| ᠪᠦᠬᠦ ᠣᠯᠣᠰ ᠤᠨ ᠶᠢᠰᠦᠳᠦᠭᠡᠷ ᠣᠳᠠᠭᠠᠨ ᠤ ︽ᠲᠡᠭᠷᠢ ᠶᠢᠨ ᠪᠣᠳᠣᠭᠤ︾ ᠮᠤᠩᠭᠤᠯ ᠢᠷᠠᠭᠤ ᠨᠠᠶᠢᠷᠠᠭ ᠤᠨ | ᠨᠠᠭᠠᠳᠤᠮ ᠤᠨ ᠲᠡᠬᠡᠳᠦ 16 ᠳᠤ ᠲᠤᠳᠤᠷᠠᠬᠰᠠᠨ ᠪᠦᠳᠦᠭᠡᠯ | ᠠ᠊ · ᠲᠠᠷᠬᠠᠨ | | ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ | — ᠢᠨᠢᠶᠡᠮᠰᠦᠭᠯᠡᠯ ᠤᠨ ᠳᠠᠨᠢ ︽ᠳᠦᠷᠢᠮᠡᠭᠡᠢ︾ ᠳᠤ | ᠪᠢ ᠬᠡᠵᠢᠶᠡᠳᠡ ᠦᠨᠡᠨ ᠤ ᠣᠯᠵᠠᠯᠠᠭᠳᠠᠭᠴᠢ ᠡ | ᠰᠠᠯᠬᠢᠨ ᠭᠤᠨᠳᠠᠭᠠᠳ᠂ ᠲᠡᠮᠡᠦᠯᠦᠯ ᠵᠢᠷᠢᠯᠵᠢᠭᠡᠳ᠂ ᠵᠠᠮ ᠦᠷᠭᠦᠯᠵᠢᠯᠡᠭᠡᠳ ᠁ | ᠰᠠᠷᠠ ᠬᠤᠨᠤᠭ ᠤᠨ ᠮᠡᠳᠡᠷᠡᠮᠵᠢ ᠶᠢ ᠬᠤᠭᠤᠷ ᠤᠨ ᠣᠳᠠᠰᠣ ᠮᠡᠳᠦ ᠬᠦᠭᠯᠡᠭᠦᠯᠵᠦ ᠵᠠᠯᠭᠠᠬᠤ | ᠰᠠᠨᠰᠠᠷ ᠬᠤᠷᠸᠠ ᠶᠢᠨ ᠡᠬᠢᠯᠡᠯ ᠢ ᠨᠣᠮ ᠤᠨ ᠬᠠᠭᠤᠳᠠᠰᠣ ᠮᠡᠳᠦ ᠣᠷᠪᠠᠭᠤᠯᠵᠣ ᠲᠣᠭᠤᠯᠬᠤ | ᠰᠠᠷᠠᠠ ᠤ ᠭᠡᠭᠡ ᠶᠢ ᠪᠦᠱᠦᠭᠦᠷᠭᠡᠭᠴᠢ ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ — ᠡᠷᠬᠢᠮᠰᠦᠭ ᠤᠨ ᠬᠡᠯᠪᠡᠷᠢ | ᠪᠣᠷᠤᠭᠠ ᠰᠢᠪᠡᠷᠡᠭᠡᠳ᠂ ᠮᠣᠳᠣᠳ ᠪᠦᠵᠢᠭᠡᠳ᠂ ᠰᠦᠰᠦᠭ ᠷᠠᠪᠨᠠᠶᠢᠯᠠᠭᠠᠳ ᠁ | ᠪᠣᠳᠣᠯ ᠳᠤ ᠨᠢᠭᠤᠭᠳᠠᠭᠰᠠᠨ ᠨᠠᠮ ᠬᠦᠮ ᠤᠨ ᠲᠡᠷᠭᠡᠯᠰᠢᠯ ᠳ᠋ᠥᠲ᠋ᠣᠷᠠᠯᠠᠵᠣ ᠡᠭᠡᠰᠢᠭᠯᠡᠨᠡᠮ | ᠪᠣᠶᠢᠯᠠᠭᠠᠨ ᠳᠤ ᠬᠦᠯᠦᠷᠡᠭᠰᠡᠨ ᠨᠠᠮᠣᠷ ᠬᠠᠪᠣᠷ ᠤᠨ ᠠᠮᠢᠰᠬᠤᠭᠠ ᠳᠤ ᠬᠦᠰᠡᠵᠦ ᠢᠳᠡᠭᠡᠨᠡᠮ | ᠪᠣᠷᠬᠠᠨ ᠤ ᠴᠡᠭᠡᠷ ᠢ ᠠᠯᠳᠠᠭᠤᠯᠣᠭᠴᠢ ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ — ᠭᠡᠭᠡᠷᠡᠯ ᠤᠨ ᠬᠡᠯᠪᠡᠷᠢ | ᠰᠢᠯᠦᠭ ᠪᠣᠰᠣᠭᠠᠳ᠂ ᠣᠶᠠᠩᠭᠠ ᠳᠠᠪᠠᠷᠠᠭᠠᠳ᠂ ᠬᠢᠵᠠᠭᠠᠷ ᠳᠡᠯᠡᠷᠡᠭᠡᠳ ᠁ | ᠰᠢᠳᠠᠷᠠ ᠶᠢᠨ ᠬᠦᠯᠭᠡ ᠳᠤ ᠣᠶᠠᠭᠳᠠᠬᠤ ᠰᠣᠯᠣᠩᠭᠠ ᠶᠢᠨ ᠠᠩᠭᠢᠯᠣᠮᠠ ᠳᠤ ᠲᠡᠨᠢᠭᠦᠵᠢᠵᠦ | ᠰᠢᠵᠢᠮᠯᠡᠬᠦᠢ ᠬᠡᠯᠡ ᠪᠠᠷ ᠭᠤᠪᠢ ᠪᠠᠨ ᠳᠣᠪᠴᠢᠶᠠᠯᠠᠬᠤ ᠲᠡᠦᠬᠡᠳᠦ ᠳᠣᠣᠯᠢᠶᠠᠨ ᠳᠤ ᠬᠢᠯᠠᠯᠵᠠᠵᠣ | ᠰᠢᠪᠠᠭᠤᠨ ᠤ ᠨᠡᠭᠦᠳᠡᠯ ᠢ ᠬᠦᠳᠦᠯᠦᠭᠴᠢ ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ — ᠣᠬᠠᠭᠠᠨ ᠤ ᠬᠡᠯᠪᠡᠷᠢ | ᠳᠠᠭᠤᠣ ᠬᠦᠬᠡᠮᠡᠶᠢᠯᠡᠭᠡᠳ᠂ ᠡᠪᠡᠰᠦ ᠰᠢᠪᠡᠨᠡᠯᠳᠦᠭᠡᠳ᠂ ᠭᠤᠨᠢᠭ ᠠᠷᠢᠯᠣᠭᠠᠳ ᠁ | ᠳᠠᠯᠠᠪᠴᠢ ᠲᠠᠢ ᠴᠢᠨ᠋ᠸᠠ ᠶᠢᠨ ᠨᠢᠳᠦ ᠪᠠᠷ ᠴᠠᠭ ᠬᠤᠭᠤᠴᠠᠭᠠᠨ ᠤ ᠨᠢᠯᠪᠣᠰᠣ ᠶᠢ ᠰᠢᠨᠵᠢᠭᠰᠡᠨ | ᠳᠠᠶᠢᠪᠣᠰᠢᠷᠠᠯ ᠤᠨ ᠴᠢᠯᠦᠭᠡᠳᠦ ᠨᠣᠲ ᠢᠶᠠᠷ ᠴᠢᠯᠠᠭᠤᠳ ᠤᠨ ᠯᠣᠭᠰᠢᠬᠤ ᠶᠢ ᠳᠣᠳᠣᠮᠳᠠᠭᠰᠠᠨ | ᠲᠠᠯᠠ ᠶᠢᠨ ᠲᠦᠷᠢᠯᠭᠡ ᠶᠢ ᠬᠦᠢᠴᠡᠭᠴᠢ ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ — ᠣᠮᠣᠭᠯᠠᠩ ᠤᠨ ᠬᠡᠯᠪᠡᠷᠢ | ᠦᠦᠷ ᠬᠠᠶᠠᠭᠠᠷᠠᠭᠠᠳ᠂ ᠳᠣᠮᠤᠭ ᠣᠷᠭᠤᠭᠠᠳ᠂ ᠠᠭᠤᠯᠠᠰ ᠰᠦᠨᠳᠡᠷᠯᠡᠭᠡᠳ ᠁ | ᠦᠯᠡᠮᠵᠢ ᠶᠢᠨ ᠪᠣᠶᠠᠨ ᠢ ᠪᠦᠳᠦᠭᠡᠭᠰᠡᠨ ᠣᠷᠴᠢᠯᠠᠩ ᠤᠨ ᠬᠦᠳᠦᠯᠪᠦᠷᠢ ᠳᠤ ᠰᠢᠩᠭᠡᠳᠡᠭ | ᠦᠯᠢᠭᠡᠷ ᠤᠨ ᠳᠡᠭᠦᠰᠭᠡᠯ ᠢ ᠳᠣᠭᠤᠷᠪᠢᠭᠰᠠᠨ ᠨᠠᠪᠴᠢᠰ ᠤᠨ ᠵᠠᠯᠪᠠᠷᠢᠯ ᠳᠤ ᠡᠷᠬᠡᠯᠡᠳᠡᠭ | ᠦᠨᠡᠨ ᠤ ᠲᠦᠭᠡᠷᠭᠡ ᠶᠢ ᠲᠠᠯᠠᠯᠤᠬᠴᠢ ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ — ᠳᠣᠷᠣᠨᠠ ᠶᠢᠨ ᠬᠡᠯᠪᠡᠷᠢ | ᠮᠦᠷᠦᠭᠡᠳᠦᠯ ᠴᠡᠨᠡᠭᠯᠡᠭᠡᠳ᠂ ᠨᠠᠭᠤᠷ ᠳᠣᠯᠭᠢᠶᠠᠯᠠᠭᠠᠳ᠂ ᠲᠡᠭᠷᠢ ᠪᠠᠶᠠᠰᠣᠭᠠᠳ ᠁ | ᠮᠦᠷ ᠳᠡᠭᠡᠷᠡ ᠦᠨᠳᠡᠯᠵᠡᠭᠰᠡᠨ ᠬᠦᠰᠡᠯᠯᠢᠭ ᠣᠷᠣᠰᠢᠬᠤᠢ ᠶᠢᠨ ᠣᠳᠬᠠ ᠳᠤ ᠬᠤᠪᠢᠯᠮᠤ | ᠮᠦᠷᠭᠦᠯ ᠤᠨ ᠠᠪᠣᠷᠠᠩᠭᠤᠢ ᠶᠢ ᠬᠦᠭᠵᠢᠮᠳᠡᠭᠰᠡᠨ ᠰᠡᠳᠬᠢᠯᠭᠡᠨ ᠤ ᠬᠢᠬᠢᠷᠢ ᠳᠤ ᠵᠢᠷᠣᠬᠠᠶᠢᠯᠠᠮᠣ | ᠮᠦᠩᠭᠡ ᠵᠣᠯᠠ ᠶᠢ ᠵᠢᠷᠣᠭᠴᠢ ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ — ᠦᠵᠡᠰᠡᠭᠦᠯᠡᠩ ᠤᠨ ᠬᠡᠯᠪᠡᠷᠢ | ᠵᠡᠭᠦᠳᠦ ᠲᠣᠨᠣᠷᠠᠭᠠᠳ᠂ ᠣᠳᠣᠳ ᠲᠣᠷᠮᠣᠯᠵᠠᠭᠠᠳ᠂ ᠳᠦᠷᠦᠭᠡ ᠵᠢᠩᠭᠢᠨᠡᠭᠡᠳ ᠁ | ᠵᠡᠷᠭᠡᠯᠭᠡᠨ ᠢ ᠨᠣᠭᠳᠣᠯᠠᠬᠤ ᠡᠷᠳ᠋ᠨ ᠵᠠᠭᠤᠨ ᠳᠤ ᠳᠣᠷᠠᠯᠠᠯ ᠤᠨ ᠦᠩᠭᠡ ᠶᠢ ᠬᠦᠯᠬᠡᠯᠡᠬᠡᠳ | ᠵᠢᠷᠭᠢᠭᠰᠡᠨ ᠬᠠᠷᠠᠩᠭᠤᠢ ᠶᠢᠨ ᠭᠡᠭᠡᠨ ᠬᠡᠪᠡᠯᠢ ᠳᠤ ᠰᠢᠭᠦᠳᠡᠷᠢ ᠵᠢᠷᠮᠤᠰᠦᠯᠡᠬᠦ ᠶᠢ ᠨᠢᠭᠤᠭᠠᠳ | ᠵᠢᠷᠦᠬᠡᠨ ᠡᠴᠢᠨᠠ ᠳᠤ ᠴᠡᠴᠡᠭᠯᠡᠭᠴᠢ ᠡᠪᠡᠰᠦᠨ ᠤ ᠢᠨᠢᠶᠡᠮᠰᠦᠭᠯᠡᠯ — ᠬᠠᠶᠢᠷᠠ ᠶᠢᠨ ᠬᠡᠯᠪᠡᠷᠢ | |