| | ᠷᠸᠣᠷᠠᠨ ᠣᠯᠣᠰ ᠬᠦᠭᠵᠢᠯ ᠤᠨ ᠬᠠᠮᠤᠭ ᠣᠷᠭᠢᠯ ᠦᠶᠡ ᠳᠡᠭᠡᠨ ᠲᠡᠭᠦᠨ ᠤ ᠨᠣᠳᠤᠭ ᠲᠡᠪᠢᠰᠭᠡᠷ ᠨᠢ ᠣᠮᠠᠷᠠᠰᠢ | ᠪᠠᠶᠢᠭᠠᠯ ᠲᠠᠯᠠᠢ ᠶᠢ ᠬᠠᠮᠣᠷᠴᠣ᠂ ᠡᠮᠦᠨᠡᠰᠢ ᠭᠤᠪᠢ ᠡᠯᠡᠰᠦ ᠪᠣᠯᠣᠨ ᠴᠠᠭᠠᠨ ᠬᠡᠷᠡᠮ ︵ᠣᠮᠠᠷᠠᠳᠣ ᠸᠧᠢ ᠣᠯᠣᠰ ᠴᠦ | ᠴᠠᠭᠠᠨ ᠬᠡᠷᠡᠮ ᠪᠠᠷᠢᠵᠣ ᠷᠸᠣᠷᠠᠨ ᠨᠡᠷ ᠢ ᠰᠡᠷᠭᠡᠶᠢᠯᠡᠵᠦ ᠪᠠᠶᠢᠵᠠᠢ︶ ᠢᠶᠠᠷ ᠣᠮᠠᠷᠠᠳᠣ ᠸᠧᠢ ᠣᠯᠣᠰ ᠲᠠᠢ ᠬᠢᠯᠢᠯᠡᠵᠦ᠂ | ᠵᠡᠭᠦᠨᠰᠢ ᠰᠣᠯᠣᠩᠭᠤᠰ ᠲᠠᠢ ᠵᠠᠬᠠ ᠨᠡᠶᠢᠯᠡᠨ᠂ ᠪᠠᠷᠠᠭᠤᠨᠰᠢ ᠣᠳᠣ ᠶᠢᠨ ᠰᠢᠨᠵᠢᠶᠠᠩ ᠤᠨ ᠶᠠᠨ ᠴᠢ ᠬᠦᠷᠴᠦ᠂ | ᠪᠠᠷᠠᠭᠤᠨ ᠬᠤᠶᠢᠰᠢ ᠠᠯᠳᠠᠢ ᠲᠠᠪᠠᠨ᠂ ᠴᠢᠨᠠᠭᠰᠢ ᠨᠡᠩ ᠠᠯᠣᠰ ᠲᠤ ᠪᠠᠶᠢᠭᠠ ᠪᠠᠯᠬᠠᠱ ᠨᠠᠭᠤᠷ ᠬᠦᠷᠴᠦ ᠪᠠᠶᠢᠪᠠ ᠭᠡᠵᠦ | ᠸᠢᠺᠢᠫᠧᠳᠢᠶᠠ ᠰᠦᠯᠵᠢᠶᠡᠨ ᠳᠤ ᠲᠠᠨᠢᠯᠴᠠᠭᠤᠯᠵᠣ ᠪᠠᠶᠢᠳᠠᠭ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠣᠳᠣᠬᠢ ᠰᠢᠨᠵᠢᠶᠠᠩ ᠢ | ᠪᠠᠭᠳᠠᠭᠠᠭᠰᠠᠨ ᠲᠣᠮᠳᠠᠳᠣ ᠠᠽᠢ᠂ ᠡᠮᠦᠨᠡᠳᠦ ᠠᠽᠢ ᠬᠦᠷᠳᠡᠯᠡᠬᠢ ᠦᠷᠭᠡᠨ ᠠᠭᠤᠳᠠᠮ ᠨᠣᠳᠤᠭ ᠲᠡᠪᠢᠰᠭᠡᠷ ᠪᠦᠷ ᠶᠧ | ᠳ᠋ᠠ ︵嚈噠︶ ᠬᠦᠮᠦᠰ ᠤᠨ ᠨᠣᠶᠠᠷᠬᠠᠯ ᠳᠤ ᠪᠠᠶᠢᠵᠣ᠂ ᠶᠧ ᠳ᠋ᠠ᠂ ᠷᠸᠣᠷᠠᠨ ᠬᠤᠭᠤᠷᠣᠨᠳᠣ ᠪᠠᠨ ᠮᠠᠰᠢ ᠰᠠᠶᠢᠨ | ᠡᠪ ᠨᠠᠶᠢᠷᠠᠮᠳᠠᠯ ᠲᠠᠢ ᠪᠦᠭᠡᠳ ᠦᠷᠬᠦᠯᠵᠢ ᠣᠷᠤᠭ ᠰᠠᠳᠣᠨ ᠤ ᠬᠠᠷᠢᠴᠠᠭᠠ ᠪᠠᠶᠢᠭᠤᠯᠵᠣ᠂ ᠣᠯᠣᠰ ᠲᠦᠷᠦ ᠢᠶᠠᠨ | ᠨᠢᠬᠳᠠ ᠬᠤᠯᠪᠣᠭᠠ ᠲᠠᠢ ᠪᠠᠶᠢᠵᠠᠢ᠃ ᠠᠳᠡ ᠦᠬᠦᠯᠡᠵᠦ ᠪᠠᠶᠢᠭᠠ ᠶᠧ ᠳ᠋ᠠ ᠶᠢ ᠪᠠᠰᠠ ᠶᠠᠨ ᠳ᠋ᠠ ᠭᠡᠳᠡᠭ᠂ ᠬᠢᠳᠠᠳ | ᠦᠰᠦᠭ ᠤᠨ ᠠᠭᠤᠯᠭᠠ ᠨᠢ ᠮᠦᠨ ᠲᠣᠷᠣᠮᠵᠢᠯᠠᠬᠤ᠂ ᠬᠠᠷᠢᠶᠠᠵᠣ ᠵᠦᠭᠡᠬᠦ ᠰᠣᠶᠣᠯ ᠠᠴᠠ ᠡᠭᠦᠰᠦᠭᠰᠡᠨ ᠨᠡᠷᠡ ᠦᠭᠡ | ᠶᠣᠮ᠂ 嚈 ᠦᠰᠦᠭ ᠬᠡᠳᠦᠶᠢᠪᠡᠷ ᠣᠳᠣ ᠪᠣᠯ ᠵᠦᠪᠬᠡᠨ ︽ᠶᠧ︾ ᠭᠡᠵᠦ ᠭᠠᠭᠴᠠᠬᠠᠨ ᠣᠩᠰᠢᠯᠭᠠ ᠲᠠᠢ ᠭᠡᠳᠡᠭ | ᠪᠣᠯᠪᠠᠴᠣ᠂ ᠡᠷᠳᠡ ᠦᠶᠡ ᠶᠢᠨ ᠣᠩᠰᠢᠯᠭᠠ ᠨᠢ ᠦᠨᠡᠬᠡᠷ yàn ᠪᠠᠶᠢᠵᠣ᠂ 嚈气 ᠭᠡᠳᠡᠭ ᠦᠭᠡᠨ ᠳᠤ | ᠬᠡᠷᠡᠭᠯᠡᠳᠡᠭ ᠪᠠᠶᠢᠵᠠᠢ᠃ 嚈气 ᠨᠢ ᠲᠠᠷᠣᠢ ᠣᠳᠣᠬᠢ 咽气 ᠭᠡᠰᠡᠨ ᠦᠭᠡ ᠪᠣᠯᠣᠨᠠ᠂ ᠣᠳᠬᠠ ᠨᠢ | ᠠᠳᠠᠯᠢᠬᠠᠨ ᠢᠶᠠᠷ ᠠᠮᠢᠰᠬᠤᠯ ᠬᠤᠷᠢᠶᠠᠬᠤ ︵ᠦᠬᠦᠬᠦ︶ ᠶᠢ ᠵᠢᠭᠠᠳᠠᠭ ᠦᠭᠡ ᠠᠵᠠᠢ᠃ ᠶᠧ ᠳ᠋ᠠ ᠨᠡᠷ ᠢ ᠵᠠᠷᠢᠮ ᠨᠣᠮ | ᠳᠤ ᠾᠢᠶᠧ ᠳ᠋ᠠ ᠭᠡᠬᠦ ᠪᠣᠶᠣ ᠰᠢᠶᠧ ᠳ᠋ᠠ ᠭᠡᠬᠦ ᠳᠤ ᠵᠠᠷᠢᠮ ᠨᠢ ᠺᠢᠶᠧ ᠳ᠋ᠠ ᠭᠡᠵᠦ ᠪᠠᠰᠠ ᠵᠠᠷᠢᠮ ᠨᠢ ᠰᠢᠭᠤᠳ ᠺᠠᠢ ︵ | 開︶ ᠳ᠋ᠠ ᠭᠡᠵᠦ ᠪᠢᠴᠢᠳᠡᠭ ᠴᠦ ᠪᠠᠶᠢᠨᠠ᠃ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠫᠧᠷᠰ ᠠᠷᠠᠪ ᠵᠡᠷᠭᠡ ᠦᠷᠦᠨᠡ ᠵᠦᠭ ᠤᠨ | ᠣᠯᠣᠰ ᠣᠷᠣᠨ ᠢᠶᠠᠷ ᠪᠣᠯ ᠲᠡᠳᠡᠨᠡᠷ ᠢ Hephthalite ᠭᠡᠳᠡᠭ ᠠᠵᠠᠢ᠃ ᠭᠡᠳᠡᠯᠡ ᠡᠷᠳᠡᠨ ᠤ ᠡᠨᠡᠳᠬᠡᠭ ᠲᠤ ᠪᠣᠯ | ᠶᠧ ᠳ᠋ᠠ ᠶᠢ ᠴᠠᠭᠠᠨ ᠾᠦᠩᠨᠦ ᠭᠡᠬᠦ ᠪᠣᠶᠣ ᠰᠢᠭᠤᠳ ᠾᠦᠩᠨᠦ ᠭᠡᠳᠡᠭ ᠪᠠᠶᠢᠨᠠ᠃ ᠶᠠᠮᠠᠷ ᠪᠠᠶᠢᠭᠰᠠᠨ ᠴᠦ ᠲᠡᠳᠡ | ᠪᠣᠯ ᠬᠤᠵᠢᠮ ᠤᠨ ᠬᠢᠳᠠᠨ ᠦᠨᠳᠦᠰᠦᠳᠡᠨ ᠲᠠᠢ ᠨᠢᠭᠡᠨ ᠣᠭᠰᠠᠭᠠ ᠲᠦᠷᠦᠯ ᠤᠨ ᠬᠦᠮᠦᠰ ᠪᠠᠶᠢᠵᠠᠢ᠃ ᠲᠡᠣᠬᠡᠨ ᠳᠤ | ᠲᠡᠳᠡᠨᠡᠷ ᠤᠨ ᠡᠭᠦᠰᠦᠯ ᠢ ᠪᠦᠷ ᠬᠠᠮᠤᠭ ᠠᠩᠬᠠ ᠭᠤᠪᠢ ᠶᠢᠨ ᠠᠷᠣ ᠠᠴᠠ ᠮᠠᠨᠳᠣᠨ᠂ ᠪᠠᠷᠠᠭᠤᠨᠰᠢ ᠠᠯᠳᠠᠢ ᠲᠠᠪᠠᠨ | ᠡᠮᠦᠨᠡᠰᠢ ᠪᠠᠭᠤᠵᠣ᠂ ᠲᠣᠮᠳᠠᠳᠣ ᠠᠽᠢ ᠡᠮᠦᠨᠡᠳᠦ ᠠᠽᠢ ᠬᠦᠷᠳᠡᠯᠡ ᠦᠷᠭᠡᠵᠢᠨ᠂ ᠪᠠᠷᠠᠭᠤᠨᠰᠢ ᠫᠧᠷᠰ ᠠᠷᠠᠪ ᠲᠠᠢ | ᠲᠡᠮᠡᠴᠡᠯᠳᠦᠨ᠂ ᠡᠮᠦᠨᠡᠰᠢ ᠣᠳᠣᠬᠢ ᠠᠹᠭᠠᠨᠢᠰᠲ᠋ᠠᠨ᠂ ᠫᠠᠺᠢᠰᠲ᠋ᠠᠨ ᠢ ᠡᠵᠡᠯᠡᠨ ᠡᠨᠡᠳᠬᠡᠭ ᠤᠨ ᠳ᠋ᠧᠯᠢ ᠳᠤ ᠲᠦᠷᠢᠨ | ᠣᠷᠣᠵᠣ ᠪᠠᠶᠢᠭᠰᠠᠨ ᠨᠢᠭᠡᠨ ᠦᠶᠡ ᠶᠢᠨ ᠬᠦᠴᠦᠷᠬᠡᠭ ᠣᠯᠣᠰ ᠭᠡᠵᠦ ᠨᠢᠭᠡᠳᠦᠯ ᠲᠠᠢ ᠦᠵᠡᠳᠡᠭ ᠶᠣᠮ᠃ ᠡᠨᠡᠳᠬᠡᠭ | ᠤᠨ ᠨᠡᠪᠳᠡᠷᠬᠡᠢ ᠲᠡᠣᠬᠡᠨ ᠳᠤ ᠲᠡᠳᠡᠨᠡᠷ ᠤᠨ ᠲᠡᠣᠬᠡ ᠪᠠ ᠲᠣᠮᠤᠭ ᠤᠨ ᠲᠣᠬᠠᠢ ᠲᠣᠰᠬᠠᠶᠢᠯᠠᠨ ᠨᠢᠭᠡᠨ ᠪᠦᠯᠦᠭ | ᠰᠣᠨᠢᠷᠬᠠᠯ ᠲᠠᠢ ᠲᠠᠨᠢᠯᠴᠠᠭᠤᠯᠭᠠ ᠪᠠᠶᠢᠳᠠᠭ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |