| | ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠰᠠᠷᠠᠨ ᠤ ᠭᠡᠷᠡᠯ ᠳᠤ | ᠠᠮᠠᠷᠠᠭᠯᠠᠵᠤ ᠬᠤᠨᠤᠭᠠᠳ ᠱᠠᠯᠳᠠᠩᠨᠠᠵᠤ ᠨᠢᠯᠬᠠᠷᠠᠭᠰᠠᠨ | ᠰᠠᠷᠭᠠᠢ ᠥᠵᠡᠰᠭᠦᠯᠡᠩ ᠪᠥᠰᠡᠭᠦᠢ ᠮᠡᠳᠤ | ᠭᠠᠭᠴᠠ ᠴᠠᠭᠠᠨ ᠮᠠᠩᠬᠠ | ᠠᠷᠭᠠᠯ ᠤᠨ ᠥᠨᠡᠰᠤᠨ ᠲᠡᠭᠡᠷᠡ | ᠢᠵᠢᠯᠢ ᠪᠠᠨ ᠥᠭᠡᠶᠢᠯᠡᠵᠥ ᠨᠠᠷᠠ ᠭᠤᠯᠭᠢᠵᠥ ᠵᠡᠭᠦᠷᠮᠡᠭᠯᠡᠭᠰᠡᠨ | ᠤᠨᠤᠭᠠᠨ ᠤ ᠭᠥᠭᠰᠢᠨ ᠠᠳᠠ ᠮᠡᠳᠤ | ᠭᠠᠩᠭᠠᠷ ᠴᠠᠭᠠᠨ ᠮᠠᠩᠬᠠ | ᠰᠠᠨᠠᠭᠠ ᠪᠠᠷ ᠤᠨᠠᠭᠰᠠᠨ ᠮᠡᠳᠤ | ᠰᠠᠭᠠᠷᠠᠯ ᠡᠩᠭᠡᠷ ᠠᠴᠠ ᠪᠠᠨ ᠨᠤᠷᠠᠨ ᠮᠡᠭᠰᠢᠵᠥ | ᠰᠠᠪᠠᠭᠠ ᠥᠭᠡᠶᠢᠳᠡᠭᠰᠡᠨ ᠮᠡᠳᠤ | ᠰᠠᠯᠭᠢ ᠪᠠᠷ ᠥᠪᠡᠷ ᠢ ᠪᠠᠨ ᠰᠡᠳᠡᠷᠡᠳᠡᠯᠡ ᠭᠢᠷᠥᠭᠡᠳᠡᠭᠦᠯᠵᠥ | ᠲᠡᠭᠷᠢ ᠬᠤᠶᠢᠰᠠᠭᠠᠨᠠᠬᠤ ᠳᠤ ᠨᠡᠭᠦᠳᠡᠯ ᠢᠶᠠᠷ ᠮᠠᠨᠠᠯᠵᠠᠵᠤ | ᠲᠡᠮᠡᠭᠡ ᠲᠤᠶᠢᠯᠬᠤ ᠳᠤ ᠲᠤᠷᠭᠠ ᠪᠠᠷ ᠢᠨᠢᠶᠡᠭᠰᠡᠨ | ᠲᠡᠷᠭᠡ ᠴᠢᠷᠠᠯᠠᠬᠤ ᠳᠤ ᠰᠢᠷᠬᠠ ᠪᠠᠷ ᠬᠠᠭᠵᠠᠷᠠᠵᠤ | ᠲᠡᠷᠯᠢᠭ ᠡᠰᠭᠡᠭᠦ ᠳᠤ ᠵᠢᠪᠠᠷ ᠢᠶᠠᠷ ᠮᠢᠯᠢᠶᠠᠭᠰᠠᠨ | ᠭᠠᠯ ᠰᠢᠷᠭᠠᠯ ᠠᠶᠠᠰᠬᠤᠯᠠᠩ | ᠭᠠᠭᠴᠠ ᠴᠠᠭᠠᠨ ᠮᠠᠩᠬᠠ | ᠭᠠᠵᠠᠷ ᠤᠨ ᠲᠤᠷᠳᠤᠩ ᠬᠠᠪᠤᠳᠠᠷ | ᠭᠠᠯᠠᠪ ᠤᠨ ᠭᠡᠭᠡᠨ ᠭᠠᠭᠴᠠᠭᠠᠷᠳᠠᠯ | ᠲᠤᠷᠤᠨᠠ ᠵᠥᠭ ᠤᠨ ᠨᠠᠷᠠ ᠤᠷᠤᠭᠤ | ᠰᠢᠳᠠᠷᠠ ᠶᠢᠨ ᠭᠥᠯᠭᠡ ᠮᠡᠳᠤ ᠰᠢᠯᠢᠷᠡᠭᠦᠢ | ᠲᠤᠮᠤᠭᠳᠤ ᠵᠢᠷᠠᠨ ᠤ ︽ᠪᠥᠯᠢ︾ ᠠᠴᠠ | ᠭᠥᠶᠤᠭᠦᠯ ᠮᠤᠷᠢ ᠮᠡᠳᠤ ᠲᠠᠰᠤᠷᠠᠬᠤᠢ | ᠲᠠᠩᠬᠠᠢ ᠮᠡᠳᠤ ᠰᠠᠯᠭᠢ | ᠲᠠᠩᠨᠠᠢ ᠭᠡ ᠶᠢ ᠨᠢ ᠵᠢᠭᠢᠵᠤ ᠲᠠᠩᠭᠤᠷᠠᠨᠠ | ᠲᠠᠮᠠᠭᠠ ᠮᠡᠳᠤ ᠰᠢᠷᠭᠡᠭ ᠨᠢ | ᠲᠠᠯᠠ ᠶᠢᠨ ᠢᠵᠠᠭᠤᠷᠳᠠᠨ ᠤ ᠠᠨᠢᠰᠬᠠᠨ ᠳᠤ ᠡᠷᠭᠡᠯᠡᠨᠡ | ᠪᠤᠷᠠᠨᠳᠠᠭ ᠤᠨ ᠲᠠᠰᠤᠷᠬᠠᠢ ᠮᠡᠳᠤ | ᠭᠤᠪᠢ ᠶᠢᠨ ᠬᠠᠭᠤᠷᠠᠢ ᠨᠢᠯᠪᠤᠰᠤ | ᠪᠤᠤᠷᠠ ᠶᠢᠨ ᠵᠤᠭᠳᠤᠷ ᠮᠡᠳᠤ | ᠭᠤᠤᠯ ᠳᠠᠭᠠᠨ ᠭᠠᠯ ᠲᠠᠢ ᠮᠠᠨᠠᠭᠠᠰᠤ | ᠭᠠᠭᠴᠠ ᠴᠠᠭᠠᠨ ᠮᠠᠩᠬᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |