| | ᠰᠥᠮᠪᠥᠷ ᠠᠭᠤᠯᠠ ᠶᠢ ᠳᠤᠪᠤ ᠲᠡᠳᠥᠢ ᠪᠠᠶᠢᠬᠤ ᠳᠤ᠂ ᠰᠦᠨ ᠳᠠᠯᠠᠢ ᠶᠢ ᠱᠠᠯᠪᠠᠭ ᠲᠡᠳᠥᠢ ᠪᠠᠶᠢᠬᠤ ᠳᠤ᠂ | ᠡᠪᠦᠭᠡ ᠠᠪᠤ ᠶᠢ ᠲᠥᠷᠥᠭᠡᠳᠥᠢ ᠪᠠᠶᠢᠬᠤ ᠳᠤ᠂ ᠥᠪᠡᠷ ᠤᠨ ᠠᠪᠤ ᠶᠢ ᠨᠢ ᠥᠯᠥᠭᠡᠢ ᠲᠠᠢ ᠪᠠᠶᠢᠬᠤ ᠳᠤ ᠳᠠᠯᠠᠨ | ᠬᠤᠳᠠᠯᠴᠢ ᠡᠪᠦᠭᠡ ᠶᠢᠨ ᠢᠶᠠᠨ ᠴᠠᠭᠠᠨ ᠲᠡᠮᠡᠭᠡ ᠶᠢ ᠡᠷᠢᠵᠥ ᠶᠠᠪᠤᠲᠠᠯᠠ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠱᠤᠯᠤᠩ ᠱᠤᠯᠤᠩ | ᠭᠡᠵᠥ ᠪᠠᠶᠢᠬᠤ ᠰᠣᠨᠣᠰᠳᠠᠪᠠ᠃ ᠶᠠᠭᠤ ᠪᠤᠯᠪᠠ ᠭᠡᠳ ᠯᠠᠪᠯᠠᠵᠥ ᠥᠵᠡᠬᠦ ᠳᠤ ᠬᠠᠷᠢᠨ ᠪᠣᠷᠣ ᠪᠢᠯᠵᠤᠤᠬᠠᠢ | ᠪᠣᠷᠪᠢ ᠪᠠᠷ ᠢᠶᠠᠨ ᠠᠶᠢᠷᠠᠭ ᠪᠥᠯᠢᠵᠥ ᠲᠤᠰᠤ ᠬᠤᠪᠢᠶᠠᠯᠴᠠᠨᠠ ᠭᠡᠳ ᠳᠣᠷᠭᠢᠯᠳᠣᠵᠣ ᠪᠠᠶᠢᠭᠰᠠᠨ ᠭᠡᠨᠡ᠃ ᠳᠠᠯᠠᠨ | ᠬᠤᠳᠠᠯᠴᠢ ᠬᠥᠷᠴᠥ ᠣᠴᠢᠭᠠᠳ ᠲᠠᠯᠬᠠᠳ ᠤᠨ ᠠᠶᠠᠭᠠ ᠪᠠᠷ ᠳᠠᠯᠠ ᠳᠠᠯᠠ᠂ ᠳᠠᠯᠠᠯᠭᠠ ᠶᠢᠨ ᠰᠠᠭᠤᠯᠠᠭᠠ ᠪᠠᠷ | ᠳᠣᠯᠤᠭᠠ ᠳᠣᠯᠤᠭᠠ ᠬᠤᠪᠢᠶᠠᠭᠠᠳ ᠥᠭᠭᠦᠭᠰᠡᠨ ᠴᠢᠨᠢ ᠲᠡᠭᠦᠨ ᠳᠤ ᠶᠡᠭᠡ ᠯᠡ ᠪᠠᠶᠠᠷᠯᠠᠯᠠ᠃ ᠲᠡᠭᠡᠭᠡᠳ ᠥᠯᠡᠳᠡᠵᠥ | ᠳᠣᠰᠣᠭᠰᠠᠨ ᠢᠶᠠᠨ ᠳᠠᠯᠠᠨ ᠬᠤᠳᠠᠯᠴᠢ ᠳᠤ ᠥᠭᠭᠦᠭᠰᠡᠨ ᠳᠤ ᠳᠠᠯᠠᠨ ᠬᠤᠳᠠᠯᠴᠢ ᠬᠥᠯ ᠨᠢ ᠭᠠᠵᠠᠷ ᠬᠥᠷᠬᠦ ᠥᠭᠡᠢ | ᠪᠣᠯᠲᠠᠯᠠ ᠪᠠᠶᠠᠷᠯᠠᠵᠠᠢ᠃ ᠣᠯᠵᠠ ᠣᠯᠣᠭᠠᠳ ᠣᠮᠣᠭᠰᠢᠵᠥ ᠬᠥᠪᠲᠡᠢ ᠶᠢᠨ ᠣᠷᠣᠢ ᠪᠠᠷ ᠬᠥᠭᠰᠡᠵᠥ ᠶᠠᠪᠣᠲᠠᠯᠠ ᠪᠠᠰᠠ | ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠫᠢᠰ ᠫᠢᠰ ᠳᠣᠤᠭᠠᠷᠣᠨᠠ ᠭᠡᠨᠡ᠃ ᠶᠠᠭᠤ ᠪᠣᠯᠴᠢᠬᠠᠪᠠ ᠭᠡᠵᠥ ᠥᠵᠡᠬᠦᠯᠡ ᠬᠠᠷᠢᠨ ᠬᠤᠶᠠᠷ | ᠭᠤᠷᠭᠤᠣᠯ ᠰᠡᠭᠦᠯ ᠢᠶᠠᠷ ᠢᠶᠠᠨ ᠴᠣᠯᠢᠭᠢᠷ ᠴᠣᠬᠢᠵᠥ ᠬᠤᠪᠢᠶᠠᠵᠥ ᠠᠪᠬᠤ ᠭᠡᠳ ᠬᠡᠯᠡᠯᠴᠡᠭᠡᠨ ᠪᠣᠯᠵᠥ ᠪᠠᠶᠢᠭᠰᠠᠨ ᠠᠵᠢ᠃ | ᠳᠠᠯᠠᠨ ᠬᠤᠳᠠᠯᠴᠢ ᠥᠵᠡᠭᠡᠳ ᠲᠠᠯᠬᠠᠳ ᠤᠨ ᠠᠶᠠᠭᠠ ᠪᠠᠷ ᠳᠠᠯᠠ ᠳᠠᠯᠠ᠂ ᠳᠠᠯᠠᠯᠭᠠ ᠶᠢᠨ ᠰᠠᠭᠤᠯᠠᠭᠠ ᠪᠠᠷ | ᠳᠣᠯᠤᠭᠠ ᠳᠣᠯᠤᠭᠠ ᠬᠤᠪᠢᠶᠠᠨ ᠥᠭᠭᠦᠭᠡᠳ ᠬᠡᠷᠡᠭᠦᠯ ᠢ ᠨᠢ ᠰᠠᠯᠭᠠᠭᠰᠠᠨ ᠳᠤ ᠬᠤᠶᠠᠷ ᠭᠤᠷᠭᠤᠣᠯ | ᠪᠠᠶᠠᠷᠯᠠᠬᠤ ᠳᠤ ᠪᠠᠨ ᠪᠠᠶᠢᠳᠠᠰᠣᠨ ᠪᠠᠲᠠᠭᠠᠨᠠ ᠠᠯᠠᠵᠥ ᠳᠠᠯᠠᠨ ᠬᠤᠳᠠᠯᠴᠢ ᠳᠤ ᠰᠢᠭᠦᠰᠥ ᠲᠠᠯᠪᠢᠭᠰᠠᠨ ᠭᠡᠨᠡ᠃ | ᠲᠡᠷᠡ ᠪᠠᠲᠠᠭᠠᠨᠠ ᠨᠢ ᠰᠢᠷᠠ ᠬᠠᠮᠠᠷ ᠲᠤ ᠪᠠᠨ ᠰᠠᠷᠢᠰᠣᠨ ᠥᠭᠡᠬᠦ ᠲᠠᠢ᠂ ᠰᠠᠯᠲᠠᠭᠠᠨ ᠳᠤ ᠪᠠᠨ ᠰᠠᠯᠠᠭᠠ ᠥᠭᠡᠬᠦ ᠲᠠᠢ᠂ | ᠰᠥᠪᠡᠭᠡᠨ ᠳᠤ ᠪᠠᠨ ᠰᠦᠭᠡᠮ ᠥᠭᠡᠬᠦ ᠲᠠᠢ ᠭᠡᠨᠡ᠃ ᠳᠠᠯᠠᠨ ᠬᠤᠳᠠᠯᠴᠢ ᠶᠠᠭᠠᠬᠢᠵᠥ ᠢᠳᠡᠪᠡᠴᠥ ᠪᠠᠷᠠᠬᠤ ᠥᠭᠡᠢ | ᠲᠤᠯᠠ ᠳᠥᠷᠪᠡᠨ ᠥᠨᠳᠥᠷ ᠢ ᠨᠢ ᠡᠭᠦᠷᠴᠥ ᠴᠢᠷᠥᠭᠰᠡᠭᠡᠷ ᠲᠡᠮᠡᠭᠡ ᠪᠠᠨ ᠡᠷᠢᠬᠦ ᠪᠠᠷ ᠴᠠᠭᠠᠰᠢ ᠶᠠᠪᠣᠵᠠᠢ᠃ | ᠨᠡᠷᠡ ᠥᠭᠡᠢ ᠨᠢᠭᠡᠨ ᠭᠠᠵᠠᠷᠠ ᠬᠥᠷᠲᠡᠯᠡ ᠣᠮᠳᠠᠭᠠᠰᠬᠤ ᠬᠡᠴᠡᠭᠦᠥ ᠲᠤᠯᠠ ᠥᠨᠥᠬᠢ ᠳᠥᠷᠪᠡᠨ ᠥᠨᠳᠥᠷ ᠢᠶᠠᠨ | ᠰᠠᠨᠠᠵᠥ ᠶᠠᠭᠠᠬᠢᠵᠥ ᠢᠳᠡᠬᠦ ᠪᠢᠯᠡ ᠭᠡᠵᠥ ᠲᠥᠲᠡᠭᠡᠯᠵᠡᠨ ᠡᠵᠡᠭᠦᠢ ᠵᠣ ᠡᠷᠭᠢ ᠮᠠᠩᠬᠠ ᠪᠠᠷ ᠲᠤᠯᠭᠠ ᠲᠣᠭᠤᠭᠠ ᠡᠷᠢᠵᠥ | ᠶᠠᠪᠤᠲᠠᠯᠠ ᠳᠤᠯᠤᠭᠠᠨ ᠠᠷᠭᠠᠯ ᠵᠡᠷᠭᠡᠯᠡᠭᠰᠡᠨ ᠶᠤᠮ ᠰᠢᠬ ᠪᠠᠶᠢᠭᠰᠠᠨ ᠭᠡᠨᠡ᠃ ᠵᠠ ᠰᠠᠶᠢᠨ ᠪᠣᠯᠣᠯᠠ᠂ ᠣᠳᠣ ᠯᠠ | ᠰᠢᠷᠠᠵᠥ ᠪᠤᠯᠭᠤᠵᠥ ᠢᠳᠡᠶᠡ ᠭᠡᠳ ᠭᠠᠯ ᠢᠶᠠᠨ ᠨᠤᠴᠤᠭᠠᠬᠤ ᠪᠠᠷ ᠬᠡᠳᠡ ᠪᠠᠨ ᠭᠠᠷᠭᠠᠲᠠᠯᠠ ᠥᠨᠥ ᠠᠷᠭᠠᠯ ᠨᠢ | ᠬᠡᠳᠦ᠋ᠢᠨ ᠨᠢᠰᠥᠭᠡᠳ ᠠᠯᠠᠭᠠ ᠪᠤᠯᠪᠠ᠃ ᠠᠷᠭᠠᠯ ᠶᠠᠭᠠᠬᠢᠭᠠᠳ ᠨᠢᠰᠳᠡᠭ ᠶᠠᠭᠤᠮᠠ ᠭᠡᠳ ᠠᠵᠢᠭᠯᠠᠵᠥ ᠥᠵᠡᠬᠦᠯᠡ | ᠬᠠᠷᠢᠨ ᠳᠤᠯᠤᠭᠠᠨ ᠢᠳᠠᠭᠤ ᠪᠠᠶᠢᠭᠰᠠᠨ ᠠᠵᠢ᠃ ᠳᠠᠯᠠᠨ ᠬᠤᠳᠠᠯᠴᠢ ᠥᠯᠥᠰᠴᠥ ᠲᠡᠰᠬᠦ ᠥᠭᠡᠢ ᠳᠤ ᠪᠠᠨ ᠥᠨᠥᠬᠢ | ᠳᠥᠷᠪᠡᠨ ᠥᠨᠳᠥᠷ ᠢᠶᠠᠨ ᠲᠥᠭᠦᠬᠡᠢ ᠨᠦᠢᠲᠠᠨ ᠪᠠᠷ ᠨᠢ ᠢᠳᠡᠭᠡᠳ ᠮᠠᠩᠰᠢᠭᠤᠷᠠᠭᠰᠠᠭᠠᠷ ᠣᠨᠲᠠᠵᠥ ᠣᠷᠬᠢᠯᠠ᠃ | ᠵᠡᠭᠦᠳᠥ ᠪᠠᠷ ᠢᠶᠠᠨ ᠨᠢᠭᠡ ᠴᠢᠩᠨᠠᠬᠤ ᠳᠤ ᠲᠡᠭᠷᠢ ᠳᠤᠤᠭᠠᠷᠴᠤ ᠪᠠᠶᠢᠬᠤ ᠶᠤᠮ ᠤᠤ᠂ ᠲᠡᠷᠭᠡ ᠶᠠᠪᠤᠵᠥ ᠪᠠᠶᠢᠬᠤ ᠴᠦ ᠶᠤᠮ | ᠤᠤ ᠪᠤᠤ ᠮᠡᠳᠡ᠂ ᠨᠢᠭᠡ ᠰᠤᠨᠢᠨ ᠶᠠᠭᠤᠮᠠ ᠲᠥᠱ ᠲᠥᠱ ᠭᠡᠵᠥ ᠳᠤᠣᠭᠠᠷᠴᠥ ᠭᠡᠨᠡ᠃ ᠰᠡᠷᠡᠭᠡᠳ ᠥᠵᠡᠬᠦᠯᠡ | ᠬᠤᠶᠠᠷ ᠭᠤᠲᠤᠯ ᠨᠢ ᠴᠢ ᠲᠤᠰᠤ ᠢᠯᠡᠭᠦᠤ ᠢᠳᠡᠪᠡ᠂ ᠪᠢ ᠲᠤᠰᠤ ᠳᠤᠲᠠᠭᠤ ᠢᠳᠡᠪᠡ ᠭᠡᠳ ᠬᠡᠷᠡᠭᠦᠯ ᠪᠣᠯᠵᠥ | ᠪᠠᠶᠢᠭᠰᠠᠨ ᠠᠵᠢ᠃ ᠳᠠᠯᠠᠨ ᠬᠤᠳᠠᠯᠴᠢ ᠠᠭᠤᠷᠯᠠᠬᠤ ᠳᠤ ᠪᠠᠨ ᠢᠯᠡᠭᠦᠥ ᠢᠳᠡᠭᠰᠡᠨ ᠢ ᠨᠢ ᠬᠤᠶᠠᠷ᠂ ᠳᠣᠲᠠᠭᠤ | ᠢᠳᠡᠭᠰᠡᠨ ᠢ ᠨᠢ ᠨᠢᠭᠡ ᠠᠯᠠᠭᠠᠳᠠᠭᠠᠳ ᠳᠠᠬᠢᠨ ᠣᠨᠲᠠᠵᠠᠢ᠃ ᠭᠡᠨᠡᠳᠲᠡ ᠰᠡᠷᠡᠭᠡᠳ ᠬᠠᠷᠠᠭᠰᠠᠨ ᠴᠢᠨᠢ ᠥᠷᠥᠭᠡᠰᠥᠨ | ᠭᠤᠲᠤᠯ ᠨᠢ ᠪᠣᠰᠣᠭᠠᠳ ᠶᠠᠪᠣᠴᠢᠬᠠᠭᠰᠠᠨ ᠶᠤᠮ ᠭᠡᠨᠡ᠃ ᠳᠠᠯᠠᠨ ᠬᠤᠳᠠᠯᠴᠢ ᠲᠡᠮᠡᠭᠡ ᠪᠠᠨ ᠡᠷᠢᠬᠦ ᠪᠠᠨ ᠪᠣᠯᠢᠭᠠᠳ | ᠭᠤᠲᠣᠯ ᠢᠶᠠᠨ ᠡᠷᠢᠵᠥ ᠶᠠᠪᠣᠭᠰᠠᠭᠠᠷ ᠨᠢᠭᠡ ᠠᠶᠢᠯ ᠤᠨ ᠬᠤᠷᠢᠮ ᠳᠡᠭᠡᠷᠡ ᠬᠥᠷᠬᠦ ᠳᠤ ᠭᠤᠳᠣᠯ ᠨᠢ ᠬᠠᠷᠢᠨ ᠠᠶᠢᠯ ᠤᠨ | ᠬᠤᠷᠢᠮ ᠤᠨ ᠳᠡᠮᠴᠢ ᠪᠣᠯᠣᠭᠠᠳ ᠲᠡᠪᠡᠷᠢ ᠳᠥᠭᠦᠷᠡᠩ ᠮᠢᠬᠠ ᠲᠡᠪᠡᠷᠢᠭᠡᠳ ᠶᠠᠪᠣᠵᠥ ᠪᠠᠶᠢᠨᠠ ᠭᠡᠨᠡ᠃ ᠳᠠᠯᠠᠨ | ᠬᠤᠳᠠᠯᠴᠢ ᠣᠷᠭᠤᠵᠥ ᠶᠠᠪᠣᠭᠰᠠᠨ ᠳᠤ ᠨᠢ ᠠᠭᠤᠷᠯᠠᠭᠰᠠᠨ ᠪᠣᠯᠪᠠᠴᠤ ᠣᠯᠳᠠᠵᠣ ᠪᠠᠷᠢᠭᠳᠠᠭᠰᠠᠨ ᠳᠤ ᠨᠢ | ᠪᠠᠶᠠᠷᠯᠠᠬᠤ ᠳᠤ ᠪᠠᠨ ᠶᠠᠯᠠᠯᠠᠵᠥ ᠲᠤᠷᠭᠠᠭᠠᠯ ᠥᠭᠡᠢ ᠠᠪᠴᠤ ᠡᠮᠥᠰᠥᠭᠡᠳ ᠴᠢᠨᠠᠭᠰᠢ ᠶᠠᠪᠣᠭᠰᠠᠨ ᠭᠡᠨᠡ᠃ | ᠶᠠᠪᠣᠨ ᠶᠠᠪᠣᠭᠰᠠᠭᠠᠷ ᠶᠡᠭᠡ ᠯᠡ ᠦᠯᠦᠰᠪᠡ᠃ ᠨᠢᠭᠡᠨ ᠬᠤᠳᠳᠤᠭ ᠳᠡᠭᠡᠷᠡ ᠬᠦᠷᠬᠦ ᠳᠤ ᠦᠩᠭᠡᠲᠦ ᠳᠡᠪᠡᠯ | ᠡᠮᠦᠰᠦᠭᠰᠡᠨ ᠦᠵᠡᠰᠭᠦᠯᠡᠩᠲᠦ ᠵᠠᠯᠠᠭᠤ ᠡᠬᠡᠨᠡᠷ ᠣᠰᠣ ᠠᠪᠬᠤ ᠵᠠᠭᠤᠷᠠ ᠪᠠᠨ ᠬᠤᠳᠳᠤᠭ ᠤᠨ ᠢᠷᠣᠭᠤᠷ ᠣᠷᠣᠭᠤ | ᠱᠠᠭᠠᠶᠢᠨ ᠵᠣᠭᠰᠣᠨᠠ ᠭᠡᠨᠡ᠃ ᠳᠠᠯᠠᠨ ᠬᠤᠳᠠᠯᠴᠢ᠄ ︽ᠡᠭᠡᠴᠢ ᠠᠮᠣᠷ ᠪᠠᠶᠢᠨᠠ ᠤᠤ︖︾ ᠭᠡᠵᠦ ᠮᠡᠨᠳᠦᠴᠢᠯᠡᠭᠡᠳ | ︽ᠡ᠊ᠨᠳᠡ ᠶᠠᠭᠤ ᠬᠢᠵᠦ ᠪᠠᠶᠢᠬᠤ ᠪᠣᠢ︖︾ ᠭᠡᠵᠦ ᠠᠰᠠᠭᠤᠭᠰᠠᠨ ᠳᠤ ᠲᠡᠷᠡ ᠡᠬᠡᠨᠡᠷ᠄ ︽ᠪᠦᠯᠡᠵᠩ ᠢᠶᠠᠨ | ᠬᠤᠳᠳᠤᠭ ᠲᠤ ᠣᠨᠠᠭᠠᠭᠠᠳ ᠪᠦᠬᠦ᠋ᠢᠵᠦ ᠪᠠᠶᠢᠬᠤ ᠨᠢ ᠡᠨᠡ ᠪᠢᠯᠡ︾ ᠭᠡᠵᠡᠢ᠃ ︽ᠲᠡᠭᠡᠪᠡᠯ ᠪᠢ ᠣᠷᠣᠭᠠᠳ ᠠᠪᠴᠣ | ᠦᠭᠭᠦᠶᠡ ᠳ᠋ᠠ︾ ᠭᠡᠳ ᠳᠠᠯᠠᠨ ᠬᠤᠳᠠᠯᠴᠢ ᠬᠤᠪᠴᠠᠰᠣ ᠪᠠᠨ ᠲᠠᠶᠢᠯᠵᠣ ᠬᠤᠳᠳᠤᠭ ᠲᠤ ᠣᠷᠣᠭᠰᠠᠨ ᠴᠢᠨᠢ ᠦᠨᠦᠬᠢ | ᠡᠬᠡᠨᠡᠷ ᠬᠠᠷᠢᠨ ᠠᠯᠠᠭᠠ ᠪᠣᠯᠣᠭᠰᠠᠨ ᠪᠦᠭᠡᠳ ᠬᠤᠪᠴᠠᠰᠣ ᠨᠢ ᠴᠦ ᠠᠯᠠᠭᠠ ᠪᠣᠯᠵᠠᠢ᠃ ᠳᠠᠯᠠᠨ ᠬᠤᠳᠠᠯᠴᠢ | ᠬᠤᠪᠴᠠᠰᠣ ᠣᠯᠵᠣ ᠡᠮᠦᠰᠬᠦ ᠪᠠᠷ ᠬᠤᠷᠢᠮ ᠬᠢᠵᠦ ᠪᠠᠶᠢᠭᠰᠠᠨ ᠠᠶᠢᠯ ᠳᠤ ᠲᠠᠯᠪᠢᠭᠠᠳ ᠬᠦᠷᠴᠠᠢ᠃ ᠬᠤᠷᠢᠮ ᠤᠨ | ᠣᠯᠣᠰ ᠳᠠᠯᠠᠨ ᠬᠤᠳᠠᠯᠴᠢ ᠶᠢ ᠦᠵᠡᠭᠡᠳ ᠡᠯᠡᠭᠯᠡᠵᠦ ᠮᠠᠭᠤᠯᠠᠭᠰᠠᠨ ᠢᠶᠠᠷ ᠦᠯᠦ ᠪᠠᠷᠠᠮ ᠵᠠᠷᠢᠮ ᠨᠢ ᠬᠠᠷᠢᠶᠠᠵᠣ | ᠵᠠᠩᠨᠠᠪᠠ ᠁ ᠳᠠᠯᠠᠨ ᠬᠤᠳᠠᠯᠴᠢ ᠲᠡᠨᠳᠡ ᠠᠴᠠ ᠬᠤᠪᠴᠠᠰᠣ ᠣᠯᠵᠣ ᠡᠮᠦᠰᠦᠭᠡᠳ ᠴᠢᠨᠠᠭᠰᠢ ᠶᠠᠪᠣᠬᠤ ᠭᠡᠲᠡᠯᠡ | ᠠᠯᠣᠰ ᠲᠤ ᠨᠢᠭᠡᠨ ᠴᠠᠭᠠᠨ ᠶᠠᠭᠤᠮᠠ ᠬᠠᠷᠠᠭᠳᠠᠪᠠ᠃ ᠴᠠᠭᠠᠨ ᠲᠡᠮᠡᠭᠡ ᠮᠢᠨᠢ ᠲᠡᠷᠡ ᠪᠢᠵᠠ ᠭᠡᠳ ᠯᠠᠪᠯᠠᠨ ᠬᠠᠷᠠᠬᠤᠯᠠ | ᠶᠠᠭᠤᠨ ᠤ ᠲᠡᠮᠡᠭᠡ ᠪᠠᠶᠢᠬᠤ ᠠᠵᠢ᠂ ᠨᠢᠭᠡ ᠡᠪᠦᠭᠡᠨ ᠤ ᠰᠠᠬᠠᠯ ᠳᠡᠭᠡᠷᠡ ᠨᠠᠭᠠᠯᠳᠣᠭᠰᠠᠨ ᠠᠮᠣ ᠪᠠᠶᠢᠵᠣ ᠭᠡᠨᠡ᠃ | ᠪᠣᠳᠠᠭᠠ ᠨᠠᠭᠠᠯᠳᠣᠵᠣ ᠲᠣᠭᠳᠠᠵᠣ ᠪᠣᠯᠳᠠᠭ ᠶᠠᠭᠤᠮᠠᠨ ᠳᠤ ᠲᠡᠮᠡᠭᠡ ᠳᠣᠭᠳᠠᠵᠣ ᠪᠣᠯᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ ᠭᠡᠳ | ᠡᠪᠦᠭᠡᠨ ᠤ ᠰᠠᠬᠠᠯ ᠳᠣᠲᠣᠭᠤᠷ ᠲᠣᠭᠤᠷᠢᠵᠣ ᠢᠷᠡᠭᠰᠡᠨ ᠳᠤ ᠴᠠᠭᠠᠨ ᠲᠡᠮᠡᠭᠡ ᠨᠢ ᠨᠡᠭᠡᠷᠡᠨ ᠲᠡᠨᠳᠡ ᠪᠣᠳᠣᠭᠤᠯᠠᠭᠠᠳ | ᠪᠠᠶᠢᠭᠰᠠᠨ ᠭᠡᠨᠡ᠃ ᠲᠡᠮᠡᠭᠡ ᠪᠠᠨ ᠣᠯᠣᠭᠠᠳ ᠪᠠᠶᠠᠷᠯᠠᠬᠤ ᠳᠠᠭᠠᠨ ᠪᠣᠳᠣᠭᠤ ᠶᠢ ᠨᠢ ᠲᠡᠪᠡᠷᠢᠭᠡᠳ ᠢᠩᠭᠡ ᠶᠢ ᠨᠢ | ᠣᠨᠣᠭᠰᠠᠨ ᠳᠤ ᠳᠠᠭᠠᠭᠠᠭᠰᠠᠨ ᠦᠭᠡᠢ ᠪᠣᠯᠬᠤᠷ ᠢᠩᠭᠡ ᠶᠢ ᠨᠢ ᠲᠡᠪᠡᠷᠢᠭᠡᠳ ᠪᠣᠳᠣᠭᠤ ᠶᠢ ᠨᠢ ᠣᠨᠣᠭᠠᠳ ᠶᠠᠪᠣᠵᠠᠢ᠃ | ᠪᠠᠶᠢᠳᠠᠰᠣᠨ ᠪᠠᠳᠠᠭᠠᠨᠠ ᠶᠢᠨ ᠳᠦᠷᠪᠡᠨ ᠦᠨᠳᠦᠷ ᠢᠳᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠣᠰᠣᠨ ᠤ ᠪᠠᠷᠠ ᠦᠵᠡᠭᠰᠡᠨ | ᠦᠭᠡᠢ ᠶᠢᠨ ᠳᠡᠭᠡᠷᠡ ᠨᠠᠮᠣᠷᠯᠠᠭᠠᠳ ᠴᠠᠩᠭᠠᠭᠰᠠᠨ ᠭᠡᠳᠡᠭ ᠢ ᠬᠡᠯᠡᠬᠦ ᠶᠠᠭᠤᠨ᠃ ᠴᠠᠩᠭᠠᠬᠤ ᠳᠤ ᠪᠠᠨ ᠠᠶᠢᠯ ᠤᠨ | ᠬᠤᠳᠳᠤᠭ ᠰᠣᠷᠠᠭᠯᠠᠵᠣ ᠶᠠᠪᠣᠯᠠ᠃ ᠬᠦᠮᠦᠨ ᠣᠴᠠᠷᠠᠮᠠᠭᠴᠠ ᠬᠤᠳᠳᠤᠭ ᠬᠠᠮᠢᠭᠠᠭᠤᠷ ᠪᠠᠶᠢᠨᠠ︖ ᠭᠡᠵᠦ | ᠠᠰᠠᠭᠤᠬᠤ ᠳᠤ ᠮᠠᠨ ᠤ ᠬᠤᠳᠳᠤᠭ ᠰᠠᠯᠬᠢᠨ ᠳᠤ ᠬᠡᠶᠢᠰᠦᠭᠰᠡᠨ ᠭᠡᠵᠦ ᠯᠠ ᠬᠠᠷᠢᠭᠤᠯᠵᠠᠭᠠᠨᠠ᠃ ᠬᠡᠶᠢᠰᠦᠭᠰᠡᠨ ᠨᠢ | ᠬᠠᠮᠢᠭᠠ ᠪᠠᠶᠢᠬᠤ ᠤᠤ︖ ᠬᠡᠭᠦᠯᠡ ᠳᠠᠯᠠᠢ ᠶᠢᠨ ᠲᠡᠷᠲᠡᠭᠡ ᠪᠠᠶᠢᠬᠤ ᠪᠣᠢ ᠭᠡᠵᠦ ᠬᠡᠯᠡᠭᠰᠡᠨ ᠭᠡᠨᠡ᠃ | ᠳᠠᠯᠠᠢ ᠶᠢᠨ ᠲᠡᠷᠲᠡᠭᠡ ᠪᠠᠶᠢᠬᠤ ᠬᠤᠳᠳᠤᠭ ᠢ ᠡᠷᠢᠭᠰᠡᠭᠡᠷ ᠪᠠᠶᠢᠵᠣ ᠠᠷᠠᠢ ᠣᠯᠣᠭᠰᠠᠨ ᠪᠣᠯᠪᠠᠴᠣ ᠣᠳᠬᠤᠭᠤᠷ | ᠦᠭᠡᠢ ᠪᠠᠶᠢᠵᠠᠢ᠃ ᠣᠳᠬᠤᠭᠤᠷ ᠬᠢᠬᠦ ᠶᠠᠭᠤᠮᠠ ᠦᠭᠡᠢ ᠳᠤ ᠪᠠᠨ ᠭᠠᠪᠠᠯᠠ ᠪᠠᠷ ᠢᠶᠠᠨ ᠣᠳᠬᠤᠭᠤᠷ ᠬᠢᠵᠦ | ᠡᠪᠴᠢᠬᠦᠦ ᠪᠠᠷ ᠢᠶᠠᠨ ᠣᠩᠭᠤᠴᠠ ᠬᠢᠵᠦ ᠦᠯᠦᠨ ᠭᠡᠳᠡᠰᠦ ᠪᠠᠷ ᠢᠶᠠᠨ ᠣᠭᠤᠰᠣᠷᠯᠠᠵᠣ ᠣᠰᠣ ᠲᠠᠲᠠᠭᠠᠳ | ᠦᠪᠡᠰᠦᠪᠡᠨ ᠬᠠᠨᠤᠲᠠᠯᠠ ᠣᠣᠭᠤᠭᠠᠳ ᠢᠩᠭᠡ ᠪᠣᠲᠣᠭᠤ ᠬᠤᠶᠠᠷ ᠢᠶᠠᠨ ᠴᠦ ᠬᠡᠬᠡᠯ ᠭᠠᠷᠳᠠᠯᠠ ᠣᠰᠣᠯᠠᠵᠠᠢ᠃ | ᠬᠠᠨᠤᠲᠠᠯᠠ ᠣᠣᠭᠤᠭᠠᠳ ᠪᠠᠶᠠᠷᠯᠠᠵᠣ ᠴᠢᠨᠠᠭᠰᠢ ᠶᠠᠪᠣᠬᠤ ᠳᠤ ᠪᠠᠨ ᠰᠡᠭᠦᠳᠡᠷ ᠢᠶᠠᠨ ᠨᠢᠭᠡ ᠬᠠᠷᠠᠭᠰᠠᠨ ᠴᠢᠨᠢ | ᠲᠣᠯᠣᠭᠠᠢ ᠨᠢ ᠪᠠᠶᠢᠬᠤ ᠦᠭᠡᠢ ᠪᠣᠯᠵᠠᠢ᠃ ᠯᠠᠪ ᠬᠤᠳᠳᠤᠭ ᠳᠡᠭᠡᠷᠡ ᠮᠠᠷᠳᠠᠵᠠᠢ ᠭᠡᠳ ᠬᠤᠶᠢᠰᠢ ᠪᠣᠴᠠᠵᠣ ᠦᠵᠡᠬᠦᠯᠡ | ᠨᠠᠷᠠᠨ ᠲᠠᠯᠠ ᠨᠢ ᠬᠦᠯᠳᠡᠭᠡᠳ ᠰᠦᠮᠡᠭ ᠢᠨᠢᠶᠡᠬᠦ ᠪᠦᠭᠡᠳ ᠠᠮᠠᠨ ᠳᠤ ᠨᠢ ᠠᠭᠠᠯᠵᠢ ᠡᠭᠦᠷᠯᠡᠭᠡᠳ ᠴᠢᠬᠢᠨ ᠳᠤ ᠨᠢ | ᠴᠢᠪᠢᠯᠳᠦ ᠡᠭᠦᠷᠯᠡᠵᠦ ᠨᠢᠳᠦᠨ ᠳᠤ ᠨᠢ ᠨᠢᠭᠦᠯᠲᠦ ᠡᠭᠦᠷᠯᠡᠭᠡᠳ ᠠᠪᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ ᠶᠣᠮ | ᠭᠡᠨᠡ᠃ ᠣᠳᠣ ᠲᠡᠭᠦᠨ ᠢᠶᠠᠷ ᠶᠠᠭᠤ ᠪᠠᠨ ᠬᠢᠬᠦ ᠪᠢᠯᠡ᠂ ᠳᠠᠬᠢᠵᠦ ᠨᠢᠭᠡ ᠶᠢ ᠵᠠᠰᠠᠵᠣ ᠠᠪᠣᠶᠠ ᠭᠡᠳ ᠬᠤᠳᠳᠤᠭ ᠤᠨ | ᠰᠢᠪᠠᠷ ᠢ ᠨᠣᠬᠤᠵᠣ ᠦᠭᠡᠷᠡ ᠨᠢᠭᠡᠨ ᠲᠣᠯᠣᠭᠠᠢ ᠬᠢᠭᠰᠡᠨ ᠴᠢᠨᠢ ᠬᠠᠷᠢᠨ ᠬᠤᠶᠢᠨᠠ ᠪᠠᠨ ᠭᠤᠬᠠ ᠲᠠᠢ᠂ ᠣᠷᠢᠲᠠᠢ ᠪᠠᠨ | ᠣᠭ ᠲᠠᠢ᠂ ᠣᠴᠢᠷ ᠦᠭᠡᠢ ᠰᠠᠶᠢᠬᠠᠨ ᠲᠣᠯᠣᠭᠠᠢ ᠪᠣᠯᠣᠭᠰᠠᠨ ᠭᠡᠨᠡ᠃ ᠲᠣᠯᠣᠭᠠᠢ ᠪᠠᠨ ᠰᠣᠯᠢᠵᠦ ᠠᠪᠣᠭᠠᠳ | ᠪᠠᠶᠠᠷᠯᠠᠨ ᠶᠠᠪᠣᠲᠠᠯᠠ ᠵᠠᠮ ᠳᠡᠭᠡᠷᠡ ᠨᠢ ᠳᠣᠯᠣᠭᠠᠨ ᠴᠠᠭᠠᠨ ᠮᠣᠩᠭᠤᠯ ᠭᠡᠷ ᠬᠠᠷᠠᠭᠳᠠᠪᠠ ᠭᠡᠨᠡ᠃ ᠲᠡᠨᠳᠡ ᠪᠠᠭ᠋ᠠᠨ | ᠠᠮᠠᠷᠠᠶᠠ ᠭᠡᠳ ᠬᠦᠷᠬᠦ ᠳᠤ ᠬᠠᠷᠢᠨ ᠳᠣᠯᠣᠭᠠᠨ ᠴᠠᠭᠠᠨ ᠭᠠᠯᠠᠭᠤ ᠪᠠᠶᠢᠭᠰᠠᠨ ᠠᠵᠢ᠃ ᠳᠣᠯᠣᠭᠠᠨ ᠴᠠᠭᠠᠨ | ᠭᠠᠯᠠᠭᠤᠨ ᠠᠴᠠ ᠲᠡᠮᠡᠭᠡ ᠨᠢ ᠦᠷᠭᠦᠵᠦ ᠳᠡᠷᠭᠡᠲᠡ ᠨᠢ ᠪᠠᠶᠢᠭᠰᠠᠨ ᠲᠣᠭᠤᠷᠣᠣ ᠰᠣᠴᠢᠵᠣ ᠨᠢᠰᠬᠦ ᠳᠤ ᠪᠠᠨ | ᠲᠡᠮᠡᠭᠡ ᠶᠢ ᠨᠢ ᠡᠭᠦᠷᠦᠭᠡᠳ ᠶᠠᠪᠣᠭᠰᠠᠨ ᠭᠡᠨᠡ᠃ | | |