| | | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠳᠠᠢ ᠪᠠᠯᠭᠠᠰᠤᠨ ᠤ ᠡᠷᠢᠶᠡᠨᠳᠤᠯᠤᠭᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠲᠦᠮᠡᠨᠨᠠᠰᠤᠨ | 9 ᠨᠠᠰᠤᠳᠠᠢ ᠠᠴᠠ ᠪᠠᠨ ᠲᠡᠮᠡᠭᠡ ᠬᠠᠷᠢᠭᠤᠯᠵᠤ᠂ 1985 ᠤᠨ ᠳᠤ ᠪᠤᠯᠤᠭᠰᠠᠨ ᠪᠠᠶᠠᠨᠨᠢᠷᠤᠭᠤᠨ ᠰᠤᠮᠤᠨ ᠤ | ᠮᠠᠯᠴᠢᠳ ᠤᠨ ᠲᠡᠮᠡᠭᠡᠨ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠳᠤ ᠠᠩᠬᠠ ᠤᠳᠠᠭᠠ ᠤᠷᠤᠯᠴᠠᠵᠤ᠂ ᠨᠢᠭᠡ ᠲᠤᠬᠤᠮ ᠨᠢᠭᠡ | ᠲᠠᠩᠽᠢ ᠪᠠᠷ ᠱᠠᠩᠨᠠᠭᠤᠯᠤᠬᠰᠠᠨ ᠠᠴᠠ ᠤᠳᠤ ᠪᠤᠯᠳᠠᠯᠠ 35 ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠬᠤᠷᠢᠭᠠᠳ | ᠤᠷᠤᠯᠳᠤᠭᠠᠨ ᠤ ᠠᠳᠠ ᠤᠶᠠᠵᠤ᠂ 300 ᠭᠠᠷᠤᠢ ᠢᠷᠠᠭᠤ ᠠᠯᠳᠠᠷ ᠲᠤᠰᠤᠬᠰᠠᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ | ᠲᠡᠰ ᠤᠨ ᠮᠠᠩᠯᠠᠢ ᠤᠶᠠᠭᠠᠴᠢᠨ ᠤ ᠴᠤᠯᠠ ᠬᠦᠷᠳᠡᠵᠤ᠂ ︽ᠲᠡᠮᠡᠭᠡᠳᠦ ᠨᠤᠳᠤᠭ ᠤᠨ ᠲᠦᠮᠡᠨᠨᠠᠰᠤᠨ︾ ᠭᠡᠰᠡᠨ | ᠰᠠᠶᠢᠬᠠᠨ ᠬᠦᠨᠳᠦᠳᠭᠡᠯ ᠲᠠᠭᠤᠳᠠᠯᠭᠠ ᠪᠠᠷ ᠬᠤᠰᠢᠭᠤ ᠠᠶᠢᠮᠠᠬ᠂ ᠪᠦᠬᠦ ᠤᠷᠤᠨ ᠵᠢᠴᠢ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠮᠤᠵᠢ | ᠤᠷᠤᠨ ᠤ ᠲᠡᠮᠡᠭᠡᠴᠢᠳ ᠤᠨ ᠲᠤᠮᠳᠠ ᠨᠤᠳᠤᠭ ᠤᠨ ᠨᠡᠷᠡ ᠠᠯᠳᠠᠷ ᠢ ᠡᠷᠭᠦᠵᠤ ᠶᠠᠪᠤᠭᠠ ᠬᠠᠰᠢᠷ ᠲᠡᠮᠡᠭᠡᠴᠢᠨ | ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | | | | | | | ᠲᠦᠮᠡᠨᠨᠠᠰᠤᠨ ᠰᠠᠷᠠᠨᠴᠡᠴᠡᠭ ᠤᠨ ᠬᠢᠨ ᠪᠤᠯ ᠤᠳᠤ ᠡᠷᠢᠶᠡᠨᠳᠤᠯᠤᠭᠠᠢ ᠭᠠᠴᠠᠭᠠᠨ ᠤ ᠬᠦᠷᠡᠩ ᠲᠤᠭᠤᠢ ᠭᠡᠬᠦ ᠭᠠᠵᠠᠷ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠲᠠᠩᠰᠤᠬ ᠰᠠᠶᠢᠬᠠᠨ ᠭᠡᠰᠢᠭ ᠪᠤᠶᠠᠨ ᠢ ᠡᠳ᠋ᠯᠡᠵᠤ᠂ ᠨᠤᠳᠤᠭ ᠤᠰᠤᠨ ᠳᠠᠭᠠᠨ ᠬᠠᠰᠢᠷ | ᠮᠠᠯᠴᠢᠨ ᠤ ᠠᠯᠳᠠᠷ ᠴᠤᠤᠳᠠᠢ᠂ ᠬᠤᠷᠳᠤᠨ ᠠᠳᠠ ᠤᠶᠠᠵᠤ ᠰᠦᠢᠬᠤ ᠳᠤ ᠮᠡᠷᠭᠡᠰᠢᠭᠰᠡᠨ ᠠᠯᠳᠠᠷᠳᠤ ᠤᠶᠠᠭᠠᠴᠢ᠂ | ᠮᠠᠩᠯᠠᠢ ᠤᠶᠠᠭᠠᠴᠢᠨ ᠤ ᠴᠤᠯᠠ ᠲᠠᠭᠤᠳᠠᠭᠤᠯᠤᠬᠰᠠᠨ ᠵᠤᠯ ᠵᠢᠷᠭᠠᠯᠳᠤ ᠠᠶᠢᠯ ᠪᠤᠯᠤᠨᠠ᠃ ᠭᠡᠷ ᠤᠨ ᠡᠵᠡᠨ | ᠲᠦᠮᠡᠨᠨᠠᠰᠤᠨ 9 ᠨᠠᠰᠤᠳᠠᠢ ᠳᠠᠭᠠᠨ ᠠᠪᠤ ᠡᠵᠢ ᠪᠠᠨ ᠲᠠᠭᠠᠵᠤ ᠲᠡᠮᠡᠭᠡ ᠬᠠᠷᠢᠭᠤᠯᠵᠤ᠂ ᠤᠳᠤ ᠪᠤᠯᠳᠠᠯᠠ 51 ᠵᠢᠯ | ᠲᠡᠮᠡᠭᠡ ᠮᠠᠯᠵᠢᠬᠰᠠᠨ ᠦᠩᠭᠡᠷᠡᠯᠳᠡ ᠨᠢ ᠲᠡᠭᠦᠨ ᠳᠤ ᠲᠡᠮᠡᠭᠡᠨ ᠤ ᠨᠠᠰᠤ ᠵᠢᠯ᠂ ᠦᠩᠭᠡ ᠵᠢᠰᠦ᠂ ᠠᠯᠬᠤᠳᠠᠯ ᠬᠢᠰᠭᠢᠳᠡᠯ᠂ | ᠪᠡᠶᠡ ᠪᠢᠯᠳᠡᠷ᠂ ᠠᠷᠠᠴᠢᠯᠠᠭᠠ ᠲᠤᠳᠤᠮᠳᠤᠯᠭᠠ᠂ ᠡᠳ᠋ᠯᠡᠭᠡ ᠭᠡᠷᠡᠭᠯᠡᠭᠡ᠂ ᠠᠶᠠᠨ ᠵᠢᠩ ᠤᠨ ᠵᠠᠩ ᠦᠢᠯᠡ ᠶᠢ | ᠦᠢᠯᠠᠭᠠᠵᠤ ᠮᠡᠳᠡᠬᠦ ᠠᠴᠠ ᠠᠪᠤᠭᠠᠳ ᠬᠤᠵᠢᠮ ᠤᠨ ᠤᠷᠤᠯᠳᠤᠭᠠᠨ ᠤ ᠬᠤᠷᠳᠤᠨ ᠠᠳᠠ ᠶᠢ ᠰᠤᠩᠭᠤᠵᠤ ᠰᠢᠯᠢᠬᠦ᠂ | ᠤᠶᠠᠵᠤ ᠰᠦᠢᠬᠤ ᠳᠤ ᠠᠷᠭᠠ ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠵᠤ ᠦᠭᠭᠦᠭᠰᠡᠨ ᠪᠠᠶᠢᠨᠠ᠃ 1985 ᠤᠨ ᠤ ᠡᠪᠦᠯ | ᠪᠠᠶᠠᠨᠨᠢᠷᠤᠭᠤᠨ ᠰᠤᠮᠤᠨ ᠳᠤ ᠮᠠᠯᠴᠢᠳ ᠤᠨ ᠲᠡᠮᠡᠭᠡᠨ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠶᠠᠪᠤᠬᠳᠠᠬᠤ ᠰᠠᠶᠢᠬᠠᠨ ᠴᠢᠮᠡᠭᠡ ᠪᠠᠷ | ᠲᠦᠮᠡᠨᠨᠠᠰᠤᠨ ᠰᠠᠷᠠᠨᠴᠡᠴᠡᠭ ᠬᠤᠶᠠᠭᠤᠯᠠ ᠬᠤᠶᠠᠷ ᠪᠤᠤᠷᠠ ᠬᠥᠲᠥᠯᠵᠦ ᠤᠴᠢᠭᠠᠳ ᠪᠤᠤᠷᠠ ᠶᠢᠨ ᠠᠳᠠᠯᠢᠳᠬᠠᠯ ᠳᠤ | ᠤᠷᠤᠯᠴᠠᠵᠤ᠂ ᠬᠤᠶᠠᠷ ᠪᠤᠤᠷᠠ ᠨᠢ ᠲᠤᠰᠪᠤᠷᠢ ᠨᠢᠭᠡᠳᠦᠭᠡᠷ᠂ ᠬᠤᠶᠠᠳᠤᠭᠠᠷ ᠲᠡᠰ ᠲᠤ ᠤᠷᠤᠵᠤ᠂ ᠨᠢᠭᠡ ᠲᠤᠬᠤᠮ | ᠨᠢᠭᠡ ᠲᠠᠩᠽᠢ ᠶᠢᠨ ᠱᠠᠩᠨᠠᠯ ᠬᠦᠷᠳᠡᠵᠤ᠂ ᠨᠠᠭᠠᠳᠤᠮᠴᠢᠨ ᠤᠯᠠᠨ ᠤ ᠪᠠᠭ᠋ᠠᠷᠬᠠᠯ ᠢ ᠲᠠᠳᠠᠵᠤ᠂ ᠲᠡᠭᠦᠨ ᠤ ᠬᠤᠶᠢᠰᠢᠬᠢ | ᠨᠠᠭᠠᠳᠤᠮ ᠪᠤᠯᠭᠠᠨ ᠳᠤ ᠨᠡᠷᠡ ᠪᠠᠨ ᠲᠠᠭᠤᠳᠠᠭᠤᠯᠬᠤ ᠬᠡᠶᠢᠮᠦᠷᠢ ᠠᠪᠴᠢᠷᠡᠵᠡᠢ᠃ | | | | | | | | | | | ︽ᠪᠠᠶᠠᠨᠨᠢᠷᠤᠭᠤᠨ ᠰᠤᠮᠤᠨ ᠤ ᠮᠠᠯᠴᠢᠳ ᠤᠨ ᠲᠡᠮᠡᠭᠡᠨ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠤᠨ ᠪᠤᠤᠷᠠ ᠶᠢᠨ | ᠠᠳᠠᠯᠢᠳᠬᠠᠯ ᠳᠤ ᠤᠷᠤᠯᠴᠠᠬᠰᠠᠨ ᠬᠤᠶᠠᠷ ᠪᠤᠤᠷᠠ ᠲᠡᠰ ᠲᠤ ᠤᠷᠤᠵᠤ ᠱᠠᠩᠨᠠᠯ ᠲᠤᠰᠤᠬᠰᠠᠨ ᠪᠤᠯᠪᠠᠴᠤ ᠰᠦᠯᠳᠡ | ᠬᠡᠶᠢᠮᠦᠷᠢ ᠲᠠᠢ᠂ ᠰᠦᠷ ᠵᠢᠪᠬᠤᠭᠠ ᠲᠠᠢ ᠲᠡᠮᠡᠭᠡᠨ ᠤᠷᠤᠯᠳᠤᠭᠠᠨ ᠨᠢ ᠨᠠᠳᠠ ᠳᠤ ᠦᠨᠡᠭᠡᠷ ᠰᠠᠶᠢᠬᠠᠨ ᠬᠠᠷᠠᠬᠳᠠᠬᠰᠠᠨ᠂ | ᠲᠡᠭᠡᠭᠡᠳ ᠲᠡᠷᠡ ᠴᠠᠬ ᠠᠴᠠ ᠲᠡᠮᠡᠭᠡ ᠤᠶᠠᠵᠤ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠪᠤᠳᠤᠯ ᠤᠷᠤᠭᠤᠯᠤᠬᠰᠠᠨ ᠶᠤᠮ︾ | ᠭᠡᠵᠤ ᠲᠦᠮᠡᠨᠨᠠᠰᠤᠨ 35 ᠵᠢᠯ ᠤᠨ ᠡᠮᠦᠨᠡᠬᠢ ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠬᠰᠠᠨ ᠲᠦᠷᠦᠭᠳᠡᠯ ᠢᠶᠠᠨ ᠶᠠᠷᠢᠨᠠ᠃ | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠦᠮᠡᠨᠨᠠᠰᠤᠨ ᠰᠦᠷᠦᠭ ᠲᠠᠢ ᠲᠡᠮᠡᠭᠡᠳ ᠠᠴᠠ ᠨᠢᠭᠡ ᠬᠤᠶᠠᠷ ᠠᠳᠠ ᠶᠢ | ᠵᠤᠷᠢᠭᠤᠯᠤᠯᠳᠠ ᠲᠠᠢ ᠪᠠᠷ ᠤᠷᠤᠯᠳᠤᠭᠠᠨ ᠤ ᠲᠡᠮᠡᠭᠡ ᠪᠠᠷ ᠰᠤᠩᠭᠤᠨ ᠤᠶᠠᠵᠤ ᠰᠦᠢᠭᠠᠳ ᠬᠠᠮᠢᠭᠠ ᠨᠠᠭᠠᠳᠤᠮ ᠤᠨ | ᠴᠢᠮᠡᠭᠡ ᠲᠤᠭᠤᠯᠳᠠᠪᠠᠯ ᠵᠠᠪ ᠴᠢᠯᠦᠭᠡ ᠪᠠᠨ ᠦᠵᠡᠵᠤ ᠪᠠᠶᠢᠭᠠᠳ ᠤᠷᠤᠯᠴᠠᠵᠤ᠂ ᠲᠡᠷᠢᠭᠦᠨ ᠲᠡᠳ᠋ ᠤᠨ ᠱᠠᠩᠨᠠᠯ ᠠᠪᠴᠤ | ᠴᠢᠳᠠᠬᠤ ᠦᠭᠡᠢ ᠴᠤ ᠡᠮᠦᠨᠡ ᠨᠠᠢᠮᠠ ᠳᠤ ᠤᠷᠤᠬᠤ ᠪᠠᠨ ᠪᠠᠳᠤᠯᠠᠬᠰᠠᠭᠠᠷ ᠪᠠᠶᠢᠵᠡᠢ᠃ ᠰᠢᠨᠡ ᠵᠠᠭᠤᠨ ᠳᠤ | ᠤᠷᠤᠬᠰᠠᠨ ᠠᠴᠠ ᠨᠠᠰᠢ᠂ ᠲᠦᠮᠡᠨᠨᠠᠰᠤᠨ ᠤ ᠨᠠᠭᠠᠳᠤᠮ ᠤᠨ ᠬᠡᠶᠢᠮᠦᠷᠢ ᠲᠡᠭᠳᠡᠵᠤ᠂ ᠤᠶᠠᠬᠰᠠᠨ ᠲᠡᠮᠡᠭᠡᠨ ᠤ | ᠰᠦᠢᠯᠠᠯᠭᠠ ᠰᠠᠶᠢᠨ ᠪᠤᠯᠤᠨ ᠤᠨᠤᠬᠰᠠᠨ ᠡᠵᠡᠨ ᠤ ᠤᠬᠠᠭᠠᠨ ᠬᠤᠷᠴᠠ ᠬᠤᠤᠰᠯᠠᠵᠤ᠂ ᠭᠠᠴᠠᠭᠠ ᠰᠤᠮᠤ᠂ ᠬᠤᠰᠢᠭᠤ | ᠠᠶᠢᠮᠠᠬ᠂ ᠤᠷᠤᠨ ᠤᠯᠤᠰ ᠤᠨ ᠶᠡᠭᠡ ᠪᠠᠭᠠ ᠨᠠᠶᠢᠷ ᠨᠠᠭᠠᠳᠤᠮ ᠪᠤᠯᠭᠠᠨ ᠳᠤ ᠲᠡᠷᠢᠭᠦᠨ ᠪᠢᠰᠢ ᠪᠤᠯ ᠲᠡᠳ᠋ ᠤᠨ ᠱᠠᠩᠨᠠᠯ | ᠲᠤᠰᠴᠤ᠂ ᠤᠷᠤᠯᠳᠤᠭᠠᠨ ᠤ ᠠᠳᠠ᠂ ᠤᠶᠠᠬᠰᠠᠨ ᠡᠵᠡᠨ ᠬᠤᠶᠠᠷ ᠤᠨ ᠨᠡᠷᠡ ᠮᠠᠨᠳᠤᠵᠤ᠂ 2011 ᠤᠨ ᠤ 11 | ᠰᠠᠷᠠ ᠳᠤ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠠᠩᠰᠤᠬᠪᠤᠯᠠᠭ ᠪᠠᠯᠭᠠᠰᠤᠨ ᠳᠤ ᠶᠠᠪᠤᠬᠳᠠᠵᠤ ᠦᠩᠭᠡᠷᠡᠭᠰᠡᠨ ᠲᠦᠮᠡᠨ | ᠲᠡᠮᠡᠭᠡᠨ ᠳᠤ ᠨᠠᠭᠠᠳᠤᠮ ᠤᠨ 30 ᠺᠢᠯᠤᠮᠧᠲᠷ ᠤᠨ ᠬᠤᠯᠠ ᠶᠢᠨ ᠲᠡᠮᠡᠭᠡᠨ ᠤ ᠤᠷᠤᠯᠳᠤᠭᠠᠨ ᠳᠤ ᠲᠡᠭᠦᠨ ᠤ ︽ | ᠲᠦᠷᠪᠡᠯᠵᠢᠨ ᠬᠠᠷᠠ︾ ᠠᠳᠠ ᠨᠢ 100 ᠭᠠᠷᠤᠢ ᠲᠡᠮᠡᠭᠡ ᠶᠢ ᠠᠷᠤ ᠳᠠᠭᠠᠨ ᠤᠷᠬᠢᠵᠤ ᠨᠢᠭᠡᠳᠦᠭᠡᠷ ᠲᠤ ᠤᠷᠤᠵᠤ᠂ | 555 ᠲᠡᠮᠡᠭᠡᠨ ᠤ ᠬᠢᠨᠢᠰ ᠤᠨ ᠲᠡᠮᠳᠡᠭᠯᠡᠯ ᠢ ᠡᠭᠦᠳᠬᠦ ᠤᠷᠤᠯᠳᠤᠭᠠᠨ ᠳᠤ ᠪᠠᠰᠠ ᠠᠳᠠ ᠨᠢ ᠭᠤᠷᠪᠠᠳᠤᠭᠠᠷ ᠲᠤ | ᠤᠷᠤᠵᠤ᠂ ᠡᠷᠢᠶᠡᠨᠳᠤᠯᠤᠭᠠᠢ ᠶᠢᠨ ᠦᠨᠳᠦᠷ ᠪᠡᠶᠡ ᠲᠠᠢ ᠲᠦᠮᠡᠨᠨᠠᠰᠤᠨ ᠭᠡᠰᠡᠨ ᠨᠡᠷᠡ ᠶᠢ ᠬᠦᠮᠦᠰ ᠮᠠᠰᠢ ᠰᠠᠶᠢᠨ | ᠴᠡᠭᠡᠵᠢᠯᠡᠵᠤ ᠠᠪᠴᠡᠢ᠃ ᠭᠤᠴᠢᠨ ᠬᠡᠳᠦᠨ ᠵᠢᠯ ᠤᠨ ᠲᠤᠷᠰᠢ ᠲᠦᠮᠡᠨᠨᠠᠰᠤᠨ ᠬᠤᠷᠢᠭᠠᠳ ᠤᠷᠤᠯᠳᠤᠭᠠᠨ ᠤ ᠠᠳᠠ | ᠤᠶᠠᠵᠤ᠂ ᠲᠡᠭᠦᠨ ᠤ ᠲᠤᠳᠤᠷᠠ ᠠᠴᠠ ︽ᠲᠦᠷᠪᠡᠯᠵᠢᠨ ᠬᠠᠷᠠ︾᠂ ︽ᠵᠤᠨᠤᠩ ᠬᠠᠷᠠ︾᠂ ︽ᠡᠯᠢᠭᠡᠨ ᠬᠦᠷᠡᠩ︾ | ᠂ ︽ᠪᠤᠰᠢᠭᠤ ᠰᠢᠷᠠ︾᠂ ︽ᠮᠤᠬᠤᠷ ᠰᠢᠷᠠ︾ ᠵᠡᠷᠭᠡ ᠬᠤᠷᠳᠤᠨ ᠠᠳᠠ ᠤᠳ ᠨᠢ ᠰᠤᠮᠤ ᠭᠠᠴᠠᠭᠠ᠂ ᠬᠤᠰᠢᠭᠤ | ᠠᠶᠢᠮᠠᠬ ᠠᠴᠠ ᠭᠠᠳᠠᠨᠠ ᠬᠦᠯᠦᠨ ᠪᠦᠢᠷ᠂ ᠰᠢᠯᠢ ᠶᠢᠨ ᠭᠤᠤᠯ᠂ ᠪᠠᠶᠠᠨᠨᠠᠭᠤᠷ᠂ ᠤᠷᠳᠤᠰ᠂ ᠪᠤᠭᠤᠳᠤ ᠵᠡᠷᠭᠡ ᠠᠶᠢᠮᠠᠬ | ᠬᠤᠳᠠ ᠪᠤᠯᠤᠨ ᠭᠠᠨᠰᠤ ᠮᠤᠵᠢ ᠶᠢᠨ ᠰᠦᠪᠸᠢ ᠰᠢᠶᠡᠨ ᠤ ᠨᠠᠭᠠᠳᠤᠮ ᠤᠨ ᠲᠡᠮᠡᠭᠡᠨ ᠤᠷᠤᠯᠳᠤᠭᠠᠨ ᠳᠤ ᠤᠯᠠᠨᠳᠠ | ᠱᠠᠩᠨᠠᠯ ᠬᠦᠷᠳᠡᠵᠤ᠂ ᠠᠷᠠᠳ ᠤᠨ ᠮᠦᠩᠭᠦ᠂ ᠠᠯᠳᠠ ᠮᠦᠩᠭᠦᠨ ᠬᠦᠷᠡᠯ ᠮᠧᠳ᠋ᠯ ᠵᠡᠷᠭᠡ 300 ᠭᠠᠷᠤᠢ ᠱᠠᠩᠨᠠᠯ | ᠬᠦᠬᠢᠭᠦᠯᠦᠯ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠡᠵᠡᠨ ᠢᠶᠠᠨ ᠪᠠᠶᠠᠷᠯᠠᠭᠤᠯᠵᠤ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠱᠠᠩ ᠲᠦᠴᠢᠭᠡᠳ | ᠲᠤᠯᠤᠭᠠᠢ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ ᠲᠦᠮᠡᠨᠨᠠᠰᠤᠨ ᠦᠪᠡᠷ ᠢᠶᠠᠨ 1999 ᠤᠨ ᠠᠴᠠ ᠪᠦᠬᠦ ᠤᠷᠤᠨ ᠤ | ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠪᠡᠶᠡ ᠲᠠᠮᠢᠷ ᠤᠨ | ᠴᠤᠬᠯᠠᠭᠠᠨ ᠠᠴᠠ ᠡᠬᠢᠯᠡᠨ ᠠᠯᠠᠱᠠ ᠠᠶᠢᠮᠠᠬ ᠢᠶᠠᠨ ᠲᠦᠯᠦᠭᠡᠯᠡᠨ ᠠᠯᠳᠠᠯ ᠦᠭᠡᠢ ᠤᠷᠤᠯᠴᠠᠵᠤ᠂ 2015 ᠤᠨ ᠳᠤ | ᠪᠦᠬᠦ ᠤᠯᠤᠰ ᠤᠨ ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠪᠡᠶᠡ | ᠲᠠᠮᠢᠷ ᠤᠨ ᠴᠤᠬᠯᠠᠭᠠᠨ ᠳᠤ ᠦᠪᠦᠷ ᠮᠤᠩᠭᠤᠯ ᠢᠶᠠᠨ ᠲᠦᠯᠦᠭᠡᠯᠡᠨ ᠤᠷᠤᠯᠴᠠᠵᠤ ᠦᠩᠭᠡᠷᠡᠵᠡᠢ᠃ ᠲᠦᠮᠡᠨᠨᠠᠰᠤᠨ ᠤ | ᠬᠡᠯᠡᠬᠦ ᠪᠠᠷ᠂ ᠤᠳᠤ ᠪᠤᠯᠳᠠᠯᠠ ᠮᠠᠨ ᠤ ᠤᠷᠤᠨ ᠤ 5000 ᠮᠧᠲᠷ ᠤᠨ ᠲᠡᠮᠡᠭᠡᠨ ᠤ ᠳᠤᠭᠤᠷᠢᠭ ᠤᠷᠤᠯᠳᠤᠭᠠᠨ ᠤ | ᠬᠠᠮᠤᠭ ᠬᠤᠷᠳᠤᠨ ᠲᠡᠮᠳᠡᠭᠯᠡᠯ ᠨᠢ ᠲᠡᠭᠦᠨ ᠤ ᠨᠡᠷᠡ ᠳᠤ ᠲᠡᠮᠳᠡᠭᠯᠡᠵᠤ ᠪᠤᠢ ᠭᠡᠨᠡ᠃ | | | | | | ᠮᠠᠯᠵᠢᠬᠤ ᠰᠤᠶᠤᠯ᠂ ᠲᠡᠷᠡ ᠲᠤᠮᠳᠠ ᠠᠴᠠ ᠲᠡᠮᠡᠭᠡᠨ ᠰᠤᠶᠤᠯ ᠢᠶᠠᠨ ᠦᠪᠯᠡᠨ ᠤᠯᠠᠮᠵᠢᠯᠠᠵᠤ᠂ ᠬᠤᠶᠢᠴᠢ | ᠦᠶᠡ ᠳᠡᠭᠡᠨ ᠦᠪ ᠪᠤᠯᠭᠠᠨ ᠦᠯᠡᠳᠡᠭᠡᠵᠤ ᠦᠭᠬᠦ ᠭᠡᠰᠡᠨ ᠪᠤᠯ ᠲᠦᠮᠡᠨᠨᠠᠰᠤᠨ ᠰᠠᠷᠠᠨᠴᠡᠴᠡᠭ ᠬᠤᠶᠠᠭᠤᠯᠠ ᠶᠢᠨ | ᠪᠠᠷᠢᠮᠳᠠᠯᠠᠭᠠᠳ ᠢᠷᠡᠭᠰᠡᠨ ᠭᠤᠤᠯ ᠰᠠᠨᠠᠭᠠ ᠪᠤᠯᠤᠨᠠ᠃ 2014 ᠤᠨ ᠳᠤ ᠲᠦᠮᠡᠨᠨᠠᠰᠤᠨ ᠰᠠᠷᠠᠨᠴᠡᠴᠡᠭ ᠬᠤᠶᠠᠭᠤᠯᠠ | ᠦᠪᠡᠷ ᠤᠨ ᠦᠰᠴᠦ ᠲᠦᠷᠦᠭᠰᠡᠨ ᠨᠤᠳᠤᠭ ᠪᠤᠯᠬᠤ ᠬᠦᠷᠡᠩ ᠲᠤᠭᠤᠢ ᠳᠠᠭᠠᠨ ᠬᠤᠪᠢ ᠠᠶᠢᠯ ᠤᠨ ᠲᠡᠮᠡᠭᠡᠨ | ᠰᠤᠶᠤᠯ ᠤᠨ ᠨᠠᠶᠢᠷ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠦᠪᠡᠷ ᠤᠨ ᠰᠦᠷᠦᠭ ᠲᠠᠢ ᠲᠡᠮᠡᠭᠡ᠂ ᠤᠷᠤᠯᠳᠤᠭᠠᠨ ᠳᠤ ᠢᠷᠡᠭᠰᠡᠨ | ᠲᠡᠮᠡᠭᠡ ᠨᠡᠶᠢᠳᠡ 1000 ᠭᠠᠷᠤᠢ ᠴᠤᠬᠯᠠᠷᠠᠵᠤ᠂ ᠠᠯᠠᠱᠠ᠂ ᠪᠠᠶ᠋ᠬᠠᠨᠠᠭᠤᠷ᠂ ᠤᠷᠳᠤᠰ᠂ ᠪᠤᠭᠤᠳᠤ᠂ ᠰᠢᠯᠢ ᠶᠢᠨ | ᠭᠤᠤᠯ ᠵᠡᠷᠭᠡ ᠲᠠᠪᠤᠨ ᠠᠶᠢᠮᠠᠬ ᠬᠤᠳᠠ ᠶᠢᠨ ᠤᠶᠠᠭᠠᠴᠢᠨ᠂ ᠬᠡᠶᠢᠴᠢᠨ ᠵᠤᠴᠢᠨ 1000 ᠭᠠᠷᠤᠢ ᠬᠦᠮᠦᠨ | ᠴᠤᠬᠯᠠᠷᠠᠵᠤ᠂ 7 ᠺᠢᠯᠤᠮᠧᠲᠷ ᠪᠤᠯᠤᠨ 12 ᠺᠢᠯᠤᠮᠧᠲᠷ ᠤᠨ ᠲᠡᠮᠡᠭᠡᠨ ᠤ ᠤᠷᠤᠯᠳᠤᠭᠠᠨ᠂ ᠲᠡᠮᠡᠭᠡᠨ ᠪᠦᠮᠪᠦᠭᠡ᠂ | ᠲᠡᠮᠡᠭᠡᠨ ᠨᠤᠮᠤ ᠬᠠᠷᠪᠤᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠲᠤᠬᠢᠷᠠᠭᠤᠯᠤᠬᠰᠠᠨ ᠲᠤᠮᠤ ᠨᠠᠶᠢᠷ ᠪᠤᠯᠵᠤ᠂ ᠨᠤᠳᠤᠭ ᠤᠨ ᠮᠠᠯᠴᠢᠨ | ᠲᠦᠮᠡᠨ᠂ ᠨᠠᠭᠠᠳᠤᠮᠴᠢᠨ ᠤᠯᠠᠨ ᠢᠶᠠᠨ ᠪᠠᠶᠠᠰᠬᠠᠬᠰᠠᠨ ᠪᠠᠶᠢᠨᠠ᠃ 2014 ᠤᠨ ᠳᠤ ᠲᠦᠮᠡᠨᠨᠠᠰᠤᠨ ᠦᠪᠦᠷ | ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠨᠤᠮᠤ ᠬᠠᠷᠪᠤᠭᠠ ᠶᠢᠨ | ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠳᠠᠢ ᠤᠯᠠᠮᠵᠢᠯᠠᠬᠴᠢ ᠪᠠᠷ ᠨᠡᠷᠡᠶᠢᠳᠦᠭᠳᠡᠵᠤ᠂ 2016 ᠤᠨ ᠳᠤ ᠠᠶᠢᠮᠠᠬ ᠤᠨ ᠲᠡᠰ ᠤᠨ | ᠠᠯᠳᠠᠷᠳᠤ ᠤᠶᠠᠭᠠᠴᠢ ᠶᠢᠨ ᠴᠤᠯᠠ ᠬᠦᠷᠳᠡᠵᠤ᠂ 2017 ᠤᠨ ᠤ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠲᠡᠮᠡᠭᠡᠨ | ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠢᠶᠠᠷ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠡᠰ ᠤᠨ ᠮᠠᠩᠯᠠᠢ ᠤᠶᠠᠭᠠᠴᠢ ᠪᠠᠷ ᠴᠤᠯᠠᠯᠠᠬᠳᠠᠵᠤ᠂ | ᠪᠦᠬᠦ ᠤᠷᠤᠨ ᠤ 9 ᠬᠦᠮᠦᠨ ᠤ ᠨᠢᠭᠡ ᠨᠢ ᠪᠤᠯᠵᠡᠢ᠃ ᠲᠦᠮᠡᠨᠨᠠᠰᠤᠨ ᠬᠡᠯᠡᠬᠦ ᠳᠡᠭᠡᠨ ︽ᠤᠷᠤᠯᠳᠤᠭᠠᠨ ᠤ ᠠᠳᠠ ᠶᠢ | ᠰᠤᠩᠭᠤᠬᠤ ᠳᠤ ᠤᠯᠠᠨ ᠵᠦᠢᠯ ᠢ ᠰᠢᠨᠵᠢᠳᠡᠭ᠂ ᠭᠡᠬᠦ ᠳᠡᠭᠡᠨ ᠤᠶᠠᠭᠠᠴᠢᠳ ᠤᠨ ᠰᠤᠩᠭᠤᠯᠳᠠ ᠠᠳᠠᠯᠢ ᠦᠭᠡᠢ | ᠪᠠᠶᠢᠳᠠᠭ᠂ ᠬᠤᠯᠠ ᠶᠢᠨ ᠤᠷᠤᠯᠳᠤᠭᠠᠨ ᠤ ᠲᠡᠮᠡᠭᠡ ᠶᠢ ᠰᠦᠢᠬᠤ ᠳᠤ ᠠᠮᠠᠷᠬᠠᠨ᠂ ᠬᠠᠷᠢᠨ ᠲᠤᠭᠤᠷᠢᠬ | ᠤᠷᠤᠯᠳᠤᠭᠠᠨ ᠤ ᠲᠡᠮᠡᠭᠡ ᠶᠢ ᠤᠶᠠᠵᠤ ᠰᠦᠢᠬᠤ ᠳᠤ ᠬᠦᠴᠢᠷ ᠲᠤᠯᠠ ᠶᠡᠭᠡ ᠬᠦᠴᠦ ᠵᠠᠷᠤᠴᠠᠭᠤᠯᠵᠤ᠂ ᠨᠠᠷᠢᠯᠢᠭ | ᠠᠷᠠᠴᠢᠯᠠᠵᠤ ᠲᠤᠳᠤᠮᠳᠠᠬᠤ ᠬᠡᠷᠡᠭᠳᠡᠢ᠂ ᠤᠳᠤ ᠶᠢᠨ ᠪᠠᠶᠢᠳᠠᠯ ᠳᠤ ᠬᠦᠳᠡᠭᠡ ᠨᠤᠳᠤᠭ ᠲᠤ ᠲᠡᠮᠡᠭᠡ ᠮᠠᠯᠵᠢᠵᠤ ᠪᠠᠶᠢᠭᠠ | ᠮᠠᠯᠴᠢᠨ ᠤᠯᠠᠨ ᠪᠠᠶᠢᠨᠠ᠂ ᠦᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠳᠤ ᠵᠠᠯᠠᠭᠤᠴᠤᠳ ᠬᠦᠳᠡᠭᠡ ᠨᠤᠳᠤᠭ ᠲᠠᠭᠠᠨ ᠬᠠᠷᠢᠬᠤ ᠨᠢ | ᠤᠯᠠᠰᠢᠷᠡᠵᠤ᠂ ᠮᠠᠯᠵᠢᠬᠤ ᠰᠤᠶᠤᠯ ᠢᠶᠠᠨ ᠦᠪᠯᠡᠵᠤ ᠪᠠᠶᠢᠬᠤ ᠨᠢ ᠰᠠᠶᠢᠨ ᠬᠠᠨᠳᠤᠰᠢ᠂ ᠭᠡᠪᠡᠴᠦ ᠲᠡᠮᠡᠭᠡ ᠮᠠᠯ ᠢᠶᠠᠨ | ᠤᠨᠤᠯᠭᠠ ᠡᠳ᠋ᠯᠡᠭᠡ ᠳᠤ ᠬᠡᠷᠡᠭᠯᠡᠬᠦ ᠦᠭᠡᠢ᠂ ᠤᠶᠠᠯᠭᠠ ᠰᠦᠢᠯᠠᠯᠭᠠ ᠬᠢᠬᠦ ᠠᠴᠠ ᠵᠠᠯᠬᠠᠭᠤᠷᠠᠬᠰᠠᠨ ᠠᠴᠠ ᠲᠡᠮᠡᠭᠡ ᠨᠢ | ᠲᠤᠬᠰᠢᠷᠠᠵᠤ᠂ ᠡᠵᠡᠨ ᠨᠢ ᠬᠦᠴᠦᠷᠡᠭᠦ ᠦᠭᠡᠢ ᠪᠤᠯᠵᠡᠢ᠂ ᠬᠠᠮᠤᠭ ᠴᠢᠬᠤᠯᠠ ᠨᠢ ᠲᠡᠮᠡᠭᠡ ᠶᠢ ᠤᠶᠠᠵᠤ ᠰᠦᠢᠭᠠᠳ | ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ᠂ ᠬᠠᠷᠢᠨ ᠬᠠᠮᠳᠤ ᠶᠢᠨ ᠰᠤᠷᠢᠶᠠ ᠪᠤᠯᠪᠠᠰᠤᠷᠠᠯ ᠢ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷᠳᠠᠢ ᠬᠢᠬᠦ ᠨᠢ | ᠲᠠᠭᠠᠷᠠᠨᠠ︾ ᠭᠡᠪᠡ᠃ | | | | | | | | | ᠲᠦᠮᠡᠨᠨᠠᠰᠤᠨ ᠤᠳᠤ ᠨᠠᠶᠠᠭᠠᠳ ᠲᠡᠮᠡᠭᠡ᠂ ᠠᠷᠪᠠᠭᠠᠳ ᠦᠭᠡᠷ᠂ ᠤᠨᠤᠭᠠᠨ ᠤ ᠬᠡᠳᠦᠨ ᠮᠤᠷᠢ ᠠᠴᠠ ᠭᠠᠳᠠᠨᠠ | ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠪᠤᠬ ᠮᠠᠯ ᠲᠠᠢ᠃ ᠲᠡᠳᠡᠨᠡᠶᠢᠬᠢᠨ ᠬᠠᠮᠤᠭ ᠤᠯᠠᠨ ᠳᠠᠭᠠᠨ 200 ᠭᠠᠷᠤᠢ ᠲᠡᠮᠡᠭᠡ ᠬᠠᠷᠢᠭᠤᠯᠵᠤ | ᠪᠠᠶᠢᠵᠡᠢ᠃ ᠬᠠᠷᠢᠨ ᠬᠡᠳᠦ ᠤᠳᠠᠭᠠᠨ ᠤ ᠪᠠᠶᠢᠭᠠᠯᠢ ᠶᠢᠨ ᠭᠠᠩ ᠬᠠᠭᠰᠠᠷᠠᠭᠠᠨ ᠨᠢ ᠲᠦᠮᠡᠨᠨᠠᠰᠤᠨ ᠰᠠᠷᠠᠨᠴᠡᠴᠡᠭ ᠤᠨ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠳᠤ ᠮᠠᠰᠢ ᠶᠡᠭᠡ ᠬᠤᠬᠢᠷᠠᠯ ᠠᠪᠴᠢᠷᠠᠵᠤ᠂ 1985 ᠤᠨ ᠤ ᠭᠠᠩ᠂ 1990 ᠤᠨ ᠤ | ᠭᠠᠩ ᠳᠤ ᠲᠡᠶᠢᠮᠦ ᠶᠡᠭᠡ ᠬᠤᠬᠢᠷᠠᠬᠳᠠᠬᠰᠠᠨ ᠦᠭᠡᠢ ᠪᠤᠯᠪᠠᠴᠤ 2001 ᠤᠨ ᠤ ᠶᠡᠭᠡ ᠭᠠᠩ ᠳᠤ 80 ᠭᠠᠷᠤᠢ | ᠲᠡᠮᠡᠭᠡ ᠠᠴᠠ ᠦᠭᠦᠵᠤ ᠰᠦᠢᠳᠬᠦ᠂ ᠵᠤᠨ ᠤ ᠬᠠᠯᠠᠭᠤᠨ ᠳᠤ ᠵᠠᠷᠢᠮ ᠢ ᠨᠢ 100 ᠲᠦᠭᠦᠷᠢᠭ᠂ 200 | ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠬᠰᠠᠭᠠᠷ ᠪᠠᠶᠢᠭᠠᠳ 14 ᠲᠡᠮᠡᠭᠡ ᠦᠯᠡᠳᠡᠵᠤ᠂ ᠤᠳᠤᠷ ᠨᠡᠭᠦᠳᠡᠯ ᠶᠠᠪᠤᠭᠠᠳ ᠬᠠᠮᠠᠭᠠᠯᠠᠵᠤ | ᠠᠪᠴᠡᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠦᠮᠡᠨᠨᠠᠰᠤᠨ ᠦᠢᠷᠠ ᠬᠠᠪᠢ ᠶᠢᠨ ᠠᠶᠢᠯ ᠠᠴᠠ ᠢᠩᠭᠡ ᠬᠤᠳᠠᠯᠳᠤᠵᠤ | ᠠᠪᠤᠬᠰᠠᠭᠠᠷ ᠪᠠᠶᠢᠭᠠᠳ ᠬᠤᠷᠢᠭᠠᠳ ᠲᠡᠮᠡᠭᠡ ᠲᠠᠢ ᠪᠤᠯᠵᠤ᠂ ᠰᠡᠭᠦᠯᠡᠷ ᠨᠢ 200 ᠭᠠᠷᠤᠢ ᠲᠤᠯᠤᠭᠠᠢ ᠳᠤ ᠬᠦᠷᠴᠦ᠂ | ᠵᠤᠭᠤᠰ ᠵᠠᠷᠤᠯᠭᠠ ᠶᠢᠨ ᠱᠠᠭᠠᠷᠳᠠᠯᠭᠠ ᠪᠤᠯᠤᠨ ᠪᠡᠯᠴᠢᠭᠡᠷ ᠤᠨ ᠲᠠᠭᠠᠭᠠᠴᠠ ᠤᠨ ᠬᠢᠵᠠᠭᠠᠷ ᠠᠴᠠ ᠪᠤᠯᠵᠤ ᠨᠢᠭᠡ | ᠬᠡᠰᠡᠭ ᠢ ᠭᠠᠳᠠᠬᠰᠢ ᠬᠤᠳᠠᠯᠳᠤᠵᠡᠢ᠃ ᠲᠦᠮᠡᠨᠨᠠᠰᠤᠨ ᠰᠠᠷᠠᠨᠴᠡᠴᠡᠭ ᠬᠤᠶᠠᠭᠤᠯᠠ ᠬᠤᠶᠠᠷ ᠬᠦᠦ ᠬᠤᠶᠠᠷ ᠦᠬᠢᠨ ᠲᠠᠢ | ᠂ ᠲᠡᠳᠡᠭᠡᠷ ᠠᠴᠠ ᠭᠤᠷᠪᠠᠨ ᠬᠡᠤᠬᠡᠳ ᠨᠢ ᠬᠦᠳᠡᠭᠡ ᠮᠠᠯ ᠮᠠᠯᠵᠢᠵᠤ᠂ ᠤᠨᠴᠠᠭᠠᠢᠢᠯᠠᠨ ᠪᠠᠭᠠ ᠬᠦᠦ ᠡᠷᠳᠡᠮᠳᠦ ᠨᠢ ᠠᠪᠤ | ᠡᠵᠢ ᠲᠠᠢ ᠪᠠᠨ ᠬᠠᠮᠳᠤ ᠪᠠᠶᠢᠳᠠᠭ ᠠᠴᠠ ᠠᠪᠤ ᠶᠢᠨ ᠢᠶᠠᠨ ᠲᠡᠮᠡᠭᠡ ᠮᠠᠯᠵᠢᠬᠤ ᠤᠷᠠ ᠤᠬᠠᠭᠠᠨ᠂ ᠠᠷᠭᠠ ᠲᠤᠷᠰᠢᠯᠭᠠ | ᠪᠤᠯᠤᠨ ᠤᠷᠤᠯᠳᠤᠭᠠᠨ ᠤ ᠠᠳᠠ ᠰᠤᠩᠭᠤᠵᠤ ᠰᠢᠯᠢᠬᠦ᠂ ᠤᠶᠠᠵᠤ ᠰᠦᠢᠬᠤ᠂ ᠤᠷᠤᠯᠳᠤᠭᠠᠨ ᠳᠤ ᠤᠨᠤᠬᠤ | ᠮᠡᠷᠭᠡᠵᠢᠯ ᠢ ᠪᠦᠬᠦᠨ ᠢ ᠰᠤᠷᠴᠤ ᠠᠪᠤᠬᠰᠠᠨ ᠢᠶᠠᠷ ᠢᠶᠠᠨ ᠠᠪᠤ ᠶᠢᠨ ᠠᠯᠳᠠᠷ᠂ ᠨᠤᠳᠤᠭ ᠤᠨ ᠨᠡᠷᠡ ᠶᠢ ᠡᠷᠭᠦᠵᠤ᠂ | ᠤᠷᠤᠯᠳᠤᠭᠠᠨ ᠨᠠᠭᠠᠳᠤᠮ ᠪᠦᠷᠢ ᠳᠤ ᠱᠠᠩ ᠲᠤᠰᠴᠤ ᠨᠡᠶᠢᠳᠡ ᠤᠯᠠᠨ ᠳᠠᠭᠠᠨ ᠲᠠᠨᠢᠬᠳᠠᠵᠤ ᠶᠠᠪᠤᠨᠠ᠃ | | | | | | | | | ᠰᠡᠴᠡᠨᠪᠠᠳᠤ ᠰᠡᠴᠡᠨ ᠪᠠᠭᠠᠨᠠ ᠪᠤᠯᠤᠷᠰᠤᠪᠤᠳ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |