| ᠦᠭᠦᠴᠡᠯᠡᠵᠣ ᠬᠠᠳᠠᠭᠠᠯᠠᠬᠤ ᠠᠷᠭᠠ ᠪᠣᠯᠪᠠᠯ ᠭᠤᠣᠯᠳᠠᠭᠤ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠠᠯᠠᠭᠰᠠᠨ ᠦᠭᠡᠷ ᠤᠨ ᠢᠶᠠᠨ | ᠮᠢᠬᠠ ᠶᠢ ᠰᠢᠨᠠ ᠰᠣᠷᠭᠤᠭ ᠢᠶᠠᠷ ᠨᠢ ᠬᠦᠷᠦᠭᠡᠭᠡᠵᠣ ︵ᠭᠦᠯᠳᠡᠭᠡᠵᠣ︶ ᠤᠳᠠᠭᠠᠨ ᠬᠠᠳᠠᠭᠠᠯᠠᠬᠤ ᠭᠤᠣᠯ ᠠᠷᠭᠠ ᠶᠢᠨ | ᠨᠢᠭᠡᠨ ᠪᠣᠯᠬᠤ ᠶᠣᠮ᠃ ᠦᠬᠡᠷ ᠤᠨ ᠮᠢᠬᠠ ᠶᠢ ᠦᠭᠦᠴᠡᠯᠡᠬᠦ ᠳᠤ ᠠᠯᠠᠭᠰᠠᠨ ᠦᠬᠡᠷ ᠤᠨ ᠢᠶᠠᠨ ᠡᠪᠴᠢᠭᠦᠨ ᠪᠣᠯᠣᠨ | ᠣᠭᠤᠴᠠ ᠶᠢ ᠨᠢ ᠡᠪᠳᠡᠬᠦ ᠦᠭᠡᠢ ᠪᠠᠷ ᠦᠷᠭᠦᠢ ︵ᠪᠦᠬᠦᠯᠢ︶ ᠳᠤᠨᠢ ᠠᠪᠴᠣ᠂ ᠣᠭᠤᠴᠠ ᠲᠣᠳᠣᠷᠠ ᠪᠠᠨ | ᠦᠭᠦᠴᠡᠯᠡᠬᠦ ᠪᠠᠷ ᠪᠡᠯᠡᠳᠭᠡᠭᠰᠡᠨ ᠪᠦᠬᠦᠯᠢ ᠮᠢᠬᠠᠨ ᠪᠣᠯᠣᠨ ᠰᠡᠭᠡᠷ ᠬᠠᠪᠢᠰᠦᠨ᠂ ᠨᠠᠷᠢᠨ ᠭᠡᠳᠡᠰᠣ᠂ ᠬᠢᠮᠠ᠂ ᠭᠤᠣᠯ | ᠤᠨ ᠮᠢᠬᠠᠨ᠂ ᠬᠦᠵᠦᠭᠦᠨ ᠤ ᠮᠢᠬᠠᠨ ᠵᠡᠷᠭᠡ ᠵᠦᠢᠯ ᠠᠴᠠ ᠲᠠᠯᠪᠢᠵᠣ᠂ ᠲᠡᠭᠡᠷᠡ ᠠᠴᠠ ᠨᠢ ᠡᠪᠴᠢᠭᠦᠦ ᠬᠤᠴᠢᠵᠣ | ᠣᠷᠢᠶᠠᠭᠠᠳ ᠲᠦᠷᠦᠯᠡᠵᠣ ᠤᠶᠠᠭᠠᠳ ᠬᠦᠷᠦᠭᠡᠭᠡᠵᠣ ᠲᠠᠯᠪᠢᠬᠤ ᠶᠢ ᠬᠡᠯᠡᠳᠡᠭ᠃ ᠡᠨᠡ ᠬᠦ ᠦᠭᠦᠴᠡᠯᠡᠭᠰᠡᠨ ᠮᠢᠬᠠ ᠶᠢ | ᠪᠠᠨ ᠡᠪᠣᠯ ᠳᠤ ᠢᠳᠡᠬᠦ ᠪᠢᠰᠢ᠂ ᠬᠠᠷᠢᠨ ᠴᠠᠭᠠᠨ ᠰᠠᠷᠠ ᠪᠣᠶᠣ ᠴᠠᠭᠠᠨ ᠠᠴᠠ ᠬᠤᠶᠢᠷᠣ ᠲᠠᠳᠠᠵᠣ ᠢᠳᠡᠳᠡᠭ ᠪᠠᠶᠢᠯᠠ᠃ | ᠵᠠᠷᠢᠮ ᠨᠢ ᠦᠭᠦᠴᠡ ᠬᠢᠬᠦ ᠳᠡᠭᠡᠨ ᠡᠪᠴᠢᠭᠦᠨ ᠪᠣᠯᠣᠨ ᠤᠭᠤᠴᠠ ᠪᠠᠷ ᠬᠤᠶᠠᠷ ᠦᠭᠦᠴᠡ ᠬᠢᠵᠣ ᠬᠠᠳᠠᠭᠠᠯᠠᠳᠠᠭ ᠪᠠ | ᠣᠷᠢᠳ ᠢᠶᠠᠷ ᠡᠪᠴᠢᠭᠦᠦ ᠪᠠᠷ ᠣᠷᠢᠶᠠᠭᠰᠠᠨ ᠦᠭᠦᠴᠡ ᠪᠠᠨ ᠲᠡᠳᠠᠵᠣ᠂ ᠴᠠᠭᠠᠨ ᠰᠠᠷᠠ ᠠᠴᠠ ᠬᠤᠶᠢᠷᠣ ᠣᠭᠤᠴᠠ | ᠪᠠᠷ ᠪᠠᠭᠯᠠᠭᠰᠠᠨ ᠦᠭᠦᠴᠡ ᠪᠠᠨ ᠲᠠᠳᠠᠳᠠᠭ ᠵᠠᠩᠰᠢᠯ ᠲᠠᠢ᠃ | ᠭᠡᠳᠡᠯᠡ ᠡᠪᠣᠯ ᠤᠨ ᠢᠳᠡᠰᠢ ᠳᠤ ᠠᠯᠠᠭᠰᠠᠨ ᠦᠬᠡᠷ ᠤᠨ ᠮᠢᠬᠠ ᠶᠢ ᠪᠦᠭᠦᠳᠡ ᠶᠢ ᠨᠢ ᠦᠭᠦᠴᠡᠯᠡᠬᠦ ᠪᠢᠰᠢ᠂ | ᠬᠠᠷᠢᠨ ᠲᠡᠭᠦᠨ ᠤ ᠲᠣᠳᠣᠷᠠ ᠠᠴᠠ ᠢᠳᠡᠬᠦ ᠵᠥᠪᠳᠡᠢ ᠮᠢᠬᠠ ᠪᠠᠨ ᠦᠯᠡᠳᠡᠭᠡᠬᠦ ᠶᠢᠨ ᠬᠠᠮᠲᠣ ᠪᠠᠰᠠ ᠠᠭᠤᠰᠬᠢ᠂ | ᠭᠦᠵᠡᠭᠡᠨ᠂ ᠦᠷᠣ ᠮᠢᠬᠠᠨ᠂ ᠨᠠᠷᠢᠨ ᠭᠡᠳᠡᠰᠦᠨ᠂ ᠬᠢᠮᠠ ᠵᠡᠷᠭᠡ ᠠᠴᠠ ᠢᠯᠭᠠᠨ ᠠᠪᠴᠣ ᠨᠠᠷᠢᠨ ᠤᠳᠠᠰᠣ ᠪᠠᠷ | ᠭᠤᠭᠴᠣᠭᠠᠯᠠᠵᠣ ᠨᠢᠭᠡ ᠬᠡᠯᠬᠢᠶᠡ ᠲᠣᠳᠣᠷ ᠪᠣᠯᠭᠠᠵᠣ ᠢᠯᠠ ᠬᠠᠳᠠᠭᠠᠯᠠᠳᠠᠭ᠃ ᠡᠨᠡ ᠮᠡᠳᠦ ᠪᠠᠷ ᠣᠯᠠᠨ ᠬᠡᠯᠬᠢᠶᠠ | ᠮᠢᠬᠠ ᠬᠢᠵᠣ ᠬᠦᠷᠦᠭᠡᠭᠡᠵᠣ ᠲᠠᠯᠪᠢᠭᠠᠳ ᠨᠢᠵᠡᠭᠡᠳ ᠬᠡᠯᠬᠢᠶᠡ ᠪᠠᠷ ᠢᠳᠡᠬᠦ ᠪᠣᠶᠣ ᠣᠶᠢᠷᠠ ᠰᠠᠳᠣᠨ ᠲᠦᠷᠦᠯ ᠬᠦᠮᠦᠰ | ᠲᠡᠭᠡᠨ ᠬᠦᠷᠭᠡᠳᠡᠭ᠃ ᠡᠶᠢᠭᠡᠵᠣ ᠲᠣᠳᠣᠷ ᠮᠢᠬᠠ ᠶᠢ ᠬᠡᠯᠬᠢᠵᠣ ᠲᠠᠯᠪᠢᠬᠤ ᠪᠠᠨ ︽ᠲᠣᠳᠣᠷ ᠬᠡᠯᠬᠢᠬᠦ︾ ᠭᠡᠵᠣ | ᠬᠡᠯᠡᠳᠡᠭ᠃ | ᠴᠠᠭᠠᠨ ᠰᠠᠷᠠ ᠠᠴᠠ ᠬᠤᠶᠢᠰᠢ ᠠᠶᠢᠯ ᠪᠣᠯᠭᠠᠨ ᠦᠭᠦᠴᠡ ᠪᠠᠨ ᠳᠠᠳᠠᠳᠠᠭ ᠲᠣᠯᠠ ᠵᠠᠷᠢᠮ ᠨᠢ ᠴᠠᠭᠠᠨ ᠤ ᠴᠠᠢ | ᠦᠭᠬᠦ ᠦᠶᠡ ᠳᠤ ᠪᠠᠨ ᠲᠠᠳᠠᠵᠣ ᠦᠭᠦᠴᠡ ᠲᠠᠳᠠᠭᠰᠠᠨ ᠶᠣᠰᠣᠯᠠᠯ ᠤᠨ ᠬᠠᠮᠲᠣ ᠣᠶᠢᠷᠠ ᠬᠤᠰᠢᠶᠠ ᠠᠬᠠ ᠲᠡᠭᠦᠦ | ᠨᠠᠷ ᠲᠡᠭᠡᠨ ᠴᠠᠢ ᠦᠭᠴᠦ ᠨᠠᠶᠢᠷ ᠬᠢᠳᠡᠭ᠃ ᠲᠡᠭᠡᠬᠦ ᠳᠡᠭᠡᠨ ᠵᠠᠷᠢᠮ ᠨᠢ ᠲᠣᠰᠬᠠᠢ ᠦᠬᠦᠴᠡ ᠳᠠᠳᠠᠭᠰᠠᠨ ᠲᠡᠷᠡ ᠡᠳᠦᠷ | ᠢᠶᠠᠨ ᠠᠶᠢᠯ ᠬᠤᠰᠢᠶᠠ ᠬᠦᠮᠦᠰ ᠢᠶᠠᠨ ᠲᠠᠭᠤᠳᠠᠵᠣ ᠦᠬᠦᠴᠡ ᠠᠴᠠ ᠭᠠᠷᠭᠠᠭᠰᠠᠨ ᠮᠢᠬᠠ ᠪᠠᠨ ᠴᠢᠨᠠᠵᠣ ᠴᠠᠶᠢᠯᠠᠯᠭᠠ | ᠬᠢᠵᠣ ᠨᠠᠶᠢᠷᠯᠠᠳᠠᠭ᠃ ᠵᠢᠯ ᠪᠦᠷᠢ ᠬᠡᠨ ᠨᠢᠭᠡ ᠨᠢ ᠦᠭᠦᠴᠡ ᠪᠠᠨ ᠲᠠᠳᠠᠬᠤ ᠳᠠᠭᠠᠨ ᠠᠶᠢᠯ ᠬᠤᠰᠢᠶᠠ ᠪᠣᠶᠣ ᠰᠠᠶᠢᠨ | ᠰᠠᠶᠢᠬᠠᠨ ᠶᠠᠪᠣᠯᠴᠠᠵᠣ ᠪᠠᠶᠢᠭᠰᠠᠨ ᠣᠯᠣᠰ ᠢᠶᠠᠨ ᠲᠠᠭᠤᠳᠠᠬᠤ ᠦᠭᠡᠢ ᠪᠣᠯᠪᠠᠯ ︽ᠦᠭᠦᠴᠡ ᠪᠠᠨ ᠳᠠᠳᠠᠬᠤ ᠳᠠᠭᠠᠨ | ᠨᠠᠮᠠᠢᠢ ᠶᠠᠭᠤᠨ ᠳᠤ ᠲᠠᠭᠤᠳᠠᠭᠰᠠᠨ ᠦᠭᠡᠢ ᠪᠣᠢ ᠴᠢ︾ ᠭᠡᠵᠣ ᠣᠢ ᠭᠤᠮᠣᠳᠠᠯ ᠬᠡᠯᠡᠳᠡᠭ ᠶᠠᠪᠣᠳᠠᠯ ᠪᠠᠶᠢᠳᠠᠭ᠃ | ᠡᠶᠢᠮᠦ ᠠᠴᠠ ᠦᠭᠦᠴᠡ ᠳᠠᠳᠠᠭᠰᠠᠨ ᠠᠶᠢᠯ ᠴᠦ ᠬᠤᠰᠢᠶᠠ ᠬᠦᠮᠦᠰ ᠢᠶᠠᠨ ᠴᠢᠳᠠᠬᠤ ᠶᠢᠨ ᠲᠣᠳᠣᠷᠠ ᠬᠠᠶᠠᠬᠤ ᠦᠭᠡᠢ | ᠲᠠᠭᠤᠳᠠᠳᠠᠭ ᠪᠠ ᠢᠯᠠᠩᠭᠤᠶᠠ ᠬᠦᠬᠦᠬᠦᠯ ᠡᠮᠡᠭᠲᠡᠢ ᠶᠢ ᠶᠠᠭᠠᠬᠢᠭᠰᠠᠨ ᠴᠦ ᠬᠠᠶᠠᠵᠣ ᠪᠣᠯᠳᠠᠭ ᠦᠭᠡᠢ᠃ |