| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | | │ ᠠᠭᠤᠯᠠ ᠶᠢᠨ ᠪᠡᠯ ᠳᠤ ᠶᠠᠪᠤᠭᠠ ᠪᠠᠨ ᠤᠷᠭᠢᠯ ᠳᠤ ᠶᠠᠪᠤᠨᠠ | ᠭᠡᠮᠡᠨ ᠠᠳᠡᠭᠦᠷᠡᠵᠥ ᠪᠠᠶᠢᠭᠠ ᠭᠥᠮᠥᠰ ᠲᠤ ᠪᠡᠯᠡᠭᠯᠡᠪᠡ | | | ᠬᠠᠭᠤᠷᠠᠢ ᠬᠤᠳᠳᠤᠭ ᠤᠨ ᠲᠤᠳᠤᠷᠠ ᠵᠤᠭᠰᠤᠵᠤ ᠪᠠᠶᠢᠨᠠ ᠁ | ᠬᠤᠳᠳᠤᠭ ᠤᠨ ᠠᠮᠠ ᠪᠠᠷ ᠬᠠᠷᠠᠭᠳᠠᠭᠰᠠᠨ ᠲᠡᠭᠷᠢ ᠪᠠᠨ | ᠴᠡᠯᠮᠡᠭᠦ ᠴᠦ ᠪᠢᠰᠢ᠂ ᠡᠭᠦᠯᠡᠰᠢᠭᠦ ᠴᠦ ᠪᠢᠰᠢ ᠪᠤᠯᠳᠠᠯᠠ ᠨᠢ ᠮᠠᠭᠳᠠᠨ ᠲᠠᠭᠤᠯᠠᠵᠤ | ᠵᠡᠭᠡᠷᠡ ᠮᠡᠳᠤ ᠴᠠᠭ ᠬᠤᠭᠤᠴᠠᠭᠠ ᠶᠢ ᠪᠥᠭᠡᠮ ᠪᠥᠭᠡᠮ ᠢᠶᠠᠷ ᠨᠢ ᠤᠰᠠᠳᠬᠠᠭᠰᠠᠨ ᠪᠠᠶᠢᠬᠤ ᠶᠤᠮ | ᠨᠢᠭᠡ ᠶᠡᠭᠡ ᠶᠢ ᠮᠡᠳᠡᠳᠡᠭ ᠶᠤᠮ ᠰᠢᠭ ᠪᠠᠰᠠ ᠮᠡᠳᠡᠭᠦ ᠥᠭᠡᠢ ᠶᠤᠮ ᠰᠢᠭ | ᠡᠩᠭᠡᠷ ᠢᠶᠠᠨ ᠪᠠᠯᠪᠠᠨ᠂ ᠡᠯᠢᠭᠡ ᠪᠠᠨ ᠵᠠᠳᠠᠯᠤᠨ ᠭᠥᠭᠦᠷᠡᠭᠦ ᠳᠤ | ᠬᠠᠭᠰᠠᠷᠠᠭᠰᠠᠨ ᠤᠩᠭᠤᠴᠠᠨ ᠲᠡᠭᠡᠷᠡ ᠬᠤᠷᠠᠭᠰᠠᠨ ᠪᠢᠯᠵᠤᠤᠬᠠᠢ ᠨᠤᠭᠤᠳ ᠴᠦ | ᠢᠴᠢᠵᠥ ᠵᠤᠪᠠᠭ᠋ᠤ ᠳᠠᠭᠠᠨ ᠲᠡᠭᠢᠵᠤ ᠡᠷᠭᠢᠵᠥ ᠢᠷᠡᠭᠰᠡᠨ ᠥᠭᠡᠢ | ᠬᠤᠳᠳᠤᠭ ᠲᠤᠳᠤᠷᠠ ᠭᠡᠵᠢᠶᠡ ᠤᠨᠠᠭᠰᠠᠨ ᠢᠶᠠᠨ ᠮᠡᠳᠡᠭᠦ ᠥᠭᠡᠢ ᠪᠠᠶᠢᠨᠠ | ᠬᠤᠷᠮᠤᠰᠳᠠ ᠶᠢᠨ ᠤᠮᠠᠳᠠᠭ ᠰᠢᠷᠳᠡᠵᠥ᠂ ᠰᠢᠯᠢ ᠪᠠᠨ ᠱᠥᠷᠭᠦᠭᠡᠵᠥ ᠶᠠᠪᠤᠭᠰᠠᠭᠠᠷ | ᠬᠤᠷᠤᠳ ᠤᠨ ᠴᠢᠨᠡᠭᠡᠨ ᠴᠢᠯᠠᠭᠤᠨ ᠳᠤ ᠪᠥᠳᠥᠷᠢᠵᠥ | ᠬᠠᠭᠤᠷᠠᠢ ᠬᠤᠳᠳᠤᠭ ᠤᠷᠤᠭᠤ ᠲᠤᠩᠭᠤᠴᠢᠵᠤ ᠤᠨᠠᠭᠰᠠᠨ ᠢᠶᠠᠨ ᠪᠥᠥᠷ ᠲᠥᠥᠷᠭᠡᠨ ᠰᠠᠨᠠᠨᠠ | | | ᠥᠪᠡᠷ ᠢᠶᠠᠨ ᠬᠠᠮᠢᠭᠠ ᠵᠤᠭᠰᠤᠵᠤ ᠪᠠᠶᠢᠭᠠ ᠪᠠᠨ ᠮᠡᠳᠡᠭᠦ ᠰᠠᠨ | | ᠥᠯᠥ ᠥᠵᠡᠭᠳᠡᠭᠴᠢ ᠬᠠᠭᠠᠯᠭᠠ | ᠥᠯᠥ ᠥᠵᠡᠭᠳᠡᠭᠴᠢ ᠬᠠᠭᠠᠯᠭᠠ᠃ | ᠲᠡᠶᠢᠮᠥ ᠡ᠂ ᠥᠯᠥ ᠥᠵᠡᠭᠳᠡᠭᠴᠢ ᠬᠠᠴᠢᠨ ᠪᠥᠭᠦᠨ᠃ | ᠬᠠᠭᠤᠴᠢᠨᠰᠠᠭ ᠭᠢᠮᠡᠯ ᠢᠨᠢᠶᠡᠮᠰᠥᠭᠯᠡᠵᠥ | ᠠᠳᠡ ᠢᠷᠡᠭᠦ ᠶᠤᠰᠤ ᠥᠭᠡᠢ ᠪᠠᠶᠢᠭᠰᠠᠨ᠃ | | | ᠥᠯᠥ ᠥᠵᠡᠭᠳᠡᠭᠴᠢ ᠬᠠᠭᠠᠯᠭᠠ ᠪᠠᠷ | ᠥᠷᠭᠦᠮᠡᠳᠡᠭᠡᠢ ᠬᠠᠪᠢ ᠵᠠᠶᠠᠭᠠ ᠤᠷᠤᠵᠤ ᠭᠠᠷᠬᠤ | ᠥᠭᠦᠯ ᠠᠮᠢᠳᠤᠷᠠᠯ ᠬᠤᠶᠠᠷ ᠵᠥᠷᠢᠵᠥ ᠮᠡᠨᠳᠥᠯᠡᠭᠦ | ᠭᠤᠷᠪᠠᠨ ᠥᠯᠥ ᠮᠡᠳᠡᠭᠳᠡᠭᠴᠢ ᠲᠠᠢ ᠭᠤᠴᠢᠳᠤᠭᠠᠷ ᠵᠡᠷᠭᠡ ᠶᠢᠨ ᠲᠡᠭᠰᠢᠳᠭᠡᠯ ᠮᠡᠳᠤ ᠱᠠᠯ ᠤᠳᠬᠠ ᠦᠭᠡᠢ ᠰᠠᠨᠠᠭᠳᠠᠨᠠ | ᠥᠯᠥ ᠥᠵᠡᠭᠳᠡᠭᠴᠢ ᠬᠠᠭᠠᠯᠭᠠᠨ ᠤ ᠴᠠᠭᠠᠨᠠ ᠡᠰᠡᠪᠡᠯ ᠨᠠᠭᠠᠨᠠ | ᠲᠠᠮᠤ ᠴᠦ ᠪᠠᠶᠢᠬᠤ ᠰᠢᠭ᠋᠂ ᠳ᠋ᠧᠪᠠᠵᠢᠨ ᠴᠦ ᠪᠠᠶᠢᠬᠤ ᠰᠢᠭ᠋᠃ | ᠲᠠᠭᠠᠮᠠᠭ ᠴᠦ ᠪᠠᠶᠢᠬᠤ ᠰᠢᠭ᠋᠂ ᠲᠠᠰᠢᠶᠠᠷᠠᠯ ᠴᠦ ᠪᠠᠶᠢᠬᠤ ᠰᠢᠭ᠋᠃ | ᠡᠭᠦᠰᠥᠯ ᠴᠦ ᠪᠠᠶᠢᠬᠤ ᠰᠢᠭ᠋ ᠲᠡᠭᠦᠰᠭᠡᠯ ᠴᠦ ᠪᠠᠶᠢᠬᠤ ᠰᠢᠭ᠋᠃ | ᠦᠭᠡᠢ ᠨᠢ ᠴᠦ ᠪᠠᠶᠢᠬᠤ ᠰᠢᠭ᠋᠂ ᠪᠠᠶᠢᠬᠤ ᠨᠢ ᠴᠦ ᠪᠠᠶᠢᠬᠤ ᠰᠢᠭ᠋᠃ | | | ᠥᠯᠥ ᠥᠵᠡᠭᠳᠡᠭᠴᠢ ᠬᠠᠭᠠᠯᠭᠠ ᠶᠢ | ᠥᠵᠡᠭᠳᠡᠭᠦ ᠦᠭᠡᠢ ᠪᠤᠯᠳᠠᠯᠠ ᠨᠢ ᠲᠤᠭᠰᠢᠪᠠ᠃ | ᠨᠢᠭᠡᠨ ᠭᠥᠯ ᠤᠨ ᠴᠢᠮᠡᠭᠡ ᠤᠶᠢᠷᠠᠳᠤᠵᠤ ᠢᠷᠡᠭᠰᠡᠨ ᠢᠶᠠᠨ ᠪᠤᠴᠠᠪᠠ᠃ | ᠁ ᠨᠢᠭᠡᠮᠥᠰᠥᠨ ᠪᠠᠳᠠᠩ ᠬᠠᠷᠠᠩᠭᠤᠢ᠃ | ᠁ ᠨᠡᠭᠡᠷᠡᠨ ᠬᠤᠯᠠᠭᠠᠶᠢᠯᠠᠭᠳᠠᠭᠰᠠᠨ | ᠬᠠᠭᠤᠷᠮᠠᠭ ᠥᠵᠡᠭᠳᠡᠯ ᠮᠡᠳᠤ ᠡᠷᠭᠡ ᠴᠢᠯᠥᠭᠡ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |