| | ᠠᠮᠠᠷᠠᠤ ᠃ | ᠠᠮᠠ ᠬᠠᠮᠠᠷ ᠠᠮᠠᠨ ᠤ ᠬᠥᠨᠳᠡᠢ ᠶᠢ ᠶᠠᠷᠠ ᠲᠠᠢ ᠪᠣᠯᠭᠠᠨ ᠡᠪᠡᠳᠴᠢᠯᠡᠭᠦᠯᠳᠡᠭ ᠃ | ᠮᠠᠯᠴᠢᠳ ᠡᠨᠡ ᠡᠪᠡᠳᠴᠢᠨ ᠢ ᠠᠮᠠᠷᠠᠤ ᠭᠡᠳᠡᠭ ᠃ | ᠪᠣᠭ ᠮᠠᠯ ᠢᠯᠠᠩᠭᠤᠶᠠ ᠬᠤᠷᠠᠭᠠ ᠲᠥᠯᠥᠭᠡ ᠂ ᠢᠰᠢᠭᠡ ᠪᠣᠷᠤᠯᠠᠩ ᠶᠡᠭᠡ ᠮᠡᠳᠡᠷᠡᠮᠡᠲᠡᠭᠡᠢ ᠃ | ᠪᠣᠲᠣᠭᠤ ᠲᠣᠷᠤᠮ ᠡᠪᠡᠳᠴᠢᠯᠡᠨᠡ ᠃ | ᠰᠢᠨᠵᠢ ᠲᠡᠮᠳᠡᠭ ᠄ ᠡᠪᠡᠳᠴᠢᠯᠡᠭᠰᠡᠨ ᠮᠠᠯ ᠡᠪᠡᠰᠦ ᠲᠡᠵᠢᠭᠡᠯ ᠢᠳᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠣᠨᠠ ᠃ | ᠦᠰᠦ ᠨᠢ ᠪᠦᠷᠵᠦᠶᠢᠵᠦ ᠥᠩᠭᠡ ᠵᠢᠰᠦ ᠪᠠᠨ ᠠᠯᠳᠠᠵᠤ ᠲᠤᠷᠠᠨᠠ ᠃ | ᠤᠷᠤᠭᠤᠯ ᠤᠨ ᠭᠠᠳᠠᠨᠠ ᠲᠠᠯᠠ ᠳᠤ ᠴᠠᠶᠢᠪᠤᠷᠳᠠᠭᠤ ᠥᠩᠭᠡ ᠲᠠᠢ ᠪᠠᠷᠵᠠᠭᠠᠷ ᠶᠠᠷᠠᠰᠢᠯᠲᠠ ᠪᠤᠢ ᠪᠣᠯᠣᠨᠠ ᠃ | ᠤᠷᠤᠭᠤᠯ ᠤᠨ ᠳᠣᠲᠣᠷᠠ ᠲᠠᠯᠠ ᠂ ᠪᠤᠶᠢᠯᠠ ᠲᠠᠩᠨᠠᠢ ᠳᠤ ᠴᠠᠶᠢᠪᠤᠷ ᠥᠩᠭᠡ ᠲᠠᠢ ᠥᠩᠭᠦᠷ ᠲᠣᠭᠲᠠᠵᠤ ᠡᠬᠡᠭᠦᠨ ᠡᠪ | ᠦᠭᠡᠢ ᠦᠨᠦᠷ ᠭᠠᠷᠤᠨᠠ ᠃ | ᠰᠢᠪᠦᠭᠡ ᠶᠠᠷᠠ ᠬᠦᠨᠳᠦᠷᠡᠪᠡᠯ ᠡᠭᠦᠰᠬᠡᠭᠴᠢ ᠸᠢᠷᠦ᠋ᠰ ᠨᠢ ᠴᠢᠰᠤ ᠪᠠᠷ ᠳᠡᠮᠵᠢᠨ ᠲᠠᠷᠬᠠᠵᠤ ᠂ ᠶᠡᠭᠡ ᠪᠡᠶᠡ ᠶᠢᠨ | ᠭᠠᠳᠠᠭᠤᠷ ᠱᠥᠪᠥᠭᠡᠷ ᠣᠷᠣᠢ ᠲᠠᠢ ᠶᠠᠷ ᠲᠤᠭᠤᠷᠠᠬᠤ ᠂ ᠬᠠᠯᠠᠭᠤᠷᠠᠬᠤ ᠂ ᠲᠡᠵᠢᠭᠡᠯ ᠠᠴᠠ ᠭᠠᠷᠬᠤ ᠂ ᠪᠡᠶᠡ ᠪᠠᠨ | ᠬᠤᠷᠢᠶᠠᠨ ᠲᠠᠲᠠᠯᠳᠤᠵᠤ ᠵᠣᠭᠰᠣᠬᠤ ᠵᠡᠷᠭᠡ ᠭᠤᠣᠯ ᠰᠢᠨᠵᠢ ᠲᠡᠮᠳᠡᠭ ᠦᠵᠡᠭᠦᠯᠦᠨᠡ ᠃ | ᠡᠮᠴᠢᠯᠡᠭᠡ ᠰᠡᠷᠭᠡᠶᠢᠯᠡᠯᠲᠡ ᠄ ᠡᠬᠢᠯᠡᠬᠦ ᠦᠶᠡ ᠳᠤ ᠨᠢ ᠡᠮᠴᠢᠯᠡᠪᠡᠯ ᠲᠦᠷᠭᠡᠨ ᠡᠳᠡᠭᠡᠷᠡᠨᠡ ᠃ | ᠡᠭᠦᠨ ᠤ ᠲᠤᠯᠠᠳᠠ ᠄ — ᠠᠳᠤᠭᠤ ᠂ ᠲᠠᠷᠪᠠᠭᠠᠨ ᠤ ᠲᠣᠰᠣ ᠬᠠᠶᠢᠯᠤᠭᠤᠯᠵᠤ ᠂ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠢᠶᠠᠷ ᠨᠢ | ᠤᠷᠤᠭᠤᠯ ᠤᠨ ᠶᠠᠷᠠ ᠲᠠᠢ ᠬᠡᠰᠡᠭ ᠲᠤ 2-3 ᠡᠳᠦᠷ ᠲᠦᠷᠬᠢᠨᠡ ᠃ | ᠤᠷᠤᠭᠤᠯ ᠂ ᠪᠤᠶᠢᠯᠠ ᠂ ᠲᠠᠩᠨᠠᠢ ᠦᠷᠪᠢᠰᠦᠭᠰᠡᠨ ᠪᠣᠯ ᠳᠠᠪᠤᠰᠤ ᠲᠠᠢ ᠤᠰᠤ ᠪᠠᠷ ᠠᠷᠴᠢᠵᠤ ᠴᠡᠪᠡᠷᠯᠡᠨᠡ ᠃ | — ᠮᠠᠩᠭᠠᠨ ᠤ ᠠᠭᠤᠰᠤᠮᠠᠯ ᠢᠶᠠᠷ ᠠᠮᠠᠨ ᠤ ᠬᠥᠨᠳᠡᠢ ᠶᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠨᠡ ᠃ | ᠡᠭᠦᠨ ᠤ ᠲᠤᠯᠠᠳᠠ ᠴᠡᠪᠡᠷ ᠱᠠ ᠪᠥᠰ ᠪᠠ ᠬᠥᠪᠥᠩ ᠢ ᠮᠣᠳᠣᠨ ᠳᠤ ᠣᠷᠢᠶᠠᠵᠤ ᠂ ᠠᠭᠤᠰᠤᠮᠠᠯ ᠳᠠᠭᠠᠨ ᠳᠦᠷᠦᠵᠦ | ᠠᠷᠴᠢᠨᠠ ᠃ | ᠠᠷᠴᠢᠵᠤ ᠴᠡᠪᠡᠷᠯᠡᠬᠦ ᠪᠦᠷᠢ ᠳᠤ ᠪᠠᠨ ᠱᠠ ᠪᠥᠰ ᠂ ᠬᠥᠪᠥᠩ ᠢᠶᠠᠨ ᠰᠣᠯᠢᠨᠠ ᠃ | ᠠᠮᠠᠨ ᠤ ᠬᠥᠨᠳᠡᠢ ᠶᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠭᠰᠡᠨ ᠤ ᠳᠠᠷᠠᠭᠠ ᠨᠢᠶᠠᠨ ᠳᠠᠷᠤᠭᠴᠢ ᠶᠢ ᠨᠤᠨᠳᠠᠭ ᠳᠠᠪᠤᠰᠤ ᠲᠠᠢ ᠠᠳᠠᠯᠢ | ᠬᠡᠮᠵᠢᠶᠡ ᠪᠠᠷ ᠬᠤᠯᠢᠵᠤ ᠠᠮᠠᠨ ᠤ ᠬᠥᠨᠳᠡᠢ ᠳᠤ ᠴᠠᠴᠤᠯᠭᠠ ᠬᠢᠨᠡ ᠃ | ᠠᠳᠤᠭᠤᠨ ᠤ ᠪᠣᠯᠣᠨ ᠲᠠᠷᠪᠠᠭᠠᠨ ᠤ ᠲᠣᠰᠣ ᠂ ᠸᠠᠽᠧᠯᠢᠨ ᠤ ᠠᠯᠢ ᠨᠢᠭᠡ ᠶᠢ 100 ᠭᠷᠡᠮ ᠠᠪᠴᠤ ᠵᠡᠰ ᠤᠨ ᠴᠡᠩᠬᠡᠷ | 10 ᠭᠷᠡᠮ ᠢ ᠬᠤᠯᠢᠭᠠᠳ ᠤᠷᠤᠭᠤᠯ ᠤᠨ ᠶᠠᠷᠠ ᠲᠠᠢ ᠬᠡᠰᠡᠭ ᠲᠤ ᠲᠦᠷᠬᠢᠬᠦ ᠳᠤ 2-3 ᠬᠤᠨᠤᠭ ᠲᠤ ᠪᠦᠷᠢᠨ | ᠡᠳᠡᠭᠡᠷᠡᠳᠡᠭ ᠃ | ᠠᠳᠤᠭᠤ ᠂ ᠲᠠᠷᠪᠠᠭᠠᠨ ᠤ ᠲᠣᠰᠣᠨ ᠳᠤ ᠨᠠᠶᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠲᠤᠨᠤᠵᠤ ᠮᠠᠭᠠᠳ ᠦᠭᠡᠢ ᠤᠴᠢᠷ ᠬᠡᠷᠡᠭᠯᠡᠬᠦ | ᠦᠶᠡ ᠳᠤ ᠪᠠᠨ ᠵᠠᠶᠢᠯᠠᠬᠤ ᠮᠣᠳᠣᠨ ᠰᠠᠪᠠᠭᠠ ᠪᠠᠷ ᠬᠤᠳᠬᠤᠵᠤ ᠪᠠᠶᠢᠪᠠᠯ ᠵᠣᠬᠢᠨᠠ ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |