ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠠᠮᠢᠳᠤ ᠪᠠᠶᠢᠬᠤ ᠶᠢᠨ ᠤᠴᠢᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-01-31
ᠯ᠊ · ᠣᠳᠤᠨ                     ᠠᠮᠢᠳᠤ ᠪᠠᠶᠢᠬᠤ ᠶᠢᠨ ᠤᠴᠢᠷ         ᠬᠦᠷᠦᠰᠤᠨ ᠤ ᠴᠠᠭᠠᠨ᠎ᠠ ᠠᠴᠠ ᠴᠣᠪᠳᠤ ᠲᠦᠯᠬᠢᠯᠡᠬᠦ ᠶᠢ ᠮᠡᠳᠡᠷᠡᠪᠡᠯ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠡᠰᠡᠨᠢᠨ ᠲᠦᠯᠵᠢᠬᠦ ᠶᠢᠨ ᠪᠦᠪᠡᠢ ᠶᠢ ᠭᠠᠵᠠᠷ ᠤᠨ ᠰᠣᠭᠤᠨ ᠠᠴᠠ ᠴᠢᠩᠨᠠᠵᠤ ᠡᠯᠡᠰᠤᠨ ᠪᠦᠭᠡᠷᠡᠭ ᠤᠨ ᠡᠭᠡᠪᠤᠷ ᠠᠴᠠ ᠳᠠᠭᠤᠯᠠᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠡᠪᠡᠰᠤᠨ ᠤ ᠰᠡᠭᠦᠳᠡᠷ ᠲᠤ ᠦᠨᠳᠡᠭᠡ ᠬᠠᠭᠠᠷᠠᠬᠤ ᠶᠢ ᠠᠨᠢᠷᠯᠠᠪᠠᠯ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠠᠮᠢ ᠬᠠᠶᠢᠷ᠎ᠠ ᠶᠢᠨ ᠦᠷᠭᠦᠯᠵᠢᠯᠡᠯ ᠢ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠭᠡᠨ ᠠᠴᠠ ᠣᠶᠢᠯᠠᠭᠠᠵᠤ ᠨᠠᠷᠢᠬᠠᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠠᠴᠠ ᠬᠦᠭᠡᠮᠡᠶᠢᠯᠡᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠡᠵᠢ ᠬᠡᠯᠡᠨ ᠤ ᠴᠤᠤᠷᠢᠶ᠎ᠠ ᠶᠢ ᠨᠢᠯᠬᠠᠰ ᠤᠨ ᠣᠬᠢᠯᠠᠯ ᠠᠴᠠ ᠰᠣᠨᠤᠰᠪᠠᠯ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠡᠯᠤᠨᠴᠡ ᠳᠡᠭᠡᠳᠤ ᠶᠢᠨ ᠬᠦᠰᠡᠯ ᠢ ᠬᠤᠶᠢᠴᠢᠰ ᠤᠨ ᠵᠢᠷᠤᠭᠡᠨ ᠠᠴᠠ ᠠᠮᠢᠰᠬᠤᠵᠤ ᠦᠨᠳᠤᠷ ᠠᠷᠴᠠᠨ ᠤ  ᠪᠤᠷᠠᠭ᠎ᠠ ᠠᠴᠠ ᠬᠠᠩᠬᠤᠯᠠᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠮᠦᠰᠦᠨ ᠤ ᠬᠦᠨᠳᠡᠢ ᠳᠤ ᠬᠠᠪᠤᠷ ᠦᠷᠭᠡᠯᠡᠬᠦ ᠶᠢ ᠬᠠᠷᠠᠪᠠᠯ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠤᠯᠠᠷᠢᠵᠤ ᠬᠤᠪᠢᠰᠬᠤ ᠶᠢᠨ ᠵᠢᠮ᠎ᠡ ᠶᠢ ᠪᠠᠶᠢᠭᠠᠯᠢ ᠶᠢᠨ ᠠᠯᠠᠭᠠᠨ ᠠᠴᠠ ᠣᠩᠰᠢᠵᠤ ᠤᠯᠠᠷᠢᠯ ᠤᠨ ᠰᠠᠯᠬᠢ ᠲᠠᠢ ᠬᠠᠮᠲᠤ ᠢᠰᠭᠢᠷᠴᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠲᠡᠭᠷᠢᠯᠢᠭ ᠬᠦᠭᠵᠢᠮ ᠤᠨ ᠡᠭᠡᠰᠢᠭ ᠢ ᠲᠢᠶᠡᠲᠷ ᠤᠨ ᠲᠠᠶᠢᠰᠡᠨ ᠠᠴᠠ ᠳᠤᠭᠤᠯᠪᠠᠯ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠤᠶᠠᠷᠠᠵᠤ ᠳᠣᠭᠳᠤᠯᠬᠤ ᠶᠢᠨ ᠵᠢᠷᠭᠠᠯ ᠢ ᠤᠷᠠᠯᠢᠭ ᠤᠨ ᠠᠷᠢᠬᠢᠨ ᠠᠴᠠ ᠠᠮᠰᠠᠵᠤ ᠤᠤᠭᠠᠯ ᠰᠣᠶᠤᠯ ᠤᠨ ᠬᠦᠷᠦᠰᠤᠨ ᠠᠴᠠ ᠴᠡᠴᠡᠭᠯᠡᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠬᠠᠨᠢ ᠦᠷ᠎ᠡ ᠶᠢᠨ ᠨᠢᠯᠪᠤᠰᠤ ᠬᠠᠨᠴᠤᠢ ᠨᠤᠷᠭᠠᠬᠤ ᠶᠢ ᠲᠡᠮᠲᠡᠷᠢᠪᠡᠯ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠦᠬᠦᠯ ᠬᠠᠭᠠᠴᠠᠯ ᠤᠨ ᠤᠲᠤᠭ᠎ᠠ ᠶᠢ ᠠᠮᠢᠳᠤᠷᠠᠯ ᠤᠨ ᠲᠤᠭᠤᠷᠭᠠᠨ ᠠᠴᠠ ᠬᠦᠪᠢᠵᠤ ᠨᠠᠷᠠᠨ ᠤ ᠠᠯᠲᠠᠨ ᠲᠤᠶᠠᠭ᠎ᠠ ᠪᠣᠯᠣᠨ ᠰᠠᠴᠤᠷᠠᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠠᠲᠠᠭ᠎ᠠ ᠵᠢᠳᠤᠭᠡᠨ ᠤ ᠴᠢᠯᠠᠭᠤ ᠶᠠᠪᠤᠬᠤ ᠵᠠᠮ ᠳᠤ ᠲᠡᠭᠡᠭᠯᠡᠪᠡᠯ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠨᠢᠳᠤᠨ ᠳᠤ ᠦᠵᠡᠭᠳᠡᠬᠦ ᠦᠭᠡᠢ ᠨᠢᠭᠦᠯ ᠢ ᠰᠡᠳᠬᠢᠯ ᠤᠨ ᠭᠦᠨ ᠠᠴᠠ ᠠᠷᠴᠢᠵᠦ ᠢᠲᠡᠭᠡᠯ ᠣᠶᠢᠯᠠᠭᠠᠯᠴᠠᠯ ᠤᠨ ᠰᠣᠯᠣᠩᠭ᠎ᠠ ᠬᠤᠪᠢᠯᠦᠨ ᠲᠠᠲᠠᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠬᠦᠰᠡᠭᠰᠡᠨ ᠬᠦᠯᠢᠶᠡᠭᠰᠡᠨ ᠮᠢᠨᠢ ᠬᠦᠭᠡᠰᠤ ᠪᠣᠯᠣᠨ ᠵᠠᠮᠬᠠᠷᠠᠬᠤ ᠦᠶᠡᠰ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠦᠩᠭᠡᠨ ᠳᠤ ᠬᠠᠭᠤᠷᠳᠠᠳᠠᠭ ᠨᠡᠶᠢᠬᠡᠮ ᠤᠨ ᠣᠰᠤᠯ ᠠᠯᠳᠠᠭᠳᠠᠯ ᠢ ᠱᠤᠤᠯᠠᠨ ᠦᠨᠡᠨ ᠤ ᠲᠡᠭᠷᠢ ᠠᠴᠠ ᠬᠠᠶᠠᠯᠬᠤ ᠴᠠᠰᠤ ᠪᠣᠯᠣᠨ ᠪᠦᠵᠢᠭᠯᠡᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ᠃ ᠨᠡᠷ᠎ᠡ ᠴᠤᠯᠠ ᠬᠤᠶᠠᠷ ᠮᠢᠨᠢ ᠲᠡᠩᠴᠡᠯᠳᠣᠬᠦ ᠦᠭᠡᠢ ᠪᠠᠶᠢᠭᠰᠠᠨ ᠴᠠᠭ ᠲᠤ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠠᠯᠳᠠᠷ ᠠᠰᠢᠭ ᠲᠤ ᠭᠤᠷᠢᠯᠠᠬᠤ ᠰᠢᠨᠣᠯ ᠤᠨ ᠲᠡᠨᠡᠭ ᠭᠡᠳᠡᠭ ᠢ ᠤᠬᠠᠭᠠᠷᠠᠵᠤ ᠳᠤᠷᠠᠲᠠᠶ᠎ᠠ ᠡᠯᠡᠰᠤᠨ ᠳᠤ ᠰᠢᠩᠭᠡᠬᠦ ᠭᠤᠷᠤᠬ᠎ᠠ ᠬᠤᠪᠢᠯᠦᠨ ᠬᠦᠭᠵᠢᠮᠳᠡᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠬᠡᠯᠡ ᠰᠣᠶᠤᠯ ᠤᠨ ᠭᠠᠯ ᠰᠡᠳᠬᠢᠯ ᠠᠴᠠ ᠪᠦᠬᠦᠭᠡ ᠦᠭᠡᠢ ᠴᠠᠭ ᠲᠤ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠬᠦᠰᠡᠷ ᠣᠶᠢᠴᠢᠬᠤ ᠶᠢᠨ ᠬᠠᠷᠠᠮᠰᠠᠯ ᠢ ᠦᠷᠦᠭᠡᠯ ᠳᠤ ᠦᠷᠭᠦᠯᠵᠢ ᠰᠠᠨᠠᠭᠤᠯᠵᠤ ᠬᠦᠷᠡᠩ ᠰᠤᠳᠠᠯ ᠢᠶᠠᠷ ᠳᠠᠮᠵᠢᠬᠤ ᠴᠢᠰᠤ ᠪᠣᠯᠣᠨ ᠯᠤᠭᠰᠢᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠴᠦᠮ᠎ᠡ ᠶᠢᠨ ᠬᠤᠤᠷᠲᠤ ᠬᠡᠢ ᠠᠭᠠᠷ ᠪᠣᠬᠢᠷᠳᠤᠭᠤᠯᠵᠤ ᠪᠠᠶᠢᠭᠰᠠᠨ ᠴᠠᠭ ᠲᠤ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠪᠦᠮᠪᠦᠷᠴᠡᠭ ᠡᠵᠢ ᠶᠢᠨ ᠶᠤᠤᠯᠠᠯ ᠢ ᠬᠦᠮᠤᠰ ᠤᠨ ᠰᠣᠨᠤᠷ ᠲᠤ ᠬᠦᠷᠭᠡᠵᠤ ᠬᠦᠮᠦᠯᠢᠭ ᠦᠵᠡᠯ ᠤᠨ ᠮᠦᠰᠤ ᠵᠠᠭᠤᠨ ᠬᠠᠯᠢᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠠᠶᠤᠩᠭᠤᠷᠢ ᠶᠢᠨ ᠬᠠᠷ᠎ᠠ ᠲᠤᠯᠪᠤ ᠢᠨᠵᠠᠭᠠᠨ ᠤ ᠨᠢᠳᠤᠨ ᠠᠴᠠ ᠠᠷᠢᠯᠬᠤ ᠦᠭᠡᠢ ᠬᠤᠶᠢᠨ᠎ᠡ ᠪᠢ ᠠᠮᠢᠳᠤ ᠪᠠᠶᠢᠬᠤ ᠪᠣᠯᠣᠨ᠎ᠠ ᠰᠢᠨᠤᠯ ᠨᠢᠭᠦᠯ ᠤᠨ ᠴᠢᠰᠣᠨ ᠠᠴᠠ ᠣᠶᠢᠳᠤᠭᠰᠠᠨ ᠨᠠᠪᠴᠢᠰ ᠤᠨ ᠭᠤᠨᠢᠭ ᠢ ᠣᠬᠢᠶᠠᠨ ᠣᠳᠤᠳ ᠤᠨ ᠰᠣᠷᠮᠤᠤᠰᠤᠨ ᠠᠴᠠ ᠲᠠᠰᠤᠷᠠᠬᠤ ᠪᠣᠷᠤᠭ᠎ᠠ ᠬᠤᠪᠢᠯᠤᠨ ᠰᠢᠪᠡᠷᠡᠵᠤ ᠪᠠᠶᠢᠬᠤ ᠪᠣᠯᠣᠨ᠎ᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠬᠡ ᠶᠢᠨ ᠴᠠᠭᠠᠨ ᠰᠥ ᠬᠠᠷᠢᠭᠤᠯᠬᠤ
ᠨᠤᠬᠠᠢ ᠮᠤᠤᠷ ᠦᠰᠢᠶ᠎ᠡ ᠲᠠᠢ ᠪᠤᠯᠤᠭᠰᠠᠨ ᠳᠤᠬᠠᠢ ᠳᠤᠮᠤᠭ
ᠳᠠᠯᠠᠨ ᠬᠤᠳᠠᠯᠴᠢ
ᠤᠢ ᠪᠢᠳᠠᠭᠤ ᠠᠬ᠎ᠠ ᠲᠡᠭᠦᠥ ᠭᠤᠷᠪᠠ ᠤᠬᠠᠭᠠᠨ ᠰᠤᠷᠤᠭᠰᠠᠨ ᠨᠢ
ᠠᠪᠳᠠᠷᠠᠳᠦ ᠶᠢᠨ ᠲᠤᠮᠤᠭ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号