ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠣᠶᠢᠷᠠᠳ ᠤᠨ ᠨᠡᠷᠡᠲᠦ ᠬᠥᠮᠥᠰ — ᠬᠤᠳᠤᠭ᠎ᠠ ᠪᠠᠬᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/12/11
ᠬᠤᠳᠤᠭ᠎ᠠ ᠪᠠᠬᠢ ᠪᠤᠯ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠬᠦᠮᠤᠨ ᠪᠤᠯᠤᠨ᠎ᠠ᠃ ᠳᠡᠭᠦᠨ ᠤ ᠵᠢᠩᠬᠢᠨᠢ ᠨᠡᠷ᠎ᠡ ᠨᠢ ᠬᠤᠳᠤᠭ᠎ᠠ ᠭᠡᠳᠡᠭ᠂ ᠪᠠᠬᠢ ᠪᠤᠯ ᠴᠤᠯᠠ ᠨᠢ ᠪᠤᠯᠬᠤ ᠶᠤᠮ᠃ ᠲᠡᠷᠡ ᠤᠭ ᠲᠠᠭᠠᠨ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠲᠦᠷᠤᠭᠦᠦ ᠪᠠᠶᠢᠵᠠᠢ᠃ 1201 ᠤᠨ ᠳᠤ᠂ ᠵᠠᠮᠤᠬ᠎ᠠ ᠳᠡᠮᠤᠵᠢᠨ ᠢ ᠤᠰᠠᠳᠬᠠᠵᠤ ᠪᠦᠬᠦ ᠮᠤᠩᠭᠤᠯ ᠤᠨ ᠬᠦᠷ ᠬᠠᠨ 1 ᠪᠤᠯᠬᠤ ᠶᠢᠨ ᠲᠦᠯᠦᠭᠡ ᠤᠶᠢᠷᠠᠳ᠂ ᠬᠠᠳᠠᠬᠢᠨ᠂ ᠰᠠᠯᠵᠢᠭᠤᠳ᠂ ᠲᠠᠲ᠋ᠠᠷ᠂ ᠢᠷᠬᠢᠷᠡᠰ᠂ ᠬᠤᠨᠭ᠍ᠬᠢᠷᠠᠳ᠂ ᠭᠤᠷᠯᠤᠰ᠂ ᠨᠠᠢᠮᠠᠨ᠂ ᠮᠡᠷᠬᠢᠳ᠂ ᠳᠠᠶᠢᠴᠢᠭᠤᠳ ᠵᠡᠷᠭᠡ ᠠᠷᠪᠠᠨ ᠠᠶᠢᠮᠠᠭ ᠤᠨ ᠲᠦᠷᠤᠭᠦᠦ ᠲᠠᠢ ᠬᠤᠯᠪᠤᠭᠠᠯᠠᠵᠤ᠂ ᠠᠯᠠᠬᠤᠢ ᠪᠤᠯᠠᠭ ᠭᠡᠳᠡᠭ ᠭᠠᠵᠠᠷ ᠴᠤᠭᠯᠠᠷᠠᠨ᠂ ᠠᠵᠢᠷᠭ᠎ᠠ ᠭᠡᠭᠦᠦ ᠠᠯᠠᠵᠤ ᠳᠠᠩᠭᠠᠷᠢᠭᠯᠠᠭᠠᠳ ᠳᠡᠮᠤᠵᠢᠨ ᠢ ᠳᠤᠪᠳᠤᠯᠬᠤ ᠪᠠᠷ ᠳᠤᠭᠳᠠᠪᠠ᠃ ᠭᠡᠳᠡᠯ᠎ᠡ ᠵᠠᠮᠤᠬ᠎ᠠ᠂ ᠬᠤᠳᠤᠭ᠎ᠠ ᠪᠠᠬᠢ ᠨᠠᠷ ᠤᠨ ᠬᠤᠯᠪᠤᠭᠠᠨ ᠤ ᠳᠤᠳᠤᠷ᠎ᠠ ᠳᠡᠮᠤᠵᠢᠨ ᠤ ᠳᠠᠯ᠎ᠠ ᠶᠢᠨ ᠬᠦᠮᠤᠨ ᠴᠤ ᠴᠦᠭᠡᠨ ᠪᠤᠰᠤ ᠪᠠᠶᠢᠵᠠᠢ᠃ ᠡᠭᠦᠨ ᠤ ᠳᠤᠳᠤᠷ᠎ᠠ ᠭᠤᠷᠯᠤᠰ ᠤᠨ ᠬᠤᠷᠢᠳᠠᠢ ᠭᠡᠳᠡᠭ ᠬᠦᠮᠤᠨ ᠳᠡᠮᠤᠵᠢᠨ ᠢ ᠬᠦᠷᠯᠡᠬᠦ ᠭᠡᠳᠡᠭ ᠭᠠᠵᠠᠷ ᠪᠠᠶᠢᠬᠤ ᠳᠤᠨᠢ ᠡᠨᠡ ᠴᠢᠮᠡᠭᠡ ᠶᠢ ᠨᠢᠭᠤᠴᠠ ᠪᠠᠷ ᠭᠡᠯᠡᠵᠦ ᠢᠯᠡᠭᠡᠪᠡ᠃ ᠳᠡᠮᠤᠵᠢᠨ ᠸᠠᠩ ᠬᠠᠨ ᠯᠤᠭ᠎ᠠ ᠬᠤᠯᠪᠤᠭᠠᠯᠠᠵᠤ᠂ ᠵᠠᠮᠤᠬ᠎ᠠ᠂ ᠬᠤᠳᠤᠭ᠎ᠠ ᠪᠠᠬᠢ ᠨᠠᠷ ᠢ ᠳᠤᠰᠤᠨ ᠪᠠᠶᠢᠯᠳᠤᠬᠤ ᠪᠠᠷ ᠭᠡᠷᠤᠯᠤᠨ ᠮᠦᠷᠡᠨ ᠤ ᠵᠡᠭᠦᠨ ᠬᠦᠪᠡᠭᠡ ᠪᠠᠷ ᠤᠷᠤᠭᠰᠢᠯᠠᠪᠠ᠃ ᠳᠡᠮᠤᠵᠢᠨ ᠤ ᠡᠮᠤᠨ᠎ᠡ ᠠᠯᠳᠠᠨ᠂ ᠬᠤᠴᠢᠷ᠂ ᠳᠠᠷᠢᠳᠠᠢ ᠭᠤᠷᠪᠠᠭᠤᠯᠠ ᠶᠠᠪᠤᠵᠤ᠂ ᠸᠠᠩ ᠬᠠᠨ ᠤ ᠡᠮᠤᠨ᠎ᠡ ᠰᠡᠩᠭᠦᠮ᠂ ᠵᠠᠬ᠎ᠠ ᠬᠠᠮᠪᠤ᠂ ᠪᠢᠯᠭᠡ ᠪᠠᠬᠢ ᠮᠠᠩᠯᠠᠢ ᠪᠤᠯᠵᠤ ᠶᠠᠪᠤᠪᠠ᠃ ᠮᠠᠩᠯᠠᠢ ᠴᠡᠷᠢᠭ ᠤᠨ ᠡᠮᠤᠨ᠎ᠡ ᠪᠠᠰᠠ ᠬᠠᠷᠠᠭᠤᠯ ᠤᠨ ᠴᠡᠷᠢᠭ ᠶᠠᠪᠤᠭᠤᠯᠵᠤ᠂ ᠬᠤᠶᠢᠨ᠎ᠠ ᠬᠤᠶᠢᠨ᠎ᠠ ᠠᠴᠠ ᠨᠢ ᠨᠡᠶᠢᠳᠡ ᠳᠦᠷᠪᠡᠨ ᠰᠠᠭᠤᠷᠢᠨ ᠬᠠᠷᠠᠭᠤᠯ ᠳᠠᠯᠪᠢᠵᠠᠢ᠃ ᠬᠠᠷᠠᠭᠤᠯ ᠤᠨ ᠬᠤᠶᠢᠨ᠎ᠠ ᠠᠴᠠ ᠠᠯᠳᠠᠨ᠂ ᠬᠤᠴᠢᠷ᠂ ᠰᠡᠩᠭᠦᠮ ᠤᠨ ᠮᠠᠩᠯᠠᠢ ᠴᠡᠷᠢᠭ ᠶᠠᠪᠤᠪᠠ ᠃ ᠳᠡᠳᠡᠨᠠᠷ ᠤᠷᠤᠭᠰᠢᠯᠠᠨ ᠶᠠᠪᠤᠵᠤ ᠪᠠᠶᠢᠳᠠᠯ᠎ᠠ ᠬᠠᠮᠤᠭ ᠤᠨ ᠤᠷᠢᠳᠡᠬᠢ ᠬᠠᠷᠠᠭᠤᠯ ᠤᠨ ᠭᠠᠵᠠᠷ ᠠᠴᠠ ᠬᠠᠷᠠᠭᠤᠯᠴᠢᠨ ᠮᠤᠷᠢ ᠳᠤᠪᠳᠤᠯᠭᠠᠨ ᠢᠷᠡᠵᠦ᠂ ︽ᠳᠠᠶᠢᠰᠤᠨ ᠢᠷᠡᠯ᠎ᠡ︾ ᠭᠡᠵᠦ ᠪᠠᠴᠢᠮ ᠴᠢᠮᠡᠭᠡ ᠬᠦᠷᠭᠡᠵᠦ ᠢᠷᠡᠪᠡ᠃ ᠡᠨᠡ ᠨᠢ ᠵᠠᠮᠤᠬ᠎ᠠ ᠶᠢᠨ ᠬᠤᠯᠪᠤᠭᠠᠳᠠᠨ ᠤᠶᠢᠷᠠᠳ ᠤᠨ ᠬᠤᠳᠤᠭ᠎ᠠ ᠪᠠᠬᠢ᠂ ᠨᠠᠢᠮᠠᠨ ᠤ ᠪᠤᠶᠢᠷᠤᠭ ᠬᠠᠨ᠂ ᠮᠡᠷᠬᠢᠳ ᠤᠨ ᠳᠤᠭᠳᠤᠭ᠎ᠠ ᠪᠠᠬᠢ ᠶᠢᠨ ᠬᠦᠪᠡᠭᠦᠨ ᠬᠤᠳᠤ᠂ ᠮᠤᠩᠭᠤᠯ ᠤᠨ ᠠᠭᠤᠴᠤ ᠪᠠᠭᠠᠳᠤᠷ ᠳᠦᠷᠪᠡᠭᠦᠯᠡ ᠶᠢᠨ ᠳᠠᠶᠢᠴᠢᠯᠠᠭᠰᠠᠨ ᠮᠠᠩᠯᠠᠢ ᠴᠡᠷᠢᠭ ᠪᠠᠶᠢᠵᠠᠢ᠃ ᠬᠤᠶᠠᠷ ᠡᠳᠡᠭᠡᠳ ᠤᠨ ᠴᠡᠷᠢᠭ ᠡᠰᠡᠷᠭᠦᠴᠡᠯᠡᠨ ᠵᠤᠯᠭᠠᠯᠳᠤᠵᠤ᠂ ᠤᠷᠤᠢ ᠪᠤᠯᠤᠭᠰᠠᠨ ᠤᠴᠢᠷ ᠠᠴᠠ ᠳᠤᠯᠤᠯᠳᠤᠭᠰᠠᠨ ᠦᠭᠡᠢ ᠪᠠᠶᠢᠷᠢ ᠪᠠᠶᠢᠷᠢ ᠳᠠᠭᠠᠨ ᠬᠤᠨᠤᠵᠠᠭᠠᠪᠠ᠃ ᠳᠡᠮᠤᠵᠢᠨ ᠤ ᠴᠡᠷᠢᠭ ᠨᠢ ᠵᠠᠮᠤᠬ᠎ᠠ᠂ ᠬᠤᠳᠤᠭ᠎ᠠ ᠪᠠᠬᠢ ᠨᠠᠷ ᠤᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠠᠴᠠ ᠴᠦᠭᠡᠨ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠳᠡᠳᠡᠨ ᠬᠠᠷᠠᠭᠤᠨ ᠵᠢᠳᠤᠨ ︵ᠤᠳᠤᠬᠢ ᠶᠡᠭᠡ ᠬᠢᠨᠭ᠍ᠭᠠᠨ ᠳᠠᠪᠠᠭ᠎ᠠ︶᠎ ᠳᠠᠬᠢ ᠤᠭ ᠤᠨ ᠠᠯᠳᠠᠨ ᠤᠯᠤᠰ ᠤᠨ ᠪᠠᠷᠳᠠᠭᠠᠳᠤ ᠪᠠᠬᠢᠯᠡᠯᠳᠡ ᠳᠤ ᠪᠠᠭᠤᠭᠰᠠᠨ ᠪᠤᠯᠬᠤᠷ ᠳᠠᠶᠢᠰᠤᠨ ᠤ ᠴᠡᠷᠢᠭ ᠬᠢᠯᠪᠠᠷ ᠢᠶᠠᠷ ᠤᠷᠤᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠵᠠᠢ᠃ ᠳᠠᠷᠠᠭ᠎ᠠ ᠦᠷᠯᠤᠭᠡ ᠨᠢ ᠨᠠᠢᠮᠠᠨ ᠤ ᠪᠤᠶᠢᠷᠤᠭ ᠬᠠᠨ ᠤ ᠤᠳᠤᠷᠢᠳᠤᠭᠰᠠᠨ ᠮᠠᠩᠯᠠᠢ ᠴᠡᠷᠢᠭ᠂ ᠮᠤᠩᠭᠤᠯ ᠴᠡᠷᠢᠭ ᠤᠨ ᠬᠤᠷᠢᠶ᠎ᠠ ᠶᠢ ᠳᠠᠭᠠᠷᠢᠨ ᠢᠷᠡᠪᠡ᠃ ᠭᠡᠳᠡᠯ᠎ᠡ ᠮᠠᠨᠠᠨ ᠲᠠᠢ ᠡᠳᠤᠷ ᠳᠤᠬᠢᠶᠠᠯᠳᠤᠭᠰᠠᠨ ᠲᠤᠯᠠ ᠠᠭᠤᠯᠠ ᠦᠭᠡᠳᠡ ᠠᠪᠠᠷᠢᠬᠤ ᠳᠤ ᠪᠡᠷᠭᠡ ᠲᠠᠢ ᠪᠤᠯᠵᠤ᠂ ᠠᠷᠭ᠎ᠠ ᠪᠤᠰᠤ ᠬᠤᠶᠢᠰᠢ ᠴᠤᠬᠤᠷᠢᠵᠠᠢ᠃ ᠡᠭ᠍ᠴᠡ ᠦᠨᠳᠤᠷ ᠡᠷᠬᠢ ᠠᠴᠠ ᠦᠡᠭᠭᠦᠷᠢᠨ ᠤᠨᠠᠵᠤ ᠦᠭᠦᠭᠰᠡᠨ ᠬᠦᠮᠤᠨ ᠤ ᠲᠤᠭ᠎ᠠ ᠲᠤᠩ ᠤᠯᠠᠨ ᠪᠠᠶᠢᠯ᠎ᠠ᠃ ᠳᠡᠳᠡ ᠴᠤᠬᠤᠷᠢᠵᠤ ᠬᠦᠢᠳᠡᠨ ᠳᠤ ᠬᠦᠷᠴᠤ ᠢᠷᠡᠳᠡᠯ᠎ᠡ ᠳᠡᠮᠤᠵᠢᠨ ᠤ ᠴᠡᠷᠢᠭ ᠬᠦᠢᠴᠡᠨ ᠢᠷᠡᠵᠦ ᠳᠠᠷᠤᠨ ᠤᠷᠤᠭᠰᠠᠨ ᠳᠤ᠂ ᠵᠠᠮᠤᠬ᠎ᠠ᠂ ᠬᠤᠳᠤᠭ᠎ᠠ ᠪᠠᠬᠢ ᠨᠠᠷ ᠤᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠵᠦᠭ ᠵᠦᠭ ᠲᠡᠭᠡᠨ ᠪᠤᠳᠠᠷᠠᠨ ᠵᠤᠯᠵᠤ ᠳᠤᠳᠠᠭᠠᠪᠠ᠃ ᠳᠤᠬᠠᠶᠢᠯᠠᠪᠠᠯ ᠨᠠᠢᠮᠠᠨ ᠤ ᠪᠤᠶᠢᠷᠤᠭ ᠬᠠᠨ ᠠᠯᠳᠠᠢ ᠶᠢᠨ ᠦᠪᠤᠷ ᠎ ᠲᠠᠬᠢ ᠤᠯᠤᠭ ᠳᠠᠭ ᠵᠦᠭ ᠳᠤᠳᠠᠭᠠᠵᠤ᠂ ᠮᠡᠷᠬᠢᠳ ᠤᠨ ᠬᠤᠳᠤ ᠰᠡᠯᠡᠩᠭᠡ ᠵᠦᠭ ᠪᠤᠷᠤᠭᠤᠯᠠᠨ᠂ ᠳᠠᠶᠢᠴᠢᠭᠤᠳ ᠤᠨ ᠠᠭᠤᠴᠤ ᠪᠠᠭᠠᠳᠤᠷ ᠤᠨᠤᠨ ᠵᠦᠭ ᠤᠷᠭᠤᠵᠤ᠂ ᠤᠶᠢᠷᠠᠳ ᠤᠨ ᠬᠤᠳᠤᠭ᠎ᠠ ᠪᠠᠬᠢ ᠤᠢ ᠳᠡᠮᠡᠴᠡᠨ ᠰᠢᠰᠬᠢᠰ ᠵᠦᠭ ᠵᠤᠯᠤᠨ ᠶᠠᠪᠤᠵᠠᠢ᠃ 1202 ᠤᠨ ᠳᠤ᠂ ᠮᠡᠷᠬᠢᠳ ᠠᠶᠢᠮᠠᠭ ᠤᠨ ᠲᠦᠷᠤᠭᠦᠦ ᠳᠤᠭᠳᠤᠭ᠎ᠠ ᠳᠡᠮᠤᠵᠢᠨ ᠢ ᠳᠠᠬᠢᠨ ᠲᠤᠪᠳᠤᠯᠤᠭᠠᠳ ᠪᠠᠰᠠ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠲᠤᠯᠠ ᠨᠠᠢᠮᠠᠨ ᠤ ᠳᠠᠶᠠᠨ ᠬᠠᠨ ᠤ ᠳᠡᠭᠦᠦ ᠪᠤᠶᠢᠷᠤᠭ ᠬᠠᠨ ᠠᠴᠠ ᠳᠤᠰᠠᠯᠠᠮᠵᠢ ᠭᠤᠶᠤᠪᠠ᠃ ᠡᠭᠦᠨ ᠳᠤ ᠪᠤᠶᠢᠷᠤᠭ ᠬᠠᠨ ᠳᠠᠷᠤᠢ ᠤᠶᠢᠷᠠᠳ ᠤᠨ ᠬᠤᠳᠤᠭ᠎ᠠ ᠪᠠᠬᠢ ᠪᠠ ᠳᠦᠷᠪᠡᠨ᠂ ᠳᠠᠲ᠋ᠠᠷ᠂ ᠬᠠᠳᠠᠬᠢᠨ᠂ ᠰᠠᠯᠵᠢᠭᠤᠳ ᠵᠡᠷᠭᠡ ᠠᠶᠢᠮᠠᠭ ᠤᠨ ᠠᠬᠠᠮᠠᠳ ᠲᠠᠢ ᠬᠤᠯᠪᠤᠭᠠᠯᠠᠨ᠂ ᠤᠷᠢᠳᠤ ᠶᠢᠨ ᠳᠡᠶᠢᠯᠦᠭᠳᠡᠭᠰᠡᠨ ᠦᠰᠢᠶ᠎ᠡ ᠪᠠᠨ ᠬᠠᠮᠳᠤᠳᠠ ᠠᠪᠬᠤ ᠪᠠᠷ ᠵᠤᠷᠢᠭᠰᠠᠨ ᠪᠠᠶᠢᠨ᠎ᠠ᠃ ᠢᠡᠭᠬᠢᠭᠡᠳ ᠳᠡᠳᠡᠨ ᠤ ᠬᠠᠮᠳᠤᠷᠠᠭᠰᠠᠨ ᠴᠡᠷᠢᠭ ᠳᠡᠮᠤᠵᠢᠨ ᠪᠤᠯᠤᠨ ᠸᠠᠩ ᠬᠠᠨ ᠢ ᠳᠠᠭᠠᠷᠢᠭᠰᠠᠨ ᠪᠠᠶᠢᠪᠠ᠃ ᠭᠡᠳᠡᠯ᠎ᠡ ᠶᠡᠭᠡ ᠴᠠᠰᠤ ᠳᠡᠰᠬᠢᠮ᠎ᠡ ᠬᠦᠢᠳᠡᠨ ᠳᠤ ᠳᠤᠬᠢᠶᠠᠯᠳᠤᠭᠠᠳ ᠤᠯᠠᠩᠬᠢ ᠴᠡᠷᠢᠭ ᠤᠨ ᠬᠢᠨᠢ ᠭᠠᠷ ᠬᠦᠯ ᠨᠢ ᠴᠦᠮ ᠬᠦᠯᠳᠡᠵᠦ᠂ ᠮᠤᠷᠢ ᠤᠨᠤᠨ ᠪᠠᠶᠢᠯᠳᠤᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠪᠤᠯᠬᠤᠷ ᠡᠮᠬᠢ ᠵᠠᠮᠪᠠᠷᠠᠭ᠎ᠠ ᠪᠠᠨ ᠠᠯᠳᠠᠭᠠᠳ ᠳᠠᠶᠢᠰᠤᠨ ᠢᠶᠠᠨ ᠨᠡᠭᠡᠮᠵᠢᠯᠡᠬᠦ ᠪᠠᠨ ᠴᠤ ᠪᠠᠶᠢᠵᠤ᠂ ᠵᠦᠭ ᠪᠦᠷᠢ ᠳᠤ ᠴᠤᠬᠤᠷᠢᠨ ᠶᠠᠪᠤᠭᠰᠠᠨ ᠪᠠᠶᠢᠵᠠᠢ᠃ 1204 ᠤᠨ ᠳᠤ᠂ ᠨᠠᠢᠮᠠᠨ ᠤ ᠳᠠᠶᠠᠨ ᠬᠠᠨ ᠠᠯᠳᠠᠢ ᠠᠭᠤᠯᠠ ᠠᠴᠠ ᠬᠠᠨᠭ᠍ᠭᠠᠢ ᠠᠭᠤᠯᠠᠨ ᠳᠤ ᠢᠷᠡᠵᠦ ᠴᠡᠷᠢᠭ ᠪᠠᠭᠤᠳᠠᠯᠯᠠᠭᠰᠠᠨ ᠪᠦᠭᠡᠳ ᠤᠶᠢᠷᠠᠳ ᠤᠨ ᠲᠦᠷᠤᠭᠦᠦ ᠬᠤᠳᠤᠭ᠎ᠠ ᠪᠠᠬᠢ᠂ ᠮᠡᠷᠬᠢᠳ ᠤᠨ ᠳᠤᠭᠳᠤᠭ᠎ᠠ᠂ ᠭᠡᠷᠡᠶᠢᠳ ᠤᠨ ᠨᠠᠷᠢᠨ ᠳᠠᠶᠢᠱᠢ᠂ ᠵᠠᠳᠠᠷᠠᠨ ᠤ ᠵᠠᠮᠤᠬ᠎ᠠ ᠪᠤᠯᠤᠨ ᠳᠦᠷᠪᠡᠨ᠂ ᠲᠠᠲ᠋ᠠᠷ᠂ ᠬᠠᠳᠠᠬᠢᠨ᠂ ᠰᠠᠯᠵᠢᠭᠤᠳ ᠵᠡᠷᠭᠡ ᠠᠶᠢᠮᠠᠭ ᠤᠳ ᠲᠠᠢ ᠴᠡᠷᠢᠭ ᠨᠡᠶᠢᠯᠡᠵᠦ ᠳᠡᠮᠤᠵᠢᠨ ᠲᠠᠢ ᠪᠠᠶᠢᠯᠳᠤᠪᠠ᠃ ᠬᠤᠶᠠᠷ ᠡᠳᠡᠭᠡᠳ ᠤᠨ ᠴᠡᠷᠢᠭ ᠠᠭᠤᠯᠵᠠᠮᠠᠭᠴᠠ ᠮᠤᠩᠭᠤᠯ ᠤᠨ ᠴᠡᠷᠢᠭ ᠤᠨ ᠵᠢᠭᠰᠠᠭᠠᠯ ᠪᠠᠳᠤ ᠴᠢᠩᠭ᠎ᠠ ᠪᠦᠭᠡᠳ ᠰᠦᠷ ᠵᠢᠪᠬᠤᠯᠠᠩ ᠳᠡᠭᠦᠰ ᠪᠠᠳᠠᠷᠠᠩᠭᠤᠢ ᠶᠢ ᠵᠠᠮᠤᠬ᠎ᠠ ᠤᠯᠵᠤ ᠦᠵᠡᠭᠡᠳ ᠶᠡᠬᠡᠳᠡ ᠠᠶᠤᠵᠤ ᠦᠪᠡᠷ ᠢᠶᠠᠨ ᠴᠡᠷᠢᠭ ᠢᠶᠠᠨ ᠠᠪᠴᠤ ᠵᠤᠯᠵᠠᠢ᠃ ᠲᠤᠰ ᠡᠳᠤᠷ ᠮᠤᠩᠭᠤᠯ᠂ ᠨᠠᠢᠮᠠᠨ ᠬᠤᠶᠠᠷ ᠡᠳᠡᠭᠡᠳ ᠤᠨ ᠴᠡᠷᠢᠭ ᠨᠢᠭᠡᠨ ᠨᠠᠷᠢᠨ ᠬᠠᠪᠴᠢᠯ ᠳᠤ ᠲᠤᠯᠤᠯᠳᠤᠵᠤ᠂ ᠳᠡᠶᠢᠯᠤᠨ ᠳᠡᠶᠢᠯᠦᠭᠳᠡᠬᠦ ᠢᠯᠭᠠᠷᠠᠭᠰᠠᠨ ᠦᠭᠡᠢ ᠪᠤᠯᠬᠤᠷ᠂ ᠨᠠᠷᠠᠨ ᠤᠷᠤᠢ ᠪᠤᠯᠬᠤ ᠳᠤ ᠳᠡᠮᠤᠵᠢᠨ ᠨᠠᠬᠤ ᠬᠦᠨ ᠤ ᠠᠭᠤᠯᠠ ᠶᠢ ᠪᠦᠰᠡᠯᠡᠵᠦ ᠠᠪᠤᠭᠠᠳ ᠬᠤᠨᠤᠪᠠ᠃ ᠨᠠᠢᠮᠠᠨ ᠤ ᠴᠡᠷᠢᠭ ᠰᠦᠨᠢ ᠪᠠᠷ ᠵᠤᠯᠤᠨ ᠪᠤᠷᠤᠭᠤᠯᠬᠤ ᠭᠡᠵᠦ ᠪᠠᠶᠢᠭᠠᠳ ᠡᠭ᠍ᠴᠡ ᠬᠠᠳᠠᠨ ᠠᠴᠠ ᠦᠡᠭᠭᠦᠷᠢᠨ ᠤᠨᠠᠵᠤ ᠦᠭᠦᠭᠰᠡᠨ ᠬᠦᠮᠤᠨ ᠮᠠᠰᠢ ᠤᠯᠠᠨ ᠪᠠᠶᠢᠵᠠᠢ᠃ ᠮᠠᠷᠭᠠᠰᠢ ᠨᠢ ᠳᠡᠮᠤᠵᠢᠨ ᠨᠠᠬᠤ ᠬᠦᠨ ᠤ ᠳᠤᠳᠤᠷ᠎ᠠ ᠳᠠᠷᠤᠨ ᠤᠷᠤᠵᠤ ᠳᠠᠶᠠᠨ ᠬᠠᠨ ᠪᠠ ᠳᠡᠭᠦᠨ ᠤ ᠪᠠᠭ᠎ᠠ ᠡᠬᠡ ᠬᠦᠷᠪᠡᠰᠤ ᠶᠢ ᠠᠮᠢᠳᠤ ᠪᠠᠷ ᠪᠠᠷᠢᠵᠤ ᠠᠪᠤᠭᠠᠳ ᠨᠠᠢᠮᠠᠨ ᠤᠯᠤᠰ ᠢ ᠮᠦᠭᠦᠭᠡᠵᠡᠢ᠃ ᠪᠠᠶᠢᠯᠳᠤᠭᠠᠨ ᠤ ᠳᠠᠷᠠᠭ᠎ᠠ ᠲᠠᠲ᠋ᠠᠷ᠂ ᠬᠠᠳᠠᠬᠢᠨ᠂ ᠰᠠᠯᠵᠢᠭᠤᠳ ᠵᠡᠷᠭᠡ ᠠᠶᠢᠮᠠᠭ ᠳᠠᠭᠠᠵᠤ ᠢᠷᠡᠭᠰᠡᠨ ᠪᠤᠯᠪᠠᠴᠤ ᠮᠡᠷᠬᠢᠳ ᠠᠶᠢᠮᠠᠭ ᠤᠨ ᠳᠤᠭᠳᠤᠭ᠎ᠠ ᠪᠤᠯᠤᠨ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠬᠤᠳᠤᠭ᠎ᠠ ᠪᠠᠬᠢ ᠨᠠᠷ ᠲᠠᠶᠠᠨ ᠬᠠᠨ ᠤ ᠳᠡᠭᠦᠦ ᠪᠤᠶᠢᠷᠤᠭ ᠬᠠᠨ ᠢ ᠲᠦᠰᠢᠬᠦ ᠪᠠᠷ ᠵᠤᠯᠵᠤ ᠶᠠᠪᠤᠵᠠᠢ᠃ 1206 ᠤᠨ ᠳᠤ᠂ ᠴᠢᠩᠬᠢᠰ ᠬᠠᠭᠠᠨ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ ᠪᠤᠶᠢᠷᠤᠭ ᠬᠠᠨ ᠢ ᠳᠠᠶᠢᠯᠠᠬᠤ ᠪᠠᠷ ᠮᠤᠷᠳᠠᠪᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠪᠤᠶᠢᠷᠤᠭ ᠬᠠᠨ ᠠᠬ᠎ᠠ ᠳᠠᠶᠠᠨ ᠬᠠᠨ ᠤ ᠪᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠭᠠᠳ ᠠᠯᠠᠭ ᠳᠠᠭ ᠤᠷᠴᠢᠮ ᠳᠠᠬᠢ ᠰᠤᠵᠢᠶ᠎ᠠ ᠭᠤᠤᠯ ᠤᠨ ᠬᠦᠪᠡᠭᠡ ᠪᠠᠷ ᠠᠡᠭ ᠠᠩᠨᠠᠵᠤ ᠪᠠᠶᠢᠯ᠎ᠠ᠃ ᠴᠢᠩᠬᠢᠰ ᠬᠠᠭᠠᠨ ᠳᠡᠭᠦᠨ ᠢ ᠭᠡᠨᠡᠳᠡᠭᠦᠯᠤᠨ ᠳᠠᠭᠠᠷᠢᠵᠤ ᠪᠠᠷᠢᠪᠴᠢᠯᠠᠨ ᠠᠯᠠᠭᠠᠳ᠂ ᠭᠡᠷ ᠪᠦᠯᠢ ᠪᠠ ᠮᠠᠯ ᠬᠦᠷᠦᠩᠭᠡ ᠶᠢ ᠨᠢ ᠴᠦᠮ ᠤᠯᠵᠠᠯᠠᠭᠰᠠᠨ ᠳᠤ ᠠᠴᠢ ᠬᠦᠪᠡᠭᠦᠳ ᠬᠦᠴᠤᠯᠦᠭ ᠨᠢ ᠮᠡᠷᠬᠢᠳ ᠤᠨ ᠳᠤᠭᠳᠤᠭ᠎ᠠ ᠯᠤᠭ᠎ᠠ ᠡᠷᠴᠢᠰ ᠭᠤᠤᠯ ᠦᠭᠡᠳᠡ ᠵᠤᠯᠤᠨ ᠶᠠᠪᠤᠪᠠ᠃ ᠳᠠᠷᠠᠭ᠎ᠠ ᠵᠢᠯ ᠨᠢ ᠴᠢᠩᠭᠢᠰ ᠬᠠᠭᠠᠨ ᠠᠬᠠᠮᠠᠳ ᠬᠦᠪᠡᠭᠦᠨ ᠵᠦᠴᠢ ᠳᠡᠭᠡᠨ ᠪᠠᠷᠠᠭᠤᠨ ᠭᠠᠷ ᠤᠨ ᠴᠡᠷᠢᠭ ᠢ ᠦᠭᠴᠤ᠂ ᠪᠤᠬ᠎ᠠ ᠪᠠᠷ ᠭᠠᠵᠠᠷᠴᠢᠯᠠᠭᠤᠯᠤᠨ ᠡᠷᠴᠢᠰ ᠭᠤᠤᠯ ᠦᠭᠡᠳᠡ ᠴᠡᠷᠢᠭᠯᠡᠭᠦᠯᠵᠦ᠂ ᠬᠦᠴᠦᠯᠦᠭ ᠪᠤᠯᠤᠨ ᠳᠤᠭᠳᠤᠭ᠎ᠠ ᠶᠢ ᠳᠠᠬᠢᠨ ᠳᠠᠶᠢᠯᠠᠭᠤᠯᠪᠠ᠃ ᠲᠡᠷᠡ ᠲᠤᠬᠠᠢ ᠤᠶᠢᠷᠠᠳ ᠤᠨ ᠲᠦᠷᠤᠭᠦᠦ ᠬᠤᠳᠤᠭ᠎ᠠ ᠪᠠᠬᠢ ᠮᠤᠩᠭᠤᠯ ᠴᠡᠷᠢᠭ ᠲᠠᠢ ᠳᠠᠭᠠᠷᠢᠯᠳᠤᠵᠤ ᠪᠠᠶᠢᠯᠳᠤᠭᠰᠠᠨ ᠦᠭᠡᠢ ᠪᠠᠷ ᠤᠷᠤᠵᠤ ᠦᠭᠪᠡ᠃ ᠢᠡᠭᠬᠢᠭᠡᠳ ᠵᠦᠴᠢ ᠬᠤᠳᠤᠭ᠎ᠠ ᠪᠠᠬᠢ ᠎ ᠪᠠᠷ ᠵᠠᠮᠴᠢᠯᠠᠭᠤᠯᠵᠤ ᠬᠦᠴᠦᠯᠦᠭ᠂ ᠳᠤᠭᠳᠤᠭ᠎ᠠ ᠬᠤᠶᠠᠷ ᠲᠠᠢ ᠪᠠᠶᠢᠯᠳᠤᠭᠰᠠᠨ ᠳᠤ ᠳᠤᠭᠳᠤᠭ᠎ᠠ ᠪᠠᠶᠢᠯᠳᠤᠭᠠᠨ ᠤ ᠳᠠᠯᠠᠪᠤᠷ ᠲᠤ ᠠᠯᠠᠭᠳᠠᠨ᠂ ᠬᠦᠴᠦᠯᠦᠭ ᠬᠠᠷ᠎ᠠ ᠬᠢᠳᠠᠨ ᠤᠯᠤᠰ 1 ᠦᠭᠡᠳᠡ ᠵᠤᠯᠤᠨ ᠶᠠᠪᠤᠵᠠᠢ᠃ ᠳᠡᠶᠢᠨ ᠬᠦ ᠵᠦᠴᠢ ᠦᠷᠭᠦᠯᠵᠢᠯᠡᠨ ᠬᠤᠳᠤᠭ᠎ᠠ ᠪᠠᠬᠢ ᠪᠠᠷ ᠭᠠᠵᠠᠷᠴᠢᠯᠠᠭᠤᠯᠵᠤ ᠪᠤᠷᠢᠶᠠᠳ᠂ ᠪᠠᠷᠭᠤ᠂ ᠤᠷᠰᠤᠳ᠂ ᠬᠠᠪᠠᠨᠠᠰ᠂ ᠬᠠᠨᠭ᠍ᠬᠠᠰ᠂ ᠳᠤᠪᠠ ᠠᠶᠢᠮᠠᠭ ᠢ ᠤᠷᠤᠭᠤᠯᠤᠨ ᠠᠪᠤᠭᠠᠳ᠂ ᠲᠦᠮᠡᠨ ᠭᠡᠷᠬᠢᠰ ︵ᠬᠢᠷᠭᠠᠽᠢ︶᠎ ᠤᠨ ᠨᠤᠳᠤᠭ ᠲᠤ ᠬᠦᠷᠦᠭᠰᠡᠨ ᠳᠤ᠂ ᠭᠡᠷᠬᠢᠰ ᠤᠨ ᠨᠤᠶᠠᠳ ᠡᠳᠢ᠂ ᠢᠨᠠᠯ᠂ ᠠᠯᠳᠠᠶ᠋ᠢᠷ ᠨᠠᠷ ᠤᠷᠤᠵᠤ ᠦᠭᠪᠡ᠃ ᠳᠡᠨᠳᠡᠴᠡ ᠵᠦᠴᠢ᠂ ᠬᠤᠳᠤᠭ᠎ᠠ ᠪᠠᠬᠢ ᠨᠠᠷ ᠰᠢᠪᠠᠷ᠂ ᠭᠡᠰᠳᠢᠨ᠂ ᠪᠠᠶᠠᠳ᠂ ᠲᠤᠬᠠᠰ᠂ ᠳᠡᠩᠯᠡᠭ᠂ ᠳᠦᠭᠯᠡᠰ᠂ ᠳᠡᠰ ᠵᠡᠷᠭᠡ ᠪᠡᠶᠡᠭᠡᠳ ᠠᠴᠠ ᠨᠠᠰᠢᠬᠢ ᠢᠷᠭᠡᠳ ᠢ ᠡᠵᠡᠯᠡᠨ ᠠᠪᠤᠭᠠᠳ ᠪᠤᠴᠠᠵᠤ ᠢᠷᠡᠨ᠂ ᠴᠢᠩᠬᠢᠰ ᠬᠠᠭᠠᠨ ᠳᠤ ᠴᠠᠭᠠᠨ ᠱᠤᠩᠬᠤᠷ᠂ ᠰᠡᠷᠡᠯ ᠮᠤᠷᠢ᠂ ᠬᠠᠷ᠎ᠠ ᠪᠤᠯᠭᠠᠨ ᠠᠷᠠᠰᠤ ᠵᠡᠷᠭᠡ ᠶᠢ ᠪᠡᠯᠡᠭᠯᠡᠵᠦ ᠠᠭᠤᠯᠵᠠᠪᠠ᠃ ᠤᠶᠢᠷᠠᠳ ᠤᠨ ᠬᠤᠳᠤᠭ᠎ᠠ ᠪᠠᠬᠢ ᠶᠢ ᠡᠮᠤᠨ᠎ᠡ ᠠᠴᠠ ᠨᠢ ᠤᠭᠳᠤᠨ ᠲᠦᠮᠡᠨ ᠤᠶᠢᠷᠠᠳ ᠢᠶᠠᠨ ᠳᠠᠭᠠᠭᠤᠯᠤᠨ ᠡᠯᠰᠡᠵᠦ ᠢᠷᠡᠪᠡ ᠭᠡᠰᠡᠨ ᠴᠢᠩᠬᠢᠰ ᠬᠠᠭᠠᠨ ᠰᠤᠶᠤᠷᠬᠠᠵᠤ ᠬᠦᠪᠡᠭᠦᠨ ᠢᠨᠠᠯᠴᠢ ᠳᠤᠨᠢ ᠴᠡᠴᠡᠶᠢᠭᠡᠨ ᠨᠡᠷᠡᠳᠤ ᠦᠬᠢᠨ ᠢᠶᠠᠨ ᠦᠭᠪᠡ᠃ ᠢᠨᠠᠯᠴᠢ ᠶᠢᠨ ᠠᠬ᠎ᠠ ᠲᠦᠷᠡᠯᠵᠢ ᠳᠤ ᠵᠦᠴᠢ ᠶᠢᠨ ᠦᠬᠢᠨ ᠤᠯᠦ᠋ᠢᠬᠠᠨ ᠢ ᠦᠭᠪᠡ᠃ ᠴᠢᠩᠬᠢᠭᠡᠳ ᠴᠢᠩᠬᠢᠰ ᠬᠠᠭᠠᠨ ᠵᠦᠴᠢ ᠶᠢ ᠰᠤᠶᠤᠷᠬᠠᠵᠤ᠄ ︽ᠬᠦᠪᠡᠭᠦᠳ ᠤᠨ ᠮᠢᠨᠢ ᠠᠬᠠᠮᠠᠳ ᠨᠢ ᠴᠢ ᠪᠢᠯᠡ᠃ ᠭᠡᠷ ᠲᠤ ᠠᠴᠠ ᠠᠩᠬ᠎ᠠ ᠭᠠᠷᠤᠮᠠᠭᠴᠠ ᠤᠯᠵᠠ ᠤᠮᠤᠭ ᠰᠠᠶᠢᠳᠠᠢ ᠶᠠᠪᠤᠵᠤ᠂ ᠬᠦᠷᠦᠭᠰᠡᠨ ᠭᠠᠵᠠᠷ ᠪᠦᠭᠦᠨ ᠳᠤ ᠬᠦᠮᠤᠨ ᠮᠤᠷᠢ ᠶᠢ ᠭᠠᠷᠤᠳᠠᠭᠤᠯᠵᠤ ᠵᠤᠪᠠᠭᠠᠭᠰᠠᠨ ᠦᠭᠡᠢ ᠪᠠᠷ ᠦᠯᠵᠡᠶᠢᠳᠤ ᠤᠢ ᠶᠢᠨ ᠢᠷᠭᠡᠳ ᠢ ᠤᠷᠤᠭᠤᠯᠵᠤ ᠢᠷᠡᠪᠡ᠂ ᠡᠳᠡᠭᠡᠷ ᠢᠷᠭᠡᠨ ᠢ ᠴᠢᠮ᠎ᠠ ᠳᠤ ᠦᠭᠭᠦᠶ᠎ᠡ︾ ᠭᠡᠮᠡᠨ ᠵᠠᠷᠯᠢᠭ ᠪᠤᠯᠪᠠ᠃ ᠳᠡᠭᠡᠭᠡᠳ ᠬᠤᠳᠤᠭ᠎ᠠ ᠪᠠᠬᠢ ᠵᠦᠴᠢ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠪᠤᠯᠵᠠᠢ᠃ ᠤᠷᠢᠳᠤ ᠪᠠᠭᠠᠷᠢᠨ ᠠᠶᠢᠮᠠᠭ ᠤᠨ ᠬᠤᠷᠴᠢ ᠵᠠᠮᠤᠬ᠎ᠠ ᠠᠴᠠ ᠰᠠᠯᠵᠤ ᠴᠢᠩᠬᠢᠰ ᠬᠠᠭᠠᠨ ᠯᠤᠭ᠎ᠠ ᠨᠡᠶᠢᠯᠡᠭᠡᠳ᠄ ︽ᠪᠢᠳᠡ ᠪᠤᠳᠠᠨᠴᠠᠷ ᠡᠪᠦᠭᠡ ᠶᠢᠨ ᠪᠠᠷᠢᠵᠤ ᠠᠪᠤᠭᠰᠠᠨ ᠡᠮ᠎ᠡ ᠠᠴᠠ ᠲᠦᠷᠦᠭᠰᠡᠨ ᠲᠤᠯᠠ ᠵᠠᠮᠤᠬ᠎ᠠ ᠯᠤᠭ᠎ᠠ ᠭᠡᠪᠡᠯᠢ ᠨᠢᠭᠡ᠂ ᠭᠡᠯᠬᠢᠶ᠎ᠡ ᠪᠠᠬᠢᠳᠠᠢ ᠬᠦᠮᠦᠰ ᠪᠢᠯᠡ᠃ ᠡᠶᠢᠮᠤ ᠠᠴᠠ ᠴᠤᠬᠤᠮ ᠵᠠᠮᠤᠬ᠎ᠠ ᠠᠴᠠ ᠬᠠᠭᠠᠴᠠᠬᠤ ᠦᠭᠡᠢ ᠪᠤᠯ ᠵᠤᠬᠢᠬᠤ ᠶᠤᠮᠰᠠᠨ᠃ ᠭᠡᠪᠡᠴᠤ ᠲᠡᠷᠡ ᠦᠷᠭᠦᠯᠵᠢ ᠪᠢᠳᠡᠨ ᠢ ᠪᠤᠯᠢᠶᠠᠵᠤ ᠳᠡᠭᠡᠷᠡᠮᠳᠡᠳᠡᠭ ᠲᠤᠯᠠ ᠳᠡᠰᠴᠤ ᠶᠠᠳᠠᠨ ᠴᠢᠮᠠᠶᠢ ᠳᠠᠭᠠᠬᠤ ᠪᠠᠷ ᠢᠷᠡᠪᠡ᠃ ᠳᠡᠮᠤᠵᠢᠨ ᠴᠢ ᠬᠠᠭᠠᠨ ᠰᠠᠭᠤᠪᠠᠯ ᠨᠠᠮᠠᠶᠢ ᠶᠠᠭᠠᠬᠢᠵᠤ ᠵᠢᠷᠭᠠᠭᠤᠯᠬᠤ ᠪᠤᠢ︖︾ ᠭᠡᠵᠦ ᠠᠰᠠᠭᠤᠪᠠ᠃ ᠳᠡᠮᠤᠵᠢᠨ᠄ ︽ᠪᠢ ᠦᠨᠡᠭᠡᠷ ᠤᠯᠤᠰ ᠤᠨ ᠡᠵᠡᠨ ᠪᠤᠯᠪᠠᠯ ᠴᠢᠮᠠᠶᠢ ᠲᠦᠮᠡᠨ ᠤ ᠨᠤᠶᠠᠨ ᠪᠤᠯᠭᠠᠶ᠎ᠠ︾ ᠭᠡᠪᠡ᠃ ᠬᠤᠷᠴᠢ᠄ ︽ᠲᠦᠮᠡᠨ ᠤ ᠨᠤᠶᠠᠨ ᠪᠤᠯᠬᠤ ᠨᠢ ᠳᠡᠶᠢᠮᠤ ᠴᠤ ᠵᠢᠷᠭᠠᠯ ᠲᠠᠢ ᠶᠠᠪᠤᠳᠠᠯ ᠪᠢᠰᠢ ᠳ᠋ᠡ᠃ ᠬᠠᠷᠢᠨ ᠪᠦᠬᠦ ᠤᠯᠤᠰ ᠤᠨ ᠭᠤᠸ᠎ᠠ ᠰᠠᠶᠢᠬᠠᠨ ᠦᠬᠢᠳ ᠠᠴᠠ ᠭᠤᠴᠢ ᠶᠢ ᠰᠤᠩᠭᠤᠵᠤ᠂ ᠡᠮ᠎ᠡ ᠪᠤᠯᠭᠠᠨ ᠠᠪᠬᠤ ᠨᠢ ᠰᠠᠶ᠋ᠢ ᠵᠢᠷᠭᠠᠯ ᠶᠤᠮ︾ ᠭᠡᠪᠡ᠃ 1206 ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠤᠯᠠᠨ ᠭᠠᠪᠢᠶᠠᠳᠠᠨ ᠰᠠᠶᠢᠳ ᠢᠶᠠᠨ ᠱᠠᠩᠨᠠᠬᠤ ᠦᠶ᠎ᠡ ᠳᠤ᠂ ᠬᠤᠷᠴᠢ ᠶᠢ ᠳᠠᠭᠤᠳᠠᠵᠤ᠄ ︽ᠤᠳᠤ ᠴᠢᠨᠤ ᠭᠡᠯᠡᠭᠰᠡᠨ ᠦᠭᠡ ᠪᠦᠳᠦᠭᠰᠡᠨ ᠲᠤᠯᠠ᠂ ᠬᠤᠷᠢ ᠲᠦᠮᠡᠳ ᠠᠴᠠ ᠭᠤᠸ᠎ᠠ ᠰᠠᠶᠢᠬᠠᠨ ᠭᠡᠦᠭᠡᠨ ᠭᠤᠴᠢ ᠶᠢ ᠰᠢᠯᠢᠵᠤ ᠠᠪ︕︾ ᠭᠡᠪᠡ᠃ ᠬᠤᠷᠴᠢ ᠨᠤᠶᠠᠨ ᠬᠤᠷᠢ ᠲᠦᠮᠡᠳ ᠲᠤ ᠤᠴᠢᠵᠤ ᠭᠡᠦᠭᠡᠨ ᠰᠤᠩᠭᠤᠵᠤ ᠪᠠᠶᠢᠳᠠᠯ᠎ᠠ ᠬᠤᠷᠢ ᠲᠦᠮᠡᠳ ᠢᠷᠭᠡᠨ ᠤᠷᠪᠠᠵᠤ ᠳᠠᠶᠢᠰᠤᠨ ᠪᠤᠯᠤᠭᠠᠳ ᠬᠤᠷᠴᠢ ᠨᠤᠶᠠᠨ ᠢ ᠪᠠᠷᠢᠪᠴᠢᠯᠡᠨ ᠠᠪᠴᠠᠢ᠃ ᠬᠤᠷᠴᠢ ᠶᠢ ᠬᠤᠷᠢ ᠲᠦᠮᠡᠳ ᠲᠤ ᠪᠠᠷᠢᠭᠳᠠᠭᠰᠠᠨ ᠢ ᠰᠤᠨᠤᠰᠤᠭᠠᠳ ᠴᠢᠩᠬᠢᠰ ᠬᠠᠭᠠᠨ ᠤᠢ ᠶᠢᠨ ᠢᠷᠭᠡᠨ ᠤ ᠪᠠᠶᠢᠳᠠᠯ ᠢ ᠮᠡᠳᠡᠬᠦ ᠬᠦᠮᠤᠨ ᠭᠡᠵᠦ ᠬᠤᠳᠤᠭ᠎ᠠ ᠪᠠᠬᠢ ᠶᠢ ᠢᠯᠡᠭᠡᠭᠰᠡᠨ ᠳᠤ ᠬᠤᠳᠤᠭ᠎ᠠ ᠪᠠᠬᠢ ᠪᠠᠰᠠ ᠪᠠᠷᠢᠭᠳᠠᠵᠠᠢ᠃ ᠴᠢᠩᠬᠢᠰ ᠬᠠᠭᠠᠨ ᠬᠤᠷᠴᠢ ᠪᠤᠯᠤᠨ ᠬᠤᠳᠤᠭ᠎ᠠ ᠪᠠᠬᠢ ᠶᠢ ᠠᠪᠤᠷᠠᠭᠤᠯᠬᠤ ᠪᠠᠷ ᠪᠤᠷᠤᠬᠤᠯ ᠳᠤ ᠶᠡᠭᠡ ᠴᠡᠷᠢᠭ ᠦᠭᠴᠤ ᠶᠠᠪᠤᠭᠤᠯᠪᠠ᠃ ᠪᠤᠷᠤᠬᠤᠯ ᠨᠤᠶᠠᠨ ᠳᠡᠨᠳᠡ ᠬᠦᠷᠤᠭᠡᠳ᠂ ᠭᠤᠷᠪᠠᠨ ᠬᠦᠮᠤᠨ ᠢ ᠳᠠᠭᠠᠭᠤᠯᠤᠨ ᠶᠡᠭᠡ ᠴᠡᠷᠢᠭ ᠤᠨ ᠡᠮᠤᠨ᠎ᠡ ᠦᠳᠡᠰᠢ ᠤᠷᠤᠢ ᠪᠡᠷᠭᠡ ᠤᠢ ᠶᠢᠨ ᠳᠤᠳᠤᠷ᠎ᠠ ᠨᠠᠷᠢᠨ ᠵᠦᠷᠢᠭ ᠵᠠᠮ ᠢᠶᠠᠷ ᠶᠠᠪᠤᠵᠤ ᠪᠠᠶᠢᠳᠠᠯ᠎ᠠ ᠬᠤᠷᠢ ᠲᠦᠮᠡᠳ ᠤᠨ ᠬᠠᠷᠠᠭᠤᠯ ᠤᠨ ᠬᠦᠮᠦᠰ ᠳᠡᠳᠡᠨ ᠤ ᠠᠷᠤ ᠳᠤ ᠭᠠᠷᠴᠤ ᠵᠠᠮ ᠢ ᠨᠢ ᠳᠠᠰᠤᠯᠤᠭᠠᠳ ᠪᠤᠷᠤᠬᠤᠯ ᠨᠤᠶᠠᠨ ᠢ ᠪᠠᠷᠢᠵᠤ ᠠᠯᠠᠵᠠᠢ᠃ ᠴᠢᠩᠬᠢᠰ ᠬᠠᠭᠠᠨ ᠳᠦᠷᠪᠡᠨ ᠬᠦᠯᠦᠭ ᠤᠨ ᠨᠢᠭᠡ ᠪᠤᠯᠬᠤ ᠪᠤᠷᠤᠬᠤᠯ ᠨᠤᠶᠠᠨ ᠤ ᠠᠯᠠᠭᠳᠠᠭᠰᠠᠨ ᠢ ᠰᠤᠨᠤᠰᠤᠭᠠᠳ ᠶᠡᠭᠡ ᠪᠠᠷ ᠬᠢᠯᠢᠩᠨᠡᠵᠦ᠂ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠴᠡᠷᠢᠭᠯᠡᠬᠦ ᠶᠢ ᠵᠠᠪᠳᠤᠭᠰᠠᠨ ᠳᠤ ᠪᠤᠭᠤᠷᠴᠢ᠂ ᠮᠤᠬᠤᠯᠠᠢ ᠬᠤᠶᠠᠷ ᠭᠡᠯᠡᠨ ᠢᠳᠬᠠᠵᠤ ᠵᠤᠭᠰᠤᠭᠠᠪᠠ᠃ ᠳᠡᠭᠦᠨᠴᠢᠯᠡᠨ ᠴᠢᠩᠬᠢᠰ ᠬᠠᠭᠠᠨ ᠳᠦᠷᠪᠡᠳ ᠤᠨ ᠳᠦᠷᠪᠡᠢ ᠳᠤᠭᠰᠢᠨ ᠨᠤᠶᠠᠨ ᠳᠤ ᠴᠡᠷᠢᠭ ᠦᠭᠴᠤ ᠶᠠᠪᠤᠭᠤᠯᠤᠭᠠᠳ ᠬᠤᠷᠢ ᠲᠦᠮᠡᠳ ᠢ ᠳᠠᠷᠤᠩᠭᠤᠶᠢᠯᠠᠵᠤ᠂ ᠪᠤᠷᠤᠬᠤᠯ ᠤᠨ ᠭᠡᠭᠦᠷ ᠶᠠᠰᠤᠨ ᠤ ᠲᠤᠯᠠ ᠵᠠᠭᠤᠨ ᠲᠦᠮᠡᠳ ᠢ ᠳᠡᠭᠦᠨ ᠤ ᠭᠡᠷ ᠪᠦᠯᠢ ᠳᠤ ᠦᠭᠪᠡ᠃ ᠬᠤᠷᠴᠢ ᠳᠤ ᠭᠤᠴᠢᠨ ᠦᠬᠢᠨ ᠢ ᠦᠭᠪᠡ᠃ ᠬᠤᠷᠢ ᠲᠦᠮᠡᠳ ᠢ ᠵᠠᠬᠢᠷᠴᠤ ᠪᠠᠶᠢᠭᠰᠠᠨ ᠪᠤᠳᠤᠬᠤᠢ ᠳᠠᠷᠭᠤᠨ ᠬᠠᠳᠤᠨ ᠢ ᠬᠤᠳᠤᠭ᠎ᠠ ᠪᠠᠬᠢ ᠳᠤ ᠦᠭᠪᠡ᠃ ᠳᠡᠭᠦᠨ ᠤ ᠬᠤᠶᠢᠨ᠎ᠠ ᠬᠤᠳᠤᠭ᠎ᠠ ᠪᠠᠬᠢ ᠶᠢᠨ ᠦᠬᠢᠨ ᠬᠠᠶᠢᠮᠢᠰᠢ ᠴᠢᠩᠬᠢᠰ ᠬᠠᠭᠠᠨ ᠤ ᠠᠴᠢ ᠬᠦᠪᠡᠭᠦᠳ ᠬᠦᠶᠦᠭ ᠯᠦᠭᠡ ᠤᠷᠤᠭᠯᠠᠵᠤ᠂ ᠮᠤᠩᠭᠤᠯ ᠤᠨ ᠳᠡᠤᠭᠡᠨ ᠳᠤ ᠠᠯᠳᠠᠷᠳᠠᠢ ᠬᠠᠳᠤᠨ ᠪᠤᠯᠤᠭᠰᠠᠨ ᠪᠦᠭᠡᠳ ᠬᠦᠶᠦᠭ ᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠤ ᠰᠡᠭᠦᠯᠡᠷ ᠨᠡᠯᠢᠶᠡᠳ ᠭᠡᠳᠤᠨ ᠵᠢᠯ ᠲᠦᠷ ᠲᠦᠷᠦ ᠶᠢ ᠵᠠᠰᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠬᠤᠳᠤᠭ᠎ᠠ ᠪᠠᠬᠢ ᠠᠩᠬᠠᠨ ᠳᠠᠭᠠᠨ ᠭᠡᠳᠦ᠋ᠢᠪᠡᠷ ᠴᠢᠩᠬᠢᠰ ᠬᠠᠭᠠᠨ ᠢ ᠡᠰᠡᠷᠭᠦᠴᠡᠵᠦ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠰᠡᠭᠦᠯᠡᠷ ᠨᠢ ᠰᠠᠶᠢᠨ ᠳᠤᠷ᠎ᠠ ᠠᠴᠠ ᠪᠠᠨ ᠤᠷᠤᠵᠤ ᠦᠭᠭᠦᠭᠡᠳ ᠳᠠᠪᠬᠤᠷ ᠳᠠᠪᠬᠤᠷ ᠬᠤᠳᠠ ᠤᠷᠤᠭ ᠪᠤᠯᠤᠯᠴᠠᠵᠤ᠂ ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠳᠡᠤᠭᠡᠨ ᠬᠦᠭᠵᠢᠯ ᠳᠤ ᠶᠡᠭᠡᠭᠡᠨ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠬᠦᠮᠤᠨ ᠪᠤᠯᠬᠤ ᠶᠤᠮ᠃
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠶᠢᠨ ᠮᠤᠩᠭᠤᠯ ᠮᠦᠰᠯᠢᠮᠴᠤᠳ ᠤᠨ ᠵᠠᠩ ᠵᠡᠩᠰᠢᠯ ᠪᠡ ᠴᠡᠬᠡᠷᠯᠡᠯ᠁
ᠲᠤᠷᠭᠤᠳ ᠠᠩᠴᠢᠨ ᠤ ᠭᠦᠷᠣᠭᠡᠰᠦ ᠠᠩᠨᠠᠬᠤ ᠣᠷᠡᠨ ᠠᠷᠭ᠎ᠠ᠁
ᠬᠤᠱᠤᠳ ᠮᠥᠩᠬᠡᠨᠠᠷᠠᠨ᠁
ᠴᠢᠳᠠᠯ ᠲᠠᠢ ᠠᠪᠤᠭᠠᠢ ᠭᠠᠷᠮ᠎ᠠ ᠶᠢᠨ ᠲᠤᠮᠤᠭ
ᠲᠡᠬᠡᠳᠦ ᠮᠤᠩᠭᠤᠯᠴᠤᠳ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠪᠠᠭᠠᠵᠢ ᠭᠡᠷᠡᠭᠰᠡᠯ ᠤᠨ ᠲᠤᠬᠠᠢ ᠲᠦᠬᠦᠮ ᠲᠠᠶᠢᠯᠤᠮᠵᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号