| ᠪᠤᠷᠵᠢᠬᠢᠨ ᠰᠥᠮᠪᠤᠷ ︵ᠵᠤᠤ ᠤᠳᠠ ᠠᠶᠢᠮᠠᠭ ᠤᠨ ᠤᠩᠨᠢᠭᠤᠳ ᠬᠤᠰᠢᠭᠤ︶ | | ᠴᠡᠴᠡᠭᠴᠢᠨ ᠡᠬᠦᠯᠡᠰ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠨᠡᠬᠦᠬᠦ ᠪᠠ | ᠴᠢᠨᠤ ᠠᠯᠴᠢᠭᠤᠷ ᠮᠡᠳᠤ ᠬᠦᠭᠡ ᠲᠡᠭᠷᠢ ᠶᠢ ᠪᠢ ᠮᠠᠷᠳᠠᠵᠤ ᠡᠰᠡ ᠴᠢᠳᠠᠭᠠᠳ | ᠦᠯᠦ ᠤᠷᠤᠰᠢᠬᠤ ᠶᠢᠨ ᠤᠪᠠᠳᠢᠰᠳᠤ ᠬᠠᠷᠠᠩᠭᠤᠢ ᠶᠢ | ᠴᠦᠳᠡᠨᠵᠠ ᠮᠡᠳᠤ ᠵᠤᠷᠠᠪᠠ | ᠲᠡᠨᠳᠡ ᠰᠡᠳᠬᠢᠯ ᠮᠡᠳᠤ ᠬᠤᠭᠤᠰᠤᠨ ᠪᠠᠶᠢᠬᠤ ᠪᠠ | ᠬᠠᠶᠢᠷᠠᠯᠠᠵᠤ ᠦᠯᠦ ᠲᠠᠭᠤᠰᠤᠨᠠ | ᠲᠤᠷᠤᠨᠠ ᠵᠦᠭ ᠲᠤ ᠠᠭᠤᠯᠠᠰ ᠮᠠᠨᠳᠤᠬᠤ ᠪᠠ | ᠲᠤᠳᠤᠭᠠᠳᠤ ᠰᠡᠳᠬᠢᠯ ᠳᠤ ᠵᠤᠷᠴᠢᠭᠴᠢ | ᠠᠶᠠᠨᠴᠢᠨ ᠰᠠᠯᠬᠢᠨ ᠤ ᠦᠩᠭᠡ ᠶᠢ ᠪᠢ ᠮᠠᠷᠳᠠᠵᠤ ᠡᠰᠡ ᠴᠢᠳᠠᠨᠠ | ᠮᠤᠳᠤᠳ ᠤᠨ ᠨᠠᠪᠴᠢᠰ ᠭᠠᠵᠠᠷᠳᠠᠬᠤ | ᠤᠭ ᠠᠴᠠ ᠰᠡᠳᠬᠢᠯ ᠮᠡᠳᠤ ᠭᠤᠨᠢᠭᠳᠠᠢ ᠠᠭᠠᠳ | ᠲᠤᠷᠠᠯᠠᠵᠤ ᠦᠯᠦ ᠲᠠᠭᠤᠰᠤᠨᠠ | ᠬᠤᠵᠢᠮ ᠨᠢᠭᠡᠨ ᠴᠠᠭ ᠲᠤ ᠡᠷᠪᠡᠭᠡᠢ ᠬᠤᠪᠢᠯᠤᠭᠰᠠᠨ ᠨᠠᠪᠴᠢᠰ ᠪᠠ | ᠰᠡᠳᠬᠢᠯ ᠤᠨ ᠬᠤᠭᠤᠰᠤᠨ ᠳᠤ ᠪᠢ ᠴᠤ ᠦᠯᠦ ᠢᠳᠡᠭᠡᠨᠡ | ᠪᠦᠵᠢᠭᠴᠢᠨ ᠡᠪᠡᠰᠤ ᠭᠠᠩᠬᠤᠬᠤ ᠪᠠ | ᠪᠢ ᠦᠪᠡᠷ ᠲᠡᠭᠡᠨ ᠦᠯᠢᠭᠡᠷ ᠭᠡᠯᠡᠭᠰᠡᠨ ᠨᠠᠮᠤᠷ ᠤᠨ | ᠭᠠᠰᠢᠭᠤᠨ ᠪᠦᠭᠡᠳ | ᠢᠰᠬᠦᠯᠡᠩ ᠵᠢᠮᠢᠰ ᠢ ᠴᠢ ᠦᠯᠦ ᠮᠡᠳᠡᠨᠡ | ᠦᠬᠢᠳ ᠤᠨ ᠭᠡᠵᠢᠭᠡ ᠰᠢᠭ ᠪᠤᠷᠤᠭᠠᠨ ᠲᠤᠮᠳᠠᠭᠤᠷ | ᠤᠭ ᠵᠢᠯ ᠤᠳ ᠴᠠᠶᠢᠷᠠᠨ ᠤᠳᠬᠤ ᠪᠠ | ᠠᠭᠯᠠᠭ ᠲᠤ ᠨᠢ ᠰᠡᠳᠬᠢᠯ ᠢᠶᠠᠨ ᠨᠢᠭᠤᠭᠰᠠᠨ ᠲᠠᠶᠢᠭᠠ ᠠᠴᠠ ᠨᠠᠮᠤᠷ ᠶᠠᠪᠤᠵᠠᠢ | ᠮᠤᠳᠤᠳ ᠤᠷᠭᠤᠭᠰᠠᠭᠠᠷ ᠯᠡ ᠪᠠᠶᠢᠬᠤ ᠪᠠ | ᠡᠬᠦᠯᠡᠰ ᠤᠨ ᠭᠡᠯᠪᠡᠷᠢ ᠦᠭᠡᠢ ᠳᠤ ᠰᠡᠳᠬᠢᠯ ᠮᠡᠳᠤ ᠲᠠᠰᠤᠭᠰᠠᠨ ᠢ | ᠴᠢ ᠦᠯᠦ ᠤᠶᠢᠯᠠᠭᠠᠨᠠ | ᠰᠠᠯᠬᠢᠨ ᠤ ᠰᠠᠨᠠᠭᠠ ᠶᠢ | ᠰᠡᠳᠬᠢᠯ ᠤᠨ ᠬᠠᠭᠤᠷᠮᠠᠭ ᠢ ᠬᠠᠷᠠᠩᠭᠤᠢ ᠮᠡᠳᠤ ᠬᠠᠶᠢᠷᠠᠯᠠᠬᠤ ᠳᠤ | ᠭᠡᠭᠡᠷᠡ ᠲᠠᠯᠠ ᠡᠪᠡᠰᠤ ᠮᠡᠳᠤ ᠤᠷᠭᠤᠨᠠ | ᠭᠡᠵᠢᠶᠡ ᠴᠢᠨᠤ ᠠᠯᠴᠢᠭᠤᠷ ᠮᠡᠳᠤ ᠤᠷᠬᠢᠭᠰᠠᠨ | ᠴᠡᠴᠡᠭᠴᠢᠨ ᠡᠬᠦᠯᠡᠰ ᠪᠠ | ᠬᠦᠭᠡ ᠲᠡᠭᠷᠢ ᠶᠢ ᠪᠢ ᠦᠯᠦ ᠮᠠᠷᠳᠠᠨᠠ | | | ᠢᠷᠡᠯᠲᠡ᠄ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠣᠭᠠ | ᠡ᠊ · ᠪᠤᠯᠠᠭ ᠬᠠᠩᠭᠠᠪᠠ᠃ |