| ᠡᠭᠡᠳᠡᠮᠡᠭ ᠭᠡᠳᠡᠭ ᠨᠢ ᠠᠷᠢᠬᠢ ᠨᠡᠷᠡᠵᠣ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠬᠠᠶᠢᠰᠦᠨ ᠤ ᠲᠣᠳᠣᠷᠠ ᠠᠮᠠᠰᠠᠷ᠂ ᠮᠣᠰᠣᠷ | ᠤᠨ ᠲᠣᠳᠣᠷᠠ ᠪᠠᠶᠠ᠂ ᠪᠦᠷᠭᠦᠭᠡᠰᠦᠨ ᠤ ᠲᠣᠳᠣᠷᠠ ᠪᠠᠶᠠ ᠳᠤ ᠨᠠᠭᠠᠯᠳᠣᠭᠰᠠᠨ ᠪᠣᠵᠠ ᠶᠢᠨ ᠴᠠᠭᠠᠨ ᠦᠩᠭᠡᠷ ᠢ | ᠬᠡᠯᠡᠳᠡᠭ᠃ ᠡᠭᠦᠨ ᠢ ᠬᠤᠰᠣᠵᠣ ᠠᠪᠣᠭᠠᠳ ᠡᠯᠡᠰᠦᠨ ᠰᠢᠬᠢᠷ ᠬᠤᠯᠢᠵᠣ ᠪᠠᠭᠠ ᠬᠦᠪᠡᠭᠦᠳ ᠲᠤ ᠦᠭᠳᠡᠭ ᠪᠣᠶᠣ | ᠡᠰᠡᠭᠡᠵᠣ ᠲᠡᠭᠡᠷᠡ ᠨᠢ ᠰᠦ ᠬᠢᠭᠡᠳ ᠵᠢᠭᠤᠷᠠᠵᠣ ᠣᠣᠭᠤᠪᠠᠯ ᠴᠡᠨᠡᠭ ᠦᠭᠡᠢ ᠰᠠᠶᠢᠬᠠᠨ ᠠᠮᠳᠠ ᠲᠠᠢ ᠪᠣᠯᠳᠠᠭ᠃ ᠮᠦᠨ | ᠬᠠᠳᠠᠭᠠᠵᠣ ᠲᠠᠯᠪᠢᠭᠠᠳ ᠬᠠᠳᠠᠭᠠᠯᠠᠵᠣ ᠢᠳᠡᠬᠦ ᠨᠢ ᠴᠦ ᠪᠠᠶᠢᠳᠠᠭ᠃ ᠵᠠᠷᠢᠮ ᠨᠣᠳᠤᠭ ᠲᠤ ᠡᠭᠦᠨ ᠢ ︽ᠡᠭᠡᠷᠡᠮᠡᠭ︾ | ᠭᠡᠵᠣ ᠬᠡᠯᠡᠳᠡᠭ ᠪᠠ ᠪᠤᠴᠠᠯᠭᠠᠭᠰᠠᠨ ᠪᠣᠵᠠ ᠲᠡᠭᠡᠷᠡ ᠬᠦᠢᠳᠡᠨ ᠰᠦ ᠬᠢᠭᠰᠡᠨ ᠢᠳᠡᠭᠡᠨ ᠢ ᠪᠠᠨ ︽ᠡᠭᠡᠳᠡᠮᠡᠭ︾ ᠭᠡᠵᠣ | ᠬᠡᠯᠡᠳᠡᠭ ᠪᠠᠶᠢᠨᠠ᠃ | ᠬᠤᠭᠤᠷᠮᠠᠭ ᠬᠡᠬᠦ ᠢᠳᠡᠭᠡᠨ ᠢ ᠵᠡᠷᠢᠮ ᠨᠣᠳᠤᠭ ᠤᠨ ᠬᠦᠮᠦᠰ ᠪᠣᠵᠠ ᠲᠡᠭᠡᠷᠡ ᠰᠦ ᠬᠢᠵᠣ ᠵᠢᠭᠤᠷᠠᠭᠠᠳ ᠬᠢᠳᠡᠭ | ᠪᠠᠶᠢᠬᠤ ᠳᠤ᠂ ᠵᠠᠷᠢᠮ ᠨᠣᠳᠤᠭ ᠲᠤ ᠪᠣᠯᠪᠠᠯ ᠬᠤᠭᠤᠷᠮᠠᠭ ᠢᠶᠠᠨ ᠲᠣᠰ ᠪᠦᠷᠢ ︽ᠢᠵᠡᠷᠡᠮᠡᠭ ᠬᠤᠭᠤᠷᠮᠠᠭ︾ ᠪᠠ ︽ | ᠲᠣᠷᠭᠠᠨ ᠬᠤᠭᠤᠷᠮᠠᠭ︾ ᠭᠡᠵᠣ ᠬᠤᠶᠠᠷ ᠵᠦᠢᠯ ᠢᠶᠠᠷ ᠢᠯᠭᠠᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠠᠭᠠᠳᠠᠮᠠᠭ | ᠲᠡᠭᠡᠷᠡ ᠰᠦ ᠬᠢᠵᠣ ᠣᠣᠭᠤᠬᠤ ᠬᠤᠭᠤᠷᠮᠠᠭ ᠢᠶᠠᠨ ︽ᠢᠵᠡᠷᠡᠮᠡᠭ ᠬᠤᠭᠤᠷᠮᠠᠭ︾ ᠭᠡᠵᠣ᠂ ᠪᠣᠵᠠ ᠲᠡᠭᠡᠷᠡ ᠠᠶᠢᠷᠠᠭ | ᠪᠣᠶᠣ ᠰᠦ ᠬᠢᠵᠣ ᠵᠢᠭᠤᠷᠠᠭᠰᠠᠨ ᠬᠤᠭᠤᠷᠮᠠᠭ ᠢᠶᠠᠨ ︽ᠲᠣᠷᠭᠠᠨ ᠬᠤᠭᠤᠷᠮᠠᠭ︾ ᠭᠡᠵᠣ ᠬᠡᠯᠡᠳᠡᠭ ᠪᠠᠶᠢᠨᠠ᠃ ᠵᠠᠷᠢᠮ | ᠨᠣᠳᠤᠭ ᠲᠤ ᠠᠭᠠᠳᠠᠮᠠᠭ ᠲᠡᠭᠡᠷᠡ ᠰᠦ ᠬᠢᠵᠣ ᠪᠣᠴᠠᠯᠭᠠᠭᠠᠳ ᠬᠤᠭᠤᠷᠮᠠᠭ ᠬᠢᠳᠡᠭ ᠪᠠ ᠡᠶᠢᠮᠦ ᠬᠤᠭᠤᠷᠮᠠᠭ ᠬᠢᠵᠣ | ᠣᠣᠭᠤᠬᠤ ᠦᠢᠯᠡ ᠪᠠᠨ ︽ᠠᠭᠠᠳᠠᠮᠠᠭ ᠪᠣᠴᠠᠯᠭᠠᠵᠣ ᠣᠣᠭᠤᠬᠤ︾ ᠭᠡᠵᠣ ᠨᠡᠷᠡᠯᠡᠳᠡᠭ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ | ᠦᠵᠡᠪᠡᠯ᠂ ᠠᠯᠢ ᠨᠣᠳᠤᠭ ᠲᠤ ᠪᠣᠯᠣᠭᠰᠠᠨ ᠴᠦ ᠬᠤᠭᠤᠷᠮᠠᠭ ᠢ ᠠᠭᠠᠳᠠᠮᠠᠭ᠂ ᠰᠦ᠂ ᠠᠶᠢᠷᠠᠭ ᠭᠤᠷᠪᠠ ᠪᠠᠷ ᠡᠬᠢ | ᠬᠡᠷᠡᠭᠯᠡᠭᠳᠡᠭᠦᠨ ᠪᠣᠯᠭᠠᠵᠣ ᠬᠢᠳᠡᠭ ᠲᠡᠯᠡ ᠪᠠᠷ ᠠᠳᠠᠯᠢ ᠪᠦᠭᠡᠳ ᠲᠡᠭᠦᠨ ᠢ ᠬᠢᠬᠦ ᠶᠠᠪᠣᠴᠠ ᠪᠠ ᠠᠷᠭᠠ ᠨᠢ ᠬᠠᠷᠢᠨ | ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠡᠨᠡ ᠬᠦ ᠦᠭᠡ ᠶᠢ ︽ᠣᠶᠢᠷᠡᠳ ᠨᠣᠳᠤᠭ ᠤᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ | ᠬᠤᠷᠢᠶᠠᠩᠭᠤᠢ︾ ᠭᠡᠬᠦ ᠲᠣᠯᠢ ᠳᠤ ︽ᠬᠤᠭᠤᠷᠮᠠᠭ︾ ᠭᠡᠵᠣ ᠪᠢᠴᠢᠭᠡᠳ ︽ᠬᠠᠯᠠᠭᠤᠨ ᠪᠣᠵᠠ ᠴᠠᠭᠠ ᠪᠣᠯᠣᠨ | ᠬᠦᠢᠳᠡᠨ ᠰᠦ ᠬᠤᠶᠠᠷ ᠢ ᠬᠤᠯᠢᠵᠣ ᠡᠭᠡᠳᠡᠷᠡᠭᠦᠯᠦᠭᠰᠡᠨ ᠴᠠᠭᠠᠨ ᠢᠳᠡᠭᠡ︾ ᠭᠡᠵᠣ ᠲᠠᠶᠢᠪᠦᠷᠢᠯᠠᠭᠰᠠᠨ ᠪᠠᠶᠢᠨᠠ᠃ | ᠮᠦᠨ ︽ᠣᠶᠢᠷᠠᠳ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠲᠣᠯᠢ︾ ᠳᠤ ᠠᠳᠠᠯᠢᠬᠠᠨ ︽ᠬᠤᠭᠤᠷᠮᠠᠭ︾ ᠭᠡᠵᠣ ᠪᠢᠴᠢᠭᠡᠳ ︽ | ᠡᠭᠡᠷᠮᠡᠭ︾ ᠭᠡᠵᠣ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |