| ᠬᠠᠳᠠᠮ ᠡᠴᠢᠬᠡ ᠡᠬᠡ ᠲᠥᠷᠥᠬᠦᠯᠡᠨ | ᠬᠠᠷᠢ ᠤᠷᠤᠭ ᠤᠨ ᠭᠠᠵᠠᠷ ᠠᠴᠠ ᠲᠤᠬᠠᠶᠢᠯᠠᠬᠤ ᠨᠢ᠄ | ᠬᠠᠶᠢᠷᠠᠳᠤ ᠬᠤᠶᠠᠷ ᠥᠷᠡᠰ ᠤᠨ ᠢᠶᠠᠨ | ᠬᠠᠮᠤᠭ ᠥᠢᠯᠡᠰ ᠰᠠᠶᠢᠵᠢᠷᠠᠯ ᠢ ᠪᠥᠳᠥᠬᠡᠵᠥ | ᠲᠤᠬᠠᠢ ᠤᠴᠢᠷ ᠤᠨ ᠪᠥᠷᠢᠳᠥᠭᠰᠡᠨ | ᠲᠤᠯᠭᠠ ᠲᠤᠭᠤᠭᠠ ᠶᠢ ᠲᠠᠯᠪᠢᠭᠤᠯᠵᠤ | ᠠᠶᠢᠯ ᠡᠷᠥᠬᠡ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠤ | ᠠᠯᠢᠪᠠ ᠶᠤᠰᠤᠯᠠᠯ ᠢ ᠬᠥᠢᠴᠡᠳᠬᠡᠭᠰᠡᠨ | ᠠᠯᠤᠰ ᠤᠨ ᠬᠥᠨᠳᠥᠳᠥ ᠵᠤᠴᠢᠳ | ᠠᠶᠢᠮᠠᠭ ᠤᠰᠤᠨ ᠤ ᠲᠠ ᠪᠥᠬᠦᠨ | ᠲᠥᠮᠡᠨ ᠬᠥᠮᠥᠨ ᠤ ᠲᠥᠷᠥᠬᠦᠨ | ᠲᠥᠷᠢᠬᠦ ᠨᠠᠶᠢᠷ ᠤᠨ ᠡᠬᠢᠨ ᠳᠤ | ᠲᠡᠬᠦᠨ ᠤ ᠮᠠᠩᠯᠠᠢ ᠪᠤᠯᠵᠤ | ᠲᠡᠬᠦᠰ ᠶᠡᠭᠡ ᠪᠠᠷ ᠴᠡᠩᠬᠡᠨ ᠨᠠᠶᠢᠷᠠᠯᠠᠵᠤ ᠪᠠᠶᠢᠬᠤ ᠳᠤ᠄ | ᠠᠶᠠᠷᠯᠠᠨ ᠪᠠᠶᠠᠰᠤᠨ ᠰᠠᠭᠤᠵᠤ | ᠠᠶᠢᠯᠠᠳᠬᠠᠨ ᠪᠠᠷᠢᠬᠤ ᠪᠡᠯᠡᠭ ᠪᠤᠯᠪᠠᠰᠤ | ᠲᠤᠪᠴᠢ ᠮᠡᠳᠥ ᠲᠡᠬᠡᠳᠥ ᠲᠡᠭᠷᠢ ᠠᠴᠠ ᠥᠨᠳᠥᠰᠥᠯᠡᠨ | ᠲᠡᠯᠬᠡᠷᠡᠩᠬᠦᠢ ᠠᠷᠢᠭᠤᠨ ᠴᠠᠭᠠᠨ ᠬᠠᠳᠠᠭ | ᠲᠡᠯᠡᠬᠡᠢ ᠠᠴᠠ ᠰᠢᠮᠡ ᠥᠨᠳᠥᠰᠥᠯᠡᠨ | ᠲᠡᠬᠡᠳᠥ ᠠᠮᠳᠠᠳᠤ ᠠᠷᠢᠭᠤᠨ ᠴᠠᠭᠠᠨ ᠴᠡᠭᠡ | ᠲᠡᠮᠪᠡᠷᠡᠢ ᠲᠠᠢ ᠰᠠᠶᠢᠬᠠᠨ | ᠢᠷᠥᠬᠡᠯ ᠢ ᠬᠠᠮᠳᠤ ᠨᠢ ᠤᠷᠤᠰᠢᠭᠤᠯᠵᠤ | ᠠᠮᠤᠭᠤᠯᠠᠩ ᠪᠠᠶᠢᠳᠠᠭ ᠢ ᠰᠠᠬᠢᠨ | ᠠᠮᠤᠷ ᠢᠶᠠᠷ ᠵᠢᠷᠭᠠᠨ ᠴᠡᠩᠬᠡᠵᠥ ᠪᠠᠶᠢᠬᠤ ᠶᠢᠨ | ᠠᠯᠢᠪᠠ ᠰᠠᠶᠢᠨ ᠤᠴᠠᠷᠠᠯ ᠢ | ᠠᠶᠢᠯᠠᠳᠬᠠᠬᠤ ᠶᠢᠨ ᠲᠠᠰᠢᠷᠠᠮ ᠢᠶᠠᠷ | ᠲᠠᠩᠰᠤᠭ ᠢᠳᠡᠬᠡᠨ ᠨᠥᠬᠦᠷ ᠤᠨ ᠪᠤᠯᠪᠠᠴᠤ | ᠲᠠᠪᠤᠨ ᠬᠤᠷᠤᠭᠤ ᠮᠠᠨ ᠤ | ᠠᠮᠳᠠᠳᠤ ᠢᠳᠡᠬᠡᠨ ᠨᠥᠬᠦᠷ ᠤᠨ ᠪᠤᠯᠪᠠᠴᠤ | ᠠᠷᠪᠠᠨ ᠬᠤᠷᠤᠭᠤ ᠮᠠᠨ ᠤ ᠬᠡᠵᠤ | ᠠᠭᠤᠵᠢᠮ ᠲᠡᠪᠡᠯ ᠳᠡᠭᠡᠨ ᠨᠢᠬᠡᠳᠬᠡᠭᠰᠡᠨ | ᠤᠷᠤᠭ ᠤᠨ ᠬᠠᠷᠢᠴᠠᠭᠠ ᠬᠥᠨᠳᠥᠳᠬᠡᠨ | ᠬᠤᠶᠠᠷ ᠡᠯᠢᠬᠡᠨ ᠬᠠᠮᠳᠤᠷᠠᠭᠰᠠᠨ ᠤ | ᠬᠤᠳᠠᠯᠨ ᠶᠡᠭᠡ ᠪᠠᠶᠠᠷ ᠢ | ᠥᠨᠳᠥᠷ ᠲᠥᠷᠥ ᠶᠢᠨ ᠪᠡᠯᠬᠡ ᠡᠨᠡ ᠪᠢᠯᠨ᠃ | ᠥᠨᠳᠥᠰᠥᠨ ᠢᠵᠠᠭᠤᠷ ᠤᠨ ᠪᠠᠷᠢᠯᠳᠤᠯᠭᠠ ᠪᠠᠷ | ᠡᠬᠦᠳᠡ ᠡᠷᠥᠬᠡ ᠶᠢ ᠪᠠᠶᠢᠭᠤᠯᠤᠨ | ᠬᠠᠨᠢ ᠨᠥᠬᠦᠷ ᠪᠤᠯᠤᠭᠰᠠᠨ | ᠬᠠᠶᠢᠷᠠᠳᠤ ᠬᠤᠶᠠᠷ ᠥᠷᠡ ᠳᠡᠭᠡᠨ | ᠠᠪᠤ ᠡᠵᠢ ᠨᠠᠷ ᠲᠡᠷᠢᠬᠦᠯᠡᠨ | ᠠᠬᠠ ᠲᠡᠬᠦᠥ ᠲᠥᠷᠥᠯ ᠤᠯᠠᠨ ᠢᠶᠠᠷ ᠢᠶᠠᠨ | ᠡᠷᠬᠢᠮ ᠤᠨ ᠵᠥᠢᠯ ᠠᠴᠠ ᠤᠷᠳᠤ ᠨᠠᠰᠤᠳᠤ ᠠᠷᠢᠭᠤᠨ ᠬᠠᠳᠠᠭ | ᠡᠷᠳᠡᠨᠢ ᠶᠢᠨ ᠵᠥᠢᠯ ᠠᠴᠠ ᠠᠯᠳᠠ ᠮᠥᠩᠬᠦ ᠲᠠᠨᠠ ᠰᠤᠪᠤᠳ | ᠢᠳᠡᠬᠡᠨ ᠤ ᠵᠥᠢᠯ ᠠᠴᠠ ᠠᠮᠳᠠᠳᠤ ᠴᠡᠭᠡ ᠠᠷᠢᠬᠢ ᠲᠠᠷᠠᠰᠤ | ᠡᠳ᠋ᠯᠡᠬᠦ ᠶᠢᠨ ᠵᠥᠢᠯ ᠠᠴᠠ ᠠᠳᠤᠭᠤ ᠮᠠᠯ ᠲᠤᠷᠭᠠ ᠲᠤᠷᠳᠤᠩ | ᠡᠨᠡ ᠪᠥᠬᠦᠨ ᠢᠨᠵᠢ ᠬᠤᠪᠢ ᠶᠢ | ᠡᠷᠬᠢᠮ ᠤᠷᠤᠭ ᠤᠨ ᠭᠠᠵᠠᠷ ᠮᠡᠳᠡᠭᠳᠡᠨ | ᠭᠤᠷᠪᠠ ᠬᠤᠨᠤᠭ ᠤᠨ ᠡᠷᠬᠢᠯᠳᠡ | ᠭᠤᠴᠢ ᠬᠤᠨᠤᠭ ᠤᠨ ᠲᠥᠷᠬᠦᠮᠯᠡᠯᠳᠡ ᠪᠠᠷ | ᠶᠤᠰᠤᠴᠢᠯᠠᠨ ᠬᠥᠷᠬᠡᠵᠥ ᠢᠷᠡᠬᠦᠯᠮᠥᠢ︕ | ᠥᠬᠡᠶᠢᠷᠡᠰᠢ ᠥᠬᠡᠢ ᠪᠠᠶᠠᠨ ᠢᠶᠠᠷ | ᠥᠳᠡᠯᠥᠰᠢ ᠥᠬᠡᠢ ᠵᠠᠯᠠᠭᠤ ᠪᠠᠷ | ᠥᠢᠯᠡᠰ ᠪᠥᠬᠦᠨ ᠴᠢᠨᠢ ᠰᠡᠳᠬᠢᠴᠢᠯᠡᠨ ᠪᠥᠳᠥᠬᠡᠳ | ᠥᠨᠢ ᠶᠢᠨ ᠵᠢᠷᠭᠠᠯ ᠢ ᠡᠳ᠋ᠯᠡᠬᠦ ᠪᠤᠯᠳᠤᠭᠠᠢ︕ |