| ᠡᠷᠳᠡ ᠴᠠᠭ ᠲᠤ ᠭᠡᠨᠡ᠃ ᠨᠢᠭᠡᠨ ᠯᠠᠮᠠ ᠪᠠᠭᠰᠢ ᠱᠠᠪᠢ ᠬᠤᠶᠠᠭᠤᠯᠠ ᠤᠯᠠᠨ ᠤ ᠬᠦᠯ ᠦᠢᠮᠡᠭᠡᠨ ᠠᠴᠠ ᠵᠠᠶᠢᠯᠠᠵᠦ | ᠠᠭᠯᠠᠭ ᠠᠭᠤᠯᠠ ᠶᠢᠨ ᠬᠠᠳᠠᠨ ᠠᠭᠤᠢ ᠳᠤ ᠤᠴᠢᠵᠦ ᠨᠤᠮ ᠪᠢᠰᠢᠯᠭᠠᠵᠤ ᠰᠠᠭᠤᠵᠠᠢ᠃ ᠪᠠᠭᠰᠢ ᠯᠠᠮᠠᠬᠠᠢ ᠠᠭᠤᠢ | ᠲᠤᠳᠤᠷᠠ ᠪᠤᠷᠬᠠᠨ ᠢᠶᠠᠨ ᠲᠠᠬᠢᠵᠦ ᠲᠠᠬᠢᠯ ᠮᠠᠨᠳᠠᠯ ᠵᠤᠯᠠ ᠬᠦᠵᠢ ᠪᠠᠷᠢᠭᠠᠳ ᠨᠤᠮ ᠳᠤ ᠪᠠᠨ ᠰᠠᠭᠤᠨᠠ᠃ ᠭᠠᠯ | ᠲᠦᠯᠡᠰᠢ ᠴᠠᠪ ᠮᠠᠩᠵᠠ ᠶᠢ ᠱᠠᠪᠢ ᠪᠡᠯᠡᠳᠭᠡᠨᠡ᠃ ᠭᠡᠳᠡᠯᠡ ᠪᠠᠭᠰᠢ ᠯᠠᠮᠠᠳᠠᠨ ᠤ ᠲᠠᠬᠢᠯ ᠳᠤ ᠲᠠᠯᠪᠢᠭᠰᠠᠨ ᠵᠦᠢᠯ | ᠰᠦᠨᠢ ᠪᠦᠷᠢ ᠠᠯᠠᠭᠠ ᠪᠤᠯᠵᠤ ᠡᠬᠢᠯᠡᠵᠡᠢ᠃ ᠪᠠᠭᠰᠢ ᠯᠠᠮᠠᠳᠠᠨ ᠶᠡᠬᠡᠳᠡ ᠭᠠᠶᠢᠬᠠᠵᠦ ᠱᠠᠪᠢ ᠠᠴᠠ ᠪᠠᠨ ᠠᠰᠠᠭᠤᠬᠤ ᠳᠤ | ᠱᠠᠪᠢ ᠨᠢ ᠤᠭᠳᠤ ᠮᠡᠳᠡᠬᠦ ᠦᠭᠡᠢ᠃ ᠲᠡᠭᠡᠭᠡᠳ ᠬᠡᠨ ᠮᠡᠳᠡᠬᠦ ᠪᠢᠯᠡ︖ ᠯᠠᠪ ᠡᠨᠡ ᠱᠠᠪᠢ ᠬᠤᠯᠠᠭᠠᠶᠢᠯᠠᠵᠦ | ᠢᠳᠡᠭᠡᠳ ᠮᠡᠯᠵᠢᠵᠦ ᠪᠠᠶᠢᠭᠠ ᠭᠡᠵᠦ ᠪᠠᠭᠰᠢ ᠨᠢ ᠱᠠᠪᠢ ᠳᠤ ᠪᠠᠨ ᠰᠡᠵᠦᠭ ᠲᠦᠷᠦᠭᠡᠳ ᠬᠡᠳᠦᠨ ᠰᠦᠨᠢ ᠬᠡᠳᠡᠭᠡᠳ | ᠶᠠᠭᠤ ᠴᠦ ᠤᠯᠵᠤ ᠮᠡᠳᠡᠭᠰᠡᠨ ᠦᠭᠡᠢ᠃ ᠡᠭᠦᠨ ᠳᠤ ᠪᠠᠭᠰᠢ ᠶᠡᠭᠡ ᠠᠭᠤᠷᠯᠠᠨ ᠱᠠᠪᠢ ᠶᠢᠨ ᠲᠤᠯᠤᠭᠠᠢ ᠤᠷᠤᠭᠤ | ᠲᠠᠶᠠᠭ ᠪᠠᠭᠤᠯᠭᠠᠨ᠄ ︿︿ᠡᠨᠡ ᠠᠭᠯᠠᠭ ᠠᠭᠤᠯᠠ ᠵᠡᠯᠢᠭᠦᠳ ᠤᠷᠤᠨ ᠳᠤ ᠴᠢᠮᠠ ᠠᠴᠠ ᠦᠭᠡᠷᠡ ᠶᠠᠮᠠᠷ ᠬᠤᠯᠠᠭᠠᠶᠢᠴᠢ | ᠪᠠᠶᠢᠵᠦ ᠪᠤᠷᠬᠠᠨ ᠤ ᠲᠡᠬᠢᠯ ᠢ ᠬᠤᠷᠢᠶᠠᠵᠤ ᠪᠤᠵᠠᠷ ᠨᠢᠭᠦᠯ ᠦᠢᠯᠡᠳᠬᠦ ᠪᠤᠢ︖ ᠠᠪᠤᠷᠢ ᠦᠭᠡᠢ ᠮᠠᠭᠤ ᠲᠠᠮᠰᠢᠭ ᠴᠢ | ᠢᠳᠡᠭᠰᠡᠨ ᠨᠢ ᠯᠠᠪᠳᠠᠢ᠃ ᠠᠮᠢ ᠪᠠᠨ ᠠᠪᠤᠶᠠ ᠭᠡᠪᠡᠯ ᠦᠨᠡ ᠢᠶᠠᠨ ᠬᠡᠯᠡ ᠴᠢ︕﹀﹀ ᠭᠡᠳ ᠬᠠᠶᠢᠷᠠ ᠨᠠᠶᠢᠷ ᠦᠬᠡᠢ | ᠲᠡᠯᠡᠳᠴᠡᠢ᠃ ᠲᠡᠬᠢᠯ ᠤᠨ ᠶᠠᠭᠤᠮᠠ ᠰᠦᠨᠢ ᠪᠦᠷᠢ ᠮᠦᠨ ᠯᠡ ᠠᠯᠠᠭᠠ ᠪᠤᠯᠳᠠᠭ ᠲᠤᠯᠠ ᠱᠠᠪᠢ ᠢᠳᠡᠭᠰᠡᠨ ᠦᠬᠡᠢ | ᠭᠡᠪᠡᠴᠦ ᠡᠪᠦᠭᠡᠨ ᠯᠠᠮᠠᠳᠠᠨ ᠢᠳᠡᠭᠡᠬᠦ ᠦᠬᠡᠢ᠂ ᠪᠠᠰᠠ ᠯᠡ ᠱᠠᠪᠢ ᠶᠢᠨ ᠲᠤᠯᠤᠭᠠᠢ ᠤᠷᠤᠭᠤ ᠲᠠᠶᠠᠭ ᠪᠠᠭᠤᠯᠭᠠᠨ | ᠲᠠᠮᠤᠯᠠᠨᠠ᠃ ᠦᠨᠡᠨ ᠬᠤᠳᠠᠯ ᠢ ᠲᠡᠷᠡ ᠲᠤᠬᠠᠢ ᠳᠤ ᠢᠯᠭᠠᠬᠤ ᠬᠦᠮᠦᠨ ᠦᠭᠡᠢ ᠲᠤᠯᠠ ᠪᠠᠨᠳᠢ ᠱᠠᠪᠢ ᠳᠤ ᠪᠠᠷᠴᠢᠳ | ᠪᠤᠯᠵᠤ ᠪᠠᠯᠪᠠᠭᠳᠠᠬᠤ ᠠᠴᠠ ᠦᠭᠡᠷᠡ ᠭᠠᠷᠬᠤ ᠵᠠᠮ ᠦᠬᠡᠢ ᠪᠤᠯᠵᠠᠢ᠃ ᠨᠢᠭᠡ ᠡᠳᠦᠷ ᠲᠦᠮᠡᠨ ᠬᠢᠯᠢᠰ ᠢ ᠠᠮᠰᠠᠭᠰᠠᠨ | ᠱᠠᠪᠢ ᠭᠤᠨᠢᠭ ᠵᠤᠪᠠᠯᠠᠩ ᠳᠤ ᠪᠠᠨ ᠭᠤᠳᠤᠵᠤ ᠰᠢᠨᠠᠯᠵᠤ ᠪᠠᠶᠢᠭᠰᠠᠨ ᠴᠦ ᠠᠷᠭᠠ ᠦᠬᠡᠢ ᠦᠬᠡᠷ ᠲᠡᠷᠭᠡ ᠪᠠᠨ | ᠬᠦᠯᠦᠭᠡᠳ ᠲᠦᠯᠡᠭᠡ ᠤᠰᠤ ᠪᠠᠨ ᠲᠡᠭᠡᠭᠡᠬᠦ ᠪᠠᠷ ᠶᠠᠪᠤᠵᠠᠢ᠃ ᠨᠢᠭᠡ ᠮᠡᠳᠡᠬᠦᠯᠡ ᠲᠡᠷᠭᠡᠨ ᠲᠤᠤᠷᠠ ᠨᠢ ᠵᠢᠭᠳᠡᠢ | ᠮᠠᠭᠤᠬᠠᠢ ᠲᠠᠭᠤᠨ ᠭᠠᠷᠬᠤ ᠳᠤ ᠰᠤᠴᠢᠨ ᠭᠠᠶᠢᠬᠠᠵᠦ ᠶᠡᠭᠤ ᠪᠤᠯᠬᠤ ᠶᠢ ᠯᠠᠪᠯᠠᠵᠤ ᠦᠵᠡᠬᠦᠯᠡ ᠬᠠᠷᠢᠨ ᠨᠢᠭᠡ | ᠪᠦᠳᠦᠭᠦᠨ ᠲᠠᠤᠯᠠᠢ ᠲᠡᠷᠭᠡᠨ ᠬᠦᠷᠳᠦᠨ ᠳᠤ ᠨᠢ ᠲᠠᠭᠠᠷᠢᠭᠳᠠᠭᠠᠳ ᠭᠡᠳᠡᠰᠦ ᠨᠢ ᠬᠠᠭᠠᠷᠠᠭᠠᠳ ᠲᠡᠯᠴᠢᠯᠡᠵᠦ ᠪᠠᠶᠢᠵᠠᠢ᠃ | ︿︿ᠦᠬᠦᠯ ᠢᠶᠠᠨ ᠡᠷᠢᠭ᠍ᠰᠡᠨ ᠲᠡᠤᠯᠠᠢ ᠦᠬᠡᠷ ᠲᠡᠷᠭᠡᠨ ᠤ ᠵᠠᠮ ᠲᠡᠭᠡᠷᠡ﹀﹀ ᠭᠡᠳᠡᠭ ᠡᠨᠡ ᠤᠤ︖ ᠭᠡᠳ ᠪᠠᠨᠳᠢ | ᠲᠡᠷᠡ ᠲᠠᠤᠯᠠᠢ ᠶᠢ ᠤᠴᠢᠵᠦ ᠦᠵᠡᠪᠡᠯ ᠬᠠᠭᠠᠷᠠᠭᠰᠠᠨ ᠬᠡᠳᠡᠰᠦᠨ ᠠᠴᠠ ᠨᠢ ᠪᠦᠷ ᠲᠡᠬᠢᠯ ᠤᠨ ᠶᠠᠭᠤᠮᠠ ᠭᠠᠷᠣᠭᠠᠳ | ᠪᠠᠶᠢᠵᠠᠢ᠃ ᠡᠭᠦᠨ ᠳᠤ ᠪᠠᠨᠳᠢ ᠰᠠᠶ᠋ᠢ ᠲᠠᠤᠯᠠᠢ ᠲᠠᠬᠢᠯ ᠤᠨ ᠶᠠᠭᠤᠮᠠ ᠶᠢ ᠬᠤᠯᠠᠭᠠᠶᠢᠯᠠᠵᠦ ᠢᠳᠡᠭᠡᠳ ᠬᠤᠳᠤᠭᠤᠳᠤ ᠨᠢ | ᠢᠷᠠᠭᠳᠠᠨ ᠦᠬᠡᠷ ᠲᠡᠷᠭᠡᠨ ᠤ ᠵᠠᠮ ᠲᠡᠭᠡᠷᠡ ᠲᠠᠮᠢᠷ ᠠᠯᠳᠠᠨ ᠬᠡᠪᠳᠡᠵᠦ ᠪᠠᠶᠢᠭᠠᠳ ᠬᠦᠷᠳᠦᠨ ᠳᠤ ᠲᠠᠭᠠᠷᠢᠭᠳᠠᠨ | ᠦᠬᠦᠭᠰᠡᠨ ᠢ ᠮᠡᠳᠡᠵᠡᠢ᠃ ᠲᠠᠶᠢᠨᠬᠦ ᠦᠨᠡᠨ ᠢᠶᠠᠨ ᠤᠯᠤᠭᠰᠠᠨ ᠱᠠᠪᠢ ᠦᠬᠦᠭᠰᠡᠨ ᠲᠠᠤᠯᠠᠢ ᠶᠢ ᠲᠡᠭᠡᠭᠡᠵᠦ ᠪᠤᠴᠠᠭᠠᠳ | ᠡᠪᠦᠭᠡᠨ ᠯᠠᠮᠠᠳᠠᠨ ᠤ ᠡᠮᠦᠨᠡ ᠦᠭᠦᠳᠴᠦ ᠲᠠᠤᠯᠠᠢ ᠶᠢ ᠡᠷᠭᠦᠨ ᠪᠠᠷᠢᠵᠦ᠄ ︿︿ᠪᠠᠭᠰᠢ ᠯᠠᠮᠠᠳᠠᠨ ᠮᠢᠨᠢ ᠲᠤᠯᠢᠳᠠᠨ | ᠦᠵᠡᠭᠡᠴᠢ︕ ᠦᠨᠡᠨ ᠢᠶᠠᠷ ᠶᠠᠪᠤᠪᠠᠰᠦ ᠦᠬᠡᠷ ᠲᠡᠷᠭᠡ ᠭᠦᠢᠴᠡᠨᠡ ᠭᠡᠭᠴᠢ ᠦᠨᠡᠨ ᠠᠵᠤᠭᠤ︕﹀﹀ ᠭᠡᠪᠡ᠃ | ᠯᠠᠮᠠᠳᠠᠨ ᠯᠠᠪᠯᠠᠨ ᠦᠵᠡᠪᠡᠯ ᠲᠡᠭᠦᠨ ᠤ ᠲᠠᠬᠢᠯ ᠤᠨ ᠶᠠᠭᠤᠮᠠ ᠲᠠᠤᠯᠠᠢ ᠶᠢᠨ ᠭᠡᠳᠡᠰᠦᠨ ᠳᠤ ᠪᠠᠶᠢᠭᠰᠠᠨ ᠲᠤᠯᠠ ᠭᠠᠩ | ᠬᠢᠵᠦ ᠲᠤᠤᠭᠠᠷᠴᠦ ᠴᠢᠳᠠᠭᠰᠠᠨ ᠦᠬᠡᠢ ᠭᠡᠨᠡ᠃ ︿︿ᠦᠨᠡᠨ ᠢᠶᠠᠷ ᠶᠠᠪᠤᠪᠠᠯ ᠦᠬᠡᠷ ᠲᠡᠷᠭᠡ ᠪᠠᠷ ᠲᠠᠤᠯᠠᠢ | ᠬᠦᠢᠴᠡᠨᠡ﹀﹀ ᠬᠡᠬᠦ ᠬᠡᠯᠡᠴᠡ ᠡᠨᠡ ᠦᠯᠢᠭᠡᠷ ᠠᠴᠠ ᠢᠷᠡᠯᠳᠡᠢ᠃ |