᠢ ᠪᠤᠯᠤᠨ ᠬᠠᠨᠢ | ᠬᠤᠩᠭᠤᠷ ᠨᠤᠶᠠᠨ ᠬᠤᠶᠠᠷ ᠪᠤᠯ ᠦᠶᠡᠯᠢᠳ ᠠᠬᠠ ᠳᠡᠬᠦᠦ ᠪᠦᠭᠡᠳ ᠬᠠᠰᠠᠷ ᠤᠨ ᠠᠷᠪᠠᠨ ᠳᠣᠯᠣᠳᠣᠭᠠᠷ ᠦᠶᠡ ᠶᠢᠨ | ᠠᠴᠢ ᠪᠤᠯᠤᠨᠠ᠃ ᠲᠡᠶᠢᠮᠤ ᠶᠢᠨ ᠲᠤᠯᠠ ᠬᠤᠱᠣᠳ ᠤᠨ ᠹᠸᠤᠳᠠᠯ ᠢᠵᠠᠭᠤᠷᠲᠠᠨ ᠨᠠᠷ ᠪᠦᠷ ᠯᠡ ᠪᠤᠷᠵᠢᠭᠡᠨ | ᠤᠪᠤᠭᠲᠠᠨ ᠪᠤᠯᠬᠤ ᠶᠤᠮ᠃ | ᠮᠤᠩᠭᠤᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠤᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠪᠡᠯ᠂ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠡ | ᠂ ᠵᠡᠭᠦᠨ ᠬᠤᠶᠢᠳᠤ ᠶᠢᠨ ᠭᠠᠵᠠᠷ ᠤᠷᠤᠨ ᠳᠤ ᠦᠵᠢᠶᠡᠳ ᠭᠡᠬᠦ ᠠᠶᠢᠮᠠᠭ ᠪᠠᠶᠢᠵᠤ ᠲᠡᠭᠦᠨ ᠢ ᠪᠠᠰᠠ ︽ᠦᠯᠭᠡᠶᠢᠨ | ᠵᠢᠷᠭᠤᠭᠠᠨ ᠮᠢᠩᠭᠠᠨ ᠦᠵᠢᠶᠡᠳ︾ ᠭᠡᠳᠡᠭ᠃ ᠡᠨᠡ ᠨᠢ ᠳᠠᠷᠤᠢ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠦᠪᠦᠷ ᠲᠠᠯᠠ ᠳᠤ | ᠨᠤᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠦᠵᠢᠶᠡᠳ ᠪᠤᠯᠤᠨᠠ᠃ ᠵᠠᠷᠢᠮ ᠰᠤᠷᠪᠤᠯᠵᠢ ᠳᠤ᠄ ︽ᠤᠳᠴᠢᠭᠢᠨ ᠤ ᠤᠯᠤᠰ︾ ᠭᠡᠵᠤ | ᠲᠤᠳᠤᠷᠬᠠᠶᠢᠯᠠᠳᠠᠭ᠃ ᠮᠡᠳᠡᠭᠡᠵᠢ ᠢᠶᠠᠷ ᠶᠤᠸᠠᠨ ᠣᠯᠤᠰ ᠤᠨ ᠦᠶᠡ ᠳᠤ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠵᠡᠭᠦᠨ ᠳᠠᠬᠢ ᠭᠠᠵᠠᠷ | ᠤᠷᠤᠨ ᠪᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠤᠳᠬᠤᠨ ᠳᠡᠭᠦᠦ ᠤᠳᠴᠢᠭᠢᠨ ᠨᠤᠶᠠᠨ ᠤ ᠬᠤᠶᠢᠴᠢᠰ ᠪᠤᠯᠬᠤ ᠯᠢᠶᠤᠤ ᠸᠠᠩ ᠤᠨ | ᠬᠠᠷᠢᠶᠠ ᠨᠤᠳᠤᠭ ᠪᠠᠶᠢᠭᠰᠠᠨ᠃ ᠮᠢᠩ ᠤᠯᠤᠰ ᠤᠨ ᠡᠬᠢ ᠪᠠᠷ ᠵᠡᠭᠦᠨ ᠬᠤᠶᠢᠳᠤ ᠶᠢᠨ ᠭᠠᠵᠠᠷ ᠤᠷᠢᠶᠠᠩᠬᠠᠢ ᠭᠤᠷᠪᠠᠨ | ᠬᠠᠷᠠᠭᠤᠯ ᠪᠠᠶᠢᠭᠤᠯᠬᠤ ᠦᠶᠡᠰ ᠲᠠᠶᠢᠨᠢᠩ ᠬᠠᠷᠠᠭᠤᠯ ᠤᠨ ᠮᠡᠳᠡᠭᠴᠢ ᠲᠦᠰᠢᠮᠡᠯ ᠯᠢᠶᠤᠤ ᠸᠠᠩ ᠠᠵᠢᠰᠢᠷ ᠪᠠᠶᠢᠵᠠᠢ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠲᠤᠶᠤᠨ ᠬᠠᠷᠠᠭᠤᠯ ᠢ ︽ᠤᠷᠢᠶᠠᠩᠬᠤᠢ︾᠂ ᠲᠠᠶᠢᠨᠢᠩ ᠬᠠᠷᠠᠭᠤᠯ ᠢ ︽ᠤᠩᠨᠢᠭᠤᠳ︾ | ᠭᠡᠳ ᠹᠦ᠋ ᠢᠤᠢ ᠬᠠᠷᠠᠭᠤᠯ ᠢ ︽ᠦᠵᠢᠶᠡᠳ︾ ᠭᠡᠵᠤ ᠲᠣᠰ ᠲᠣᠰ ᠨᠡᠷᠡᠯᠡᠨ ᠳᠠᠭᠤᠳᠠᠳᠠᠭ ᠪᠠᠶᠢᠭᠰᠠᠨ ᠪᠦᠭᠡᠳ | ᠭᠤᠷᠪᠠᠨ ᠬᠠᠷᠠᠭᠤᠯ ᠤᠨ ᠬᠦᠮᠦᠰ ᠨᠢ ᠪᠦᠷ ᠳᠡᠭᠡᠷᠡ ᠳᠣᠷᠠᠳᠤᠭᠰᠠᠨ ᠠᠶᠢᠮᠠᠭ ᠤᠳ ᠤᠨ ᠬᠦᠮᠦᠰ ᠢᠶᠠᠷ | ᠪᠦᠷᠢᠯᠳᠦᠭᠰᠡᠨ ᠶᠤᠮ᠃ ᠦᠵᠢᠶᠡᠳ ᠠᠶᠢᠮᠠᠭ ᠪᠤᠯ ᠲᠡᠷᠡ ᠦᠶᠡ ᠶᠢᠨ ᠹᠦ᠋ ᠢᠤᠢ ᠬᠠᠷᠠᠭᠤᠯ ᠳᠤ ᠪᠠᠭᠲᠠᠬᠤ ᠮᠤᠩᠭᠤᠯ | ᠠᠶᠢᠮᠠᠭ ᠤᠨ ᠭᠤᠤᠯ ᠪᠦᠷᠢᠯᠳᠦᠭᠦᠨ ᠪᠤᠯᠬᠤ ᠶᠤᠮ᠃ ᠦᠵᠢᠶᠡᠳ ᠤᠪᠤᠭᠲᠠᠨ ᠨᠠᠷ ᠣᠳᠴᠢᠭᠢᠨ ᠤ ᠤᠯᠤᠰ ᠤᠨ | ᠢᠷᠭᠡᠨ ᠪᠠᠶᠢᠭᠰᠠᠨ ᠠᠴᠠ ᠬᠠᠰᠠᠷ ᠤᠨ ᠬᠠᠷᠢᠶᠠ ᠠᠶᠢᠮᠠᠭ ᠪᠤᠯᠵᠤ ᠬᠤᠪᠢᠷᠠᠭᠰᠠᠨ ᠨᠢ ᠪᠠᠰᠠ ᠲᠡᠭᠦᠨ ᠤ ᠰᠢᠯᠲᠠᠭᠠᠨ | ᠪᠤᠢ᠃ | ︽ᠶᠤᠸᠠᠨ ᠣᠯᠣᠰ ᠤᠨ ᠲᠠᠤᠬᠡ︾ ᠶᠢ ᠦᠨᠳᠦᠰᠦᠯᠪᠡᠯ᠄ 1328 ᠤᠨ ᠤ ᠣᠷᠴᠢᠮ ᠯᠢᠶᠤᠤ ᠸᠠᠩ ᠲᠤᠭᠲᠠᠬᠤ | ᠪᠠᠷ ᠲᠤᠷᠱᠠ ᠵᠡᠷᠭᠡ ᠬᠦᠮᠦᠰ ᠲᠠᠢ ᠰᠦᠯᠪᠡᠭᠡᠯᠡᠵᠤ ᠶᠤᠸᠠᠨ ᠤᠯᠤᠰ ᠤᠨ ᠲᠦᠷᠦ ᠵᠠᠰᠠᠭ ᠢ ᠡᠵᠡᠮᠰᠢᠵᠤ ᠪᠠᠶᠢᠭᠰᠠᠨ | ᠦᠶᠡᠰ᠂ ᠴᠢ ᠸᠠᠩ ᠶᠤᠯᠤᠲᠡᠮᠤᠷ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠲᠠᠶᠢᠳᠤ ᠬᠤᠲᠠ ᠶᠢ ᠪᠦᠰᠡᠯᠡᠵᠤ᠂ ᠲᠤᠭᠲᠠᠬᠤ ᠶᠢ ᠠᠯᠠᠨ | ᠵᠠᠯᠢᠬᠠᠢ ᠶᠢ ᠴᠡᠪᠡᠷᠯᠡᠭᠰᠡᠨ ᠠᠴᠠ ᠲᠠᠢ ᠲᠢᠩ ᠳ᠋ᠢ ᠶᠢᠰᠣᠨᠲᠡᠮᠣᠷ ᠬᠠᠭᠠᠨ ᠲᠦᠷᠦ ᠶᠢᠨ ᠡᠷᠬᠡ ᠶᠢ ᠪᠠᠳᠤ ᠡᠵᠡᠮᠰᠢᠵᠤ᠂ | ᠵᠠᠷᠯᠢᠭ ᠢᠶᠠᠷ ᠯᠢᠶᠤᠤ ᠸᠠᠩ ᠤᠨ ᠡᠵᠡᠮᠰᠢᠯ ᠳᠣᠣᠷᠠᠬᠢ ᠹᠦ᠋ ᠰᠢᠶᠠᠨ ᠤ ᠲᠤᠷᠤᠭᠠᠴᠢ ᠵᠠᠷᠭᠤᠴᠢ ᠨᠠᠷ ᠤᠨ ᠵᠡᠷᠭᠡ | ᠲᠣᠰᠢᠶᠠᠯ ᠢ ᠨᠢ ᠤᠭᠴᠠᠷᠠᠭᠤᠯᠵᠤ᠂ ᠶᠤᠯᠦᠲᠡᠮᠣᠷ ᠢ ᠶᠡᠭᠡ ᠪᠠᠷ ᠱᠠᠩᠨᠠᠭᠰᠠᠨ ᠭᠡᠬᠦ ᠲᠡᠮᠳᠡᠭᠯᠡᠯ ᠪᠤᠢ᠃ ᠲᠡᠷᠡ ᠴᠠᠭ | ᠠᠴᠠ ᠡᠬᠢᠯᠡᠨ ᠯᠢᠶᠤᠤ ᠸᠠᠩ ᠤᠨ ᠡᠵᠡᠮᠰᠢᠯ ᠤᠨ ᠬᠦᠴᠣᠨ ᠨᠢ ᠨᠢᠭᠡᠨᠲᠡ ᠰᠤᠯᠠᠷᠠᠨ ᠪᠠᠭᠤᠷᠠᠬᠤ ᠵᠦᠭ ᠲᠤ ᠬᠠᠨᠳᠤᠵᠤ | ᠂ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠡ ᠪᠤᠯᠬᠤ ᠳᠤ ᠵᠦᠪᠬᠡᠨ ᠲᠠᠶᠢᠨᠢᠩ ᠬᠠᠷᠠᠭᠤᠯ ᠢᠶᠠᠷ ᠭᠤᠤᠯ | ᠪᠤᠯᠭᠠᠭᠰᠠᠨ ᠵᠢᠵᠢᠭ ᠬᠡᠰᠡᠭ ᠭᠠᠵᠠᠷ ᠤᠷᠤᠨ ᠲᠡᠳᠤᠢ ᠯᠡ ᠦᠯᠡᠳᠡᠪᠡ᠃ ᠲᠡᠷᠡ ᠦᠶᠡ ᠳᠤ ᠬᠠᠰᠠᠷ ᠤᠨ ᠶᠢᠰᠦᠳᠦᠭᠡᠷ | ᠦᠶᠡ ᠶᠢᠨ ᠠᠴᠢ ᠦᠷᠦᠭᠲᠡᠮᠦᠷ ᠤᠨ ᠬᠠᠷᠢᠶᠠᠨ ᠳᠤ ᠦᠵᠢᠶᠡᠳ ᠬᠦᠮᠦᠨ ᠪᠠᠭᠲᠠᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠦᠵᠡᠪᠡᠯ | ᠦᠵᠢᠶᠡᠳ ᠠᠶᠢᠮᠠᠭ ᠤᠳᠴᠢᠭᠡᠨ ᠨᠤᠶᠠᠨ ᠤ ᠡᠵᠡᠮᠰᠢᠯ ᠠᠴᠠ ᠬᠠᠰᠠᠷ ᠤᠨ ᠬᠤᠶᠢᠴᠢᠰ ᠤᠨ ᠡᠵᠡᠮᠰᠢᠯ ᠳᠤ ᠤᠷᠤᠭᠰᠠᠨ | ᠨᠢ 15 ᠳ᠋ᠦ᠋ᠭᠠᠷ ᠵᠠᠭᠤᠨ ᠤ ᠭᠤᠴᠢᠭᠠᠳ ᠣᠨ ᠤ ᠡᠮᠦᠨᠡ ᠬᠤᠶᠢᠨᠠᠬᠢ ᠬᠡᠷᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠦᠵᠢᠶᠡᠳ ᠭᠤᠷᠪᠠᠨ ᠬᠠᠷᠠᠭᠤᠯ ᠤᠨ ᠭᠠᠵᠠᠷ ᠠᠴᠠ ᠰᠠᠯᠵᠤ ᠭᠤᠪᠢ ᠶᠢᠨ ᠪᠠᠷᠠᠭᠤᠨᠲᠠᠢ ᠨᠡᠭᠦᠵᠤ ᠤᠴᠢᠭᠰᠠᠨ ᠨᠢ | ᠮᠢᠩ ᠤᠯᠤᠰ ᠤᠨ ᠰᠢᠤᠸᠠᠨ ᠳ᠋ᠧ ᠶᠢᠨ ᠶᠢᠰᠦᠳᠦᠭᠡᠷ ᠤᠨ᠂ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ 1434 ᠤᠨ ᠳᠤ ᠲᠤᠭᠤᠨ | ᠲᠠᠶᠢᠱᠢ ᠠᠷᠤᠭᠲᠠᠢ ᠶᠢ ᠰᠦᠨᠦᠭᠡᠭᠰᠡᠨ ᠤ ᠳᠠᠷᠠᠭᠠᠬᠢ ᠣᠴᠢᠷ ᠶᠤᠮ᠃ ᠲᠤᠭᠤᠨ ᠪᠤᠯ ᠳᠦᠷᠪᠡᠨ ᠤᠶᠢᠷᠠᠳ ᠤᠨ ᠨᠢᠭᠡ | ᠪᠤᠯᠬᠤ ᠴᠤᠷᠤᠰ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠪᠠᠳᠤᠯᠠ ᠶᠢᠨ ᠬᠦᠪᠡᠭᠦᠨ᠃ 1433 ᠤᠨ ᠳᠤ ᠲᠤᠭᠤᠨ ᠶᠤᠸᠠᠨ | ᠤᠯᠤᠰ ᠤᠨ ᠬᠠᠭᠠᠨ ᠤ ᠦᠷᠡᠳᠦᠰ ᠲᠤᠭᠲᠠᠪᠤᠬᠠ ᠶᠢ ᠬᠠᠭᠠᠨ ᠡᠷᠭᠦᠵᠤ ᠠᠯᠲᠠᠨ ᠤᠷᠤᠭᠲᠠᠨ ᠤ ᠨᠡᠷᠡ ᠪᠠᠷ | ᠠᠷᠤᠭᠳᠠᠢ ᠶᠢ ᠳᠠᠶᠢᠯᠠᠵᠠᠢ᠃ 1434 ᠤᠨ ᠳᠤ ᠠᠷᠤᠭᠳᠠᠢ ᠲᠠᠶᠢᠱᠢ ᠤᠷᠢᠶᠠᠩᠬᠠᠢ ᠶᠢᠨ ᠭᠠᠵᠠᠷ ᠲᠤᠭᠤᠨ ᠳᠤ | ᠬᠢᠶᠠᠷᠲᠠᠯᠠ ᠴᠤᠬᠢᠭᠤᠯᠤᠭᠠᠳ ᠬᠦᠪᠡᠭᠦᠨ ᠪᠤᠯᠤᠨ ᠭᠤᠷᠪᠠᠨ ᠮᠢᠩᠭᠠᠨ ᠴᠡᠷᠢᠭ ᠲᠠᠢ ᠬᠠᠮᠳᠤ ᠮᠤᠨᠠ ᠠᠭᠤᠯᠠ ᠲᠡᠰᠢ | ᠵᠤᠭᠤᠳᠠᠪᠠ᠃ ᠲᠤᠭᠤᠨ ᠲᠠᠶᠢᠱᠢ ᠪᠤᠷᠪᠢᠳᠡᠨ ᠬᠦᠭᠡᠭᠡᠵᠤ᠂ ᠲᠤᠰ ᠵᠢᠯ ᠮᠣᠨᠠ ᠠᠭᠤᠯᠠ ︵ᠣᠳᠤ ᠶᠢᠨ ᠪᠤᠭᠤᠳᠤ | ᠬᠤᠲᠠ ᠶᠢᠨ ᠪᠠᠷᠠᠭᠤᠨᠲᠠᠢ︶᠃ ᠴᠠᠭᠠᠨ ᠨᠠᠭᠤᠷ ︵ᠤᠷᠳᠦᠰ ᠤᠨ ᠦᠤᠰᠢᠨ ᠬᠤᠰᠢᠭᠤᠨ ᠳᠤ ᠪᠤᠢ︶ ᠤᠷᠴᠢᠮ | ᠠᠷᠤᠭᠳᠠᠢ ᠲᠠᠶᠢᠱᠢ ᠶᠢ ᠠᠯᠵᠤ᠂ ᠭᠤᠷᠪᠠᠨ ᠬᠠᠷᠠᠭᠤᠯ ᠤᠨ ᠤᠯᠠᠨ ᠢ ᠳᠠᠶᠢᠴᠢᠯᠠᠨ ᠠᠷᠣᠭᠳᠠᠢ ᠶᠢᠨ ᠦᠯᠡᠳᠡᠭᠳᠡᠯ ᠢ | ᠪᠦᠷᠢᠨ ᠰᠦᠨᠦᠭᠡᠵᠠᠢ᠃ ᠡᠨᠡ ᠮᠡᠳᠤ ᠪᠠᠷ ᠠᠷᠤᠭᠳᠠᠢ ᠪᠤᠯᠤᠨ ᠲᠡᠭᠦᠨ ᠤ ᠬᠠᠮᠰᠠᠭᠠᠲᠠᠨ ᠢ ᠰᠦᠨᠦᠭᠡᠬᠦ ᠶᠠᠪᠤᠴᠠ ᠳᠤ | ᠲᠤᠭᠤᠨ ᠲᠠᠶᠢᠱᠢ ᠨᠢ ᠤᠷᠢᠶᠠᠩᠬᠠᠢ ᠭᠤᠷᠪᠠᠨ ᠬᠠᠷᠠᠭᠤᠯ ᠲᠠᠢ ᠡᠳᠤᠢ ᠲᠡᠳᠤᠢ ᠬᠠᠷᠢᠴᠠᠭᠠ ᠭᠠᠷᠪᠠ᠃ ᠡᠨᠡ | ᠬᠠᠷᠢᠴᠠᠭᠠᠨ ᠤ ᠳ᠋ᠦᠩ ᠳᠤ ᠬᠤᠱᠤᠳ ᠠᠶᠢᠮᠠᠭ ᠤᠶᠢᠷᠠᠳ ᠤᠨ ᠬᠤᠯᠪᠤᠭᠠᠨ ᠳᠤ ᠤᠷᠤᠯᠴᠠᠵᠠᠢ᠃ | ᠦᠵᠢᠶᠡᠳ ᠪᠠᠷᠠᠭᠤᠨᠰᠢ ᠨᠡᠭᠦᠳᠡᠯᠯᠡᠵᠤ ᠬᠤᠱᠤᠳ ᠠᠶᠢᠮᠠᠭ ᠤᠨ ᠭᠤᠤᠯ ᠪᠦᠷᠢᠯᠳᠦᠭᠦᠨ ᠪᠤᠯᠤᠭᠰᠠᠨ ᠨᠢ ᠲᠤᠭᠤᠨ | ᠲᠠᠶᠢᠱᠢ ᠶᠢᠨ ᠬᠦᠪᠡᠭᠦᠨ ᠡᠰᠡᠨ ᠬᠠᠭᠠᠨ ᠤ ᠦᠶᠡ ᠳᠤ ᠪᠤᠯᠤᠭᠰᠠᠨ ᠶᠤᠮ᠃ ᠮᠢᠩ ᠤᠯᠤᠰ ᠤᠨ ᠵᠧᠩ ᠲᠦᠩ ᠤᠨ | ᠲᠠᠪᠤᠳᠤᠭᠠᠷ ᠤᠨ ᠳᠤ ᠲᠤᠭᠤᠨ ᠲᠠᠶᠢᠱᠢ ᠦᠬᠦᠭᠰᠡᠨᠡ ᠲᠡᠭᠦᠨ ᠤ ᠬᠦᠪᠡᠭᠦᠨ ᠡᠰᠡᠨ ᠤᠶᠢᠷᠠᠳ ᠢ ᠠᠬᠠᠯᠠᠵᠤ | ᠮᠤᠩᠭᠤᠯ ᠢ ᠨᠢᠭᠡᠳᠭᠡᠬᠦ ᠠᠵᠢᠯᠯᠭᠠ ᠪᠠᠨ ᠡᠬᠢᠯᠡᠵᠠᠢ᠃ 1446 ᠤᠨ ᠳᠤ ᠡᠰᠡᠨ ︽ᠠᠷᠤᠭᠳᠠᠢ ᠶᠢᠨ ᠠᠴᠢ ᠶᠢ | ᠨᠡᠩᠵᠢᠬᠦ︾ ᠪᠠᠷ ᠰᠢᠯᠲᠠᠭ ᠪᠤᠯᠭᠠᠵᠤ ᠭᠤᠷᠪᠠᠨ ᠬᠠᠷᠠᠭᠤᠯ ᠢ ᠳᠤᠪᠲᠤᠯᠪᠠ᠃ ᠡᠰᠡᠨ ᠤ ᠳᠠᠶᠢᠴᠢᠯᠠᠭᠰᠠᠨ ᠤᠶᠢᠷᠠᠳ | ᠤᠨ ᠴᠡᠷᠢᠭ ᠳᠠᠷᠠᠭᠠ ᠵᠢᠯ ᠳᠤ ᠨᠢ ᠭᠤᠷᠪᠠᠨ ᠬᠠᠷᠠᠭᠤᠯ ᠳᠤ ᠴᠡᠷᠢᠭᠯᠡᠭᠡᠳ ᠲᠠᠶᠢᠨᠢᠩ᠂ ᠲᠤᠶᠤᠨ ᠬᠤᠶᠠᠷ ᠬᠠᠷᠠᠭᠤᠯ ᠢ | ᠡᠷᠭᠡᠰᠢᠶᠡᠯ ᠳᠡᠭᠡᠨ ᠤᠷᠤᠭᠤᠯᠵᠤ᠂ ᠭᠠᠭᠴᠠ ᠹᠦ᠋ ᠢᠤᠢ ᠬᠠᠷᠠᠭᠤᠯ ᠤᠨ ᠤᠯᠠᠨ ᠠᠨᠤ ᠨᠤᠨ ᠮᠦᠷᠡᠨ ᠳᠤᠷ | ᠲᠤᠲᠠᠭᠠᠵᠤᠬᠤᠢ᠃ ᠴᠤᠬᠤᠮ ᠳᠠᠭᠠᠨ ᠭᠤᠷᠪᠠᠨ ᠬᠠᠷᠠᠭᠤᠯ ᠢ ᠦᠪᠡᠷ ᠤᠨ ᠡᠷᠭᠡᠰᠢᠶᠡᠯ ᠳᠡᠭᠡᠨ ᠤᠷᠤᠭᠤᠯᠬᠤ ᠨᠢ ᠡᠰᠡᠨ | ᠬᠠᠭᠠᠨ ᠤ ᠪᠦᠬᠦ ᠮᠤᠩᠭᠤᠯ ᠢ ᠨᠢᠭᠡᠳᠭᠡᠬᠦ ᠠᠵᠢᠯᠯᠭᠠ ᠶᠢᠨ ᠨᠢᠭᠡ ᠬᠡᠰᠡᠭ ᠪᠤᠯᠬᠤ ᠮᠦᠷᠳᠡᠭᠡᠨ ᠮᠢᠩ ᠤᠯᠤᠰ ᠤᠨ | ᠨᠤᠶᠠᠷᠬᠠᠭᠴᠢᠳ ᠢ ᠰᠢᠬᠠᠮᠳᠠᠭᠤᠯᠵᠤ ᠮᠤᠩᠭᠤᠯ ᠪᠤᠯᠤᠨ ᠮᠢᠩ ᠤᠯᠤᠰ ᠤᠨ ᠬᠤᠭᠤᠷᠤᠨᠳᠤᠬᠢ ᠠᠷᠠᠯᠵᠢᠶᠠ | ᠬᠤᠳᠠᠯᠳᠤᠭᠠ ᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠦᠷᠭᠡᠳᠭᠡᠨ᠂ ᠲᠤᠳᠤᠷᠠ ᠭᠠᠵᠠᠷ ᠤᠨ ᠲᠠᠷᠢᠶᠠᠯᠩ ᠤᠨ ᠪᠦᠲᠦᠭᠡᠭᠳᠡᠭᠦᠨ | ᠢᠶᠠᠷ ᠨᠡᠶᠢᠭᠡᠮ ᠤᠨ ᠠᠵᠤ ᠠᠬᠤᠢ ᠶᠢᠨ ᠠᠰᠠᠭᠤᠳᠠᠯ ᠢᠶᠠᠨ ᠰᠢᠢᠳᠪᠦᠷᠢᠯᠡᠬᠦ ᠭᠡᠰᠡᠨ ᠡᠰᠡᠨ ᠬᠠᠭᠠᠨ ᠤ ᠪᠦᠬᠦ | ᠰᠲ᠋ᠡᠷᠡᠲ᠋ᠧᠬᠢ ᠶᠢᠨ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠤᠯᠬᠤ ᠶᠤᠮ᠃ ᠡᠰᠡᠨ ᠬᠠᠭᠠᠨ ᠮᠢᠩ ᠤᠯᠤᠰ ᠲᠤ ᠬᠠᠲᠠᠭᠤ ᠴᠢᠩᠭᠠ | ᠴᠡᠷᠢᠭ ᠳᠠᠶᠢᠨ ᠤ ᠴᠤᠬᠢᠯᠲᠠ ᠦᠭᠬᠦ ᠶᠢᠨ ᠳᠠᠭᠠᠤ ᠤᠷᠢᠶᠠᠩᠬᠠᠢ ᠭᠤᠷᠪᠠᠨ ᠬᠠᠷᠠᠭᠤᠯ ᠢ ᠤᠷᠤᠭ ᠬᠤᠳᠠ ᠪᠤᠯᠤᠯᠴᠠᠬᠤ | ᠂ ᠢᠯᠪᠢᠨ ᠲᠠᠲᠠᠬᠤ᠂ ᠴᠡᠷᠢᠭ ᠤᠨ ᠳᠠᠭᠠᠷᠢᠯᠲᠠ ᠬᠢᠬᠦ ᠮᠡᠳᠤ ᠶᠢᠨ ᠬᠠᠲᠠᠭᠤ ᠵᠦᠭᠡᠯᠡᠨ ᠠᠷᠭᠠ ᠪᠠᠷ ᠭᠤᠷᠪᠠᠨ | ᠬᠠᠷᠠᠭᠤᠯ ᠤᠨ ᠬᠦᠴᠤᠨ ᠢ ᠢᠳᠡᠭ ᠢᠳᠡᠭ ᠢᠶᠠᠷ ᠳᠤᠷᠤᠶᠢᠲᠠᠭᠤᠯᠵᠤ᠂ ᠬᠠᠮᠤᠭ ᠡᠴᠤᠰ ᠲᠤ ᠡᠷᠭᠡᠰᠢᠶᠡᠵᠤ ᠠᠪᠤᠭᠠᠳ | ᠴᠦᠬᠡᠨ ᠪᠤᠰᠤ ᠶᠢ ᠨᠢ ᠪᠠᠷᠭᠤᠨᠰᠢ ᠨᠡᠭᠦᠯᠭᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠪᠦᠯᠦᠭ ᠬᠦᠮᠦᠰ ᠲᠡᠨᠳᠡ ᠬᠦᠷᠦᠭᠰᠡᠨ ᠤ ᠳᠠᠷᠠᠭᠠ | ᠤᠶᠢᠷᠠᠳ ᠲᠤ ᠰᠢᠨᠡ ᠪᠦᠷᠢᠯᠳᠦᠭᠦᠨ ᠪᠤᠯᠵᠤ ᠤᠷᠤᠭᠰᠠᠨ ᠪᠠᠶᠢᠨᠠ᠃ ᠡᠶᠢᠮᠤ ᠶᠢᠨ ᠲᠤᠯᠠ ᠭᠤᠷᠪᠠᠨ ᠬᠠᠷᠠᠭᠤᠯ ᠤᠨ | ᠤᠯᠠᠨ᠂ ᠪᠤᠳᠠᠳᠠᠢ ᠪᠠᠷ ᠬᠡᠯᠡᠪᠡᠯ ᠦᠵᠢᠶᠡᠳ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨᠰᠢ ᠨᠡᠭᠦᠳᠡᠯᠯᠭᠰᠡᠨ ᠶᠠᠪᠤᠴᠠ ᠨᠢ ᠦᠨᠡᠨᠳᠡᠭᠡᠨ | ᠦᠷᠦᠭᠲᠡᠮᠦᠷ ᠪᠠᠷᠠᠭᠤᠨᠰᠢ ᠨᠡᠭᠦᠳᠡᠯᠯᠬᠦ ᠶᠢ ᠳᠠᠭᠠᠯᠳᠤᠵᠤ ᠭᠠᠷᠤᠭᠰᠠᠨ ᠬᠡᠷᠡᠭ ᠤᠴᠢᠷ ᠪᠤᠯᠬᠤ ᠶᠤᠮ᠃ | ᠳᠦᠷᠪᠡᠨ ᠤᠶᠢᠷᠠᠳ ᠤᠨ ᠨᠢᠭᠡ ᠪᠤᠯᠬᠤ ᠬᠤᠱᠣᠳ ᠠᠶᠢᠮᠠᠭ ᠪᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠡᠭᠦᠦ ᠬᠠᠪᠤᠳᠤ ᠬᠠᠰᠠᠷ | ᠤᠨ ᠳᠤᠯᠤᠳᠤᠭᠠᠷ ᠦᠶᠡ ᠠᠭᠰᠠᠭᠠᠯᠳᠠᠢ ᠨᠤᠶᠠᠨ ᠤ ᠬᠦᠪᠡᠭᠦᠨ ᠦᠷᠦᠭᠲᠡᠮᠤᠷ ᠪᠠᠷᠠᠭᠤᠨᠰᠢ ᠨᠡᠭᠦᠳᠡᠯᠯᠵᠤ᠂ ᠲᠡᠭᠦᠨ ᠤ | ᠬᠠᠷᠢᠶᠠᠨ ᠳᠤ ᠤᠷᠤᠭᠰᠠᠨ ᠦᠵᠢᠶᠡᠳ ᠵᠡᠷᠭᠡ ᠭᠤᠷᠪᠠᠨ ᠬᠠᠷᠠᠭᠤᠯ ᠤᠨ ᠬᠢᠨ ᠢᠶᠠᠷ ᠪᠦᠷᠢᠯᠳᠦᠵᠤ ᠲᠤᠭᠲᠠᠭᠰᠠᠨ | ᠠᠶᠢᠮᠠᠭ ᠭᠡᠳᠡᠭ ᠢ ᠳᠡᠭᠡᠷᠡ ᠨᠢᠭᠡᠨᠲᠡ ᠲᠤᠳᠤᠷᠬᠠᠶᠢᠯᠠᠪᠠ᠃ | ᠲᠡᠭᠡᠪᠡᠯ ᠦᠷᠦᠭᠲᠡᠮᠣᠷ ᠤᠨ ᠬᠠᠷᠢᠶᠠ ᠠᠶᠢᠮᠭ ᠤᠶᠢᠷᠠᠳ ᠨᠤᠳᠤᠭ ᠲᠤ ᠬᠦᠷᠦᠭᠰᠡᠨ ᠤ ᠳᠠᠷᠠᠭᠠ ᠶᠠᠭᠤᠨ ᠳᠤ | ᠬᠤᠱᠤᠳ ᠭᠡᠳᠡᠭ ᠨᠡᠷᠡᠶᠢᠳᠤᠯ ᠲᠠᠢ ᠪᠤᠯᠤᠭᠰᠠᠨ ᠪᠤᠢ︖ ᠡᠨᠡ ᠲᠤᠬᠠᠢ ᠤᠯᠤᠰ ᠤᠨ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ | ᠡᠷᠳᠡᠮᠲᠡᠳ ᠠᠳᠠᠯᠢ ᠪᠤᠰᠤ ᠰᠤᠨᠢᠷᠬᠠᠯᠲᠠᠢ ᠲᠠᠶᠢᠯᠪᠤᠷᠢ ᠬᠢᠭᠰᠡᠭᠡᠷ ᠢᠷᠡᠵᠠᠢ᠃ ᠣᠷᠣᠰ ᠤᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ | ᠫᠠᠯᠯᠠᠰ ᠤᠨ ᠦᠵᠢᠬᠦ ᠪᠠᠷ᠄ ︽ᠬᠤᠱᠤᠳ︾ ᠭᠡᠬᠦ ᠨᠡᠷᠡ ᠪᠤᠯ ᠾᠶᠵᠤ ᠭᠡᠳᠡᠭ ᠭᠠᠵᠠᠷ ᠤᠨ ᠨᠡᠷᠡ ᠠᠴᠠ ᠡᠭᠦᠰᠤᠯᠲᠠᠢ | ᠭᠡᠰᠡᠨ ᠳ᠋ᠤᠩᠨᠠᠯᠲᠠ ᠭᠠᠷᠭᠠᠬᠤ ᠶᠢᠨ ᠬᠠᠮᠳᠤ ᠪᠠᠰᠠ ᠬᠤᠱᠤᠳᠴᠣᠳ ᠨᠢᠭᠡ ᠤᠳᠠᠭᠠ ᠦᠽᠪᠧᠺ ᠤᠨ ᠬᠠᠭᠠᠨ ᠤ | ᠴᠡᠷᠢᠭ ᠲᠠᠢ ᠪᠠᠶᠢᠯᠳᠤᠬᠤ ᠳᠤ ᠬᠠᠮᠤᠭ ᠲᠡᠷᠢᠭᠦᠨ ᠳᠤ ᠡᠷᠡᠯᠭᠡᠭ ᠵᠤᠷᠢᠭᠲᠠᠢ ᠤᠷᠤᠯᠴᠠᠭᠰᠠᠨ ᠠᠴᠠ ᠡᠶᠢᠮᠤ | ᠨᠡᠷᠡᠶᠢᠳᠤᠯᠭᠡ ᠲᠠᠢ ᠪᠤᠯᠤᠭᠰᠠᠨ ᠭᠡᠵᠠᠢ᠃ ᠡᠭᠦᠨ ᠳᠤ ᠦᠽᠪᠧᠺ ᠤᠨ ᠬᠠᠭᠠᠨ ᠤ ᠴᠡᠷᠢᠭ ᠲᠠᠢ ᠪᠠᠶᠢᠯᠳᠤᠬᠤ ᠳᠤ | ᠬᠤᠱᠤᠳᠴᠣᠳ ᠬᠠᠮᠤᠭ ᠲᠡᠷᠢᠭᠦᠨ ᠳᠤ ᠪᠠᠭᠠᠳᠤᠷᠯᠢᠭ ᠢᠶᠠᠷ ᠤᠷᠤᠯᠴᠠᠭᠰᠠᠨ ᠢᠶᠠᠷ ︽ᠬᠤᠱᠤᠳ︾ ᠨᠡᠷᠡ ᠤᠯᠤᠯᠠ | ᠭᠡᠰᠡᠨ ᠨᠢ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠳᠤᠮᠳᠠ ᠬᠤᠰᠢᠭᠤᠴᠢ ᠦᠢᠯᠡᠳᠤᠯ ᠦᠵᠡᠭᠦᠯᠦᠭᠰᠡᠨ ᠠᠴᠠ ᠬᠤᠱᠤᠳ ᠬᠡᠮᠡᠬᠦ | ᠨᠡᠷᠡ ᠠᠶᠠᠨᠳᠠᠭᠠᠨ ᠡᠭᠦᠰᠦᠭᠰᠡᠨ ᠭᠡᠰᠡᠨ ᠰᠠᠨᠠᠭᠠ ᠪᠤᠯᠤᠯᠲᠠᠢ᠃ ᠹᠠᠷᠠᠨᠽᠢ ᠶᠢᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ ᠪᠧᠱᠬᠢ | ᠲᠡᠮᠳᠡᠭᠯᠡᠬᠦ ᠳᠡᠭᠡᠨ᠄ ︽ᠬᠤᠱᠤᠳ︾ ᠭᠡᠳᠡᠭ ᠦᠭᠡ ᠴᠣᠬᠤᠮ ᠳᠠᠭᠠᠨ khosiqhun.khosun ︵ᠹᠷᠠᠨᠽᠢ | ᠦᠭᠡ᠂ ᠰᠢᠪᠠᠭᠤᠨ ᠤ ᠬᠤᠩᠰᠢᠶᠠᠷ ᠭᠡᠰᠡᠨ ᠤᠳᠬᠠ ᠲᠠᠢ︶ ᠭᠡᠳᠡᠭ ᠤᠨ ᠳᠠᠪᠬᠤᠷ ᠲᠤᠭᠠ᠂ ᠪᠠᠰᠠ ᠨᠢᠭᠡ ᠪᠦᠯᠦᠭ | ᠴᠡᠷᠢᠭ ᠠᠩᠭᠢ ᠭᠡᠰᠡᠨ ᠤᠳᠬᠠ ᠲᠠᠢ᠃ ᠡᠨᠡ ᠨᠢ ᠬᠢᠲᠠᠳ ᠦᠭᠡᠨ ᠳᠠᠬᠢ ︽ᠬᠤᠰᠢᠭᠤ︾ ᠲᠠᠢ ᠶᠡᠭᠡ ᠯᠠ | ᠤᠶᠢᠷᠠᠯᠴᠠᠭᠠ ᠤᠳᠬᠠ ᠲᠠᠢ ᠦᠭᠡ ᠭᠡᠪᠡ᠃ ︽ᠬᠤᠱᠣᠳ︾ ᠨᠡᠷᠡᠶᠢᠳᠦᠯᠭᠡ ᠶᠢᠨ ᠲᠤᠬᠠᠢ ᠠᠩᠭ᠍ᠯᠢ ᠶᠢᠨ ᠡᠷᠳᠡᠮᠲᠡᠨ | ᠭ᠊᠂ ᠬᠤᠸᠣᠷᠰ ᠲᠡᠮᠳᠡᠭᠯᠡᠬᠦ ᠳᠡᠭᠡᠨ᠄ ︽ᠬᠤᠱᠤᠳ ᠤᠭᠰᠠᠭᠠᠲᠠᠨ ᠤ ᠤᠯᠠᠩᠬᠢ ᠨᠢ ᠵᠡᠭᠦᠨ ᠮᠤᠩᠭᠤᠯ ᠤᠨ ᠴᠠᠭᠠᠨ | ᠬᠤᠰᠢᠭᠤᠳᠤ ᠭᠡᠳᠡᠭ ᠭᠠᠵᠠᠷ ᠢᠶᠠᠷ ᠨᠤᠳᠤᠭᠯᠠᠵᠤ ᠪᠠᠶᠢᠭᠠᠳ ᠤᠯᠤᠭᠰᠠᠨ ᠨᠡᠷᠡᠶᠢᠳᠦᠯ︾ ᠭᠡᠪᠡ᠃ ᠳᠡᠭᠡᠷᠡ | ᠳᠤᠷᠳᠤᠭᠰᠠᠨ ᠭᠤᠷᠪᠠᠨ ᠡᠷᠳᠡᠮᠲᠡᠳ ᠤᠨ ︽ᠬᠤᠱᠤᠳ︾ ᠨᠡᠷᠡᠶᠢᠳᠦᠯ ᠤᠨ ᠡᠬᠢ ᠡᠭᠦᠰᠦᠯ ᠤᠨ ᠲᠤᠬᠠᠢ ᠲᠠᠭᠠᠮᠠᠭᠯᠠᠯ | ᠨᠢ ᠤᠯᠤᠰ ᠤᠨ ᠳᠤᠲᠤᠭᠠᠳᠤ ᠶᠢᠨ ᠤᠶᠢᠷᠡᠳ ᠤᠨ ᠰᠣᠳᠣᠯᠭᠠᠨ ᠤ ᠡᠷᠳᠡᠮᠲᠡᠳ ᠲᠤ ᠴᠦᠮ ᠦᠭᠡᠶᠢᠰᠭᠡᠭᠳᠡᠭᠰᠡᠨ | ᠤᠴᠢᠷ ︽ᠬᠤᠱᠣᠳ︾ ᠨᠡᠷᠡᠶᠢᠳᠦᠯ ᠤᠨ ᠪᠠᠷᠢᠮᠲᠠ ᠰᠢᠯᠲᠠᠭᠠᠨ ᠬᠡᠮᠡᠨ ᠬᠦᠯ ᠲᠤᠭᠲᠠᠬᠤ ᠪᠤᠯᠤᠮᠵᠢ ᠶᠡᠷᠤ ᠨᠢ ᠦᠭᠡᠢ | ᠪᠤᠯᠤᠭᠰᠠᠨ ᠨᠢ ᠢᠯᠡᠷᠬᠡᠢ᠃ | ᠤᠯᠤᠰ ᠤᠨ ᠳᠤᠲᠤᠭᠠᠳᠤ ᠶᠢᠨ ᠤᠶᠢᠷᠡᠳ ᠤᠨ ᠰᠣᠳᠣᠯᠭᠠᠨ ᠤ ᠳ᠋ᠦᠩ ᠳᠤ ︽ᠬᠤᠱᠤᠳ︾ ᠨᠡᠷᠡᠶᠢᠳᠦᠯ ᠢ ᠪᠠᠰᠠ | ᠤᠯᠠᠨ ᠶᠠᠩᠵᠤ ᠪᠠᠷ ᠰᠢᠨᠵᠢᠯᠡᠨ ᠲᠠᠶᠢᠯᠪᠤᠷᠢᠯᠡᠭᠰᠡᠨ ᠪᠠᠶᠢᠳᠠᠭ᠄ ︽ᠪᠤᠭᠳᠠ ᠴᠢᠩᠭᠢᠰ ᠤᠨ ᠲᠦᠷᠦ ᠶᠢ ᠪᠠᠷᠢᠭᠠᠳ | ᠬᠠᠭᠠᠨ ᠦᠷᠬᠦᠭᠡ ᠶᠢ ᠲᠡᠳᠬᠦᠭᠰᠡᠨ ᠲᠤᠭᠤᠵᠢ︾ ᠳᠤ ᠠᠷᠤᠭᠲᠡᠮᠣᠷ ᠤᠨ ᠦᠶᠡ ᠳᠤ ᠲᠡᠷᠡ ᠦᠪᠡᠷ ᠤᠨ ᠳᠡᠭᠦᠦ | ᠦᠷᠦᠭᠲᠡᠮᠦᠷ ᠲᠤ ︽ᠬᠤᠰᠢᠭᠤᠨ ᠬᠤᠰᠢᠭᠤᠨ ᠠᠴᠠ ᠰᠠᠶᠢᠨ ᠮᠠᠭᠤ ᠠᠯᠪᠠᠳᠤ ᠪᠠᠷ ᠦᠮᠴᠢ ᠦᠭᠭᠦᠭᠰᠡᠨ︾ ᠳᠤ | ᠦᠷᠦᠭᠲᠡᠮᠦᠷ ᠨᠢ ᠭᠤᠮᠣᠳᠠᠵᠤ ᠬᠤᠷᠴᠢᠨ ᠤ ᠬᠦᠯᠦᠨ ᠪᠤᠶᠢᠷ ᠤᠨ ᠨᠤᠳᠤᠭ ᠠᠴᠠ ᠪᠠᠨ ᠰᠠᠯᠵᠤ ᠨᠠᠷᠠᠨ ᠰᠢᠩᠭᠡᠬᠦ | ᠵᠦᠭ ᠤᠨ ᠲᠤᠭᠤᠨ ᠲᠠᠶᠢᠱᠢ ᠶᠢ ᠲᠦᠰᠢᠵᠤ ᠣᠳᠬᠤᠯᠠ᠂ ᠲᠤᠭᠤᠨ ᠲᠠᠶᠢᠱᠢ ᠠᠴᠠ ︽ᠬᠤᠱᠣᠳ︾ ᠬᠡᠮᠡᠬᠦ ᠨᠡᠷᠡ | ᠬᠠᠶᠢᠷᠠᠯᠠᠭᠰᠠᠨ ᠭᠡᠳᠡᠭ ᠲᠡᠮᠳᠡᠭᠯᠡᠯ ᠪᠤᠢ᠃ ᠡᠨᠡ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ︽ᠬᠤᠱᠣᠳ︾ ᠭᠡᠳᠡᠭ ᠨᠢ | ᠬᠤᠰᠢᠭᠤ ᠶᠢᠨ ᠤᠯᠠᠨ ᠲᠤᠭᠠᠨ ᠤ ᠬᠡᠯᠪᠡᠷᠢ ᠪᠤᠯᠬᠤ ᠮᠡᠳᠤ᠃ | ᠲᠡᠤᠭᠡ ᠶᠢᠨ ᠡᠷᠳᠡᠮᠲᠡᠨ ᠤᠶᠤᠨᠪᠢᠯᠢᠭ᠌ ︽ᠬᠤᠱᠤᠳ ᠲᠤᠪᠴᠢᠶᠠᠨ︾᠄ ᠳᠠᠭᠠᠨ ︽ᠬᠤᠱᠤᠳ︾ ᠨᠡᠷᠡᠶᠢᠳᠦᠯᠭᠡ ᠶᠢᠨ | ᠲᠤᠬᠠᠢ ᠦᠭᠦᠯᠡᠬᠦ ᠳᠡᠭᠡᠨ᠄ ︽ᠬᠤᠱᠤᠳ︾ ᠪᠤᠯ ᠬᠤᠰᠢᠶᠠᠭᠤᠯ ᠬᠡᠮᠡᠬᠦ ᠦᠭᠡ ᠠᠴᠠ ᠡᠭᠦᠰᠦᠯ ᠲᠠᠢ᠂ ᠬᠤᠰᠢᠶᠠᠭᠤᠯ | ᠤᠨ ᠠᠶᠢᠮᠠᠭ ᠨᠢ ᠠᠷᠪᠠᠨ ᠡᠷᠦᠬᠡ ᠪᠤᠯᠭᠠᠨ ᠠᠴᠠ ᠬᠤᠶᠠᠷ ᠬᠦᠮᠦᠨ ᠢ ᠲᠠᠲᠠᠵᠤ ᠪᠦᠷᠢᠯᠳᠦᠭᠰᠡᠨ᠂ ᠬᠤᠰᠢᠶᠠᠭᠤᠯ | ᠭᠡᠳᠡᠭ ᠨᠡᠷᠡ ᠨᠢ ︽ᠬᠤᠤᠰ︾ ᠭᠡᠬᠦ ᠤᠳᠬᠠ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠬᠤᠰᠢᠶᠠᠳ ᠭᠡᠬᠦ ᠦᠭᠡ ᠠᠴᠠ ᠢᠷᠡᠯᠲᠠᠢ ᠭᠡᠪᠡ᠃ | ᠲᠡᠷᠡ ᠬᠡᠯᠡᠬᠦ ᠳᠡᠭᠡᠨ ᠦᠷᠦᠭᠲᠡᠮᠦᠷ ᠠᠩᠬᠠ ᠲᠤᠭᠤᠨ ᠲᠠᠶᠢᠱᠢ ᠶᠢ ᠲᠦᠰᠢᠬᠦ ᠦᠶᠡᠰ ᠲᠡᠭᠦᠨ ᠤ ᠠᠶᠢᠮᠠᠭ ᠤᠨ | ᠤᠯᠠᠨ ᠨᠢ ᠦᠵᠢᠶᠡᠳ ᠤᠨ ᠤᠯᠠᠨ ᠬᠤᠰᠢᠭᠤ ᠠᠴᠠ ︽ᠰᠠᠶᠢᠨ ᠮᠠᠭᠤ ᠠᠯᠪᠠᠳᠤ︾ ᠨᠠᠷ ᠢ ᠲᠠᠲᠠᠨ ᠪᠠᠶᠢᠵᠤ | ᠪᠦᠷᠢᠯᠳᠦᠭᠰᠡᠨ᠂ ᠲᠡᠭᠡᠬᠦ ᠪᠠᠷ ᠢᠶᠠᠨ ᠠᠶᠠᠨᠳᠠᠭᠠᠨ ᠬᠤᠰᠢᠶᠠᠳ ᠨᠡᠷᠡ ᠠᠪᠤᠭᠰᠠᠨ ᠭᠡᠵᠤ ᠲᠡᠮᠳᠡᠭᠯᠡᠵᠠᠢ᠃ | ᠰᠢᠨᠵᠢᠶᠠᠩ ᠤᠨ ᠪᠠᠶᠠᠨᠭᠤᠤᠯ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠸᠤ ᠶᠢᠨ ᠭᠦ᠊᠂ ᠺᠦᠶᠧ ︽ᠬᠤᠱᠣᠳ | ᠨᠡᠷᠡᠶᠢᠳᠦᠯᠭᠡ ᠶᠢᠨ ᠲᠤᠬᠠᠢ ᠰᠤᠳᠤᠯᠭᠠᠨ ᠳᠠᠭᠠᠨ᠄ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠤᠱᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠤᠰ | ᠬᠤᠷᠴᠢᠨ ᠤ ᠬᠦᠯᠦᠨ ᠪᠤᠶᠢᠷ ᠨᠤᠳᠤᠭ ᠠᠴᠠ ᠨᠡᠷᠠ ᠰᠢᠩᠭᠡᠬᠦ ᠵᠦᠭ ᠤᠨ ᠲᠤᠭᠤᠨ ᠲᠠᠶᠢᠱᠢ ᠶᠢ ᠲᠦᠰᠢᠬᠦ ᠪᠠᠷ ᠵᠠᠮ | ᠬᠦᠭᠡᠭᠡᠵᠤ ᠬᠤᠯᠠ ᠶᠢᠨ ᠠᠶᠠᠨ ᠬᠢᠬᠦ ᠳᠡᠭᠡᠨ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠪᠡᠷᠭᠡ ᠪᠠᠷᠲᠠᠭᠠᠳᠤ ᠵᠠᠮ ᠬᠠᠷᠢᠯᠴᠠᠭᠠ ᠪᠠ | ᠪᠤᠰᠤᠳ ᠨᠦᠬᠦᠴᠡᠯ ᠪᠦᠬᠦᠢ ᠡᠯᠳᠡᠪ ᠤᠨ ᠰᠢᠯᠲᠠᠭᠠᠨ ᠠᠴᠠ ᠪᠤᠯᠵᠤ᠂ ᠲᠡᠳᠡ ᠪᠦᠷᠢᠨ ᠲᠦᠭᠦᠷ ᠭᠡᠷ ᠢᠶᠠᠨ ᠠᠪᠴᠤ | ᠶᠠᠪᠤᠬᠤ ᠶᠢᠨ ᠠᠷᠭᠠ ᠦᠭᠡᠢ ᠤᠴᠢᠷ ᠵᠦᠪᠬᠡᠨ ᠳᠦᠭᠦᠮ ᠳᠦᠳᠡ ᠮᠠᠶᠢᠬᠠᠨ ᠵᠤᠯᠤᠮ ︵ᠬᠤᠱ︶ ᠢᠶᠠᠷ ᠤᠶᠢᠷᠠᠳ ᠲᠤ | ᠨᠡᠭᠦᠳᠡᠯᠯᠨᠨ ᠢᠷᠡᠵᠤ ᠬᠤᠱ ᠭᠡᠷ ᠢᠶᠠᠨ ᠠᠪᠴᠤ ᠬᠤᠱᠯᠠᠵᠤ ᠪᠠᠭᠤᠳᠠᠯᠯᠭᠰᠠᠨ ᠨᠢ ᠯᠠᠪᠲᠠᠢ ᠶᠤᠮ᠃ ᠶᠠᠭ ᠡᠶᠢᠮᠤ ᠠᠴᠠ | ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠪᠦᠷᠢᠨ ᠲᠡᠭᠦᠯᠳᠡᠷ ᠭᠡᠷ ᠬᠤᠷᠤᠭᠠ ᠲᠠᠢ ᠤᠶᠢᠷᠠᠳᠴᠣᠳ᠂ ᠬᠤᠱ ᠠᠴᠢᠶᠠ ᠲᠠᠢ ᠭᠡᠷ ᠢᠶᠠᠷ | ᠨᠡᠭᠦᠳᠡᠯᠯᠡᠵᠤ ᠢᠷᠡᠵᠡᠭᠡᠭᠰᠡᠨ ᠲᠡᠳᠡ ᠨᠠᠷ ᠢ ᠬᠤᠱ ᠭᠡᠷ ᠲᠠᠢ ᠤᠨᠴᠠᠯᠢᠭ ᠢᠶᠠᠷ ᠨᠢ ᠬᠤᠱᠤᠳ ᠭᠡᠵᠤ᠂ ︽ᠬᠤᠱ︾ | ᠤᠨ ᠤᠯᠠᠨ ᠲᠤᠭᠠ ᠪᠠᠷ ᠨᠡᠷᠡ ᠦᠭᠴᠤ ᠳᠠᠭᠤᠳᠠᠭᠰᠠᠭᠠᠷ ᠪᠠᠶᠢᠭᠠᠳ ᠠᠭᠠᠵᠢᠮ ᠳᠠᠭᠠᠨ ᠶᠠᠪᠤᠨ ᠶᠠᠪᠤᠭᠰᠠᠭᠠᠷ᠂ ᠬᠤᠱ | ᠤᠨ ᠤᠯᠠᠨ ᠲᠤᠭᠠ ᠨᠢ ᠲᠡᠳᠡᠭᠡᠷ ᠨᠡᠷᠡ ᠤᠰᠣ ᠦᠭᠡᠢ ᠰᠢᠨᠡ ᠠᠶᠢᠮᠠᠭ ᠤᠨ ᠲᠦᠯᠦᠭᠡᠨ ᠤ ᠨᠡᠷᠡ ᠪᠤᠯᠵᠤ ᠲᠤᠭᠲᠠᠬᠤ | ᠨᠢ ᠡᠷᠡᠭᠡᠯᠵᠡᠭᠡ ᠦᠭᠡᠢ ᠶᠤᠮ ᠭᠡᠰᠡᠨ ᠪᠤᠳᠤᠳᠠᠢ ᠨᠤᠳᠠᠯᠠᠯᠲᠠ ᠬᠢᠭᠰᠡᠨ ᠪᠠᠶᠢᠨᠠ᠃ ᠲᠡᠭᠡᠪᠡᠯ ᠬᠤᠱᠤᠳ ᠤᠨ ᠢᠵᠠᠭᠤᠷ | ᠦᠭᠡ ︽ᠬᠤᠱ︾ ᠬᠡᠮᠡᠭᠴᠢ ᠠᠴᠢᠶᠠ ᠬᠦᠰᠭᠡ᠂ ᠮᠠᠶᠢᠬᠠᠨ ᠵᠤᠯᠤᠮ ᠤᠨ ᠨᠡᠷᠡ ᠶᠢ ᠠᠯᠠᠱᠠ ᠬᠤᠱᠤᠳᠴᠤᠳ ᠤᠳᠤ | ᠪᠤᠯᠲᠠᠯᠠ ︽ᠬᠤᠱ︾ ᠭᠡᠵᠤ ᠨᠡᠷᠡᠯᠡᠨ ᠳᠠᠭᠤᠳᠠᠭᠰᠠᠭᠠᠷ ᠪᠠᠶᠢᠨᠠ᠃ ᠲᠡᠶᠢᠮᠤ ᠳᠤ ︽ᠬᠤᠱᠤᠳ︾ ᠨᠡᠷᠡᠶᠢᠳᠦᠯᠭᠡ ᠨᠢ | ︽ᠬᠤᠱ︾ ᠭᠡᠬᠦ ᠦᠭᠡ ᠶᠢᠨ ᠤᠯᠠᠨ ᠲᠤᠭᠠᠨ ᠤ ᠬᠡᠯᠪᠡᠷᠢ ᠠᠴᠠ ᠢᠷᠡᠯᠲᠠᠢ ᠭᠡᠳᠡᠭ᠃ | | | ᠠᠯᠲᠠᠨᠪᠠᠭᠠᠨᠠ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠪᠠ᠃ | |