| | ᠠᠯᠠᠱᠠ ᠮᠣᠩᠭᠤᠯᠴᠤᠳ ᠮᠠᠯ ᠤᠨᠤᠭᠠ ᠪᠠᠨ ᠲᠡᠭᠷᠢ ᠪᠤᠷᠬᠠᠨ᠂ ᠭᠠᠯ ᠤᠨ ᠲᠡᠭᠷᠢ᠂ ᠣᠷᠣᠳ ᠤᠨ ᠡᠵᠡᠳ ᠵᠡᠷᠭᠡ ᠳᠤ | ᠳᠠᠭᠠᠳᠬᠠᠨ ᠰᠡᠲᠡᠷᠯᠡᠭᠦᠯᠳᠡᠭ ᠳᠠᠳᠬᠠᠯ ᠲᠠᠢ ᠪᠢᠯᠡ᠃ ᠲᠤᠬᠠᠶᠢᠯᠠᠪᠠᠯ᠂ ᠴᠠᠭᠠᠨ ᠬᠠᠮᠢᠭᠤᠨ ᠮᠣᠷᠢᠨᠠ ᠠᠯᠠᠱᠠ ᠶᠢᠨ | ᠰᠡᠲᠡᠷ ᠲᠠᠲᠠᠳᠠᠭ ᠪᠦᠭᠡᠳ ᠠᠩᠬᠠ ᠴᠠᠭ ᠲᠤᠷ ᠠᠯᠠᠱᠠ ᠰᠡᠲᠡᠷ ᠲᠠᠢ ᠠᠷᠪᠠᠨ ᠭᠤᠷᠪᠠᠨ ᠴᠠᠭᠠᠨ ᠬᠠᠯᠢᠭᠤᠨ ᠮᠣᠷᠢ | ᠲᠠᠢ ᠠᠶᠢᠯ ᠪᠠᠶᠢᠵᠤ ᠦᠩᠭᠡᠷᠡᠭᠰᠡᠨ ᠭᠡᠵᠤ ᠬᠡᠯᠡᠯᠴᠡᠳᠡᠭ ᠶᠤᠮ᠃ ᠰᠡᠲᠡᠷᠯᠡᠬᠦ ᠲᠠᠯᠠ ᠪᠠᠷ ᠬᠠᠷᠠ ᠨᠣᠬᠠᠢ ᠳᠤ ᠭᠤᠮᠪᠤ ︵ | ᠢᠲᠡᠭᠡᠯ ᠴᠣᠶᠢᠵᠤᠩ︶ ᠶᠢᠨ ᠰᠡᠲᠡᠷ ᠲᠠᠲᠠᠨᠠ᠃ ᠵᠦᠪ ᠠᠶᠠᠰ ᠲᠡᠮᠡᠭᠡᠨ ᠳᠤ ᠯᠾᠠᠮᠤ ᠶᠢᠨ ᠰᠡᠲᠡᠷ᠂ ᠬᠦᠬᠡ | ᠦᠬᠡᠷ ᠲᠤ ᠴᠤᠶᠢᠷᠵᠡ ᠶᠢᠨ ᠰᠡᠲᠡᠷ᠂ ᠤᠯᠠᠭᠠᠨ ᠢᠮᠠᠭᠠᠨ ᠳᠤ ᠲᠠᠮᠵᠢᠨ ᠤ ᠰᠡᠲᠡᠷ᠂ ᠰᠢᠷᠠ ᠬᠠᠯᠵᠠᠨ ᠬᠤᠨᠢᠨ ᠳᠤ | ᠨᠠᠮᠰᠠᠷᠠᠢ ᠶᠢᠨ ᠰᠡᠲᠡᠷ᠂ ᠬᠦᠬᠡ ᠢᠮᠠᠭᠠᠨ ᠳᠤ ᠠᠯᠠᠱᠠ ᠶᠢᠨ ᠰᠡᠲᠡᠷ᠂ ᠴᠠᠭᠠᠨ ᠢᠮᠠᠭᠠᠨ ᠳᠤ ᠮᠡᠴᠢᠨ ᠤ ᠰᠡᠲᠡᠷ᠂ | ᠤᠯᠠᠭᠠᠨ ᠢᠮᠠᠭᠠᠨ ᠳᠤ ᠭᠠᠯ ᠤᠨ ᠪᠤᠷᠬᠠᠨ ᠤ ᠰᠡᠲᠡᠷ ᠵᠡᠷᠭᠡ ᠶᠢ ᠲᠤᠰ ᠲᠤᠰ ᠲᠠᠲᠠᠳᠠᠭ ᠶᠤᠮ᠃ ᠰᠡᠲᠡᠷᠯᠡᠭᠰᠡᠨ ᠮᠠᠯ ᠢ | ᠠᠯᠠᠵᠤ ᠢᠳᠡᠵᠦ ᠪᠣᠯᠬᠤ ᠦᠭᠡᠢ᠂ ᠨᠣᠣᠰᠣ ᠶᠢ ᠨᠢ ᠠᠪᠬᠤ ᠦᠭᠡᠢ᠂ ᠭᠠᠳᠠᠭᠰᠢ ᠭᠠᠷᠭᠠᠬᠤ ᠦᠭᠡᠢ᠂ ᠤᠨᠤᠵᠤ | ᠡᠳ᠋ᠯᠡᠬᠦ ᠦᠭᠡᠢ ᠪᠠᠷ ᠣᠩᠭᠤᠯᠠᠨᠠ᠃ ᠡᠳᠡᠭᠡᠷ ᠰᠡᠲᠡᠷᠲᠤ ᠮᠠᠯ ᠢᠶᠠᠨ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ ᠤ ᠲᠠᠬᠢᠯᠭᠠ ᠳᠡᠭᠡᠷᠡ | ᠴᠦᠮ ᠢ ᠠᠪᠴᠢᠷᠠᠵᠤ ᠠᠷᠢᠭᠤᠳᠬᠠᠯ ᠬᠢᠳᠡᠭ ᠶᠤᠮ᠃ ᠳᠠᠯᠠᠯᠭᠠ ᠳᠠᠭᠤᠳᠠᠭᠰᠠᠨ ᠪᠤᠶᠤ ᠭᠠᠯ ᠢᠶᠠᠨ ᠲᠠᠬᠢᠭᠰᠠᠨ ᠠᠶᠢᠯ | ᠪᠣᠯ ᠭᠤᠷᠪᠠ ᠬᠤᠨᠤᠲᠠᠯᠠ ᠪᠠᠨ ᠭᠠᠳᠠᠭᠰᠢ ᠪᠠᠨ ᠶᠠᠭᠤᠮᠠ ᠭᠠᠷᠭᠠᠬᠤ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠬᠦ ᠪᠠ ᠬᠤᠯᠤᠭᠠᠨᠠ ᠡᠳᠤᠷ | ᠪᠤᠶᠤ ᠬᠡᠰᠢᠭ ᠣᠷᠣᠨ ᠲᠠᠢ ᠡᠳᠦᠷ ᠪᠤᠰᠤᠳ ᠲᠤ ᠶᠠᠭᠤᠮᠠ ᠦᠭᠬᠦ ᠪᠤᠶᠤ ᠨᠣᠬᠠᠢ ᠡᠳᠦᠷ ᠣᠲᠣᠷ ᠨᠡᠭᠦᠳᠡᠯ ᠳᠤ | ᠭᠠᠷᠬᠤ᠂ ᠮᠣᠭᠠᠢ ᠭᠠᠭ᠋ᠠᠢ ᠡᠳᠤᠷ ᠮᠦᠷ ᠭᠠᠷᠭᠠᠬᠤ ᠵᠡᠷᠭᠡ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠡ᠃ | ᠮᠠᠯ ᠳᠠᠭᠠᠨ ᠲᠠᠮᠠᠭᠠ ᠲᠡᠮᠳᠡᠭ ᠲᠠᠯᠪᠢᠬᠤ ᠳᠠᠭᠠᠨ᠂ ᠲᠠᠶᠢᠵᠢ ᠢᠵᠠᠭᠤᠷᠲᠠᠨ ᠨᠢ ᠬᠠᠷᠠᠴᠤᠳ ᠠᠴᠠ ᠢᠮᠠᠭᠲᠠ ᠢᠯᠭᠠᠭᠠ | ᠲᠠᠢ ᠪᠠᠶᠢᠳᠠᠭ᠃ ᠨᠣᠶᠠᠨ᠂ ᠰᠠᠩ ᠤᠨ ᠡᠷᠡ ᠲᠡᠮᠡᠭᠡ ᠠᠳᠤᠭᠤᠨ ᠳᠠᠭᠠᠨ ᠳᠠᠪᠬᠤᠷ ᠬᠦᠬᠦᠷᠬᠦ ︵ᠳᠤᠭᠤᠢ ᠲᠦᠲᠡᠭᠡ︶ | ᠲᠠᠮᠠᠭᠠ ᠳᠠᠷᠤᠵᠤ᠂ ᠢᠩᠭᠡ ᠪᠣᠯᠤᠨ ᠭᠡᠭᠦᠦ ᠳᠡᠭᠡᠨ ᠬᠡᠯᠬᠢᠶᠡ ᠬᠦᠬᠦᠷᠬᠦ ᠲᠠᠮᠠᠭᠠ ᠶᠢ ᠳᠠᠷᠤᠨᠠ᠃ ᠲᠠᠶᠢᠵᠢ ᠨᠠᠷ ᠪᠣᠯ | ᠲᠡᠮᠡᠭᠡ ᠠᠳᠤᠭᠤᠨ ᠳᠠᠭᠠᠨ ᠳᠦᠷᠪᠡᠯᠵᠢᠨ ᠲᠦᠲᠡᠭᠡ ᠲᠠᠮᠠᠭᠠ ᠳᠠᠷᠤᠳᠠᠭ᠃ ᠨᠣᠶᠠᠨ ᠲᠠᠶᠢᠵᠢ ᠨᠠᠷ ᠤᠨ ᠡᠷᠬᠡᠲᠤ | ᠠᠯᠪᠠᠲᠤ ᠪᠣᠯ ᠲᠡᠮᠡᠭᠡ ᠠᠳᠤᠭᠤᠨ ᠳᠠᠭᠠᠨ ᠳᠤᠭᠤᠢ ᠪᠣᠯᠤᠨ ᠳᠦᠷᠪᠡᠯᠵᠢᠨ ᠬᠡᠯᠬᠢᠶᠡ ᠲᠦᠲᠡᠭᠡ ᠲᠠᠮᠠᠭᠠ ᠳᠠᠷᠤᠵᠤ᠂ | ᠢᠢᠮᠤ ᠲᠠᠮᠠᠭᠠ ᠪᠦᠬᠦᠢ ᠮᠠᠯ ᠢ ᠠᠯᠪᠠ ᠶᠢᠨ ᠲᠦᠰᠢᠮᠡᠳ ᠠᠴᠠ ᠤᠯᠠᠭᠠᠯᠠᠵᠤ ᠪᠣᠯᠬᠤ ᠦᠭᠡᠢ᠃ ᠬᠠᠷᠠᠴᠤ ᠬᠦᠮᠦᠰ ᠪᠣᠯ | ᠳᠡᠭᠡᠷᠡᠬᠢ ᠲᠠᠮᠠᠭᠠ ᠠᠴᠠ ᠪᠤᠰᠤᠳ ᠬᠡᠯᠪᠡᠷᠢ ᠶᠢᠨ ᠶᠣᠭᠤᠷᠤᠩ᠂ ᠠᠯᠢᠮᠠ᠂ ᠲᠦᠰᠢ᠂ ᠣᠩᠭᠢ᠂ ᠰᠢᠷᠠᠯᠵᠢ᠂ ᠠᠯᠤᠬᠠ | ᠂ ᠰᠠᠷᠢᠶᠠ᠂ ᠲᠠᠩ ᠪᠤᠶᠤ ᠳᠠᠪᠬᠤᠷ ᠰᠠᠷᠠ ᠵᠡᠷᠭᠡ ᠲᠠᠮᠠᠭᠠ ᠶᠢ ᠠᠯᠢ ᠪᠣᠯᠬᠤ ᠪᠠᠷ ᠤᠷᠪᠠᠭᠤᠯᠤᠨ ᠬᠦᠷᠪᠡᠭᠦᠯᠦᠨ | ᠳᠠᠷᠤᠳᠠᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |