| ᠡᠭᠡ ᠣᠯᠣᠰ ᠤᠨ ᠣᠮᠠᠷᠠᠳᠣ ᠣᠷᠣᠨ ᠤ ᠲᠠᠯᠠ ᠨᠣᠳᠤᠭ ᠲᠡᠭᠡᠷᠡ ᠥᠶᠡ ᠣᠯᠠᠷᠢᠨ ᠣᠷᠣᠰᠢᠨ ᠠᠮᠢᠳᠣᠷᠠᠵᠣ | ᠢᠷᠡᠭᠰᠡᠨ ᠮᠣᠩᠭᠤᠯ ᠥᠨᠳᠥᠰᠥᠳᠡᠨ ᠤ ᠠᠷᠠᠳ ᠲᠥᠮᠡᠨ ᠤ ᠣᠯᠠᠮᠵᠢᠯᠠᠯᠳᠣ ᠢᠳᠡᠭᠡᠨ ᠣᠮᠳᠠᠭᠠᠨ ᠤ ᠵᠦᠢᠯ ᠳᠤ ︽ | ᠣᠯᠠᠭᠠᠨ ᠢᠳᠡᠭᠡ︾᠂ ︽ᠴᠠᠭᠠᠨ ᠢᠳᠡᠭᠡ︾ ᠭᠡᠵᠣ ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ᠃ ᠮᠣᠩᠭᠤᠯ ᠥᠭᠡᠨ ᠳᠤ ︽ᠴᠠᠭᠠᠨ︾ | ᠭᠡᠳᠡᠭ ᠨᠢ ᠶᠡᠷᠣ ᠠᠴᠠ ᠬᠠᠷᠠ ᠥᠩᠭᠡ ᠶᠢᠨ ᠡᠰᠡᠷᠬᠦ ᠣᠳᠬᠠ ᠲᠠᠢ ᠨᠢᠭᠡᠨ ᠵᠦᠢᠯ ᠤᠨ ᠥᠩᠭᠡ ᠶᠢ ᠵᠢᠭᠠᠭᠰᠠᠨ | ᠥᠭᠡ ᠪᠣᠯᠬᠤ ᠪᠠᠷ ᠥᠯᠥ ᠪᠠᠷᠠᠮ᠂ ᠪᠠᠰᠠ ᠡᠷᠬᠢᠮ ᠲᠡᠭᠡᠳᠣ᠂ ᠴᠢᠭᠡᠴᠢ ᠰᠢᠯᠣᠭᠤᠨ᠂ ᠪᠡᠯᠭᠡ ᠢᠷᠥᠭᠡᠯ ᠵᠡᠷᠭᠡ ᠣᠯᠠᠨ | ᠣᠳᠬᠠ ᠲᠠᠢ ᠪᠠᠶᠢᠳᠠᠭ᠂ ᠵᠢᠱᠢᠶᠡᠯᠡᠪᠡᠯ ᠮᠣᠩᠭᠤᠯᠴᠣᠳ ᠵᠢᠯ ᠤᠨ ᠡᠬᠢᠨ ᠤ ᠰᠠᠷᠠ ᠶᠢ ︽ᠴᠠᠭᠠᠨ ᠰᠠᠷᠠ︾ ᠭᠡᠵᠣ᠂ | ᠴᠢᠭᠡᠴᠢ ᠰᠢᠳᠣᠷᠭᠤ ᠰᠠᠶᠢᠬᠠᠨ ᠰᠠᠨᠠᠭᠠ ᠶᠢ ︽ᠴᠠᠭᠠᠪᠣᠷ︾᠂ ︽ᠴᠠᠶᠢᠯᠭᠠᠨ︾ ᠭᠡᠵᠣ ᠭᠡᠯᠡᠳᠡᠭ ᠪᠢᠯᠡ᠃ ᠡᠶᠢᠮᠥ | ᠣᠴᠢᠷ ᠠᠴᠠ ᠴᠠᠭᠠᠨ ᠢᠳᠡᠭᠡ ᠶᠢ ᠮᠣᠩᠭᠤᠯᠴᠣᠳ ᠭᠤᠣᠯ ᠢᠳᠡᠭᠡᠨ ᠢᠶᠠᠨ ᠪᠣᠯᠭᠠᠵᠣ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠥᠭᠡᠢ | ᠂ ᠠᠯᠢᠪᠠ ᠢᠳᠡᠭᠡᠨ ᠤ ᠪᠠᠨ ᠲᠡᠭᠡᠵᠢ ᠪᠣᠯᠭᠠᠵᠣ᠂ ᠲᠡᠬᠦᠨ ᠢᠶᠠᠷ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠤ ᠪᠡᠯᠭᠡ ᠢᠷᠥᠭᠡᠯ ᠪᠣᠯᠭᠠᠵᠣ | ᠪᠠᠶᠢᠭᠰᠠᠨ ᠨᠢ ᠥᠨᠥᠳᠣᠷ ᠬᠥᠷᠳᠡᠯᠡ ᠣᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠵᠣᠴᠢᠨ ᠲᠠᠶᠢᠯᠠᠬᠤ᠂ ᠵᠢᠯ | ᠴᠠᠭᠠᠨ ᠰᠠᠷᠠ᠂ ᠪᠠᠶᠠᠷ ᠲᠣᠷᠠᠰᠬᠠᠯ ᠤᠨ ᠡᠳᠣᠷ ᠮᠣᠩᠭᠤᠯᠴᠣᠳ ᠬᠥᠨᠳᠣᠳᠣ ᠵᠣᠴᠢᠨ ᠳᠠᠭᠠᠨ ᠴᠠᠭᠠᠨ ᠢᠳᠡᠭᠡᠨ ᠤ | ᠲᠡᠭᠡᠵᠢ ᠠᠮᠰᠠᠭᠤᠯᠳᠠᠭ ᠪᠥᠭᠡᠳ ᠭᠡᠣᠭᠡᠳ ᠤᠨ ᠥᠰᠥ ᠮᠢᠯᠢᠶᠠᠬᠤ᠂ ᠬᠤᠷᠢᠮ ᠨᠠᠶᠢᠷ ᠤᠨ ᠪᠠᠶᠠᠷ ᠲᠡᠭᠡᠷᠡ ᠠᠬᠠᠮᠠᠳ | ᠨᠠᠰᠣᠳᠠᠨ ᠨᠢ ᠶᠡᠷᠣ ᠠᠶᠠᠭᠠ ᠰᠥ ᠪᠣᠯᠣᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠪᠠᠨ ᠮᠡᠯᠮᠡᠯᠵᠡᠬᠦᠯᠥᠨ ᠪᠠᠷᠢᠵᠣ ︽ᠣᠷᠳᠣ | ᠨᠠᠰᠣᠯᠠᠵᠣ᠂ ᠣᠳᠠᠭᠠᠨ ᠵᠢᠷᠭᠠ᠂ ᠰᠠᠶᠢᠨ ᠶᠠᠪᠣᠵᠣ ᠰᠠᠨᠠᠭᠠ ᠪᠠᠷ ᠢᠶᠠᠨ ᠵᠢᠷᠭᠠ︕︾ ᠭᠡᠵᠣ ᠭᠡᠣᠭᠡᠳ ᠠᠴᠢᠨᠠᠷ ᠢᠶᠠᠨ | ᠣᠷᠳᠣ ᠨᠠᠰᠣᠯᠠᠵᠣ ᠣᠳᠠᠭᠠᠨ ᠵᠢᠷᠭᠠᠬᠤ ᠶᠢ ᠢᠷᠥᠭᠡᠳᠡᠭ᠃ ᠰᠢᠨᠡ ᠭᠡᠷ ᠮᠢᠯᠢᠶᠠᠬᠤ᠂ ᠮᠠᠯ ᠮᠢᠯᠢᠶᠠᠬᠤ ᠵᠡᠷᠭᠡ ᠳᠤ | ᠮᠣᠩᠭᠤᠯ ᠬᠥᠮᠥᠨ ᠪᠥᠷ ᠴᠠᠭᠠᠨ ᠢᠳᠡᠭᠡᠨ ᠤ ᠪᠠᠨ ᠲᠡᠭᠡᠵᠢ ᠪᠠᠷ ᠮᠢᠯᠢᠶᠠᠳᠠᠭ ᠪᠥᠭᠡᠳ ᠮᠠᠯ ᠰᠥᠷᠥᠭ ᠢᠶᠠᠨ ᠮᠢᠯᠢᠶᠠᠬᠤ | ᠂ ᠠᠬᠠ ᠰᠠᠳᠣᠨ ᠨᠢ ᠠᠯᠣᠰ ᠬᠤᠯᠠ ᠶᠠᠪᠣᠬᠤ ᠥᠶᠡ ᠳᠤ ᠪᠠᠰᠠ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠠᠮᠰᠠᠭᠤᠯᠣᠨ ᠰᠠᠭᠠᠳ ᠥᠭᠡᠢ | ᠰᠠᠶᠢᠨ ᠶᠠᠪᠣᠬᠤ ᠶᠢ ᠪᠡᠯᠭᠡᠳᠡᠳᠡᠭ ᠪᠠᠶᠢᠨᠠ᠃ | ᠨᠢᠭᠡ᠂ ᠲᠡᠣᠭᠡ ᠶᠢᠨ ᠰᠣᠷᠪᠣᠯᠵᠢ᠃ ᠮᠣᠩᠭᠤᠯᠴᠣᠳ ᠤᠨ ᠴᠠᠭᠠᠨ ᠢᠳᠡᠭᠡ ᠪᠣᠯᠪᠠᠰᠣᠷᠠᠭᠤᠯᠵᠣ ᠠᠰᠢᠭᠯᠠᠭᠰᠠᠨ | ᠲᠡᠣᠭᠡ ᠶᠢ ᠡᠷᠳᠡᠨ ᠤ ᠮᠣᠩᠭᠤᠯᠴᠣᠳ ᠤᠨ ᠮᠠᠯ ᠠᠵᠣ ᠠᠬᠤᠢ ᠶᠢ ᠡᠷᠬᠢᠯᠡᠬᠦ ᠪᠣᠯᠣᠭᠰᠠᠨ ᠥᠶᠡ ᠠᠴᠠ ᠡᠬᠢᠯᠡᠭᠰᠡᠨ | ᠭᠡᠵᠣ ᠥᠵᠡᠬᠦ ᠭᠡᠷᠡᠭᠳᠡᠢ ᠶᠤᠮ᠃ ᠡᠷᠳᠡᠨ ᠤ ᠮᠣᠩᠭᠤᠯ ᠠᠶᠢᠮᠠᠭ ᠣᠢ ᠰᠢᠭᠤᠢ ᠠᠴᠠ ᠠᠩᠬᠢᠵᠢᠷᠠᠵᠣ ᠣᠰᠣ ᠪᠡᠯᠴᠢᠭᠡᠷ | ᠰᠠᠶᠢᠳᠠᠢ ᠭᠡᠷᠥᠯᠥᠨ᠂ ᠲᠣᠣᠯᠠ᠂ ᠣᠨᠣᠨ ᠭᠤᠷᠪᠠᠨ ᠭᠤᠣᠯ ᠤᠨ ᠬᠥᠪᠡᠭᠡᠨ ᠤ ᠲᠠᠯᠠ ᠨᠣᠳᠤᠭ ᠲᠤ | ᠨᠣᠳᠣᠭᠯᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠮᠠᠯ ᠠᠵᠣ ᠠᠬᠤᠢ ᠥᠳᠳᠡᠷ ᠲᠥᠷᠭᠡᠨ ᠬᠥᠭᠵᠢᠵᠡᠢ᠃ ᠡᠷᠳᠡᠨ ᠤ ᠥᠶᠡ ᠶᠢᠨ | ᠮᠣᠩᠭᠤᠯᠴᠣᠳ ᠤᠨ ᠨᠡᠬᠦᠳᠡᠯ ᠮᠠᠯᠵᠢᠯ ᠨᠢ ᠭᠤᠣᠯᠳᠠᠭᠤ ᠮᠠᠯ ᠮᠠᠯᠵᠢᠨ ᠠᠪᠠ ᠬᠢᠵᠣ ᠠᠮᠢᠳᠣᠷᠠᠳᠠᠭ ᠪᠠᠶᠢᠭᠰᠠᠨ | ᠪᠣᠯᠪᠠᠴᠣ ᠮᠠᠯ ᠠᠵᠣ ᠠᠬᠤᠢ ᠶᠢᠨ ᠰᠠᠭᠤᠷᠢ ᠨᠢ ᠪᠣᠯᠵᠣ ᠪᠠᠶᠢᠵᠠᠢ᠃ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠳᠤᠳᠤᠷᠠ ᠠᠳᠣᠭᠤ | ᠪᠣᠯ ᠡᠷᠳᠡᠨ ᠤ ᠮᠣᠩᠭᠤᠯᠴᠣᠳ ᠤᠨ ᠭᠤᠣᠯ ᠬᠥᠷᠥᠩᠭᠡ ᠨᠢ ᠪᠣᠯᠵᠣ᠂ ᠠᠳᠣᠭᠤ ᠪᠠᠨ ᠲᠡᠳᠡ ᠪᠣᠰᠣᠳ ᠮᠠᠯ ᠠᠴᠠ | ᠡᠷᠬᠢᠮ ᠳᠤ ᠥᠵᠡᠳᠡᠭ ᠪᠠᠶᠢᠪᠠ᠃ ᠮᠣᠷᠢ ᠥᠭᠡᠢ ᠪᠣᠯ ᠭᠡᠭᠡᠷᠡ ᠨᠣᠳᠤᠭ ᠤᠨ ᠮᠠᠯ ᠠᠵᠣ ᠠᠬᠤᠢ ᠶᠢ ᠡᠵᠡᠩᠨᠡᠬᠦ ᠶᠢᠨ | ᠠᠷᠭᠠ ᠥᠭᠡᠢ ᠶᠤᠮ᠃ ᠠᠳᠣᠭᠤ ᠨᠢ ᠮᠣᠩᠭᠤᠯᠴᠣᠳ ᠤᠨ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠪᠠᠭᠠᠵᠢ ᠪᠠ ᠣᠶᠢᠯᠡᠳᠪᠣᠷᠢᠯᠡᠯ ᠤᠨ | ᠪᠠᠭᠠᠵᠢ ᠪᠣᠯᠳᠠᠭ ᠪᠥᠭᠡᠳ ᠲᠠᠶᠢᠨ ᠪᠠ ᠠᠪᠠ ᠳᠤ ᠭᠡᠷᠡᠭᠯᠡᠳᠡᠭ ᠠᠴᠠ ᠭᠠᠳᠠᠨᠠ ᠪᠠᠰᠠ ᠰᠥ ᠴᠡᠭᠡ ᠪᠠᠷ ᠨᠢ ᠣᠮᠳᠠ | ᠪᠣᠯᠭᠠᠵᠣ ᠮᠢᠬᠠ ᠪᠠᠷ ᠢᠳᠡᠰᠢ ᠬᠢᠳᠡᠭ᠂ ᠠᠷᠠᠰᠣ ᠲᠡᠯ ᠢᠶᠠᠷ ᠨᠢ ᠮᠠᠯ ᠠᠵᠣ ᠠᠬᠤᠢ ᠶᠢᠨ ᠣᠶᠢᠯᠡᠳᠪᠣᠷᠢᠯᠡᠯ ᠤᠨ | ᠭᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠳᠠᠭ ᠪᠠᠶᠢᠯᠠ᠃ ᠲᠠᠪᠣᠨ ᠬᠤᠰᠢᠭᠤ ᠮᠠᠯ ᠤᠨ ᠮᠢᠬᠠ ᠪᠠᠷ ᠪᠥᠷ ᠢᠳᠡᠭᠡᠨ ᠪᠣᠯᠭᠠᠵᠣ | ᠮᠢᠬᠠ ᠶᠢ ᠨᠢ ᠴᠢᠨᠠᠵᠣ ᠢᠳᠡᠬᠦ ᠪᠣᠶᠣ ᠰᠢᠷᠠᠵᠣ ᠢᠳᠡᠳᠡᠭ ᠪᠣᠯᠪᠠᠴᠣ ᠴᠠᠭᠠᠨ ᠢᠳᠡᠭᠡ ᠪᠠᠷ ᠮᠥᠨ ᠴᠤ ᠭᠤᠣᠯ | ᠢᠳᠡᠭᠡᠨ ᠤ ᠪᠠᠨ ᠨᠢᠭᠡ ᠵᠦᠢᠯ ᠪᠣᠯᠭᠠᠵᠣ ᠢᠷᠡᠪᠡ᠃ ᠮᠠᠯ ᠠᠵᠣ ᠠᠬᠤᠢ ᠬᠥᠭᠵᠢᠬᠦ ᠶᠢ ᠳᠠᠭᠠᠯᠳᠣᠨ᠂ ᠡᠷᠳᠡᠨ ᠤ | ᠮᠣᠩᠭᠤᠯᠴᠣᠳ ᠶᠠᠪᠣᠬᠤ ᠲᠣᠳᠣᠮ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢ ᠥᠷᠭᠡᠨ ᠢᠶᠠᠷ ᠭᠡᠷᠡᠭᠯᠡᠬᠦ ᠪᠣᠯᠪᠠ᠃ ᠰᠥᠩ | ᠤᠯᠤᠰ ᠤᠨ ᠲᠡᠤᠬᠡᠴᠢᠨ ᠹᠠᠨᠭ᠌ ᠳ᠋ᠠ ᠶᠠ ᠶᠢᠨ ᠪᠢᠴᠢᠭᠰᠡᠨ ︽ᠮᠤᠩᠭᠤᠯ ᠲᠠᠲ᠋ᠠᠷ ᠤᠨ ᠲᠤᠬᠠᠢ ᠪᠥᠷᠢᠨ ᠲᠡᠮᠳᠡᠭᠯᠡᠯ︾ | ᠬᠡᠳᠡᠭ ᠨᠤᠮ ᠳᠤ᠄ ︽ᠲᠡᠳᠡᠨ ᠤ ᠠᠮᠢᠳᠤᠷᠠᠯ ᠬᠡᠪᠡᠯ ᠵᠥᠪᠬᠡᠨ ᠬᠡᠬᠦᠤ ᠶᠢᠨ ᠰᠥ ᠶᠢ ᠤᠤᠭᠤᠵᠤ ᠥᠯᠥᠰᠬᠦ | ᠤᠮᠳᠠᠭᠠᠰᠬᠤ ᠪᠠᠨ ᠬᠠᠩᠭᠠᠨᠠ᠃ ᠪᠠᠷᠤᠭ ᠨᠢᠬᠡ ᠬᠡᠬᠦᠤ ᠶᠢᠨ ᠰᠥ ᠪᠠᠷ ᠭᠤᠷᠪᠠᠨ ᠬᠥᠮᠤᠨ ᠢ ᠴᠠᠳᠬᠠᠵᠤ ᠴᠢᠳᠠᠮᠤᠢ᠂ | ᠤᠷᠤᠨ ᠭᠠᠷᠤᠨ ᠬᠡᠬᠦᠤ ᠶᠢᠨ ᠰᠥ ᠤᠤᠭᠤᠬᠤ ᠪᠠ ᠬᠤᠨᠢ ᠠᠯᠠᠰᠢᠯᠠᠵᠤ ᠢᠳᠡᠰᠢ ᠪᠤᠯᠭᠠᠨᠠ︾ ᠬᠡᠵᠤ ᠪᠢᠴᠢᠭᠰᠡᠨ | ᠪᠠᠶᠢᠳᠠᠭ᠃ | ᠬᠤᠪᠢᠯᠠᠢ ᠰᠡᠴᠡᠨ ᠤ ᠵᠤᠰᠠᠯᠠᠩ ᠤᠨ ᠤᠷᠳᠤᠨ ᠱᠠᠩᠳᠥ ᠶᠢᠨ ᠬᠠᠪᠢ ᠳᠤ ᠲᠤᠰᠬᠠᠶᠢᠯᠠᠨ ᠬᠠᠭᠠᠨ | ᠢᠵᠠᠭᠤᠷᠳᠠᠨ ᠤ ᠤᠤᠭᠤᠬᠤ ᠴᠡᠭᠡ ᠶᠢ ᠬᠠᠩᠭᠠᠬᠤ ︽ᠥᠴᠥᠬᠡᠨ ᠴᠤ ᠥᠩᠬᠡ ᠬᠤᠯᠢᠴᠠᠭᠠ ᠥᠬᠡᠢ᠂ ᠡᠬᠡᠬᠡ ᠨᠢᠬᠡᠯᠡ | ᠵᠢᠰᠤᠮ ᠤᠨ ᠴᠤᠯ ᠴᠠᠭᠠᠨ ᠲᠤᠮᠤ ᠰᠥᠷᠥᠭ ᠠᠳᠤᠭᠤ ᠲᠠᠢ ᠁ ᠵᠥᠪᠬᠡᠨ ᠬᠡᠬᠦᠤ ᠨᠢ ᠲᠥᠮᠡ ᠭᠠᠷᠤᠢ ᠪᠠᠶᠢᠳᠠᠭ︾ | ᠬᠡᠵᠤ ᠢᠲ᠋ᠠᠯᠢ ᠶᠢᠨ ᠠᠯᠳᠠᠷᠳᠥ ᠵᠢᠭᠤᠯᠴᠢᠨ ᠮᠠᠷᠺᠦ ᠫᠤᠯᠤ ᠶᠢᠨ ᠲᠡᠮᠳᠡᠭᠯᠡᠯ ᠳᠤ ᠪᠠᠶᠢᠳᠠᠭ᠃ ᠲᠡᠷᠡ ᠲᠤᠬᠠᠢ ᠶᠢᠨ | ᠥᠶᠡ ᠶᠢᠨ ᠮᠤᠩᠭᠤᠯᠴᠤᠳ ᠤᠨ ᠴᠠᠭᠠᠨ ᠢᠳᠡᠬᠡᠨ ᠤ ᠲᠤᠬᠠᠢ ᠲᠡᠮᠳᠡᠭᠯᠡᠬᠦ ᠳᠡᠭᠡᠨ ᠪᠠᠰᠠ᠄ ︽ᠲᠠᠲ᠋ᠠᠷ ᠪᠤᠯ ᠬᠡᠬᠦᠤ ᠶᠢᠨ | ᠴᠡᠭᠡ ᠶᠢ ᠤᠤᠭᠤᠳᠠᠭ ᠶᠤᠮ ᠁ ᠲᠡᠳᠡ ᠨᠠᠷ ᠤᠮᠳᠠ ᠶᠢᠨ ᠰᠥ ᠠᠭᠤᠯᠬᠤ ᠬᠤᠶᠠᠷ ᠠᠷᠠᠰᠤᠨ ᠲᠤᠯᠤᠮ ᠠᠪᠴᠤ | ᠶᠠᠪᠤᠳᠠᠭ᠂ ᠪᠠᠰᠠ ᠠᠭᠰᠢᠭᠠᠵᠤ ᠬᠠᠳᠠᠭᠠᠭᠰᠠᠨ ᠨᠠᠭᠠᠯᠳᠠ ᠰᠢᠬ ᠰᠥᠨ ᠤ ᠲᠠᠯᠬᠠ ᠠᠪᠴᠤ ᠶᠠᠪᠤᠳᠠᠭ ᠶᠤᠮ᠂ | ᠲᠡᠬᠦᠨ ᠢ ᠲᠤᠤᠷᠠᠬᠢ ᠮᠡᠳᠥ ᠠᠷᠭᠠ ᠪᠠᠷ ᠬᠢᠳᠡᠭ ᠪᠠᠶᠢᠨᠠ᠃ ᠤᠷᠢᠳ ᠢᠶᠠᠷ ᠰᠥ ᠪᠠᠨ ᠬᠥᠬᠡᠷᠥᠬᠦᠯᠵᠤ ᠲᠡᠬᠡᠷᠡ ᠨᠢ | ᠪᠥᠷᠬᠦᠭᠰᠡᠨ ᠥᠷᠥᠮᠡ ᠶᠢ ᠨᠢ ᠠᠪᠴᠤ ᠰᠢᠷᠠ ᠲᠤᠰᠤ ᠪᠤᠯᠭᠠᠨᠠ᠃ ᠥᠷᠥᠮᠡ ᠲᠠᠢ ᠪᠠᠨ ᠪᠠᠶᠢᠪᠠᠯ ᠰᠥ ᠬᠠᠳᠠᠳᠠᠭ | ᠥᠬᠡᠢ ᠤᠴᠢᠷ ᠠᠴᠠ ᠢᠩᠬᠢᠳᠡᠭ ᠶᠤᠮ᠃ ᠢᠩᠬᠢᠭᠰᠡᠨ ᠤ ᠪᠠᠨ ᠲᠠᠷᠠᠭᠠ ᠰᠠᠶ᠋ᠢ ᠰᠥ ᠪᠠᠨ ᠨᠠᠷᠠᠨ ᠳᠤ ᠡᠬᠡᠬᠡᠵᠤ | ᠬᠠᠳᠠᠭᠠᠳᠠᠭ ᠶᠤᠮ᠃ ᠠᠶᠠᠨ ᠲᠠᠶᠢᠨ ᠳᠤ ᠮᠤᠷᠳᠠᠬᠤ ᠥᠶᠡ ᠳᠤ ᠡᠶᠢᠮᠥᠷᠬᠦᠤ ᠰᠥᠨ ᠤ ᠲᠠᠯᠬᠠ ᠶᠢ ᠠᠷᠪᠠᠨ ᠹᠥᠨᠲ | ᠬᠢᠷᠢᠳᠡᠢ ᠠᠪᠴᠤ ᠭᠠᠷᠭᠠᠭᠠᠳ ᠠᠷᠢᠬᠢᠨ ᠪᠤᠳᠤᠩ ᠬᠡᠮᠡᠷ ᠪᠢᠴᠢᠬᠠᠨ ᠠᠷᠠᠰᠤᠨ ᠲᠤᠯᠤᠮ ᠳᠤ ᠪᠡᠶᠡ ᠲᠡᠭᠡᠨ ᠠᠪᠴᠤ | ᠶᠠᠪᠤᠭᠠ ᠤᠰᠤᠨ ᠤ ᠬᠠᠮᠳᠤ ᠬᠤᠯᠢᠵᠤ ᠬᠢᠳᠡᠭ᠃ ᠢᠡᠭᠬᠢᠵᠤ ᠬᠢᠬᠦᠯᠡᠷ ᠨᠢ ᠮᠤᠷᠢ ᠪᠠᠷ ᠠᠶᠠᠯᠠᠵᠤ ᠶᠠᠪᠤᠬᠤ ᠵᠠᠭᠤᠷᠠ | ᠰᠠᠵᠢᠯᠠᠵᠤ ᠴᠠᠯᠬᠢᠯᠠᠭᠰᠠᠭᠠᠷ ᠬᠠᠶᠢᠯᠵᠤ ᠠᠭᠤᠰᠳᠠᠭ᠃ ᠲᠡᠬᠡᠭᠰᠡᠨ ᠤ ᠬᠤᠶᠢᠨᠠ ᠰᠠᠶ᠋ᠢ ᠤᠤᠭᠤᠳᠠᠭ ᠶᠤᠮ︾ ᠬᠡᠵᠡᠢ᠃ | ᠮᠢᠩ ᠤᠯᠤᠰ ᠤᠨ ᠰᠢᠶᠤᠤ ᠳ᠋ᠠ ᠡᠾᠸᠡᠭ ︽ᠮᠤᠩᠭᠤᠯ ᠤᠨ ᠵᠠᠩ ᠰᠤᠷᠳᠠᠬᠤᠨ ᠤ ᠲᠡᠮᠳᠡᠭᠯᠡᠯ︾ ᠳᠡᠭᠡᠨ ︽ | ᠵᠤᠴᠢᠳ ᠢ ᠶᠠᠭᠤᠨ ᠤ ᠡᠮᠥᠨᠡ ᠰᠥ ᠲᠠᠢ ᠴᠠᠢ᠂ ᠰᠢᠷᠠ ᠲᠤᠰᠤ ᠪᠠᠷ ᠲᠠᠶᠢᠯᠠᠭᠠᠳ᠂ ᠲᠠᠷᠠᠭᠠ ᠪᠠᠷ ᠨᠢ ᠠᠷᠢᠬᠢ | ᠮᠢᠬᠠ ᠶᠢᠨ ᠵᠥᠢᠯ ᠢ ᠭᠠᠷᠭᠠᠵᠤ ᠢᠷᠡᠨᠡ ᠁ ᠰᠥ ᠪᠠᠷ ᠭᠤᠯᠢᠷ ᠨᠤᠬᠤᠵᠤ ᠢᠳᠡᠬᠦ ᠪᠥᠬᠡᠳ ᠬᠠᠭᠤᠷᠬᠤ | ᠬᠠᠭᠠᠷᠢᠬᠤ ᠶᠢᠨ ᠵᠥᠢᠯ ᠢ ᠮᠡᠳᠡᠬᠦ ᠥᠬᠡᠢ᠂ ᠠᠷᠢᠬᠢ ᠶᠢᠨ ᠨᠠᠷᠠ ᠲᠥᠷᠥᠯ ᠨᠢ ᠲᠤᠩ ᠤᠯᠠᠨ ᠪᠤᠯᠪᠠᠴᠤ ᠶᠡᠭᠡ ᠲᠥᠯᠥᠪ | ᠴᠥᠮ ᠰᠥ ᠪᠠᠷ ᠨᠡᠷᠡᠳᠡᠭ᠃ ᠰᠠᠶᠢᠨ ᠠᠷᠢᠬᠢ ᠶᠢ ᠬᠡᠳᠥᠬᠡᠨ ᠬᠤᠨᠳᠠᠭᠠ ᠤᠤᠭᠤᠪᠠᠯ ᠱᠠᠯ ᠰᠤᠭᠳᠤᠬᠤ ᠪᠤᠯᠤᠨᠠ᠃ | ᠠᠷᠢᠭᠢ ᠶᠢ ᠠᠷᠠᠰᠤᠨ ᠤᠭᠤᠳᠠᠨ ᠳᠤ ᠬᠢᠵᠤ ᠲᠠᠯᠪᠢᠳᠠᠭ᠂ ᠡᠨᠡ ᠠᠷᠢᠬᠢ ᠶᠢ ᠡᠬᠢᠨ ᠳᠡᠭᠡᠨ ᠰᠥ ᠪᠠᠷ ᠨᠡᠷᠡᠬᠡᠳ᠂ | ᠲᠠᠷᠠᠭᠠ ᠪᠠᠷ ᠠᠩᠬᠠ ᠨᠡᠷᠡᠭᠰᠡᠨ ᠢᠶᠠᠨ ᠬᠠᠷᠢᠭᠤᠯᠵᠤ ᠨᠡᠷᠡᠳᠡᠭ᠂ ᠭᠤᠷᠪᠠᠨᠳᠠ ᠲᠥᠷᠪᠠᠨᠳᠡ ᠬᠠᠷᠢᠭᠤᠯᠤᠬᠰᠠᠨ | ᠠᠷᠢᠬᠢ ᠨᠢ ᠲᠤᠩ ᠬᠥᠴᠥᠳᠡᠢ ᠪᠤᠯᠤᠨᠠ᠃ ᠥᠨᠢᠶᠡ ᠬᠤᠨᠢᠨ ᠤ ᠰᠥ ᠪᠠᠷ ᠲᠤᠰᠤ ᠠᠭᠠᠷᠤᠤᠯ ᠬᠤᠷᠤᠳ ᠠᠯᠢᠨ ᠢ | ᠴᠤ ᠬᠢᠨᠡ︾ ᠬᠡᠵᠡᠢ᠃ | ᠡᠬᠦᠨᠴᠡ ᠥᠵᠡᠬᠦ ᠳᠤ᠂ ᠶᠤᠸᠠᠨ᠂ ᠮᠢᠩ ᠤᠯᠤᠰ ᠤᠨ ᠥᠶᠡ ᠳᠤ ᠮᠤᠩᠭᠤᠯ ᠤᠷᠤᠨ ᠤ ᠴᠠᠭᠠᠨ ᠢᠳᠡᠬᠡᠨ ᠤ | ᠲᠥᠷᠥᠯ ᠵᠥᠢᠯ ᠨᠢ ᠤᠯᠠᠰᠢᠷᠠᠭᠰᠠᠨ ᠪᠥᠬᠡᠳ ᠪᠤᠯᠪᠠᠰᠤᠷᠠᠭᠤᠯᠬᠤ ᠨᠢ ᠴᠤ ᠤᠯᠠᠮ ᠨᠠᠷᠢᠯᠢᠭ ᠪᠤᠯᠵᠤ ᠢᠷᠡᠭᠰᠡᠨ ᠨᠢ | ᠢᠯᠡᠷᠬᠡᠢ ᠪᠠᠶᠢᠨᠠ᠃ ᠢᠯᠠᠩᠭᠤᠶᠠ ᠴᠢᠩ ᠤᠯᠤᠰ ᠤᠨ ᠥᠶᠡ ᠳᠤ ᠴᠠᠬᠠᠷ ᠤᠨ ᠵᠠᠷᠢᠮ ᠬᠤᠰᠢᠭᠤ ᠨᠢ ᠬᠠᠭᠠᠨ ᠤ | ᠤᠷᠳᠤᠨ ᠤ ᠬᠡᠷᠡᠭᠯᠡᠬᠦ ᠴᠠᠭᠠᠨ ᠢᠳᠡᠭᠡ ᠶᠢ ᠪᠤᠯᠪᠠᠰᠤᠷᠭᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃ ︽ᠴᠠᠭᠠᠨ ᠬᠤᠷᠣᠳ︾ ᠭᠡᠳᠡᠭ | ᠪᠣᠯ ᠲᠣᠬᠠᠢ ᠶᠢᠨ ᠥᠶᠡ ᠳᠤ ᠲᠣᠰᠬᠠᠶᠢᠯᠠᠨ ᠬᠠᠭᠠᠨ ᠤ ᠭᠡᠷᠡᠭᠯᠡᠬᠦ ᠳᠤ ᠪᠡᠯᠡᠳᠭᠡᠵᠣ ᠥᠭᠳᠡᠭ ᠨᠢᠭᠡᠨ ᠵᠦᠢᠯ ᠤᠨ | ᠲᠡᠭᠡᠳᠣ ᠵᠡᠷᠭᠡ ᠶᠢᠨ ᠴᠠᠭᠠᠨ ᠢᠳᠡᠭᠡ ᠪᠠᠶᠢᠵᠠᠢ᠃ ᠴᠢᠩ ᠣᠯᠣᠰ ᠤᠨ ᠥᠶᠡ ᠳᠤ᠂ ᠴᠠᠭᠠᠨ ᠢᠳᠡᠭᠡᠨ ᠤ | ᠲᠣᠳᠣᠷᠠ ᠠᠴᠠ ᠥᠭᠡᠷᠴᠢᠨ ᠤ ᠬᠢᠳᠡᠭ ᠴᠠᠭᠠᠨ ᠬᠤᠷᠣᠳ ᠨᠢ ᠬᠠᠭᠠᠨ ᠳᠤ ᠶᠡᠭᠡᠯᠡ ᠲᠣᠭᠤᠭᠳᠠᠭᠰᠠᠨ ᠲᠣᠯᠠ ︽ | ᠡᠵᠡᠨ ᠬᠠᠭᠠᠨ ᠤ ᠵᠣᠭᠤᠭ ᠲᠤ ᠣᠷᠣᠬᠤ ᠴᠠᠭᠠᠨ ᠬᠤᠷᠣᠳ ᠢ ᠲᠣᠰᠬᠠᠢ ᠬᠢᠵᠣ ᠵᠢᠯ ᠪᠥᠷᠢ ᠶᠢᠨ ᠵᠣᠨ ᠨᠠᠮᠣᠷ ᠤᠨ | ᠣᠯᠠᠷᠢᠯ ᠢᠶᠠᠷ ᠬᠠᠭᠠᠨ ᠤ ᠣᠷᠳᠣᠨ ᠳᠤ ᠬᠥᠷᠭᠡᠬᠦ ᠭᠡᠷᠡᠭᠳᠡᠢ︾ ᠭᠡᠵᠣ ᠵᠠᠷᠯᠢᠭ ᠪᠣᠯᠵᠠᠢ᠃ ᠵᠠᠷᠯᠢᠭ ᠢ ᠬᠥᠯᠢᠶᠡᠭᠰᠡᠨ | ᠥᠭᠡᠷᠴᠢᠨ ᠰᠥᠷᠥᠭ ᠰᠥᠮᠡ ᠶᠢᠨ ᠭᠡᠯᠪᠡᠷᠢ ᠲᠠᠢ ᠨᠢᠭᠡᠨ ᠳᠠᠪᠬᠤᠷ ᠪᠠᠭᠠ ᠠᠰᠠᠷ ᠪᠠᠶᠢᠭᠤᠯᠵᠣ ᠬᠠᠷᠢᠶᠠᠳᠣ | ᠨᠠᠷ ᠠᠴᠠ ᠪᠠᠨ ᠬᠠᠷᠠ ᠥᠨᠢᠶᠡᠨ ᠰᠥ ᠶᠢ ᠳᠠᠳᠠᠪᠣᠷᠢᠯᠡᠨ ᠴᠠᠭᠠᠨ ᠬᠤᠷᠣᠳ ᠢ ᠣᠶᠢᠯᠡᠳᠪᠣᠷᠢᠯᠡᠬᠦ ᠪᠣᠯᠪᠠ᠃ ᠡᠬᠦᠨ ᠢ | ᠬᠢᠬᠦ ᠳᠤ ᠡᠷᠡᠭᠳᠡᠢ ᠬᠥᠮᠥᠨ ᠥᠪᠴᠢ ᠴᠠᠭᠠᠨ ᠬᠤᠪᠴᠠᠰᠣ ᠡᠮᠥᠰᠴᠣ ᠠᠮᠠᠪᠴᠢ ᠵᠡᠬᠦᠵᠣ ᠠᠷᠢᠭᠤᠨ ᠴᠡᠪᠡᠷ ᠬᠢᠭᠡᠳ | ᠵᠢᠯ ᠪᠥᠷᠢ ᠶᠢᠨ ᠵᠣᠨ ᠨᠠᠮᠣᠷ ᠤᠨ ᠣᠯᠠᠷᠢᠯ ᠳᠤ ᠬᠠᠭᠠᠨ ᠤ ᠣᠷᠳᠣᠨᠠ ᠬᠥᠷᠭᠡᠳᠡᠭ ᠪᠣᠯᠵᠠᠢ᠃ ︽ᠴᠠᠭᠠᠨ ᠬᠤᠷᠣᠳ︾ | ᠬᠢᠳᠡᠭ ᠠᠰᠠᠷ ᠤᠨ ᠡᠬᠦᠳᠠ ᠶᠢ ᠨᠢ ᠭᠡᠳᠣᠨ ᠳᠠᠪᠬᠤᠷ ᠣᠨᠢᠰᠣᠯᠠᠵᠣ᠂ ᠲᠣᠰᠬᠠᠶᠢᠯᠠᠨ ᠲᠥᠯᠬᠢᠬᠦᠷ ᠬᠠᠮᠢᠶᠠᠷᠣᠭᠴᠢ | ᠬᠤᠶᠠᠷ ᠬᠥᠮᠥᠨ ᠢ ᠲᠣᠮᠢᠯᠠᠨ ᠳᠠᠯᠪᠢᠳᠠᠭ᠃ ᠲᠡᠭᠡᠭᠡᠳ ᠲᠥᠯᠬᠢᠬᠦᠷ ᠪᠠᠷᠢᠭᠴᠢ ᠢᠷᠡᠪᠡᠯ ᠰᠠᠶ᠋ᠢ ᠡᠬᠦᠳᠠ ᠶᠢ ᠨᠡᠭᠡᠭᠡᠵᠣ | ᠪᠣᠯᠳᠠᠭ ᠭᠡᠨᠡ᠃ ᠬᠠᠮᠢᠶᠠᠷᠣᠭᠴᠢ ᠪᠠ ᠣᠶᠢᠯᠡᠳᠪᠣᠷᠢᠯᠡᠭᠴᠢ ᠠᠴᠠ ᠪᠣᠰᠣᠳ ᠬᠥᠮᠥᠨ ᠢ ᠶᠡᠷᠣ ᠣᠷᠣᠭᠤᠯᠳᠠᠭ ᠥᠭᠡᠢ | ᠪᠠᠶᠢᠵᠠᠢ᠃ ᠴᠢᠩ ᠣᠯᠣᠰ ᠤᠨ ᠡ᠊ᠩᠭᠡ ᠠᠮᠣᠭᠤᠯᠠᠩ ᠡᠵᠡᠨ ᠲᠣᠭᠤᠷᠢᠨ ᠥᠵᠡᠬᠦ ᠶᠢᠨ ᠲᠣᠮᠳᠠ ᠬᠥᠪᠡᠭᠡᠳᠣ | ᠰᠢᠷᠠ ᠶᠢᠨ ᠥᠭᠡᠷᠴᠢᠨ ᠤ ︽ᠴᠠᠭᠠᠨ ᠬᠤᠷᠣᠳ︾ ᠬᠢᠵᠣ ᠪᠠᠶᠢᠭᠠ ᠪᠠᠶᠢᠳᠠᠯ ᠢ ᠥᠵᠡᠭᠡᠳ ᠲᠡᠬᠦᠨ ᠤ ᠲᠡᠷᠭᠡᠳᠠ | ᠨᠢᠭᠡᠨ ᠰᠥᠮᠡ ᠪᠠᠶᠢᠭᠤᠯᠵᠣ ᠥᠭᠬᠦ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠲᠣᠯᠠ ᠳᠠᠷᠣᠢ ᠪᠣᠷᠣ ᠶᠢᠨ ᠰᠥᠮᠡ ᠶᠢ ᠪᠠᠶᠢᠭᠤᠯᠵᠣ | ᠭᠡᠨᠡ᠂ ᠢᠩᠬᠢᠭᠡᠳ ᠪᠣᠷᠣ ᠶᠢᠨ ᠰᠥᠮᠡ ᠨᠢ ᠴᠠᠭᠠᠨ ᠬᠤᠷᠣᠳ ᠪᠣᠯᠪᠠᠰᠣᠷᠠᠭᠤᠯᠳᠠᠭ ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯᠵᠠᠢ᠃ | ᠬᠤᠶᠠᠷ᠂ ᠴᠠᠭᠠᠨ ᠢᠳᠡᠭᠡᠨ ᠤ ᠲᠥᠷᠥᠯ ᠵᠦᠢᠯ ᠪᠠ ᠠᠰᠢᠭᠯᠠᠯᠳᠠ᠃ ᠡᠯᠡ ᠭᠠᠵᠠᠷ ᠤᠨ ᠮᠠᠯᠴᠢᠳ ᠤᠨ | ᠠᠳᠠᠯᠢ ᠪᠣᠰᠣ ᠠᠮᠢᠳᠣᠷᠠᠯ ᠤᠨ ᠨᠥᠬᠦᠴᠡᠯ ᠠᠴᠠ ᠪᠣᠯᠵᠣ ᠴᠠᠭᠠᠨ ᠢᠳᠡᠭᠡ ᠪᠣᠯᠪᠠᠰᠣᠷᠠᠭᠤᠯᠬᠤ ᠠᠷᠭᠠ ᠵᠣᠷᠰᠢᠯ ᠨᠢ | ᠴᠦ ᠠᠳᠠᠯᠢ ᠪᠣᠰᠣ ᠪᠠᠶᠢᠳᠠᠭ᠃ ᠵᠠᠷᠢᠮ ᠨᠢ ᠰᠥ ᠪᠠᠨ ᠡᠭᠡᠳᠡᠬᠦᠯᠵᠣ ᠵᠥᠭᠡᠭᠡᠢ ᠶᠢ ᠨᠢ ᠬᠠᠮᠤᠷᠤᠨ ᠠᠪᠴᠣ ᠰᠢᠷᠠ | ᠲᠣᠰᠣ ᠬᠢᠬᠦ ᠳᠤ ᠰᠥ ᠪᠠᠷ ᠨᠢ ᠬᠥᠴᠢᠯᠢᠭ ᠬᠤᠷᠣᠳ ᠬᠢᠳᠡᠭ᠂ ᠡᠰᠡᠬᠦᠯᠡ ᠰᠥ ᠪᠠᠨ ᠠᠶᠢᠷᠠᠭᠯᠠᠨ ᠪᠥᠯᠢᠵᠣ | ᠲᠣᠰᠣ ᠶᠢ ᠨᠢ ᠣᠨᠠᠭᠠᠨ ᠠᠪᠴᠣ ᠠᠷᠢᠬᠢ ᠨᠡᠷᠡᠭᠡᠳ ᠬᠥᠴᠢᠯᠢᠭ ᠬᠤᠷᠣᠳ ᠬᠢᠳᠡᠭ ᠪᠠᠶᠢᠨᠠ᠃ ᠮᠣᠩᠭᠤᠯ | ᠥᠨᠳᠥᠰᠥᠳᠡᠨ ᠤ ᠴᠠᠭᠠᠨ ᠢᠳᠡᠭᠡᠨ ᠤ ᠲᠥᠷᠥᠯ ᠵᠦᠢᠯ ᠮᠠᠰᠢ ᠣᠯᠠᠨ ᠪᠠᠶᠢᠳᠠᠭ᠃ ᠴᠠᠭᠠᠨ ᠢᠳᠡᠭᠡ ᠶᠢ | ᠶᠡᠷᠥᠩᠭᠡᠢ ᠳᠤ ᠨᠢ ᠢᠳᠡᠭᠡᠨ ᠤ ᠲᠥᠷᠥᠯ ᠪᠠ ᠣᠮᠳᠠᠭᠠᠨ ᠤ ᠲᠥᠷᠥᠯ ᠭᠡᠵᠣ ᠬᠤᠶᠠᠷ ᠬᠤᠪᠢᠶᠠᠵᠣ ᠪᠣᠯᠣᠨᠠ᠂ | ᠡᠬᠦᠨ ᠳᠤ ᠣᠮᠳᠠᠭᠠᠨ ᠤ ᠵᠦᠢᠯ ᠳᠤ ᠣᠭᠤᠷᠠᠭ᠂ ᠰᠥ᠂ ᠢᠰᠭᠡ᠂ ᠴᠡᠭᠡ᠂ ᠡᠭᠡᠳᠡᠮᠡᠭ᠂ ᠠᠶᠢᠷᠠᠭ᠂ ᠳᠠᠷᠠᠭ᠂ | ᠠᠭᠠᠷᠴᠠ᠂ ᠬᠤᠭᠤᠷᠮᠠᠭ ᠪᠠ ᠠᠷᠢᠬᠢᠨ ᠤ ᠵᠦᠢᠯ ᠪᠠᠭᠳᠠᠨᠠ᠂ ᠢᠳᠡᠭᠡᠨ ᠤ ᠲᠥᠷᠥᠯ ᠳᠤ ᠠᠭᠠᠷᠣᠣᠯ᠂ ᠬᠤᠷᠣᠳ᠂ | ᠪᠢᠰᠢᠯᠠᠭ᠂ ᠥᠷᠥᠮᠡ᠂ ᠰᠢᠷᠠ ᠲᠣᠰᠣ᠂ ᠵᠥᠭᠡᠭᠡᠢ᠂ ᠴᠥᠴᠥᠭᠡᠢ᠂ ᠴᠠᠭᠠᠨ ᠬᠤᠷᠣᠳ ᠵᠡᠷᠭᠡ ᠪᠠᠭᠳᠠᠨᠠ᠃ ᠴᠠᠭᠠᠨ | ᠢᠳᠡᠭᠡᠨ ᠤ ᠥᠨᠳᠥᠰᠥᠨ ᠲᠥᠬᠦᠭᠡᠢ ᠮᠠᠲ᠋ᠧᠷᠢᠶᠠᠯ ᠨᠢ ᠳᠠᠷᠣᠢ ᠰᠥ ᠪᠣᠯᠣᠨᠠ᠃ ᠡᠬᠦᠨ ᠳᠤ ᠥᠨᠢᠶᠡᠨ ᠤ ᠰᠥ ᠶᠢᠨ | ᠭᠡᠷᠡᠭᠴᠡᠭᠡ ᠨᠢ ᠬᠠᠮᠤᠭ ᠤᠨ ᠥᠷᠭᠡᠨ ᠪᠠᠶᠢᠳᠠᠭ ᠪᠥᠭᠡᠳ ᠬᠤᠨᠢ ᠢᠮᠠᠭᠠ ᠲᠡᠮᠡᠭᠡᠨ ᠤ ᠰᠥ ᠴᠦ ᠮᠥᠨ ᠠᠳᠠᠯᠢ | ᠭᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠳᠠᠭ᠂ ᠭᠡᠬᠦᠣ ᠶᠢᠨ ᠰᠥ ᠪᠠᠷ ᠵᠥᠪᠭᠡᠨ ᠴᠡᠭᠡ ᠢᠰᠭᠡᠬᠦ ᠪᠥᠭᠡᠳ ᠠᠷᠢᠬᠢ ᠨᠡᠷᠡᠳᠡᠭ᠃ | |