| | ᠡᠩ ᠤᠨ ᠠᠷᠠᠳ ᠢ ︽ᠬᠠᠷᠠᠴᠤ︾ ᠭᠡᠮᠡᠨ ᠳᠠᠭᠤᠳᠠᠳᠠᠭ ᠤᠨ ᠤᠴᠢᠷ ᠨᠢ ︽ᠬᠠᠷᠠ ᠲᠡᠷᠢᠭᠦᠲᠡᠨ︾᠂ ︽ᠴᠠᠭᠠᠨ | ᠶᠠᠰᠤᠲᠠᠨ︾ ᠠᠴᠠ ︽ᠬᠠᠷᠠ ᠶᠠᠰᠤᠲᠠᠨ︾ ᠭᠡᠳᠡᠭ ᠢᠶᠠᠷ ᠢᠯᠭᠠᠪᠤᠷᠢᠯᠠᠨ᠂ ᠸᠠᠩ᠂ ᠭᠦᠩ᠂ ᠲᠠᠶᠢᠵᠢ ᠳᠤ | ᠬᠠᠷᠢᠶᠠᠯᠠᠭᠳᠠᠬᠤ ᠶᠢ ᠨᠢ ︽ᠠᠯᠪᠠᠲᠤ︾ ᠭᠡᠵᠤ᠂ ᠬᠤᠳᠤᠭᠲᠤ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠶᠢ ᠨᠢ ︽ᠱᠠᠪᠢᠨᠠᠷ︾ ᠭᠡᠳᠡᠭ | ᠶᠤᠮ᠃ ︽ᠨᠣᠶᠠᠨ ᠦᠭᠡᠢ ᠠᠯᠪᠠᠲᠤ ᠪᠠᠶᠢᠳᠠᠭ ᠦᠭᠡᠢ᠂ ᠠᠯᠪᠠᠲᠤ ᠦᠭᠡᠢ ᠨᠣᠶᠠᠨ ᠪᠠᠶᠢᠳᠠᠭ ᠦᠭᠡᠢ︾ ᠭᠡᠰᠡᠨ | ᠦᠭᠡ ᠪᠣᠯ ᠶᠠᠭ ᠡᠭᠦᠨ ᠳᠤ ᠴᠢᠭᠯᠡᠭᠦᠯᠵᠦ ᠬᠡᠯᠡᠭᠰᠡᠨ ᠦᠭᠡ ᠶᠤᠮ᠃ ᠡᠩ ᠤᠨ ᠪᠠᠶᠢᠳᠠᠯ ᠳᠤ᠂ ᠲᠠᠶᠢᠵᠢ ᠬᠥᠮᠥᠨ | ᠳᠡᠭᠡᠭᠦᠷ ᠰᠠᠭᠤᠳᠠᠯ ᠳᠤ ᠰᠠᠭᠤᠳᠠᠭ ᠪᠣᠯᠪᠠᠴᠤ ᠲᠤᠰᠢᠶᠠᠯ ᠦᠭᠡᠢ ᠪᠤᠶᠤ ᠳᠣᠣᠷᠠ ᠲᠤᠰᠢᠶᠠᠯ ᠲᠠᠢ ᠲᠠᠶᠢᠵᠢ ᠬᠥᠮᠥᠨ᠂ | ᠵᠡᠷᠭᠡ ᠲᠤᠰᠢᠶᠠᠯ ᠢᠶᠠᠷ ᠦᠨᠳᠦᠷ ᠬᠠᠷᠠᠴᠤ ᠬᠥᠮᠥᠨ ᠯᠦᠭᠡ ᠲᠡᠭᠰᠢ ᠰᠠᠭᠤᠳᠠᠯ ᠳᠤ ᠲᠠᠭᠠᠷᠠᠪᠠᠯ ᠳᠠᠷᠠᠭᠠ ᠰᠠᠭᠤᠳᠠᠯ | ᠳᠤᠨᠢ ᠰᠠᠭᠤᠳᠠᠭ᠃ ᠲᠠᠶᠢᠵᠢ ᠬᠥᠮᠥᠨ ᠤᠯᠠᠭᠠᠨ ᠡᠷᠦᠬᠡ ᠲᠠᠢ ᠭᠡᠷ ᠲᠤ ᠰᠠᠭᠤᠵᠤ ᠤᠯᠠᠭᠠᠨ ᠣᠯᠪᠣᠭ ᠳᠡᠪᠢᠰᠭᠡᠷᠯᠡᠬᠦ | ᠨᠢ ᠲᠡᠭᠦᠨ ᠤ ᠲᠠᠶᠢᠵᠢ ᠶᠢᠨ ᠣᠨᠴᠠᠭᠠᠢ ᠡᠷᠬᠡ ᠰᠦᠷ ᠠᠴᠠ ᠪᠣᠯᠣᠭᠰᠠᠨ ᠶᠤᠮ᠃ ᠬᠤᠰᠢᠭᠤᠨ ᠤ ᠪᠦᠬᠦ ᠬᠠᠷᠢᠶᠠᠲᠤ | ᠪᠤᠶᠤ ᠠᠯᠪᠠᠲᠤ ᠪᠣᠯ ᠸᠠᠩ ᠤᠨ ᠠᠯᠪᠠᠲᠤ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠭᠦᠩ᠂ ᠲᠠᠶᠢᠵᠢ᠂ ᠬᠤᠳᠤᠭᠲᠤ ᠨᠠᠷ ᠤᠨ | ᠠᠯᠪᠠᠲᠤ᠂ ᠱᠠᠪᠢᠨᠠᠷ ᠡᠷᠦᠬᠡ ᠨᠢ ᠳᠠᠪᠬᠤᠷ ᠠᠯᠪᠠᠲᠤ ᠪᠣᠯᠳᠠᠭ ᠶᠤᠮ᠃ ᠲᠦᠬᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠰᠡᠭᠦᠯᠴᠢ ᠶᠢᠨ | ᠦᠶᠡ ᠳᠤ ᠪᠠᠷᠠᠭᠤᠨ ᠭᠦᠩ ᠦᠬᠢᠨ ᠢᠶᠠᠨ ᠣᠷᠳᠣᠰ ᠤᠨ ᠨᠢᠭᠡᠨ ᠳᠡᠭᠡᠳᠦ ᠳᠠᠪᠬᠤᠷᠭᠠᠲᠠᠨ ᠳᠤ ᠦᠭᠭᠦᠭᠰᠡᠨ ᠤ | ᠳᠠᠷᠠᠭᠠ ᠨᠡᠷᠡ ᠲᠦᠷᠤ᠂ ᠪᠠᠶᠢᠷᠢ ᠰᠭᠤᠷᠢ ᠶᠢᠨ ᠡᠷᠬᠡ ᠬᠦᠨᠳᠦ ᠪᠠᠷ ᠪᠣᠯ ᠪᠠᠷᠠᠭᠤᠨ ᠪᠠᠯ ᠤᠨ ᠪᠠᠭ ᠤᠨ ᠭᠠᠵᠠᠷ | ᠨᠤᠲᠤᠭ ᠤᠨ ᠬᠡᠪᠴᠢᠶᠡ ᠶᠢ ᠭᠦᠩ ᠳᠤ ᠵᠢᠷᠤᠭᠯᠠᠨ ᠬᠠᠮᠢᠶᠠᠷᠤᠭᠤᠯᠬᠤ ᠡᠷᠬᠡ ᠲᠠᠢ ᠪᠣᠯᠭᠠᠵᠠᠢ᠃ ᠡᠶᠢᠮᠤ ᠠᠴᠠ ᠲᠠᠷᠢᠶᠠ | ᠲᠠᠷᠢᠬᠤ᠂ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠳᠤ ᠡᠷᠬᠡᠪᠰᠢ ᠡᠵᠡᠨ ᠤ ᠬᠢᠨᠢ ᠵᠥᠪᠰᠢᠶᠡᠷᠡᠯ ᠢ ᠣᠯᠬᠤ ᠬᠡᠷᠡᠭᠲᠡᠢ ᠪᠥᠭᠡᠳ ᠭᠠᠶᠢᠯᠢ | ᠲᠦᠷᠢᠯᠭᠡ ᠬᠤᠷᠢᠶᠠᠬᠤ ᠡᠷᠬᠡ ᠲᠠᠢ ᠪᠣᠯᠵᠠᠢ᠃ |