| ︽ᠣᠶᠢᠷᠠᠳ ᠮᠣᠩᠭᠤᠯ ᠤᠨ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ︾ | ----- ᠠᠬᠤᠢ ᠠᠮᠢᠳᠤᠷᠠᠯ ᠤᠨ ᠪᠣᠳᠢ | ᠭᠡᠷ ᠤᠨ ᠡᠳ᠋ᠯᠡᠯ ᠤᠨ ᠵᠦᠢᠯ— | ᠦᠭᠡᠭ᠂ ᠲᠠᠯᠪᠢᠭᠤᠷ᠄ ᠠᠪᠳᠠᠷᠠ ᠲᠠᠢ ᠠᠳᠠᠯᠢ ᠬᠢᠴᠡ ᠲᠠᠢ ᠮᠠᠯᠴᠢᠨ ᠨᠤᠲᠤᠭ ᠲᠤ ᠪᠠᠶᠢᠩᠭᠤ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠰᠠ | ᠨᠢᠭᠡ ᠡᠳ᠋ᠯᠡᠮᠤᠰᠢ ᠪᠣᠯᠪᠠᠯ ᠦᠭᠡᠭ ᠪᠣᠯᠬᠤ ᠶᠤᠮ᠃ ᠦᠭᠡᠭ ᠢ ᠶᠡᠷᠦ ᠳᠡᠭᠡᠨ ᠪᠠᠷᠢᠭᠠ ᠭᠡᠷ ᠤᠨ ᠵᠡᠭᠦᠨ ᠪᠡᠶᠡ ᠶᠢᠨ | ᠣᠷᠤᠨ ᠤ ᠬᠦᠯ ᠲᠤᠰ ᠲᠠᠯᠪᠢᠳᠠᠭ ᠪᠦᠭᠡᠳ ᠭᠤᠣᠯᠳᠠᠭᠤ ᠬᠤᠷᠤᠰᠤ ᠲᠤᠰᠤ᠂ ᠠᠶᠠᠭᠠ ᠲᠠᠪᠠᠭ ᠮᠡᠲᠦ ᠡᠯᠳᠡᠪ | ᠵᠦᠢᠯ ᠢᠶᠠᠨ ᠲᠦᠷᠦᠵᠦ ᠲᠠᠯᠪᠢᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃ ᠦᠭᠡᠭ ᠤᠨ ᠠᠪᠳᠠᠷᠠ ᠠᠴᠠ ᠢᠯᠭᠠᠭᠳᠠᠬᠤ ᠨᠢᠭᠡ ᠣᠨᠴᠠᠯᠢᠭ | ᠨᠢ ᠭᠡᠪᠡᠯ᠂ ᠳᠡᠭᠡᠷᠡ ᠨᠢ ᠦᠭᠡᠳᠡ ᠰᠡᠬᠦᠬᠦ ᠬᠠᠪᠬᠠᠭ ᠬᠢᠳᠡᠭ ᠪᠢᠰᠢ᠂ ᠬᠠᠷᠢᠨ ᠡᠮᠦᠨᠡ ᠨᠢᠭᠤᠷ ᠤᠨ ᠳᠡᠭᠡᠲᠤ ᠬᠠᠭᠠᠰ | ᠲᠤᠨᠢ ᠬᠠᠪᠬᠠᠭ ᠬᠢᠳᠡᠭ ᠪᠠ ᠤᠷᠤᠭᠤ ᠡᠷᠭᠢᠭᠦᠯᠵᠦ ᠰᠡᠬᠦᠬᠦ ᠬᠠᠭᠠᠭᠤᠯ ᠬᠢᠳᠡᠭ᠃ ᠡᠭᠦᠨ ᠤ ᠤᠴᠢᠷ ᠪᠣᠯᠪᠠᠯ | ᠦᠭᠡᠭ ᠤᠨ ᠳᠡᠭᠡᠷᠡ ᠲᠠᠪᠠᠭ ᠳ᠋ᠢᠶᠧᠽᠢ ᠮᠡᠲᠦ ᠵᠦᠢᠯ ᠢ ᠲᠠᠯᠪᠢᠳᠠᠭ ᠲᠤᠯᠠ ᠳᠡᠭᠡᠲᠤ ᠪᠡᠶᠡ ᠳᠤᠨᠢ ᠬᠠᠪᠬᠠᠭ ᠬᠢᠵᠤ | ᠣᠷᠬᠢᠪᠠᠯ ᠲᠤᠲᠤᠷᠠ ᠠᠴᠠ ᠨᠢ ᠶᠠᠭᠤᠮᠠ ᠬᠡᠤᠮᠡ ᠠᠪᠬᠤ ᠳᠤ ᠳᠦᠭᠦᠮ ᠪᠢᠰᠢ ᠪᠣᠯᠳᠠᠭ᠃ ᠡᠨᠡ ᠡᠳ᠋ᠯᠡᠯ ᠢ | ᠯᠦᠨᠲ᠋ᠤ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠣᠶᠢᠷᠠᠳ ᠨᠤᠲᠤᠭ ᠤᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠬᠤᠷᠢᠶᠠᠩᠭᠤᠢ︾ ᠭᠡᠬᠦ | ᠲᠣᠯᠢ ᠳᠤ ︽ᠲᠡᠮᠡᠭᠡ ᠮᠣᠷᠢᠨ ᠳᠤ ᠠᠴᠢᠵᠤ ᠶᠠᠪᠤᠬᠤ ᠲᠤᠮᠤ ᠠᠪᠳᠠᠷᠠ︾ ᠭᠡᠵᠦ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ᠃ | ᠪᠠᠷᠢᠭᠠ ᠭᠡᠷ ᠲᠤ ᠪᠠᠶᠢᠷᠢᠯᠠᠳᠠᠭ ᠤᠯᠤᠰ ᠲᠠᠯᠪᠢᠭᠤᠷ ᠪᠤᠶᠤ ᠲᠠᠯᠪᠢᠴᠠ ᠭᠡᠳᠡᠭ ᠮᠣᠳᠤᠨ ᠡᠳ᠋ᠯᠡᠯ ᠢ ᠴᠤᠭᠭᠠᠷ ᠬᠡᠯᠲᠡᠢ | ᠬᠡᠷᠡᠭᠯᠡᠳᠡᠭ᠃ ᠡᠨᠡ ᠬᠦ ᠲᠠᠯᠪᠢᠭᠤᠷ ᠨᠢ ᠬᠤᠶᠠᠷ ᠵᠦᠢᠯ ᠪᠣᠯᠳᠠᠭ ᠪᠠ ᠨᠢᠭᠡ ᠨᠢ ᠪᠠᠷᠢᠭᠠ ᠭᠡᠷ ᠤᠨ ᠳᠤᠲᠤᠷᠠ | ᠦᠭᠡᠭ ᠤᠨ ᠳᠣᠣᠷᠠᠳᠤ ᠪᠡᠶᠡ ᠪᠠᠷ ᠪᠠᠶᠢᠷᠢᠰᠢᠯᠠᠭᠤᠯᠳᠠᠭ ᠳᠠᠪᠬᠤᠷ ᠲᠠᠯᠪᠢᠭᠤᠷ᠂ ᠨᠦᠭᠦᠭᠡ ᠨᠢ ᠬᠤᠷᠤᠰᠤ ᠰᠢᠭᠦᠷᠡᠮᠡᠭ | ᠳᠡᠯᠭᠡᠵᠦ ᠬᠠᠳᠠᠭᠠᠯᠠᠬᠤ ᠳᠤ ᠬᠡᠷᠡᠭᠯᠡᠬᠦ ᠲᠠᠩ ᠲᠠᠯᠪᠢᠭᠤᠷ ᠪᠣᠯᠬᠤ ᠶᠤᠮ᠃ ᠳᠠᠪᠬᠤᠷ ᠲᠠᠯᠪᠢᠭᠤᠷ ᠢ ᠬᠤᠶᠠᠷ ᠪᠤᠶᠤ | ᠭᠤᠷᠪᠠᠨ ᠳᠠᠪᠬᠤᠷ ᠬᠢᠳᠡᠭ᠃ ᠲᠡᠭᠡᠬᠦ ᠳᠡᠭᠡᠨ ᠤᠷᠲᠤ ᠪᠠᠷ ᠢᠶᠠᠨ ᠨᠢᠭᠡ ᠬᠠᠭᠠᠰ ᠮᠧᠲᠷ ᠪᠠᠷᠤᠭ ᠲᠠᠢ᠂ ᠦᠷᠭᠡᠨ ᠢᠶᠠᠷ | ᠨᠢ ᠨᠠᠶᠠᠨ ᠰᠠᠨᠲ᠋ᠢᠮᠧᠲᠷ ᠪᠠᠷᠤᠭ ᠲᠠᠢ ᠪᠠᠶᠢᠵᠤ᠂ ᠶᠡᠷᠤ ᠶᠢᠨ ᠪᠠᠶᠢᠳᠠᠯ ᠳᠤ ᠳᠦᠷᠪᠡᠨ ᠪᠡᠶᠡ ᠨᠢ ᠵᠠᠳᠠᠭᠠᠢ᠂ ᠵᠦᠪᠬᠡᠨ | ᠳᠠᠪᠬᠤᠷᠭᠠ ᠨᠢ ᠱᠠᠯᠠ ᠪᠠᠷ ᠬᠢᠭᠰᠡᠨ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠲᠤᠮᠪᠦ ᠳ᠋ᠢᠶᠧᠽᠢ᠂ ᠰᠢᠨᠠᠭᠠ ᠤᠭᠢᠶᠠᠳᠠᠯ ᠵᠡᠷᠭᠡ | ᠵᠦᠢᠯᠡᠰ ᠢ ᠲᠠᠯᠪᠢᠳᠠᠭ ᠪᠠ ᠬᠠᠶᠢᠰᠤ ᠲᠤᠯᠭᠠ ᠶᠢᠨ ᠠᠬᠠᠷ ᠴᠢᠬᠢᠷ ᠡᠳ᠋ᠯᠡᠯ ᠢᠶᠠᠨ ᠬᠤᠷᠢᠶᠠᠵᠤ ᠲᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ | ᠶᠤᠮ᠃ ᠲᠠᠩ ᠲᠠᠯᠪᠢᠭᠤᠷ ᠢ ᠠᠯᠳᠠ ᠳᠠᠯᠢᠮ ᠬᠢᠷᠢᠲᠡᠢ ᠤᠷᠲᠤ᠂ ᠳᠠᠯᠢᠮ ᠬᠢᠷᠢ ᠲᠠᠢ ᠦᠷᠭᠡᠨ ᠱᠠᠯᠠ ᠶᠢ | ᠬᠠᠷᠤᠭᠤᠯᠳᠠᠵᠤ ᠲᠡᠭᠰᠢᠯᠡᠭᠡᠳ᠂ ᠨᠢᠭᠡ ᠲᠠᠯᠠ ᠶᠢᠨ ᠬᠦᠪᠡᠭᠡ ᠪᠠᠷ ᠭᠤᠷᠪᠠᠨ ᠬᠤᠷᠤᠭᠤᠨ ᠬᠢᠷᠢ ᠲᠠᠢ ᠦᠷᠭᠡᠨ | ᠱᠠᠯᠠ ᠪᠠᠷ ᠬᠦᠷᠢᠶᠡᠯᠡᠵᠦ ᠬᠢᠳᠡᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |