| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠡᠵᠡᠨ ᠬᠠᠭᠠᠨ ᠢ ᠲᠤᠷᠤᠮᠵᠢᠯᠠᠵᠤ ᠪᠤᠯᠤᠨᠠ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢ ᠲᠤᠷᠤᠮᠵᠢᠯᠠᠵᠤ ᠪᠤᠯᠬᠤ ᠥᠭᠡᠢ | ︵ᠲᠤᠷᠤᠨᠠᠳᠠᠭᠢᠨ ᠤ ᠮᠡᠷᠭᠡᠨ ᠥᠭᠡ︶ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢ ᠤᠶᠢᠯᠠᠭᠠᠵᠤ ᠴᠢᠳᠠᠪᠠᠰᠤ | ᠶᠢᠷᠳᠢᠨᠴᠤ ᠶᠢᠨ ᠤᠭ ᠴᠢᠨᠠᠷ ᠲᠤᠷ ᠨᠡᠪᠳᠡᠷᠡᠵᠥ ᠴᠢᠳᠠᠮᠤᠢ | ︵ᠵᠤᠭᠢᠶᠠᠭᠴᠢ ᠶᠢᠨ ᠴᠡᠴᠡᠷᠭᠡᠯ︶ | ᠴᠥᠳᠡᠨᠵᠡ ᠵᠢᠷᠤᠬᠤ ᠳᠤ ᠬᠠᠷᠠᠩᠭᠤᠢ ᠤᠷᠠᠭᠳᠠᠬᠤ ᠮᠡᠳᠤ | ᠤᠩᠭᠤᠳ ᠤᠨ ᠰᠤᠪᠢᠩ ᠴᠠᠮᠨᠠᠬᠤ ᠳᠤ | ᠴᠥ᠋ ᠬᠠᠶᠠᠬᠤ ᠮᠡᠳᠤ ᠰᠢᠯᠥᠭ ᠤᠨ ᠱᠠᠳ | ᠲᠡᠭᠷᠢ ᠶᠢᠨ ᠬᠠᠷᠢᠶᠠᠳᠤ ᠮᠡᠳᠤ | ᠨᠠᠪᠴᠢ ᠪᠠᠨ ᠭᠥᠪᠢᠭᠰᠡᠨ ᠮᠤᠳᠤ ᠶᠢ | ᠬᠤᠪᠴᠠᠰᠤ ᠪᠠᠨ ᠲᠠᠶᠢᠴᠢᠭᠰᠠᠨ ᠪᠥᠰᠡᠭᠦᠢ ᠮᠡᠳᠤ | ᠲᠠᠴᠢᠶᠠᠵᠤ ᠬᠠᠷᠠᠬᠤ ᠳᠤ | ᠨᠠᠷᠠᠨ ᠤ ᠰᠢᠵᠢᠷ ᠨᠢᠯᠪᠤᠰᠤ ᠪᠠᠷ ᠭᠡᠮᠡᠯᠢᠭᠦᠯᠥᠨ | ᠵᠠᠭᠤᠨ ᠲᠠᠮᠵᠢᠨ ᠥᠯᠡᠳᠡᠭᠦ | ᠭᠥᠮᠥᠨ ᠴᠢᠯᠠᠭᠤ ᠮᠡᠳᠤ | ᠢᠷᠠᠭᠤ ᠠᠨᠢᠷᠠᠭᠴᠢ ᠶᠢ ᠤᠶᠢᠯᠠᠭᠠᠮᠤ︕ | ᠲᠡᠭᠡᠪᠥᠷ ᠵᠢᠩᠳᠡᠭᠡᠭᠦ ᠴᠠᠭᠠᠨ ᠭᠢᠷᠠᠭᠤ | ᠠᠯᠠᠭᠠᠨ ᠲᠡᠭᠡᠷᠡ ᠢᠷᠡᠵᠥ ᠰᠢᠩᠭᠡᠭᠦ ᠳᠤ | ᠲᠠᠭᠤᠤ ᠶᠢᠨ ᠡᠭᠢᠨ ᠤ ᠪᠠᠳᠠᠭ ᠮᠡᠳᠤ | ᠲᠡᠷᠡᠨ ᠲᠡᠭᠡᠷᠡ ᠤᠷᠭᠢᠭᠰᠠᠨ ᠵᠡᠭᠦᠳᠥ ᠪᠠᠨ ᠴᠥᠯᠮᠥᠵᠥ | ᠡᠭᠡᠰᠢᠭ ᠤᠨ ᠰᠤᠯᠤᠩᠭᠠ ᠰᠥᠯᠵᠢᠭᠦ ᠳᠤ | ᠲᠤᠷᠠᠯᠠᠯ ᠤᠨ ᠠᠩᠬᠠᠨ ᠤ ᠵᠠᠭᠢᠶᠠ ᠮᠡᠳᠤ | ᠲᠡᠨᠵᠢ ᠶᠢᠨ ᠡᠪᠡᠰᠤ ᠲᠠᠭᠠᠭᠢᠷᠠᠳᠠᠯᠠ ᠲᠡᠰᠢᠵᠥ | ᠢᠩᠭᠡ ᠪᠤᠶᠢᠯᠠᠬᠤ ᠴᠢᠮᠡᠭᠡᠨ ᠳᠤ | ᠲᠡᠯᠡᠭᠡᠢ ᠶᠢᠨ ᠮᠠᠨᠠᠨ ᠰᠡᠭᠰᠥᠷᠡᠳᠡᠯᠡ ᠢᠨᠴᠠᠭᠠᠵᠤ | ᠠᠳᠤᠭᠤ ᠬᠤᠶᠢᠯᠠᠷᠠᠬᠤ ᠴᠢᠯᠥᠭᠡᠨ ᠳᠤ | ᠲᠤᠮᠤᠭ ᠤᠨ ᠭᠠᠯᠵᠠᠭᠤ ᠪᠠᠭᠠᠳᠤᠷ ᠮᠡᠳᠤ | ᠢᠷᠠᠭᠤ ᠠᠨᠢᠷᠠᠭᠴᠢ ᠶᠢ ᠤᠶᠢᠯᠠᠭᠠᠮᠤ︕ | ᠪᠤᠤᠬᠠᠢ ᠮᠡᠳᠤ ᠴᠠᠭ ᠢ ᠪᠤᠯᠵᠤᠮᠤᠷ ᠮᠡᠳᠤ ᠵᠢᠷᠭᠢᠭᠦᠯᠵᠥ | ᠥᠨᠥᠳᠥᠷ ᠲᠡᠯᠡᠭᠡᠢ ᠳᠤ᠂ ᠮᠠᠷᠭᠠᠰᠢ ᠳ᠋ᠧᠪᠠᠵᠢᠨ ᠳᠤ | ᠷᠤᠮᠠᠨᠲ᠋ᠢᠭᠯᠠᠵᠤ ᠮᠡᠳᠡᠭᠦ | ᠪᠤᠯᠤᠷ ᠬᠤᠨᠳᠠᠭᠠᠨ ᠳᠤ ᠵᠡᠭᠦᠷᠮᠡᠭᠯᠡᠭᠰᠡᠨ ᠰᠠᠷᠬᠤᠳ ᠮᠡᠳᠤ | ᠰᠠᠷᠠᠨ ᠤ ᠢᠨᠢᠶᠡᠮᠰᠥᠭᠯᠡᠯ ᠲᠡᠭᠡᠷᠡ | ᠨᠠᠷᠠ ᠪᠠᠨ ᠰᠢᠭᠢᠳᠭᠡᠵᠥ ᠨᠢᠯᠬᠠᠷᠠᠬᠤ | ᠪᠤᠷᠬᠠᠨ ᠠᠴᠠ ᠥᠭᠡ ᠰᠤᠨᠤᠰᠴᠤ | ᠲᠠᠯᠠ ᠮᠡᠳᠤ ᠲᠠᠶᠢᠳᠬᠤᠷᠠᠬᠤ | ᠴᠡᠩᠭᠡᠷ ᠲᠠᠩᠭᠢᠰ ᠤᠨ ᠤᠮᠤᠭᠯᠠᠩ ᠵᠢᠷᠠᠭᠠᠬᠠᠢ ᠮᠡᠳᠤ | ᠡᠷᠭᠡ ᠴᠢᠯᠥᠭᠡᠨ ᠳᠤ ᠲᠤᠷᠠᠯᠠᠵᠤ | ᠥᠭᠦᠯ ᠮᠡᠳᠤ ᠰᠢᠨᠠᠯᠬᠤ | ᠢᠷᠠᠭᠤ ᠠᠨᠢᠷᠠᠭᠴᠢ ᠶᠢ ᠤᠶᠢᠯᠠᠭᠠᠮᠤ︕ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |