ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠨᠤᠬᠠᠢ ᠮᠤᠤᠷ ᠦᠰᠢᠶ᠎ᠡ ᠲᠠᠢ ᠪᠤᠯᠤᠭᠰᠠᠨ ᠳᠤᠬᠠᠢ ᠳᠤᠮᠤᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-12-05
      ᠨᠢᠭᠡ ᠮᠤᠤᠷ᠂ ᠨᠢᠭᠡ ᠨᠤᠬᠠᠢ ᠪᠠᠨ ᠠᠪ ᠠᠳᠠᠯᠢᠬᠠᠨ ᠬᠠᠶᠢᠷᠠᠯᠠᠵᠤ᠂ ᠠᠪ ᠠᠳᠠᠯᠢᠬᠠᠨ ᠬᠤᠭᠤᠯᠠ ᠦᠭᠳᠡᠭ ᠪᠠᠶᠢᠭᠰᠠᠨ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠠ ᠪᠠᠶᠢᠭᠰᠠᠨ ᠭᠡᠨ᠎ᠡ᠃ ᠲᠡᠳᠡᠨ ᠤ ᠭᠡᠷ ᠳᠤᠲᠤᠷ᠎ᠠ ᠪᠠᠨ ᠨᠢᠭᠡ ᠠᠪᠳᠠᠷ᠎ᠠ ᠲᠠᠢ ᠭᠡᠨ᠎ᠡ ᠃ ᠠᠪᠳᠠᠷ᠎ᠠ ᠳᠤᠲᠤᠷ᠎ᠠ ᠪᠠᠨ ᠪᠠᠰᠠ ᠨᠢᠭᠡ ᠠᠯᠲᠠᠨ ᠵᠤᠭᠤᠰ ᠲᠠᠢ ᠭᠡᠨ᠎ᠡ᠃ ᠨᠢᠭᠡ ᠰᠦᠨᠢ ᠭᠡᠷ ᠲᠤᠨᠢ ᠬᠤᠯᠠᠭᠠᠶᠢᠴᠢ ᠤᠷᠤᠵᠤ᠂ ᠠᠯᠲᠠᠨ ᠵᠤᠭᠤᠰ ᠢ ᠨᠢ ᠬᠤᠯᠠᠭᠠᠶᠢᠯᠠᠭᠠᠳ ᠠᠪᠤᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠭᠡᠨ᠎ᠡ᠃ ᠭᠡᠷ ᠤᠨ ᠡᠵᠡᠨ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠠ ᠠᠯᠲᠠᠨ ᠵᠤᠭᠤᠰ ᠢᠶᠠᠨ ᠭᠡᠭᠡᠭᠡᠳ ᠶᠡᠬᠡᠯ᠎ᠡ ᠰᠠᠨᠠᠭ᠎ᠠ ᠵᠤᠪᠠᠵᠤ᠂ ᠪᠤᠳᠤᠯᠭ᠎ᠠ ᠪᠤᠯᠵᠤ ᠵᠤᠪᠠᠨᠢᠵᠤ ᠪᠠᠶᠢᠬᠤ ᠶᠢ ᠦᠵᠡᠭᠡᠳ ᠨᠤᠬᠠᠢ ᠨᠢ᠄ ᠮᠤᠤᠷ ᠳᠡᠭᠦᠦ ᠡ︕ ᠡᠵᠡᠨ ᠤ ᠭᠠᠴᠢᠭᠳᠠᠵᠤ ᠪᠠᠶᠢᠬᠤ ᠶᠢ ᠦᠵᠡᠭᠡᠳ ᠪᠢ ᠲᠤᠰᠠᠯᠠᠶ᠎ᠠ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠨ᠎ᠠ᠃ ᠬᠤᠶᠠᠭᠤᠯᠠ ᠭᠤᠤᠯ ᠤᠨ ᠴᠠᠭᠠᠲᠤ ᠠᠶᠢᠯ ᠤᠳ ᠢᠶᠠᠷ ᠡᠵᠡᠨ ᠤ ᠠᠯᠲᠠᠨ ᠵᠤᠭᠤᠰ ᠢ ᠡᠷᠢᠬᠦ ᠪᠠᠷ ᠶᠠᠪᠤᠶ ᠎ᠠ︕ ᠭᠡᠵᠦ ᠵᠦᠪᠯᠡᠭᠰᠡᠨ ᠳᠤ ᠮᠤᠤᠷ᠄ ᠳᠡᠭᠦᠦ ᠪᠢ ᠭᠤᠤᠯ ᠢ ᠶᠠᠭᠠᠬᠢᠵᠤ ᠭᠠᠲᠤᠯᠬᠤ ᠪᠤᠢ ᠭᠡᠵᠤ ᠠᠰᠠᠭᠤᠵᠠᠢ᠃ ᠠᠬ᠎ᠠ ᠨᠢ ᠪᠢ ᠤᠰᠤ ᠴᠢᠳᠠᠬᠤ ᠶᠤᠮ ᠴᠢᠨᠢ ᠴᠢᠮᠠᠶᠢ ᠨᠢᠷᠤᠭᠤᠨ ᠳᠡᠭᠡᠷ᠎ᠡ ᠪᠠᠨ ᠡᠭᠦᠷᠦᠭᠡᠳ ᠭᠤᠤᠯ ᠢ ᠭᠠᠲᠤᠯᠴᠢᠬᠠᠶ ᠎ᠠ︕ ᠭᠡᠵᠡᠢ᠃          ᠲᠡᠭᠡᠭᠡᠳ ᠬᠤᠶᠠᠭᠤᠯᠠ ᠭᠤᠤᠯ ᠭᠠᠲᠤᠯᠤᠨ ᠠᠶᠢᠯ ᠳᠤ ᠬᠦᠷᠴᠦ᠂ ᠦᠯᠦᠰᠪᠡᠯ ᠦᠨᠡᠰᠦ ᠬᠤᠭ ᠤᠨ ᠤᠪᠤᠭᠠᠨ ᠠᠴᠠ ᠶᠠᠭᠤᠮ᠎ᠠ ᠡᠷᠢᠵᠦ ᠢᠳᠡᠬᠦ ᠪᠤᠶᠤ ᠪᠠᠭ᠎ᠠ ᠰᠠᠭ᠎ᠠ ᠪᠤᠯᠵᠤᠮᠤᠷ ᠰᠢᠪᠠᠭᠤ ᠪᠠᠷᠢᠵᠤ ᠭᠡᠳᠡᠰᠦ ᠪᠠᠨ ᠲᠡᠵᠢᠭᠡᠨ ᠂ ᠭᠡᠷ ᠪᠤᠯᠭᠠᠨ ᠤ ᠭᠠᠳᠠᠨ᠎ᠠ ᠵᠤᠭᠤᠭ ᠴᠢᠩᠨᠠᠵᠤ ᠨᠡᠯᠢᠶᠡᠳ ᠡᠳᠦᠷ ᠪᠤᠯᠵᠤ ᠪᠠᠶᠢᠲᠠᠯ᠎ᠠ ᠨᠢᠭᠡ ᠰᠦᠨᠢ ᠨᠢᠭᠡ ᠭᠡᠷ ᠤᠨ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠠ ᠬᠤᠭᠤᠷᠤᠨᠳᠤ ᠪᠠᠨ᠄ ︽ᠤᠳᠤ ᠴᠦ ᠪᠢᠳᠡ ᠡᠨᠡ ᠠᠯᠲᠠᠨ ᠵᠤᠭᠤᠰ ᠢᠶᠠᠷ ᠪᠠᠶᠠᠵᠢᠭᠰᠠᠨ︕︾ ᠭᠡᠵᠦ ᠪᠠᠶᠠᠷᠯᠠᠵᠤ ᠪᠠᠶᠢᠬᠤ ᠶᠢ ᠴᠢᠩᠨᠠᠵᠤ ᠰᠤᠨᠤᠰᠤᠭᠰᠠᠨ ᠭᠡᠨ᠎ᠡ᠃ ᠲᠡᠭᠡᠭᠡᠳ ᠮᠤᠤᠷ ᠨᠤᠬᠠᠢ ᠬᠤᠶᠠᠭᠤᠯᠠ᠄ ︽ᠡᠵᠡᠨ ᠤ ᠮᠢᠨᠢ ᠠᠯᠲᠠᠨ ᠵᠤᠭᠤᠰ ᠡᠳᠡᠨᠡᠶᠢᠬᠢᠨ ᠳᠤ ᠪᠠᠶᠢᠨ᠎ᠠ᠃ ᠶᠠᠭᠠᠬᠢᠵᠤ ᠵᠤᠭᠤᠰ ᠢᠶᠠᠨ ᠠᠪᠴᠤ ᠭᠠᠷᠭᠠᠬᠤ ᠪᠤᠢ︖︾ ᠭᠡᠳ ᠠᠷᠭ᠎ᠠ ᠦᠭᠡᠶᠢᠲᠡᠨ ᠰᠠᠭᠤᠵᠤ ᠪᠠᠶᠢᠲᠠᠯ᠎ᠠ ᠡᠨᠡ ᠭᠡᠷ ᠲᠤ ᠡᠭᠦᠷᠯᠡᠭᠰᠡᠨ ᠬᠤᠯᠤᠭᠠᠨ᠎ᠠ ᠨᠢ ᠪᠤᠯᠳᠡᠶᠢᠰᠬᠢᠨ ᠬᠢᠨ ᠡᠭᠦᠷ ᠠᠴᠠ ᠪᠠᠨ ᠭᠠᠷᠤᠭᠠᠳ ᠢᠷᠡᠬᠦ ᠬᠠᠷᠠᠭᠳᠠᠭᠰᠠᠨ ᠭᠡᠨ᠎ᠡ᠃ ᠡᠭᠦᠨ ᠢ ᠦᠵᠡᠭᠡᠳ ᠮᠤᠤᠷ ᠱᠠᠯᠠᠪᠳᠡᠨ ᠦᠰᠦᠷᠴᠦ ᠤᠴᠢᠭᠠᠳ ᠪᠠᠷᠢᠭᠠᠳ ᠠᠪᠤᠭᠰᠠᠨ ᠭᠡᠨ᠎ᠡ᠃ ᠮᠤᠤᠷ ᠲᠡᠭᠡᠭᠡᠳ᠄ ᠬᠤᠯᠤᠭᠠᠨ᠎ᠠ ᠴᠢ ᠡᠨᠡ ᠭᠡᠷ ᠤᠨ ᠡᠵᠡᠨ ᠤ ᠬᠤᠯᠠᠭᠠᠶᠢᠯᠠᠵᠤ ᠠᠪᠴᠢᠷᠠᠭᠰᠠᠨ ᠠᠯᠲᠠᠨ ᠵᠤᠭᠤᠰ ᠢ ᠠᠪᠴᠢᠷᠠᠵᠤ ᠲᠤᠰᠢᠶᠠᠪᠠᠯ ᠪᠢ ᠴᠢᠮᠠᠶᠢ ᠢᠳᠡᠬᠦ ᠦᠭᠡᠢ ᠲᠠᠯᠪᠢᠶ ᠎ᠠ ᠭᠡᠰᠡᠨ ᠳᠤ ᠬᠤᠯᠤᠭᠠᠨ᠎ᠠ᠄ ᠠᠮᠢ ᠶᠢ ᠮᠢᠨᠢ ᠦᠷᠦᠰᠢᠶᠡᠪᠡᠯ ᠪᠢ ᠲᠠᠨ ᠳᠤ ᠠᠯᠲᠠᠨ ᠵᠤᠭᠤᠰ ᠢ ᠴᠢᠨᠢ ᠤᠯᠵᠤ ᠦᠭᠭᠦᠶ ᠎ᠡ ᠭᠡᠵᠡᠢ᠃        ᠬᠤᠯᠤᠭᠠᠨ᠎ᠠ ᠲᠡᠭᠡᠭᠡᠳ ᠭᠡᠷ ᠤᠨ ᠡᠵᠡᠨ ᠤ ᠪᠠᠨ ᠬᠤᠶᠠᠷ ᠳᠠᠪᠬᠤᠷ ᠠᠪᠳᠠᠷ᠎ᠠ ᠶᠢ ᠮᠡᠷᠡᠭᠰᠡᠭᠡᠷ ᠮᠡᠷᠡᠭᠰᠡᠭᠡᠷ ᠴᠤᠭᠤᠯᠵᠤ᠂ ᠠᠯᠲᠠᠨ ᠵᠤᠭᠤᠰ ᠢ ᠨᠢ ᠠᠮᠠᠨ ᠳᠠᠭᠠᠨ ᠵᠠᠭᠤᠭᠰᠠᠭᠠᠷ ᠠᠪᠴᠢᠷᠠᠵᠤ ᠦᠭᠭᠦᠭᠰᠡᠨ ᠳᠤ ᠮᠤᠤᠷ ᠠᠮᠠᠨ ᠳᠠᠭᠠᠨ ᠠᠪᠴᠤ ᠡᠮᠬᠦᠭᠡᠳ ᠨᠤᠬᠠᠢ ᠠᠬ᠎ᠠ ᠪᠠᠨ ᠤᠨᠤᠵᠤ᠂ ᠭᠤᠤᠯ ᠭᠠᠲᠤᠯᠪᠠ᠃ ᠨᠤᠬᠠᠢ ᠮᠤᠤᠷ ᠢᠶᠠᠨ ᠡᠭᠦᠷᠴᠦ ᠭᠡᠷ ᠲᠡᠭᠡᠨ ᠱᠤᠩᠰᠢᠭᠰᠠᠭᠠᠷ ᠬᠠᠷᠢᠭᠰᠠᠨ ᠳᠤ ᠮᠤᠤᠷ ᠦᠰᠦᠷᠦᠨ ᠪᠠᠭᠤᠭᠠᠳ ᠴᠤᠩᠬᠤᠨ ᠤ ᠬᠠᠵᠠᠭᠤ ᠶᠢᠨ ᠨᠦᠬᠡ ᠪᠠᠷ ᠢᠶᠠᠨ ᠤᠷᠤᠵᠤ᠂ ᠠᠮᠠᠨ ᠳᠠᠭᠠᠨ ᠵᠠᠭᠤᠵᠤ ᠪᠠᠶᠢᠭᠰᠠᠨ ᠠᠯᠲᠠᠨ ᠵᠤᠭᠤᠰ ᠢᠶᠠᠨ ᠡᠵᠡᠨ ᠳᠡᠭᠡᠨ ᠭᠠᠷᠭᠠᠨ ᠦᠭᠭᠦᠭᠰᠡᠨ ᠭᠡᠨ᠎ᠡ᠃ ᠡᠵᠡᠨ ᠨᠢ ᠦᠵᠡᠭᠡᠳ ᠰᠦᠷᠬᠡᠢ ᠪᠠᠶᠠᠷᠯᠠᠵᠤ᠄ ᠥ᠂ ᠬᠦᠭᠡᠷᠦᠬᠦᠢ ᠮᠤᠤᠷ ᠮᠢᠨᠢ︕ ᠢᠩᠭᠢᠲᠡᠯ᠎ᠡ ᠡᠴᠡᠵᠦ ᠲᠤᠷᠠᠨ᠂ ᠡᠴᠢᠨᠡᠨ ᠡᠳᠦᠷ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠴᠢᠨᠢ ᠠᠯᠲᠠᠨ ᠵᠤᠭᠤᠰ ᠢ ᠮᠢᠨᠢ ᠡᠷᠢᠬᠦ ᠪᠠᠷ ᠶᠠᠪᠤᠭᠰᠠᠨ ᠶᠤᠮ ᠪᠠᠶᠢᠨ᠎ᠠ ᠰᠢᠤ︕ ᠭᠡᠵᠦ ᠦᠬᠦᠭᠡᠷᠳᠦᠨ ᠲᠡᠪᠡᠷᠢᠭᠡᠳ ᠠᠮᠲᠠᠲᠤ ᠬᠤᠭᠤᠯᠠ ᠬᠢᠵᠦ᠂ ᠬᠠᠮᠲᠤ ᠢᠳᠡᠵᠡᠭᠡᠭᠰᠡᠨ ᠭᠡᠨ᠎ᠡ᠃ ᠬᠤᠭᠤᠯᠠ ᠪᠠᠨ ᠢᠳᠡᠵᠦ ᠪᠠᠷᠠᠭᠠᠳ ᠭᠠᠷᠴᠤ ᠢᠷᠡᠬᠦ ᠳᠤ ᠨᠤᠬᠠᠢ ᠨᠢ ᠴᠦ ᠶᠠᠰᠤᠨ ᠬᠡᠯᠬᠢᠶ᠎ᠡ ᠪᠤᠯᠴᠢᠬᠠᠭᠰᠠᠨ ᠡᠭᠦᠳᠡᠨ ᠳᠤᠨᠢ ᠬᠡᠪᠲᠡᠵᠦ ᠪᠠᠶᠢᠭᠰᠠᠨ ᠳᠤ ᠡᠵᠡᠨ ᠨᠢ᠄ ᠡᠨᠡ ᠮᠠᠭᠤ ᠭᠤᠷᠠᠩᠬᠤᠲᠤᠡᠡᠰᠡᠨ ᠨᠤᠬᠠᠢ︕ ᠡᠴᠢᠨᠡᠨ ᠡᠳᠦᠷ ᠬᠠᠮᠢᠭᠠᠭᠤᠷ ᠳᠡᠩᠰᠢᠵᠤ ᠲᠤᠭᠤᠷᠢᠪᠠ︖ ᠠᠯᠲᠠᠨ ᠵᠤᠭᠤᠰ ᠢ ᠮᠢᠨᠢ ᠤᠯᠵᠤ ᠢᠷᠡᠭᠰᠡᠨ ᠮᠤᠤᠷ ᠤᠨ ᠬᠠᠵᠠᠭᠤ ᠳᠤ ᠬᠡᠷᠡᠭ ᠦᠭᠡᠢ ︽ᠢᠳᠡᠭᠦᠷ ᠤᠨ ᠰᠠᠪᠠ︾ ᠯᠠ ᠪᠠᠶᠢᠨ᠎ᠠ ᠭᠡᠵᠦ ᠬᠦᠴᠦᠲᠡᠢ ᠢᠰᠭᠦᠯᠦᠨ ᠠᠭᠠᠭ ᠬᠢᠵᠦ ᠢᠳᠡᠭᠦᠯᠦᠭᠰᠡᠨ ᠭᠡᠨ᠎ᠡ᠃        ᠡᠨᠡ ᠡᠳᠦᠷ ᠠᠴᠠ ᠰᠡᠭᠦᠯᠡᠷ ᠡᠵᠡᠨ ᠨᠢ ᠠᠯᠲᠠᠨ ᠵᠤᠭᠤᠰ ᠢ ᠪᠤᠴᠠᠭᠠᠨ ᠠᠪᠴᠢᠷᠠᠭᠰᠠᠨ ᠪᠦᠬᠦ ᠭᠠᠪᠢᠶ᠎ᠠ ᠶᠢ ᠮᠤᠤᠷ ᠤᠨ ᠬᠢ ᠭᠡᠵᠦ ᠠᠳᠡᠭᠦᠷᠡᠭᠡᠳ ᠮᠤᠤᠷ ᠲᠤ ᠳᠠᠩᠳᠠ ᠰᠠᠶᠢᠨ ᠬᠤᠭᠤᠯᠠ ᠢᠳᠡᠭᠦᠯᠵᠦ᠂ ᠨᠤᠬᠠᠢ ᠳᠤ ᠳᠠᠩᠳᠠ ᠦᠪᠡᠷᠰᠡᠳ ᠤᠨ ᠪᠠ ᠮᠤᠤᠷ ᠤᠨ ᠢᠳᠡᠬᠦ ᠦᠭᠡᠢ ᠬᠠᠶᠠᠳᠠᠭ ᠠᠭᠠᠭ ᠤᠭᠢᠶᠠᠳᠠᠰᠤ ᠦᠭᠴᠦ ᠬᠤᠭᠤᠯᠠᠯᠠᠳᠠᠭ ᠪᠤᠯᠤᠭᠰᠠᠨ ᠭᠡᠨ᠎ᠡ᠃ ᠲᠡᠭᠡᠭᠡᠳ ᠨᠤᠬᠠᠢ ᠨᠢ ᠮᠤᠤᠷ ᠲᠠᠭᠠᠨ ︽ᠪᠦᠬᠦ ᠭᠠᠪᠢᠶ᠎ᠠ ᠶᠢ ᠦᠪᠡᠷ ᠤᠨ ᠬᠢ ᠪᠠᠨ ᠪᠤᠯᠭᠠᠴᠢᠬᠠᠯ ᠎ᠠ︾ ᠭᠡᠵᠦ ᠮᠠᠭᠤ ᠰᠠᠨᠠᠵᠤ᠂ ᠮᠤᠤᠷ ᠴᠦ ᠠᠮᠠᠨ ᠠᠴᠠ ᠪᠠᠨ ᠠᠯᠲᠠᠨ ᠵᠤᠭᠤᠰ ᠢ ᠭᠠᠷᠭᠠᠨ ᠦᠭᠭᠦᠭᠰᠡᠨ ᠠᠴᠠ ᠦᠷ᠎ᠡ ᠳ᠋ᠦᠩ ᠢ ᠯᠠ ᠦᠵᠡᠭᠡᠳ ᠶᠠᠪᠤᠴᠠ ᠶᠢ ᠠᠩᠬᠠᠷᠤᠭᠰᠠᠨ ᠦᠭᠡᠢ ᠡᠵᠡᠨ ᠤ ᠬᠢᠨᠢ ᠬᠠᠯᠠᠭᠤᠦ ᠶᠢᠨ ᠤᠷᠰᠢᠭ ᠢᠶᠠᠷ ᠮᠤᠤᠷ ᠎ ᠲᠤ ᠪᠦᠬᠦ ᠰᠠᠶᠢᠨ ᠢ ᠲᠡᠮᠳᠡᠭᠯᠡᠵᠦ ᠦᠭᠭᠦᠭᠰᠡᠨ ᠠᠴᠠ ᠮᠤᠤᠷ ᠪᠠ ᠨᠤᠬᠠᠢ ᠶᠢᠨ ᠢᠳᠡᠰᠢ ᠶᠢ ᠠᠳᠠᠯᠢ ᠦᠭᠡᠢ  ᠪᠤᠯᠭᠠᠭᠰᠠᠨ ᠭᠡᠨ᠎ᠡ᠃ ᠢᠩᠭᠢᠭᠡᠳ ᠡᠵᠡᠨ ᠤ ᠪᠠᠨ ᠠᠳᠡᠭᠦᠷᠡᠯ ᠢᠶᠠᠷ ᠨᠤᠬᠠᠢ ᠮᠤᠤᠷ ᠬᠤᠶᠠᠭᠤᠯᠠ ᠤᠤᠯ ᠤᠨ ᠢᠶᠠᠨ ᠰᠢᠭ᠋ ᠲᠠᠭᠠᠷᠠᠬᠤ ᠪᠠᠨ ᠪᠤᠯᠢᠵᠦ᠂ ᠨᠢᠭᠡᠨ ᠨᠢᠭᠡᠨ ᠢᠶᠠᠨ ᠦᠵᠡᠨ ᠶᠠᠳᠠᠵᠤ ᠦᠰᠢᠶ᠎ᠠ ᠲᠠᠢ ᠪᠤᠯᠤᠭᠰᠠᠨ ᠭᠡᠨ᠎ᠡ᠃    
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠬᠡ ᠶᠢᠨ ᠴᠠᠭᠠᠨ ᠰᠥ ᠬᠠᠷᠢᠭᠤᠯᠬᠤ
ᠳᠠᠯᠠᠨ ᠬᠤᠳᠠᠯᠴᠢ
ᠤᠢ ᠪᠢᠳᠠᠭᠤ ᠠᠬ᠎ᠠ ᠲᠡᠭᠦᠥ ᠭᠤᠷᠪᠠ ᠤᠬᠠᠭᠠᠨ ᠰᠤᠷᠤᠭᠰᠠᠨ ᠨᠢ
ᠠᠪᠳᠠᠷᠠᠳᠦ ᠶᠢᠨ ᠲᠤᠮᠤᠭ
ᠮᠣᠩᠭᠤᠯᠴᠤᠳ ᠤᠨ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠲᠤᠬᠠᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号