| | | | ᠪᠦᠪᠢᠩ ᠭᠡᠵᠤ 布病 ᠢ ᠬᠡᠯᠡᠵᠤ ᠪᠤᠢ᠂ 布鲁菌病 ᠶᠢᠨ ᠬᠢᠲᠡᠳ ᠶᠠᠷᠢᠶᠠᠨ ᠬᠡᠯᠡᠯᠭᠡ ᠪᠤᠯᠤᠨᠠ᠃ | ᠲᠡᠷᠡ ᠨᠢ ᠲᠤᠰ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠶᠢ ᠲᠤᠳᠤᠯᠤᠭᠰᠠᠨ ᠠᠩᠬᠠᠨ ᠤ ᠬᠦᠮᠥᠨ ᠤ ᠨᠢᠭᠡ ᠪᠤᠯᠬᠤ bruce | ᠠᠴᠠ ᠢᠷᠡᠯᠲᠡᠢ ᠪᠤᠯᠬᠤᠷ ᠤᠳᠤᠬᠠᠨ ᠳᠤ ᠪᠷᠦ᠋ᠰ ᠡᠪᠡᠳᠴᠢᠨ ᠭᠡᠳᠡᠭ᠃ | ᠪᠷᠦ᠋ᠰ ᠡᠪᠡᠳᠴᠢᠨ ᠨᠢ ᠰᠦᠷᠢᠶᠡ ᠡᠪᠡᠳᠴᠢᠨ ᠲᠠᠢ ᠠᠳᠠᠯᠢᠬᠠᠨ ᠢᠶᠠᠷ ᠬᠦᠮᠥᠰ ᠤᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠮᠠᠰᠢ ᠶᠡᠭᠡ | ᠰᠦᠷᠳᠡᠭᠦᠯᠦᠯ ᠤᠴᠠᠷᠠᠭᠤᠯᠳᠠᠭ ᠤᠵᠢᠭ ᠴᠢᠨᠠᠷᠲᠠᠢ ᠬᠦᠮᠥᠨ ᠮᠠᠯ ᠤᠨ ᠨᠢᠭᠡ ᠵᠦᠢᠯ ᠤᠨ ᠬᠠᠮ ᠡᠪᠡᠳᠴᠢᠨ ᠶᠤᠮ᠃ | ᠭᠡᠪᠡᠴᠤ᠂ ᠮᠠᠯᠴᠢᠳ ᠲᠤᠰ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠬᠦ ᠲᠠᠯᠠ ᠳᠤ ᠰᠦᠷᠢᠶᠡ ᠡᠪᠡᠳᠴᠢᠨ ᠠᠴᠠ ᠴᠤ ᠨᠠᠷᠢᠨ᠂ | ᠰᠡᠷᠡᠮᠵᠢᠲᠠᠢ᠂ ᠤᠬᠠᠭᠠᠯᠢᠭ ᠪᠠᠶᠢᠬᠤ ᠬᠡᠷᠡᠭᠲᠠᠢ᠃ ᠤᠴᠢᠷ ᠨᠢ ᠲᠤᠰ ᠡᠪᠳᠴᠢᠨ ᠨᠢ ᠮᠠᠯᠴᠢᠳ ᠠᠴᠠ ᠮᠠᠰᠢ | ᠤᠶᠢᠷᠠᠬᠠᠨ ᠪᠠᠶᠢᠵᠤ᠂ ᠡᠮᠴᠢᠯᠡᠭᠡ ᠶᠢᠨ ᠲᠠᠯᠠ ᠪᠠᠷ ᠮᠠᠰᠢ ᠤᠯᠠᠨ ᠲᠦᠪᠡᠭ ᠲᠠᠢ ᠠᠰᠠᠭᠤᠳᠠᠯ ᠤᠷᠤᠰᠢᠵᠤ᠂ ᠨᠡᠩ | ᠢᠯᠠᠩᠭᠤᠶᠠ ᠬᠢᠵᠢᠭ ᠲᠠᠢ ᠤᠷᠤᠨ ᠤ ᠬᠦᠳᠡᠭᠡ ᠨᠤᠲᠤᠭ ᠤᠨ ᠬᠡᠤᠭᠡᠳ ᠲᠠᠭᠦᠨᠠᠷ ᠤᠨ ᠨᠢᠭᠡ ᠨᠠᠰᠤᠨ ᠤ ᠡᠷᠡᠭᠦᠯ | ᠮᠡᠨᠳᠦ ᠶᠢ ᠨᠦᠯᠦᠭᠡᠯᠡᠵᠤ ᠮᠡᠳᠡᠬᠦ ᠶᠤᠮ᠃ | ᠲᠤᠰ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠨᠢ ᠭᠤᠤᠯᠳᠠᠭᠤ ᠦᠷᠡᠵᠢᠯ ᠤᠨ ᠵᠠᠮ ᠢ ᠬᠦᠨᠥᠭᠡᠳᠡᠭ ᠠᠴᠠ ᠮᠠᠯ ᠳᠤ ᠬᠡᠭᠡᠯ | ᠬᠠᠶᠠᠬᠤ᠂ ᠰᠠᠪᠠᠨ ᠤ ᠦᠷᠪᠢᠰᠦᠯ ᠡᠭᠦᠰᠭᠦ᠂ ᠬᠡᠬᠡᠯᠲᠤᠬᠦ ᠦᠭᠡᠢ ᠵᠡᠷᠭᠡ ᠡᠪᠡᠳᠴᠢᠨ ᠤ ᠰᠢᠨᠵᠢ ᠶᠢ ᠦᠵᠡᠬᠦᠯᠵᠤ᠂ | ᠬᠦᠮᠥᠨ ᠲᠡᠭᠡᠷᠡ ᠪᠤᠯ ᠦᠷᠡᠵᠢᠯ ᠤᠨ ᠰᠢᠰᠲ᠋ᠧᠮ ᠢ ᠬᠦᠨᠥᠭᠡᠬᠦ ᠠᠴᠠ ᠭᠠᠳᠠᠨᠠ ᠪᠠᠰᠠ ᠦᠶᠡ ᠬᠡᠰᠢᠬᠦᠨ ᠤ | ᠦᠷᠪᠢᠰᠦᠯ ᠡᠭᠦᠰᠬᠦ᠂ ᠶᠠᠳᠠᠷᠠᠬᠤ᠂ ᠠᠮᠠᠷᠬᠠᠨ ᠬᠦᠯᠦᠰᠦ ᠭᠠᠷᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠤ ᠰᠢᠨᠵᠢ ᠶᠢ ᠢᠯᠡᠷᠡᠭᠦᠯᠳᠡᠭ᠃ | ᠡᠪᠡᠳᠴᠢᠲᠠᠢ ᠡᠬᠡ ᠮᠠᠯ ᠨᠢ ᠲᠤᠰ ᠡᠪᠡᠳᠴᠢᠨ ᠢ ᠲᠦᠯ ︵ᠬᠦᠪᠦᠷᠡᠯ︶ ᠳᠡᠭᠡᠨ ᠲᠠᠮᠵᠢᠭᠤᠯᠳᠠᠭ᠂ ᠡᠪᠡᠳᠴᠢᠲᠠᠢ ᠪᠤᠬᠠ | ᠪᠠᠷ ᠦᠷᠡ ᠶᠢᠨ ᠮᠠᠯ ᠬᠢᠪᠡᠯ ᠪᠦᠬᠦ ᠰᠦᠷᠥᠭ ᠢᠶᠠᠨ ᠰᠦᠢᠳᠬᠦ ᠪᠤᠯᠤᠨᠠ᠃ ᠬᠦᠮᠥᠨ ᠳᠤ ᠴᠤ ᠶᠤᠰᠤ ᠨᠢ ᠠᠳᠠᠯᠢᠬᠠᠨ | ᠃ ᠵᠠᠯᠠᠭᠤ ᠬᠦᠮᠥᠰ ᠡᠭᠦᠨ ᠢ ᠤᠨᠴᠠ ᠠᠩᠬᠠᠷᠠᠬᠤ ᠬᠡᠷᠡᠭᠲᠠᠢ᠃ ᠲᠤᠰ ᠡᠪᠳᠴᠢᠨ ᠨᠢ ᠭᠤᠤᠯᠳᠠᠭᠤ ᠮᠠᠯ ᠠᠴᠠ | ᠬᠦᠮᠥᠨ ᠳᠤ ᠬᠠᠯᠳᠠᠪᠤᠷᠢᠯᠠᠨᠠ᠂ ᠡᠶᠢᠮᠤ ᠠᠴᠠ ᠮᠠᠯᠴᠢᠳ ᠤᠨᠴᠠ ᠠᠩᠬᠠᠷᠠᠬᠤ ᠬᠡᠷᠡᠭᠲᠠᠢ᠃ | ᠲᠡᠭᠡᠪᠡᠯ ᠲᠤᠰ ᠡᠪᠡᠳᠴᠢᠨ ᠢ ᠵᠠᠰᠠᠵᠤ ᠲᠡᠶᠢᠯᠬᠦ ᠤᠤ︖ ᠲᠡᠶᠢᠯᠦᠨᠡ ᠭᠡᠵᠤ ᠵᠠᠷᠢᠮ ᠡᠮᠴᠢ ᠬᠡᠯᠡᠬᠦ ᠮᠠᠭᠠᠳ᠂ | ᠭᠡᠪᠡᠴᠤ ᠪᠢ ᠡᠭᠦᠨ ᠢ ᠬᠠᠷᠢᠭᠤᠯᠬᠤ ᠠᠴᠠ ᠡᠮᠦᠨᠡ ᠲᠤᠰ ᠡᠪᠡᠳᠴᠢᠨ ᠤ ᠬᠡᠳᠦᠨ ᠤᠨᠴᠠᠯᠢᠭ ᠢ ᠶᠠᠷᠢᠶᠠ᠃ ᠨᠢᠭᠡ᠄ | ᠡᠩ ᠤᠨ ᠡᠪᠡᠳᠴᠢᠨ ᠡᠭᠦᠰᠭᠡᠳᠡᠭ ᠪᠠᠺᠲ᠋ᠧᠷᠢ ᠡᠰ ᠤᠨ ᠭᠠᠳᠠᠨᠠ ᠤᠷᠤᠰᠢᠳᠠᠭ᠂ ᠭᠡᠳᠡᠯᠡ ᠪᠷᠦ᠋ᠰ ᠪᠠᠺᠲ᠋ᠧᠷᠢ ᠨᠢ ᠡᠰ | ᠤᠨ ᠲᠤᠲᠤᠷᠠ ᠠᠮᠢᠳᠤᠷᠠᠨ ᠤᠷᠤᠰᠢᠬᠤ ᠴᠢᠳᠠᠪᠤᠷᠢ ᠲᠠᠢ᠃ ᠬᠤᠶᠠᠷ᠄ ᠤᠳᠤᠬᠠᠨ ᠳᠤ ᠬᠡᠷᠡᠭᠯᠡᠵᠤ ᠪᠠᠶᠢᠭᠠ ᠮᠠᠰᠢ | ᠤᠯᠠᠨ ᠡᠮ ᠨᠢ ᠭᠤᠤᠯᠳᠠᠭᠤ ᠡᠰ ᠤᠨ ᠭᠠᠳᠠᠨᠠᠬᠢ ᠪᠠᠺᠲ᠋ᠧᠷᠢ ᠳᠤ ᠢᠯᠡᠷᠭᠡᠢ ᠦᠢᠯᠡᠳᠦᠯ ᠲᠠᠢ᠃ ᠶᠡᠷᠦᠳᠡᠭᠡᠨ | ᠬᠡᠷᠡᠭᠯᠡᠳᠡᠭ ᠡᠮ ᠨᠢ ᠡᠰ ᠤᠨ ᠲᠤᠲᠤᠷᠠ ᠤᠷᠤᠵᠤ ᠲᠡᠶᠢᠯᠳᠡᠭ ᠦᠭᠡᠢ᠂ ᠡᠶᠢᠮᠤ ᠠᠴᠠ ᠲᠤᠰ ᠪᠠᠺᠲ᠋ᠧᠷᠢ ᠳᠤ ᠬᠦᠴᠦᠨ | ᠲᠠᠢ ᠡᠮ ᠢᠶᠠᠷ ᠡᠰ ᠤᠨ ᠲᠤᠲᠤᠷᠠ ᠨᠢᠭᠤᠭᠳᠠᠭᠰᠠᠨ ᠪᠠᠺᠲ᠋ᠧᠷᠢ ᠢ 100% ᠤᠰᠠᠳᠬᠠᠨᠠ ᠭᠡᠪᠡᠯ ᠮᠠᠰᠢ ᠬᠠᠭᠤᠮᠠᠭᠠᠢ | ᠪᠤᠯᠤᠨᠠ᠃ ᠭᠤᠷᠪᠠ᠄ ᠲᠠᠷᠢᠯᠭᠠ ᠶᠢᠨ ᠬᠦᠴᠦᠨ ᠲᠠᠢ ᠪᠦᠷᠢᠯᠳᠦᠭᠦᠨ ᠨᠢ ᠡᠰ ᠤᠨ ᠲᠤᠲᠤᠷᠠᠬᠢ ᠪᠠᠺᠲ᠋ᠧᠷᠢ ᠶᠢ | ᠤᠰᠠᠳᠬᠠᠵᠤ ᠴᠢᠳᠠᠳᠠᠭ ᠦᠭᠡᠢ᠃ ᠲᠦᠷᠪᠡ᠄ ᠡᠰ ᠤᠨ ᠲᠤᠲᠤᠷᠠ ᠨᠢᠭᠤᠭᠳᠠᠭᠰᠠᠨ ᠴᠦᠭᠡᠨ ᠲᠤᠭᠠᠨ ᠤ ᠪᠠᠺᠲ᠋ᠧᠷᠢ | ᠶᠢ ᠪᠦᠷᠢᠮᠦᠰᠦᠨ ᠰᠢᠯᠭᠠᠵᠤ ᠲᠡᠶᠢᠯᠬᠦ ᠪᠠᠶᠢᠴᠠᠭᠠᠯᠲᠠ ᠶᠢᠨ ᠮᠡᠷᠭᠡᠵᠢᠯ ᠤᠳᠤᠬᠠᠨ ᠳᠠᠭᠠᠨ ᠪᠠᠶᠢᠭᠠ ᠦᠭᠡᠢ᠃ ᠡᠶᠢᠮᠦ | ᠠᠴᠠ ᠡᠮᠴᠢ ᠶᠢᠨ ᠶᠠᠷᠢᠳᠠᠭ ᠵᠠᠰᠠᠵᠤ ᠴᠢᠳᠠᠨᠠ ᠭᠡᠳᠡᠭ ᠨᠢ ᠵᠦᠪᠬᠡᠨ ᠡᠪᠡᠳᠴᠢᠨ ᠤ ᠰᠢᠨᠵᠢ ᠶᠢ ᠬᠦᠩᠭᠡᠷᠡᠭᠦᠯᠦᠨᠡ | ᠭᠡᠰᠡᠨ ᠦᠭᠡ᠂ ᠵᠠᠷᠢᠮ ᠵᠠᠰᠠᠯᠭᠠ ᠬᠦᠩᠭᠡᠷᠡᠭᠡᠳ ᠡᠷᠡᠭᠦᠯ ᠬᠦᠮᠥᠨ ᠲᠠᠢ ᠠᠳᠠᠯᠢᠪᠲᠤᠷ ᠪᠤᠯᠵᠤ ᠪᠤᠯᠤᠨᠠ᠂ ᠭᠡᠪᠡᠴᠤ | ᠪᠡᠶᠡ ᠶᠢᠨ ᠲᠤᠲᠤᠷᠠ ᠦᠯᠡᠳᠡᠵᠦ ᠮᠡᠳᠡᠬᠦ ᠪᠠᠺᠲ᠋ᠧᠷᠢ ᠪᠠᠶᠢᠳᠠᠭ ᠠᠴᠠ ᠲᠤᠰ ᠬᠦᠮᠥᠨ ᠡᠮᠨᠡᠯᠭᠡ ᠠᠴᠠ ᠰᠠᠯᠤᠭᠰᠠᠨ ᠴᠤ | ᠴᠠᠭ ᠢᠮᠠᠭᠲᠠ ᠡᠷᠡᠭᠦᠯ ᠠᠮᠢᠳᠤᠷᠠᠯ ᠤᠨ ᠲᠠᠳᠬᠠᠯ ᠢ ᠪᠠᠷᠢᠮᠲᠠᠯᠠᠨ᠂ ᠠᠷᠢᠬᠢᠨ ᠳᠤ ᠰᠢᠭᠢᠳᠴᠤ ᠲᠠᠮᠠᠬᠢᠨ ᠳᠤ ᠰᠢᠨᠤᠨ | ᠪᠡᠶᠡ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠪᠠᠨ ᠬᠦᠨᠳᠦᠭᠡᠨ᠂ ᠲᠤᠰ ᠡᠪᠡᠳᠴᠢᠨ ᠢ ᠲᠠᠬᠢᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠲᠠᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |