| | | ᠪᠣᠭ ᠮᠠᠯ ᠤᠨ ᠴᠣᠴᠢᠮᠠᠭ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠃ | ᠣᠷᠣᠨ ᠨᠤᠲᠤᠭ ᠲᠤ ︽ᠴᠣᠪᠬᠤᠷᠭᠠ ︾ ᠂ ︽ᠨᠣᠭᠤᠭᠠᠨ ᠤ ᠬᠤᠣᠷᠳᠠᠯᠭᠠ ︾ ᠭᠡᠬᠦ ᠮᠡᠲᠦ ᠪᠠᠷ ᠨᠡᠷᠡᠯᠡᠵᠦ ᠢᠷᠡᠭᠰᠡᠨ ᠃ | | ᠡᠪᠡᠳᠴᠢᠨ ᠭᠠᠷᠪᠠᠯ ᠰᠦᠷᠦᠭ ᠤᠨ 25-30 ᠬᠦᠷᠲᠡᠯᠡ ᠬᠤᠪᠢ ᠨᠢ ᠡᠪᠡᠳᠴᠢᠯᠡᠵᠦ ᠂ ᠦᠬᠦᠯ 80-100 ᠬᠤᠪᠢ | ᠪᠠᠶᠢᠳᠠᠭ ᠃ | ᠡᠭᠦᠰᠬᠡᠭᠴᠢ ᠨᠢ ᠄ ᠠᠭᠠᠷ ᠦᠭᠡᠶ ᠣᠷᠴᠢᠨ ᠳᠤ ᠠᠮᠠᠷᠬᠠᠨ ᠦᠷᠡᠵᠢᠵᠦ ᠡᠪᠡᠳᠴᠢᠨ ᠡᠭᠦᠰᠬᠡᠳᠡᠭ ᠨᠢᠶᠠᠨ ᠃ | ᠡᠨᠡ ᠨᠢ ᠮᠠᠯ ᠤᠨ ᠨᠠᠷᠢᠨ ᠭᠡᠳᠡᠰᠦᠨ ᠤ ᠬᠠᠨᠠ ᠪᠠᠷ ᠰᠢᠮᠡᠭᠳᠡᠨ ᠪᠦᠬᠦ ᠪᠡᠶᠡ ᠳᠤ ᠲᠠᠷᠬᠠᠨᠠ ᠃ | ᠬᠠᠯᠳᠠᠪᠤᠷᠢᠯᠠᠯᠲᠠ ᠡᠮᠭᠡᠭ ᠄ ᠬᠠᠯᠳᠠᠪᠤᠷᠢ ᠶᠢᠨ ᠡᠬᠡ ᠨᠢ ᠡᠪᠡᠳᠴᠢᠲᠡᠶ ᠮᠠᠯ ᠂ ᠰᠡᠭ ᠬᠡᠭᠦᠷ ᠂ ᠲᠡᠳᠡᠭᠡᠷ ᠢᠶᠠᠷ | ᠪᠣᠬᠢᠷᠯᠠᠭᠳᠠᠭᠰᠠᠨ ᠬᠥᠷᠥᠰᠥ ᠂ ᠤᠷᠭᠤᠮᠠᠯ ᠂ ᠤᠰᠤ ᠂ ᠬᠠᠰᠢᠶᠠ ᠪᠠᠶᠢᠷᠢ ᠂ ᠬᠡᠪᠲᠡᠷᠢ ᠪᠠᠭᠤᠴᠠ ᠂ ᠲᠣᠨᠤᠭ ᠬᠡᠷᠡᠭᠰᠡᠯ | ᠶᠤᠮ ᠃ | ᠡᠭᠦᠰᠬᠡᠭᠴᠢ ᠨᠢ ᠮᠠᠯ ᠤᠨ ᠬᠤᠳᠣᠭᠤᠳᠣ ᠭᠡᠳᠡᠰᠦᠨ ᠳᠤ ᠲᠣᠭᠲᠠᠮᠠᠯ ᠪᠠᠶᠢᠳᠠᠭ ᠨᠢᠶᠠᠨ ᠪᠥᠭᠡᠳ ᠮᠠᠯ ᠤᠨ ᠪᠡᠶᠡ | ᠰᠤᠯᠠᠷᠠᠵᠤ ᠂ ᠲᠤᠷᠠᠵᠤ ᠡᠴᠡᠵᠦ ᠂ ᠥᠯᠥᠰᠴᠦ ᠴᠠᠩᠭᠠᠬᠤ ᠵᠡᠷᠭᠡ ᠠᠴᠠ ᠰᠢᠯᠲᠠᠭᠠᠯᠠᠨ ᠬᠤᠳᠣᠭᠤᠳᠣ ᠭᠡᠳᠡᠰᠦᠨ ᠤ | ᠦᠢᠯᠡ ᠠᠵᠢᠯᠯᠠᠭᠠ ᠬᠢᠮᠤᠷᠠᠬᠤ ᠦᠶᠡ ᠳᠤ ᠮᠠᠯ ᠡᠪᠡᠳᠴᠢᠯᠡᠭᠦᠯᠳᠡᠭ ᠃ | ᠬᠠᠪᠤᠷ ᠨᠣᠭᠤᠭᠠ ᠭᠠᠷᠬᠤ ᠦᠶᠡ ᠪᠠᠷ ᠮᠥᠨ ᠵᠤᠨ ᠂ ᠨᠠᠮᠤᠷ ᠲᠤ ᠨᠣᠭᠤᠭᠠ ᠬᠡᠨᠵᠡᠯᠡᠬᠦ ᠴᠠᠭ ᠢᠶᠠᠷ ᠭᠤᠣᠯ ᠲᠥᠯᠥᠪ | ᠢᠯᠡᠷᠡᠳᠡᠭ ᠤᠴᠢᠷ ᠠᠴᠠ ᠮᠠᠯᠴᠢᠳ ︽ᠨᠣᠭᠤᠭᠠᠨ ᠤ ᠬᠤᠣᠷᠳᠠᠯᠭᠠ ︾ ᠭᠡᠵᠦ ᠣᠶᠢᠯᠠᠭᠠᠳᠠᠭ ᠃ | ᠰᠢᠨᠡ ᠰᠢᠭᠦᠰᠦᠯᠢᠭ ᠨᠣᠭᠤᠭᠠ ᠶᠢ ᠭᠡᠨᠡᠳᠲᠡ ᠶᠡᠭᠡ ᠪᠠᠷ ᠢᠳᠡᠬᠦ ᠨᠢ ᠭᠡᠳᠡᠰᠦᠨ ᠤ ᠬᠥᠳᠡᠯᠭᠡᠭᠡᠨ ᠰᠢᠭᠦᠷᠡᠯ ᠢ | ᠣᠭᠵᠣᠮ ᠥᠭᠡᠷᠡᠴᠢᠯᠡᠳᠡᠭ ᠨᠢ ᠡᠨᠡ ᠨᠢᠶᠠᠨ ᠤ ᠲᠦᠷᠭᠡᠨ ᠦᠷᠡᠵᠢᠬᠦ ᠨᠥᠬᠦᠴᠡᠯ ᠪᠣᠯᠳᠠᠭ ᠃ | ᠨᠢᠶᠠᠨ ᠨᠢ ᠡᠨᠡ ᠦᠶᠡ ᠳᠤ ᠶᠡᠭᠡ ᠬᠤᠣᠷ ᠢᠯᠭᠠᠷᠠᠭᠤᠯᠬᠤ ᠪᠥᠭᠡᠳ ᠬᠤᠣᠷ ᠭᠡᠳᠡᠰᠦᠨ ᠤ ᠬᠠᠨᠠ ᠂ ᠡᠯᠢᠭᠡ ᠂ | ᠪᠥᠭᠡᠷᠡ ᠂ ᠲᠠᠷᠢᠬᠢ ᠶᠢ ᠭᠡᠮᠲᠦᠭᠡᠵᠦ ᠶᠡᠷᠦᠩᠬᠡᠢ ᠬᠤᠣᠷᠳᠠᠯᠭᠠ ᠡᠭᠦᠰᠦᠨᠡ ᠃ | ᠰᠢᠨᠵᠢ ᠲᠡᠮᠳᠡᠭ ᠄ ᠡᠨᠡ ᠡᠪᠡᠳᠴᠢᠨ ᠭᠱᠠᠨ ᠵᠠᠭᠤᠷᠠ ᠴᠣᠴᠢᠮᠠᠭ ᠂ ᠴᠣᠴᠢᠮᠠᠭᠳᠠᠭᠤ ᠂ ᠤᠵᠢᠭ ᠭᠡᠰᠡᠨ 4 ᠬᠡᠯᠪᠡᠷᠢ ᠪᠠᠷ | ᠢᠯᠡᠷᠡᠨᠡ ᠃ | ᠡᠪᠡᠳᠴᠢᠯᠡᠭᠰᠡᠨ ᠮᠠᠯ ᠰᠢᠨᠵᠢ ᠲᠡᠮᠳᠡᠭ ᠦᠵᠡᠭᠦᠯᠬᠦ ᠦᠭᠡᠢ ᠭᠡᠨᠡᠳᠲᠡ ᠦᠬᠦᠬᠦ ᠲᠣᠬᠢᠶᠠᠯᠳᠤᠯ ᠢ ᠭᠱᠠᠨ ᠵᠠᠭᠤᠷᠠ ᠶᠢᠨ | ᠬᠡᠯᠪᠡᠷᠢ ᠭᠡᠨᠡ ᠃ | ᠴᠣᠴᠢᠮᠠᠭ ᠬᠡᠯᠪᠡᠷᠢ ᠶᠢᠨ ᠦᠶᠡ ᠳᠤ ᠭᠡᠳᠡᠰᠦ ᠳᠦᠭᠦᠷᠬᠦ ᠂ ᠲᠠᠲᠠᠵᠤ ᠤᠨᠠᠬᠤ ᠂ ᠬᠥᠳᠡᠯᠭᠡᠭᠡᠨ ᠤ ᠵᠣᠬᠢᠴᠠᠯ | ᠠᠯᠳᠠᠭᠳᠠᠵᠤ ᠭᠤᠶᠢᠪᠢᠵᠤ ᠳᠠᠶᠢᠪᠢᠬᠤ ᠂ ᠰᠢᠳᠦ ᠪᠠᠨ ᠵᠣᠭᠰᠣᠯᠲᠠ ᠦᠭᠡᠢ ᠬᠠᠪᠢᠷᠬᠤ ᠂ ᠠᠮᠠ ᠬᠠᠮᠠᠷ ᠠᠴᠠ ᠴᠢᠰᠤ ᠲᠠᠢ | ᠰᠢᠯᠦᠰᠦ ᠬᠥᠭᠡᠰᠦ ᠭᠠᠷᠬᠤ ᠂ ᠣᠭᠵᠣᠮ ᠬᠠᠯᠠᠭᠤᠷᠠᠬᠤ ᠰᠢᠨᠵᠢ ᠲᠡᠮᠳᠡᠭ ᠢᠯᠡᠷᠡᠵᠦ 24-48 ᠴᠠᠭ ᠤᠨ ᠳᠣᠲᠣᠷᠠ | ᠦᠬᠦᠨᠡ ᠃ | ᠴᠣᠴᠢᠮᠠᠭᠳᠠᠭᠤ ᠬᠡᠯᠪᠡᠷᠢ ᠶᠢᠨ ᠦᠶᠡ ᠳᠤ ᠮᠠᠯ ᠲᠡᠵᠢᠭᠡᠯ ᠳᠤ ᠪᠠᠨ ᠳᠤᠷᠠ ᠦᠭᠡᠢ ᠪᠣᠯᠵᠤ ᠦᠯᠪᠡᠶᠢᠵᠤ ᠂ ᠭᠠᠵᠠᠷ | ᠰᠢᠨᠵᠢᠯᠡᠵᠦ ᠵᠣᠭᠰᠣᠬᠤ ᠂ ᠭᠤᠶᠢᠪᠢᠵᠤ ᠳᠠᠶᠢᠪᠢᠬᠤ ᠂ ᠴᠢᠰᠤ ᠂ ᠴᠢᠴᠠᠭᠠ ᠠᠯᠳᠠᠬᠤ ᠂ ᠰᠢᠭᠡᠰᠦ ᠨᠢ ᠤᠯᠠᠭᠠᠨ ᠬᠦᠷᠡᠩ | ᠥᠩᠭᠡ ᠲᠠᠢ ᠭᠠᠷᠬᠤ ᠰᠢᠨᠵᠢ ᠲᠡᠮᠳᠡᠭ ᠦᠵᠡᠭᠦᠯᠵᠦ 2-3 ᠬᠤᠨᠣᠭᠠᠳ ᠦᠬᠦᠨᠡ ᠃ | ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠯᠲᠡ ᠄ ᠡᠨᠡ ᠡᠪᠡᠳᠴᠢᠨ ᠤ ᠡᠰᠡᠷᠭᠦ ᠵᠣᠷᠢᠭᠤᠯᠤᠯᠲᠠ ᠶᠢᠨ ᠸᠠᠺᠼᠢᠨ ᠲᠠᠷᠢᠵᠤ | ᠳᠠᠷᠬᠠᠯᠠᠭᠠ ᠲᠠᠢ ᠪᠣᠯᠭᠠᠬᠤ ᠳᠤ ᠣᠷᠣᠰᠢᠨᠠ ᠃ ᠃ | | | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |