| | | ᠠᠶᠢᠷᠠᠭ ᠦᠰᠦᠨ ᠤ ᠦᠨᠦᠷ ᠠᠩᠬᠢᠯᠠᠭᠰᠠᠨ᠂ ᠤᠭᠤᠵᠤ ᠰᠠᠭᠤᠬᠤ ᠳᠤ ᠤᠷᠠᠮᠡ ᠶᠢ ᠬᠥᠭᠵᠢᠭᠡᠭᠰᠡᠨ ᠠᠮᠠᠨ ᠳᠤ | ᠵᠥᠬᠡᠯᠡᠨ᠂ ᠰᠡᠳᠬᠡᠯ ᠳᠤ ᠲᠠᠭᠠᠯᠠᠮᠵᠢᠲᠠᠢ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠶᠢ ᠮᠠᠨ ᠤ ᠣᠶᠢᠷᠠᠳ ᠮᠣᠩᠭᠤᠯᠴᠤᠳ ᠡᠷᠲᠡ | ᠳᠡᠭᠡᠳᠦ ᠶᠢᠨ ᠦᠶᠡ ᠠᠴᠠ ᠪᠠᠨ ᠡᠬᠢᠯᠠᠨ ᠨᠡᠷᠡᠵᠤ᠂ ᠣᠳᠣ ᠬᠦᠷᠲᠡᠯᠡ ᠡᠳᠡᠯᠡᠭᠰᠡᠭᠡᠷ ᠢᠷᠡᠵᠠᠢ᠃ ᠠᠳᠡᠬᠢ ᠶᠢᠨ | ᠬᠦᠮᠦᠰ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠮᠠᠯ ᠤᠨ ᠠᠷᠢᠬᠢ᠂ ᠠᠶᠢᠷᠠᠭ ᠢᠶᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ᠂ ᠮᠣᠩᠭᠤᠯ ᠠᠷᠢᠬᠢ ᠭᠡᠵᠤ | ᠪᠠᠰᠨ ᠬᠡᠯᠡᠳᠡᠭ᠃ | ᠵᠢᠯ ᠪᠦᠷᠢ ᠬᠠᠪᠤᠷ ᠤᠨ ᠬᠤᠨᠢᠨ ᠤ ᠲᠥᠯ ᠲᠤᠰᠠᠯᠳᠠ ᠤᠨ ᠬᠤᠭᠤᠴᠠᠭᠠ ᠥᠩᠭᠡᠷᠴᠤ᠂ ᠵᠤᠨ ᠤ ᠤᠯᠢᠷᠠᠯ ᠤᠨ | ᠲᠡᠷᠢᠬᠦᠨ ᠰᠠᠷᠠ ᠪᠣᠯᠬᠤ ᠲᠠᠪᠤᠨ ᠰᠠᠷᠠ ᠳᠤ ᠥᠬᠡᠷ ︵ᠦᠨᠢᠶᠠ︶᠂ ᠰᠠᠷᠯᠤᠭ ᠲᠥᠷᠥᠮᠡᠭᠴᠨ ᠣᠶᠢᠷᠠᠳ | ᠮᠣᠩᠭᠤᠯᠴᠤᠳ ᠰᠠᠭᠠᠯᠢ ᠪᠠᠨ ᠡᠬᠡᠯᠡᠵᠤ ᠬᠡᠳᠡᠭ᠃ ᠡᠩ ᠤᠨ ᠪᠠᠶᠢᠳᠠᠯ ᠳᠣᠣᠷᠡ ᠨᠢᠭᠡ ᠠᠶᠢᠯ ᠲᠠᠪᠤᠨ ᠦᠬᠦᠷ ᠶᠤᠮ | ᠤᠤ︖ ᠡᠰᠡᠬᠦᠯᠡ ᠲᠠᠪᠤᠨ ᠰᠠᠷᠯᠤᠭ ᠢᠶᠠᠷ ᠨᠢᠭᠡ ᠵᠢᠯ ᠤᠨ ᠰᠠᠭᠠᠯᠢ ᠪᠠᠨ ᠬᠡᠳᠡᠭ᠃ ᠵᠠᠷᠢᠮ ᠨᠢᠭᠡ ᠡᠴᠢᠭᠡ ᠬᠥᠪᠡᠬᠦᠨ | ᠬᠤᠶᠠᠷ ᠬᠠᠮᠲᠤ ᠪᠠᠨ ᠪᠠᠶᠢᠭᠰᠠᠨ ᠠᠶᠢᠯ ᠤᠨ ᠡᠬᠡ ᠪᠡᠷᠢ ᠬᠤᠶᠠᠷ ᠬᠠᠮᠲᠤᠷᠠᠨ ᠠᠷᠪᠠᠨ ᠦᠬᠡᠷ ᠰᠠᠭᠠᠵᠤ ᠰᠠᠭᠠᠯᠢ ᠬᠡᠬᠦ | ᠪᠥᠭᠡᠳ ᠥᠳᠥᠷ ᠥᠨᠵᠢᠭᠡᠳ ᠠᠷᠢᠬᠢ ᠨᠡᠷᠡᠳᠡᠭ᠃ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠭᠤᠣᠯᠳᠠᠵᠤ ᠦᠬᠡᠷ᠂ ᠰᠠᠷᠯᠤᠭ ᠤᠨ | ᠦᠰᠦ ᠪᠠᠷ ᠢᠰᠬᠡᠭᠰᠡᠨ ᠠᠶᠢᠷᠠᠭ ᠢᠶᠠᠷ ᠨᠡᠷᠡᠵᠤ ᠭᠠᠷᠭᠠᠳᠠᠭ᠃ ᠬᠤᠨᠢᠨ᠂ ᠢᠮᠠᠭᠠ᠂ ᠲᠡᠮᠡᠭᠡᠨ ᠤ ᠦᠰᠦ ᠪᠠᠷ ᠠᠶᠢᠷᠠᠭ | ᠢᠰᠬᠡᠳᠡᠭ ᠪᠣᠯᠪᠠᠴᠤ ᠠᠷᠢᠬᠢ ᠨᠡᠷᠡᠬᠦ ᠦᠭᠡᠢ᠃ ᠤᠴᠢᠷ ᠨᠢ ᠬᠤᠨᠢᠨ ᠢᠮᠠᠭᠠ ᠶᠢ ᠰᠠᠭᠠᠬᠤ ᠳᠤ ᠭᠠᠷᠬᠤ ᠦᠰᠦ ᠨᠢ | ᠪᠠᠭᠠ ᠪᠣᠯᠬᠤᠷ ᠲᠡᠬᠦᠨ ᠢ ᠴᠤᠭᠯᠠᠭᠤᠯᠠᠭᠠᠳ ᠠᠷᠢᠬᠢ ᠨᠡᠷᠡᠲᠡᠯᠡ ᠠᠶᠢᠷᠠᠭ ᠨᠢ ᠭᠠᠰᠢᠭᠤᠷᠴᠤ ᠦᠭᠰᠢᠷᠡᠭᠡᠳ᠂ | ᠴᠠᠭᠠᠰᠢᠳᠠ ᠡᠪᠳᠡᠷᠡᠳᠡᠭ ᠲᠤᠯᠨ ᠠᠷᠢᠬᠢ ᠨᠡᠷᠡᠬᠦ ᠦᠭᠡᠢ ᠶᠤᠮ᠃ ᠵᠥᠪᠬᠡᠨ ᠠᠮᠠᠨ ᠤ ᠠᠶᠢᠷᠠᠭ ᠬᠡᠵᠤ ᠬᠦᠮᠦᠰ ᠤᠨ | ᠰᠣᠨᠢᠮᠰᠤᠨ ᠤᠤᠭᠤᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃ | ᠣᠶᠢᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠨᠡᠷᠡᠬᠦ ᠠᠷᠭᠠ ᠨᠢ ᠭᠡᠪᠡᠯ᠄ | ᠣᠶᠢᠷᠠᠳᠴᠤᠳ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠨᠡᠷᠡᠬᠦ ᠳᠡᠭᠡᠨ ᠶᠠᠷᠬᠤ ᠴᠣᠷᠭᠤ ᠪᠠᠷ ᠨᠡᠷᠡᠬᠦ ᠪᠠ ᠪᠦᠷᠭᠡᠭᠡᠯᠢ ︵ᠵᠠᠷᠢᠮ | ᠭᠠᠵᠠᠷ ᠳᠤ ᠪᠠᠰᠨ ᠬᠥᠪᠭᠡᠭᠡᠷᠢ ᠭᠡᠳᠡᠭ︶ ᠪᠠᠷ ᠨᠡᠷᠡᠬᠦ ᠬᠤᠶᠠᠷ ᠵᠦᠢᠯ ᠤᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠤ ᠢᠷᠡᠵᠠᠢ᠃ | ᠴᠢᠯᠥᠭᠡᠯᠡᠭᠳᠡᠬᠦ ᠶᠢᠨ ᠡᠮᠥᠨᠡ ᠠᠴᠠ ᠠᠪᠤᠭᠠᠳ ᠵᠢᠷᠠᠭᠡᠳ ᠣᠨ ᠤ ᠡᠬᠡᠨ ᠬᠦᠷᠲᠡᠯᠡ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠶᠠᠷᠬᠤ | ᠴᠣᠷᠭᠤ ᠪᠠᠷ ᠨᠡᠷᠡᠬᠦ ᠬᠦᠮᠦᠨ ᠣᠯᠠᠨ ᠪᠠᠶᠢᠵᠤ᠂ ᠬᠤᠶᠢᠨᠠ ᠨᠢ ᠳᠠᠯᠠᠭᠠᠳ ᠣᠨ ᠳᠤ ᠬᠦᠷᠴᠤ ᠢᠷᠡᠬᠦ ᠳᠤ ᠶᠠᠷᠬᠤ | ᠴᠣᠷᠭᠤ ᠪᠠᠷ ᠠᠷᠢᠬᠢ ᠨᠡᠷᠡᠬᠦ ᠳᠤ ᠯᠨ᠂ ᠪᠠᠯᠴᠢᠭ ᠵᠢᠭᠤᠷᠠᠬᠤ ᠨᠢ ᠶᠠᠷᠰᠢᠭ ᠲᠠᠢ ᠭᠡᠵᠤ ᠴᠥᠮᠳᠡᠭᠡᠨ ᠪᠦᠷᠭᠡᠭᠡᠯᠢ ᠪᠠᠷ | ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠨᠡᠷᠡᠬᠦ ᠪᠣᠯᠵᠠᠢ᠃ ᠣᠳᠣ ᠶᠠᠷᠬᠤ ᠴᠣᠷᠭᠤ ᠪᠠᠷ ᠠᠷᠢᠬᠢ ᠨᠡᠷᠡᠬᠦ ᠬᠦᠮᠦᠨ ᠲᠤᠩ ᠴᠥᠬᠡᠨ ᠶᠤᠮ᠃ | | ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠨᠡᠷᠡᠬᠦ ᠳᠤ ᠠᠶᠢᠷᠠᠭ ᠢᠰᠭᠡᠬᠦ ᠠᠷᠬᠠᠲ ᠪᠠ ᠪᠥᠳᠥᠬᠦᠨ ᠮᠣᠳᠣᠨ ᠰᠠᠭᠤᠯᠭᠠ᠂ ᠪᠦᠷᠭᠡᠭᠡᠯᠢ | ᠂ ᠠᠶᠢᠷᠠᠭ ᠢ ᠪᠤᠴᠠᠯᠭᠠᠬᠤ ᠪᠥᠳᠥᠬᠦᠨ ᠴᠥᠭᠡ ᠬᠠᠶᠢᠰᠤᠨ ︵ᠲᠤᠭᠤᠭᠠ )᠂ ᠠᠷᠢᠬᠢ ᠲᠣᠰᠣᠬᠤ ᠬᠤᠶᠠᠷ ᠴᠢᠬᠢᠲᠠᠢ | ᠪᠢᠴᠢᠭᠡᠨ ᠫᠠᠯᠢᠩᠲᠠᠢ ︵ᠰᠢᠷ ᠲᠠᠢ︶ ᠬᠠᠶᠢᠰᠤᠨ ᠪᠠ ᠭᠦᠢᠲᠡᠨ ᠤᠰᠤ ᠰᠡᠯᠪᠡᠬᠦ ᠲᠥᠷᠪᠡᠨ ᠴᠢᠬᠢᠲᠠᠢ ᠵᠢᠯᠢᠪᠴᠢ | ᠬᠠᠶᠢᠰᠤᠨ᠂ ᠵᠢᠯᠢᠪᠴᠢ ᠬᠠᠶᠢᠰᠤ ᠶᠢ ᠣᠷᠢᠶᠠᠬᠤ ᠢᠰᠡᠬᠡᠢ ᠣᠷᠢᠶᠠᠯᠳᠠ ᠵᠡᠷᠭᠡ ᠵᠦᠢᠯ ᠢ ᠳᠤᠲᠠᠭᠤ ᠦᠭᠡᠢ ᠪᠡᠯᠡᠳᠬᠡᠬᠦ | ᠬᠡᠷᠡᠭᠲᠡᠢ᠃ | ᠠᠷᠬᠠᠲ ᠭᠡᠳᠡᠭ ᠨᠢ ᠪᠣᠯᠪᠠᠯᠨ ᠦᠬᠡᠷ ᠤᠨ ᠠᠷᠠᠰᠤᠨ ᠤ ᠨᠣᠭᠤᠰᠤ ᠶᠢ ᠨᠢ ᠬᠤᠰᠤᠵᠤ ᠬᠠᠶᠠᠭᠠᠳ ᠬᠠᠷᠭᠠᠢ ᠶᠢᠨ | ᠰᠠᠨᠴᠢᠭ ᠢᠶᠠᠷ ᠤᠳᠠᠵᠤ ᠬᠡᠭᠰᠡᠨ ᠠᠷᠠᠰᠤᠨ ᠰᠠᠪᠠ ᠪᠣᠯᠤᠨᠠ᠃ ᠪᠥᠳᠥᠬᠦᠨ ᠠᠷᠬᠠᠲ ᠪᠠᠭᠠ ᠳᠠᠭᠠᠨ ᠵᠢᠷᠭᠤᠭᠠᠨ | ᠰᠠᠭᠤᠯᠭᠠ ᠠᠶᠢᠷᠠᠭ ᠢᠰᠡᠬᠡᠵᠤ ᠪᠣᠯᠳᠠᠭ᠃ ᠪᠦᠷᠭᠡᠭᠡᠯᠢ ᠭᠡᠳᠡᠭ ᠨᠢ ᠮᠣᠳᠣ ᠪᠠᠷ ᠬᠡᠭᠰᠡᠨ ᠳᠡᠭᠡᠬᠦᠷ ᠢᠶᠠᠨ ᠰᠣᠪᠭᠤᠷ᠂ | ᠳᠣᠷᠣᠣᠭᠤᠷ ᠢᠶᠠᠨ ᠰᠠᠷᠪᠠᠭᠠᠷ᠂ ᠳᠡᠭᠡᠷᠡ᠂ ᠳᠤᠮᠳᠠ᠂ ᠳᠣᠣᠷᠡ ᠭᠤᠷᠪᠠᠨ ᠪᠡᠶᠡ ᠶᠢ ᠨᠢ ᠨᠠᠷᠢᠨ ᠲᠡᠮᠥᠷ ᠤᠲᠠᠰᠤ ᠪᠠᠷ | ᠪᠦᠰᠡᠯᠡᠭᠰᠡᠨ ᠲᠥᠬᠦᠷᠢᠭ ᠬᠡᠯᠪᠡᠷᠢᠲᠡᠢ ᠬᠥᠨᠳᠡᠢ ᠮᠣᠳᠣᠨ ᠬᠡᠷᠡᠭᠰᠡᠯ ᠪᠣᠯᠤᠨᠠ᠃ ᠬᠤᠶᠠᠷ ᠴᠢᠬᠢᠲᠡᠢ ᠫᠠᠯᠠᠩᠲᠠᠢ | ᠬᠠᠶᠢᠰᠤᠨ ᠭᠡᠳᠡᠭ ᠨᠢ ᠪᠦᠷᠭᠡᠭᠡᠯᠢ ᠶᠢᠨ ᠳᠣᠲᠣᠷᠡ ᠥᠯᠬᠦᠵᠤ ᠠᠷᠢᠬᠢ ᠲᠣᠰᠣᠬᠤ ᠪᠠᠭᠠᠴᠠᠷ ᠰᠢᠷ ᠲᠠᠢ ᠬᠠᠶᠢᠰᠤᠨ | ᠰᠠᠪᠠ ᠪᠣᠯᠤᠨᠠ᠃ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠭᠡᠳᠡᠭ ᠨᠢ ᠪᠦᠷᠭᠡᠭᠡᠯᠢ ᠳᠡᠭᠡᠷᠡ ᠲᠠᠪᠢᠵᠤ ᠭᠦᠢᠲᠡᠨ ᠤᠰᠤ ᠬᠡᠬᠦ ᠳᠥᠷᠪᠠᠨ | ᠴᠢᠬᠢᠲᠡᠢ ᠪᠢᠴᠢᠬᠡᠨ ᠴᠥᠭᠡ ᠬᠠᠶᠢᠰᠤᠨ ᠪᠣᠯᠤᠨᠠ᠃ | ᠪᠦᠷᠭᠡᠭᠡᠯᠢ ᠪᠠᠷ ᠠᠷᠢᠬᠢ ᠨᠡᠷᠡᠬᠦ ᠳᠤ ᠪᠦᠲᠡᠬᠦᠦ ᠨᠡᠷᠡᠬᠦ ᠪᠠ ᠵᠠᠳᠠᠭᠠᠢ ᠨᠡᠷᠡᠬᠦ ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ᠃ ᠪᠦᠲᠡᠬᠦᠦ | ᠨᠡᠷᠡᠬᠦ ᠳᠤ ᠠᠷᠬᠠᠲ ᠲᠠᠢ ᠠᠶᠢᠷᠠᠭ ᠪᠠᠨ ᠪᠦᠯᠡᠬᠦᠦᠷ ᠢᠶᠠᠷ ᠨᠢᠭᠡ ᠬᠤᠶᠠᠷ ᠴᠠᠭ ᠪᠣᠯᠢᠵᠤ᠂ ᠠᠶᠢᠷᠠᠭ ᠳᠡᠭᠡᠷᠡ | ᠴᠤᠭᠯᠠᠷᠠᠭᠰᠠᠨ ᠰᠠᠷᠡ ᠲᠣᠰᠤ ᠶᠢ ᠨᠢ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠤ ᠳᠠᠷᠠᠭᠠ᠂ ᠠᠶᠢᠷᠠᠭ ᠢᠶᠠᠨ ᠪᠥᠳᠥᠬᠦᠨ ᠴᠥᠭᠡ | ᠬᠠᠶᠢᠰᠤᠨ ᠳᠤ ᠪᠢᠴᠢᠬᠡᠨ ᠮᠣᠳᠣᠨ ᠰᠠᠭᠤᠯᠭᠠ ᠪᠠᠷ ᠵᠣᠭᠡᠭᠡᠵᠤ ᠬᠡᠳᠡᠭ᠃ ᠢᠩᠭᠡᠬᠦ ᠳᠡᠭᠡᠨ ᠨᠢᠭᠡ ᠤᠳᠠᠭᠠ ᠠᠷᠢᠬᠢ | ᠨᠡᠷᠡᠬᠦ ᠳᠤ ᠪᠢᠴᠢᠬᠡᠨ ᠮᠣᠳᠣᠨ ᠰᠠᠭᠤᠯᠭᠠ ᠪᠠᠷ ᠲᠠᠪᠤᠨ ᠠᠴᠠ ᠵᠢᠷᠭᠤᠭᠠᠨ ᠰᠠᠭᠤᠯᠭᠠ ᠠᠶᠢᠷᠠᠭ ᠬᠡᠷᠡᠭᠯᠡᠨᠡ᠃ | ᠠᠶᠢᠷᠠᠭ ᠢᠶᠠᠨ ᠪᠥᠳᠥᠬᠦᠨ ᠴᠥᠭᠡ ᠬᠠᠶᠢᠰᠤᠨ ᠳᠤ ᠬᠡᠬᠦ ᠲᠡᠭᠡᠨ ᠨᠢᠭᠡ ᠰᠥᠭᠡᠮ ᠵᠠᠶᠢᠲᠠᠢ ᠪᠠᠶᠢᠯᠭᠠᠵᠤ᠂ ᠳᠡᠭᠡᠷᠡ ᠨᠢ | ᠪᠦᠷᠭᠡᠭᠡᠯᠢ ᠪᠠᠨ ᠬᠥᠮᠦᠷᠴᠤ ᠲᠠᠪᠢᠭᠠᠳ ᠪᠦᠷᠭᠡᠭᠡᠯᠢ ᠶᠢᠨ ᠳᠣᠣᠷᠡ ᠪᠡᠶᠡ ᠶᠢᠨ ᠠᠮᠨ ᠶᠢ ᠬᠠᠶᠢᠰᠤᠲᠠᠢ ᠠᠶᠢᠷᠠᠭ ᠤᠨ | ᠳᠣᠲᠣᠷᠡ ᠳᠥᠷᠪᠠᠨ ᠬᠤᠷᠭᠤᠨ ᠣᠷᠣᠭᠤᠯᠤᠨᠠ᠃ ᠳᠠᠷᠠᠭᠠ ᠨᠢ ᠪᠦᠷᠭᠡᠭᠡᠯᠢ ᠶᠢᠨ ᠳᠣᠲᠣᠷᠡ ᠠᠷᠢᠬᠢ ᠲᠣᠰᠣᠬᠤ | ᠬᠤᠶᠠᠷ ᠴᠢᠬᠢᠲᠠᠢ ᠫᠠᠯᠢᠩᠲᠠᠢ ᠬᠠᠶᠢᠰᠤ ᠪᠠᠨ ᠲᠡᠬᠦᠵᠢᠯᠡᠵᠤ᠂ ᠡᠨ᠋ᠨ ᠬᠠᠶᠢᠰᠤᠨ ᠤ ᠬᠤᠶᠠᠷ ᠴᠢᠬᠢᠨ ᠠᠴᠠ ᠬᠤᠶᠠᠷ | ᠨᠠᠷᠢᠨ ᠤᠲᠠᠰᠤ ᠤᠶᠠᠵᠤ᠂ ᠲᠡᠷᠨ ᠨᠠᠷᠢᠨ ᠤᠲᠠᠰᠤ ᠶᠢ ᠪᠦᠷᠭᠡᠭᠡᠯᠢ ᠶᠢᠨ ᠠᠮᠨ ᠪᠠᠷ ᠭᠠᠷᠭᠠᠵᠤ᠂ ᠪᠦᠷᠭᠡᠭᠡᠯᠢ ᠶᠢᠨ | ᠬᠤᠶᠠᠷ ᠲᠠᠯᠨ ᠳᠤ ᠬᠠᠳᠠᠭᠰᠠᠨ ᠬᠤᠶᠠᠷ ᠨᠠᠷᠢᠨ ᠬᠠᠳᠠᠭᠠᠰᠤᠨ ᠳᠤ ᠥᠯᠬᠦᠨᠡ᠃ ᠲᠡᠬᠦᠨ ᠤ ᠳᠡᠭᠡᠷᠡ ᠨᠢ ᠵᠢᠯᠢᠪᠴᠢ | ᠬᠠᠶᠢᠰᠤ ᠪᠠᠨ ᠨᠡᠷᠡᠵᠤ᠂ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠪᠠ ᠪᠦᠷᠭᠡᠭᠡᠯᠢ ᠶᠢᠨ ᠵᠠᠭᠠᠭ ᠢᠶᠠᠷ ᠠᠭᠤᠷ ᠭᠠᠷᠬᠤ ᠵᠠᠢ ᠵᠠᠪᠰᠠᠷ ᠢ | ᠪᠥᠭᠯᠡᠭᠡᠳ᠂ ᠬᠤᠶᠠᠷ ᠠᠯᠳᠠ ᠤᠷᠲᠤ ᠰᠢᠨᠡ ᠢᠰᠡᠬᠡᠢ ᠪᠤᠶᠤ ᠰᠢᠨᠡ ᠪᠥᠰ ᠢᠶᠠᠷ ᠬᠡᠭᠰᠡᠨ ᠨᠠᠷᠢᠨ ᠣᠷᠢᠶᠠᠯᠳᠠ ᠪᠠᠷ | ᠵᠢᠯᠢᠪᠴᠢ ᠬᠠᠶᠢᠰᠤ ᠶᠢ ᠭᠤᠷᠪᠠ ᠳᠠᠪᠬᠤᠷᠯᠠᠨ ᠣᠷᠢᠶᠠᠵᠤ᠂ ᠢᠰᠡᠬᠡᠢ ᠣᠷᠢᠶᠠᠯᠳᠠ ᠶᠢᠨ ᠪᠦᠴᠢ ᠪᠠᠷ ᠳᠠᠬᠢᠨ | ᠳᠡᠭᠡᠷᠡ ᠠᠴᠠ ᠨᠢ ᠴᠢᠩᠭᠠ ᠪᠠᠭᠯᠠᠨᠠ᠃ ᠢᠩᠭᠡᠭᠡᠳ ᠬᠠᠮᠤᠭ ᠤᠨ ᠠᠳᠠᠭ ᠲᠤ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠳᠤ ᠪᠠᠨ | ᠭᠦᠢᠲᠡᠨ ᠪᠤᠯᠠᠭ ᠤᠨ ᠤᠰᠤ ᠶᠢ ᠲᠡᠬᠦᠷᠭᠡᠵᠤ ᠬᠢᠭᠡᠳ ᠠᠶᠢᠷᠠᠭ ᠢᠶᠠᠨ ᠪᠤᠴᠠᠯᠭᠠᠨᠠ᠃ ᠪᠥᠳᠥᠬᠦᠨ ᠴᠥᠭᠡ ᠬᠠᠶᠢᠰᠤᠲᠠᠢ | ᠠᠶᠢᠷᠠᠭ ᠪᠤᠴᠠᠯᠠᠬᠤ ᠳᠤ ᠠᠶᠢᠷᠠᠭ ᠤᠨ ᠠᠭᠤᠷ ᠥᠭᠡᠳᠡ ᠪᠠᠨ ᠳᠡᠭᠳᠡᠵᠤ ᠭᠠᠷᠤᠭᠠᠳ᠂ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠤ | ᠢᠷᠤᠭᠠᠯ ᠳᠤ ᠬᠦᠷᠴᠤ᠂ ᠳᠠᠬᠢᠨ ᠲᠡᠷᠨ ᠨᠢ ᠤᠰᠤᠨ ᠮᠥᠬᠦᠯᠢᠭ ᠪᠣᠯᠵᠤ ᠬᠤᠪᠢᠷᠠᠭᠠᠳ ᠪᠦᠷᠭᠡᠭᠡᠯᠢ ᠶᠢᠨ ᠳᠣᠲᠣᠷᠡ | ᠥᠯᠭᠦᠭᠰᠡᠨ ᠫᠠᠯᠢᠩᠲᠠᠢ ᠬᠠᠶᠢᠰᠤᠨ ᠳᠤ ᠲᠣᠰ ᠲᠣᠰ ᠭᠡᠵᠤ ᠨᠢᠭᠡ ᠨᠢᠭᠡ ᠪᠠᠷ ᠳᠤᠰᠠᠵᠤ ᠣᠷᠣᠳᠠᠭ᠃ ᠡᠨ᠋ᠨ ᠨᠢ ᠳᠠᠷᠤᠢ | ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠪᠣᠯᠬᠤ ᠶᠤᠮ᠃ | ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢᠨ ᠠᠮᠳᠠ ᠨᠢ ᠰᠠᠶᠢᠨ ᠮᠠᠭᠤ ᠪᠣᠯᠬᠤ ᠪᠠ ᠢᠳᠡ ᠬᠦᠴᠦ ᠨᠢ ᠴᠢᠩᠭᠠ ᠰᠤᠯᠨ ᠪᠣᠯᠬᠤ ᠨᠢ | ᠠᠶᠢᠷᠠᠭ ᠤᠨ ᠬᠥᠷᠥᠩᠬᠡ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ ᠪᠠᠶᠢᠬᠤ ᠶᠢᠨ ᠬᠠᠮᠲᠤ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠤ ᠤᠰᠤ ᠶᠢ | ᠣᠯᠠᠨ ᠰᠣᠯᠢᠬᠤ ᠪᠠ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠤ ᠣᠷᠢᠶᠠᠯᠳᠠ ᠨᠢ ᠴᠢᠩᠭᠠ ᠣᠷᠢᠶᠠᠭᠳᠠᠭᠰᠠᠨ ᠡᠰᠡᠬᠦ ᠲᠠᠢ ᠨᠢᠭᠳᠠ | ᠬᠤᠯᠪᠤᠭᠳᠠᠯᠲᠠᠢ ᠪᠠᠶᠢᠳᠠᠭ᠃ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠤ ᠤᠰᠤ ᠶᠢ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠤᠳᠠᠭᠠ ᠰᠣᠯᠢᠬᠤ ᠳᠤ | ᠪᠦᠷᠭᠡᠭᠡᠯᠢ ᠶᠢᠨ ᠳᠣᠲᠣᠷᠡ ᠲᠡᠬᠦᠵᠢᠯᠡᠭᠰᠡᠨ ᠬᠠᠶᠢᠰᠤᠨ ᠳᠤ ᠭᠤᠷᠪᠠᠨ ᠯᠣᠩᠬᠤ ᠠᠷᠢᠬᠢ ᠭᠠᠷᠬᠤ ᠪᠥᠭᠡᠳ ᠡᠨ᠋ᠨ ᠠᠷᠢᠬᠢ | ᠲᠤᠩ ᠬᠦᠴᠦᠲᠡᠢ ᠪᠠᠶᠢᠳᠠᠭ᠃ ᠬᠡᠷᠪᠡ ᠵᠢᠯᠢᠪᠴᠢ ᠬᠠᠶᠢᠰᠤᠨ ᠤ ᠬᠦᠢᠲᠡᠨ ᠤᠰᠤ ᠶᠢ ᠲᠠᠪᠤᠨ ᠠᠴᠠ ᠵᠢᠷᠭᠤᠭᠠᠨ | ᠤᠳᠠᠭᠠ ᠰᠣᠯᠢᠬᠤ ᠳᠤ ᠠᠷᠢᠬᠢ ᠨᠢ ᠰᠤᠯᠨ ᠭᠠᠷᠳᠠᠭ᠃ ᠡᠮᠡᠭᠲᠡᠶᠢᠴᠤᠳ ᠨᠡᠷᠡᠭᠰᠡᠨ ᠠᠷᠢᠬᠢ ᠶᠢᠨ ᠢᠶᠠᠨ ᠬᠦᠴᠦᠲᠡᠢ | ᠭᠠᠷᠤᠭᠰᠠᠨ ᠡᠰᠡᠬᠦ ᠶᠢ ᠰᠢᠯᠭᠠᠬᠤ ᠳᠠᠭᠠᠨ ᠰᠢᠨᠡᠬᠡᠨ ᠨᠡᠷᠡᠭᠰᠡᠨ ᠠᠷᠢᠬᠢ ᠠᠴᠠ ᠪᠠᠨ ᠰᠠᠨᠠᠭᠠ ᠪᠠᠷ ᠪᠠᠭ᠋ᠠᠭᠠᠨ ᠶᠤᠮᠤ | ᠬᠤᠳᠬᠠᠵᠤ ᠠᠪᠤᠭᠠᠳ ᠭᠠᠯ ᠳᠠᠭᠠᠨ ᠰᠠᠴᠤᠯ ᠥᠷᠬᠦᠳᠡᠭ᠃ ᠡᠨ᠋ᠨ ᠦᠶᠡ ᠳᠤ ᠳᠦᠷᠢᠯᠵᠡᠭᠰᠡᠨ ᠭᠠᠯ ᠤᠨ ᠵᠠᠯᠢ | ᠵᠤᠤᠬᠠ ᠶᠢᠨ ᠠᠮᠨ ᠪᠠᠷ ᠭᠠᠳᠠᠭᠰᠢ ᠪᠠᠨ ᠴᠣᠷᠬᠢᠵᠤ ᠭᠠᠷᠤᠭᠰᠠᠨ ᠪᠠᠶᠢᠪᠠᠯᠨ ᠠᠷᠢᠬᠢ ᠰᠠᠶᠢᠨ ᠭᠠᠷᠴᠤ᠂ ᠠᠶᠢᠯ ᠡᠷᠦᠭᠡ | ᠥᠭᠡᠳᠡᠯᠡᠬᠦ ᠶᠢᠨ ᠪᠡᠯᠭᠡ ᠲᠡᠮᠳᠡᠭ ᠭᠡᠵᠤ ᠠᠷᠢᠬᠢ ᠨᠡᠷᠡᠭᠰᠡᠨ ᠠᠶᠢᠯ ᠶᠡᠭᠡ ᠪᠠᠭᠠ ᠦᠭᠡᠢ ᠪᠦᠬᠦ ᠭᠡᠷ ᠪᠠᠷ ᠢᠶᠠᠨ | ᠴᠥᠮᠳᠡᠭᠡᠨ ᠰᠡᠳᠬᠡᠯ ᠨᠢ ᠪᠠᠶᠠᠰᠳᠠᠭ᠃ ᠬᠠᠷᠢᠨ ᠭᠠᠯ ᠤᠨ ᠵᠠᠯᠢ ᠨᠢ ᠭᠠᠳᠠᠭᠰᠢ ᠬᠦᠴᠦᠳᠡᠢ ᠭᠠᠷᠬᠤ ᠦᠭᠡᠢ ᠭᠠᠯ ᠤᠨ | ᠴᠤᠭ ᠢ ᠬᠠᠷᠯᠠᠭᠤᠯᠠᠭᠠᠳ ᠤᠨᠲᠤᠷᠠᠭᠠᠪᠠᠯ ᠠᠷᠢᠬᠢ ᠮᠠᠭᠤ ᠭᠠᠷᠴᠤ᠂ ᠠᠶᠢᠯ ᠡᠷᠦᠬᠡ ᠶᠢᠨ ᠬᠢᠰᠢᠭ ᠨᠢ ᠬᠠᠷᠢᠵᠤ ᠬᠢᠮᠦᠷᠢ | ᠨᠢ ᠬᠡᠪᠲᠡᠬᠦ ᠪᠣᠯᠤᠯᠡ ᠬᠡᠵᠤ ᠤᠷᠠᠮᠡ ᠦᠭᠡᠢ ᠪᠣᠯᠳᠠᠭ᠃ ᠠᠷᠢᠬᠢ ᠶᠢ ᠵᠠᠳᠠᠭᠠᠢ ᠨᠡᠷᠡᠬᠦ ᠳᠤ ᠪᠦᠷᠭᠡᠭᠡᠯᠢ ᠶᠢᠨ ᠬᠠᠵᠢᠭᠤ | ᠳᠤ ᠴᠣᠷᠭᠤ ᠭᠠᠷᠭᠠᠵᠤ᠂ ᠳᠠᠬᠢᠨ ᠴᠣᠷᠭᠤ ᠶᠢᠨ ᠲᠣᠣᠷᠡ ᠠᠷᠢᠬᠢ ᠲᠣᠰᠣᠬᠤ ᠲᠣᠰᠣᠭᠤᠷ ᠲᠠᠪᠢᠳᠠᠭ᠃ ᠲᠤᠰᠠᠭᠠᠷ | ᠲᠠᠯᠠᠷ ᠪᠦᠲᠡᠬᠦᠦ ᠨᠡᠷᠡᠬᠦ ᠲᠠᠢ ᠠᠳᠠᠯᠢ ᠶᠤᠮ᠃ ᠠᠳᠡᠬᠢ ᠶᠢᠨ ᠬᠦᠮᠦᠰ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠨᠡᠷᠡᠬᠦ ᠳᠡᠭᠡᠨ ᠪᠦᠷᠢ | ᠪᠦᠲᠡᠬᠦᠦ ᠪᠠᠷ ᠨᠡᠷᠡᠬᠦ ᠠᠷᠭᠠ ᠶᠢ ᠬᠡᠷᠡᠭᠯᠡᠳᠡᠭ ᠪᠣᠯᠬᠤᠷ ᠵᠠᠳᠠᠭᠠᠢ ᠠᠷᠭᠠ ᠪᠠᠷ ᠠᠷᠢᠬᠢ ᠨᠡᠷᠡᠬᠦ ᠬᠦᠮᠦᠨ ᠣᠯᠠᠨ | ᠪᠠᠶᠢᠬᠤ ᠦᠭᠡᠢ᠃ | ᠶᠠᠷᠬᠤ ᠴᠣᠷᠭᠤ ᠪᠠᠷ ᠠᠷᠢᠬᠢ ᠨᠡᠷᠡᠬᠦ ᠳᠤ ᠪᠠᠰᠨ ᠪᠥᠳᠥᠬᠦᠨ ᠴᠥᠭᠡ ᠬᠠᠶᠢᠰᠤᠨ ᠶᠠᠷᠬᠤ᠂᠂ ᠴᠣᠷᠭᠤ᠂ ᠪᠢᠴᠢᠬᠡᠨ | ᠴᠥᠭᠡ ᠬᠠᠶᠢᠰᠤᠨ ᠵᠡᠷᠭᠡ ᠳᠥᠷᠪᠠᠨ ᠵᠦᠢᠯ ᠤᠨ ᠲᠥᠬᠦᠭᠡᠷᠦᠮᠵᠢ ᠶᠢ ᠬᠡᠷᠡᠭᠯᠡᠳᠡᠭ᠃ ᠢᠩᠭᠡᠬᠦ ᠳᠡᠭᠡᠨ ᠪᠥᠳᠥᠬᠦᠨ | ᠴᠥᠭᠡ ᠬᠠᠶᠢᠰᠤᠨ ᠤ ᠪᠦᠷᠭᠡᠭᠡᠰᠦᠨ ᠪᠠ ᠪᠢᠴᠢᠬᠡᠨ ᠪᠦᠷᠭᠡᠭᠡᠰᠦ ᠶᠢ ᠪᠦᠷ ᠵᠥᠭᠡᠯᠡᠨ ᠰᠢᠷᠤᠢ ᠪᠠᠷ ᠬᠠᠲᠠᠭᠤ ᠯᠨ | ᠪᠠᠯᠴᠢᠭ ᠵᠢᠭᠤᠷᠴᠢ ᠶᠠᠷᠬᠤ ᠴᠣᠷᠭᠤ ᠳᠠᠮᠵᠢᠭᠤᠯᠬᠤ ᠵᠠᠭᠠᠭ ᠢ ᠪᠥᠭᠯᠡᠳᠡᠭ ᠪᠣᠯᠬᠤᠷ ᠶᠠᠷᠬᠤ ᠴᠣᠷᠭᠤ ᠪᠠᠷ ᠠᠷᠢᠬᠢ | ᠨᠠᠷᠠᠬᠦ ᠳᠤ ᠯᠨ ᠪᠠᠯᠴᠢᠭ ᠵᠢᠭᠤᠷᠠᠬᠤ ᠨᠢ ᠶᠡᠭᠡ ᠶᠠᠷᠱᠢᠭᠲᠠᠢ ᠠᠵᠢᠯ ᠪᠠᠶᠢᠪᠠ᠃ ᠡᠬᠦᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯᠨ | ᠪᠦᠷᠭᠡᠭᠡᠯᠢ ᠪᠠᠷ ᠠᠷᠢᠬᠢ ᠨᠡᠷᠡᠬᠦ ᠨᠢ ᠳᠥᠬᠦᠮ ᠳᠡᠭᠡᠷᠡ ᠪᠠᠨ ᠴᠡᠪᠠᠷ ᠪᠣᠯᠬᠤᠷ ᠬᠦᠮᠦᠰ ᠴᠥᠮᠳᠡᠭᠡᠨ ᠪᠦᠷᠭᠡᠭᠡᠯᠢ ᠪᠠᠷ | ᠠᠷᠢᠬᠢ ᠨᠡᠷᠡᠬᠦ ᠶᠢ ᠡᠷᠬᠢᠮᠨᠡᠵᠤ ᠢᠷᠡᠵᠡᠢ᠃ | ᠣᠶᠢᠷᠠᠳ ᠮᠣᠩᠭᠤᠯᠴᠤᠳ ᠠᠶᠢᠷᠠᠭ ᠢᠶᠠᠷ ᠨᠡᠷᠡᠵᠤ ᠭᠠᠷᠭᠠᠭᠰᠠᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠪᠠᠨ ᠬᠤᠷᠢᠮ ᠨᠠᠶᠢᠷ᠂ | ᠣᠪᠣᠭᠠ ᠲᠠᠬᠢᠬᠤ ᠪᠠᠶᠠᠷ᠂ ᠭᠡᠦᠭᠡᠳ ᠤᠨ ᠦᠰᠦ ᠤ ᠥᠷᠪᠦᠯᠢᠭ ᠬᠠᠶᠢᠴᠢᠯᠠᠬᠤ ᠨᠠᠶᠢᠷ᠂ ᠬᠥᠪᠦᠦᠨ ᠳᠡᠭᠡᠨ ᠠᠶᠢᠯ ᠤᠨ | ᠬᠡᠦᠬᠡᠨ ᠳᠤ ᠬᠤᠳᠠ ᠪᠣᠯᠵᠤ᠂ ᠵᠡᠲ ᠳᠠᠭᠠᠴᠠᠢ ᠬᠦᠷᠭᠡᠬᠦ ᠪᠤᠶᠤ ᠬᠠᠳᠠᠭ ᠵᠢᠰᠤ ᠲᠠᠪᠢᠬᠤ ᠮᠡᠲᠦ ᠶᠢᠨ ᠴᠢᠬᠤᠯᠨ | ᠴᠢᠬᠤᠯᠨ ᠨᠠᠶᠢᠷ ᠨᠠᠭᠠᠳᠤᠮ ᠴᠤᠭᠯᠠᠷᠠᠭᠠᠨ ᠳᠤ ᠬᠡᠷᠡᠭᠯᠡᠳᠡᠭ᠃ ᠣᠶᠢᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ | ᠵᠠᠩᠰᠢᠯ ᠢᠶᠠᠷ ᠪᠣᠯᠪᠠᠯᠨ ᠨᠢᠭᠡᠳᠦᠭᠡᠷ ᠤᠳᠠᠭᠠ ᠨᠡᠷᠡᠵᠤ ᠭᠠᠷᠭᠠᠭᠰᠠᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠪᠠᠨ ᠢᠳᠡᠭᠡᠨ ᠴᠢᠭᠡᠨ ᠤ | ᠳᠡᠭᠡᠵᠤ ᠬᠡᠵᠤ ᠬᠡᠯᠡᠭᠡᠳ ᠬᠥᠪᠦᠦᠨ ᠤ ᠪᠠᠨ ᠬᠤᠳᠠ ᠠᠶᠢᠯ ᠳᠤ ᠬᠦᠷᠭᠡᠳᠡᠭ᠃ | ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠣᠶᠢᠷᠠᠳᠴᠤᠳ ᠵᠤᠨ ᠤ ᠭᠤᠷᠪᠠᠨ ᠰᠠᠷᠠ ᠳᠤ ᠰᠢᠨᠡ ᠰᠣᠷᠭᠤᠭ ᠢᠶᠠᠷ ᠨᠢ ᠤᠤᠭᠤᠬᠤ ᠪᠠᠷ | ᠪᠠᠷᠠᠬᠤ ᠦᠭᠡᠢ᠂ ᠠᠷᠠᠰᠤᠨ ᠬᠥᠬᠦᠷ ᠲᠡᠭᠡᠨ ᠬᠡᠵᠤ ᠳᠡᠭᠡᠷᠡ ᠠᠴᠠ ᠨᠢ ᠮᠣᠳᠣᠨ ᠪᠥᠭᠯᠡᠭᠡ ᠪᠠᠷ ᠴᠢᠩᠭᠠ ᠪᠥᠭᠯᠡᠵᠤ | ᠬᠠᠳᠠᠭᠠᠯᠠᠭᠠᠳ ᠡᠪᠦᠯ᠂ ᠬᠠᠪᠤᠷ ᠬᠦᠷᠲᠡᠯᠡ ᠴᠠᠭᠠᠰᠢᠳᠠ ᠰᠢᠨᠡ ᠵᠢᠯ ᠤᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠭᠠᠷᠬᠤ ᠴᠠᠭ | ᠬᠦᠷᠲᠡᠯᠡ ᠬᠠᠳᠠᠭᠠᠯᠠᠵᠤ ᠤᠤᠭᠤᠳᠠᠭ᠃ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠤᠳᠠᠭᠠᠨ ᠬᠠᠳᠠᠭᠠᠯᠠᠵᠤ ᠤᠤᠭᠤᠵᠤ ᠪᠣᠯᠬᠤ ᠠᠴᠠ | ᠭᠠᠳᠠᠨᠠ ᠪᠠᠰᠨ ᠵᠠᠷᠢᠮ ᠨᠢᠭᠡ ᠦᠶᠡ ᠳᠤ ᠰᠢᠩᠭᠡᠭᠡᠯᠳᠠ ᠮᠠᠭᠤᠳᠠᠬᠤ ᠳᠤ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠳᠡᠭᠡᠷᠡ ᠪᠠᠭ᠋ᠠᠭᠠᠨ | ᠰᠠᠷᠡ ᠲᠣᠰᠤ ᠬᠡᠵᠤ ᠭᠠᠯ ᠳᠤ ᠬᠠᠯᠠᠭᠤᠯᠠᠭᠠᠳ ᠤᠤᠭᠤᠬᠤ ᠳᠤ ᠰᠢᠩᠭᠡᠭᠡᠯᠳᠠ ᠶᠢ ᠰᠠᠶᠢᠵᠢᠷᠠᠭᠤᠯᠳᠠᠭ ᠦᠢᠯᠡᠳᠦᠯ ᠲᠠᠢ | ᠪᠠᠶᠢᠯᠡ᠃ ᠠᠳᠡᠬᠢ ᠶᠢᠨ ᠬᠦᠮᠦᠰ ᠤᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠤᠤᠭᠤᠭᠰᠠᠨ ᠲᠤᠷᠰᠢᠯᠭᠠ ᠠᠴᠠ ᠦᠵᠡᠪᠡᠯ᠂ | ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠢ ᠲᠠᠰᠤᠯᠠᠯ ᠦᠭᠡᠢ ᠪᠠᠭᠠ ᠰᠠᠭᠠ ᠤᠤᠭᠤᠪᠠᠯ ᠵᠠᠷᠢᠮ ᠨᠢᠭᠡ ᠬᠦᠮᠦᠰ ᠤᠨ ᠴᠢᠭᠢᠭ ᠠᠴᠠ | ᠪᠣᠯᠤᠭᠰᠠᠨ ᠬᠥᠯ ᠨᠢᠷᠤᠭᠠᠨ ᠡᠪᠡᠳᠬᠦ ᠭᠡᠮ ᠢ ᠡᠳᠡᠭᠡᠭᠡᠵᠤ ᠪᠣᠯᠬᠤ ᠶᠢᠨ ᠬᠠᠮᠲᠤ ᠪᠠᠰᠨ ᠬᠦᠮᠦᠨ ᠳᠤ ᠲᠠᠮᠢᠷ ᠲᠡᠩᠭᠡᠭᠡ | ᠣᠷᠣᠭᠤᠯᠵᠤ᠂ ᠬᠦᠮᠦᠰ ᠤᠨ ᠡᠪᠠᠳᠴᠢᠨ ᠡᠰᠡᠷᠭᠦᠴᠠᠬᠦ ᠴᠢᠳᠠᠪᠤᠷᠢ ᠶᠢ ᠨᠡᠮᠡᠭᠳᠡᠬᠦᠯᠬᠦ ᠠᠴᠠ ᠭᠠᠳᠠᠨᠠ ᠪᠠᠰᠨ ᠵᠢᠰᠦ | ᠴᠢᠷᠠᠢ ᠶᠢ ᠰᠠᠶᠢᠬᠠᠷᠠᠭᠤᠯᠵᠤ᠂ ᠥᠲᠡᠯᠡᠬᠦ ᠶᠢ ᠤᠳᠠᠭᠠᠰᠢᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠯᠡ᠃ |