| ᠪᠤᠷᠵᠢᠬᠢᠨ ᠰᠦᠮᠪᠦᠷ | ᠪᠠᠶᠢᠰᠢᠩ ᠤᠨ ᠨᠠᠮᠤᠷ | ᠨᠢᠭᠡ | ᠰᠠᠶᠢᠬᠠᠨ ᠭᠡᠷᠡᠯᠳᠤ ᠪᠤᠷᠤᠭᠠ ᠶᠢ ᠪᠢ ᠲᠠᠬᠢᠭᠠᠳ ᠯᠡ ᠮᠠᠷᠳᠠᠪᠠ | ᠰᠠᠷᠠᠪᠴᠢᠨ ᠠᠴᠠ ᠲᠤᠰᠤᠯᠠᠨ ᠪᠤᠢ ᠪᠤᠷᠤᠭᠠᠨ ᠤ ᠤᠰᠤ | ᠡᠪᠦᠭᠡᠨ ᠪᠠᠶᠢᠰᠢᠩ ᠤᠨ ᠬᠡᠵᠢᠶᠡᠳᠡ ᠦᠯᠦ ᠬᠠᠭᠤᠴᠢᠷᠠᠬᠤ ᠦᠭᠡ ᠶᠤᠮ | ᠮᠦᠩᠭᠡ ᠶᠢᠨ ᠬᠤᠭᠤᠰᠤᠨ ᠳᠤ ᠰᠡᠳᠬᠢᠯ ᠮᠢᠨᠢ ᠨᠢᠰᠴᠤ ᠤᠳᠤᠭᠠᠳ | ᠮᠦᠷᠦᠭᠡᠳᠦᠭᠴᠢ ᠰᠢᠪᠠᠭᠤᠨ ᠤ ᠲᠠᠯᠠᠪᠴᠢ ᠶᠢ ᠵᠢᠭᠡᠯᠡᠶᠡ ᠭᠡᠳᠡᠯᠡ | ᠨᠠᠮᠤᠷ ᠪᠤᠯᠤᠨᠠ | ᠮᠤᠳᠤᠳ ᠤᠨ ᠤᠷᠤᠢ ᠰᠠᠯᠬᠢᠨᠠ ᠱᠤᠤᠬᠢᠬᠤ ᠨᠢ | ᠲᠦᠮᠡᠨ ᠵᠦᠢᠯ ᠳᠤ ᠰᠡᠳᠬᠢᠯ ᠢ ᠲᠠᠳᠠᠬᠤ ᠪᠠ | ᠪᠠᠶᠢᠰᠢᠩ ᠤᠳ ᠴᠢᠮᠡᠭᠡ ᠦᠭᠡᠢ ᠵᠤᠭᠰᠤᠬᠤ ᠶᠢ | ᠤᠳᠤᠳ ᠬᠠᠷᠠᠭᠰᠠᠭᠠᠷ ᠮᠡᠳᠡᠪᠡᠴᠤ ᠤᠭᠳᠤ ᠠᠴᠠ ᠦᠭᠡ ᠡᠰᠡ ᠭᠡᠯᠡᠶᠦ | | ᠬᠠᠨᠠᠨ ᠲᠡᠭᠡᠷᠡ ᠪᠤᠢ ᠴᠠᠭ᠂ ᠪᠠᠰᠠ ᠨᠠᠪᠴᠢᠰ ᠤᠨ ᠤᠨᠠᠬᠤ | ᠬᠠᠮᠤᠭ ᠤᠨ ᠦᠨᠡᠨᠴᠢ ᠡᠰᠡᠬᠦ ᠶᠢ ᠪᠢ ᠮᠡᠳᠡᠬᠦ ᠦᠭᠡᠢ | ᠠᠭᠤᠯᠠᠰ ᠤᠨ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠶᠢ ᠴᠢᠩᠨᠠᠨ ᠰᠠᠭᠤᠬᠤ ᠳᠤ | ᠭᠡᠷᠡᠯᠳᠤ ᠴᠤᠬᠤ ᠰᠢᠭ᠋ ᠮᠦᠷᠦᠭᠡᠳᠦᠯ ᠤᠳ ᠮᠢᠨᠢ | ᠭᠡᠷ ᠠᠴᠠ ᠪᠠᠨ ᠵᠦᠭ ᠵᠦᠭ ᠲᠡᠶᠢᠰᠢ ᠪᠠᠨ ᠨᠢᠰᠦᠭᠰᠡᠭᠡᠷ ᠪᠠᠶᠢᠨᠠ | ᠰᠡᠳᠬᠢᠯ ᠶᠠᠭᠠᠬᠢᠭᠠᠳ ᠭᠠᠨᠳᠠᠷᠢᠰᠤᠨ ᠲᠠᠢ ᠠᠳᠠᠯᠢᠬᠠᠨ ᠪᠤᠯᠬᠤ ᠶᠢ | ᠭᠠᠨᠳᠠᠷᠢᠰᠦᠨ ᠰᠢᠭ᠋ ᠰᠡᠳᠬᠢᠯ ᠮᠢᠨᠢ ᠠᠮᠢᠳᠤᠷᠠᠯ ᠮᠦᠨ ᠢ | ᠭᠠᠶᠢᠬᠠᠬᠤ ᠦᠭᠡᠢ ᠪᠠᠶᠢᠬᠤ ᠴᠤ ᠵᠡᠷᠭᠡᠯᠬᠡᠨ ᠰᠢᠭ ᠦᠨᠡᠨ | ᠡᠬᠦᠯᠡᠰ ᠦᠨᠡᠨᠳᠡᠭᠡᠨ ᠴᠢᠮᠠᠢᠢ ᠰᠠᠨᠠᠬᠤ ᠰᠠᠨᠠᠭᠠ ᠶᠤᠮ | ᠡᠬᠦᠨ ᠠᠴᠠ ᠬᠤᠶᠢᠰᠢᠳᠠ ᠪᠤᠷᠤᠭᠠ ᠰᠢᠪᠡᠷᠡᠬᠦ | ᠲᠡᠶᠢᠮᠤ ᠴᠤ ᠭᠤᠨᠢᠭᠳᠠᠢ ᠪᠢᠰᠢ ᠪᠤᠯᠤᠨᠠ | ᠬᠤᠶᠠᠷ | ᠬᠠᠷᠠᠩᠭᠤᠢ ᠳᠤ ᠨᠢᠳᠤ ᠪᠠᠨ ᠠᠨᠢᠬᠤ᠂ ᠴᠦᠳᠡᠨᠵᠠ ᠵᠤᠷᠠᠬᠤ | ᠬᠠᠨᠠᠨ ᠠᠴᠠ ᠬᠤᠪᠬᠤᠷᠠᠨ ᠤᠨᠠᠬᠤ ᠭᠡᠷᠡᠯ ᠭᠡᠭᠡ ᠰᠢᠭ | ᠬᠤᠷᠤᠭᠤ ᠪᠠᠷ ᠢᠶᠠᠨ ᠲᠡᠮᠳᠡᠷᠢᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠠᠶᠢᠳᠠᠭ | ᠬᠠᠳᠠᠭᠠᠯᠠᠵᠤ ᠤᠨ ᠤᠳᠠᠭᠰᠠᠨ ᠰᠢᠬᠢᠷ ᠰᠢᠭ ᠲᠤᠷᠠᠰᠤᠮᠵᠢ ᠤᠳ | ᠬᠠᠯᠠᠭᠠᠰᠤᠨ ᠳᠤ ᠮᠢᠨᠢ ᠶᠠᠪᠤᠳᠠᠭ᠂ ᠬᠠᠷᠢᠨ ᠲᠡᠬᠦᠨ ᠢ ᠪᠠᠨ | ᠬᠡᠥᠭᠡᠳ ᠤᠳ ᠲᠤ ᠲᠦᠭᠡᠭᠡᠮᠡᠷ ᠦᠭᠡᠢ ᠯᠡ ᠰᠠᠨᠠᠭᠳᠠᠳᠠᠭ | ᠬᠦᠷᠮᠡ ᠪᠠᠨ ᠨᠦᠮᠦᠷᠴᠤ᠂ ᠡᠬᠦᠳᠡ ᠪᠠᠨ ᠲᠦᠭᠵᠢᠭᠡᠳ ᠪᠢ | ᠤᠨᠳᠠᠭᠰᠠᠨ ᠮᠤᠳᠤᠳ ᠤᠨ ᠵᠡᠬᠦᠳᠦᠨ ᠤᠷᠤᠭᠤ ᠠᠯᠬᠤᠳᠠᠭ | ᠲᠡᠨᠳᠡ ᠪᠤᠢ ᠵᠢᠷᠭᠤᠭᠠᠨ ᠲᠠᠯᠠ ᠲᠠᠢ ᠪᠠᠶᠢᠰᠢᠩ ᠤᠨ | ᠨᠤᠭᠤᠭᠠᠨ ᠰᠢᠷ ᠲᠠᠢ ᠮᠤᠳᠤᠨ ᠴᠤᠩᠬᠤ | ᠪᠤᠷᠤᠭᠠᠨ ᠤ ᠰᠢᠯ ᠲᠠᠢ ᠪᠠᠶᠢᠳᠠᠭ | ᠰᠠᠯᠬᠢ ᠶᠠᠭ ᠯᠡ ᠦᠩᠭᠡ ᠦᠩᠭᠡ ᠶᠢᠨ ᠪᠢᠷ ᠰᠢᠭ | ᠰᠠᠨᠠᠭᠠ ᠪᠠᠷ ᠢᠶᠠᠨ ᠮᠤᠳᠤᠳ ᠢ ᠵᠢᠷᠤᠳᠠᠭ | ᠰᠠᠨᠠᠮᠰᠠᠷ ᠦᠭᠡᠢ ᠰᠦᠨᠢ ᠶᠢᠨ ᠲᠡᠭᠷᠢ ᠲᠤ ᠠᠰᠬᠠᠭᠰᠠᠨ ᠭᠡᠷᠡᠯᠳᠤ ᠴᠤᠬᠤ ᠨᠤᠭᠤᠳ | ᠮᠤᠳᠤᠨ ᠪᠠᠶᠢᠰᠢᠩ ᠤᠨ ᠴᠤᠩᠬᠤᠨ ᠠᠴᠠ ᠮᠦᠷᠦᠭᠡᠳᠦᠯ ᠢᠶᠠᠨ ᠬᠦᠯᠬᠡᠯᠡᠨ ᠨᠢᠰᠳᠡᠭ | ᠪᠤᠳᠤᠯ ᠤᠳ ᠢᠶᠠᠨ ᠪᠢ ᠨᠠᠷᠠᠰᠤᠨ ᠤ ᠮᠦᠴᠢᠷ ᠲᠡᠭᠡᠷᠡ ᠡᠯᠬᠦᠳᠡᠭ | ᠪᠤᠷᠭᠤᠴᠠᠢ ᠲᠠᠢ ᠬᠠᠮᠳᠤ ᠬᠡᠷᠡᠮᠤ ᠲᠡᠬᠦᠵᠤ ᠤᠳᠤᠭᠠᠳ | ᠭᠡᠤᠭᠡᠳ ᠤᠳ ᠲᠤ ᠪᠠᠨ ᠲᠦᠭᠡᠭᠡᠳᠡᠭ | ᠠᠯᠴᠢᠭᠤᠷ ᠰᠢᠭ᠋ ᠮᠠᠨᠠᠨ ᠲᠤᠮᠳᠠ | ᠠᠯᠢ ᠡᠷᠳᠡᠨ ᠤ ᠮᠤᠳᠤᠳ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠤᠷᠭᠤᠳᠠᠭ | ᠵᠦᠭ ᠪᠦᠬᠦᠨ ᠳᠤ ᠰᠠᠯᠠᠭᠠᠯᠠᠭᠰᠠᠨ ᠵᠦᠷᠢᠭ ᠵᠠᠮ ᠵᠦᠪᠭᠡᠨ ᠠᠳᠡ ᠠᠴᠠ ᠡᠬᠢᠯᠡᠳᠡᠭ ᠃ | |