| | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠦᠷᠯᠦᠭᠡ ᠡᠷᠲᠡ ᠮᠦᠷ ᠭᠠᠷᠭᠠᠵᠤ᠂ ᠬᠡᠢ ᠮᠣᠷᠢ ᠪᠠᠨ ᠬᠡᠶᠢᠰᠬᠡᠭᠡᠳ | ᠭᠡᠷ ᠲᠡᠭᠡᠨ ᠣᠷᠤᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠦᠷᠡ ᠬᠡᠤᠬᠡᠳ ᠨᠢ ᠠᠪᠤ ᠡᠵᠢ ᠳᠠᠷᠠᠭᠠᠯᠠᠨ ᠠᠬᠠ ᠶᠡᠬᠡᠰ ᠲᠡᠭᠡᠨ | ᠰᠢᠨᠡ ᠶᠢᠨ ᠠᠮᠤᠷ ᠠᠶᠢᠯᠠᠳᠬᠠᠵᠤ ᠬᠠᠳᠠᠭ ᠪᠠᠷᠢᠨ ᠵᠣᠯᠭᠠᠭᠠᠳ᠂ ᠬᠦᠬᠦᠦᠷ ᠭᠠᠷᠭᠠᠨ ᠪᠠᠷᠢᠵᠤ᠄ ᠠᠪᠤ ᠡᠵᠢ ᠰᠠᠶᠢᠨ | ᠰᠢᠨᠡᠯᠡᠵᠦ ᠠᠶᠢᠯᠠᠳᠪᠠ ᠤᠤ︖ ᠰᠢᠨᠡ ᠵᠢᠯ ᠭᠠᠷᠤᠭᠰᠠᠭᠠᠷ ᠪᠡᠶᠡ ᠯᠠᠭᠱᠠᠨ ᠲᠤᠩᠭᠠᠯᠠᠭ ᠰᠠᠭᠠᠲᠠᠵᠤ ᠪᠠᠶᠢᠨᠠ ᠤᠤ︖ | ᠭᠡᠵᠤ ᠬᠦᠬᠦᠦᠷ ᠵᠦᠷᠢᠭᠦᠯᠦᠨᠡ᠃ ᠢᠩᠬᠢᠭᠡᠳ ᠪᠦᠭᠦᠳᠡᠭᠡᠷ ᠰᠠᠭᠤᠵᠠᠭᠠᠵᠤ ᠰᠢᠨᠡ ᠵᠢᠯ ᠤᠨ ᠴᠠᠢ ᠪᠠᠨ ᠤᠤᠭᠤᠵᠤ | ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠦᠷᠡ ᠬᠡᠤᠬᠡᠳ ᠪᠣᠯᠤᠭᠰᠠᠳ ᠨᠢ ᠠᠪᠤ ᠡᠵᠢ ᠠᠬᠠ ᠶᠡᠬᠡᠰ ᠲᠡᠭᠡᠨ ᠰᠢᠨᠡ ᠶᠢᠨ ᠳᠡᠭᠡᠵᠢ | ᠵᠣᠭᠤᠭᠯᠠ ᠭᠡᠵᠤ ᠭᠤᠷᠪᠠ ᠳᠦᠷᠪᠡᠨ ᠬᠤᠨᠳᠠᠭᠠ ᠠᠷᠢᠬᠢ ᠵᠠᠰᠠᠨᠠ᠃ ᠲᠡᠷᠡᠴᠢᠯᠡᠨ ᠠᠪᠤ ᠡᠵᠢ ᠠᠬᠠ ᠡᠭᠡᠴᠢ | ᠪᠣᠯᠤᠭᠰᠠᠳ ᠨᠢ ᠴᠦᠮ ᠬᠠᠷᠢᠭᠤ ᠠᠷᠢᠬᠢ ᠪᠠᠷᠢᠳᠠᠭ᠃ ᠠᠶᠢᠯ ᠭᠡᠷ ᠪᠣᠯᠵᠤ ᠠᠰ ᠲᠠᠭᠠᠨ ᠰᠠᠭᠤᠵᠤ ᠪᠠᠶᠢᠭᠠ ᠠᠴᠢ | ᠦᠷᠡᠰ ᠨᠢ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠡᠷᠲᠡ ᠶᠠᠭᠤᠨ ᠤ ᠤᠷᠢᠳ ᠠᠪᠤ ᠡᠵᠢ ᠠᠬᠠ ᠶᠡᠬᠡᠰ ᠲᠡᠭᠡᠨ ᠣᠴᠢᠵᠤ ᠰᠢᠨᠡᠯᠡᠳᠡᠭ᠃ | ᠵᠠᠯᠠᠭᠤ ᠨᠠᠰᠤᠨ ᠤ ᠦᠷᠡ ᠬᠡᠤᠬᠡᠳ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠠᠷᠢᠬᠢ ᠤᠤᠭᠤᠵᠤ ᠲᠠᠮᠠᠬᠢ ᠲᠠᠲᠠᠬᠤ ᠶᠣᠰᠤ | ᠦᠭᠡᠢ᠂ ᠠᠶᠢᠯ ᠭᠡᠷ ᠪᠣᠯᠤᠭᠠᠳ ᠠᠪᠤ ᠡᠵᠢ ᠠᠬᠠ ᠶᠡᠬᠡᠰ ᠤᠨ ᠵᠦᠪᠰᠢᠶᠡᠷᠡᠯ ᠢ ᠣᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ | ᠳᠤᠷᠠ ᠪᠠᠷ ᠪᠠᠷᠢᠵᠤ ᠪᠣᠯᠤᠨᠠ᠃ ᠪᠠᠰᠠ ᠠᠪᠤ ᠡᠵᠢ ᠶᠢᠨ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠰᠠᠬᠠᠯ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ | ᠃ ᠬᠦᠷᠭᠡᠨ ᠪᠣᠯᠤᠭᠰᠠᠨ ᠬᠦᠮᠦᠨ ᠬᠠᠳᠠᠮ ᠡᠭᠡᠴᠢ ᠶᠢᠨ ᠳᠡᠷᠭᠡᠳᠡ ᠲᠣᠯᠤᠭᠠᠢ ᠬᠦᠯ ᠨᠢᠴᠦᠭᠦᠯᠡᠵᠦ ᠪᠣᠯᠬᠤ ᠦᠭᠡᠢ᠂ | ᠬᠠᠳᠠᠮ ᠡᠭᠡᠴᠢ ᠨᠢ ᠴᠤ ᠬᠦᠷᠭᠡᠨ ᠠᠴᠠ ᠪᠠᠨ ᠲᠣᠯᠤᠭᠠᠢ ᠬᠦᠯ ᠢᠶᠠᠨ ᠨᠢᠭᠤᠵᠤ ᠪᠠᠶᠢᠬᠤ ᠶᠣᠰᠤᠲᠠᠢ᠃ ᠪᠡᠷᠢ | ᠪᠣᠯᠤᠭᠰᠠᠨ ᠬᠦᠮᠦᠨ ᠬᠠᠳᠠᠮ ᠠᠪᠤ ᠡᠵᠢ᠂ ᠠᠬᠠ ᠶᠡᠬᠡᠰ ᠤᠨ ᠳᠡᠷᠭᠡᠳᠡ ᠦᠷᠭᠦᠯᠵᠢ ᠮᠠᠯᠠᠭᠠᠢ ᠵᠡᠭᠦᠵᠦ ᠪᠠᠶᠢᠬᠤ ᠶᠢᠨ | ᠬᠠᠮᠲᠤ ᠲᠡᠳᠡ ᠨᠠᠷ ᠤᠨ ᠪᠣᠰᠴᠤ ᠭᠠᠷᠴᠤ ᠣᠷᠤᠵᠤ ᠢᠷᠡᠬᠦ ᠳᠤ ᠬᠦᠩᠭᠡᠨ ᠱᠠᠯᠠᠮᠠᠭᠠᠢ ᠪᠠᠷ ᠪᠣᠰᠤᠨ ᠵᠣᠭᠰᠤᠵᠤ | ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠰᠢᠨᠡ ᠪᠡᠷᠢ ᠪᠣᠯᠤᠭᠰᠠᠨ ᠬᠦᠮᠦᠨ ᠭᠤᠷᠪᠠᠨ ᠵᠢᠯ ᠦᠩᠭᠡᠷᠡᠲᠡᠯᠡ ᠭᠤᠯᠤᠮᠲᠠ ᠶᠢᠨ ᠬᠤᠶᠢᠮᠤᠷ | ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠂ ᠲᠡᠷᠡᠴᠢᠯᠡᠨ ᠭᠤᠷᠪᠠᠨ ᠵᠢᠯ ᠦᠩᠭᠡᠷᠡᠲᠡᠯᠡ ᠬᠠᠳᠠᠮ ᠠᠪᠤ ᠶᠢᠨ ᠳᠡᠷᠭᠡᠳᠡ ᠲᠣᠯᠤᠭᠠᠢ | ᠨᠢᠴᠦᠭᠦᠨ ᠪᠠᠶᠢᠵᠤ ᠪᠣᠯᠬᠤ ᠦᠭᠡᠢ᠃ ᠠᠯᠠᠱᠠ ᠶᠢᠨ ᠵᠠᠷᠢᠮ ᠭᠠᠵᠠᠷ ᠤᠨ ᠵᠠᠩᠰᠢᠯ ᠢᠶᠠᠷ ᠪᠣᠯ ᠪᠠᠷᠢ ᠪᠣᠯᠤᠭᠰᠠᠳ ᠵᠢᠯ | ᠪᠦᠷᠢ ᠨᠢᠭᠡ ᠤᠳᠠᠭᠠ ᠬᠠᠳᠠᠮ ᠠᠪᠤ ᠪᠣᠯᠤᠨ ᠬᠠᠳᠠᠮ ᠠᠬᠠ ᠳᠠᠭᠠᠨ ᠣᠴᠢᠵᠤ ᠬᠠᠳᠠᠭ ᠲᠠᠯᠪᠢᠨ ᠮᠦᠷᠭᠦᠨ | ᠶᠣᠰᠣᠯᠠᠳᠠᠭ᠃ ᠪᠡᠷᠢ ᠪᠣᠯᠤᠭᠰᠠᠳ ᠤᠨ ᠨᠦᠬᠦᠷ ᠨᠢ ᠦᠩᠭᠡᠷᠡᠭᠡᠳ ᠦᠭᠡᠷᠡ ᠬᠦᠮᠦᠨ ᠯᠦᠭᠡ ᠤᠷᠤᠭᠯᠠᠭᠠᠳᠤᠢ ᠦᠶᠡᠰ | ᠮᠦᠨ ᠬᠦ ᠤᠤᠯ ᠶᠣᠰᠤᠭᠠᠷ ᠬᠠᠳᠠᠮᠠᠳ ᠭᠡᠷ ᠲᠡᠭᠡᠨ ᠪᠡᠷᠢ ᠶᠢᠨ ᠶᠣᠰᠤ ᠪᠠᠨ ᠭᠦᠢᠴᠡᠳᠬᠡᠵᠦ ᠪᠠᠶᠢᠳᠠᠭ᠃ ᠬᠡᠷᠪᠡ | ᠬᠦᠪᠡᠭᠦᠨ ᠲᠠᠢ ᠪᠡᠷᠢ ᠪᠣᠯ ᠬᠦᠪᠡᠭᠦᠨ ᠢᠶᠠᠨ ᠦᠰᠭᠡᠵᠤ ᠠᠶᠢᠯ ᠭᠡᠷ ᠪᠣᠯᠭᠠᠨ ᠬᠠᠳᠠᠮ ᠤᠨ ᠭᠤᠯᠤᠮᠲᠠ ᠶᠢ ᠵᠠᠯᠭᠠᠮᠵᠢᠯᠠᠨ | ᠵᠢᠷᠤᠮ ᠭᠦᠢᠴᠡᠳᠭᠡᠨ ᠰᠠᠭᠤᠳᠠᠭ᠃ ᠡᠷᠡᠭᠲᠡᠢ ᠬᠦᠮᠦᠨ ᠤ ᠡᠬᠡᠨᠡᠷ ᠨᠢ ᠦᠬᠦᠭᠰᠡᠨ ᠪᠣᠯ ᠪᠡᠷᠭᠡᠨ ᠲᠠᠢ ᠪᠠᠨ ᠰᠠᠭᠤᠵᠤ | ᠪᠣᠯᠬᠤ ᠠᠴᠠ ᠪᠢᠰᠢ ᠳᠡᠭᠦᠦ ᠪᠡᠷᠢ ᠯᠦᠭᠡ ᠪᠠᠨ ᠰᠠᠭᠤᠵᠤ ᠪᠣᠯᠬᠤ ᠦᠭᠡᠢ᠂ ᠡᠮᠡᠭᠲᠡᠢ ᠬᠦᠮᠦᠨ ᠤ ᠨᠦᠬᠦᠷ ᠨᠢ | ᠦᠬᠦᠭᠰᠡᠨ ᠪᠣᠯ ᠬᠦᠷᠢ ᠳᠡᠭᠦᠦ ᠯᠦᠭᠡ ᠪᠠᠨ ᠰᠠᠭᠤᠵᠤ ᠪᠣᠯᠬᠤ ᠠᠴᠠ ᠪᠢᠰᠢ ᠬᠠᠳᠠᠮ ᠠᠬᠠ ᠯᠦᠭᠡ ᠪᠠᠨ ᠰᠠᠭᠤᠵᠤ | ᠪᠣᠯᠬᠤ ᠦᠭᠡᠢ᠃ ᠬᠤᠯᠠᠳᠠᠭᠰᠠᠨ ᠵᠢᠭᠡ ᠨᠠᠭᠠᠴᠤ ᠬᠤᠶᠠᠷ ᠬᠤᠭᠤᠷᠤᠨᠳᠤ ᠪᠠᠨ ᠤᠷᠤᠭᠯᠠᠬᠤ ᠶᠠᠪᠤᠳᠠᠯ ᠬᠠᠶᠠ ᠪᠠᠶᠢᠬᠤ | ᠪᠣᠯᠪᠠᠴᠤ ᠲᠦᠷᠦᠭᠰᠡᠨ ᠵᠢᠭᠡ ᠨᠠᠭᠠᠴᠤ ᠬᠤᠶᠠᠭᠤᠯᠠ ᠬᠤᠭᠤᠷᠤᠨᠳᠣ ᠪᠠᠨ ᠤᠷᠤᠭᠯᠠᠬᠤ ᠶᠢ ᠲᠠᠰᠤ ᠴᠡᠭᠡᠷᠯᠡᠳᠡᠭ | ᠪᠠᠶᠢᠨᠠ᠃ ᠬᠤᠶᠠᠷ ᠪᠦᠯᠢ ᠬᠦᠮᠦᠨ ᠨᠢᠭᠡ ᠭᠡᠷ ᠲᠤ ᠬᠠᠮᠲᠤ ᠦᠰᠦᠭᠰᠡᠨ ᠪᠣᠯ ᠬᠤᠭᠤᠷᠤᠨᠳᠤ ᠪᠠᠨ ᠤᠷᠤᠭᠯᠠᠵᠤ | ᠪᠣᠯᠬᠤ ᠦᠭᠡᠢ᠃ ᠬᠡᠷᠪᠡ ᠬᠤᠪᠢ ᠬᠤᠪᠢ ᠪᠠᠷ ᠢᠶᠠᠨ ᠦᠰᠦᠭᠰᠡᠨ ᠪᠣᠯ ᠤᠷᠤᠭᠯᠠᠵᠤ ᠪᠣᠯᠬᠤ ᠴᠤ ᠪᠣᠢ᠃ | ᠦᠩᠭᠡᠷᠡᠭᠰᠡᠨ ᠨᠡᠶᠢᠬᠡᠮ ᠳᠤ ᠨᠢᠭᠡ ᠡᠷᠡᠭᠲᠡᠢ ᠬᠡᠳᠦᠨ ᠡᠬᠡᠨᠡᠷ ᠠᠪᠴᠤ ᠪᠠᠶᠢᠭᠰᠠᠨ ᠶᠠᠪᠤᠳᠠᠯ ᠪᠠᠶᠢᠵᠤ᠂ ᠲᠡᠭᠦᠨ ᠤ | ᠦᠷᠡ ᠬᠡᠤᠬᠡᠳ ᠨᠢ ᠶᠡᠭᠡ ᠡᠵᠢ᠂ ᠳᠣᠮᠳᠠ ᠡᠵᠢ᠂ ᠪᠠᠭᠠ ᠡᠵᠢ ᠭᠡᠵᠤ ᠳᠠᠭᠤᠳᠠᠳᠠᠭ᠃ ᠲᠦᠷᠦᠭᠰᠡᠨ ᠡᠵᠢ ᠨᠢ | ᠨᠠᠰᠤ ᠪᠠᠷᠠᠭᠠᠳ ᠳᠠᠷᠠᠭᠠᠬᠢ ᠡᠬᠡᠨᠡᠷ ᠠᠪᠤᠭᠰᠠᠨ ᠢ ᠬᠤᠶᠢᠲᠦ ᠡᠵᠢ ᠭᠡᠵᠤ ᠳᠠᠭᠤᠳᠠᠨᠠ᠃ ᠡᠭᠦᠨ ᠯᠦᠭᠡ ᠠᠳᠠᠯᠢ ᠪᠠᠷ | ᠪᠡᠯᠪᠡᠰᠦᠷᠡᠭᠰᠡᠨ ᠡᠬᠡᠨᠡᠷ ᠳᠠᠬᠢᠨ ᠨᠦᠬᠦᠷ ᠲᠠᠢ ᠰᠠᠭᠤᠪᠠᠯ ᠦᠷᠡ ᠬᠡᠤᠬᠡᠳ ᠨᠢ ᠲᠡᠭᠦᠨ ᠢ ᠬᠤᠶᠢᠲᠤ ᠠᠪᠤ ᠭᠡᠵᠤ | ᠳᠠᠭᠤᠳᠠᠨᠠ᠃ ᠠᠯᠠᠱᠠ ᠳᠤ ᠠᠪᠤ ᠡᠵᠢ ᠶᠢᠨ ᠲᠦᠷᠦᠯ ᠳᠣᠲᠤᠷᠠ ᠠᠪᠤ ᠶᠢᠨ ᠲᠦᠷᠦᠯ ᠢ ᠭᠤᠣᠯᠯᠠᠳᠠᠭ ᠵᠠᠩᠰᠢᠯ ᠢ | ᠡᠷᠬᠢᠮ ᠳᠤ ᠦᠵᠡᠳᠡᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |