| ᠴᠠᠭᠠᠨ ᠰᠠᠷᠠ ᠣᠶᠢᠷᠠᠳᠪᠠᠯ ᠰᠢᠨᠡᠯᠡᠬᠦ ᠪᠡᠯᠡᠳᠬᠡᠯ ᠢ ᠰᠢᠮᠳᠠᠨ ᠬᠢᠳᠡᠭ᠃ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠰᠠᠷᠠ ᠶᠢ ︽ᠯᠠ | ᠰᠠᠷᠠ︾ ᠭᠡᠳᠡᠭ ᠪᠥᠭᠡᠳ ᠲᠣᠰ ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠠᠴᠠ ᠬᠤᠶᠢᠰᠢ ᠠᠶᠢᠯ ᠡᠷᠦᠬᠡ᠂ ᠬᠤᠲᠠ ᠵᠡᠭᠡᠯᠢ᠂ | ᠲᠠᠮᠠᠭᠠ ᠶᠢᠨ ᠶᠠᠮᠤᠨ᠂ ᠬᠤᠳᠠᠯᠳᠤᠭᠠᠨ ᠤ ᠬᠤᠷᠠᠯ᠂ ᠰᠦᠮᠡ ᠬᠡᠶᠢᠳ ᠴᠥᠮ ᠢᠶᠠᠷ ᠠᠷᠢᠭᠤᠨ ᠴᠡᠪᠡᠷ ᠤᠨ ᠠᠵᠢᠯ | ᠬᠢᠵᠦ᠂ ᠤᠲᠤᠭᠠ ᠲᠣᠭᠤᠰᠣ ᠪᠠᠨ ᠱᠦᠭᠦᠷᠳᠡᠨ ᠠᠷᠢᠯᠭᠠᠵᠤ ᠭᠡᠷ ᠦᠷᠦᠭᠡ ᠪᠠᠨ ᠵᠠᠰᠠᠨ ᠴᠢᠮᠡᠭᠡᠳ ᠭᠠᠯ ᠤᠨ | ᠪᠤᠷᠬᠠᠨ ᠢ ᠤᠭᠲᠤᠵᠤ᠂ ᠬᠤᠷᠢᠨ ᠭᠤᠷᠪᠠᠨ ᠪᠤᠶᠤ ᠬᠤᠷᠢᠨ ᠳᠥᠷᠪᠡᠨ ᠤ ᠣᠷᠣᠢ ᠡᠪᠴᠢᠭᠦᠦ ᠴᠢᠨᠠᠵᠤ ᠭᠠᠯ ᠳᠠᠭᠠᠨ | ᠡᠷᠭᠦᠵᠦ ᠭᠠᠯ ᠢᠶᠠᠨ ᠲᠠᠬᠢᠨᠠ᠃ ᠭᠤᠴᠢᠨ ︵ᠪᠢᠲᠡᠭᠦᠨ︶ ᠤ ᠣᠷᠣᠢ ᠪᠦᠲᠦᠨ ᠬᠤᠭᠤᠯᠠ ᠢᠳᠡᠨᠡ ᠭᠡᠵᠦ | ᠣᠯᠠᠩᠬᠢ ᠳᠠᠭᠠᠨ ᠪᠤᠤᠰᠠ ᠬᠢᠵᠦ ᠢᠳᠡᠳᠡᠭ ᠶᠤᠮ᠃ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠡᠷᠲᠡ ᠶᠢᠨ ᠪᠠᠷᠰ ᠴᠠᠭ ᠲᠤ ᠪᠣᠰᠣᠭᠠᠳ | ᠫᠤᠤᠵᠢᠩ ᠲᠠᠯᠪᠢᠵᠦ᠂ ᠰᠠᠴᠤᠯᠢ ᠶᠢᠨ ᠴᠠᠢ ᠪᠠᠨ ᠴᠢᠨᠠᠭᠠᠳ ᠠᠯᠢ ᠰᠠᠶᠢᠬᠠᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠪᠣᠯᠣᠨ ᠠᠷᠢᠬᠢ | ᠰᠠᠷᠬᠤᠳ ᠢᠶᠠᠨ ᠪᠡᠯᠡᠳᠬᠡᠭᠡᠳ ᠰᠢᠨᠡ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠦ ᠭᠤᠶᠣᠯᠠᠭᠠᠳ᠂ ᠠᠶᠢᠯ ᠡᠷᠦᠬᠡ ᠪᠦᠬᠦᠨ ᠵᠡᠯᠡ | ᠳᠠᠷᠴᠤᠭ ᠲᠠᠢ ᠰᠠᠩ ᠤᠨ ᠶᠡᠨᠳᠡᠷ ᠤᠨ ᠳᠡᠷᠭᠡᠳᠡ ᠲᠣᠮᠤ ᠭᠠᠯ ᠨᠣᠴᠣᠭᠠᠨ ᠰᠠᠩ ᠰᠡᠷᠵᠢᠮ ᠢᠶᠠᠨ ᠡᠷᠭᠦᠵᠦ ᠲᠡᠭᠷᠢ ᠳᠤ | ᠮᠥᠷᠭᠦᠬᠦ ᠶᠣᠰᠣ ᠶᠢ ᠭᠦᠢᠴᠡᠳᠬᠡᠭᠡᠳ ᠭᠡᠷ ᠲᠡᠭᠡᠨ ᠣᠷᠤᠵᠤ ᠭᠠᠯ ᠤᠨ ᠪᠤᠷᠬᠠᠨ ᠳᠠᠭᠠᠨ ᠵᠤᠯᠠ ᠬᠦᠵᠢ ᠠᠰᠠᠭᠠᠨ᠂ | ᠡᠯᠳᠡᠪ ᠲᠡᠷᠢᠭᠦᠲᠡᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠡᠷᠭᠦᠵᠦ ᠮᠦᠷᠭᠦᠨ ᠶᠣᠰᠣᠯᠠᠨᠠ᠃ ᠭᠡᠷ ᠤᠨ ᠰᠢᠨᠡ ᠦᠩᠭᠡᠷᠡᠭᠰᠡᠨ ᠤ | ᠳᠠᠷᠠᠭᠠ᠂ ᠭᠡᠷ ᠤᠨ ᠡᠵᠡᠨ ᠤ ᠬᠡᠢ ᠮᠣᠷᠢ ᠶᠢᠨ ᠵᠦᠭ ᠲᠤ ᠣᠴᠢᠵᠦ ᠦᠨᠳᠦᠷ ᠭᠠᠵᠠᠷ ᠰᠠᠩ ᠲᠠᠯᠪᠢᠨ ᠬᠡᠢ ᠮᠣᠷᠢ ᠪᠠᠨ | ᠬᠡᠶᠢᠰᠬᠡᠵᠦ᠂ ᠮᠥᠷ ᠵᠶ᠋ᠡᠨᠭᠠᠷᠭᠠᠭᠠᠳ ᠵᠥᠪ ᠢᠶᠠᠷ ᠡᠷᠭᠢᠵᠦ᠂ ᠬᠡᠰᠢᠭ ᠪᠤᠶᠠᠨ ᠤ ᠵᠦᠭ ᠠᠴᠠ ᠬᠠᠷᠢᠵᠤ ᠢᠷᠡᠨᠡ᠃ | ᠢᠩᠬᠢᠬᠡᠳ ᠪᠤᠶᠠᠨ ᠤ ᠵᠦᠭ ᠤᠨ ᠬᠦᠷᠦᠩᠭᠡ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠪᠤᠤᠷᠠ ᠳᠠᠭᠠᠨ ᠰᠢᠨᠡᠯᠡᠵᠦ ᠰᠢᠯᠢ ᠪᠤᠶᠤ ᠲᠣᠮᠣᠭᠤ ︵ | ᠳᠣᠮᠤᠭ︶ ᠳᠤᠨᠢ ᠬᠠᠳᠠᠭ ᠤᠶᠠᠨ ᠰᠡᠷᠵᠢᠮ ᠰᠠᠴᠤᠨᠠ᠃ ᠢᠩᠬᠢᠭᠰᠡᠨ ᠤ ᠳᠠᠷᠠᠭᠠ ᠠᠬᠠ ᠶᠡᠬᠡᠰ ᠪᠣᠯᠣᠨ ᠲᠦᠰᠢᠮᠡᠳ | ᠰᠠᠶᠢᠳ᠂ ᠬᠤᠳᠤᠭᠲᠠᠨ ᠬᠤᠪᠢᠯᠭᠠᠨᠲᠠᠨ᠂ ᠬᠥᠭᠰᠢᠨ ᠨᠠᠰᠤᠲᠠᠳ ᠤᠨ ᠭᠡᠷ ᠦᠷᠦᠭᠡ ᠪᠠᠷ ᠤᠷᠢᠳ ᠢᠶᠠᠷ ᠣᠳᠴᠤ᠂ | ᠬᠠᠳᠠᠭ ᠪᠠᠷᠢᠨ ᠬᠦᠬᠦᠦᠷ ᠨᠡᠷᠡᠵᠦ ᠰᠢᠨᠡ ᠶᠢᠨ ᠠᠮᠤᠷ ᠢ ᠠᠶᠢᠯᠠᠳᠬᠠᠨᠠ᠃ ᠢᠩᠬᠢᠬᠦ ᠳᠡᠭᠡᠨ ᠲᠠ ᠨᠠᠷ ᠦᠷᠭᠦᠭᠡ | ᠨᠡᠶᠢᠲᠡ ᠪᠠᠷ ᠰᠠᠶᠢᠨ ᠰᠢᠨᠡᠯᠡᠪᠡ ᠤᠤ︖ ᠰᠢᠨᠡ ᠵᠢᠯ ᠢᠷᠡᠭᠰᠡᠭᠡᠷ ᠪᠡᠶᠡ ᠯᠠᠭᠱᠠᠨ ᠰᠠᠶᠢᠨ ᠤᠤ︖ ᠰᠦᠷᠦᠭ ᠮᠠᠯ | ᠲᠠᠨᠢ ᠦᠩ ᠲᠠᠢ ᠰᠠᠶᠢᠨ ᠡᠪᠦᠯᠵᠢᠵᠦ ᠬᠠᠪᠤᠷᠵᠢᠵᠤ ᠪᠠᠶᠢᠨᠠ ᠤᠤ︖ ᠭᠡᠵᠦ ᠬᠠᠷᠢᠯᠴᠠᠨ ᠮᠠᠨᠳᠤ ᠪᠠᠨ ᠪᠡᠯᠭᠡᠯᠡᠨ | ᠵᠦᠩᠨᠡᠵᠡᠭᠡᠨᠡ᠃ ᠮᠡᠨᠳᠦᠯᠡᠵᠦ ᠦᠩᠭᠡᠷᠡᠭᠡᠳ ᠰᠢᠨᠡ ᠶᠢᠨ ᠴᠠᠢ ᠵᠠᠰᠠᠭᠰᠠᠨ ᠢ ᠤᠤᠭᠤᠵᠤ ᠪᠠᠷᠠᠮᠠᠭᠴᠠ ᠵᠣᠴᠢᠨ | ᠠᠷᠢᠬᠢ ᠳᠡᠭᠡᠵᠢ ᠪᠠᠨ ᠭᠠᠷᠭᠠᠵᠤ ᠭᠡᠷ ᠤᠨ ᠡᠵᠡᠨ ᠲᠡᠷᠢᠭᠦᠯᠡᠨ ᠠᠶᠢᠯ ᠤᠨ ᠬᠥᠮᠥᠰ ᠲᠤ ᠲᠤᠰ ᠪᠦᠷᠢ ᠵᠠᠰᠠᠭᠠᠳ | ᠬᠠᠳᠠᠭ ᠪᠡᠯᠡᠭ ᠢᠶᠠᠨ ᠪᠠᠷᠢᠵᠤ ᠰᠢᠨᠡ ᠵᠢᠯ ᠤᠨ ᠠᠮᠤᠭᠤᠯᠠᠩ ᠢᠶᠠᠨ ᠠᠶᠢᠯᠠᠳᠬᠠᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠭᠡᠷ ᠤᠨ | ᠳᠡᠭᠡᠵᠢ ᠪᠠᠨ ᠤᠷᠢᠳ ᠢᠶᠠᠷ ᠵᠠᠰᠠᠳᠠᠭ ᠴᠤ ᠪᠣᠢ᠃ ᠲᠡᠭᠦᠨ ᠤ ᠳᠠᠷᠠᠭᠠ ᠠᠶᠢᠯ ᠤᠨ ᠬᠢᠨ ᠵᠣᠷᠢᠭ ᠴᠠᠢ ᠭᠡᠵᠦ | ᠵᠠᠰᠠᠭᠠᠳ ᠵᠣᠷᠢᠭ ᠳᠡᠭᠡᠵᠢ ᠶᠢᠨ ᠠᠷᠢᠬᠢ ᠪᠠᠷᠢᠵᠤ ᠨᠠᠶᠢᠷᠯᠠᠵᠠᠭᠠᠨᠠ᠃ ᠬᠡᠰᠡᠭ ᠨᠠᠶᠢᠷᠯᠠᠰᠬᠢᠭᠠᠳ ᠤᠭᠤᠴᠠ | ᠰᠢᠭᠦᠰᠦ ᠪᠠᠨ ᠵᠠᠰᠠᠭᠰᠠᠨ ᠤ ᠰᠡᠭᠦᠯᠡᠷ ᠵᠣᠴᠢᠨ ᠲᠠᠷᠬᠠᠵᠤ ᠪᠣᠯᠣᠨᠠ᠃ ᠶᠡᠷᠦ ᠨᠢ ᠰᠢᠨᠡ ᠶᠢᠨ ᠴᠠᠢ ᠭᠡᠳᠡᠭ ᠢ ᠠᠶᠢᠯ | ᠡᠷᠦᠬᠡ ᠪᠦᠬᠦᠨ ᠬᠠᠷᠢᠯᠴᠠᠨ ᠬᠢᠵᠦ ᠪᠣᠯᠳᠠᠭ᠃ ᠢᠩᠬᠢᠬᠦ ᠳᠤ ᠴᠠᠢ ᠬᠢᠳᠡᠭ ᠠᠶᠢᠯ ᠨᠢ ᠵᠠᠯᠠᠬᠤ ᠠᠶᠢᠯ ᠢᠶᠠᠨ | ᠲᠣᠭᠲᠠᠭᠠᠭᠰᠠᠨ ᠤ ᠳᠠᠷᠠᠭᠠ ᠲᠤᠰᠬᠠᠶᠢᠯᠠᠨ ᠭᠡᠷ ᠤᠨ ᠡᠵᠡᠨ ᠪᠤᠶᠤ ᠭᠤᠣᠯ ᠪᠣᠯᠬᠤ ᠬᠥᠮᠥᠰ ᠠᠴᠠ ᠠᠶᠢᠯ ᠲᠣᠭᠤᠷᠢᠨ | ᠬᠦᠬᠦᠦᠷ ᠨᠡᠷᠡᠵᠤ ᠵᠣᠴᠢᠨ ᠢᠶᠠᠨ ᠤᠷᠢᠨᠠ᠃ ᠴᠠᠢ ᠬᠢᠳᠡᠭ ᠠᠶᠢᠯ ᠳᠤ ᠵᠣᠴᠢᠨ ᠴᠤᠭᠯᠠᠷᠠᠬᠤ ᠪᠠ ᠨᠠᠶᠢᠷ ᠤᠨ ᠶᠣᠰᠤ | ᠬᠢᠬᠦ ᠨᠢ ᠭᠠᠵᠠᠷ ᠭᠠᠵᠠᠷ ᠤᠨ ᠵᠠᠩᠰᠢᠯ ᠬᠤᠭᠤᠷᠤᠨᠳᠤ ᠪᠠᠨ ᠪᠢᠴᠢᠬᠠᠨ ᠠᠳᠠᠯᠢ ᠦᠭᠡᠢ ᠰᠢᠭ ᠪᠣᠯᠪᠠᠴᠤ ᠶᠡᠷᠦᠩᠬᠡᠢ | ᠶᠣᠰᠣ ᠨᠢ ᠨᠢᠭᠡᠳᠦᠯᠲᠡᠢ ᠶᠤᠮ ᠁ ᠴᠠᠭᠠ ᠶᠢᠨ ᠴᠠᠢ ᠳᠤ ᠢᠷᠡᠬᠦ ᠭᠡᠶᠢᠴᠢᠳ ᠤᠨ ᠡᠷᠲᠡᠨ ᠤ ᠳᠠᠳᠬᠠᠯ ᠪᠣᠯ ᠨᠢᠭᠡ | ᠯᠣᠩᠬᠤ ᠠᠷᠢᠬᠢ᠂ ᠨᠢᠭᠡ ᠲᠠᠪᠠᠭ ᠪᠣᠭᠤᠷᠰᠤᠭ᠂ ᠴᠢᠨᠠᠵᠤ ᠪᠣᠷᠣᠯᠠᠭᠤᠯᠤᠭᠰᠠᠨ ᠬᠤᠨᠢᠨ ᠤᠭᠤᠴᠠ ᠨᠢᠭᠡ ᠵᠡᠷᠭᠡ ᠶᠢᠨ | ᠪᠡᠯᠡᠭ ᠲᠠᠢ ᠣᠴᠢᠳᠠᠭ ᠪᠠᠶᠢᠵᠠᠢ᠃ ᠬᠤᠵᠢᠮ ᠪᠣᠯᠵᠤ ᠢᠷᠡᠭᠡᠳ ᠳᠦᠭᠦᠮᠴᠢᠯᠡᠵᠤ᠂ ᠬᠠᠳᠠᠭ ᠠᠷᠢᠬᠢ ᠪᠣᠯᠣᠨ ᠪᠠᠭᠠ | ᠰᠠᠭᠠ ᠪᠡᠯᠡᠭ ᠲᠠᠢ ᠣᠴᠢᠳᠠᠭ ᠨᠢ ᠣᠳᠣ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠭᠠ ᠶᠤᠮ᠃ ᠵᠣᠴᠢᠨ ᠤᠶᠠᠭᠠᠨ | ᠳᠡᠭᠡᠷᠡ ᠪᠠᠭᠤᠬᠤ ᠳᠤ ᠭᠡᠷ ᠤᠨ ᠡᠵᠡᠨ ᠤᠭᠲᠤᠨ ᠣᠳᠴᠤ ᠮᠡᠨᠳᠦᠴᠢᠯᠡᠭᠡᠳ ᠤᠨᠤᠭᠠ ᠶᠢ ᠨᠢ ᠲᠣᠰᠣᠨ ᠠᠪᠴᠤ | ᠤᠶᠠᠬᠤ ᠶᠢᠨ ᠬᠠᠮᠲᠤ᠂ ᠲᠣᠰᠬᠤ ᠳᠡᠭᠡᠵᠢ ᠭᠡᠵᠦ ᠲᠣᠮᠤ ᠬᠡᠮ ᠢᠶᠠᠷ ᠠᠷᠢᠬᠢ ᠵᠠᠰᠠᠵᠤ ᠵᠠᠪᠠᠯ ᠤᠤᠭᠤᠯᠭᠠᠭᠰᠠᠨ ᠤ | ᠳᠠᠷᠠᠭᠠ ᠭᠡᠷ ᠲᠡᠭᠡᠨ ᠵᠠᠯᠠᠵᠤ ᠣᠷᠣᠭᠤᠯᠤᠨᠠ᠃ ᠰᠠᠭᠤᠷᠢ ᠲᠣᠬᠢᠷᠠᠭᠤᠯᠬᠤ ᠳᠠᠭᠠᠨ ᠵᠡᠷᠭᠡ ᠲᠤᠰᠢᠶᠠᠯ᠂ ᠳᠡᠭᠡᠳᠦᠰ | ᠳᠣᠣᠷᠠᠳᠤᠰ᠂ ᠨᠠᠰᠤᠨ ᠤ ᠢᠯᠭᠠᠯ ᠢᠶᠠᠷ ᠰᠠᠭᠤᠯᠭᠠᠵᠤ᠂ ᠬᠠᠷᠢᠯᠴᠠᠨ ᠶᠣᠰᠤ ᠭᠦᠢᠴᠡᠳᠭᠡᠬᠦ ᠳᠡᠰ ᠳᠠᠷᠠᠭᠠ ᠨᠢ | ᠳᠡᠭᠡᠷᠡᠬᠢ ᠲᠠᠢ ᠠᠳᠠᠯᠢ ᠶᠤᠮ᠃ ᠭᠡᠶᠢᠴᠢᠨ ᠲᠠᠷᠬᠠᠬᠤ ᠠᠴᠠ ᠤᠷᠢᠳ ᠪᠡᠯᠡᠭ ᠤᠨ ᠬᠠᠷᠢᠭᠤ ᠬᠠᠪᠴᠢᠭᠤᠯᠤᠨᠠ ᠭᠡᠳ | ᠲᠡᠩᠴᠡᠭᠦᠦ ᠪᠡᠯᠡᠭ ᠤᠨ ᠵᠦᠢᠯᠡᠰ ᠢ ᠦᠭᠴᠦ᠂ ᠡᠭᠦᠳᠡ ᠪᠠᠷ ᠭᠠᠷᠬᠤ ᠳᠤ ᠳᠥᠷᠥᠭᠡ ᠴᠢᠩᠭᠠᠯᠠᠬᠤ ᠠᠷᠢᠬᠢ ᠭᠡᠵᠤ | ᠲᠣᠮᠤ ᠬᠤᠨᠳᠠᠭᠠ ᠪᠠᠷ ᠬᠦᠮᠦᠨ ᠪᠦᠷᠢ ᠳᠤ ᠤᠤᠭᠤᠯᠭᠠᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |