| | ᠰᠢᠨᠡ ᠲᠦᠷᠦᠭᠰᠡᠨ ᠮᠠᠯ ᠤᠨ ᠣᠭᠤᠷᠠᠭ ᠢ ᠰᠠᠭᠠᠵᠣ ᠠᠪᠣᠭᠠᠳ ᠠᠶᠠᠭᠠ ᠳᠤ ᠬᠢᠵᠣ ᠬᠠᠶᠢᠰᠣ ᠲᠠᠢ ᠣᠰᠣᠨ | ᠲᠣᠳᠣᠷᠠ ᠲᠠᠯᠪᠢᠭᠠᠳ ᠵᠢᠩᠨᠡᠬᠦ ᠪᠣᠶᠣ ᠡᠰᠡᠭᠡᠵᠣ ᠭᠤᠯᠣᠭᠠᠢ ᠳᠤ ᠴᠢᠳᠬᠤᠭᠠᠳ ᠣᠰᠣᠨ ᠳᠣᠲᠣᠷᠠ ᠪᠤᠴᠠᠯᠭᠠᠪᠠᠯ | ᠬᠦᠰᠢᠵᠣ ᠣᠳᠳᠠᠭ᠃ ᠡᠭᠦᠨ ᠢ ᠢᠳᠡᠬᠦ ᠳᠤ ᠬᠦᠳᠦᠦ ︵ᠢᠯᠡᠭᠦᠦ︶ ᠰᠠᠶᠢᠬᠠᠨ ᠠᠮᠳᠠ ᠲᠠᠢ ᠪᠣᠯᠳᠠᠭ ᠲᠣᠯᠠ ᠪᠠᠭᠠ | ᠬᠦᠪᠡᠭᠦᠳ ᠪᠣᠯᠣᠨ ᠨᠠᠰᠣᠲᠠᠢ ᠬᠦᠮᠦᠰ ᠲᠤ ᠬᠢᠵᠣ ᠢᠳᠡᠭᠦᠯᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ | ᠣᠭᠤᠷᠠᠭ ᠨᠢ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠮᠠᠰᠢ ᠦᠨᠳᠦᠷ ᠵᠦᠢᠯ ᠪᠣᠯᠬᠤ ᠲᠣᠯᠠ ᠲᠡᠭᠦᠨ ᠢ ᠣᠭᠲᠣ ᠦᠷᠡᠭᠡᠳᠡᠭ | ᠦᠭᠡᠢ ᠪᠦᠭᠡᠳ ᠬᠦᠰᠢᠭᠡᠵᠣ ᠢᠳᠡᠬᠦ ᠠᠴᠠ ᠭᠠᠵᠠᠭᠠ ᠪᠠᠰᠠ ᠴᠢ ᠰᠦᠯᠡᠵᠣ ᠣᠣᠭᠤᠳᠠᠭ ᠪᠣᠶᠣ ᠰᠢᠭᠤᠳ | ᠪᠤᠴᠠᠯᠭᠠᠵᠣ ᠬᠦᠰᠢᠭᠡᠭᠡᠳ ᠢᠳᠡᠬᠦ ᠶᠠᠪᠣᠳᠠᠯ ᠴᠦ ᠪᠠᠶᠢᠳᠠᠭ ᠶᠣᠮ᠃ ᠠᠩᠬᠠᠨ ᠤ ᠣᠭᠤᠷᠠᠭ ᠢᠶᠠᠷ ᠴᠠᠢ ᠰᠦᠯᠡᠬᠦ | ᠳᠡᠭᠡᠨ ᠬᠠᠵᠠᠭᠤ ᠬᠠᠪᠢᠷᠭᠠ ᠶᠢᠨ ᠬᠤᠰᠢᠶᠠ ᠠᠶᠢᠯ ᠤᠨ ᠨᠠᠰᠣᠳᠠᠨ ᠢ ᠲᠠᠭᠤᠳᠠᠵᠣ ᠦᠭᠳᠡᠭ ᠪᠦᠭᠡᠳ ᠲᠡᠳᠡᠨ ᠠᠴᠠ | ᠢᠷᠦᠭᠡᠯ ᠠᠪᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠵᠦᠪᠬᠡᠨ ᠴᠠᠢ ᠦᠭᠬᠦ ᠶᠢᠨ ᠲᠡᠳᠦᠢ ᠠᠭᠤᠯᠭᠠ ᠲᠠᠢ ᠪᠢᠰᠢ᠂ | ᠬᠠᠷᠢᠨ ᠡᠨᠡ ᠠᠶᠢᠯ ᠤᠨ ᠮᠠᠯ ᠲᠦᠯᠡᠯᠵᠣ ᠡᠬᠢᠯᠡᠭᠰᠡᠨ ᠪᠠ ᠰᠠᠭᠠᠯᠢ ᠲᠠᠢ ᠪᠣᠯᠣᠭᠰᠠᠨ ᠤ ᠲᠡᠭᠡᠵᠢ ᠶᠢ ᠪᠠᠷᠢᠵᠣ ᠪᠠᠶᠢᠬᠤ | ᠶᠠᠪᠣᠳᠠᠯ ᠪᠦᠭᠡᠳ ᠲᠦᠯ ᠨᠢ ᠣᠯᠠᠮ ᠣᠯᠠᠨ ᠪᠣᠯᠬᠤ ᠶᠢ ᠢᠷᠦᠯᠠᠨ ᠪᠡᠯᠭᠡᠳᠡᠵᠣ ᠪᠠᠶᠢᠭᠠ ᠵᠠᠩ ᠪᠣᠯᠬᠤ ᠶᠣᠮ᠃ ᠡᠶᠢᠮᠦ | ᠠᠴᠠ ᠵᠠᠷᠢᠮ ᠠᠶᠢᠯ ᠦᠬᠡᠷ ᠨᠢ ᠡᠪᠦᠯ ᠢᠶᠠᠷ ᠲᠦᠷᠦᠬᠦ ᠪᠣᠶᠣ ᠬᠠᠪᠣᠷ ᠢᠶᠠᠷ ᠡᠷᠳᠡ ᠲᠦᠷᠦᠭᠰᠡᠨ ᠪᠣᠯᠪᠠᠯ ᠡᠬᠢᠨ ᠤ | ᠣᠭᠤᠷᠠᠭ ᠢ ᠨᠢ ᠰᠠᠭᠠᠭᠠᠳ ᠬᠦᠷᠣᠭᠡᠭᠡᠵᠣ ᠣᠷᠬᠢᠭᠠᠳ ᠰᠠᠶᠢᠨ ᠰᠠᠶᠢᠬᠠᠨ ᠶᠠᠪᠣᠯᠴᠠᠳᠠᠭ ᠠᠶᠢᠯ ᠪᠣᠯᠣᠨ ᠦᠪᠡᠷ ᠤᠨ | ᠬᠡᠣᠬᠡᠨ ᠬᠦᠷᠭᠡᠨ ᠬᠦᠪᠡᠭᠦᠨ ᠪᠡᠷᠢ ᠪᠣᠯᠣᠨ ᠬᠠᠮᠤᠭ ᠤᠨ ᠬᠦᠨᠳᠦᠳᠡᠢ ᠲᠦᠷᠦᠯ ᠰᠠᠳᠣᠨ ᠳᠠᠭᠠᠨ ᠬᠦᠷᠭᠡᠬᠦ ᠪᠣᠶᠣ | ᠬᠤᠯᠠ ᠪᠠᠶᠢᠪᠠᠯ ᠦᠭᠭᠦᠭᠦᠯᠬᠦ ᠶᠠᠪᠣᠳᠠᠯ ᠴᠦ ᠪᠠᠶᠢᠳᠠᠭ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |