| ᠪᠤᠷᠵᠢᠬᠢᠨ ᠠᠯᠳ᠋ᠬᠠᠠᠭᠤᠯᠠ | | ᠵᠢᠷᠦᠭᠡᠨ ᠭᠡ ᠲᠠᠢ ᠪᠤᠭᠤᠷᠤᠯ ᠭᠤᠪᠢ | ᠭᠠᠳᠠᠨᠠ ᠠᠴᠠ ᠨᠢ ᠬᠠᠷᠠᠬᠤ ᠳᠤ | ᠡᠪᠦᠭᠡ ᠮᠢᠨᠢ ᠰᠢᠭ ᠪᠤᠭᠤᠷᠤᠯ ᠬᠦᠳᠡᠭᠡ | ᠭᠠᠩᠰᠠ ᠲᠠᠮᠠᠬᠢ ᠤᠯᠠᠯᠵᠠᠨ ᠠᠰᠠᠬᠤ ᠮᠡᠳᠦ | ᠲᠤᠳᠤᠷᠠ ᠪᠠᠨ ᠢᠯᠴᠢ ᠲᠠᠢ ᠡᠷᠳᠡᠨ ᠭᠤᠪᠢ | ᠭᠠᠩᠳᠠᠬᠰᠠᠨ ᠬᠦᠭᠡ ᠲᠡᠪᠡᠯ ᠤᠨ ᠰᠠᠯᠬᠢᠨ ᠳᠤ ᠰᠡᠮᠡᠷᠡᠭᠰᠡᠨ ᠬᠤᠷᠮᠤᠢ | ᠭᠠᠭᠴᠠ ᠨᠢᠳᠦ ᠲᠠᠢ ᠲᠤᠷᠠᠨ ᠳᠤ ᠲᠤᠷᠤᠯᠵᠠᠨ ᠬᠦᠳᠡᠯᠭᠦ ᠦᠨᠦᠴᠢᠨ ᠵᠠᠭᠡᠷᠡ | ᠵᠢᠩ ᠤᠨ ᠬᠤᠩᠬᠤᠨ ᠤ ᠲᠠᠭᠤᠨ ᠠᠴᠠ ᠲᠠᠰᠤᠷᠠᠵᠤ ᠤᠨᠠᠬᠰᠠᠨ ᠠᠶᠠᠯᠭᠤ | ᠵᠦᠩᠳᠡᠭᠡᠨ ᠵᠢᠷᠦᠭᠡᠨ ᠳᠤ ᠪᠤᠶᠢᠯᠠᠬᠤ ᠪᠤᠳᠤᠭᠤᠨ ᠨᠢᠳᠦᠨ ᠭᠤᠪᠢ | ᠤᠨᠢᠶᠠᠷ ᠮᠠᠨᠠᠨ ᠤ ᠲᠤᠮᠳᠠ ᠪᠠᠨ | ᠤᠰᠤᠨ ᠵᠡᠷᠭᠡᠯᠭᠡᠨ ᠤ ᠬᠦᠶᠦᠳᠡᠯ ᠲᠠᠢ | ᠢᠷᠤᠭᠠᠷ ᠤᠨ ᠬᠢᠨ ᠭᠡᠷᠡᠯᠳᠦ ᠵᠢᠭᠠᠰᠤ ᠰᠢᠭ᠋ ᠴᠢᠯᠠᠭᠤᠳ ᠨᠢ | ᠶᠡᠭᠡ ᠲᠠᠯᠠᠢ ᠳᠠᠭᠠᠨ ᠴᠠᠩᠭᠡᠵᠤ ᠬᠤᠨᠤᠬᠰᠠᠨ ᠵᠡᠭᠦᠳᠦ ᠲᠠᠢ ᠭᠤᠪᠢ | ᠲᠤᠷᠤᠨᠠ ᠠᠴᠠ ᠪᠠᠨ ᠡᠬᠢᠯᠡᠵᠤ ᠢᠷᠠᠬᠳᠠᠬᠤ ᠪᠠᠷ ᠢᠶᠠᠨ | ᠲᠤᠰᠤᠨ ᠪᠤᠳᠤᠭ ᠤᠨ ᠦᠩᠭᠡ ᠲᠠᠢ ᠭᠤᠪᠢ | ᠦᠷᠦᠨᠡ ᠠᠴᠠ ᠪᠠᠨ ᠬᠤᠮᠢᠬᠳᠠᠨ ᠪᠦᠷᠳᠦᠶᠢᠭᠦ ᠪᠠᠷ ᠢᠶᠠᠨ | ᠲᠤᠮᠤᠭ ᠤᠨ ᠨᠢᠭᠤᠴᠠ ᠰᠢᠨᠵᠢ ᠲᠠᠢ | ᠭᠤᠪᠢ ᠮᠢᠨᠢ ᠨᠠᠯᠠᠶᠢᠬᠤ ᠪᠠᠷ ᠢᠶᠠᠨ | ᠪᠢᠳᠦᠷᠢᠶᠠᠨ ᠴᠡᠩᠭᠡᠷ ᠲᠡᠭᠷᠢ ᠨᠢ ᠬᠤᠷᠮᠤᠢ ᠪᠠᠨ ᠲᠡᠪᠢᠰᠴᠤ ᠵᠠᠯᠭᠠᠳᠠᠭ | ᠭᠤᠪᠢ ᠮᠢᠨᠢ ᠰᠤᠶᠢᠯᠠᠬᠤ ᠪᠠᠷ ᠢᠶᠠᠨ | ᠪᠠᠳᠤ ᠨᠤᠶᠢᠷᠰᠤᠬᠰᠠᠨ ᠴᠢᠯᠠᠭᠤ ᠨᠢ ᠲᠤᠳᠤᠷᠠ ᠠᠴᠠ ᠪᠠᠨ ᠭᠡᠷᠡᠯᠳᠦᠨ ᠮᠠᠨᠤᠵᠢᠳᠠᠭ | ᠨᠠᠷᠠᠨ ᠤ ᠰᠤᠵᠢᠭ ᠢ ᠲᠠᠭᠠᠵᠤ | ᠭᠤᠪᠢ ᠮᠢᠨᠢ ᠲᠤᠨᠤᠯᠵᠠᠨᠠ | ᠮᠤᠩᠭᠤᠯ ᠭᠡᠷ ᠤᠨ ᠪᠦᠰᠡᠯᠡᠭᠦᠷ ᠲᠠᠭᠠᠵᠤ ᠵᠦᠪ ᠲᠤᠨᠤᠯᠵᠠᠨᠠ | ᠮᠢᠨᠤ ᠡᠵᠢ ᠶᠢᠨ ᠮᠤᠶᠢᠭ ᠬᠦᠯ ᠢ ᠢᠪᠡᠵᠤ ᠨᠠᠮᠤᠭᠤᠬᠠᠨ ᠲᠤᠨᠤᠯᠵᠠᠨᠠ | ᠮᠠᠯ ᠤᠨ ᠭᠡᠰᠢᠭ ᠲᠡᠯᠡᠯᠵᠤ ᠨᠡᠭᠦᠳᠡᠯ ᠠᠨᠢᠷᠳᠤᠭᠤᠯᠵᠤ ᠲᠤᠨᠤᠯᠵᠠᠨᠠ | ᠮᠢᠩᠭᠠᠨ ᠤᠨ ᠤ ᠦᠷᠳᠡᠭᠡ ᠠᠴᠢᠶᠠᠯᠠᠵᠤ ᠲᠡᠷᠳᠡᠭᠡ ᠵᠦᠭ ᠲᠤᠨᠤᠯᠵᠠᠨᠠ | ᠭᠠᠯᠪᠠ ᠶᠢᠨ ᠮᠠᠨᠠᠬᠳᠠᠬᠰᠠᠨ ᠨᠤᠷᠮᠠ ᠶᠢ | ᠭᠠᠯ ᠤᠨ ᠬᠠᠶᠢᠴᠢ ᠰᠢᠭ᠋ ᠰᠢᠯᠡᠭᠡᠵᠤ | ᠲᠡᠤᠭᠡ ᠶᠢᠨ ᠤᠷᠳᠤ ᠠᠶᠠᠨ ᠢ | ᠨᠤᠤᠰᠤᠨ ᠲᠡᠭᠡᠰᠦ ᠰᠢᠭ ᠡᠪᠭᠡᠵᠤ | ᠨᠠᠮᠵᠢᠭᠤᠨ ᠰᠦᠨᠢ ᠶᠢᠨ ᠰᠠᠷᠠᠨ ᠤ ᠴᠠᠶᠢᠪᠤᠷ ᠭᠡᠭᠡ ᠳᠤ | ᠶᠠᠩᠴᠢᠨ ᠬᠤᠭᠤᠷ ᠤᠨ ᠠᠮᠠᠷᠠᠬᠰᠠᠨ ᠤᠳᠠᠰᠤ ᠰᠢᠭ᠋ ᠲᠠᠶᠢᠳᠬᠤᠷᠠᠬᠰᠠᠨ ᠭᠤᠪᠢ ᠮᠢᠨᠢ | ᠭᠡᠵᠢᠶᠡ ᠭᠡᠵᠤ ᠨᠢᠭᠡᠨ ᠴᠠᠭ ᠢ ᠵᠢᠭᠠᠵᠤ ᠤᠷᠬᠢᠵᠤ ᠶᠠᠪᠤᠬᠤ ᠪᠠᠨ ᠮᠡᠳᠡᠭᠦ ᠦᠭᠡᠢ | ᠭᠡᠵᠢᠶᠡ ᠴᠦ ᠵᠢᠷᠦᠭᠡᠨ ᠤ ᠭᠡ ᠰᠢᠭ ᠢᠶᠠᠨ ᠦᠯᠡᠳᠡᠵᠤ ᠬᠤᠴᠤᠷᠬᠤ ᠪᠠᠨ ᠮᠡᠳᠡᠨᠡ ᠭᠤᠪᠢ ᠮᠢᠨᠤ︕ | |