| ᠲᠡᠮᠡᠭᠡᠨ ᠤ ᠬᠦᠳᠡᠯᠦᠯ ᠤᠶᠢᠯᠡ ᠶᠢᠨ ᠤᠯᠠᠨ ᠬᠡᠯᠪᠡᠷᠢᠳᠦ ᠦᠵᠡᠭᠳᠡᠯ ᠳᠤᠨᠢ ᠲᠤᠬᠢᠷᠠᠭᠤᠯᠵᠦ᠂ ᠮᠠᠯᠴᠢᠳ ᠤᠷᠳᠤ | ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠮᠠᠯᠵᠢᠯ ᠤᠶᠢᠯᠡᠳᠪᠦᠷᠢᠯᠡᠯ ᠤᠨ ᠲᠤᠮᠳᠠ ᠪᠠᠨ ᠲᠤᠰ ᠲᠤᠰ ᠲᠤᠨᠢ ᠨᠡᠷᠡᠰᠢᠬᠦᠯᠦᠨ | ᠲᠠᠭᠤᠳᠠᠳᠠᠭ ᠪᠢᠯᠡ᠃ ᠲᠡᠮᠡᠭᠡᠨ ᠤ ᠬᠦᠳᠡᠯᠦᠯ ᠤᠶᠢᠯᠡ ᠶᠢ ᠶᠡᠬᠡᠩᠬᠢ ᠳᠤ ᠴᠡᠭᠯᠡᠭᠡᠳᠡᠬᠦ᠂ ᠭᠡᠪᠳᠡᠬᠦ᠂ ᠦᠨᠳᠡᠶᠢᠬᠦ᠂ | ᠦᠨᠳᠡᠯᠵᠡᠬᠦ᠂ ᠪᠤᠰᠬᠤ᠂ ᠶᠠᠪᠤᠬᠤ᠂ ᠰᠦᠭᠦᠳᠬᠦ᠂ ᠬᠦᠯᠪᠡᠷᠢᠬᠦ᠂ ᠲᠠᠷᠠᠶᠢᠬᠤ᠂ ᠲᠡᠶᠢᠷᠬᠦ᠂ ᠴᠠᠪᠴᠢᠬᠤ᠂ ᠬᠠᠶᠢᠷᠬᠤ᠂ | ᠴᠠᠮᠤᠷᠠᠬᠤ᠂ ᠰᠡᠭᠰᠦᠷᠬᠦ᠂ ᠲᠠᠮᠠᠷᠤᠳᠠᠬᠤ᠂ ᠴᠤᠩᠨᠦ᠋ᠢᠬᠤ᠂ ᠰᠢᠯᠭᠡᠭᠡᠬᠦ᠂ ᠦᠷᠬᠦᠬᠦ᠂ ᠤᠷᠭᠤᠮᠳᠠᠬᠤ᠂ ᠲᠦᠢᠯᠬᠤ᠂ | ᠪᠤᠶᠢᠯᠠᠬᠤ᠂ ᠭᠤᠩᠬᠢᠨᠠᠬᠤ᠂ ᠪᠠᠷᠬᠢᠷᠠᠬᠤ᠂ ᠰᠡᠪᠡᠰᠦᠯᠡᠬᠦ ᠬᠡᠬᠦ ᠮᠡᠳᠦ ᠪᠠᠷ ᠢᠯᠭᠠᠪᠤᠷᠢᠯᠠᠨ ᠶᠠᠷᠢᠳᠠᠭ᠃ | ᠴᠡᠭᠯᠡᠭᠡᠳᠡᠬᠦ — ᠪᠤᠳᠤᠭᠤ ᠶᠡᠷᠦ ᠨᠢ ᠡᠬᠡ ᠠᠴᠠ ᠪᠠᠨ ᠭᠠᠷᠤᠮᠠᠭᠴᠠ ᠨᠠᠯᠠᠵᠦ ᠤᠨᠠᠳᠠᠭ᠃ ᠰᠠᠶ᠋ᠢ ᠭᠠᠷᠤᠭᠰᠠᠨ | ᠪᠤᠳᠤᠭᠤ ᠲᠦᠷᠪᠡᠨ ᠮᠦᠴᠢ ᠪᠠᠨ ᠡᠪᠯᠡᠨ ᠨᠡᠯᠢᠶᠡᠳ ᠵᠦᠳᠡᠵᠦ ᠪᠠᠶᠢᠮᠠᠨ ᠪᠡᠶᠡ ᠶᠢᠨ ᠢᠶᠠᠨ ᠲᠡᠩᠴᠡᠬᠦᠷᠢ ᠶᠢ ᠤᠯᠵᠦ | ᠬᠦᠯ ᠢᠶᠠᠨ ᠨᠤᠭᠤᠯᠤᠨ ᠬᠡᠪᠳᠡᠳᠡᠭ᠃ ᠡᠬᠦᠨ ᠢ ᠴᠡᠭᠯᠡᠭᠡᠳᠡᠬᠦ ᠬᠡᠨᠡ᠃ ᠪᠠᠰᠠ ᠲᠠᠷᠭᠤ ᠬᠦᠴᠦ ᠪᠠᠷ ᠠᠨᠠᠢ ᠪᠤᠶᠤ | ᠪᠤᠰᠤᠳ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠦ ᠪᠡᠶᠡ ᠪᠠᠨ ᠲᠦᠩᠭᠡᠵᠢ ᠲᠠᠭᠠᠭᠠᠨ ᠲᠦᠷᠪᠡᠨ ᠮᠦᠴᠢ ᠪᠠᠨ ᠨᠤᠭᠤᠯᠤᠨ ᠬᠡᠪᠳᠡᠬᠦ ᠶᠢ | ᠴᠤ ᠴᠡᠭᠯᠡᠭᠡᠳᠡᠬᠦ ᠬᠡᠳᠡᠭ᠃ | ᠬᠡᠪᠳᠡᠬᠦ — ᠲᠡᠮᠡᠭᠡᠨ ᠤ ᠲᠦᠷᠪᠡᠨ ᠮᠦᠴᠢ ᠪᠠᠨ ᠨᠤᠭᠤᠯᠤᠨ ᠲᠤᠤᠷᠠ ᠪᠠᠨ ᠬᠤᠮᠢᠵᠦ ᠪᠡᠶᠡ ᠪᠠᠨ ᠲᠡᠩᠴᠡᠬᠦᠯᠦᠨ | ᠬᠡᠪᠳᠡᠬᠦ ᠶᠢ ᠬᠡᠯᠡᠳᠡᠭ᠃ ᠬᠡᠪᠳᠡᠬᠦ ᠳᠤ ᠪᠠᠰᠠ ᠬᠠᠪᠢᠷᠭᠠᠯᠠᠨ ᠬᠡᠪᠳᠡᠬᠦ᠂ ᠴᠤᠮᠴᠦ᠋ᠢᠵᠦ ᠬᠡᠪᠳᠡᠬᠦ ᠬᠡᠵᠦ ᠪᠠᠶᠢᠳᠠᠭ᠃ | ᠦᠨᠳᠡᠶᠢᠬᠦ — ᠲᠡᠮᠡᠭᠡ ᠬᠡᠪᠳᠡᠷᠢ ᠠᠴᠠ ᠪᠠᠨ ᠪᠤᠰᠬᠤ ᠦᠶᠡ ᠳᠤ ᠵᠠᠪᠠᠯ ᠬᠤᠶᠢᠳᠦ ᠬᠤᠶᠠᠷ ᠬᠦᠯ ᠢᠶᠠᠨ | ᠤᠷᠢᠳᠴᠢᠯᠠᠨ ᠲᠡᠨ᠋ᠶᠢᠯᠬᠡᠵᠦ ᠲᠤᠯᠤᠭᠠᠳ᠂ ᠲᠠᠬᠢᠨ ᠡᠮᠦᠨᠡ ᠬᠤᠶᠠᠷ ᠬᠦᠯ ᠢᠶᠠᠨ ᠲᠡᠨ᠋ᠶᠢᠯᠬᠡᠨ ᠲᠤᠯᠵᠦ ᠪᠤᠰᠳᠠᠭ᠃ ᠶᠠᠭ | ᠬᠤᠶᠢᠳᠦ ᠬᠤᠶᠠᠷ ᠬᠦᠯ ᠢᠶᠠᠨ ᠲᠡᠨ᠋ᠶᠢᠯᠬᠡᠨ ᠲᠤᠯᠵᠦ᠂ ᠡᠮᠦᠨᠡ ᠬᠤᠶᠠᠷ ᠬᠦᠯ ᠢᠶᠠᠨ ᠲᠡᠨ᠋ᠶᠢᠯᠬᠡᠵᠦ ᠠᠮᠵᠢᠭᠠᠳᠤᠢ | ᠦᠶᠡ ᠶᠢ ᠦᠨᠳᠡᠶᠢᠨᠡ ᠬᠡᠳᠡᠭ᠃ | ᠦᠨᠳᠡᠯᠵᠡᠬᠦ — ᠬᠡᠪᠳᠡᠭᠡ ᠲᠡᠮᠡᠭᠡ ᠲᠦᠷᠪᠡᠨ ᠮᠦᠴᠢ ᠪᠠᠨ ᠨᠤᠭᠤᠯᠤᠭᠠ ᠲᠠᠢ ᠶᠤᠰᠤᠭᠠᠷ ᠢᠶᠠᠨ ᠪᠡᠶᠡ ᠪᠠᠨ | ᠲᠤᠯᠤᠨ ᠭᠠᠵᠠᠷ ᠠᠴᠠ ᠪᠠᠶᠢᠨ ᠲᠠᠬᠢᠨ ᠬᠡᠶᠢᠷᠡᠬᠦᠯᠬᠦ ᠶᠢ ᠦᠨᠳᠡᠯᠵᠡᠬᠦ ᠬᠡᠨᠡ᠃ | ᠪᠤᠰᠬᠤ — ᠬᠡᠪᠳᠡᠭᠡ ᠲᠡᠮᠡᠭᠡ ᠦᠨᠳᠡᠶᠢᠨ ᠵᠢᠳᠬᠦᠵᠦ᠂ ᠲᠦᠷᠪᠡᠨ ᠮᠦᠴᠢ ᠪᠠᠨ ᠪᠦᠷᠢᠨ ᠲᠡᠨ᠋ᠶᠢᠯᠬᠡᠵᠦ᠂ ᠪᠡᠶᠡ ᠪᠠᠨ | ᠲᠡᠩᠴᠡᠬᠦᠷᠡᠬᠦᠯᠦᠨ ᠵᠤᠭᠰᠤᠬᠤ ᠬᠦᠷᠳᠡᠯᠡᠬᠢ ᠶᠠᠪᠤᠴᠠ ᠶᠢ ᠬᠡᠯᠡᠨᠡ᠃ |