ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠵᠢᠷᠭᠤᠳᠤᠭᠠᠷ ᠪᠠᠶᠢᠷᠢ ᠶᠢᠨ ᠰᠢᠯᠥᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-12-21
ᠮ᠊᠂ ᠲᠤᠷᠠᠯᠠᠯ   ︵ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠰᠥᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠴᠠᠭᠠᠬᠤᠪᠤᠭ᠎ᠠ ᠰᠤᠮᠤᠨ ᠤ ᠠᠷᠤᠪᠤᠯᠠᠭ ᠭᠠᠴᠠᠭ᠎ᠠ︶                     ᠥᠨᠥᠴᠢᠨ ᠪᠤᠳᠤᠭᠤ ᠪᠤᠶᠢᠯᠠᠬᠤ ᠳᠤ ᠨᠠᠮᠤᠷ ᠤᠨ ᠬᠢᠷᠠᠭᠤ ᠬᠢᠯᠮᠠᠭᠠᠯᠠᠨ᠎ᠠ ᠥᠷᠥᠪᠳᠡᠯ ᠤᠨ ᠨᠢᠯᠪᠤᠰᠤ ᠬᠠᠴᠠᠷ ᠵᠦᠰᠡᠬᠦ ᠳᠤ ᠨᠠᠰᠤᠨ ᠤ ᠠᠭᠠᠭ ᠨᠠᠮᠬᠠᠷᠠᠨ᠎ᠠ ᠡᠪᠦᠭᠡᠨ ᠪᠦᠷᠭᠦᠳ ᠲᠡᠭᠷᠢ ᠡᠵᠩᠨᠡᠨ ᠢᠰᠭᠡᠷᠬᠦ ᠳᠤ ᠠᠰᠬ᠎ᠠ ᠶᠢᠨ ᠴᠠᠪ ᠵᠠᠳᠠᠷᠠᠰᠬᠢᠨ᠎ᠡ ᠥᠴᠥᠭᠡᠳᠦᠷ ᠤᠨ ᠠᠯᠳᠠᠭ᠎ᠠ ᠲᠠᠷᠢᠬᠢᠨ ᠳᠤ ᠵᠤᠷᠠᠯᠵᠠᠬᠤ ᠠᠳᠬᠤᠬᠠᠨ ᠵᠢᠷᠦᠬᠡ ᠵᠢᠮᠵᠢᠬᠢᠨᠡᠨ᠎ᠡ ᠡ ᠁ ᠡᠪᠡᠰᠦᠨ ᠤ ᠰᠣᠳᠠᠯ ᠲᠡᠮᠲᠡᠴᠢᠨ ᠡᠭᠰᠢᠵᠤ ᠡᠭᠡᠪᠦᠷ ᠤᠨ ᠴᠢᠭᠢᠭ ᠬᠤᠯᠠᠳᠤᠬᠤ ᠳᠤ ᠥᠳᠭᠡᠨ ᠦᠨᠳᠦᠰᠦᠲᠦ ᠮᠣᠳᠣᠳ ᠨᠠᠪᠴᠢᠰ ᠢᠶᠠᠨ ᠥᠷᠥᠪᠳᠡᠨ ᠭᠤᠨᠳᠠᠰᠬᠢᠨ᠎ᠡ ᠥᠷᠥ ᠨᠢᠮᠭᠡᠨ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠰᠡᠭᠦᠳᠡᠷ ᠢᠶᠠᠨ ᠱᠤᠮᠪᠠᠭᠤᠯᠤᠨ ᠨᠠᠭᠤᠷ ᠠᠷᠭᠠᠳᠠᠵᠦ ᠥᠨᠳᠥᠷ ᠨᠠᠰᠤᠲᠠᠢ ᠡᠮᠡᠭᠡᠳ ᠬᠢᠯᠭᠠᠰᠤ ᠰᠡᠮᠡᠯᠡᠵᠦ ᠵᠢᠪᠬᠡ ᠵᠤᠯᠠᠨ᠎ᠠ ᠵᠢᠷᠭᠠᠵᠤ ᠵᠦᠳᠡᠷᠡᠵᠦ ᠨᠢᠳᠭᠡᠭᠰᠡᠨ ᠠᠮᠢᠰᠬᠤᠯ ᠢᠶᠠᠨ ᠬᠤᠶᠢᠴᠢᠰ ᠲᠤ ᠪᠠᠨ ᠨᠡᠮᠡᠵᠦ ᠵᠢᠭᠠᠯᠬᠠᠨ ᠬᠤᠩᠭᠤᠷ ᠦᠷᠡᠰ ᠨᠢ ᠡᠪᠰᠢᠶᠡᠬᠦ ᠨᠣᠮᠣ ᠰᠢᠭ᠋ ᠦᠰᠦᠨ᠎ᠡ ᠠᠯᠲᠠᠨ ᠬᠠᠷᠭᠠᠨ᠎ᠠ ᠶᠢᠨ ᠭᠠᠯᠪᠢᠷ ᠨᠠᠷᠠᠨ ᠤ ᠰᠠᠴᠤᠷᠠᠭ ᠰᠢᠮᠡᠳᠭᠡᠨ ᠭᠢᠯᠠᠯᠵᠠᠬᠤ ᠰᠢᠭ ᠠᠪᠤ ᠳᠡᠭᠡᠳᠦᠰ ᠶᠢᠨ ᠢᠶᠠᠨ ᠪᠤᠶᠠᠨ ᠢᠶᠠᠷ ᠠᠭᠠᠷᠬᠠᠵᠤ ᠳᠡᠩᠳᠡᠭᠦᠦ ᠤᠮᠤᠭᠤᠯᠠᠩ ᠠᠯᠬᠤᠨ᠎ᠠ ᠡ ᠲᠤᠭᠯᠠᠭᠠᠮ ᠤᠨ ᠠᠯᠠᠭ ᠴᠢᠯᠠᠭᠤᠨ ᠳᠤ ᠪᠠᠨ ᠠᠩᠭᠢᠷᠬᠠᠨ ᠢᠨᠢᠶᠡᠳᠦ ᠮᠢᠨᠢ ᠰᠢᠩᠭᠡᠵᠦ ᠳᠣᠮᠣᠭᠯᠠᠵᠤ ᠣᠪᠣᠭᠠᠯᠠᠭᠰᠠᠨ ᠠᠷᠭᠠᠯ ᠡᠵᠢ ᠶᠢᠨ ᠭᠠᠷ ᠢᠶᠠᠷ ᠡᠪᠯᠠᠷᠠᠨ᠎ᠠ ᠳᠤᠮᠳᠠᠭᠤᠷ ᠬᠦᠨᠦᠭ ᠲᠠᠢ ᠠᠶᠢᠷᠠᠭ ᠰᠢᠭ᠋ ᠱᠤᠤᠭᠢᠵᠦ ᠶᠠᠪᠤᠭᠰᠠᠨ ᠦᠶ᠎ᠡ ᠮᠢᠨᠢ ᠲᠣᠭᠰᠢᠨ ᠤᠷᠤᠰᠬᠠᠯᠲᠦ ᠮᠦᠷᠡᠨ ᠮᠡᠲᠦ ᠦᠶᠡᠷᠯᠡᠨ ᠬᠠᠯᠭᠢᠵᠤ ᠬᠤᠯᠠᠳᠠᠨ᠎ᠠ ᠲᠤᠤᠯᠢ ᠬᠠᠶᠢᠯᠣᠭᠳᠠᠬᠤ ᠠᠮᠢᠳᠤᠷᠠᠯ ᠤᠨ ᠬᠦᠷᠲᠦ ᠶᠢ ᠤᠨᠠᠨ ᠪᠤᠰᠤᠨ ᠡᠷᠭᠢᠭᠦᠯᠦᠨ᠎ᠡ ᠳᠠᠭᠤᠰᠤᠰᠢ ᠦᠭᠡᠢ ᠠᠶᠠᠨ ᠤ ᠬᠠᠷᠭᠤᠢ ᠳᠤ ᠤᠬᠠᠭᠠᠨ ᠤ ᠳᠠᠪᠠᠭ᠎ᠠ ᠰᠦᠨᠳᠦᠷᠯᠡᠨ᠎ᠡ ᠣᠳᠣᠨ ᠭᠠᠷᠠᠭ ᠤᠨ ᠬᠡᠮᠨᠡᠯ ᠢᠶᠠᠷ ᠴᠠᠭ ᠬᠤᠭᠤᠴᠠᠭ᠎ᠠ ᠤᠯᠠᠷᠢᠵᠦ ᠤᠬᠠᠭᠠᠨ ᠰᠠᠭᠤᠬᠤ ᠨᠠᠮᠪᠠ ᠶᠢ ᠨᠡᠮᠡᠭᠳᠡᠬᠦ ᠨᠠᠰᠤ ᠪᠡᠯᠡᠭᠯᠡᠨ᠎ᠡ ᠡ ᠲᠡᠭᠷᠢ ᠶᠢᠨ ᠵᠢᠷᠤᠬᠠᠢ ᠳᠤ ᠵᠢᠷᠤᠭᠳᠠᠭᠰᠠᠨ ᠲᠠᠪᠢᠯᠠᠩ ᠤᠨ ᠵᠦᠷᠢᠭ ᠠᠴᠠ ᠲᠦᠭᠡᠷᠢᠨ ᠲᠡᠭᠡᠷᠳᠡᠨ ᠪᠤᠳᠢᠯᠠᠵᠤ ᠭᠤᠨᠢᠭᠯᠠᠬᠤ ᠳᠤ ᠡᠵᠢ ᠶᠢᠨ ᠮᠢᠨᠢ ᠰᠡᠳᠬᠢᠯ ᠲᠦᠭᠰᠢᠰᠬᠢᠨ᠎ᠡ ᠲᠤᠷᠭᠠᠨ ᠰᠡᠪᠢᠯᠭᠡ ᠦᠨᠦᠷᠯᠡᠵᠤ ᠪᠦᠦᠪᠡᠢ ᠶᠢᠨ ᠤᠳᠬ᠎ᠠ ᠶᠢ ᠤᠬᠠᠭᠠᠷᠠᠬᠤ ᠳᠤ ᠲᠤᠭᠲᠠᠵᠤ ᠶᠠᠪᠤᠭ᠎ᠠ ᠠᠭᠠᠯᠢᠨ ᠳᠤ ᠮᠢᠨᠢ ᠤᠶᠠᠬᠠᠨ ᠰᠡᠳᠬᠢᠯ ᠨᠢ ᠲᠠᠶᠢᠪᠤᠰᠢᠷᠠᠨ᠎ᠠ ᠳᠠᠷᠠᠰᠤᠨ ᠤ ᠠᠭᠠᠭ ᠦᠨᠦᠷᠲᠡᠭᠦᠯᠦᠨ ᠬᠠᠵᠠᠭᠠᠶᠢᠳᠠᠭᠤᠬᠠᠨ ᠬᠢᠰᠭᠢᠯᠡᠭᠦ ᠳᠤ ᠲᠠᠶᠢᠪᠦᠩ ᠭᠦᠳᠡᠰᠬᠡᠨ ᠠᠪᠤ ᠶᠢᠨ ᠮᠢᠨᠢ ᠵᠢᠷᠦᠬᠡᠨ ᠲᠦᠰᠢᠶ᠎ᠡ ᠨᠢ ᠬᠦᠨᠳᠡᠭᠦᠷᠢᠯᠡᠨ᠎ᠡ ᠬᠠᠩᠬᠠᠯ ᠡᠮᠨᠢᠭ ᠤᠨ ᠪᠤᠯᠬᠢᠶᠠᠨ ᠳᠤ ᠵᠤᠯᠪᠤᠭᠠᠲᠠᠶᠢᠬᠠᠨ ᠲᠤᠭᠲᠠᠬᠤ ᠳᠤ ᠬᠠᠷᠢ ᠭᠠᠷᠠᠭ ᠲᠤᠭᠤᠯᠤᠭᠰᠠᠨ ᠶᠤᠮᠰᠢᠭ ᠠᠪᠤ ᠮᠢᠨᠢ ᠵᠦᠭ ᠦᠭᠡᠢ ᠬᠦᠭᠡᠷᠦᠨ᠎ᠡ ᠡ ᠬᠦᠮᠦᠨ ᠤ ᠨᠤᠲᠤᠭ ᠤᠨ ᠲᠣᠭᠤᠰᠣᠨ ᠳᠤ ᠬᠠᠷᠠᠭ᠎ᠠ ᠲᠤᠷᠤᠯᠵᠠᠭᠤᠯᠤᠨ ᠵᠢᠳᠭᠦᠬᠦ ᠳᠤ ᠬᠦᠢ ᠶᠢ ᠮᠢᠨᠢ ᠳᠠᠷᠤᠭᠰᠠᠨ ᠴᠢᠯᠠᠭᠤ ᠨᠠᠷᠠ ᠰᠠᠯᠬᠢᠨ ᠳᠤ ᠮᠥᠯᠢᠵᠦ ᠬᠦᠢᠲᠡᠨ ᠵᠢᠪᠡᠷ ᠤᠨ ᠡᠬᠢ ᠡᠪᠦᠷ ᠬᠠᠨᠴᠤᠢ ᠪᠠᠷ ᠵᠢᠩᠭᠢᠨᠡᠬᠦ ᠳᠤ ᠬᠦᠷᠦᠰᠦ ᠨᠢ ᠪᠦᠯᠢᠶᠡᠬᠡᠨ ᠭᠤᠪᠢ ᠶᠢᠨ ᠮᠢᠨᠢ ᠲᠤᠯᠠᠭᠠᠨ ᠪᠠᠭᠤᠴᠠ ᠰᠠᠨᠠᠭᠳᠠᠨ ᠤᠶᠢᠪᠠᠭ᠎ᠠ ᠦᠭᠡᠢ ᠭᠠᠷᠭᠠᠭᠰᠠᠨ ᠠᠯᠳᠠᠭ᠎ᠠ ᠪᠠᠷ ᠢᠶᠠᠨ ᠦᠪᠡᠷ ᠢᠶᠠᠨ ᠳᠠᠰᠤ ᠠᠯᠠᠭᠠᠳᠠᠭᠤᠯᠵᠤ ᠡᠪᠦᠭᠡᠳ ᠪᠤᠭᠤᠷᠤᠯ ᠤᠨ ᠢᠶᠠᠨ ᠰᠣᠷᠭᠠᠯ ᠢ ᠬᠠᠮᠠᠷ ᠱᠠᠷᠬᠢᠷᠠᠭᠤᠯᠤᠨ ᠡᠷᠭᠢᠴᠡᠭᠦᠯᠵᠤ ᠦᠢᠵᠢᠩ ᠴᠠᠭᠠᠨ ᠬᠤᠷᠸ᠎ᠠ ᠶᠢ ᠭᠡᠭᠡᠷᠡᠯ ᠤᠨ ᠬᠠᠷᠠᠴᠠ ᠪᠠᠷ ᠠᠵᠢᠬᠤ ᠳᠤ ᠠᠮᠢᠳᠤᠷᠠᠵᠤ ᠦᠯᠦ ᠬᠠᠨᠤᠬᠤ ᠶᠢᠷᠳᠢᠨᠴᠤ ᠶᠢᠨ ᠵᠢᠮ᠎ᠠ ᠳᠤ ᠲᠠᠲᠠᠭᠳᠠᠨᠠᠮ ᠵᠧ ᠁ᠢᠷᠡᠯᠲᠡ᠄ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠳᠬ᠎ᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠣᠭ᠎ᠠᠡ᠊ ·  ᠪᠤᠯᠠᠭ ᠬᠠᠩᠭᠠᠪᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠬᠡ ᠶᠢᠨ ᠴᠠᠭᠠᠨ ᠰᠥ ᠬᠠᠷᠢᠭᠤᠯᠬᠤ
ᠨᠤᠬᠠᠢ ᠮᠤᠤᠷ ᠦᠰᠢᠶ᠎ᠡ ᠲᠠᠢ ᠪᠤᠯᠤᠭᠰᠠᠨ ᠳᠤᠬᠠᠢ ᠳᠤᠮᠤᠭ
ᠳᠠᠯᠠᠨ ᠬᠤᠳᠠᠯᠴᠢ
ᠤᠢ ᠪᠢᠳᠠᠭᠤ ᠠᠬ᠎ᠠ ᠲᠡᠭᠦᠥ ᠭᠤᠷᠪᠠ ᠤᠬᠠᠭᠠᠨ ᠰᠤᠷᠤᠭᠰᠠᠨ ᠨᠢ
ᠠᠪᠳᠠᠷᠠᠳᠦ ᠶᠢᠨ ᠲᠤᠮᠤᠭ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号