| ︽ᠭᠦᠴᠦᠨ ᠬᠦᠷᠭᠡᠨ ᠤ ᠬᠤᠷᠢᠮ︾ ᠤᠨ ᠬᠡᠯᠪᠡᠷᠢ ᠶᠢ ᠵᠠᠷᠢᠮ ᠨᠤᠲᠤᠭ ᠲᠤ ︽ᠬᠦᠴᠦᠨ ᠬᠦᠷᠭᠡᠨ ᠤ ᠨᠤᠲᠤᠭ︾ | ᠭᠡᠵᠦ ᠪᠠᠰᠠ ᠬᠡᠯᠡᠳᠡᠭ᠃ ᠨᠡᠨ ᠲᠦᠷᠦᠯ ᠤᠨ ᠤᠷᠤᠭ12-13 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠪᠠᠶᠢᠭᠰᠠᠨ ︽ | ᠬᠦᠷᠭᠡᠳ ᠲᠤ ᠲᠠᠯᠪᠢᠬᠤ︾ ᠵᠠᠩᠰᠢᠯ ᠤᠨ ᠦᠯᠡᠳᠡᠭᠳᠡᠯ ᠪᠣᠯᠤᠨᠠ ᠭᠡᠵᠦ ᠡᠷᠳᠡᠮᠲᠡᠳ ᠦᠵᠡᠳᠡᠭ ᠪᠠ ᠲᠡᠷᠡ ᠨᠢ ︽ | ᠦᠬᠢᠳ ᠤᠨ ᠡᠴᠢᠭᠡ ᠡᠬᠡ ᠬᠦᠷᠭᠡᠳ ᠤᠨ ᠬᠦᠴᠦᠨ ᠢ ᠠᠪᠬᠤ᠂ ᠬᠦᠴᠦᠨ ᠢ ᠠᠰᠢᠭᠯᠠᠬᠤ ᠨᠢᠭᠡ ᠵᠦᠢᠯ ᠤᠨ ᠵᠠᠩᠰᠢᠯ | ᠪᠠᠶᠢᠵᠡᠢ︾ ᠭᠡᠵᠦ ᠬᠡᠯᠡᠳᠡᠭ ᠪᠢᠯᠡ᠃ | ᠣᠶᠢᠷᠠᠳᠴᠤᠳ ᠤᠨ ᠵᠠᠩᠰᠢᠯ ᠳᠤ ︽ᠬᠦᠴᠦᠨ ᠬᠦᠷᠭᠡᠨ ᠣᠷᠤᠬᠤ︾ ᠭᠡᠳᠡᠭ ᠨᠢ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ | ᠵᠠᠯᠠᠭᠤ ᠡᠷᠡ ᠪᠡᠶᠡ ᠪᠠᠷ ᠢᠶᠠᠨ ᠬᠡᠤᠬᠡᠨ ᠤ ᠭᠡᠷ ᠲᠤ ᠣᠳᠴᠤ ᠰᠠᠭᠤᠭᠠᠳ ᠲᠡᠲᠡᠨ ᠤ ᠭᠡᠷ ᠤᠨ ᠨᠢᠭᠡ ᠭᠡᠰᠢᠭᠦᠨ ᠪᠣᠯᠵᠤ | ᠂ ᠲᠡᠷᠡ ᠠᠶᠢᠯ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠬᠠᠮᠤᠭ ᠠᠵᠢᠯ ᠠᠬᠤᠢ ᠶᠢ ᠬᠢᠵᠤ᠂ ᠬᠦᠴᠦᠨ ᠤ ᠬᠦᠷᠭᠡᠨ ᠪᠣᠯᠬᠤ ᠶᠣᠰᠣ ᠶᠢ | ᠪᠡᠶᠡ ᠪᠠᠷ ᠭᠦᠢᠴᠡᠳᠬᠡᠳᠡᠭ ᠪᠠ ᠲᠤᠬᠠᠢ ᠶᠢᠨ ᠠᠶᠢᠯ ᠳᠡᠭᠡᠷᠡ ᠬᠤᠷᠢᠮ ᠭᠡᠶᠢᠴᠢ ᠬᠢᠵᠤ ᠭᠡᠷ ᠡᠷᠦᠬᠡ ᠪᠣᠰᠬᠠᠵᠤ | ᠠᠮᠢᠳᠤᠷᠠᠯ ᠦᠩᠭᠡᠷᠡᠭᠦᠯᠬᠦ ᠵᠠᠩ ᠦᠢᠯᠡ ᠶᠢ ᠵᠢᠭᠠᠳᠠᠭ᠃ ᠦᠩᠭᠡᠷᠡᠭᠰᠡᠨ ᠳᠤ ᠳᠠᠶᠢᠨ ᠳᠠᠵᠢᠨ᠂ ᠡᠪᠡᠳᠴᠢᠨ ᠳᠠᠬᠤᠯ | ᠮᠡᠲᠦ ᠡᠯᠳᠡᠪ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ ᠦᠨᠦᠴᠢᠨ ᠭᠠᠭᠴᠠ ᠬᠤᠴᠤᠷᠤᠭᠰᠠᠨ ᠡᠷᠡ ᠬᠦᠮᠦᠨ ᠲᠦᠩ ᠲᠦᠰᠢᠭ | ᠦᠭᠡᠢ ᠨᠦᠭᠦᠴᠡᠯ ᠳᠣᠣᠷᠠ ᠣᠯᠠᠩᠬᠢ ᠳᠠᠭᠠᠨ ᠬᠡᠤᠬᠡᠨ ᠤ ᠭᠡᠷ ᠲᠤ ︽ᠬᠦᠴᠦᠨ ᠬᠦᠷᠭᠡᠨ ᠣᠷᠤᠵᠤ︾ ᠭᠡᠷ ᠪᠦᠯᠢ | ᠪᠠᠶᠢᠭᠤᠯᠬᠤ ᠵᠠᠮ ᠢ ᠰᠣᠩᠭᠤᠳᠠᠭ ᠪᠠᠶᠢᠨᠠ᠃ | ᠬᠦᠴᠦᠨ ᠬᠦᠷᠭᠡᠨ ᠣᠷᠤᠬᠤ ᠶᠠᠪᠤᠳᠠᠯ ᠨᠢ ᠵᠠᠷᠢᠮ ᠪᠠᠶᠢᠳᠠᠯ ᠳᠤ ᠭᠠᠭᠴᠠ ᠬᠦᠪᠡᠭᠦᠨ ᠤ ᠰᠠᠨᠠᠭᠠ ᠪᠠᠷ ᠪᠣᠯᠳᠠᠭ ᠦᠭᠡᠢ | ᠪᠡᠶᠢᠵᠡᠢ᠃ ᠲᠡᠶᠢᠮᠦ ᠠᠴᠠ ᠵᠠᠷᠢᠮ ᠨᠢᠭᠡᠨ ᠬᠦᠪᠡᠭᠦᠨ ᠦᠭᠡᠢ ᠭᠠᠭᠴᠠ ᠬᠡᠤᠬᠡᠨ ᠲᠠᠢ ᠬᠦᠮᠦᠰ ᠲᠡᠷᠡ ᠬᠡᠤᠬᠡᠨ ᠢᠶᠠᠨ | ᠪᠡᠶᠡ ᠠᠴᠠ ᠪᠠᠨ ᠰᠠᠯᠭᠠᠬᠤ ᠳᠤᠷᠠ ᠦᠭᠡᠢ ᠪᠤᠶᠤ ᠬᠤᠶᠢᠨᠡ ᠨᠢ ᠨᠠᠰᠤ ᠠᠬᠢᠵᠤ ᠲᠡᠩᠬᠡᠬᠡ ᠴᠢᠳᠠᠯ ᠮᠠᠭᠤᠳᠠᠪᠠᠯ | ᠬᠡᠤᠬᠡᠨ ᠢᠶᠠᠨ ᠲᠦᠰᠢᠵᠤ ᠠᠮᠢᠳᠤᠷᠠᠨ᠂ ᠪᠡᠶᠡ ᠪᠠᠨ ᠠᠰᠠᠷᠠᠭᠤᠯᠬᠤ ᠰᠠᠨᠠᠭᠠ ᠲᠠᠢ ᠪᠣᠯᠪᠠᠯ ᠲᠤᠰᠠᠭᠠᠷ ᠬᠦᠮᠦᠨ ᠤ | ᠬᠦᠪᠡᠭᠦᠨ ᠢ ᠬᠦᠷᠭᠡᠨ ᠣᠷᠤᠭᠤᠯᠵᠤ ᠭᠡᠷ ᠲᠡᠭᠡᠨ ᠰᠠᠭᠤᠯᠭᠠᠳᠠᠭ ᠪᠠ ᠬᠡᠤᠬᠡᠨ ᠤ ᠲᠠᠯᠠ ᠠᠴᠠ ᠬᠤᠷᠢᠮ ᠢ ᠨᠢ ᠬᠢᠵᠤ | ᠠᠶᠢᠯ ᠡᠷᠦᠬᠡ ᠶᠢ ᠨᠢ ᠪᠣᠰᠬᠠᠵᠤ ᠦᠭᠳᠡᠭ ᠪᠠᠶᠢᠵᠡᠢ᠃ ᠭᠡᠲᠡᠯᠡ ᠠᠯᠢ ᠴᠤ ᠪᠠᠶᠢᠳᠠᠯ ᠳᠤ ᠪᠣᠯᠤᠭ ︽ᠬᠦᠴᠦᠨ | ᠬᠦᠷᠭᠡᠨ ᠣᠷᠣᠬᠤ︾ ᠳᠤ ᠤᠷᠢᠳ ᠢᠶᠠᠷ ᠬᠤᠷᠢᠮ ᠬᠢᠵᠤ ᠳᠠᠷᠠᠭᠠ ᠨᠢ ᠬᠡᠤᠬᠡᠨ ᠤ ᠭᠡᠷ ᠲᠤ ᠣᠷᠤᠳᠠᠭ ᠪᠢᠰᠢ᠂ | ᠬᠠᠷᠢᠨ ᠬᠤᠷᠢᠮ ᠬᠢᠬᠦ ᠠᠴᠠ ᠡᠮᠦᠨᠡ ᠨᠠᠭᠠ ᠵᠠᠬᠠ ᠳᠠᠭᠠᠨ ᠨᠢᠭᠡ ᠬᠤᠶᠠᠷ ᠵᠢᠯ ᠪᠤᠶᠤ ᠴᠠᠭᠠᠷᠤ ᠪᠠᠨ ᠭᠤᠷᠪᠠ ᠲᠠᠪᠤᠨ | ᠵᠢᠯ ᠢᠶᠠᠷ ᠬᠡᠤᠬᠡᠨ ᠤ ᠭᠡᠷ ᠲᠤ ᠪᠠᠶᠢᠷᠢᠰᠢᠵᠤ᠂ ᠮᠠᠯ ᠬᠠᠷᠠ ᠶᠢ ᠨᠢ ᠬᠠᠷᠢᠭᠤᠯᠵᠤ ᠠᠵᠢᠯ ᠠᠬᠤᠢ ᠶᠢ ᠨᠢ ᠬᠢᠵᠤ᠂ | ᠠᠯᠢᠪᠠ ᠲᠠᠯᠠ ᠶᠢᠨ ᠨᠦᠭᠦᠴᠡᠯ ᠪᠣᠯᠤᠯᠴᠠᠭᠠ ᠨᠢ ᠪᠦᠷᠢᠯᠳᠦᠪᠡᠯ ᠬᠡᠤᠬᠡᠨ ᠤ ᠡᠬᠡ ᠡᠴᠢᠭᠡ ᠶᠢᠨ | ᠪᠠᠶᠢᠷᠢᠰᠢᠭᠤᠯᠤᠯᠲᠠ ᠪᠠᠷ ᠬᠤᠷᠢᠮ ᠤᠨ ᠶᠣᠰᠤᠯᠠᠯ ᠢᠶᠠᠨ ᠲᠦᠭᠦᠮ ᠲᠦᠲᠡ ᠬᠢᠵᠦ ᠠᠶᠢᠯ ᠭᠡᠷ ᠪᠣᠯᠤᠨ ᠰᠠᠭᠤᠳᠠᠭ᠃ | ︽ᠬᠦᠴᠦᠨ ᠬᠦᠷᠭᠡᠨ ᠣᠷᠤᠬᠤ︾ ᠶᠢᠨ ᠭᠤᠣᠯ ᠤᠴᠢᠷ ᠨᠢ ︽ᠬᠦᠴᠦᠨ︾ ᠳᠡᠭᠡᠷᠡ ᠪᠠᠶᠢᠳᠠᠭ ᠪᠦᠭᠡᠳ | ᠬᠡᠤᠬᠡᠨ ᠤ ᠭᠡᠷ ᠤᠨ ᠬᠢᠰ ᠬᠦᠷᠭᠡᠨ ᠪᠣᠯᠬᠤ ᠪᠠᠷ ᠣᠷᠤᠭᠰᠠᠨ ᠡᠷᠡᠭᠲᠡᠢ ᠶᠢ ᠨᠢᠭᠡ ᠲᠠᠯᠠ ᠪᠠᠷ ᠬᠦᠷᠭᠡᠨ ᠢᠶᠠᠨ ᠪᠣᠯᠭᠠᠵᠤ | ᠬᠡᠤᠬᠡᠨ ᠢᠶᠠᠨ ᠦᠭᠴᠦ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠬᠦᠴᠦ ᠶᠢ ᠨᠢ ᠠᠰᠢᠭᠯᠠᠵᠤ ᠦᠪᠡᠷ ᠤᠨ ᠠᠵᠢᠯ ᠠᠬᠤᠢ ᠪᠠᠨ ᠬᠢᠯᠭᠡᠬᠦ | ᠭᠡᠰᠡᠨ ᠵᠣᠷᠢᠯᠭᠠ ᠳᠤ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠡᠭᠦᠨ ᠢ ︽ᠬᠦᠴᠦᠨ ᠤ ᠬᠦᠷᠭᠡᠨ︾ ᠭᠡᠵᠦ ᠬᠡᠯᠡᠳᠡᠭ ᠪᠦᠭᠡᠳ ᠶᠠᠭ | ᠡᠶᠢᠮᠦ ᠨᠢᠭᠡ ᠰᠢᠨᠵᠢ ᠴᠢᠨᠠᠷ ᠲᠠᠢ ᠬᠤᠷᠢᠮ ᠤᠨ ᠶᠤᠰᠤᠨ ᠪᠣᠯᠬᠤ ᠲᠤᠯᠠᠲᠠ ︽ᠬᠦᠴᠦᠨ ᠬᠦᠷᠭᠡᠨ ᠢ ᠵᠠᠷᠤᠬᠤ ᠳᠤ | ᠰᠠᠶᠢᠬᠠᠨ᠂ ᠬᠦᠵᠦᠭᠦᠨ ᠤ ᠮᠢᠬᠠ ᠶᠢ ᠮᠦᠯᠵᠢᠬᠦ ᠳᠤ ᠰᠠᠶᠢᠬᠠᠨ︾ ᠭᠡᠳᠡᠭ ᠲᠠᠷᠤᠰᠢᠯᠭᠠᠲᠤ ᠦᠭᠡ ᠭᠠᠷᠴᠤ ᠢᠷᠡᠭᠰᠡᠨ | ᠪᠠᠶᠢᠨᠠ᠃ ᠨᠦᠭᠦᠭᠡ ᠲᠠᠯᠠ ᠪᠠᠷ ᠬᠦᠷᠬᠡᠨ ᠪᠣᠯᠭᠠᠵᠤ ᠣᠷᠤᠭᠤᠯᠵᠤ ᠠᠪᠴᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠨᠢ ᠣᠷᠤᠰᠢᠬᠤ ᠶᠢᠨ | ᠣᠷᠤᠨ ᠵᠠᠢ ᠶᠢ ᠪᠠᠲᠤᠳᠬᠠᠵᠤ ᠠᠮᠢᠳᠤᠷᠠᠯ ᠤᠨ ᠦᠨᠳᠦᠰᠦᠨ ᠰᠠᠭᠤᠷᠢ ᠶᠢ ᠪᠠᠲᠤᠯᠠᠮᠵᠢ ᠲᠠᠢ ᠪᠣᠯᠭᠠᠬᠤ ᠪᠠ | ᠬᠦᠲᠡᠮᠦᠰᠢ ᠶᠢᠨ ᠬᠦᠴᠦ ᠶᠢ ᠨᠡᠮᠡᠭᠳᠡᠭᠦᠯᠵᠦ ᠪᠣᠳᠠᠰ ᠤᠨ ᠰᠠᠭᠤᠷᠢ ᠶᠢ ᠲᠣᠭᠳᠠᠩᠭᠤᠢ ᠪᠣᠯᠭᠠᠬᠤ ᠶᠢᠨ ᠬᠠᠮᠲᠤ ︽ | ᠬᠦᠷᠭᠡᠨ︾ ᠪᠣᠯᠬᠤ ᠤᠷᠤᠭ ᠤᠨ ᠬᠠᠷᠢᠴᠠᠭᠠ ᠪᠠᠷ ᠭᠡᠷ ᠪᠦᠯᠢ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠤᠯᠠ ᠰᠠᠭᠤᠷᠢ ᠶᠢ ᠪᠠᠬᠢᠯᠡᠵᠦ | ᠪᠠᠶᠢᠭᠠ ᠬᠡᠷᠡᠭ᠃ ᠭᠡᠲᠡᠯᠡ ᠬᠦᠴᠦᠨ ᠬᠦᠷᠭᠡᠨ ᠪᠣᠯᠤᠭᠰᠠᠨ ᠬᠦᠮᠦᠨ ᠳᠤ ᠭᠡᠷ ᠮᠠᠯ ᠢᠶᠠᠨ ᠡᠵᠡᠩᠨᠡᠬᠦ ᠡᠷᠬᠡ ᠦᠭᠡᠢ | ᠪᠢᠰᠢ᠂ ᠬᠠᠷᠢᠨ ᠬᠠᠳᠠᠮ ᠤᠨ ᠲᠠᠯᠠ ᠶᠢᠨ ᠡᠳ᠋ ᠬᠦᠷᠦᠩᠭᠡ ᠶᠢ ᠡᠵᠡᠩᠨᠡᠬᠦ ᠡᠷᠬᠡ ᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠲᠡᠲᠡᠨ ᠤ | ᠨᠠᠰᠤᠨ ᠦᠨᠳᠦᠷ ᠪᠣᠯᠵᠤ ᠪᠡᠶᠡ ᠶᠢᠨ ᠲᠠᠮᠢᠷ ᠤᠶᠠᠳᠠᠬᠤ ᠦᠶᠡ ᠳᠤ ᠪᠦᠬᠦ ᠭᠡᠷ ᠤᠨ ᠠᠮᠢᠳᠤᠷᠠᠯ ᠠᠬᠤᠢ ᠶᠢ | ᠬᠦᠷᠭᠡᠨᠪᠣᠯᠤᠭᠰᠠᠨ ᠬᠦᠮᠦᠨ ᠮᠡᠳᠡᠵᠦ ᠬᠢᠳᠡᠭ ᠪᠠ ᠬᠠᠳᠠᠮ ᠡᠬᠡ ᠡᠴᠢᠭᠡ ᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠶᠢᠨ | ᠲᠡᠷᠡ ᠭᠡᠷ ᠤᠨ ᠡᠳ᠋ ᠮᠠᠯ ᠭᠡᠷ ᠪᠠᠶᠢᠰᠢᠩ ᠪᠦᠭᠦᠳᠡᠭᠡᠷ ᠬᠦᠴᠦᠨ ᠬᠦᠷᠭᠡᠨ ᠪᠣᠯᠤᠭᠰᠠᠨ ᠬᠦᠮᠦᠨ ᠳᠤ ᠬᠤᠴᠤᠷᠳᠠᠭ᠃ | ᠬᠠᠷᠢᠨ ᠶᠠᠮᠠᠷ ᠴᠤ ᠬᠦᠮᠦᠨ ᠲᠡᠭᠦᠨ ᠢ ︽ᠴᠢᠨᠦ ᠪᠢᠰᠢ︾ ᠭᠡᠵᠦ ᠪᠦᠯᠢᠶᠠᠯᠳᠤᠬᠤ ᠪᠤᠶᠤ ᠬᠡᠰᠡᠭᠯᠡᠵᠦ᠂ ᠬᠤᠪᠢᠶᠠᠵᠤ᠂ | ᠦᠮᠴᠢᠯᠡᠬᠦ ᠭᠡᠵᠦ ᠣᠷᠤᠯᠳᠤᠵᠤ ᠪᠣᠯᠳᠠᠭ ᠦᠭᠡᠢ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ | ᠵᠠᠷᠢᠮ ᠨᠤᠲᠤᠭ ᠲᠤ ᠡᠨᠡ ᠲᠦᠷᠦᠯ ᠤᠨ ᠬᠤᠷᠢᠮ ᠤᠨ ᠬᠡᠯᠪᠡᠷᠢ ᠶᠢ ︽ᠬᠤᠷᠢᠮ ᠲᠠᠢ ᠬᠦᠴᠦᠨ ᠬᠦᠷᠭᠡᠨ ᠤ | ᠤᠷᠤᠭ︾ ᠪᠣᠯᠤᠨ ︽ᠬᠤᠷᠢᠮ ᠦᠭᠡᠢ ᠬᠦᠴᠦᠨ ᠬᠦᠷᠭᠡᠨ ᠤ ᠤᠷᠤᠭ︾ ᠭᠡᠵᠦ ᠬᠤᠶᠠᠷ ᠵᠦᠢᠯ ᠳᠤ ᠬᠤᠪᠢᠶᠠᠳᠠᠭ | ᠪᠠᠶᠢᠨᠠ᠃ ᠬᠤᠷᠢᠮ ᠲᠠᠢ ᠬᠦᠴᠦᠨ ᠬᠦᠷᠭᠡᠨ ᠭᠡᠳᠡᠭ ᠨᠢ ᠳᠡᠭᠡᠷᠡ ᠬᠡᠯᠡᠭᠰᠡᠨ ᠮᠡᠲᠦ ᠭᠠᠭᠴᠠ ᠦᠬᠢᠨ ᠲᠠᠢ ᠠᠶᠢᠯ᠂ | ᠦᠬᠢᠨ ᠢᠶᠠᠨ ᠪᠡᠶᠡ ᠠᠴᠠ ᠪᠠᠨ ᠰᠠᠯᠭᠠᠬᠤ ᠦᠭᠡᠢ ᠪᠠᠶᠢᠯᠭᠠᠵᠤ᠂ ᠦᠪᠡᠷ ᠤᠨ ᠡᠳ᠋ ᠮᠠᠯ ᠠᠯᠢᠪᠠ ᠪᠦᠬᠦᠨ ᠢᠶᠠᠨ | ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠠᠪᠤᠭᠰᠠᠨ ᠬᠦᠴᠦᠨ ᠬᠦᠷᠭᠡᠨ ᠢ ᠬᠡᠯᠡᠳᠡᠭ᠃ ᠬᠠᠷᠢᠨ ︽ᠬᠤᠷᠢᠮ ᠦᠭᠡᠢ | ᠬᠦᠴᠦᠨ ᠬᠦᠷᠭᠡᠨ ᠤ ᠤᠷᠤᠭ︾ ᠭᠡᠳᠡᠭ ᠨᠢ ᠠᠭᠤᠯᠭᠠ ᠶᠢᠨ ᠲᠠᠯᠠ ᠪᠠᠷ ︽ᠬᠠᠮᠴᠠᠨ ᠰᠠᠭᠤᠬᠤ ᠬᠤᠷᠢᠮ︾ ᠤᠨ | ᠬᠡᠯᠪᠡᠷᠢ ᠲᠠᠢ ᠪᠠᠷᠤᠭ ᠠᠳᠠᠯᠢ ᠪᠠᠶᠢᠳᠠᠭ ᠪᠠᠶᠢᠯᠠ᠃ ᠶᠠᠭᠤ ᠭᠡᠪᠡᠯ᠂ ᠪᠡᠶᠡ ᠶᠠᠪᠤᠭᠰᠠᠨ ᠡᠷᠡᠭᠲᠡᠢ ᠬᠦᠮᠦᠨ ᠪᠠᠯᠪᠠᠰᠤᠨ | ᠪᠦᠰᠡᠭᠦᠢ ᠶᠢᠨ ᠦᠷᠡ ᠬᠡᠤᠬᠡᠳ ᠲᠤᠨᠢ ᠲᠦᠰᠢᠭ ᠲᠤᠯᠭᠠᠭᠤᠷᠢ ᠪᠣᠯᠵᠤ᠂ ᠡᠳ᠋ ᠮᠠᠯ ᠳᠤᠨᠢ ᠡᠵᠡᠨ ᠪᠣᠯᠬᠤ ᠳᠤᠷᠠ ᠲᠠᠢ | ᠪᠣᠯᠬᠤᠯᠠ ᠲᠡᠷᠡ ᠪᠦᠰᠡᠭᠦᠢ ᠶᠢᠨ ᠳᠤᠷᠠ ᠰᠡᠳᠬᠢᠯ ᠪᠠ ᠡᠵᠢ ᠠᠪᠤ ᠶᠢᠨ ᠬᠢᠨᠢ ᠵᠦᠪᠰᠢᠶᠡᠷᠡᠯ ᠢ ᠠᠪᠴᠤ᠂ ᠲᠡᠷᠡ | ᠭᠡᠷ ᠤᠨ ᠡᠵᠡᠨ ᠨᠢ ᠪᠣᠯᠵᠤ ᠬᠤᠷᠢᠮ ᠲᠤᠢ ᠬᠢᠵᠦ ᠭᠡᠶᠢᠴᠢ ᠭᠡᠶᠢᠬᠡᠨ ᠳᠠᠭᠤᠳᠠᠬᠤ ᠦᠭᠡᠢ ᠪᠠᠷ ᠰᠢᠭᠤᠳ ᠡᠮᠡᠭᠲᠡᠢ ᠶᠢᠨ | ᠭᠡᠷ ᠲᠤ ᠣᠷᠤᠵᠤ ᠰᠠᠭᠤᠳᠠᠭ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠡᠷᠡᠭᠲᠡᠢ ᠬᠦᠮᠦᠨ ᠭᠠᠭᠴᠠ ᠪᠡᠶᠡ ᠪᠠᠷ ᠢᠶᠠᠨ ᠡᠮᠡᠭᠲᠡᠢ ᠶᠢᠨ | ᠲᠠᠯᠠ ᠳᠤ ᠣᠷᠤᠵᠤ᠂ ᠲᠡᠳᠡᠨ ᠤ ᠠᠲᠠᠯ ᠦᠢᠯᠡᠰ ᠲᠤ ᠬᠦᠴᠦ ᠪᠠᠨ ᠡᠷᠭᠦᠨ ᠪᠡᠶᠡ ᠴᠢᠳᠠᠯ ᠢᠶᠠᠨ ᠵᠣᠷᠢᠭᠤᠯᠬᠤ ᠶᠢ | ᠬᠡᠯᠡᠳᠡᠭ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠡᠶᠢᠭᠡᠵᠦ ᠣᠷᠣᠭᠰᠠᠨ ᠬᠦᠷᠭᠡᠨ ᠬᠦᠮᠦᠨ ᠢ ᠪᠠᠰᠠ ︽ᠠᠶᠠᠭᠠ ᠪᠠᠨ ᠪᠠᠷᠢᠵᠤ | ᠣᠷᠤᠭᠰᠠᠨ ᠬᠦᠷᠭᠡᠨ︾ ᠭᠡᠵᠦ ᠬᠡᠯᠡᠬᠦ ᠲᠣᠬᠢᠶᠠᠯᠳᠤᠯ ᠪᠠᠶᠢᠳᠠᠭ᠃ | ᠵᠠᠷᠢᠮ ᠨᠤᠲᠤᠭ ᠲᠤ ᠬᠦᠴᠦᠨ ᠬᠦᠷᠭᠡᠨ ᠣᠷᠤᠭᠤᠯᠬᠤ ᠲᠠᠢ ᠠᠳᠠᠯᠢ ᠲᠦᠰᠲᠡᠢ ︽ ᠬᠦᠷᠭᠡᠨ ᠣᠷᠤᠭᠤᠯᠬᠤ︾ | ᠭᠡᠳᠡᠭ ᠨᠢᠭᠡᠨ ᠶᠣᠰᠤᠨ ᠪᠠᠶᠢᠵᠡᠢ᠃ ᠡᠨᠡ ᠨᠢ ᠪᠣᠯᠪᠠᠯ ᠵᠠᠷᠢᠮ ᠬᠡᠤᠬᠡᠨ ᠦᠷᠡ ᠲᠠᠢ ᠬᠦᠪᠡᠭᠦᠨ ᠦᠷᠡᠨ ᠦᠭᠡᠢ ᠠᠶᠢᠯ | ᠪᠤᠶᠤ ᠡᠰᠡᠭᠡᠵᠦ ᠬᠡᠨᠵᠡ ᠪᠠᠭᠠ ᠬᠦᠪᠡᠭᠦᠨ ᠲᠠᠢ ᠪᠣᠯᠪᠠᠯ ᠤᠤᠭᠠᠨ ᠬᠡᠤᠬᠡᠨ ᠳᠡᠭᠡᠨ ᠬᠦᠷᠭᠡᠨ ᠰᠣᠩᠭᠤᠵᠤ᠂ ᠲᠡᠭᠦᠨ ᠢ | ᠪᠠᠷᠢ ᠪᠠᠭᠤᠯᠭᠠᠬᠤ ᠶᠢᠨ ᠠᠳᠠᠯᠢ ᠬᠡᠤᠬᠡᠨ ᠤ ᠭᠡᠷ ᠲᠤ ᠣᠷᠤᠭᠤᠯᠵᠤ ᠠᠪᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠬᠦᠴᠦᠨ ᠬᠦᠷᠭᠡᠨ ᠣᠷᠤᠭᠤᠯᠬᠤ ᠲᠤᠬᠠᠢ ︽ᠬᠠᠷᠠᠱᠠᠷᠠ ᠶᠢᠨ ᠮᠣᠩᠭᠤᠯᠴᠤᠳ ᠤᠨ ᠵᠠᠩ ᠦᠢᠯᠡ︾ ᠭᠡᠬᠦ | ᠨᠣᠮ ᠳᠤ ︽ᠬᠦᠷᠭᠡᠨ ᠣᠷᠤᠬᠤ ᠬᠦᠪᠡᠭᠦᠨ ᠤ ᠡᠬᠡ ᠡᠴᠢᠭᠡ ᠲᠠᠢ ᠶᠠᠷᠢᠯᠴᠠᠨ ᠲᠤᠬᠢᠷᠠᠵᠤ᠂ ᠦᠯᠵᠡᠶᠢᠲᠠᠢ ᠭᠡᠰᠡᠨ | ᠡᠳᠤᠷ ᠲᠤ ᠬᠡᠤᠬᠡᠨ ᠤ ᠲᠠᠯᠠ ᠠᠴᠠ ᠲᠠᠪᠤ ᠪᠤᠶᠤ ᠲᠠᠭᠦᠨ ᠠᠴᠠ ᠳᠡᠭᠡᠭᠰᠢ ᠰᠦᠩᠬᠦ ᠲᠤᠭᠠ ᠲᠠᠢ ᠬᠦᠮᠦᠨ ᠮᠠᠯ ᠤᠨ | ᠮᠢᠬᠠ᠂ ᠠᠷᠢᠬᠢ ᠴᠡᠭᠡ ᠲᠡᠷᠢᠭᠦᠲᠡᠨ ᠪᠠ ᠪᠡᠯᠡᠭ ᠲᠡᠮᠡᠰᠦ᠂ ᠠᠯᠴᠢᠭᠤᠷ ᠲᠡᠰᠡᠮᠡ᠂ ᠬᠦᠪᠡᠭᠦᠨ ᠤ ᠡᠴᠢᠭᠡ ᠡᠬᠡ ᠳᠤ | ᠤᠨᠤᠭᠤᠯᠳᠠᠭ ᠮᠣᠷᠢ᠂ ᠬᠦᠪᠡᠭᠦᠨ ᠳᠤ ᠡᠮᠦᠰᠬᠡᠳᠡᠭ ᠬᠤᠪᠴᠠᠰᠤ ᠬᠤᠨᠠᠷ ᠪᠣᠯᠤᠨ ᠲᠡᠭᠦᠨ ᠤ ᠤᠨᠤᠵᠤ ᠢᠷᠡᠳᠡᠭ | ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ ᠰᠤᠯᠠ ᠮᠣᠷᠢ ᠬᠦᠲᠦᠯᠦᠨ ᠣᠳᠤᠨᠠ᠃ ᠣᠳᠤᠭᠰᠠᠳ ᠡᠩ ᠤᠨ ᠵᠣᠯᠭᠠᠯᠲᠠ ᠶᠢᠨ ᠶᠣᠰᠤ ᠪᠠᠷ | ᠪᠡᠯᠡᠭ ᠲᠡᠯᠡᠭ ᠢᠶᠠᠨ ᠲᠠᠯᠪᠢᠵᠤ ᠪᠣᠯᠤᠭᠠᠳ᠂ ᠭᠡᠶᠢᠴᠢ ᠶᠢᠨ ᠠᠬᠠᠯᠠᠭᠠᠴᠢ ᠠᠴᠠ᠂ ᠨᠢᠭᠡ ᠬᠠᠳᠠᠭ ᠭᠠᠷᠭᠠᠨ᠂ ᠪᠠᠷᠠᠭᠠᠨ | ᠳᠡᠭᠡᠷᠡ ᠨᠢ ᠲᠠᠯᠪᠢᠵᠤ ᠪᠤᠷᠬᠠᠨ ᠠᠴᠠ ᠠᠳᠢᠰ ᠠᠪᠴᠤ ᠣᠷᠬᠢᠭᠠᠳ᠂ ᠬᠦᠪᠡᠭᠦᠨ ᠤ ᠡᠴᠢᠭᠡ ᠳᠤ᠂ ᠬᠦᠷᠭᠡᠨ ᠢᠶᠠᠨ | ᠪᠠᠭᠤᠯᠭᠠᠵᠤ ᠠᠪᠬᠤ ᠤᠴᠢᠷ ᠢᠶᠠᠨ ᠬᠡᠯᠡᠵᠦ᠂ ᠠᠪᠴᠢᠷᠠᠭᠰᠠᠨ ᠢᠳᠡᠭᠡᠨ ᠴᠡᠭᠡᠨ ᠮᠢᠬᠠ ᠰᠢᠭᠦᠰᠦ ᠲᠡᠷᠢᠭᠦᠲᠡᠨ ᠢ | ᠲᠤᠰᠢᠶᠠᠨ ᠦᠭᠴᠦ᠂ ᠳᠠᠭᠠᠯᠳᠤᠭᠤᠯᠤᠨ ᠬᠦᠪᠡᠭᠦᠨ ᠤ ᠡᠴᠢᠭᠡ ᠡᠬᠡ ᠪᠤᠶᠤ ᠭᠡᠷ ᠤᠨ ᠬᠦᠮᠦᠰ ᠲᠤ ᠨᠢᠵᠡᠭᠡᠳ ᠡᠬᠢᠨ | ᠳᠠᠭᠤᠤ ᠳᠠᠭᠤᠯᠠᠵᠤ ᠬᠦᠨᠳᠦᠳᠭᠡᠯ ᠳᠡᠪᠰᠢᠭᠦᠯᠬᠦ ᠳᠤ ᠬᠦᠪᠡᠭᠦᠨ ᠤ ᠲᠡᠯᠡᠬᠢᠰ ᠴᠤ ᠬᠠᠷᠢᠭᠤ ᠨᠢᠵᠡᠭᠡᠳ ᠡᠬᠢᠨ | ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ᠂ ᠪᠤᠷᠣ ᠰᠢᠭᠦᠰᠦ ᠪᠠᠨ ᠲᠠᠯᠪᠢᠵᠤ᠂ ᠬᠤᠲᠤ ᠬᠤᠭᠤᠯᠠ ᠪᠠᠨ ᠬᠢᠵᠦ ᠬᠦᠪᠡᠭᠦᠨ ᠢᠶᠠᠨ ᠪᠤᠶᠤ | ᠢᠷᠡᠭᠰᠡᠨ ᠭᠡᠶᠢᠴᠢᠳ ᠢ ᠶᠡᠭᠡ ᠬᠦᠨᠲᠦᠲᠡᠢ ᠪᠠᠷ ᠭᠡᠶᠢᠴᠢᠯᠡᠭᠦᠯᠳᠡᠭ᠃ ᠢᠩᠬᠢᠵᠦ ᠲᠦᠭᠦᠷᠬᠦ ᠶᠢᠨ ᠦᠶᠡᠰ ᠲᠤ | ᠢᠷᠡᠭᠰᠡᠨ ᠭᠡᠶᠢᠴᠢᠳ ᠠᠴᠠ ᠢᠪᠡᠭᠡᠯ ᠵᠢᠯᠲᠠᠢ ᠨᠢᠭᠡ ᠨᠢ ᠪᠣᠰᠴᠤ ᠨᠢᠭᠡ ᠭᠡᠷ ᠤᠨ ᠪᠡᠯᠡᠭ ᠲᠠᠯᠪᠢᠭᠠᠳ ᠬᠦᠷᠭᠡᠨ ᠤ ᠪᠠᠨ | ᠬᠤᠪᠴᠠᠰᠤ ᠬᠤᠨᠠᠷ ᠢ ᠰᠣᠯᠢᠬᠤ ᠵᠦᠪᠰᠢᠶᠡᠷᠡᠯ ᠠᠪᠴᠤ᠂ ᠬᠦᠷᠭᠡᠨ ᠳᠡᠭᠡᠨ ᠦᠪᠡᠷ ᠤᠨ ᠠᠪᠴᠤ ᠣᠳᠤᠭᠰᠠᠨ | ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠡᠮᠦᠰᠭᠡᠵᠦ᠂ ᠠᠪᠤ ᠡᠵᠢ ᠶᠢᠨ ᠬᠢᠨᠢ ᠭᠠᠯ ᠭᠤᠯᠤᠮᠲᠠ ᠳᠤ ᠮᠦᠷᠭᠦᠭᠦᠯᠦᠨ ᠳᠠᠭᠠᠭᠤᠯᠤᠨ | ᠭᠠᠷᠬᠤ ᠦᠶᠡ ᠳᠤ᠂ ᠬᠦᠪᠡᠭᠦᠨ ᠤ ᠡᠴᠢᠭᠡ ᠡᠬᠡ ᠨᠢ ᠬᠦᠪᠡᠭᠦᠨ ᠳᠡᠭᠡᠨ ᠰᠦ ᠠᠮᠰᠠᠭᠤᠯᠤᠨ ᠳᠠᠯᠠᠯᠭᠠ ᠠᠪᠴᠦ᠂ | ᠤᠷᠲᠤ ᠨᠠᠰᠤᠲᠠᠢ ᠤᠳᠠᠭᠠᠨ ᠵᠢᠷᠭᠠᠯᠲᠠᠢ ᠪᠣᠯᠬᠤ ᠶᠢ ᠨᠢ ᠢᠷᠦᠭᠡᠵᠦ ᠬᠤᠴᠤᠷᠳᠠᠭ᠃ ᠬᠡᠷᠪᠡ ᠮᠠᠩᠭᠠᠳᠤᠷ ᠲᠤᠨᠢ | ᠬᠦᠪᠡᠭᠦᠨ ᠤ ᠬᠢᠨᠢ ᠬᠡᠶᠢᠴᠢ ᠬᠤᠷᠢᠮ ᠬᠢᠬᠦ ᠪᠣᠯ ᠡᠴᠢᠭᠡ ᠡᠬᠡ ᠨᠢ ᠬᠦᠪᠡᠭᠦᠨ ᠢᠶᠠᠨ ᠬᠦᠷᠭᠡᠵᠦ ᠣᠳᠤᠭᠠᠳ | ᠬᠦᠪᠡᠭᠦᠨ ᠤ ᠪᠠᠨ ᠰᠢᠨᠡ ᠭᠡᠷ ᠢ ᠢᠷᠦᠭᠡᠵᠦ᠂ ᠬᠦᠪᠡᠭᠦᠳ ᠤᠨ ᠢᠶᠠᠨ ᠬᠤᠷᠢᠮ ᠨᠠᠶᠢᠷ ᠲᠤ ᠣᠷᠤᠯᠴᠠᠳᠠᠭ︾ ᠭᠡᠵᠦ | ᠳᠡᠯᠭᠡᠷᠡᠩᠭᠦᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ | ᠶᠡᠷᠦᠩᠬᠡᠢ ᠳᠤᠨᠢ ᠠᠪᠴᠤ ᠦᠵᠡᠪᠡᠯ᠂ ᠬᠦᠴᠦᠨ ᠬᠦᠷᠭᠡᠨ ᠢᠶᠠᠷ ᠣᠷᠤᠭᠰᠠᠨ ᠬᠦᠮᠦᠨ ᠬᠤᠷᠢᠮ ᠬᠢᠵᠦ ᠠᠶᠢᠯ | ᠠᠮᠢᠲᠠᠨ ᠪᠣᠯᠤᠭᠰᠠᠨ ᠤ ᠳᠠᠷᠠᠭᠠ ᠲᠡᠷᠡ ᠭᠡᠷ ᠤᠨ ᠡᠷᠬᠡ ᠶᠢ ᠮᠡᠳᠡᠵᠦ ᠠᠯᠢᠪᠠ ᠠᠵᠢᠯ ᠠᠬᠤᠢ ᠶᠢ ᠪᠠᠶᠢᠷᠢᠰᠢᠭᠤᠯᠤᠨ | ᠶᠠᠪᠤᠭᠤᠯᠳᠠᠭ ᠪᠦᠭᠡᠳ ᠬᠠᠳᠠᠮ ᠡᠬᠡ ᠡᠴᠢᠭᠡ ᠨᠢ ᠨᠠᠰᠤ ᠪᠠᠷᠠᠬᠤ ᠬᠦᠷᠲᠡᠯᠡ ᠠᠰᠠᠷᠠᠵᠤ ᠲᠡᠳᠭᠦᠬᠦ ᠡᠭᠦᠷᠭᠡ | ᠬᠠᠷᠢᠭᠤᠴᠠᠯᠭᠠ ᠪᠠᠨ ᠭᠦᠢᠴᠡᠳᠭᠡᠳᠡᠭ᠃ ᠬᠠᠳᠠᠮ ᠡᠬᠡ ᠡᠴᠢᠭᠡ ᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠦᠪᠡᠷ ᠤᠨ | ᠨᠤᠲᠤᠭ ᠲᠠᠭᠠᠨ ᠡᠷᠭᠢᠵᠦ ᠢᠷᠡᠵᠦ ᠪᠣᠯᠬᠤ ᠶᠢᠨ ᠬᠠᠮᠲᠤ ᠦᠭᠡᠷᠡ ᠨᠤᠲᠤᠭ ᠲᠤ ᠰᠢᠯᠵᠢᠵᠦ ᠮᠦᠨ ᠪᠣᠯᠳᠠᠭ᠃ | ᠲᠡᠶᠢᠮᠦ ᠠᠴᠠ ︽ᠬᠦᠴᠦᠨ ᠬᠦᠷᠭᠡᠨ︾ ᠭᠡᠳᠡᠭ ᠨᠢ ᠴᠠᠭ ᠤᠨ ᠲᠠᠯᠠ ᠪᠠᠷ ᠬᠡᠤᠬᠡᠨ ᠤ ᠡᠬᠡ ᠡᠴᠢᠭᠡ ᠶᠢᠨ ᠠᠮᠢᠳᠤ | ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠬᠡᠷᠡᠭᠵᠢᠭᠦᠯᠦᠭᠳᠡᠬᠦ ᠤᠷᠤᠭ ᠬᠤᠷᠢᠮ ᠤᠨ ᠬᠠᠷᠢᠴᠠᠭᠠ ᠪᠣᠯᠬᠤᠡᠴᠠ ᠪᠢᠰᠢ᠂ ᠬᠠᠷᠢᠨ | ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠡᠭᠦᠷᠭᠡᠯᠡᠬᠦ ᠠᠯᠪᠠ ᠪᠢᠰᠢ ᠪᠠᠶᠢᠪᠠ᠃ ᠨᠦᠭᠦᠭᠡ ᠲᠠᠯᠠ ᠪᠠᠷ ᠭᠡᠮᠡᠷ ᠬᠡᠤᠬᠡᠨ ᠤ ᠳᠡᠭᠦᠦ ᠨᠠᠷ ᠨᠢ | ᠬᠡᠨᠵᠡ ᠪᠠᠭᠠ ᠶᠢᠨ ᠤᠴᠢᠷ ᠢᠶᠠᠷ ᠬᠦᠷᠭᠡᠨ ᠣᠷᠤᠭᠰᠠᠨ ᠪᠣᠯᠪᠠᠯ ᠬᠦᠷᠢ ᠳᠡᠭᠦᠦ ᠨᠠᠷ ᠢᠶᠠᠨ ᠭᠠᠷ ᠢ ᠨᠢ ᠭᠠᠨᠵᠤᠭᠠ ᠳᠤ᠂ | ᠬᠦᠯ ᠢ ᠨᠢ ᠳᠦᠷᠦᠭᠡᠨ ᠳᠤ ᠬᠦᠷᠲᠡᠯᠡ ᠦᠢᠯᠡᠴᠢᠯᠡᠵᠦ ᠲᠡᠳᠡᠨᠡᠷ ᠢ ᠠᠶᠢᠯ ᠠᠮᠢᠲᠠᠨ ᠪᠣᠯᠭᠠᠵᠤ ᠵᠠᠮ ᠳᠤᠨᠢ ᠲᠠᠯᠪᠢᠳᠠᠭ | ᠪᠦᠭᠡᠳ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠠᠳᠠᠮ ᠡᠴᠢᠭᠡ ᠡᠬᠡ ᠨᠢ ᠲᠡᠷᠡ ᠬᠦ ᠣᠷᠤᠭᠰᠠᠨ ᠬᠦᠷᠭᠡᠨ ᠳᠡᠭᠡᠨ ᠵᠣᠬᠢᠬᠤ | ᠬᠡᠮᠵᠢᠶᠡᠨ ᠤ ᠬᠦᠷᠦᠩᠭᠡ ᠮᠠᠯ ᠦᠭᠴᠦ᠂ ᠨᠤᠲᠤᠭ ᠳᠠᠭᠤᠳᠠᠨ ᠨᠠᠶᠢᠷ ᠬᠢᠭᠡᠳ ᠡᠮᠦᠨᠡ ᠨᠢ ᠭᠠᠷᠭᠠᠳᠠᠭ ᠶᠠᠪᠤᠳᠠᠯ ᠴᠤ | ᠪᠠᠶᠢᠳᠠᠭ ᠪᠠᠶᠢᠨᠠ᠃ | ᠵᠣᠬᠢᠶᠠᠭᠴᠢ᠄ ᠲ᠊· ᠨᠠᠮᠵᠢᠯ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |