| ︽ᠵᠤᠯᠤᠮ︾ ᠭᠡᠳᠡᠭ ᠦᠭᠡ ᠨᠢ ᠵᠠᠮ ᠭᠡᠬᠦ ᠤᠳᠬᠠ ᠲᠠᠢ ︽ᠵᠣᠯ︾ ᠭᠡᠬᠦ ᠢᠵᠠᠭᠤᠷ ᠠᠴᠠ ᠪᠦᠲᠦᠭᠰᠡᠨ | ᠦᠭᠡ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠃ ᠵᠤᠯᠤᠮ ᠭᠡᠷ ᠪᠣᠯᠪᠠᠯ ᠨᠠᠭᠦᠵᠦ ᠰᠠᠭᠤᠬᠤ ᠳᠤ ᠳᠦᠭᠦᠮ᠂ ᠪᠠᠷᠢᠵᠤ ᠴᠤᠴᠠᠬᠤ ᠳᠤ | ᠠᠮᠠᠷ᠂ ᠵᠦᠭᠡᠭᠡᠵᠦ ᠶᠠᠪᠤᠬᠤ ᠳᠤ ᠬᠦᠩᠭᠡᠨ᠂ ᠡᠪᠬᠡᠵᠦ ᠬᠤᠷᠢᠶᠠᠬᠤ ᠳᠤ ᠬᠢᠯᠪᠡᠷ ᠪᠠᠶᠢᠳᠠᠭ ᠣᠨᠴᠠᠯᠢᠭ ᠲᠠᠢ ᠪᠦᠭᠡᠳ | ᠬᠤᠰᠢ ᠪᠠᠷ ᠶᠠᠪᠤᠵᠤ ᠠᠪᠠ ᠬᠢᠬᠦ᠂ ᠮᠠᠯ ᠮᠠᠯᠯᠠᠬᠤ᠂ ᠠᠶᠠᠨ ᠲᠠᠢ ︵ᠳᠠᠶᠢᠨ︶ ᠬᠢᠬᠦ ᠳᠤ ᠳᠤᠲᠠᠭᠳᠠᠵᠤ ᠪᠣᠯᠤᠰᠢ | ᠦᠭᠡᠢ ᠦᠢᠯᠡᠳᠦᠯ ᠲᠠᠢ ᠣᠷᠤᠨ ᠰᠠᠭᠤᠴᠠ ᠶᠢᠨ ᠨᠢᠭᠡ ᠨᠢ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠬᠦ ᠵᠣᠯᠤᠮ ᠢ ᠬᠠᠷᠠᠭᠠᠴᠢ᠂ | ᠣᠨᠢᠨ᠂ ᠬᠠᠰᠠᠪᠴᠢ᠂ ᠡᠭᠦᠳᠡᠨ᠂ ᠡᠷᠦᠬᠡ᠂ ᠳᠡᠭᠡᠪᠦᠷ ᠵᠡᠷᠭᠡ ᠠᠴᠠ ᠪᠦᠷᠢᠯᠳᠦᠳᠡᠭ᠃ ᠡᠭᠦᠨ ᠳᠤ ᠲᠣᠳᠣᠭᠤ ᠶᠢᠨ | ᠳᠦᠷᠪᠡᠨ ᠤᠨᠢᠨ ᠨᠢ ᠰᠠᠯᠲᠤᠷᠭᠠ ᠲᠠᠢ ᠪᠠᠶᠢᠵᠤ ᠪᠤᠰᠤᠩᠬᠢ ᠤᠨᠢᠨ ᠨᠢ ᠰᠢᠭᠤᠳ ᠭᠠᠵᠠᠷ ᠲᠤ ᠲᠤᠯᠳᠠᠭ ᠤᠨ | ᠤᠴᠢᠷ ᠠᠴᠠ ᠰᠠᠯᠲᠤᠷᠭᠠ ᠦᠭᠡᠢ ᠪᠣᠯᠳᠠᠭ᠃ ᠵᠤᠯᠤᠮ ᠤᠨ ᠤᠨᠢᠨ ᠨᠢ ᠪᠠᠷᠢᠭᠠ ᠭᠡᠷ ᠤᠨ ᠤᠨᠢᠨ ᠠᠴᠠ ᠪᠦᠳᠦᠭᠦᠨᠴᠡᠷ | ᠪᠦᠭᠡᠳ ᠤᠷᠲᠤ ᠪᠠᠶᠢᠵᠤ᠂ ᠨᠢᠭᠡ ᠵᠤᠯᠤᠮ ᠳᠤ ᠪᠠᠷᠤᠭ ᠳᠠᠯᠠ ᠰᠢᠬᠠᠮ ᠤᠨᠢ ᠬᠡᠷᠡᠭᠯᠡᠳᠡᠭ᠃ ᠭᠡᠬᠦ ᠳᠡᠭᠡᠨ ᠤᠨᠢᠨ ᠤ | ᠲᠤᠭᠠ ᠨᠢ ᠬᠠᠷᠠᠭᠠᠴᠢ ᠶᠢᠨ ᠵᠠᠳᠢ ᠪᠠᠷ ᠪᠣᠯᠳᠠᠭ ᠲᠤᠯᠠ ᠴᠠᠭᠠᠷᠢᠭ ᠨᠢ ᠶᠡᠭᠡ ᠪᠣᠯᠬᠤ ᠶᠤᠮ ᠪᠣᠯ ᠵᠠᠳᠢ ᠨᠢ ᠣᠯᠠᠨ | ᠪᠣᠯᠳᠠᠭ ᠲᠤᠯᠠ ᠤᠯᠠᠨ ᠤᠨᠢ ᠬᠡᠷᠡᠭᠯᠡᠵᠦ᠂ ᠴᠠᠭᠠᠷᠢᠭ ᠨᠢ ᠪᠠᠭᠠ ᠬᠠᠷᠠᠭᠠᠴᠢ ᠪᠣᠯ ᠵᠠᠳᠢ ᠨᠢ ᠴᠦᠬᠡᠨ ᠪᠣᠯᠳᠠᠭ | ᠲᠤᠯᠠ ᠴᠦᠬᠡᠨ ᠤᠨᠢ ᠬᠡᠷᠡᠭᠯᠡᠳᠡᠭ᠃ ᠵᠠᠷᠢᠮ ᠨᠢᠭᠡ ᠵᠤᠯᠤᠮ ᠤᠨ ᠬᠠᠷᠠᠭᠠᠴᠢ ᠨᠢ ᠪᠠᠷᠢᠭᠠ ᠭᠡᠷ ᠠᠴᠠ ᠪᠠᠭᠠ | ᠪᠦᠳᠦᠭᠦᠨ ᠪᠣᠯᠳᠠᠭ ᠪᠣᠯᠪᠠᠴᠤ ᠤᠨᠢᠨ ᠤ ᠵᠠᠳᠢ ᠶᠢ ᠨᠢ ᠴᠦᠬᠡᠨ ᠬᠢᠭᠰᠡᠨ ᠠᠴᠠ ᠪᠣᠯᠵᠤ ᠴᠦᠬᠡᠨ ᠤᠨᠢ ᠲᠠᠢ | ᠪᠣᠯᠳᠠᠭ᠃ ᠮᠣᠳᠤᠨ ᠬᠠᠰᠠᠪᠴᠢ ᠶᠢᠨ ᠨᠢ ᠲᠤᠳᠤᠭᠤ ᠶᠢ ᠪᠠᠷᠢᠭᠠ ᠭᠡᠷ ᠤᠨ ᠬᠢ ᠠᠴᠠ ᠦᠨᠳᠦᠷ ᠰᠢᠭ ᠬᠢᠳᠡᠭ | ᠪᠦᠭᠡᠳ ᠦᠷᠭᠡᠨ ᠪᠣᠯᠳᠠᠭ᠃ ᠶᠡᠷᠦ ᠨᠢ ᠵᠤᠯᠤᠮ ᠲᠤᠲᠤᠭᠤ ᠶᠢ ᠪᠦᠲᠡᠭᠡᠵᠦ ᠢᠷᠡᠳᠡᠭ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ | ᠳᠡᠭᠡᠪᠦᠷ ᠬᠡᠷᠡᠭᠯᠡᠳᠡᠭ᠃ | ᠵᠠᠷᠢᠮ ᠨᠣᠮ ᠳᠤ ︽ᠵᠤᠯᠤᠮ ᠭᠡᠳᠡᠭ ᠨᠢ ᠲᠡᠷᠡᠮ ᠦᠭᠡᠢ ᠭᠠᠷᠠᠶᠢᠴᠠ ︵ᠲᠣᠭᠤᠨᠤ︶ ᠦᠭᠡᠢ᠂ ᠬᠦᠵᠦᠷ ︵ᠪᠠᠲᠤ | ︶ ᠰᠢᠭ ᠨᠠᠶᠢᠳᠠᠭ ︵ᠨᠠᠷᠢᠨ ᠬᠠᠷᠭᠠᠢ︶ ᠢᠶᠠᠷ ᠬᠢᠭᠰᠡᠨ ᠬᠡᠳᠦᠨ ᠱᠤᠤᠷᠠᠭ ᠢ ᠬᠤᠭᠤᠷᠤ ᠬᠤᠭᠤᠷᠤᠨᠳᠦ ᠨᠢ | ᠰᠣᠯᠪᠢᠴᠠᠭᠤᠯᠵᠤ ᠨᠠᠷᠢᠨ ᠬᠦᠵᠦᠭᠦᠦ ᠪᠠᠷ ᠨᠢ ᠳᠡᠭᠡᠰᠦ ᠣᠷᠢᠶᠠᠵᠤ ᠪᠣᠭᠤᠭᠠᠳ᠂ ᠳᠤᠮᠳᠠ ᠬᠤᠪᠢᠶᠠᠷᠢ ᠪᠠᠷ ᠨᠢ ᠬᠤᠮ | ᠠᠷᠭᠠᠮᠵᠢ ᠪᠠᠷ ᠬᠡᠷᠡᠵᠦ ᠪᠦᠭᠰᠡ ᠶᠢ ᠨᠢ ᠭᠠᠵᠠᠷ ᠲᠤ ᠪᠤᠯᠠᠵᠤ ᠵᠤᠮᠪᠣᠶᠢᠯᠭᠠᠭᠠᠳ ᠪᠣᠰᠬᠠᠵᠤ ᠨᠢᠭᠡ ᠯᠡ ᠳᠡᠭᠡᠪᠤᠷ ᠢᠶᠠᠷ | ᠪᠦᠷᠢᠶᠡᠰᠦᠯᠡᠵᠦ᠂ ᠬᠤᠰᠢᠯᠠᠩ ᠬᠢᠬᠦ ᠶᠠᠭᠤᠮᠠ ᠶᠢ ᠳᠡᠭᠡᠰᠦᠨ ᠪᠦᠴᠡ ᠲᠠᠢ᠂ ᠢᠰᠡᠭᠡᠢ ᠡᠭᠦᠳᠡ ᠲᠠᠢ ᠤᠷᠢᠶᠠᠩᠬᠠᠢ | ᠰᠢᠭ᠋ ᠦᠷᠦᠴᠡ ᠶᠢ ᠵᠤᠯᠤᠮ ᠭᠡᠨᠡ︾ ᠭᠡᠵᠦ ᠪᠢᠴᠢᠭᠰᠡᠨ ᠤ ᠬᠠᠮᠲᠤ ᠪᠠᠰᠠ ︽ᠭᠠᠷᠠᠶᠢᠴᠠ ᠲᠠᠢ᠂ ᠲᠡᠷᠡᠮᠡ ︵ᠲᠡᠷᠡᠮ— | ᠡᠰᠢ ᠲᠠᠲᠠᠭᠴᠢ︶ ᠦᠭᠡᠢ ᠢᠰᠡᠭᠡᠢ ᠭᠡᠷ ᠢ ᠵᠤᠯᠤᠮ ᠭᠡᠨᠡ᠃ ᠵᠤᠯᠤᠮ ᠢ ᠬᠤᠰᠢ ᠭᠡᠵᠦ ᠪᠠᠰᠠ ᠬᠡᠯᠡᠳᠡᠭ᠃ ᠭᠡᠲᠡᠯᠡ | ᠬᠤᠰᠢ ᠪᠠ ᠵᠤᠯᠤᠮ ᠨᠢ ᠪᠠᠭᠠ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠵᠤᠯᠤᠮ ᠭᠡᠪᠡᠯ ᠲᠡᠷᠡᠮ ᠦᠭᠡᠢ ᠢᠰᠡᠭᠡᠢ ᠭᠡᠷ ᠢ ᠬᠡᠯᠡᠳᠡᠭ | ᠭᠡᠵᠦ ᠳᠡᠭᠡᠷᠡ ᠨᠢᠭᠡᠨᠲᠡ ᠶᠠᠷᠢᠯᠠ᠃ ᠲᠡᠭᠡᠪᠡᠯ ᠬᠤᠰᠢ ᠨᠢ ᠵᠤᠯᠤᠮ ᠢ ᠬᠡᠯᠡᠬᠦ ᠠᠴᠠ ᠭᠠᠳᠠᠨᠠ ᠦᠷᠦᠴᠡ | ᠤᠷᠢᠶᠠᠩᠬᠠᠢ ᠶᠢ ᠴᠤ ᠬᠡᠯᠡᠳᠡᠭ︾ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠶᠢᠯᠠ᠃ | ᠵᠤᠯᠤᠮ ᠢ ᠪᠠᠷᠢᠬᠤ ᠳᠠᠭᠠᠨ ᠤᠷᠢᠳ ᠢᠶᠠᠷ ᠬᠠᠰᠠᠪᠴᠢ ᠶᠢᠨ ᠬᠤᠶᠠᠷ ᠲᠠᠯᠠ ᠶᠢᠨ ᠭᠠᠵᠠᠷ ᠲᠤ ᠲᠤᠯᠬᠤ | ᠰᠢᠭᠢᠷᠡ ᠳᠤ ᠬᠤᠶᠠᠷ ᠭᠠᠳᠠᠰᠦ ᠰᠢᠭᠠᠵᠤ᠂ ᠲᠡᠭᠦᠨ ᠠᠴᠠ ᠬᠠᠰᠠᠪᠴᠢ ᠪᠠᠨ ᠪᠤᠭᠤᠵᠤ ᠪᠣᠰᠬᠠᠳᠠᠭ᠃ ᠡᠶᠢᠭᠡᠭᠡᠳ | ᠬᠠᠷᠠᠭᠠᠴᠢ ᠳᠠᠭᠠᠨ ᠲᠤᠲᠤᠭᠤ ᠶᠢᠨ ᠤᠨᠢᠨ ᠪᠣᠯᠤᠨ ᠬᠤᠶᠠᠷ ᠲᠠᠯᠠ ᠠᠴᠠ ᠨᠢ ᠬᠤᠰᠢᠶᠠᠭᠠᠳ ᠤᠨᠢ ᠵᠡᠭᠦᠵᠦ ᠡᠷᠭᠦᠵᠦ | ᠪᠣᠰᠬᠠᠭᠠᠳ ᠵᠠᠯᠭᠠᠭᠠᠳ ᠪᠠᠷᠠᠭᠤᠨ ᠠᠴᠠ ᠡᠬᠢᠯᠡᠨ ᠤᠨᠢ ᠪᠠᠨ ᠵᠡᠭᠦᠵᠦ᠂ ᠤᠨᠢᠨ ᠤ ᠰᠠᠭᠤᠷᠢ ᠶᠢᠨ ᠬᠡᠰᠡᠭ ᠪᠣᠶᠣ | ᠳᠤᠮᠳᠠ ᠰᠤᠭᠤ ᠪᠠᠷ ᠨᠢ ᠡᠷᠭᠢᠭᠦᠯᠦᠨ ᠳᠡᠭᠡᠰᠦ ᠪᠠᠷ ᠬᠤᠯᠪᠤᠨ ᠬᠡᠷᠡᠵᠦ ᠡᠭᠦᠳᠡᠨ ᠤ ᠬᠠᠰᠠᠪᠴᠢ ᠠᠴᠠ ᠤᠶᠠᠳᠠᠭ᠃ | ᠵᠠᠷᠢᠮ ᠤᠨ ᠵᠤᠯᠤᠮ ᠳᠤ ᠵᠡᠭᠦᠨ ᠪᠠᠷᠠᠭᠤᠨ ᠪᠠ ᠬᠤᠶᠢᠲᠤ ᠪᠡᠶᠡ ᠳᠤᠨᠢ ᠭᠤᠷᠪᠠ ᠪᠤᠶᠤ ᠲᠠᠪᠤᠨ ᠬᠦᠰᠢᠭᠦᠷ ᠤᠨᠢ ᠬᠢᠳᠡᠭ | ᠪᠦᠭᠡᠳ ᠡᠨᠡ ᠬᠦ ᠬᠦᠰᠢᠭᠦᠷ ᠤᠨᠢᠨ ᠤ ᠰᠢᠭᠢᠷᠡ ᠳᠤ ᠰᠠᠯᠲᠤᠷᠭᠠ ᠬᠢᠵᠦ᠂ ᠭᠠᠵᠠᠷ ᠲᠤᠨᠢ ᠭᠠᠳᠠᠰᠤ ᠰᠢᠭᠠᠵᠤ | ᠲᠡᠭᠦᠨ ᠠᠴᠠ ᠪᠠᠬᠢᠯᠡᠵᠦ ᠤᠶᠠᠳᠠᠭ ᠪᠠᠶᠢᠪᠠ᠃ ᠡᠶᠢᠭᠡᠭᠡᠳ ᠳᠡᠭᠡᠷᠡ ᠨᠢ ᠡᠷᠦᠭᠡ ᠳᠡᠭᠡᠪᠦᠷ ᠢᠶᠠᠨ ᠭᠡᠳᠡᠷᠭᠡᠵᠦ᠂ | ᠲᠡᠭᠦᠨ ᠤ ᠳᠡᠭᠡᠷᠡ ᠠᠴᠠ ᠠᠮᠠᠭᠠᠯᠵᠢ ᠪᠠᠷ ᠳᠠᠷᠤᠭᠤᠯᠵᠦ ᠡᠭᠦᠳᠡ ᠶᠢ ᠨᠢ ᠡᠯᠭᠦᠭᠡᠳ ᠪᠣᠰᠬᠠᠵᠤ ᠣᠷᠬᠢᠳᠠᠭ᠃ | ᠵᠣᠯᠤᠮ ᠭᠡᠷ ᠢ ᠨᠡᠭᠦᠳᠡᠯ ᠢᠶᠠᠷ ᠶᠠᠪᠤᠬᠤ ᠳᠤ ᠵᠠᠮ ᠵᠠᠭᠤᠷᠠ ᠬᠡᠷᠡᠭᠯᠡᠬᠦ ᠶᠢᠨ ᠲᠦᠯᠦᠭᠡ ᠪᠠ ᠣᠲᠤᠷ ᠢᠶᠠᠷ ᠮᠠᠯ ᠳᠤ | ᠭᠠᠷᠤᠭᠰᠠᠨ ᠬᠦᠮᠦᠰ᠂ ᠠᠳᠤᠭᠤ ᠬᠠᠷᠢᠭᠤᠯᠬᠤ ᠬᠦᠮᠦᠰ ᠣᠯᠠᠨ ᠬᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠦᠩᠭᠡᠷᠡᠭᠰᠡᠨ ᠳᠤ | ᠶᠠᠳᠠᠭᠤ ᠵᠦᠳᠡᠭᠦᠦ ᠦᠭᠡᠶᠢᠲᠡᠢ ᠤᠯᠤᠰ ᠣᠷᠤᠨ ᠰᠠᠭᠤᠴᠠ ᠶᠢᠨ ᠬᠤᠪᠢ ᠳᠤ ᠬᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠪᠠ ᠡᠪᠦᠯ ᠢᠶᠠᠷ | ᠪᠣᠯᠪᠠᠯ ᠰᠠᠭᠤᠷᠢ ᠶᠢ ᠨᠢ ᠲᠣᠲᠤᠭᠰᠢ ᠮᠠᠯᠲᠠᠵᠦ᠂ ᠢᠷᠭᠢ ᠶᠢ ᠨᠢ ᠰᠢᠪᠠᠷ ᠢᠶᠠᠷ ᠳᠠᠷᠤᠵᠤ᠂ ᠴᠢᠳᠠᠯ ᠲᠡᠩᠬᠡᠭᠡ ᠲᠠᠢ | ᠪᠣᠯᠪᠠᠯ ᠪᠦᠷᠢᠶᠡᠰᠦ ᠶᠢ ᠨᠢ ᠬᠤᠶᠠᠷ ᠳᠠᠪᠬᠤᠷᠯᠠᠵᠤ ᠣᠷᠬᠢᠳᠠᠭ ᠪᠠᠶᠢᠵᠡᠢ᠃ | ᠵᠤᠯᠤᠮ ᠢ ᠬᠤᠰᠢ ᠵᠤᠯᠤᠮ ᠪᠤᠯᠤᠨ ᠲᠤᠲᠤᠭᠤ ᠲᠠᠢ ᠵᠤᠯᠤᠮ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠳᠠᠭ ᠃ ᠬᠤᠰᠢ ᠵᠤᠯᠤᠮ ᠢ | ᠪᠠᠰᠠ ᠶᠠᠪᠠᠭᠠᠨ ᠵᠤᠯᠤᠮ ᠭᠡᠵᠦ ᠨᠡᠷᠡᠯᠡᠳᠡᠭ ᠲᠣᠬᠢᠶᠠᠯᠳᠠᠯ ᠪᠠᠶᠢᠳᠠᠭ᠃ ᠬᠤᠰᠢ ᠵᠤᠯᠤᠮ ᠪᠤᠶᠤ ᠶᠠᠪᠠᠭᠠᠨ ᠵᠤᠯᠤᠮ | ᠭᠡᠳᠡᠭ ᠢ ᠰᠢᠭᠤᠳ ᠤᠨᠢᠨ ᠪᠤᠯᠤᠨ ᠬᠠᠷᠠᠭᠠᠴᠢ ᠪᠠᠷ ᠪᠣᠰᠬᠠᠵᠤ᠂ ᠳᠡᠭᠡᠷᠡ ᠨᠢ ᠳᠡᠭᠡᠪᠤᠷ ᠢᠶᠠᠨ ᠭᠡᠳᠡᠷᠭᠡᠵᠦ ᠪᠠᠷᠢᠳᠠᠭ᠃ | ᠡᠨᠡ ᠵᠤᠯᠤᠮ ᠢ ᠮᠠᠯ ᠢᠶᠠᠷ ᠣᠲᠤᠷ ᠲᠤ ᠭᠠᠷᠤᠭᠰᠠᠨ ᠤᠯᠤᠰ ᠨᠡᠭᠦᠵᠦ ᠪᠠᠭᠤᠬᠤ ᠳᠤ ᠳᠦᠭᠦᠮ ᠢ ᠪᠤᠳᠤᠵᠤ ᠬᠡᠷᠡᠭᠯᠡᠳᠡᠭ | ᠪᠠᠶᠢᠨᠠ᠃ | ᠲᠤᠲᠤᠭᠤ ᠲᠠᠢ ᠵᠤᠯᠤᠮ ᠭᠡᠳᠡᠭ ᠨᠢ ᠡᠮᠦᠨᠡ ᠪᠠᠨ ᠲᠤᠲᠤᠭᠤ ᠲᠠᠢ ᠪᠤᠶᠤ ᠡᠮᠦᠨᠡ ᠠᠷᠤ ᠳᠠᠭᠠᠨ ᠲᠤᠲᠤᠭᠤ ᠲᠠᠢ | ᠪᠠᠷᠢᠭᠰᠠᠨ ᠵᠤᠯᠤᠮ ᠢ ᠬᠡᠯᠡᠳᠡᠭ ᠪᠠᠶᠢᠨᠠ᠃ ᠡᠮᠦᠨᠡ ᠪᠠᠨ ᠲᠤᠲᠤᠭᠤ ᠲᠠᠢ ᠵᠤᠯᠤᠮ ᠭᠡᠳᠡᠭ ᠨᠢ ᠵᠤᠯᠤᠮ ᠤᠨ ᠣᠷᠤᠬᠤ | ᠡᠭᠦᠳᠡᠨ ᠳᠤ ᠡᠷᠬᠡ ᠣᠷᠤᠭᠤᠯᠤᠭᠠᠳ ᠲᠤᠲᠤᠭᠤ ᠭᠠᠷᠭᠠᠵᠤ ᠳᠡᠭᠡᠷᠡ ᠨᠢ ᠲᠤᠲᠤᠭᠤ ᠶᠢᠨ ᠤᠨᠢ ᠵᠡᠭᠦᠭᠡᠳ ᠪᠠᠷᠢᠭᠰᠠᠨ | ᠵᠤᠯᠤᠮ ᠢ ᠬᠡᠯᠡᠳᠡᠭ᠃ ᠡᠮᠦᠨᠡ ᠠᠷᠤ ᠳᠠᠭᠠᠨ ᠲᠤᠲᠤᠭᠤ ᠲᠠᠢ ᠵᠤᠯᠤᠮ ᠭᠡᠳᠡᠭ ᠨᠢ ᠮᠦᠨ ᠡᠮᠦᠨᠡᠬᠢ ᠲᠤᠲᠤᠭᠤ ᠠᠴᠠ | ᠭᠠᠵᠠᠭᠠ ᠠᠷᠤ ᠳᠤᠨᠢ ᠨᠢᠭᠡ ᠡᠷᠬᠡ ᠣᠷᠤᠭᠤᠯᠤᠭᠠᠳ ᠲᠤᠲᠤᠭᠤ ᠭᠠᠷᠭᠠᠵᠤ ᠪᠠᠷᠢᠭᠰᠠᠨ ᠵᠤᠯᠤᠮ ᠢ ᠵᠢᠭᠠᠳᠠᠭ᠃ ᠡᠨᠡ | ᠨᠢ ᠭᠤᠣᠯᠳᠠᠭᠤ ᠵᠤᠯᠤᠮ ᠭᠡᠷ ᠤᠨ ᠳᠣᠲᠤᠷᠠᠬᠢ ᠣᠷᠤᠨ ᠵᠠᠢ ᠶᠢᠨ ᠡᠵᠡᠯᠡᠭᠦᠨ ᠢ ᠶᠡᠭᠡ ᠪᠣᠯᠭᠠᠬᠤ ᠶᠢᠨ ᠲᠦᠯᠦᠭᠡ | ᠠᠪᠤᠭᠰᠠᠨ ᠠᠷᠭᠠ ᠪᠣᠯᠬᠤ ᠶᠤᠮ᠃ | ᠵᠣᠬᠢᠶᠠᠭᠴᠢ᠄ ᠲ᠊· ᠨᠠᠮᠵᠢᠯ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |