| ᠨᠠᠮᠵᠢᠯ ᠤᠨ ᠮᠦᠩᠬᠡᠪᠡᠶᠡᠷ | ᠬᠠᠬᠢᠷ ᠪᠢᠳᠡ ᠬᠤᠶᠠᠷ ᠪᠡᠶᠡ ᠪᠡᠶᠡ ᠤᠷᠤᠭᠤ ᠪᠠᠨ ᠤᠷᠤᠰᠤᠨᠠ | ᠵᠡᠭᠦᠳᠦᠨ ᠤ ᠠᠯᠤᠰ ᠲᠤ ᠨᠢᠭᠡᠨ ᠭᠤᠤᠯ ᠬᠠᠷᠭᠢᠯᠠᠨ ᠤᠷᠤᠰᠤᠨᠠ | ᠵᠢᠷᠦᠬᠡᠨ ᠳᠤᠮᠳᠠᠭᠤᠷ ᠠᠷᠭᠠᠳᠠᠨ ᠳᠠᠭᠤᠳᠠᠭᠰᠠᠭᠠᠷ ᠤᠷᠤᠰᠤᠨᠠ | ᠨᠠᠷᠠ ᠦᠯᠦᠭᠡᠶᠢᠳᠡᠨ ᠬᠠᠷᠭᠢᠶᠠᠳᠤᠬᠤ ᠨᠤᠲᠤᠭ ᠤᠨ ᠲᠤᠩᠭᠠᠯᠠᠭ ᠭᠤᠤᠯ ᠮᠢᠨᠢ | ᠨᠠᠮᠠ ᠶᠢ ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠬᠦ ᠳᠤ ᠲᠡᠵᠢᠭᠡᠯ ᠪᠤᠯᠤᠭᠰᠠᠨ ᠠᠮᠢᠨ ᠤᠰᠤᠨ | ᠰᠠᠷᠠ ᠪᠦᠪᠡᠶᠢᠯᠡᠨ ᠲᠠᠬᠢᠷᠯᠠᠬᠤ ᠭᠠᠵᠠᠷ ᠤᠨ ᠮᠦᠩᠭᠦᠨ ᠰᠤᠳᠠᠰᠤ ᠮᠢᠨᠢ | ᠰᠠᠨᠠᠰᠢ ᠦᠭᠡᠢ ᠬᠤᠯᠠ ᠶᠢ ᠵᠤᠷᠢᠬᠤ ᠳᠤ ᠰᠡᠳᠬᠢᠯ ᠠᠷᠭᠠᠮᠵᠢᠭᠰᠠᠨ ᠡᠵᠢ ᠤᠰᠤᠨ | ᠠᠷᠪᠠᠨ ᠰᠤᠮᠤ ᠪᠠᠨ ᠤᠮᠳᠠᠭᠠᠯᠠᠨ ᠮᠢᠷᠠᠯᠵᠠᠬᠤ ᠠᠮᠤᠭᠤᠯᠠᠩ ᠴᠡᠩᠭᠡᠷ ᠭᠤᠤᠯ ᠮᠢᠨᠢ | ᠡᠴᠢᠭᠡ ᠡᠪᠦᠭᠡᠳ ᠤᠨ ᠬᠠᠶᠢᠷᠠ ᠰᠢᠩᠭᠡᠭᠰᠡᠨ ᠷᠠᠰᠢᠶᠠᠨ ᠲᠤᠩᠭᠠᠯᠠᠭ ᠠᠷᠢᠭ ᠤᠰᠤᠨ | ᠠᠷᠤ ᠬᠠᠩᠭᠠᠢ ᠪᠠᠨ ᠴᠢᠮᠠᠨ ᠤᠭᠠᠯᠵᠠᠯᠠᠬᠤ ᠠᠷᠢᠭᠤᠨ ᠤᠷᠤᠰᠬᠠᠯᠲᠤ ᠭᠤᠤᠯ ᠮᠢᠨᠢ | ᠤᠷᠴᠢᠯᠠᠩ ᠳᠤ ᠬᠠᠮᠢᠭᠠ ᠴᠦ ᠪᠠᠶᠢᠳᠠᠭ ᠦᠭᠡᠢ ᠴᠡᠪᠡᠷ ᠳᠦᠯᠭᠡᠨ ᠠᠮᠠᠷᠠᠭ ᠤᠰᠤᠨ | ᠬᠠᠷᠬᠢᠯ ᠪᠤᠷᠭᠢᠯ ᠤᠷᠤᠰᠬᠠᠯ ᠨᠢ ᠴᠡᠩᠬᠡᠷ ᠬᠦᠨᠳᠡᠢ ᠪᠠᠨ ᠤᠮᠲᠠᠯᠠᠭᠠᠳ | ᠤᠮᠳᠠᠯᠠᠭᠰᠠᠨ ᠭᠠᠵᠠᠷ ᠨᠤᠲᠤᠭ ᠨᠢ ᠵᠤ ᠲᠡᠨᠢᠢᠨ ᠠᠭᠤᠵᠢᠷᠠᠭᠠᠳ | ᠠᠭᠤᠵᠢᠷᠠᠭᠰᠠᠨ ᠶᠡᠭᠡ ᠲᠠᠯᠠ ᠪᠠᠷ ᠢᠶᠠᠨ ᠴᠡᠭᠡᠯ ᠲᠡᠯᠡᠨ ᠵᠢᠷᠢᠯᠵᠡᠭᠡᠳ | ᠵᠢᠷᠢᠯᠵᠡᠭᠰᠡᠨ ᠲᠤᠩᠭᠠᠯᠠᠭ ᠤᠷᠤᠰᠬᠠᠯ ᠨᠢ ᠭᠡᠭᠡᠨ ᠠᠯᠤᠰ ᠢ ᠵᠤᠷᠢᠭᠠᠳ | ᠬᠠᠬᠢᠷ ᠮᠢᠨᠢ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠤᠷᠤᠭᠤ ᠤᠷᠤᠰᠤᠨᠠ | ᠲᠤᠭᠤᠯ ᠳᠤ ᠭᠦᠶᠦᠭᠰᠡᠨ ᠪᠠᠭᠠ ᠶᠢᠨ ᠮᠦᠷ ᠠᠭᠤᠳᠠᠮ ᠳᠡᠨᠵᠢᠨ ᠳᠤ ᠨᠢ ᠵᠤᠷᠠᠶᠢᠭᠠᠳ | ᠵᠤᠷᠠᠶᠢᠭᠰᠠᠨ ᠮᠦᠷ ᠲᠠᠢ ᠳᠡᠨᠵᠢᠨ ᠳᠤ ᠨᠢ ᠠᠵᠠ ᠶᠢᠨ ᠲᠤᠭᠤᠷᠤᠤ ᠴᠠᠮᠨᠠᠭᠠᠳ | ᠴᠠᠮᠨᠠᠭᠰᠠᠨ ᠲᠤᠭᠤᠷᠤᠤ ᠶᠢᠨ ᠵᠢᠭᠦᠷ ᠲᠤ ᠬᠤᠯᠠ ᠶᠢᠨ ᠮᠦᠷᠦᠭᠡᠳᠦᠯ ᠢᠶᠠᠨ ᠰᠢᠪᠰᠢᠭᠡᠳ | ᠰᠢᠪᠰᠢᠭᠰᠡᠨ ᠮᠦᠷᠦᠭᠡᠳᠦᠯ ᠤᠨ ᠢᠶᠠᠨ ᠵᠦᠭᠡᠯᠡᠨ ᠠᠨᠢᠷ ᠢ ᠰᠤᠨᠤᠷᠳᠠᠭᠠᠳ | ᠬᠠᠬᠢᠷ ᠤᠷᠤᠭᠤ ᠪᠠᠨ ᠪᠢ ᠲᠡᠷᠲᠡᠭᠡ ᠠᠯᠤᠰ ᠠᠴᠠ ᠡᠷᠭᠢᠨᠡ | | ᠤᠭᠠᠯᠵᠠᠯᠠᠨ ᠲᠠᠬᠢᠷᠯᠠᠬᠤ ᠨᠢ ᠤᠷᠠᠨ ᠪᠦᠵᠢᠭᠴᠢᠨ ᠬᠡᠮᠡᠷ | ᠦᠶᠡᠯᠵᠡᠨ ᠬᠠᠷᠭᠢᠶᠠᠲᠤᠬᠤ ᠨᠢ ᠤᠷᠲᠤ ᠶᠢᠨ ᠳᠠᠭᠤᠴᠢᠨ ᠬᠡᠮᠡᠷ | ᠦᠶᠡᠷᠯᠡᠨ ᠲᠤᠭᠰᠢᠷᠠᠬᠤ ᠨᠢ ᠡᠪᠦᠭᠡᠳ ᠤᠨ ᠰᠤᠷᠭᠠᠯ ᠭᠡᠮᠡᠷ | ᠤᠶᠠᠷᠠᠨ ᠬᠠᠯᠭᠢᠶᠠᠯᠠᠬᠤ ᠨᠢ ᠡᠬᠡ ᠶᠢᠨ ᠰᠡᠳᠬᠢᠯ ᠭᠡᠮᠡᠷ | ᠭᠠᠯᠪᠠ ᠶᠢᠨ ᠤᠷᠲᠤ ᠳᠤ ᠲᠠᠲᠠᠷᠠᠳᠠᠭ ᠦᠭᠡᠢ ᠨᠢ ᠤᠳᠤᠮ ᠤᠨ ᠠᠷᠠᠨᠰᠢᠨ ᠬᠡᠮᠡᠷ | ᠭᠠᠵᠠᠷ ᠤᠨ ᠬᠤᠯᠠ ᠳᠤ ᠲᠠᠰᠤᠷᠠᠳᠠᠭ ᠦᠭᠡᠢ ᠨᠢ ᠨᠤᠲᠤᠭ ᠤᠨ ᠠᠯᠳᠠᠷ ᠭᠡᠮᠡᠷ | ᠤᠨ ᠵᠢᠯ ᠤᠳ ᠢ ᠬᠡᠯᠬᠢᠨ ᠤᠷᠤᠰᠬᠤ ᠨᠢ ᠮᠦᠩᠬᠡ ᠶᠢᠨ ᠲᠡᠪᠴᠢᠶᠡᠷᠢ ᠭᠡᠮᠡᠷ | ᠠᠨᠠᠪᠠᠳ ᠳᠠᠯᠠᠢ ᠶᠢ ᠵᠤᠷᠢᠨ ᠤᠳᠬᠤ ᠨᠢ ᠤᠷᠢᠳᠦ ᠶᠢᠨ ᠲᠠᠩᠭᠠᠷᠢᠭ ᠭᠡᠮᠡᠷ | ᠵᠡᠭᠦᠳᠦᠯᠡᠭᠡᠳ ᠰᠡᠷᠢᠬᠦ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠤᠷᠤᠰᠬᠠᠯ ᠡᠩᠭᠡ ᠶᠢᠨ ᠲᠠᠯᠠᠯᠭᠠ ᠲᠠᠢ | ᠵᠤᠷᠢᠭᠠᠳ ᠤᠴᠢᠬᠤ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠤᠷᠤᠰᠬᠠᠯ ᠢᠷᠦᠭᠡᠯ ᠤᠨ ᠳᠠᠭᠤᠤ ᠲᠠᠢ | ᠰᠦᠰᠦᠭᠯᠡᠭᠡᠳ ᠡᠷᠭᠦᠭᠦ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠤᠰᠤ ᠲᠡᠭᠷᠢ ᠶᠢᠨ ᠦᠩᠭᠡ ᠲᠠᠢ | ᠰᠦᠭᠦᠳᠦᠭᠡᠳ ᠤᠤᠭᠤᠬᠤ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠤᠰᠤ ᠠᠷᠢᠭᠤᠨ ᠰᠦᠨ ᠤ ᠰᠢᠮᠡ ᠲᠠᠢ | ᠮᠦᠷᠦᠭᠡᠳᠦᠭᠡᠳ ᠰᠠᠭᠤᠬᠤ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠭᠤᠤᠯ ᠠᠯᠤᠰ ᠤᠨ ᠵᠦᠩ ᠲᠠᠢ | ᠮᠡᠯᠮᠡᠷᠡᠭᠦᠯᠦᠭᠡᠳ ᠰᠠᠨᠠᠬᠤ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠭᠤᠤᠯ ᠵᠡᠭᠦᠳᠦᠨ ᠤ ᠤᠶᠠᠩᠭᠠ ᠲᠠᠢ | ᠳᠠᠭᠠᠭᠠᠳ ᠭᠦᠶᠦᠬᠦ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠭᠤᠤᠯ ᠪᠠᠭᠠ ᠶᠢᠨ ᠦᠨᠦᠷ ᠲᠠᠢ | ᠳᠠᠯᠠᠯᠤᠭᠠᠳ ᠬᠤᠴᠤᠷᠬᠤ ᠳᠤ ᠬᠠᠬᠢᠷ ᠤᠨ ᠮᠢᠨᠢ ᠭᠤᠤᠯ ᠨᠡᠭᠦᠳᠡᠯ ᠤᠨ ᠪᠠᠷᠠ ᠲᠠᠢ | ᠬᠠᠷᠭᠢᠶᠠ ᠴᠡᠩᠬᠡᠷ ᠤᠷᠤᠰᠬᠠᠯ ᠢ ᠴᠢᠨᠢ ᠴᠢᠩᠨᠠᠵᠤ ᠦᠰᠦᠭᠰᠡᠨ ᠪᠤᠯᠬᠤᠷ | ᠬᠠᠨ ᠬᠤᠷᠸᠠ ᠳᠤ ᠳᠠᠭᠤᠯᠠᠬᠤ ᠦᠭᠡᠢ ᠶᠠᠭᠠᠬᠢᠵᠤ ᠠᠮᠢᠳᠤᠷᠠᠬᠤ ᠶᠤᠮ ᠪᠤᠢ | ᠳᠦᠯᠭᠡᠨ ᠵᠦᠭᠡᠯᠡᠨ ᠤᠰᠤᠨ ᠳᠤ ᠴᠢᠨᠢ ᠤᠮᠪᠠᠵᠤ ᠦᠰᠦᠭᠰᠡᠨ ᠪᠤᠯᠬᠤᠷ | ᠲᠦᠢᠳᠬᠡᠷ ᠤᠨ ᠬᠠᠷᠠ ᠭᠠᠢ ᠨᠠᠭᠠᠯᠳᠤᠵᠤ ᠶᠠᠭᠠᠬᠢᠵᠤ ᠴᠢᠳᠠᠬᠤ ᠶᠤᠮ ᠪᠤᠢ | ᠬᠠᠮᠢᠬ᠋ᠠ ᠬᠦᠷᠦᠨᠡ ᠭᠡᠵᠦ ᠬᠠᠬᠢᠷ ᠠᠴᠠ ᠪᠠᠨ ᠠᠰᠠᠭᠤᠵᠦ ᠵᠢᠷᠦᠬᠡᠯᠡᠳᠡᠭ ᠦᠬᠡᠢ | ᠬᠠᠮᠢᠬ᠋ᠠ ᠬᠤᠯᠠ ᠠᠴᠠ ᠬᠠᠬᠢᠷ ᠮᠢᠨᠢ ᠨᠠᠳᠠ ᠤᠷᠤᠭᠤ ᠤᠷᠤᠰᠳᠠᠭ ᠪᠤᠯᠬᠤᠷ | ᠬᠠᠮᠢᠬ᠋ᠠ ᠶᠠᠪᠤᠨᠠ ᠭᠡᠵᠦ ᠬᠠᠬᠢᠷ ᠮᠢᠨᠢ ᠨᠠᠮᠠᠶᠢ ᠰᠤᠷᠠᠬᠯᠠᠳᠠᠬ ᠦᠭᠡᠢ | ᠬᠠᠮᠢᠬ᠋ᠠ ᠬᠤᠯᠠ ᠠᠴᠠ ᠬᠠᠬᠢᠷ ᠤᠷᠤᠭᠤ ᠪᠠᠨ ᠪᠢ ᠬᠦᠶᠦᠳᠡᠭ ᠪᠤᠯᠬᠤᠷ | ᠬᠠᠬᠢᠷ ᠪᠢᠳᠡ ᠬᠤᠶᠠᠷ ᠪᠡᠶᠡ ᠪᠡᠶᠡ ᠤᠷᠤᠭᠤ ᠪᠠᠨ ᠤᠷᠤᠰᠳᠠᠭ | ᠬᠠᠬᠢᠷ ᠪᠢᠳᠡ ᠬᠤᠶᠠᠷ ᠵᠡᠭᠦᠳᠦᠨ ᠤ ᠤᠯᠤᠮ ᠳᠡᠭᠡᠷᠡ ᠪᠠᠨ ᠠᠭᠤᠯᠵᠠᠳᠠᠭ |