| ᠬᠠᠳᠠᠭᠠᠵᠣ ᠬᠠᠳᠠᠭᠠᠯᠠᠬᠤ ᠭᠡᠳᠡᠭ ᠨᠢ ᠪᠣᠯᠪᠠᠯ ᠠᠯᠠᠭᠰᠠᠨ ᠠᠩ ᠪᠣᠶᠣ ᠮᠠᠯ ᠤᠨ ᠴᠣᠯ ᠮᠢᠬᠠ ᠶᠢ ᠰᠡᠭᠦᠳᠡᠷ | ᠭᠠᠵᠠᠷ ᠲᠤ ᠡᠯᠭᠦᠵᠣ ᠬᠠᠳᠠᠭᠠᠬᠤ ᠶᠢ ᠬᠡᠯᠡᠳᠡᠭ ᠪᠠᠶᠢᠯᠠ᠃ ᠮᠢᠬᠠ ᠬᠠᠳᠠᠭᠠᠬᠤ ᠠᠷᠭᠠ ᠶᠢ ᠶᠠᠮᠠᠷ ᠴᠦ ᠤᠯᠠᠷᠢᠯ ᠳᠤ | ᠪᠦᠷ ᠬᠡᠷᠡᠭᠯᠡᠳᠡᠭ ᠪᠠ ᠴᠠᠭ ᠠᠭᠠᠷ ᠪᠣᠯᠣᠨ ᠠᠭᠤᠷ ᠠᠮᠢᠰᠬᠤᠯ ᠤᠨ ᠪᠠᠶᠢᠳᠠᠯ ᠳᠤ ᠲᠣᠬᠢᠷᠠᠭᠤᠯᠣᠨ ᠣᠯᠠᠨ ᠵᠦᠢᠯ ᠢᠶᠠᠷ | ᠬᠠᠳᠠᠭᠠᠳᠠᠭ᠃ ᠡᠳᠡᠭᠡᠷ ᠮᠢᠬᠠ ᠬᠠᠳᠠᠭᠠᠬᠤ ᠠᠷᠭᠠ ᠳᠤ ︽ᠪᠣᠷᠴᠠᠯᠠᠵᠣ ᠬᠠᠳᠠᠭᠠᠬᠤ︾᠂ ︽ᠢᠷᠡᠵᠣ ᠬᠠᠳᠠᠭᠠᠬᠤ︾᠂ | ︽ᠣᠳᠣᠵᠣ ᠬᠠᠳᠠᠭᠠᠬᠤ︾᠂ ︽ᠣᠷᠢᠨᠠᠭᠤᠯᠵᠣ ᠬᠠᠳᠠᠭᠠᠬᠤ︾᠂ ︽ᠪᠦᠬᠦᠯᠢ ᠠᠪᠷ ᠬᠠᠳᠠᠭᠠᠬᠤ︾᠂ ︽ | ᠰᠣᠷᠯᠠᠵᠣ ᠬᠠᠳᠠᠭᠠᠬᠤ︾᠂ ︽ᠵᠦᠷᠮᠡ ᠬᠢᠵᠣ ᠬᠠᠳᠠᠭᠠᠬᠤ︾ ᠮᠡᠳᠦ ᠠᠷᠭᠠ ᠪᠠᠶᠢᠳᠠᠭ᠃ | ᠪᠣᠷᠴᠠᠯᠠᠵᠣ ᠬᠠᠳᠠᠭᠠᠬᠤ ᠭᠡᠳᠡᠭ ᠨᠢ ᠵᠣᠨ ᠤ ᠴᠠᠭ ᠲᠤ ᠭᠠᠷᠭᠠᠭᠰᠠᠨ ᠮᠠᠯ ᠤᠨ ᠢᠶᠠᠨ ᠮᠢᠬᠠ ᠶᠢ ᠡᠪᠳᠡᠵᠣ | ᠮᠢᠬᠠᠨ ᠪᠣᠯᠣᠨ ᠶᠠᠰᠣ ᠶᠢ ᠨᠢ ᠰᠠᠯᠭᠠᠭᠠᠳ ᠦᠭᠡᠭᠦᠨ ᠪᠣᠷᠣ ᠶᠢ ᠨᠢ ᠲᠡᠩᠴᠡᠭᠦᠯᠦᠨ ᠨᠠᠷᠢᠨ ᠢᠶᠠᠷ ᠵᠦᠰᠦᠵᠣ ᠲᠡᠭᠡᠷᠡ | ᠨᠢ ᠪᠠᠭᠠ ᠬᠡᠮᠵᠢᠶᠠᠨ ᠤ ᠲᠠᠪᠣᠰᠣ ᠴᠠᠴᠤᠵᠤ ᠲᠠᠷᠣᠳᠠᠭ ᠪᠠ ᠲᠠᠪᠣᠰᠣ ᠨᠢ ᠮᠢᠬᠠᠨ ᠳᠤ ᠪᠠᠨ ᠨᠠᠪᠳᠠ ᠰᠢᠩᠭᠡᠭᠰᠡᠨ ᠠᠴᠠ | ᠬᠤᠶᠢᠷᠣ ᠭᠡᠷ ᠲᠣᠳᠣᠷᠠ ᠪᠣᠶᠣ ᠭᠠᠵᠠᠭᠠ ᠮᠣᠳᠣ ᠲᠠᠮᠨᠠᠬᠤ ᠪᠣᠶᠣ ᠲᠡᠭᠡᠰᠦ ᠲᠠᠳᠠᠵᠣ ᠣᠷᠬᠢᠭᠠᠳ ᠲᠡᠭᠦᠨ ᠳᠤ | ᠡᠯᠭᠦᠵᠣ ᠬᠠᠳᠠᠭᠠᠵᠣ ᠠᠪᠬᠤ ᠪᠠᠨ ᠬᠡᠯᠡᠳᠡᠭ᠃ | ᠢᠷᠡᠵᠣ ᠬᠠᠳᠠᠭᠠᠬᠤ ᠭᠡᠳᠡᠭ ᠨᠢ ᠪᠣᠯᠪᠠᠯ ᠠᠩ ᠤᠨ ᠪᠠ ᠮᠠᠯ ᠤᠨ ᠮᠥᠴᠢᠯᠡᠨ ᠰᠠᠯᠭᠠᠭᠰᠠᠨ ᠮᠢᠬᠠ ᠶᠢ ᠪᠠᠨ | ᠶᠠᠰᠣᠨ ᠠᠴᠠ ᠨᠢ ᠲᠣᠰ ᠲᠣᠰ ᠰᠠᠯᠭᠠᠵᠣ ᠠᠪᠣᠭᠠᠳ ᠲᠡᠷᠡ ᠶᠣᠰᠣᠨ ᠳᠤᠨᠢ ᠪᠦᠬᠦᠯᠢ ᠪᠠᠷ ᠢᠷᠡᠵᠣ ᠵᠣᠬᠢᠬᠤ | ᠬᠡᠮᠵᠢᠶᠠᠨ ᠤ ᠲᠠᠪᠣᠰᠣ ᠴᠠᠴᠣᠵᠣ ᠠᠮᠠᠭᠠᠯᠵᠢ ᠪᠣᠶᠣ ᠣᠷᠳᠣ ᠮᠣᠳᠣᠨ ᠲᠡᠭᠡᠷᠡ ᠲᠡᠮᠨᠠᠵᠣ ᠬᠠᠳᠠᠭᠠᠬᠤ ᠶᠢ ᠬᠡᠯᠡᠳᠡᠭ᠃ | ᠲᠠᠷᠪᠠᠭᠠ ᠶᠢᠨ ᠮᠢᠬᠠ ᠶᠢ ᠪᠦᠬᠦᠯᠢ ᠪᠠᠷ ᠨᠢ ᠢᠷᠡᠵᠣ ᠲᠡᠷᠡᠮ ᠤᠨ ᠲᠣᠯᠣᠭᠠᠢ ᠠᠴᠠ ᠡᠯᠭᠦᠵᠣ ᠬᠠᠳᠠᠭᠠᠵᠣ ᠠᠪᠳᠠᠭ᠃ | ᠣᠳᠣᠵᠣ ᠬᠠᠳᠠᠭᠠᠬᠤ ᠭᠡᠳᠡᠭ ᠨᠢ ᠮᠠᠯ ᠤᠨ ᠮᠢᠬᠠ ᠶᠢ ᠦᠶᠡᠯᠡᠨ ᠰᠠᠯᠭᠠᠵᠣ᠂ ᠪᠣᠷᠣ ᠮᠢᠬᠠᠰ ᠢ ᠨᠢ ᠢᠷᠡᠵᠣ ᠪᠠᠭᠠ | ᠵᠡᠷᠭᠡ ᠶᠢᠨ ᠲᠠᠪᠣᠰᠣ ᠴᠠᠴᠣᠵᠣ ᠪᠠᠷᠢᠭᠠ ᠭᠡᠷ ᠤᠨ ᠡᠷᠣᠬᠡ ᠶᠢᠨ ᠲᠣᠣᠷᠠᠳᠣ ᠪᠠᠶᠠ ᠪᠠᠷ ᠡᠷᠭᠢᠭᠦᠯᠦᠨ ᠡᠯᠭᠦᠵᠣ | ᠰᠢᠭᠦᠰᠦ ᠨᠢ ᠬᠠᠳᠠᠵᠣ ᠮᠣᠳᠣᠰᠢᠬᠤ ᠬᠦᠷᠳᠡᠯᠡ ᠨᠢ ᠬᠠᠳᠠᠭᠠᠳᠠᠭ᠃ ᠡᠶᠢᠭᠡᠵᠣ ᠬᠠᠳᠠᠭᠠᠬᠤ ᠳᠤ ᠲᠣᠣᠷᠠ ᠨᠢ | ᠲᠦᠯᠡᠭᠰᠡᠨ ᠭᠠᠯ ᠤᠨ ᠣᠳᠤᠭᠠ ᠰᠢᠩᠭᠡᠵᠣ ᠬᠠᠳᠠᠳᠠᠭ ᠪᠣᠯᠬᠤᠷ ᠠᠮᠳᠠ ᠨᠢ ᠮᠠᠰᠢ ᠰᠠᠶᠢᠬᠠᠨ ᠪᠣᠯᠳᠠᠭ ᠪᠦᠭᠡᠳ | ᠣᠭᠤᠳᠠ ᠳᠤ ᠬᠢᠵᠣ ᠬᠠᠭᠤᠷᠠᠢ ᠭᠠᠵᠠᠷ ᠲᠤ ᠤᠳᠠᠭᠠᠨ ᠬᠠᠳᠠᠭᠠᠯᠠᠵᠣ ᠪᠣᠯᠳᠠᠭ ᠣᠨᠴᠠᠯᠢᠭ ᠲᠠᠢ ᠶᠣᠮ᠃ ᠵᠠᠷᠢᠮ | ᠠᠶᠢᠯ ᠨᠢ ᠡᠪᠦᠯ ᠢᠶᠠᠷ ᠦᠬᠡᠷ ᠠᠯᠠᠵᠣ ᠪᠦᠬᠦ ᠮᠢᠬᠠ ᠶᠢ ᠨᠢ ᠡᠨᠡ ᠮᠡᠳᠦ ᠬᠠᠳᠠᠭᠠᠵᠣ ᠠᠪᠳᠠᠭ ᠪᠠ ᠲᠠᠷᠠᠭᠠ ᠵᠢᠯ ᠤᠨ | ᠬᠢᠨᠢ ᠬᠠᠪᠣᠷ ᠪᠣᠯᠣᠨ ᠵᠣᠨ ᠳᠤ ᠢᠳᠡᠳᠡᠭ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |