| ᠲᠥᠮᠡᠨ ᠥᠯᠵᠡᠢ ᠶᠢᠨ ᠴᠤᠭ ᠤᠴᠠᠷᠠᠯ ᠪᠥᠷᠢᠯᠳᠥᠭᠰᠡᠨ | ᠲᠥᠪᠰᠢᠨ ᠵᠢᠷᠭᠠᠯ ᠲᠥᠬᠡᠮᠡᠯ ᠪᠠᠶᠠᠷ ᠤᠨ ᠡᠨᠡ ᠡᠳᠥᠷ | ᠲᠥᠷᠥ ᠶᠢᠨ ᠬᠡᠯᠬᠢᠶᠡ ᠥᠷᠡ ᠶᠢᠨ ᠪᠠᠷᠢᠯᠳᠤᠯᠭᠠ ᠶᠢ | ᠲᠥᠪᠴᠢᠯᠡᠨ ᠬᠥᠢᠴᠡᠳᠬᠡᠬᠦ ᠶᠢᠨ ᠶᠤᠰᠤᠨ ᠲᠤᠷ ᠨᠡᠶᠢᠴᠡᠬᠦᠯᠥᠨ | ᠡᠩᠬᠦᠷᠡᠢ ᠬᠤᠶᠠᠷ ᠥᠷᠡ ᠶᠢᠨ ᠢᠶᠠᠨ | ᠡᠩᠬᠡ ᠮᠡᠨᠳᠤ ᠶᠢ ᠨᠢ ᠵᠥᠩᠨᠡᠨ | ᠲᠡᠭᠷᠢ ᠮᠡᠳᠤ ᠶᠢᠨ ᠡᠴᠢᠬᠡ | ᠲᠡᠯᠡᠬᠡᠢ ᠮᠡᠳᠥ ᠶᠢᠨ ᠡᠬᠡ | ᠲᠡᠯᠬᠡᠷ ᠤᠯᠠᠨ ᠪᠥᠬᠦᠨ ᠢᠶᠠᠷ ᠢᠶᠠᠨ | ᠲᠡᠬᠡᠳᠥᠯᠡᠨ ᠵᠠᠬᠢᠨ ᠰᠤᠷᠭᠠᠬᠤ ᠨᠢ᠄ | ᠬᠥᠪᠡᠬᠦᠨ ᠬᠥᠷᠬᠡᠨ ᠨᠢ ᠪᠤᠯᠪᠠᠰᠤ | ᠰᠠᠩ ᠤᠷᠢᠯᠭᠠ ᠪᠠᠨ ᠲᠡᠬᠦᠰᠬᠡᠭᠰᠡᠨ | ᠰᠠᠶᠢᠬᠠᠨ ᠴᠤᠭ ᠢᠶᠠᠨ ᠪᠠᠳᠠᠷᠭᠠᠭᠰᠠᠨ | ᠰᠠᠭᠠᠳᠠᠭ ᠨᠤᠮ ᠢᠶᠠᠨ ᠠᠭᠰᠠᠭᠰᠠᠨ | ᠰᠠᠶᠢᠨ ᠬᠥᠯᠥᠭ ᠢᠶᠠᠨ ᠤᠨᠤᠭᠰᠠᠨ | ᠲᠠᠶᠢᠨ ᠳᠤ ᠪᠠᠭᠠᠳᠤᠷ᠂ ᠲᠠᠯᠠᠢ ᠳᠤ ᠤᠰᠠᠴᠢ | ᠰᠤᠷᠬᠤ ᠳᠤ ᠬᠢᠴᠢᠶᠡᠯᠳᠡᠢ᠂ ᠰᠤᠨᠤᠰᠬᠤ ᠳᠤ ᠡᠷᠳᠡᠮᠳᠡᠢ | ᠡᠷᠡ ᠶᠢᠨ ᠡᠷᠳᠡᠮ ᠪᠥᠬᠦᠨ ᠢ ᠡᠷᠬᠢᠮᠯᠡᠨ ᠪᠥᠷᠢᠬᠡᠳᠥᠬᠡᠢ︕ | ᠡᠪᠡᠢ ᠬᠤᠩᠭᠤᠷ᠂ ᠡᠩᠬᠦᠷᠡᠢ ᠪᠡᠷᠢ ᠨᠢ ᠪᠤᠯᠪᠠᠰᠤ᠄ | ᠽᠠᠨᠳᠠᠨ ᠮᠤᠳᠤᠨ ᠤ ᠨᠠᠪᠴᠢ ᠮᠡᠳᠥ ᠨᠠᠶᠢᠭᠤᠵᠤ | ᠽᠠᠨᠪᠤᠳᠢᠪ ᠤᠨ ᠴᠢᠮᠡᠭ ᠲᠤᠶᠠᠭᠠ ᠪᠤᠯᠤᠨ ᠪᠤᠯᠤᠨ ᠬᠡᠶᠢᠨ ᠮᠠᠨᠳᠤᠵᠤ | ᠭᠠᠩᠭᠠ ᠮᠥᠷᠡᠨ ᠲᠠᠯᠠᠢ ᠮᠡᠳᠥ ᠭᠠᠩ ᠰᠠᠪᠠ ᠨᠢ ᠤᠨᠳᠤᠷᠴᠤ | ᠭᠠᠯᠪᠠᠷᠭᠴᠠ ᠮᠤᠳᠤᠨ ᠤ ᠥᠨᠳᠥᠰᠥᠨ ᠮᠡᠳᠥ | ᠢᠵᠠᠭᠤᠷ ᠤᠭᠰᠤᠭᠠᠨ ᠠᠴᠠ ᠪᠠᠨ ᠲᠡᠯᠬᠡᠷᠡᠵᠥ | ᠭᠠᠩ ᠲᠡᠮᠥᠷ ᠬᠠᠳᠠᠭᠤ ᠬᠡᠳᠥᠢ ᠪᠤᠯᠪᠠᠴᠤ | ᠭᠠᠯ ᠤᠨ ᠠᠶᠠ ᠶᠢ ᠲᠠᠭᠠᠭᠠᠬᠤ | ᠭᠠᠩᠭᠠ ᠮᠥᠷᠡᠨ ᠰᠢᠷᠥᠬᠦᠨ ᠬᠡᠳᠥᠢ ᠪᠤᠯᠪᠠᠴᠤ | ᠭᠠᠵᠠᠷ ᠤᠨ ᠠᠶᠠ ᠶᠢ ᠲᠠᠭᠠᠭᠠᠬᠤ ᠬᠡᠮᠡᠭᠴᠢᠯᠡᠨ | ᠤᠬᠠᠭᠠᠨ ᠰᠠᠨᠠᠭᠠ ᠶᠢ ᠲᠤᠭᠳᠠᠪᠤᠷᠢᠵᠢᠭᠤᠯᠤᠨ | ᠠᠭᠤᠳᠠᠮ ᠪᠤᠳᠤᠯ ᠢ ᠨᠢ ᠬᠡᠴᠢᠶᠡᠩᠬᠦᠶᠢᠯᠡᠨ | ᠬᠠᠷᠢ ᠳᠤ ᠶᠠᠪᠤᠬᠤ ᠳᠠᠭᠠᠨ ᠬᠠᠪ ᠲᠠᠢ | ᠬᠠᠯᠠᠭᠤᠨ ᠵᠠᠭᠤᠷᠠ ᠪᠠᠨ ᠡᠬᠡᠯᠢᠳᠡᠢ | ᠬᠠᠷᠰᠢ ᠥᠬᠡᠢ ᠰᠠᠶᠢᠨ ᠠᠭᠠᠯᠢ ᠶᠢ | ᠬᠠᠳᠠᠭᠠᠯᠠᠨ ᠵᠢᠷᠤᠮᠯᠠᠨ ᠰᠠᠬᠢᠵᠤ | ᠬᠠᠨᠢᠯᠠᠭᠰᠠᠨ ᠨᠥᠬᠦᠷ ᠳᠡᠭᠡᠨ ᠬᠠᠶᠢᠷᠠᠯᠠᠭᠳᠠᠨ | ᠬᠠᠮᠤᠭ ᠤᠯᠠᠨ ᠳᠠᠭᠠᠨ ᠰᠠᠶᠢᠰᠢᠶᠠᠭᠳᠠᠨ | ᠡᠩᠬᠡ ᠲᠡᠯᠬᠡᠷ ᠵᠢᠷᠭᠠᠬᠤ ᠶᠢ ᠴᠢᠨᠢ | ᠠᠳᠡ ᠠᠴᠠ ᠬᠥᠰᠡᠨ ᠢᠷᠥᠬᠡᠶᠡ︕ |