| ᠪᠣᠳᠠ ᠮᠠᠯ ᠤᠨ ᠲᠣᠳᠣᠷᠠ ᠠᠴᠠ ᠦᠬᠡᠷ ᠤᠨ ᠲᠣᠯᠣᠭᠠᠢ ᠶᠢ ᠰᠢᠭᠤᠳ ᠠᠷᠠᠰᠣ ᠶᠢ ᠨᠢ ᠦᠪᠴᠢᠵᠣ | ᠠᠪᠣᠭᠠᠳ ᠡᠷᠡᠣ ᠶᠢ ᠨᠢ ᠰᠠᠯᠭᠠᠵᠣ ᠬᠤᠶᠠᠷ ᠭᠤᠷᠪᠠᠨ ᠠᠩᠭᠢ ᠬᠢᠬᠡᠳ ᠴᠢᠨᠠᠵᠣ ᠢᠳᠡᠬᠦ ᠪᠣᠶᠣ ᠵᠠᠷᠢᠮ ᠬᠦᠮᠦᠰ | ᠨᠣᠣᠰᠣ ᠶᠢ ᠨᠢ ᠬᠤᠶᠢᠬᠠᠯᠠᠵᠣ ᠣᠷᠬᠢᠭᠠᠳ ᠣᠬᠢᠶᠠᠵᠣ ᠴᠡᠪᠡᠷᠯᠡᠭᠡᠳ ᠲᠣᠯᠣᠭᠠᠢ ᠡᠷᠡᠣ ᠶᠢ ᠨᠢ ᠰᠠᠯᠭᠠᠨ ᠴᠢᠨᠠᠵᠣ | ᠢᠳᠡᠳᠡᠭ᠃ | | ᠰᠢᠭᠢᠷᠡ ᠮᠠᠯ ᠤᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠶᠢ ᠪᠣᠯᠪᠠᠯ ᠮᠦᠨ ᠬᠤᠶᠢᠬᠠᠯᠠᠵᠣ ᠬᠠᠭᠠᠷᠢᠭᠠᠳ ᠬᠠᠯᠠᠭᠤᠨ ᠣᠰᠣᠨ ᠳᠤ | ᠬᠢᠷᠪᠣᠰᠣᠯᠠᠵᠣ ᠴᠡᠪᠡᠷᠯᠡᠭᠡᠳ᠂ ᠲᠣᠯᠣᠭᠠᠢ ᠶᠢᠨ ᠡᠷᠡᠣ ᠶᠢ ᠨᠢ ᠰᠠᠯᠭᠠᠵᠣ ᠬᠤᠶᠠᠷ ᠠᠩᠭᠢᠯᠠᠭᠠᠳ ᠴᠢᠨᠠᠳᠠᠭ ᠪᠠᠶᠢᠯᠠ᠃ | ᠲᠣᠯᠣᠭᠠᠢ ᠰᠢᠭᠢᠷᠡ ᠬᠤᠶᠢᠬᠠᠯᠠᠬᠤ ᠶᠠᠪᠣᠴᠠ ᠨᠢ ᠪᠣᠯᠪᠠᠯ ᠣᠷᠢᠳ ᠢᠶᠠᠷ ᠲᠠᠯᠢᠮ ᠪᠠᠷᠤᠭ ᠲᠠᠢ ᠪᠦᠳᠦᠭᠦᠨ ᠰᠢᠭ | ᠮᠣᠳᠣᠨ ᠱᠣᠷᠣ ᠬᠢᠵᠣ ᠠᠪᠣᠭᠠᠳ ᠲᠡᠭᠦᠨ ᠢ ᠪᠠᠨ ᠲᠣᠯᠣᠭᠠᠢ ᠶᠢᠨ ᠨᠣᠭᠤᠷᠰᠣ ᠪᠠᠷ ᠰᠢᠭᠠᠵᠣ ᠣᠷᠣᠭᠤᠯᠣᠭᠠᠳ ᠭᠠᠯ | ᠲᠡᠭᠡᠷᠡ ᠰᠢᠷᠡᠵᠣ᠂ ᠭᠡᠳᠣ ᠶᠠᠳᠣᠨ ᠰᠠᠭᠠᠮᠠ ᠬᠤᠶᠢᠬᠠᠯᠠᠨ᠂ ᠰᠢᠳᠠᠭᠰᠠᠨ ᠨᠣᠣᠰᠣ ᠦᠰᠦ ᠶᠢ ᠨᠢ ᠬᠢᠳᠤᠭᠠ ᠪᠠᠷ | ᠬᠤᠰᠣᠵᠣ ᠠᠷᠢᠯᠭᠠᠳᠠᠭ ᠪᠠ ᠲᠡᠭᠦᠨ ᠤ ᠬᠠᠵᠠᠭᠤ ᠪᠠᠷ ᠬᠠᠪᠳᠠᠭᠠᠢ ᠪᠣᠶᠣ ᠮᠣᠭᠤᠯᠳᠤᠭ ᠲᠡᠮᠣᠷ ᠰᠢᠯᠡᠭᠡᠪᠦᠷ ᠢ | ᠣᠯᠠᠶᠢᠯᠭᠠᠵᠣ ᠲᠡᠭᠦᠨ ᠢᠶᠠᠷ ᠦᠯᠡᠳᠡᠭᠰᠡᠨ ᠪᠠᠭᠠ ᠰᠠᠭᠠ ᠨᠣᠣᠰᠣ ᠶᠢ ᠨᠢ ᠰᠢᠷᠠᠵᠣ ᠠᠷᠢᠯᠭᠠᠳᠠᠭ᠃ ᠡᠶᠢᠭᠡᠭᠰᠡᠨ ᠤ | ᠲᠠᠷᠠᠭᠠ ᠪᠠᠷ ᠡᠪᠡᠷ ᠲᠠᠢ ᠪᠣᠯᠪᠠᠯ ᠡᠪᠡᠷ ᠢ ᠨᠢ ᠴᠣᠬᠢᠵᠣ ᠬᠠᠶᠠᠳᠠᠭ ᠪᠠ ᠲᠣᠷᠣᠭᠤ ᠶᠢ ᠨᠢ ᠮᠥᠯᠳᠦᠯᠵᠣ ᠬᠠᠶᠠᠭᠠᠳ | ᠬᠠᠯᠠᠭᠤᠨ ᠣᠰᠣᠨ ᠳᠤ ᠬᠢᠷᠪᠣᠰᠣᠯᠠᠵᠣ ᠣᠬᠢᠶᠠᠬᠤ ᠶᠢᠨ ᠲᠠᠭᠠᠣ ᠲᠣᠯᠣᠭᠠᠢ ᠶᠢᠨ ᠪᠠᠭ᠋ᠠᠯᠠᠭᠤᠷ ᠲᠤ ᠪᠠᠶᠢᠬᠤ ᠨᠣᠶᠢᠷ | ᠪᠣᠯᠴᠢᠷᠬᠠᠢ ᠶᠢ ᠨᠢ ᠠᠪᠴᠣ ᠴᠡᠪᠡᠷᠯᠡᠭᠡᠳ᠂ ᠬᠠᠮᠤᠭ ᠤᠨ ᠠᠳᠠᠭ ᠲᠤᠨᠢ ᠡᠷᠡᠣ ᠶᠢ ᠨᠢ ᠰᠠᠯᠭᠠᠵᠣ᠂ ᠲᠠᠬᠢᠨ ᠬᠤᠶᠠᠷ | ᠡᠷᠡᠣ ᠶᠢ ᠨᠢ ᠬᠤᠶᠠᠷ ᠲᠠᠯᠠ ᠨᠢ ᠲᠠᠷᠣᠵᠣ ᠬᠡᠯᠡᠨ ᠤ ᠬᠠᠪᠢᠷᠭᠠ ᠪᠠᠷ ᠲᠠᠭᠠᠭᠤᠯᠣᠨ ᠬᠤᠶᠠᠷ ᠰᠠᠯᠭᠠᠭᠠᠳ ᠴᠢᠨᠠᠳᠠᠭ᠃ | ᠲᠣᠯᠣᠭᠠᠢ ᠰᠢᠭᠢᠷᠡ ᠶᠢ ᠴᠢᠨᠠᠬᠤ ᠳᠤ ᠣᠯᠠᠩᠬᠢ ᠬᠦᠮᠦᠰ ᠨᠢᠭᠡ ᠰᠠᠭᠠᠮᠠ ᠣᠰᠣᠨ ᠳᠤ ᠣᠬᠢᠭᠤᠯᠵᠣ ᠪᠣᠴᠠᠯᠭᠠᠭᠠᠳ᠂ | ᠲᠡᠷᠡ ᠬᠦ ᠬᠢᠷᠪᠣᠰᠣ ᠲᠠᠢ ᠱᠦᠯᠦ ᠶᠢ ᠨᠢ ᠠᠰᠬᠠᠵᠣ ᠬᠠᠶᠠᠭᠠᠳ ᠲᠠᠬᠢᠨ ᠰᠢᠨᠠ ᠣᠰᠣᠨ ᠳᠤ ᠬᠢᠵᠣ ᠴᠢᠨᠠᠳᠠᠭ᠃ | ᠡᠭᠦᠨ ᠢ ᠪᠠᠨ ᠮᠦᠨ ᠬᠢᠷᠪᠣᠰᠣᠯᠠᠬᠤ ᠭᠡᠵᠣ ᠬᠡᠯᠡᠳᠡᠭ ᠪᠦᠭᠡᠳ ᠡᠶᠢᠭᠡᠬᠦ ᠶᠢᠨ ᠣᠴᠢᠷ ᠪᠣᠯᠪᠠᠯ ᠭᠡᠮᠡᠷ ᠱᠦᠯᠦᠨ ᠳᠤᠨᠢ | ᠬᠦᠴᠡ ᠪᠣᠳᠠᠭᠠ ᠬᠢᠬᠦ ᠪᠣᠶᠣ ᠪᠣᠰᠣᠳ ᠲᠦᠷᠦᠯ ᠤᠨ ᠪᠤᠳᠠᠭᠠ ᠬᠢᠵᠣ ᠣᠣᠭᠤᠬᠤ ᠶᠣᠮ ᠪᠣᠯᠪᠠᠯ ᠱᠦᠯᠦᠨ ᠳᠤᠨᠢ | ᠬᠢᠷᠪᠦᠰᠦ ᠶᠢᠨ ᠠᠮᠳᠠ ᠪᠠᠭᠠ ᠪᠣᠯᠳᠠᠭ᠃ | ᠲᠣᠯᠣᠭᠠᠢ ᠰᠢᠭᠢᠷᠡ ᠶᠢ ᠪᠣᠯᠭᠤᠵᠣ ᠢᠳᠡᠬᠦ ᠦᠶᠡ ᠳᠤ ᠴᠢᠬᠢᠨ᠂ ᠬᠡᠯᠡᠨ᠂ ᠲᠠᠩᠨᠠᠢ᠂ ᠰᠢᠭᠢᠷᠡ ᠮᠡᠳᠦ ᠶᠢ | ᠬᠦᠪᠡᠭᠦᠳ ᠲᠤ ᠦᠭᠴᠦ ᠢᠳᠡᠭᠦᠯᠳᠡᠭ᠃ ᠡᠭᠦᠨ ᠳᠤ ︽ᠲᠠᠩᠨᠠᠢ ᠢᠳᠡᠪᠡᠯ ᠣᠷᠠᠨ ᠪᠣᠯᠳᠠᠭ ᠶᠣᠮ︾ ᠭᠡᠳᠡᠭ ᠦᠭᠡ | ᠪᠠᠶᠢᠳᠠᠭ ᠪᠣᠯᠬᠤᠷ ᠲᠠᠩᠨᠠᠢ ᠶᠢ ᠨᠥᠬᠦᠭᠡᠷᠣᠨ ᠬᠦᠪᠡᠭᠦᠳ ᠲᠤ ᠦᠭᠳᠡᠭ ᠪᠦᠭᠡᠳ ᠦᠭᠭᠦ ᠦᠶᠡ ᠳᠡᠭᠡᠨ ᠠᠯᠠᠭᠠ ᠶᠢ | ᠨᠢ ᠲᠡᠯᠭᠡᠭᠦᠯᠵᠣ ᠪᠠᠶᠢᠭᠠᠳ ︽ᠮᠠᠢ᠂ ᠣᠷᠠᠨ ᠪᠣᠯ︕︾ ᠭᠡᠵᠣ ᠬᠡᠯᠡᠭᠡᠳ ᠦᠭᠳᠡᠭ᠃ ᠭᠡᠳᠡᠯᠡ ᠲᠣᠯᠣᠭᠠᠢ | ᠶᠢᠨ ᠮᠢᠬᠠᠨ ᠲᠣᠳᠣᠷᠠ ᠠᠴᠠ ᠲᠠᠷᠠᠭ ᠡᠬᠢ ︵ᠲᠠᠷᠢᠬᠢ︶᠂ ᠰᠡᠳᠡᠷᠬᠠᠢ ᠶᠢᠨ ᠮᠥᠭᠡᠷᠰᠦᠨ᠂ ᠬᠤᠶᠠᠷ ᠨᠢᠳᠣ᠂ | ᠬᠤᠶᠢᠬᠠ ᠮᠡᠳᠦ ᠵᠦᠢᠯ ᠢ ᠨᠢ ᠪᠠᠭᠠ ᠬᠦᠪᠡᠭᠦᠳ ᠲᠤ ᠦᠭᠳᠡᠭ ᠦᠭᠡᠢ ᠪᠦᠭᠡᠳ ᠬᠤᠶᠠᠷ ᠨᠢᠳᠣ ᠶᠢ ᠨᠢᠭᠡ ᠯᠡ | ᠬᠦᠮᠦᠨ ᠢᠳᠡᠬᠦ ᠠᠴᠠ ᠪᠢᠰᠢ ᠬᠤᠶᠠᠷ ᠬᠦᠮᠦᠨ ᠬᠤᠪᠢᠶᠠᠵᠣ ᠢᠳᠡᠵᠣ ᠪᠣᠯᠳᠠᠭ ᠦᠭᠡᠢ ᠭᠡᠵᠣ ᠬᠡᠯᠡᠳᠡᠭ᠃ | ᠬᠤᠶᠢᠬᠠᠯᠠᠵᠣ ᠴᠢᠨᠠᠭᠠᠳ ᠡᠷᠡᠣ ᠶᠢ ᠨᠢ ᠠᠪᠴᠤ ᠣᠷᠬᠢᠭᠰᠠᠨ ᠬᠤᠨᠢᠨ ᠤ ᠲᠣᠯᠣᠭᠠᠢ ᠪᠣᠯ ᠶᠠᠮᠠᠷ ᠨᠢᠭᠡᠨ | ᠶᠣᠰᠣᠯᠠᠯ ᠦᠢᠯᠡ ᠠᠴᠠ ᠲᠣᠳᠠᠬᠤ ᠦᠭᠡᠢ ᠣᠷᠣᠯᠴᠠᠳᠠᠭ ᠬᠦᠨᠳᠦᠳᠡᠢ ᠮᠢᠬᠠᠨ ᠤ ᠵᠦᠢᠯ ᠪᠣᠯᠬᠤ ᠲᠣᠯᠠ ᠲᠡᠭᠡᠵᠢ | ᠡᠷᠭᠦᠭᠦ᠂ ᠣᠭᠤᠴᠠ ᠵᠣᠭᠤᠬᠤ᠂ ᠬᠦᠨᠳᠦᠳᠡᠢ ᠲᠣᠭᠤᠪᠦᠷᠢ ᠬᠢᠬᠦ ᠮᠡᠳᠦ ᠶᠣᠰᠣ ᠦᠢᠯᠡ ᠳᠤ ᠲᠣᠯᠣᠭᠠᠢ ᠲᠣᠳᠠᠵᠣ | ᠪᠣᠯᠳᠠᠭ ᠦᠭᠡᠢ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠬᠠᠷᠢᠨ ︽ᠢᠮᠠᠭᠠᠨ ᠲᠣᠯᠣᠭᠠᠢ ᠶᠠᠮ ᠳᠤ ᠣᠷᠣᠬᠤ ᠦᠭᠡᠢ᠂ ᠶᠠᠩᠭᠠᠷᠴᠠᠭ | ᠡᠮᠡ ᠲᠦᠷᠦ ᠳᠤ ᠣᠷᠣᠬᠤ ᠦᠭᠡᠢ︾ ᠭᠡᠵᠣ ᠢᠮᠠᠭᠠ ᠶᠢᠨ ᠲᠣᠯᠣᠭᠠᠢ ᠶᠢ ᠶᠣᠰᠣᠯᠠᠯ ᠦᠢᠯᠡ ᠳᠤ ᠣᠭᠲᠣ | ᠬᠡᠷᠡᠭᠯᠡᠳᠡᠭ ᠦᠭᠡᠢ᠃ ᠮᠥᠨ ︽ᠭᠤᠷᠪᠠᠨ ᠬᠤᠴᠠ ᠶᠢᠨ ᠲᠣᠯᠣᠭᠠᠢ ᠨᠢᠭᠡ ᠬᠠᠶᠢᠰᠣᠨ ᠳᠤ ᠪᠠᠭᠳᠠᠬᠤᠰᠢ︾ ᠭᠡᠵᠣ | ᠬᠡᠯᠡᠳᠡᠭ ᠪᠦᠭᠡᠳ ᠡᠨᠡ ᠦᠭᠡ ᠪᠠᠷ ᠲᠠᠮᠵᠢᠭᠤᠯᠣᠨ ᠡᠮᠣᠨᠡ ᠡᠮᠣᠨᠡ ᠪᠠᠨ ᠪᠠᠶᠠ ᠮᠡᠳᠡᠭᠰᠡᠨ ᠬᠦᠮᠦᠰ ᠨᠢᠭᠡ ᠠᠶᠠᠭᠤ | ᠪᠣᠯᠵᠣ ᠴᠢᠳᠠᠬᠤ ᠦᠭᠡᠢ ᠭᠡᠰᠡᠨ ᠣᠳᠬᠠ ᠶᠢ ᠢᠯᠡᠳᠬᠡᠳᠡᠭ᠃ | ᠡᠭᠦᠨ ᠠᠴᠠ ᠭᠠᠵᠠᠭᠠ ᠭᠠᠭ᠋ᠠᠢ ᠶᠢᠨ ᠲᠣᠯᠣᠭᠠᠢ᠂ ᠵᠡᠭᠡᠷᠡ ᠶᠢᠨ ᠲᠣᠯᠣᠭᠠᠢ ᠶᠢ ᠮᠦᠨ ᠢᠳᠡᠳᠡᠭ ᠪᠦᠭᠡᠳ | ᠭᠠᠭ᠋ᠠᠢ ᠶᠢᠨ ᠲᠣᠯᠣᠭᠠᠢ ᠶᠢ ᠲᠡᠭᠡᠷᠡᠬᠢ ᠲᠠᠢ ᠠᠳᠠᠯᠢ ᠪᠠᠷ ᠪᠣᠯᠪᠠᠰᠣᠷᠠᠭᠤᠯᠵᠣ ᠢᠳᠡᠳᠡᠭ᠃ ᠬᠠᠷᠢᠨ ᠵᠡᠭᠡᠷᠡ ᠶᠢᠨ | ᠲᠣᠯᠣᠭᠠᠢ ᠶᠢ ᠭᠡᠷ ᠣᠷᠣᠨ ᠳᠤ ᠪᠠᠨ ᠠᠪᠴᠣ ᠢᠷᠡᠵᠣ ᠢᠳᠡᠳᠡᠭ ᠦᠭᠡᠢ᠂ ᠬᠡᠬᠡᠷᠡ ᠠᠯᠠᠭᠰᠠᠨ ᠵᠡᠭᠡᠷᠡ ᠪᠠᠨ ᠡᠪᠳᠡᠵᠣ | ᠪᠣᠯᠣᠭᠠᠳ ᠭᠠᠯ ᠤᠨ ᠣᠷᠮᠠ ︵ᠨᠣᠷᠮᠠ︶ ᠶᠢ ᠪᠣᠯᠠᠵᠣ ᠢᠳᠡᠳᠡᠭ᠃ ᠮᠣᠷᠢᠨ ᠤ ᠲᠣᠯᠣᠭᠠᠢ᠂ ᠠᠩ ᠢᠮᠠᠭᠠᠨ ᠤ | ᠲᠣᠯᠣᠭᠠᠢ᠂ ᠭᠤᠯᠵᠠ ᠶᠢᠨ ᠲᠣᠯᠣᠭᠠᠢ᠂ ᠪᠣᠭᠤ ᠮᠠᠷᠠᠯ ᠤᠨ ᠲᠣᠯᠣᠭᠠᠢ ᠮᠡᠳᠦ ᠶᠢ ᠶᠡᠷᠣ ᠨᠢ ᠢᠳᠡᠳᠡᠭ ᠦᠭᠡᠢ ᠬᠠᠷᠢᠨ | ᠵᠣᠬᠢᠬᠤ ᠶᠣᠰᠣᠯᠠᠯ ᠦᠢᠯᠡ ᠶᠢ ᠨᠢ ᠬᠢᠵᠣ ᠬᠡᠬᠡᠷᠡ ᠬᠠᠶᠠᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ | | | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |