ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠲᠥᠷᠪᠡᠳᠤᠬᠡᠷ ᠪᠠᠶᠢᠷᠢ ᠶᠢᠨ ᠰᠢᠯᠥᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-12-21
 ᠡ᠊᠂ ᠬᠤᠷᠸ᠎ᠠ  ︵ᠠᠯᠠᠱᠠ ᠠᠶᠢᠮᠠᠭ ᠤᠨ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠠᠩᠰᠤᠭᠪᠤᠯᠠᠭ ᠰᠤᠮᠤ︶         ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠪᠠᠭ᠎ᠠ ᠳᠤ ᠨᠡᠭᠦᠳᠡᠯᠯᠡᠵᠤ ᠪᠠᠶᠢᠭᠰᠠᠨ ᠤᠤᠭᠠᠨ ᠪᠠᠭᠤᠷᠢ ᠠᠴᠠ ᠪᠠᠨ ᠠᠰᠠᠭᠤᠯ᠎ᠠ ᠴᠢ ᠨᠤᠲᠤᠭ ᠨᠢᠭᠡᠨ ᠠᠮᠢ ᠲᠠᠢ ᠵᠢᠷᠦᠬᠡ ᠭᠡᠨ᠎ᠡ ᠪᠢ ᠨᠡᠭᠦᠳᠡᠯ ᠠᠴᠠ ᠨᠡᠭᠦᠳᠡᠯ ᠬᠤᠯᠪᠤᠭᠰᠠᠨ ᠤᠯᠠᠷᠢᠯ ᠤᠨ ᠥᠩᠭᠡ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠨᠠᠷᠠᠨ ᠤᠷᠭᠤᠭᠤᠯᠬᠤ ᠡᠪᠦᠭᠡᠨ ᠪᠤᠭᠤᠷᠤᠯ ᠠᠭᠤᠯᠠ ᠠᠴᠠ ᠠᠰᠠᠭᠤᠯ᠎ᠠ ᠴᠢ ᠥᠨᠳᠦᠷ ᠲᠤ ᠳᠡᠭᠦᠯᠢᠬᠦ ᠳᠤᠭᠰᠢᠨ ᠪᠦᠷᠭᠦᠳ ᠭᠡᠨ᠎ᠡ ᠪᠢ ᠲᠡᠷᠡ ᠳᠤᠭᠰᠢᠨ ᠪᠦᠷᠭᠦᠳ ᠤᠨ ᠵᠢᠭᠦᠷ ᠨᠢ ᠪᠠᠶᠢᠵᠡᠢ   ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠨᠤᠲᠤᠭ ᠢᠶᠠᠨ ᠡᠯᠢᠭᠡᠳᠡᠬᠦ ᠨᠤᠮᠤᠬᠠᠨ ᠪᠤᠷᠤ ᠴᠢᠯᠠᠭᠤᠳ ᠠᠴᠠ ᠠᠰᠠᠭᠤᠯ᠎ᠠ ᠴᠢ ᠤᠪᠤᠭᠠᠨ ᠳᠤ ᠤᠴᠢᠵᠤ ᠮᠦᠷᠭᠦ ᠭᠡᠨ᠎ᠡ ᠪᠢ ᠲᠡᠷᠡ ᠴᠢᠯᠠᠭᠤᠨ ᠤ ᠠᠮᠢᠰᠬᠤᠭ᠎ᠠ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠮᠠᠯᠴᠢᠳ ᠤᠨ ᠬᠡᠶᠢᠮᠤᠷᠢ ᠶᠢᠨ ᠤᠪᠤᠭᠠᠨ ᠠᠴᠠ ᠮᠦᠷᠭᠦᠵᠤ ᠠᠰᠠᠭᠤᠯ᠎ᠠ ᠴᠢ ᠡᠵᠢ ᠳᠤ ᠪᠠᠨ ᠤᠴᠢ ᠭᠡᠨ᠎ᠡ ᠪᠢ ᠲᠡᠷᠡ ᠣᠪᠤᠭᠠᠨ ᠤ ᠣᠩᠭᠤᠳ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠡᠵᠢ ᠳᠤ ᠪᠠᠨ ᠡᠷᠬᠡᠯᠡᠵᠤ᠂ ᠦᠨᠦᠰᠦᠭᠦᠯᠵᠤ ᠠᠰᠠᠭᠤᠯ᠎ᠠ ᠴᠢ ᠨᠤᠲᠤᠭ ᠡᠵᠢ ᠬᠤᠶᠠᠷ ᠢ ᠪᠠᠨ ᠭᠤᠯᠤᠬᠤ ᠦᠭᠡᠢ ᠯᠡ ᠠᠮᠢᠳᠤᠷᠠ ᠭᠡᠨ᠎ᠡ ᠪᠢ ᠡᠵᠢ ᠶᠢᠨ ᠢᠶᠠᠨ ᠨᠠᠰᠤᠨ ᠤ ᠦᠷᠭᠦᠯᠵᠢᠯᠡᠯ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠭᠤᠤᠯᠲᠠᠨ ᠤ ᠠᠮᠢᠨ ᠰᠤᠳᠠᠰᠤ᠂ ᠬᠤᠳᠳᠤᠭ ᠤᠨ ᠠᠰᠠᠭᠠᠷ ᠠᠴᠠ ᠨᠢᠯᠪᠤᠰᠤ ᠲᠠᠢ ᠠᠰᠠᠭᠤᠯ᠎ᠠ ᠴᠢ ᠠᠮᠢ ᠲᠠᠢ ᠪᠦᠬᠦᠨ ᠢ ᠬᠠᠶᠢᠷᠠᠯᠠᠵᠤ ᠶᠠᠪᠤ ᠭᠡᠨ᠎ᠡ ᠪᠢ ᠲᠡᠷᠡ ᠠᠮᠠᠨ ᠤᠰᠤᠨ ᠳᠤ ᠣᠴᠢᠬᠤ ᠵᠢᠮ ᠨᠢ ᠪᠠᠶᠢᠵᠡᠢ ᠪᠢ ᠴᠤᠬᠤᠮ ᠬᠡᠨ ᠪᠤᠢ ᠨᠠᠮᠤᠷᠵᠢᠶᠠᠨ ᠤ ᠬᠠᠳᠤᠯᠠᠩ ᠢᠶᠠᠷ ᠤᠴᠢᠵᠤ᠂ ᠡᠪᠡᠰᠤᠨ ᠰᠤᠷ ᠠᠴᠠ ᠠᠰᠠᠭᠤᠯ᠎ᠠ ᠴᠢ ᠬᠠᠳᠤᠭᠤᠷ ᠤᠨ ᠢᠷ ᠰᠢᠭ᠋ ᠬᠤᠷᠴᠠ ᠤᠬᠠᠭᠠᠨ ᠰᠠᠭᠤ ᠭᠡᠨ᠎ᠡ ᠪᠢ ᠲᠡᠷᠡ ᠡᠪᠡᠰᠦᠨ ᠤ ᠰᠤᠳᠠᠯ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠨᠠᠷᠠ ᠨᠢ ᠤᠶᠢᠷᠬᠠᠨ ᠪᠠᠶᠢᠳᠠᠭ ᠲᠡᠮᠡᠭᠡᠳ ᠠᠴᠠ ᠪᠠᠨ ᠠᠰᠠᠭᠤᠯ᠎ᠠ ᠴᠢ ᠨᠠᠮᠠᠢᠢ ᠭᠤᠯᠤᠬᠤ ᠪᠤᠯᠵᠡᠢ ᠭᠡᠨ᠎ᠡ ᠪᠢ ᠲᠡᠮᠡᠭᠡᠴᠢᠨ ᠤᠳᠤᠮ ᠤᠨ ᠬᠦᠤ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠪᠤᠳᠠᠷᠭᠠᠨ ᠤ ᠨᠦᠮᠦᠷᠢ ᠳᠤ ᠬᠤᠷᠭᠤᠳᠠᠬᠤ ᠲᠡᠨᠵᠢ ᠶᠢᠨ ᠴᠡᠩᠬᠡᠷ ᠰᠠᠯᠬᠢᠨ ᠠᠴᠠ ᠠᠰᠠᠭᠤᠯ᠎ᠠ ᠴᠢ ᠨᠠᠮᠠᠢᠢ ᠭᠦᠢᠴᠡᠰᠢ ᠦᠭᠡᠢ ᠬᠤᠷᠳᠤ ᠲᠠᠢ ᠪᠠᠶᠢᠬᠤ ᠶᠢ ᠬᠦᠰᠡᠶ᠎ᠡ ᠭᠡᠨ᠎ᠡ ᠪᠢ ᠲᠡᠷᠡ ᠰᠠᠯᠬᠢᠨ ᠤ ᠲᠣᠷᠭᠠᠨ ᠮᠡᠳᠡᠷᠡᠮᠵᠢ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠰᠡᠭᠦᠳᠡᠷ ᠢᠶᠠᠨ ᠨᠢᠭᠤᠭᠰᠠᠨ ᠰᠠᠷᠠᠨ ᠤ ᠴᠠᠭᠠᠨ ᠲᠠᠤᠯᠠᠢ ᠠᠴᠠ ᠠᠰᠠᠭᠤᠯ᠎ᠠ ᠴᠢ ᠤᠷᠴᠢᠯᠠᠩ ᠳᠤ ᠦᠯᠡᠳᠡᠬᠦ ᠬᠦᠮᠦᠨ ᠵᠠᠶᠠᠭᠠᠨ ᠤ ᠦᠷ᠎ᠡ ᠭᠡᠨ᠎ᠡ ᠪᠢ ᠲᠡᠷᠡ ᠰᠠᠷᠠᠨ ᠤ ᠴᠠᠭᠠᠨ ᠲᠠᠤᠯᠠᠢ ᠶᠢᠨ ᠰᠡᠭᠦᠳᠡᠷ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠴᠠᠩᠭᠠᠭ᠎ᠠ ᠨᠢ ᠠᠯᠳᠠᠷᠠᠭᠰᠠᠨ ᠭᠦᠷᠪᠡᠯ ᠤᠨ ᠮᠦᠷ ᠲᠤ ᠮᠦᠯᠬᠦᠵᠤ ᠠᠰᠠᠭᠤᠯ᠎ᠠ ᠴᠢ ᠰᠡᠭᠦᠯᠴᠢ ᠶᠢᠨ ᠭᠠᠭᠴᠠ ᠠᠮᠢᠰᠬᠤᠯ  ᠭᠡᠨ᠎ᠡ   ᠪᠢ ᠲᠡᠷᠡ ᠭᠦᠷᠪᠡᠯ ᠤᠨ ᠤᠮᠳᠠᠯᠠᠭᠰᠠᠨ ᠤᠰᠤ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠪᠤᠷᠬᠠᠨ ᠳᠤ ᠵᠠᠯᠠᠷᠠᠭᠰᠠᠨ ᠬᠥᠬᠡ ᠡᠪᠦᠭᠡᠳ ᠠᠴᠠ ᠪᠠᠨ ᠠᠰᠠᠭᠤᠯ᠎ᠠ ᠴᠢ ᠨᠤᠲᠤᠭ ᠲᠤ ᠪᠠᠨ ᠰᠢᠭᠤᠭᠳᠠᠬᠤ ᠬᠦᠮᠦᠨ ᠴᠢᠯᠠᠭᠤ ᠭᠡᠨ᠎ᠡ   ᠪᠢ ᠬᠥᠬᠡ ᠡᠪᠦᠭᠡᠳ ᠤᠨ ᠢᠶᠠᠨ ᠳ᠋ᠧᠪᠠᠵᠢᠨ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠡᠳᠦᠷ ᠤᠨ ᠥᠨᠦᠴᠢᠨ ᠣᠳᠤᠨ ᠳᠤ ᠵᠠᠯᠪᠢᠷᠠᠵᠤ ᠠᠰᠠᠭᠤᠯ᠎ᠠ ᠴᠢ ᠰᠠᠶᠢᠨ ᠰᠠᠶᠢᠬᠠᠨ ᠤ ᠲᠥᠯᠦᠭᠡᠯᠡᠯ ᠭᠡᠨ᠎ᠡ   ᠪᠢ ᠲᠡᠷᠡ ᠥᠨᠦᠴᠢᠨ ᠤᠳᠤᠨ ᠤ ᠭᠡᠷᠡᠯ ᠭᠡᠭᠡ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ   ᠭᠠᠳᠠᠨ᠎ᠠ ᠪᠤᠷᠤᠭᠠᠨ ᠴᠠᠰᠤ ᠬᠤᠯᠢᠯᠳᠤᠵᠤ ᠤᠷᠤᠬᠤ ᠪᠠᠷ ᠨᠢ ᠠᠰᠠᠭᠤᠯ᠎ᠠ ᠴᠢ ︽ᠭᠠᠭᠴᠠᠭᠠᠷᠳᠠᠯ︾ ᠎ ᠤᠨ ᠭᠤᠨᠢᠭᠯᠠᠯ ᠭᠡᠨ᠎ᠡ ᠪᠢ ᠲᠡᠷᠡ ᠰᠢᠭᠤᠷᠴᠤ ᠪᠤᠢ ᠴᠠᠰᠤ ᠪᠣᠷᠤᠭᠠᠨ ᠤ ᠰᠦᠷ ᠨᠢ ᠪᠠᠶᠢᠵᠡᠢ ᠪᠢ ᠴᠣᠬᠤᠮ ᠬᠡᠨ ᠪᠤᠢ ᠪᠢ ᠰᠦᠨᠡᠰᠤ ᠤᠷᠤᠭᠤ ᠪᠠᠨ ᠠᠭᠤᠰᠴᠤ ᠪᠠᠶᠢᠵᠤ ᠠᠰᠠᠭᠤᠯ᠎ᠠ ᠴᠢ ︽ᠬᠦᠮᠦᠨ︾ ᠨᠡᠷ᠎ᠡ ᠲᠠᠢ ︽ᠠᠮᠢᠲᠠᠨ︾ ᠪᠠᠶᠢᠬᠤ ᠶᠢ ᠬᠢᠴᠢᠶᠡ ᠭᠡᠨ᠎ᠡ ᠪᠢ ᠬᠦᠮᠦᠨ ᠮᠦᠰᠦ ᠵᠠᠩᠭᠢᠳᠤᠭᠰᠠᠨ ᠬᠦᠮᠦᠨ ᠤ ᠲᠠᠶᠢᠯᠪᠤᠷᠢ ᠶᠤᠮ ᠢᠷᠡᠯᠲᠡ᠄ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠳᠬ᠎ᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠣᠭ᠎ᠠᠡ᠊ ·  ᠪᠤᠯᠠᠭ ᠬᠠᠩᠭᠠᠪᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠬᠡ ᠶᠢᠨ ᠴᠠᠭᠠᠨ ᠰᠥ ᠬᠠᠷᠢᠭᠤᠯᠬᠤ
ᠨᠤᠬᠠᠢ ᠮᠤᠤᠷ ᠦᠰᠢᠶ᠎ᠡ ᠲᠠᠢ ᠪᠤᠯᠤᠭᠰᠠᠨ ᠳᠤᠬᠠᠢ ᠳᠤᠮᠤᠭ
ᠳᠠᠯᠠᠨ ᠬᠤᠳᠠᠯᠴᠢ
ᠤᠢ ᠪᠢᠳᠠᠭᠤ ᠠᠬ᠎ᠠ ᠲᠡᠭᠦᠥ ᠭᠤᠷᠪᠠ ᠤᠬᠠᠭᠠᠨ ᠰᠤᠷᠤᠭᠰᠠᠨ ᠨᠢ
ᠠᠪᠳᠠᠷᠠᠳᠦ ᠶᠢᠨ ᠲᠤᠮᠤᠭ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号