| | ᠰᠦᠮᠡ ᠭᠤᠷᠤᠢ ᠪᠠᠷ ᠢᠶᠠᠨ ᠮᠡᠨᠳᠦ ᠰᠦᠨᠰᠢ ᠪᠡᠷᠭᠡᠨ ᠪᠠᠰᠠ ᠮᠡᠨᠳᠦ ᠤᠯᠤᠰ ᠤᠯᠠᠨ ᠢᠶᠠᠷ ᠢᠶᠠᠨ ᠮᠡᠨᠳᠦ ᠤᠷᠠᠨᠴᠢᠮᠡᠭ | ᠠᠭᠠᠢ ᠪᠠᠰᠠ ᠮᠡᠨᠳᠦ ᠭᠠᠯ ᠤᠯᠠᠨ ᠢᠶᠠᠷ ᠢᠶᠠᠨ ᠮᠡᠨᠳᠦ ᠭᠠᠯᠰᠠᠩ ᠲᠠᠶᠢᠵᠢ ᠶᠢᠨ ᠡᠮᠡ ᠪᠠᠰᠠ ᠮᠡᠨᠳᠦ | ᠪᠤᠷᠬᠠᠨ ᠤ ᠨᠤᠮ ᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠭᠠᠳ᠂ ᠪᠤᠮᠪᠤ ᠡᠷᠭᠢᠭᠦᠯᠦᠨ ᠮᠠᠭᠰᠢᠭᠠᠳ᠂ ᠪᠤᠭᠲᠠ ᠶᠢᠨ ᠰᠤᠷᠭᠠᠯ ᠢ ᠮᠡᠳᠡᠬᠦ | ᠦᠭᠡᠢ ᠪᠠᠶᠢᠭᠠᠳ᠂ ᠪᠤᠭ ᠴᠢᠳᠬᠦᠷ ᠳᠠᠷᠤᠨᠠ ᠭᠡᠵᠦ ᠠᠭᠠᠰᠢᠯᠠᠨᠠ ᠭᠡᠨᠡ᠃ ᠲᠠᠪᠤᠨ ᠴᠢᠨ ᠮᠦᠩᠭᠦ ᠦᠭᠡᠢ ᠪᠤᠯ | ᠬᠤᠲᠠᠨ ᠳᠤ ᠪᠦᠦ ᠤᠷᠤ᠂ ᠲᠠᠪᠤᠨ ᠮᠠᠬᠠᠪᠤᠳ ᠢ ᠮᠡᠳᠡᠬᠦ ᠦᠭᠡᠢ ᠪᠤᠯ ᠴᠢ ᠵᠠᠶᠠᠭᠠ ᠪᠦᠦ ᠪᠤᠳᠤ︾ ᠭᠡᠵᠦ | ᠳᠤᠩᠭᠤᠳᠴᠠᠢ᠃ | ᠲᠠᠨ ᠤ ᠱᠤᠤ ᠶᠢᠨ ᠠᠶᠢᠮᠠᠭ ᠴᠢᠨᠢ ᠲᠦᠷᠦᠪᠡᠯ ᠬᠦᠦ᠂ ᠦᠰᠪᠡᠯ ᠬᠢᠶᠡ ᠦᠬᠦᠪᠡᠯ ᠪᠤᠭ ᠪᠤᠯᠳᠠᠭ ᠪᠢᠯᠡ᠃ ᠴᠢ ᠮᠢᠨᠢ | ᠪᠠᠰᠠ ᠪᠦᠦ ᠪᠤᠭ ᠪᠤᠰᠤᠭᠠᠳ ᠬᠡᠷᠡᠭ ᠭᠠᠷᠭᠠᠵᠤ ᠴᠡᠷᠢᠭ ᠮᠤᠷᠳᠠᠭᠤᠯ ᠳ᠋ᠠ | ᠭᠠᠢ ᠭᠤᠳᠤᠮᠵᠢ ᠪᠠᠷ ᠬᠦᠮᠦᠨ ᠶᠠᠪᠤᠭᠤᠯᠬᠤ ᠦᠭᠡᠢ᠂ ᠭᠠᠯᠵᠠᠭᠤ ᠨᠤᠬᠠᠢ ᠶᠢ ᠦᠵᠡᠬᠦ ᠦᠭᠡᠢ ᠤᠤ︖ | ᠡᠮᠦᠨᠡᠭᠦᠷ ᠢᠶᠠᠨ ᠤᠯᠠᠭᠠᠨ ᠬᠦᠯᠲᠡᠨ ᠢ ᠭᠠᠷᠭᠠᠬᠤ ᠦᠭᠡᠢ᠂ ᠦᠭᠦᠭᠰᠡᠨ ᠬᠤᠯᠠᠭᠠᠶᠢᠴᠢ ᠶᠢᠨ ᠨᠤᠬᠠᠢ ᠶᠢ ᠦᠵᠡ︕ | ᠲᠤᠷᠭᠠᠨ ᠳᠤ ᠪᠠᠭᠯᠠᠭᠰᠠᠨ ᠦᠭᠡᠬᠦ ᠶᠢ ᠢᠳᠡᠬᠦ ᠦᠭᠡᠢ ᠪᠠᠷ ᠲᠤᠷᠤᠰᠬᠠᠨ ᠳᠤ ᠪᠠᠭᠯᠠᠭᠰᠠᠨ ᠪᠤᠯᠴᠢᠷᠬᠠᠢ ᠶᠢ ᠢᠳᠡᠬᠦ | ᠶᠤᠮ ᠤᠤ︖ | ᠠᠮᠪᠠᠨ ᠨᠤᠶᠠᠳ ᠠᠯᠪᠠ ᠶᠢᠨ ᠰᠠᠶᠢᠳ ᠢ ᠠᠷᠤ ᠵᠤᠤ ᠳᠡᠭᠡᠷᠡ ᠢᠷᠡᠯᠡ ᠭᠡᠵᠦ᠂ ᠠᠬᠠ ᠳᠡᠭᠦᠦ ᠪᠢᠳᠡ ᠬᠤᠶᠠᠭᠤᠯᠠ | ᠠᠷᠪᠠᠨ ᠬᠡᠳᠦ ᠤᠳᠠᠭᠠ ᠵᠠᠯᠠᠪᠠ᠂ ᠭᠡᠰᠡᠨ ᠴᠦ ᠵᠠᠬᠢᠷᠤᠭᠴᠢ ᠵᠠᠯᠠᠷᠠᠵᠤ ᠬᠦᠷᠦᠭᠰᠡᠨ ᠦᠭᠡᠢ᠂ ᠪᠠᠶᠠᠳ ᠨᠤᠶᠠᠳ ᠤᠨ | ᠪᠠᠭᠤᠬᠤ ᠠᠴᠠ ᠪᠢᠰᠢ ᠪᠠᠳᠢᠷᠴᠢᠨ ᠤ ᠤᠲᠤᠭᠠᠨ ᠳᠤ ᠪᠠᠭᠤᠬᠤ ᠶᠤᠮ ᠤᠤ ᠳ᠋ᠠ︖ ᠨᠠᠷᠠ ᠪᠠᠷᠠᠭᠤᠨ ᠠᠴᠠ ᠭᠠᠷᠴᠤ᠂ | ᠵᠠᠬᠢᠷᠤᠭᠴᠢ ᠭᠤᠯᠤᠭᠰᠠᠨ ᠦᠭᠡᠢ ᠪᠠᠷ ᠮᠤᠷᠢᠯᠠᠨ ᠢᠷᠡᠭᠰᠡᠨ ᠲᠤᠯᠠ᠂ ᠶᠠᠭᠤ ᠭᠡᠵᠦ᠂ ᠴᠠᠢ ᠤᠤᠭᠤᠮᠠᠭᠴᠠ ᠶᠠᠪᠤᠬᠤ | ᠪᠤᠢ︖ ᠤᠷᠤᠭᠰᠢ ᠬᠠᠷᠠᠭᠰᠠᠨ ᠡᠭᠦᠳᠡ ᠲᠠᠢ᠂ ᠤᠲᠤᠭᠠ ᠭᠠᠷᠭᠠᠬᠤ ᠲᠤᠭᠤᠨᠤ ᠲᠠᠢ ᠲᠤᠯᠠ ᠪᠢ ᠪᠠᠰᠠ ᠱᠦᠯᠦ | ᠪᠠᠷᠢᠨᠠ︕ ᠵᠠ ᠵᠠᠬᠢᠷᠤᠭᠴᠢ ᠮᠢᠨᠢ︕ ᠬᠤᠷᠤᠳ ᠬᠠᠲᠠᠭᠤ ᠠᠴᠠ ᠪᠢᠰᠢ ᠭᠤᠯᠢᠷ ᠪᠠᠰᠠ ᠬᠠᠲᠠᠭᠤ ᠤᠤ ᠳ᠋ᠠ︖ | ᠡᠷᠡᠭᠡᠯᠡᠯ ᠦᠭᠡᠢ ᠪᠠᠷ ᠵᠤᠭᠤᠭᠯᠠᠭᠠᠷᠠᠢ︕ ᠪᠢ ᠰᠤᠩᠭᠤᠵᠤ ᠢᠳᠡᠪᠡᠯ ᠰᠤᠩᠭᠢᠨᠠ ᠠᠮᠲᠠᠲᠠᠢ᠂ ᠰᠤᠯᠢᠵᠤ ᠢᠳᠡᠪᠡᠯ | ᠮᠠᠩᠭᠢᠷ ᠠᠮᠲᠠᠲᠠᠢ ᠭᠡᠰᠡᠨ ᠠᠴᠠ ᠪᠢᠰᠢ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠴᠠᠭᠠᠰᠤᠨ ᠫᠤᠤᠵᠢᠩ᠂ ᠴᠠᠭᠠᠨ ᠮᠢᠬᠠᠨ ᠤ ᠬᠡᠢ | ᠫᠤᠤᠵᠢᠩ ᠲᠠᠯᠪᠢᠭᠤᠯᠤᠨ᠂ ᠵᠠᠬᠢᠷᠤᠭᠴᠢ ᠶᠢᠨ ᠨᠢᠭᠤᠷ ᠢ ᠪᠠᠷᠠᠬᠤ ᠭᠡᠵᠦ ᠪᠠᠶᠢᠬᠤ ᠪᠢᠰᠢ᠃ ᠪᠠᠳᠢᠷᠴᠢᠨ ᠪᠢ ᠶᠠᠳᠠᠭᠤ | ᠲᠤᠯᠠ ᠶᠠᠭᠤ ᠪᠠᠶᠢᠬᠤ ᠪᠤᠢ ᠳ᠋ᠠ᠂ ᠮᠢᠨᠤ ᠰᠠᠶᠢᠨ ᠤᠨᠤᠭᠠ ᠨᠢ ᠴᠠᠷᠠᠰᠤᠨ ᠲᠠᠶᠠᠭ᠂ ᠰᠠᠶᠢᠨ ᠬᠤᠭᠤᠯᠠ ᠨᠢ | ᠰᠠᠭᠠᠭ ᠤᠨ ᠭᠤᠯᠢᠷ ᠰᠢᠦ ᠳ᠋ᠠ᠃ | ᠴᠢᠨᠤ ᠡᠨᠡ ᠴᠢᠨᠢ ᠶᠡᠭᠡ ᠰᠠᠶᠢᠨ ᠶᠡᠭᠡ ᠰᠠᠶᠢᠨ︕ ᠴᠢᠮᠠ ᠳᠤ ᠠᠳᠠᠯᠢ ᠵᠡᠷᠭᠡ ᠵᠢᠩᠰᠡ ᠲᠠᠢ ᠪᠠᠶᠠᠨ ᠰᠠᠷᠳᠠᠸᠠᠬᠢ | ᠬᠦᠮᠦᠨ᠂ ᠸᠠᠭᠠᠷ ᠤᠨ ᠭᠡᠷ ᠪᠠᠷᠢᠭᠤᠯᠵᠤ ᠴᠢᠳᠠᠬᠤ ᠠᠴᠠ ᠪᠢᠰᠢ᠂ ᠨᠠᠳᠠ ᠳᠤ ᠠᠳᠠᠯᠢ ᠭᠤᠶᠢᠷᠠᠨᠴᠢ ᠬᠦᠮᠦᠨ ᠡᠭᠦᠨ ᠢ | ᠪᠠᠷᠢᠭᠤᠯᠬᠤ ᠪᠠᠶᠢᠲᠤᠭᠠᠢ ᠳᠤᠲᠤᠷᠠ ᠨᠢ ᠤᠷᠤᠵᠤ ᠪᠠᠰᠠ ᠴᠢᠳᠠᠬᠤ ᠦᠭᠡᠢ ᠰᠢᠦ᠃ ᠭᠡᠪᠡᠴᠦ᠂ ᠤᠯᠠᠨ ᠤ ᠬᠡᠯᠡᠯᠴᠡᠵᠦ | ᠪᠠᠶᠢᠬᠤ ᠨᠢ᠄ ᠠᠭᠤᠯᠠᠨ ᠤ ᠪᠢᠯᠵᠤᠤᠬᠠᠢ ᠬᠤᠷᠤᠳ ᠢᠳᠡᠬᠦ ᠳᠤᠷᠠᠲᠠᠢ᠂ ᠤᠬᠤᠨᠠ ᠶᠢᠨ ᠰᠠᠬᠠᠯ ᠲᠠᠢ ᠰᠡᠯᠡᠩᠭᠡ | ᠸᠠᠭᠠᠷ ᠤᠨ ᠭᠡᠷ ᠪᠠᠷᠢᠭᠤᠯᠬᠤ ᠳᠤᠷᠠᠲᠠᠢ ᠭᠡᠵᠡᠭᠡᠵᠦ ᠪᠠᠶᠢᠨᠠ᠃ ᠡᠨᠡ ᠴᠦ ᠪᠠᠰᠠ ᠶᠠᠭᠤ ᠪᠠᠶᠢᠬᠤ ᠪᠤᠢ᠂ ᠴᠤᠬᠤᠮ | ᠦᠨᠡᠨ ᠢ ᠬᠡᠯᠡᠪᠡᠯ᠂ ᠢᠳᠡᠬᠦ ᠳᠤ ᠰᠠᠶᠢᠬᠠᠨ᠂ ᠪᠠᠭᠠᠬᠤ ᠳᠤ ᠮᠠᠭᠤᠬᠠᠢ᠂ ᠪᠠᠷᠢᠬᠤ ᠳᠤ ᠰᠠᠶᠢᠬᠠᠨ ᠪᠠᠯᠠᠷᠠᠬᠤ ᠳᠤ | ᠮᠠᠭᠤᠬᠠᠢ ᠶᠤᠮ ᠰᠢᠦ᠂ ᠭᠡᠪᠡᠴᠦ ᠳ᠋ᠠ︕ ᠬᠦᠮᠦᠨ ᠤ ᠮᠠᠯ ᠬᠡᠭᠡᠯᠲᠦᠵᠦ ᠲᠦᠷᠦᠵᠦ ᠪᠠᠶᠢᠨᠠ᠂ ᠴᠢᠨᠤ ᠮᠠᠯ | ᠭᠤᠤ ᠠᠴᠠ ᠲᠦᠷᠦᠵᠦ ᠪᠠᠶᠢᠬᠤ ᠲᠤᠯᠠ ᠪᠤᠯᠤᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ︕ | ᠲᠡᠶᠢᠮᠦ ᠨᠠᠷᠭᠢᠶᠠᠨ ᠱᠤᠤᠭᠢᠶᠠᠨ ᠦᠭᠡᠢ ᠪᠤᠯᠪᠠᠴᠤ ᠤᠯᠠᠨ ᠴᠢᠮᠠᠶᠢ ᠡᠷᠳᠡᠮ ᠦᠭᠡᠢ ᠬᠦᠦ ᠪᠠᠨ ᠬᠤᠪᠢᠯᠭᠠᠨ ᠪᠤᠯᠭᠠᠵᠤ᠂ | ᠡᠷᠭᠢᠭᠦᠦ ᠮᠤᠩᠬᠠᠭ ᠬᠦᠦ ᠪᠠᠨ ᠨᠤᠶᠠᠨ ᠲᠠᠯᠪᠢᠵᠤ᠂ ᠡᠷᠡ ᠰᠡᠭᠰᠡᠯᠳᠡᠢ ᠦᠬᠢᠨ ᠢᠶᠠᠷ ᠢᠶᠠᠨ ᠭᠡᠷ ᠢᠶᠠᠨ ᠮᠡᠳᠡᠭᠦᠯᠵᠡᠢ | ᠭᠡᠵᠦ ᠬᠡᠯᠡᠯᠴᠡᠵᠦ ᠪᠠᠶᠢᠨᠠ᠃ ᠦᠩᠭᠡ ᠭᠠᠷᠬᠤ ᠴᠢᠨᠢ ᠥᠨᠥ ᠪᠤᠯᠪᠠᠴᠤ ᠦᠬᠦᠬᠦ ᠴᠢᠨᠢ ᠦᠨᠡᠰᠦᠨ ᠳᠡᠭᠡᠷᠡ ᠪᠠᠨ ᠭᠡᠵᠦ | ᠪᠠᠶᠢᠨᠠ᠃ | ᠪᠠᠳᠢᠷᠴᠢᠨ ᠤ ᠲᠦᠷᠦᠭᠦᠦ ᠪᠢ ᠪᠢᠰᠢ᠂ ᠪᠤᠷᠬᠠᠨ ᠪᠠᠭᠰᠢ ᠴᠢᠨᠢ ᠮᠦᠨ ᠶᠤᠮ᠃ ᠤᠭᠲᠠᠷᠭᠤᠢ ᠬᠦᠬᠡ᠂ ᠤᠯᠠᠨ ᠤ | ᠤᠷᠤᠢ ᠳᠡᠭᠡᠷᠡ ᠪᠠᠶᠢᠨᠠ᠃ ᠴᠢ ᠪᠠᠰᠠ ᠠᠪᠤᠭᠠᠳ ᠬᠠᠶᠠᠴᠢᠬᠠᠬᠤ ᠦᠭᠡᠢ ᠤᠤ︖ ᠲᠠᠨ ᠤ ᠰᠦᠮᠡ ᠴᠤᠶᠢᠷᠸᠠ | ᠷᠠᠰᠠᠩ ᠲᠠᠢ᠂ ᠲᠠᠨ ᠤ ᠯᠠᠮᠠ ᠨᠠᠷ ᠤᠨ ᠡᠷᠳᠡᠮ ᠲᠠᠢ ᠶᠢ ᠴᠢᠨᠢ ᠮᠡᠳᠡᠵᠦ ᠪᠠᠶᠢᠨᠠ᠃ ᠪᠢ ᠲᠠᠭᠠᠭᠠᠵᠤ ᠮᠡᠳᠡᠳᠡᠭ | ᠳᠠᠮᠵᠢᠳᠴᠢᠮᠪᠠ ᠴᠦ ᠪᠢᠰᠢ᠂ ᠲᠠᠮᠰᠢᠶᠠᠵᠤ ᠮᠡᠳᠡᠳᠡᠭ ᠲᠠᠷᠯᠠᠨ ᠪᠤᠬᠠ ᠴᠦ ᠪᠢᠰᠢ᠂ ᠲᠠᠨ ᠲᠠᠢ ᠬᠡᠯᠡᠯᠴᠡᠬᠦ ᠦᠭᠡᠢ |